رواية أحببت القاسم كامله بقلم ملك اسامه
تعريف شخصيات+البارت الأول والثاني
بقلم ملك اسامه
عشق محمد: ٢٣ سنه بنت متوسطه الطول عيونها عسلى و محجبه مامتها و باباها آلله يرحمهم بتحب الرسم جدا متخرجه من كلية إدارة أعمال
فرح إبراهيم: صاحبت عشق الوحيده و جارتها فى نفس سن عشق متخرجه من كليه تجارة بنت فرفوشه و قصيره و بتحب عشق زى أختها
قاسم المنشاوى: رجل أعمال ٢٩ سنه ملامحه حاده شخصيته قوية عمره ما حب الستات و دايما شايفهم سلعه رخيصة بتتباع اللى يشترى أغلى عيونه بنى زى الصقر بالضبط معندهوش غير صاحب واحد بس و أخت واحده برضو مامته و باباه الله يرحمهم و هو المسؤول عن أخته
فهد الجارحى: ٢٩ سنه شاب فرفوش ملامحه طيب لكنه عصبى جدآ يبقى صاحب قاسم عيونه خضره وراثها من مامته بيحب قاسم زى أخوه بالضبط
حور المنشاوى: اخت قاسم بنت فرفوشه جدا وطيبه عيونها سوده محجبه بتحب أخوها جدا و معتبراه باباها بالضبط
بابا فهد أمير الجارحي: راجل بشوش بيحب قاسم و حور زى ولاده بالضبط ٥٥سنه
#للكاتبة ملك أسامه
............
البارت الأول من أحببت القاسم
فرح: يا عشق يا عشق افتحى الزفت ده بقى
عشق: يوووه بقى يا بنتى نعم
فرح: نعم الله عليكى كل ده نوم يا زفتهه
عشق: عايزة إيه يعنى
فرح: أمى عامله أكل إيه إنما عنب ننزل نأكل بقى علشان الساعة ٤ ولا لسه فى عند حضرتك نوم تانى
عشق: هههه لا مفيش هغسل وشى و الف الطرحه و جيالك
فرح: يا مسهل
عشق خلصت و نزلوا هى و فرح عند مامت فرح يأكلوا
بعد الأكل عشق و فرح فى اوضه فرح
عشق:أنا قررت أشتغل
فرح:ليه
عشق:ليه إيه أنتِ عاجبك القاعده دى و بصرف من معاش بابا و مش بيكفى
فرح:بس
عشق:من غير بس
فرح:خلاص نبدأ ندور على شغل
عشق:نبدأ!؟
فرح:أه نبدأ ما أنا معاكى حتى لو هشتغل فى حته تانيه بس هبقى معاكى فى الرايحه و الجايه موافقة
عشق:موافقة يا فرح
مرت الأيام و فرح و عشق بيدوروا على شغل و فى يوم
فرح:عشاااااق يا عشااااق ردااااى يا بت
عشق:مالك يا موكوسه يا بنت الهبلة
فرح:تشكرى الهبلة واقفة جمبى اهى
عشق:لا يا طنط بجيب سيرتك بكل خير
فرح:أنتِ هتقوليلى المهم لاقيت شغل ليكى لاقيت
عشق:وربناا
فرح:آه وربنا انزلى بسرعه
عشق:تمام
عشق نزلت و اتكلموا
فرح:ها إيه رايك
عشق:خايفة بيقولوا شركه القاسم صاحبها عصبى و قوى
فرح:و أنتِ عنيده و قويه يا عشق ها
عشق:طب و انتِ
فرح:لاقيت شغل فى بنك
عشق:خلاص اتصلى عليهم و مليهم بياناتى
فرح:تمام
فرح اتصلت و ملت البيانات علشان عشق تحضر الانترفيو لأن قاسم عايزة سكرتيره جديده
(يا قلب أمها رايحه على الجحيم برجلها😂
النهاردة يوم المقابله بتاعت الشغل عشق نازله من البيت و معاها فرح وصلوا فى الشارع اللى قبل الشركه بشوية و فجأة...
الفصل الثاني
فجأة
وقف قدام عشق و فرح شابين
الشاب الأول: إيه يا قمرات ما تيجوا
عشق: نيجى فين يا حيوان أنت أبعد كده
الشاب الأول: لا كده لسانك يطول و هنزعل من بعض
عشق: ما تزعل ولا تتفلق يا روح أمك هو الواحد فاضيلك أبعد كده
الشاب التانى: لسانها طويل أوى و محتاج قطعه
الشاب التانى مسك عشق من ايديها و لفها ورا ضهرها
فرح: يا حيوااان سبها
الشاب الأول بيقرب من فرح و فجأة فى عربية وقفت قدامهم و نزل منها قاسم
قاسم: بتعملوا إيه مع البنات دول يا شوية عرر
الشاب الأول: إحنا عرر أنا هوريك مين العرر و حاول يضرب قاسم لكن مقدرش لأن قاسم صدله الضربات و وقعه فى الأرض و قعد يضرب فيه و كان قايم يضرب التانى بس التانى جرى
عشق: شكرا جدا لحضرتك
قاسم بغموض: العفو بس بعد كده متمشوش فى الشارع ده لوحدكوا علشان فى شباب من دول كتير
عشق: تمام انشاءالله بعد إذنك
عشق و فرح مشيوا و قاسم واقف باصص على عشق دخل عربيته و راح على شركته فرح و عشق وصلوا الشركه و فرح مشيت و عشق طلعت و ادت إسمها للسكرتير
عشق فى نفسها: ما هو عنده سكرتير أهو اوماال عايز سكرتيره ليه
قاسم دخل شركته و أول ما دخل اتفاجئ أن عشق موجوده
قاسم وقف قدام السكرتير و شاور على عشق: دخلى دى أول واحده
السكرتير: حاضر يا فندم
قاسم دخل و عشق دخلت وراه
قاسم:اتفضلى
عشق قعدت فى الكرسى اللى قدامه
قاسم:عرفينى بنفسك
عشق:عشق محمد ٢٣ سنه متخرجه من إداره أعمال
قاسم:اممم مكتوب فى ملفك إنك مشتغلتيش قبل كده ولا عندك خبره
عشق:آه فعلا مشتغلتش لأن بابا الله يرحمه كان بيخاف عليا و بعد ما مات فضلت عايشة على المعاش لحد ما قررت أشتغل و بالنسبه للخبره أنا أقدر أشتغل من غير خبره و كده متأكده إنى هبقى قد الشغل اللى حضرتك تكلفنى بيه طبعا
قاسم:تمام واضح من شخصيتك إنك عملية و واثقة فى نفسك جامد
عشق:أكيد طبعا لازم أثق فى نفسى مادام متأكده إنى هعرف أعمل الحاجه دى
قاسم:تمام اتفضلى و هنتصل بيكى
عشق:تمام بعد إذن حضرتك
قاسم:اتفضلى
عشق خرجت بعد ما خرجت قاسم طلب من السكرتير ميدخلش حد تانى هو خلاص هيوافق على عشق
عشق روحت و حكت لفرح كل حاجه و إنه هو هو الشاب اللى قابلوه الصبح خلصوا كلام و عشق طلعت بيتها تستريح شوية غيرت هدومها و فتحت موبايلها و كان فى حد بعتلها رساله فتحت الرسالة و لاقتها من رقم مجهول و كان مضمونها
خدى بالك من نفسك يا بنت عائشة و لاقت الرقم عملها بلوك بعد كده
أستغربت أنه مين اللى عارف إسم مامتها و بيهددها بس طنشت و قفلت الموبايل و دخلت نامت
عند قاسم كان بيكلم فهد وحكاله على عشق و استغرب أنه اتشدلها كده بعد كده قفل و فتح ملفها و اخد رقمها علشان يتصل عليها
عشق صحيت و فتحت موبايلها لقت رقم غريب بيتصل عليها
عشق:الو
قاسم:الو آنسه عشق معايا
عشق:أيوة مين معايا
قاسم:قاسم المنشاوى معاكى
عشق:آه أهلا بحضرتك
قاسم:بتصل علشان أقولك ممكن تبدأى شغل من بكره لو عاوزة
عشق:وربناا آه آه طبعا عاوزة
قاسم:تمام هستناكى بكره انشاءالله
عشق:تمام انشاءالله
قفلت و اتصلت على فرح تقولها
عشق:وافقوا عليا يا فرح وافقوا
فرح:لولىىى مبروك
عشق:و أنتِ آيه
فرح:مش عارفة قالوا لسه
عشق:انشاءالله يوافقوا
فرح:يارب
عشق:يلا هروح أجهز هدوم بكره و انزلك
فرح:تمام
عشق جهزت هدومها و نزلت عند فرح و كانت الصدمة