رواية نور الجاسم الفصل السابع7والثامن8 بقلم نيللي ياسر
بقلم: نيللي ياسر.
.....
جاسم: نور...نور انتي يا اوزعه.
نور بنوم: امممم.. صباح الخير.
جاسم وهو بيلبس الساعه: صباح النور ...
نور: أي ده انت رايح فين.
جاسم: هروح المطار علشان اجيب شادي.
نور: طب انا وملك هنيجي معاك.
جاسم: لو حابه تيجي تعالي.. اصلا الشغاله جايه النهارده تنضف الڤيلا.. اكيد مش هتحبي الكركبه وكده.
نور بضحك: ااااكيد.
جاسم: هه..طب قومي البسي انتي وملك.
نور: حاضر.
" نور بتفتح الباب بس جاسم مسكها من وسطها وباسها من خدها وفتح ليها الباب علشان تخرج وهي جريت"
جاسم: ههههه...خدي يا اوزعه ( بصوت عالي).
....
" نور وقفت قدام باب ملك وبتخبط جامد وهي مخضوضه"
ملك: في اي...يا رتني كنت كملت نوم في الصاله..
نور: الحقيني يا ملك.
ملك: اي ده مالك مخضوصه و وشك احمر لايه كده.
نور: ا..اخوكي باسني...
ملك: ههههه..طب ادخلي.. أدخلي.
..
ملك: يا هبله ده جوزك..
نور: انا خوفت اوي وحسيت أن أعصابي سابت.
ملك: معلشي..هو بس منحرف شويه..هههه.
نور: نينينينينينيني..طب قومي البسي بقي.
ملك: ايه ده رايحين فين.
نور: هنروح المطار علشان..اسمه ايه..اه شادي.
ملك: لا..انا مش .. مش هروح روحو انتو.
نور: لايه يا ملك ده حتي جاسم بيقول أنه زي اخوكي.
ملك بصوت عالي: مش اخويااا..مش اخويااا.
نور: طب أهدي يا ملك.
" ملك حست انها هتعيط خدت هدوم وكانت هتطلع من الاوضه بس نور وقفتها"
نور: ملك!!.
ملك:( بصت ليها).
نور: انا معرفش ايه اللي حصل بينك وبين شادي بس كل اللي اعرفه انك لازم تواجهي الماضي..وبنفسك.
ملك: انا هروح اغير في الحمام..
" ملك لبست سلوبت ابيض قماش ونضاره سوده ورفعت شعرها ديل حصان مموج..ونور لبست هاي كول جملي غامق وبنطلون قماش ابيض وشعرها المموج فردته علي ضهرها
وجاسم لبس بنطلون اسود و تيشرت أبيض وچاكت جلد اسود وركبو كلهم العربية "
ملك بتوتر: هو..احنا قدمنا كتير.
جاسم: لا احنا قربنا.
ملك: هو شادي هيرجع يقعد معانا تاني؟!.
جاسم: اكيد لا.
ملك بأرتياح: طب كويس.
جاسم: بس هيقعد معانا طول النهار ويروح علي النوم.
ملك: احم..طيب.
نور: جا..جاسم..ممكن..ااه..
ملك بخضه: نور انتي كويسه؟!.
جاسم: انتي من امبارح شكلك تعبانه.
نور بتعب:لما بتوتر بطني بتوجعني اوي كده.
جاسم:طب هو حد جه جنبك دلوقتي.
ملك بخبث: يمكن حد قرب منها ولا حاجه في البيت سامعني يا ابو احمد يا لمنحرف..
جاسم: اه..احم..طب يلا انزلو.
" نزلو كلهم وفضلو مستنين شادي لغايه لما خرج شاب طويل وعنده عضلات زي جاسم بالظبط وبشرته بيضه وعنيه رمادي وشعره مش طويل اوي ولابس بنطلون اسود وقميص أبيض وكوتشي أبيض.
جاسم: شاادي!!!
" شادي بيقرب علشان يحضنه ولاكن جاسم ضربه بوكس جامد جدا والبنات اتخضت"
جاسم: بقي يا ابن ال*** تسافر تلات سنين من غير ما ترجع مره تتطمن عليا.
شادي بيحضنه: اعذرني بس والله شغل.
جاسم: طب مش هتسلم ( بيبص لملك).
شادي: لا طبعاً..ازيك يا ملك( بيسلم بأيده)
ملك بخجل: الحمدلله.
جاسم: اول مره تسلم عليها كده..
ملك: عادي انا كبرت..ولو كان قرب مني كنت بعدته.
شادي وهو بيشدها لحضنه: كبرتي علي نفسك..
" ملك حست أنه بيحضنها بغل..مش ده الحضن اللي بتترمي فيه اللي بتحس أنه زي حضن أخوها..بعدت عنه واتكسفت جدا وجاسم ماخدش باله"
جاسم: سلم علي مراتي.
شادي: اوووبا انت اتجوزت.
جاسم: اه..تعالي يا نور.
نور بتسلم:.حمد الله على السلامه.
شادي: الله يسلمك يا نور..انتو اتجوزتو امته؟!.
جاسم: من حوالي يومين.
شادي: بتهزر..طب ما أنا كنت جي..
جاسم: لا ده الموضوع كبير لما نروح هحكيلك.
شادي: ماشي يلا.
ملك: انا..مش هروح البيت.
شادي بغضب: لايه؟!.
" ملك شدت ايد نور بخوف"
ملك: هروح اجيب لبس لنور.
جاسم: طيب تعالى اوصلكم.
ملك: لا انا أتصلت بالسواق وهو جي..
شادي: جاسم قال هيوصلكم..خلصت.
ملك: خلاص مش رايحه في حته..يلا يا نور ( بعصبية).
جاسم: يلا يا شادي.
" ركبو العربيه و هما ماشين فجأة طلع عربيه قفلت عليهم الطريق ونزل منها رجاله كتير و واحد قرب من العربيه وفتح باب نور بقوه"
الشاب بغضب: انت خدت مني مراااااتي..تعالي يا نور
نور بخوف: انت..مين الحقني يا جااااااسر.
جاسر بغضب وهو بينزل:****.
بقلم نيللي ياسر.
....
جاسم وهو بينزل من العربيه: لا ده انت كده متعرفش مين هو جاسم عبدالله ومتعرفش بيعمل ايه في اللي يجي جمب حاجه بتاعتي ( ونزل فيه ضرب والرجاله اللي معاه كانو هيضربوه بس شادي بدأ يضرب فيهم لغايه لما تقريباً كله أغمي عليه وركبو العربيه).
نور ببكاء: اك.. أكيد بابا اللي عمل كده..
جاسم: لا يا نور..ابوكي أضعف من أنه يعمل كده.
ملك: خلاص يا نور بطلي عياط.
شادي: أنا عايز افهم أبوها هيعمل كده لايه؟!.
جاسم: لما نروح..
"ملك كانت طول الطريق بتبص لشادي..بس هو مش واخد باله ولابس الهندفري وبيبص من الشباك وهي بصت للشباك وبدأت تفتكر حاجات من الماضي.. "
« فلاش بااك من 3سنين».
" شادي واقف قدام مدرسه انترناشيونال ومتوتر شويه وملك خرجت وهي فرحانه وحضنته"
ملك: اعااااا.. نجحت يا شادي نجحت.
شادي: مبروك يا روح قلبي وعقبال الجامعة يا رب.
ملك بحب: يا رررب بقي..
شادي: هههه..يا عم المستعجل انت.
ملك: أخيراً هخلص من إعدادي دي.
شادي: طيب بنوتي الحلوه عايزه آيس كريم..
ملك: بس متقولش بنوتي...وهاتلي شوكولاته..
شادي: هههه..ماشي يا ستي هروح اجيب خليكي هنا.
ملك: ماشي متتأخرش.
" ملك واقفه جمب المدرسه وجيه جمبها شابين"
ملك: اي ده ما توسع يا اض انت وهو ناقصه تلزيق.
شاب1: انا عن نفسي بموت في التلزيق..
شاب 2: لا ومع واحده زيك بطل كده.
" ملك كانت هتمشي بس واحد مسك اديها ولسه هتشدها منهم شادي جي وضربهم وكان متعصب أوي"
ملك: شادي أنا...
شادي بعصبية: اسكتي دلوقتي يا ملك..
ملك: طب انت زعلان مني؟!.
شادي: لا انا مضايق من العيال دول إزاي واحد يمسك ايدك كده اااازاي.
ملك: هههه.
شادي بغضب: انتي بتضحكي لايه دلوقتي.
ملك: اصل...ههههه..اصل الايس كريم واقع علي هدومك وشكلك يضحك أوي.
" شادي بس علي الهدوم وضحك"
« بااك».
" فاقت من شرودها علي صوت شادي"
شادي ببرود: انزلي.
ملك: هو فين جاسم ونور؟!.
شادي: نور نامت وشادي شالها وطلع بيها وقالي أقفل العربيه واطلع وراهم وأنتي سرحانه ومش حاسه بحد ممكن أعرف بقي سرحانه في مين؟!( بيتكلم بعصبيه).
ملك ببرود: لا مش ممكن..
شادي بغضب: ملك همد أيدي عليكي.
ملك بصوت عالي: يبقي اتجننت..وانا مش ملك بتاعت زمان اللي كسرتها لمجرد انها...
شادي بغضب: مش عايز اتكلم في الموضوع ده..اخرسي بقي.
" ملك نزلت بسرعه والدموع في عينيها وطلعت اوضتها وشادي دخل الڤيلا وقعد يتكلم مع جاسم وحكاله كل حاجه وقرر أنه يطلع يشوف ملك"
شادي: تك..تك.
ملك بصوت باكي: ا.. أدخل.
شادي: انتي نسيتي النضاره بتاعتك في العربيه.
" ملك دموعها بتنزل وبس"
شادي بغضب: انتي بتعيطي لايه.
" ملك عيطت اكتر وهو قفل الباب ونزل نام في الاوضه بتاعته وده كان طلب جاسم"
....
" جاسم طلع ينام شويه بس مش عارف ينام"
...
" عند نور نايمه وحست أن حد في حد شايلها فتحت عنيها ولسه هتصرخ حط أيده علي بوقها"
: اهدي يا مراتي...