رواية 👑عيلة العطارين👑
👑الفصل السادس👑
بقلم منة وائل
سوميه :مش انتي معاكي مفتاح يا فتحيه؟
فتحيه :اه
هبه :خلاص افتحي بي يا خالتي
يوسف :وماما وهبه معاها
ندى بخوف :طب هنعمل اي دلوقتي هيقولوا لو شافونا مع بعض يالهوي
فتحيه :المفتاح معصلج كدا ليه، اهو فتح، يا ندى انتي فين يابنتي
هبه :تلاقيها في اوضتها
نظروا الي غرفة ندى وجدوا يوسف يخرج وينظر لهم
سوميه بدهشه:؟ انت بتعمل اي هنا يا يوسف؟!
يوسف:ولا حاجه يا ماما بس ندى تعبت شويه وجيت اوصلها فوقعت على السلم فاضطرت اني ادخلها بنفسي
هبه :ايوا يا ابيه بس حضرتك اتاخرت
يوسف بحزم :قولتلك انها كانت تعبانه فأكيد كنت بطمن عليها، عن اءذنكم
سوميه بشك :ماشي يا يوسف روح وانا جايه وراك
فتحيه بقلق:مالك يا حبيبتي فيكي اي بس
ندى بتصنع التعب وعيونها مليئه بالدموع :مفيش يا ماما شوية تعب بس وانا في الجامعه ماتقلقيش
فتحيه :لا احنا لازم نروح لدكتور مش هسكت على تعبك دا
ندى :مالوش لازمه يا ماما انا كويسه صدقني
سوميه :خلاص يا فتحيه سيبيها ترتاح الف سلامه عليكي يا حبيبتي
ندى :الله يسلمك يا خالتو
هبه :طيب يا جماعه انا هنزل بقا عشان ااقفل الدكان مش محتاجين حاجه؟
سوميه :لا يا حبيبتي عاوزين سلامتك، بس ما تتأخريش
هبه :حاضر
فتحيه : تعالي برا يا سوميه، ها قولي اللي شوفتي دا اي بقا ها؟
سوميه :مش عارفه يا فتحيه دا يوسف عمره مادخل بيتكم اصلا ولا عمره اتكلم مع ندى من ساعة ما كبر
فتحيه :ايوا منا عارفه بس تفسري بايه يجبها من الجامعه لهنا ويطلعها البيت هنا ويكونوا هما الاتنين سوا، انا لولا واثقه فيهم كنت فهمت حاجه تاني
سوميه :لا يا وليه انتي حاجه تاني اي بس ندى يوسف مش كدا ولادنا عمتا مش كدا، المهم هنعمل اي؟
فتحيه :زي ماقولتلك
سوميه :طيب، ربنا يستر بقا
بقلمي منه وائل
♥️♥️♥️♥️♥️♥️♥️♥️
في دكان الحاج وليد
صبرين:واد يا سعيد انت يا واد، يا زفت الطين
سعيد :ايوا يا معلمه انا اهو
صبرين :مش دا الحاج حسين؟
سعيد وهو يدقق النظر :اه هو ياست الكل
صبرين :هو جاي منين كدا؟
سعيد :من الجامع يا معلمه كان بيصلي
صبرين وهي تعدل من هيئتها : طب خالي بالك من الدكان ياولاا مس هتاخر
سعيد :حاضر يا معلمه
***********************
حسين :ها يابنتي خلصتي كل حاجه
أسرار :ايوا يا أبا خلصت كل حاجه وتممت على أراد النهارده وكله تمم، ناقص بس اني اخد فلوس خالتي فتحيه وندى واقفل الدكان
حسين :خدي دا نصيب مرات عمك وندى ويلا اطلعي واوعى تنسى يا أسرار تديهم الفلوس
أسرار: طب مااقفل معاك ياابا
حسين :لا اطلعي يلا انا اللي هقفل
أسرار :حاضر يا أبا
شرد حسين في الماضي والذكريات وتذكر منذ عشر سنوات
فلاش باك
حسين :عمااار، انت رايح فين يا عمار؟
عمار وهو يحمل حقائبه :خير ياعمي رايح مكان مارايح
حسين :انت بتقول اي؟ انت ازاي بتكلمني كدا؟
عمار :عادي، اول حاجه انا رايح المكان اللي المفروض اكون فيه المكان الصح، انا مكاني مش هنا، من خمس سنين لما ابويا مات وعدتني هترجع حق ابويا ولحد دلوقتي مفيش جديد وانا مش بحب اعيش عاله على حد
حسين :ازاي يابني بتقول كدا انت مش عايش عاله على حد وبعدين لو عاوز حق ابوك فعلا يبقا لازم تساعدني مش انت ابنه برضو، وبعدين امك واختك هتمشي وتسبهم
عمار:امي واختي شبهكم إنما أنا لا
حسين :استنا عندك، انت لو خرجت من هنا مش هتدخلها تاني غير على جثتي
عمار :اطمن عمري ما هدخلها سلام
باك
حسين بحزن :طب تعالي وانا مسامحك طيب
صبرين :مساء الخير يا معلم
حسين :خير يا صبرين عاوزه اي على المسا
صبرين وهي تقترب منه وتضع يدها على وجهه:الله في أي بس مالك يا معلم زعلان لي كدا؟
حسين وهو يمسك يدها بعنف وقوم بالتوائها :عاوزه اي يا صبرين وبطلي الحبتين بتوعك دول
صبرين وهي تميل عليه :ااااه، براحه عليا انا مش قدك يا معلم قولي بس بتروق ازاي وانا اروقك
ثم نظرت له وكادت تقبله
حسين وهو يمسك بشعيراتها: بقولك اي يابت انتي، انا مش زي الرجاله اللي تعرفيهم ها وحيات امك انا مش ساكتلك خوف لا كل حاجه وليها وقتها يا روح امك وموت اخويا مش هيعدي بالساهل كدا ونثبت فعلا انك اللي قتلتي بس الصبر يابنت نفسيه الصبر يلا غوري وإياك اشوف وشك هنا تاني يلا
صبرين بألم :اااااه، بقا انا تعمل فيا كدا انا، طب وحيات امي لمورياك يا حسين ميبقاش شعر مرا دا الا لما قلبتها فوق دماغكم كلكم ياولاد العطارين مااشي
حسين :غوري في داهيه، حسابك تقل وربنا لهتشوفي
بقلمي منه وائل
♥️♥️♥️♥️♥️♥️♥️♥️
في منزل الحاج علي
هبه :طب يا ابيه انا عاوزه أعرف انت حضرتك اتاخرت ليه عندها؟
يوسف بغضب :يوووه بقا يا هبه ماقولتلك الله هو تحقيق
هبه :مااقصدش والله بس..
قاطعها بصوته الغاضب :مابسش الموضوع منتهي واتفضلي روحي شوفي هتعملي اي
هبه :حاضر
سوميه :مالك يا حبيبي بتزعق في اختك لي كدا بس؟
يوسف :مفيش حاجه يا ماما
سوميه وهي تربط على يديه :طيب يا حبيبي هو انت وندى...
قاطعها قائلا:لا
سوميه :انت عرفت انا عاوزه اقول اي اصلا؟
يوسف :اه وعشان كدا بقولك لا انا بس كنت بساعدها مش اكتر
سوميه :بس انا مكنتش هقول كدا، كنت هقولك ان ندى محتاجه تغير جو من ساعة ما عمار مشي وهي زي ماانت شايف على الحال دا ودايما بتلجئ للنوم وامها خايفه يحصلها حاجه
يوسف :ايوا المفروض يعني اعمل اي؟
سوميه :بص يا حبيبي ندى الكليه بتاعتها طالعه رحله اسبوع كدا وامها مش موافقه عشان هتطلع لوحدها فلو يعني ينفع تطلع معاها وبعدين انت كدا كدا يعني المعيد بتاعها يعني اكيد هيطلبوا منك تطلع فعادي
يوسف:ياأمي ماانتي عارفه اني ماليش في جو الرحلات دا
سوميه :معبش يا حبيبي عشان خاطري
يوسف بخيبة امل:حاضر يا ماما حاضر
بقلمي منه وائل
♥️♥️♥️♥️♥️♥️♥️♥️
في منزل الحاج حسين
احمد :ماتبات معايا النهارده
رامي:لا ياعم كل مره ببات فيها معاك برجع بيتنا فاقد الجنسيه
احمد بضحك :هههههههه يااخي والله مابعمل حاجه انت ظالمني
رامي:اه ظالمك اه باماره الخميس اللي فات لما كنت نايم وقلبت فيها استاذ ممتاز لا وحيات خالتك دا انا افضحك
احمد :ههههههههه الله يخربيتك ياض ماتخفش دا انا هروقك
اتسعت عيني رامي ثم قال :أحيه تروقني يا خالتي، خالتي جليله الحقنيييي
احمد بضحك شديد:هههههههههه ياض استنا بس انت يالا
رامي :يا خااالتي...
جليله :في أي ياض وجعت راسي
رامي :خالي ابنك يبعد عني يا خالتي
جليله :الله يبعد عنك دا اي، دا انت وهو عيلين في كفوله واحده، هو حد يقدر عليكم
احمد :اها اهي جات من عندها تعالي بقا هههههه
رامي بدهشه: عيلين في كفوله!!، بقا دي اخرتها يا خالتي ماشي ماشي، اوعي يا عم انت سيبني بقا
أسرار :في أي على المسا انت وهو
رامي برعب :ها، لا لا مفيش حاجه يا ابله أسرار
احمد :ههههههههه، شكلك حلو اوي وانت خايف ههههه
أسرار :اي ابله دي شايفني ماسكه عصايا
رامي :الله طب اقول اي مش بحترمك، وبعدين شوفي اخوكي دا وجوزوا عشان هرموناتوا شكلها ضربت في بعض ومبقاش عارف يميز بين البنت والواد
أسرار :هههههه لا والله، طب ولي ماتقولش ان هرموناتك هي اللي ضربت ومحدش بقا عارفلك انت واد من بت
احمد :بوم بوم هات الدكتور عشان يخيط هههههههههه
رامي :بقا كدا بتكسفني قدامه كدا ماشي ياستي تصبحوا على خير
احمد :هههههه استنا بس خد هقولك هههههه ياض بكره الرحله الله يخربيتك
رامي :لا لا خلاص انا ماشي اوعي
أسرار :ربنا يشفيكم يارب، بقولك اي يا اما
جليله :خير ياقلب امك
أسرار :انا كنت بفكر يعني اني اكمل تعليمي
جليله :ايي، انتي بتقولي لي يابنتي مش انتي اللي قولتي قبل كدا كفايا
أسرار :معلش يااما انا عاوزه ادرس حاجه جديده معرفش اي هي بس حاجه جديده وخلاص عاوزه ابقا زي اخواتي انا ظلمت نفسي، يااما انا نفسي ابقا زيهم
جليله :طب ابقي قولي لابوكي الموضوع وبعدين نبقا نشوف يلا روحي نامي
اسرار:حاضر
بقلمي منه وائل
♥️♥️♥️♥️♥️♥️♥️♥️
في منزل عمار
تن تن
الشغاله :ايوا حاضر
مني :عمار هنا؟
الشغاله :ايوا يا ست مني من بدري ونايم
مني :طب نادي بسرعه
الشغاله :لا ياست مني مش هقدر دا يقتلني فيها اصلا
لسه دابب خناقه مع الست الهانم وطلع تعبان ونام
مني :طب اوعي انا اللي هصحي
************
مني :يا بيه انت يا باشا قوم يا ريس، قوم هنروح كلنا في ستين داهيه
عمار بنوم :في أي عاوزاه اي يا منى، اي دا مني!، انتي بتعملي اي هنا؟
مني :مصيبه وهطربق على دماغنا كلنا
عمار :في أي يا ام المصايب كلهم مش بتيجي الا بمصايبك خير؟
مني :ابو مريم عرف ان مريم شغاله معاك ومش كدا وبس دا عرف كمان انها كانت معانا من شويه هي لسه مكلماني، دا غير ان هو مش هيسكت على اللي كان باباك بيعمله زمان
تظر لها عمار ثم ضحك بشده:هههههههههههههه، طب ودي مصيبه
مني وهي تفتح فمها :انت شايف انها مش مصيبه؟
عمار :اولا انتي لسه قايله انه مش هيسكت على اللي بابا كان بيعمله زمان وبابا مات هيحاسب مين بقا ههههه وبعدين انا ماليش دعوه باللي كان بابا بيعمله انا واحد بنيت شركه بتعبي اه هو ساعدني بس انا سدت كل حاجه هو ساعدني بيها يبقا انا ماليش دخل باي حاجه وبالنسبه لمريم هي اللي لازقه فيا انا عن نفسي محتاجاها للشغل وبس هي اللي أفكارها َورديه شويه
مني :اممم بس تفتكر بابا مريم يعرف حاجه عنك؟
عمار :تؤ لان لو هو يعرف عني حاجه كان زمان مريم جايه وبتسألني اصل هو مش بيخبي عنها حاجه
دب دب
عمار :مين؟
باكينام :انا ماما يا عمار
عمار :اتفضلي يا ماما
باكينام باستغراب:مني!، انتي هنا من امتا؟
مني:انا لسه جايه ياطنط
باكينام :طب وفي بنت تكون في اوضة ولد شاب الساعه خمسه الفجر
مني بتوتر :اااا.... اصل يا طنط
عمار :اه مني تكون موجوده في أي مكان انا فيه وفي اي وقت، اه صح يا ماما هو الورق بتاع بابا الله يرحمه اللي كان في الخزنه فين؟
باكينام:اخوك خدوا في خزنته
عمار :تمم، فين ملك؟
باكينام: بتحضر شنطتها عشان الرحله اللي جامعه عملاها اصل الجامعه عامله رحله كبيره اوي لعدد من الطلاب من كل كليه وهي طبعا مش بتفوت رحله ماانت عارف
عمار :اه طيب فهميها انها لو كلمت االي اسمه رياض دا تاني مش هيحصل كويس تمم
باكينام:حاضر يا حبيبي يس ماتعصبش نفسك
عمار :يلا اخرجوا عاوز اغير هدومي عشان نروح الشركه
مني بصدمه :دلوقتي!
عمار :اه يلا
مني بخيبة امل :طيب
بقلمي منه وائل
♥️♥️♥️♥️♥️♥️♥️♥️
في الصباح في منزل الحاج وليد
فتحيه :يابنتي خلصي بقا يوسف مستنكي
ندى :انا مش فاهمه يا ماما انتي مالك مبسوطه لي اني هروح الرحله دي رغم انك مش بتوفقي دايما وبعدين من امتا يوسف بيروح رحلات
فتحيه:ها يا حبيبتي عادي روحوا انبسطوا يعني ولاد عمامك كلهم رايحين جات عليكي يعني يلا خدي حضرتلك الشنطه اهو
ندى :طيب يا ماما
**************على الدرج
هدى :يعني اي يعني انتوا كلكم تروحوا وانا لا ليييي بقا
رامي :يا احمد ماتخليها تيجي الله هو هيحصل اي يعني
احمد :وانا قولت لا يعني لا
جليله:يابني الله يهديك بقا خلص خليها تروح معاكم
يوسف :ما خلاص بقا هو في أي محدش مالي عينك احنا كلنا كدا واقفين وكلامك هو اللي هيشمي يعني
احمد :مش القصد والله بس..
يوسف :ششش خلاص يلا خلصوا تعالي يا هدى يلا
هدى :ربنا يخليك لينا يا ابيه
احمد :شايف اخوك
رامي :ههه تستاهل عشان عامل فيها كبير يلا يااخويا يلا
***************في الاتوبيس
يوسف :هو انا هركب معاكم دا؟
ندي :معلش يا يوسف اركب معانا وخلاص مش لازم العربيه يعني
يوسف :طيب اما نشوف اخرتها يلا اطلعي
خالد :ههههههه يابنتي والله انتي اساسا اللي عامله في نفسك كدا
ندى بصدمه :هو.... هو..