👑عيلة العطارين 👑
👑 الفصل الثاني عشر👑
بقلم منة وائل
الممرضه :الدكتور عاوزك برا يا ست جليله
جليله :عاوزني انا؟، خير يارب
الممرضه :خير ان شاء الله اتفضلي
اسرار:ااااه ادتهالي في القضيه بنت الحرام وربي ماهسيبهم
دب دب
أسرار:ادخلي يااما
عمار بابتسامه جذابه لا تليق الا به :انا مش ماما يااسرار انا عمار
أسرار بصدمه :عمار، ااا... انت جاي ليه َوعاوز اي؟
عمار وهو يقترب منها :وحشتني، وحشتني اوي
أسرار وهي تنظر للناحيه الاخري:انا معرفكش وأفضل اخرج برا
عمار وهو يمسك يديها :بس انا اعرفك واعرفك كويس اوي، انتي حبيبتي وكل حاجه ليا طب اقولك حاجه انا لسه صورتك معايا هو صحيح انا يمكن اكون نسيت حاجات كتير حصلت بينا بس انتي لا، بس انتي شكلك اتغير كدا ليه؟
أسرار وهي تبتلع ريقها بصعوبه :ها، اخرج برا بدل ما أفلق راسك نصين
عمار :أفلق؟ في بنت رقيقه تقول أفلق؟ انتي فعلا اتغيرتي اوي و اوي كمان
أسرار وهي تنفض يديه من يدها وتقول :ماقولتلك اخرج برا وإياك ايدك العسليه دي تيجي عندي تاني والا والمصحف هضربك بازازة الدوا دي على راسك اللي شبه البيضه دي
عمار بصدمه :انا؟ راسي انا شبه البيضه؟! بصي انا لد دلوقتي مش راضي اتصرف معاكي تصرف مش حلو عشان بحبك ها
أسرار وهي تنظر له بتقزز: حتى الكلمه طالعه من بوقك زفت، البوق دا مايقولش الكلمه دي البوق دا يتف بس
عمار :الله يقرفك انتي بقتي كدا ازاي؟ يا ساتر على العموم انا جاي اقولك تقبلي تتجوزيني؟
أسرار :وكتاب الله لولا انك ابن عمي وعامله حساب الدم انا كنت عملت معاك الجلاشه اطلع برا يالا
عمار :أمم الجلاشه واطلع برا يالا، طب يكون في علمك هتجوزك يا أسرار برضاكي او غصب عنك
حسين :بنتي الف س... اا انت بتعمل اي هنا؟
عمار وهو يقف :وحشتني اوي يا عمي
بقلمي منه وائل
*************************
في المستشفى عند ندى
يوسف :مين هو دا يا ندى اللي هددك؟
ندي بخوف :خالد... خالد هو اللي عمل كدا
يوسف :مين خالد دا وعمل كدا ليه انتي شوفتي بعينك؟
ندي بدموع :اه شوفته شوفته وهو ماسك السكينه وواقف جنبه وقالي... قالي لو قولتي لحد على اللي شوفتي هقتلك زيه، والله قالي كدا
يوسف :بس بس اهدي خلاص محدش هيقدر يقرب منك طول منا جنبك اهدي بقا
دب دب
ندى برعب وهي تمسك بيديه :عاااا دا اكيد هو
يوسف :هو اي بس يا ندى اي اللي هيجيبه هنا اهدي بقا، ادخل
هدي :ندى حبيبتي الف سلامه عليكي طمنيني عنك
هبه :اي اللي حصل بس فهمينا
احمد :صحيح اللي المشرف بيقوله دا؟
رامي :هي ندى فعلا قتلت اللي اسمه أنور دا زي ما البت بتقول
ندى بدموع :والله ماقتلت حد بت مين اللي بتقول؟
يوسف :اي بس انت وهو وهي اي هتعملوا فيها صحفيين، وبعدين تعالوا هنا انتوا مصدقين ان ندى تعمل كدا؟ دا العالم كله يعمل كدا الا هي دي بتخاف من الصورصار
هبه :طب هيكون مين يعني؟
يوسف :مش وقته الكلام دا انتوا مش جيتوا تطمنوا عليها بلاش بقا تتعبوا اعصابها
احمد وهو يهمس لرامي في اذنه :طب وكتاب الله اخوك وقع هو عمره دافع عن حد، دا امه نفسها عمره ما دافع عنها
رامي:طب اسكت بدل ما يسمعنا ونترمي جنب اختنا ندى هنا اسكت
بقلمي منه وائل
*************************
في منزل عمار
فرغلي :يعني ايه يا ولدي كيف تجول ان ابوك ما حلتهوش حاچه يعني ايه اجده ماهناخدش حجنا؟
حسام :والله ياعمي زي مابقولك كل اللي احنا فيه دا ملك مرات عمار
فرغلي :اني مهصدقش الكلام ديه، وفين هي مراته دي؟
حسام :ها، مسافره ، مسافره أسبانيا بقالها كام سنه هناك
فرغلي وهو يهب واقفا :طب يا ولدي اني هندل على البلد تاني وهرچع ماهو الموضوع ديه ما هيتسكتش عليه
حسام :ثانيه بس يا عمي كدا، هو بالنسبه للفلوس اللي انا كنت باخدها منكم دا اصلا كان ورث ابويا عندكم وحقه
فرغلي :حج ايييه، دك كسر حجك ابوك مالهوش حاچه عندينا، وبجولك اهو لو الفلوس ماوصلتشي اني هروح للجسم وهناك يچبولي حجي بمعرفتهم منيك، سلام عليكم
باكينام برعب :وبعدين يا حسام هتعمل اي؟
حسام بخوف:مش عارف يا أمي مش عارف مش قادر افكر والله
باكينام :كلم عمار خليه يتصرف
حسام :افهمي بقا يا ماما عمار مش ابنك ولا هو اخويا عشان يتحمل كل مشاكلنا افهمي بقا
باكينام :هو اه مش ابني بس انا اعتبرته ابني، من يوم ما ابوك جابه هنا وانا بعتبره ابني وعمره ما حسسنا ابدا اننا محتاجين حاجه حتى بعد اما ابوك مات، كلمه يا حسام هو اكتر واحد هيقف جنبنا دلوقتي ويقدر يقف قدام عمامك يلا
حسام:حاضر يا ماما حاضر
بقلمي منه وائل
*************************
في المستشفى عند عمار
حسين بغضب :انت اي اللي جابك هنا وليك عيني تيجي بعد اللي عملته دا وبعد السنين دي كلها؟
عمار :بقا دا استقبال تستقبلهولي برضو ياعمي هو انا ما وحشتكش
حسين وهو في محاوله لضربه :انت بتستفزني ياض انت، انت عاوز اي مننا تاني ماتغور من هنا بقا
جليله وهي تمسك حسين من يديه:يا حاج اهدي مش كدا يا حاج طب اسمعوا بس نعرف منه الله اهدي بقا
حسين :هيكون عاوز اي يعني جاي يقرفنا جاي يتريق على عيشتنا اللي مش عجباه
عمار :ها خلصت؟
حسين وهو يقترب منه بغضب :شوف الواد بجح ازاي، انت عاوز اي يا بارد؟
فتحيه بدموع ام اشتاقت إلى ولدها، ام تريد أن تحتضنه بكل حب وشوق ولهفه :عمااار ابنييي
عمار وهو يجري الي أحضان امه :اميي وحشتني اوي ياأمي
فتحيه بدموع :كدا كل الغيبه دي يابني حرام عليك انت لي سبتنا؟
عمار وهو يقلل يدها بلهفه:حقك عليا ياأمي، حقك عليا انا معرفش انا عملت كدا ليه انتوا وحشتوني اوي والله
أسرار :ولو هما وحشينك اوي كدا ما سألتش عليهم لي من وقت ما مشيت والا البليه لعبت معاك فقولت تيجي تروشن علينا وتعمل فيها بيه؟
وقف عمار ونظر لها وقال :لا يابنت عمي مش جاي اتروشن انا جيت لما عرفت اللي حصلك وقررت اني ارجعلكم، جيت لما تعبت من بعدي عنكم
جليله :هههه هي مش قصدها يابني ماانت عارف أسرار طول عمرها لسانها قطر
عمار :لا يا مرات عمي انا اول مره فعلا اشوف أسرار تانيه قدامي
حسين :يعني انت عاوز اي دلوقتي انا قولتلك لو خرجت منها ملكش رجوع تاني حتى وعاوز اي؟
فتحيه وهي تحاول تقبيل يد حسين :ابوس ايدك يا حاج ونبي انا مش هقدر اعيش من غيره تاني ورحمة اخوك يا حاج
جليله :اهدي يا فتحيه الحاج قلبه طيب اهدي بقا
عمار :انا عاوز بس اقعد معاك شويه انا وانت يمكن تفهمني
جليله وهي ترجوه وتضع يدها على قلبها
نظر لها حسين ثم قال :طيب اتفضل قدامي
أسرار :يتكلم معاه في أي يااما مش هو مشي عاوز اي مننا تاني
فتحيه :الله ما تهدي يا أسرار بقا وميبقاش قلبك اسود كدا
أسرار وهي تنظر لها بغضب وتقول في سرها :وهو لسه الأسود فتح عليه دا انا هخليه مرار طافح على دماغه
بقلمي منه وائل
*************************
في الفندق
مراد :زيزو زوز يا زوزززز
زين وقد انتبه إلى مراد :في أي يا مراد؟
مراد : في أي يا مراد...! دا انا بقالي ساعه بنادي اي قاعد كدا ليه اول مره تقعد لوحدك يعني
زين :معلش سرحان شويه
مراد :وسرحان في أي بقا بقا أن شاء الله؟
زين :الله في أي يا مراد وانا باجي اقولك انت سرحان في أي؟ وبعدين عاوز اي؟
مراد :يا حول الله يارب الواد حاله اتشقلب خالص، معالينا كنت جاي اقولك ان چيچي هنا في الفندق معانا وعرفت انك هنا وجايه تكلمك
زين باستغراب : چيچي! وهي عايزه اي دي؟
مراد :يعني انت مش عارف هي عايزه اي
زين :هو احنا مش هنخلص من الحوار دا هما يومين انبسطنا فيهم وخلاص هي عامله قلق ليه؟
مراد :انت عارف كويس ان چيچي بتحبك يا زين
زين :شششش تحبني دا اي، دي كلبة فلوس مش بتحبني انا بتحب فلوسي وانا مش هناولها اللي في بالها، ووسع كدا، هبه هبه
مراد :اااه هو الموضوع هبه بقا
هبه :زين اذيك
زين:انا تمم، ها عملتوا اي؟
هبه :والله يا زين ندي منهاره خالص وكل اللي على لسانها انا ماقتلتهوش ومستنين بيشوفوا الكاميرات ويارب يطلع فيها حاجه مفيده
زين :لا ماتقلقيش طلما كاميرات يبقا كل حاجه هتبان عشان الفنادق بتحط كاميرات بتبين قدام باب الغرف وان شاء الله الحقيقه هتبان
هبه :يارب
زين :بس انتي شكلك تعبان اوي اطلعي ريحي شويه عشان في ماتش بليل ولازم طبعا تتفرجي عليا
هبه :ماتش اي دا؟
زين:كوره
هبه بابتسامه :اه تمم خلاص ماشي اشوفك بليل سلام
زين بحب :سلام يا ملاك
بقلمي منه وائل
*************************
في غرفه هدى وهبه
هدى :الو اي يا رامي انت مش لسه سايبني من شويه؟
رامي:وانا بعرف اتكلم معاكي كلمتين على بعض واخوكي اللي لازق فينا ٢٤ ساعه دا
هدى :طب وهنعمل اي بس وبعدين انا خايفه يعرف حاجه دا ممكن يموتني
رامي :بعد الشر عليكي يا حبيبتي دا انا ادفنه مكانه قبل ما يعملها
هدى :رامي دا اخويا برضو الله
رامي :ياست وانتي شايفاني خلاص بجيب سيخ الشورما وشغال تقطيع فيه، وبعدين انا كنت بتصل بيكي اصلا عشان اقولك افتحي الباب
هدى :ليه؟
رامي :افتحي بس وانجزي يلا
هدى :حاضر
وعندما قامت هدى بفتح الباب وجدت رامي أمامها
هدى بصدمه ورعب :يانهارك اسود انت اي اللي جابك هنا انت اتجننت
رامي :اي يا حبيبتي في أي انا قولت هبه لسه ما طلعتش اجي اقعد معاكي شويه
هدى وهي تقوم بإخراجه :انت اتجننت يا رامي لو احمد او هبه شافوك هيحصل اي ولو ابيه يوسف رجع دلوقت هيبقا منظرنا اي امشي الله يخليك
وكادا رامي انا يتحدث وجد صوت يتحدث ورائه
:رامي..! انت بتعمل اي هنا؟
بقلمي منه وائل
*************************
في المستشفى عند ندي
ندي :هو انا هفضل هنا كتير؟
يوسف :لا نطمن بس عليكي وبعدين نشوف رئيس المباحث عمل اي وهنمشي
ندي :طيب
نظر لها يوسف ثم نزل الي مستواها وامسك ذقنها وقال :مش هاتقوليلي برضو مين اللي عمل فيكي كدا؟
نظرت له ندي والدموع في عينيها وقالت :هتعرف كل حاجه في وقتها بس انا مش عارفه هتصرف ازاي لما بطني تكبر؟
يوسف:ممكن تهدي هو مش انا قولتلك انا هتصرف
ندي :هتتصرف ازاي بس وهتعمل اي؟ملهاش حل.
يوسف :ملكيش دعوه انا هتصرف وليها حل
دب دب
يوسف :ادخل
رئيس المباحث :ها اخبارك اي دلوقتي؟
ندي وهي تمسك يد يوسف بتشبث وتقول :انا... انا كويسه بقت كويسه
رئيس المباحث :طب الحمدلله الف حمدالله على سلامتك، دلوقتي احنا فرينا الكاميرات واللي طلع في الكاميرا واحد كدا زميلهم معاكم هو اسمه خالد عبد الله منصور، بس هو الولد مامتش دا دخل في غيبوبه، بس احنا هندور على الواد دا وهنجيبه
يوسف :هو انا ممكن اشوف شكله؟
رئيس المباحث :اه ماشي مفيش مشكله هو انا كنت كدا كدا جاي أوريه لانسه ندي مش هو دا؟
نظرت ندي الي شاشة الهاتف ثم صرخت وقالت :عاااااااااااااا اه هو والله هو
يوسف وهو يحتضنها :بس اهدي خلاص اهدي، شكرا يا فندم تعبناك معانا
رئيس المباحث :لا مفيش اي حاجه انا اللي بتأسف علي معاملتي اللي كانت في الأول بس معلش دا شغلي
يوسف :ولا يهمك مفيش اي حاجه
رئيس المباحث :يلا انا همشي انا بقا الف سلامه عليكي
ندي بدموع :الله يسلمك
يوسف :ممكن اعرف بتعيطي ليه دلوقتي؟
ندي وهي تنظر له بخوف:هو دا يا يوسف اللي عمل فيا كدا هو دا خالد
بقلمي منه وائل
*************************
في المستشفى عند أسرار
جليله : يابنتي بقا حرام عليكي امه ونفسها ابنها يكون جنبها بللش دماغك دي بقا، وبعدين يابت مش ده عمار اللي كنتي هتموتي عليه؟
أسرار :نعم دا بقا انا هموت علي دا، دا لو اخر واحد في الدنيا مش هبصله ابن فتحيه دا
جليله وهي تضع يدها على فمها وتقول :شششش يابت اخرسي امه قاعده الله يخربيتك
أسرار :ماتقعد وانا اعملها اي ماهي اللي ماعرفتش تربى
جليله :ااااه ياني منك ارحمني ياوب من دي بت استغفر الله العظيم
**********في الخارج
حسين :ايوا يابني يعني انت عاوز اي بعد كل اللي حكيته. دا وأسرار بنتي دخلها اي في كل دا
عمار :انا هفهمك
وبعد ساعه
أسرار :انا مش فاهمه انا كل دا قاعد مع ابويا دا لو طالب عروسه مش هيقعدوا كل دا
جليله :ماتسكتي بقا يابت انتي مفيش فايده فيكي
سوميه :سبيها لما ابوها يجي وهو يسكتها
أسرار :خالتي انتي لسه حبيبتي ماتخلنيش اضمك للاعداء انا بقولك اهو
جليله :يابت اقطعي لسانك دا شويه اوففف
دب دب
حسين :اي يابنتي بقيتي احسن؟
أسرار :ايوا ياابا انا بخير، بس قولي صحيح هو باشا مصر كان عاوزك في أي؟
حسين وهو ينظر لعمار :كان.... كان عاوز
قطعه عمار قائلا :اي كنت بطلبك من عمي في حاجه؟
أسرار وقد اتسعت حدقت عينيها بذهول قائله :نعممممم