👑عيلة العطارين👑
👑 الفصل الثامن👑
بقلم منه وائل
ندى :ااااااه ايدي، انت عاوز اي مني دلوقتي؟
خالد :وانا هعوز منك اي يعني، انتي بس وحشتني قولت اجي نحي ذكرى الليله دي، اي رايك؟
ندي :انت حيوان وسافل ابعد ايدك عني يا حقير، اوعي
خالد: ماقولتلك لمى لسانك
يوسف: ندي!
ندى: يانهار اسود!
يوسف :انتي بتعملي اي عندك؟
خالد :ولا حاجه يا دكتور اصل..
بتر كلماته ردة فعل يوسف السريعه :انا سألتك وبعدين انت اي اللي موقفك معاها، بص سواء انت زميلها او غيره ماتقفش معاها تاني مفهوم؟
خالد وقد تلون وجهه باللون الأصفر :ايوا انا...
قطعه يوسف بغضب :انا قولت مفهوم؟
خالد :مفهوم يا دكتور انا اسف عن اءذن حضرتك
يوسف وكان ينظر لندى َوعينيه لا تبشر بخير :مين دا؟
ندي بتوتر :دا.... دا
يوسف بصوت عالي :ماتنطقي مين دا
ندى برعب :دا...دا زميلنا. زميلنا والله بس من كليه تانيه
يوسف وهو يمسك بيدها :لآخر مره بنبهك مفيش كلام مع الجنس الاخر مفهوم اتفضلي يلا عشان تطلعي اوضتك
ندى وهي تبتلع ريقها بصعوبه :حاضر.. حاضر
يوسف بشرود:اما نشوف اخرتها معاكي يا ندى اي..
*********************
احمد :انتي اوضتك فين؟
ملك :أوضه ١٠٧
احمد :اي دا اشمعنا البنات يعني في الميات؟
رامي وهو يهمس في اذنه :عشان الذئاب البشريه اللي ذيك تكون بعيده عنهم
احمد:ياعم انت شايفني بتهجم عليها ذئاب اي انت كمان
رياض :يلا يا حبيبتي عشان اوديكي لاوضتك
ملك وهي تتشابك في يديه :ماشي يلا بنسوار يا احمد هشوفك بليل في الحفله باي
احمد :باي ياختي
رامي بضحك :هههههههههههه طلعت مأنتمه هههههههههه
احمد :خلاص يا خفه قدامي يااخويا قدامي، يلا يا هدى
هدى :حاضر، بس هي هبه فين؟
رامي :استئذنت من منظم الرحله وقالتله انها هتيجي على بليل هي عشان هي لسه عندها كام حاجه كدا هتعملها، انا قولتلها تيجي معانا بس هي أصرت تيجي بليل مش فاهم انا الدكان دا اللي شاغل بالها
هدى :مش احسن ماانتوا كلكم منفضين أيديكم منه وهي الشايلاه لوحدها
رامي :الله هو يعني لما اهتم بدراستي يبقا حرام
احمد :بس بقا انت وهي الله يلا خلينا نطلع نستريح هموت وانام
زين :هي مجتش لي؟
مراد :هي مين يا زين؟
زين :هبه
مراد :هبه مين؟
زين :اي يا مراد ماتفتح مخك هبه اي نسيتها
مراد :اااه البنت العطاره، طب وانت شاغل بالك بي ماتيجي والا تروح انت زعلان لي
زين :لا مش شاغل بالي ولا حاجه بس.افتكرتها هتيجي اصل صحبتها هنا وهما بيرحوا مع بعض في كل حته
مراد :يلا يا دين عشان ننام لان انت شكلك بدءت تخرف
زين :لا روح انت انا شويه وهحصلك
مراد :طيب
كان شاردا في تلك العينين التي لطلما وقع بهما احس انه كان في عالم آخر، هل هذا هو؟، لا ليس هو؟ نفض تلك الأفكار من راسه َذهب للنوم
بقلمي منه وائل
♥️♥️♥️♥️♥️♥️♥️♥️
في منزل الحاج حسين
جليله وهي تقوم بتبخير الغرفه:اللهم صلي وسلم وبارك على سيدنا مولانا محمد، اللهم بارك في لمتنا وعزوتنا و زود علينا كمان يارب
حسين :كح كح كح، اي دا في أي يا جليله على الصبح؟ كح كح اي الدخان دا كله؟
جليله: صباح الفل يا حاج صباح الورد والفل والياسمين
حسين :في أي يا جليله كلامك مش مريحين هو العيال فين؟
جليله :ههههههههه يعجبني فيك يا حاج انك بتفهمني، العيال سفروا من الصبح يا حاج ماانت كنت في الدكان تحت وشايفهم وهما نازلين
حسين :ااه صح نسيت، طيب ماانتي عارفه اني كنت في الدكان من الصبح وطالع ارتاح جايه تخنقني بالبخور دا وكمان مش الريحه اللي بحبها
جليله :يووه يقطعني يا حاج معلش نسيت، بس يعني يا حاج كنت عاوزاك في موضوع كدا
حسين :خير يا جليله عاوزه فلوس؟
جليله :لا لا فلوس اي بس يا حاج هو انت مخلينا محتجين حاجه
حسين :اومال عاوزه اي؟
جليله :يعني كنت اقصد موضوع عمار
نظر لها حسين بغضب ثم قال :هو انا مش قولت الاسم دا مايتقالش هنا في البيت دا تاني
جليله بخوف :ايوا يا حاج بس..
قطع كلماتها قائلا :مابسش الكلام اللي اقوله يتسمع، احنا مفيش حد عندنا اسمه عمار زي ماهو نسي ان له اهل احنا كمان نسينا ان لينا ابن، انا نازل
جليله :طب بس استنى يا حاج اعملك لقمه تاكولها
حسين لا مش عاوز
جليله :يقطعني انا اي بس اللي خلاني جبتله السيره دي، منك لله يا فتحيه انتي السبب
بقلمي منه وائل
♥️♥️♥️♥️♥️♥️♥️♥️
في منزل فتحيه
فتحيه وهي ترفع يدها في السماء بعد أن ادتها فرضها:يارب يكون من نصيبك يا بنتي واشوفك مرتاحه معاه كفايا اللي شوفتي بسبب ابوكي واخوكي، يارب نفسي اشوف ابني أوي، طب اعرف عنه اي حاجه، اي حاجه يارب
دب دب
فتحيه :ايوا حاضر، تلاقيها سوميه جايه تقعد معايا، تعالي ادخلي هعملك شاي.. ايوا حضرتك عاوزه مين؟
مني :حضرتك مدام فتحيه؟
فتحيه :ايوا يا حبيبتي انا اؤمرني
مني :ممكن اقعد مع حضرتك شويه؟
فتحيه :اه طبعا يا حبيبتي اتفضلي اتفضلي، بس ما تاخذنيش هو انتي عرفتي اسمي منين؟ هو حضرتك صاحبة ندى بنتي؟
مني :لا يا طنط انا مش صاحبة ندى انا بس كنت جايه ادي لحضرتك الظرف دا، وأن شاء الله كل شهر هبعت لحضرتك زيه وبالنسبه للشنط دي، دي شوية هدوم ليكي انتي وندى وبرضو زيهم اول كل شهر، ودا رقم تليفوني لو احتجتي اي حاجه سواء حضرتك او ندى كلمني وكل حاجه هتكون موجوده
نظرت لها فتحيه بدهشه ثم قالت :اي دا كله يابنتي، هو انتي تعرفينا منين؟ وبعدين هو حد قالك اننا محتاجين؟ مين بعتك يا انسه؟
مني :فاعل خير يا طنط ماتقلقيش وانا ماقولتش اني حضرتك محتاجه بس دا حقك وفي وقت مناسب هتعرفي مين اللي بعتلك الحاجات دي وَهتعرفي انه حقك
فتحيه :انا مش فاهمه اي حاجه، ليه بتعملي معانا كدا، وانتي مين؟
مني:انا لحد كدا ومهمتي خلصت استئذن انا بقا
امسكت فتحيه يدها بعنف وقالت:انا مش هسيبك تتحركي من هنا الا لما تقولي انتي مين ومين اللي بعتك؟
مني بخوف:اااااه، حاضر حاضر اهدي بس
بقلمي منه وائل
♥️♥️♥️♥️♥️♥️♥️♥️
في المطعم
أسرار :ها... انت.. عمار
عمار : انتي بتقولي اي؟، انتي هتفضلي واقفه متنحه كدا؟
اماني :اسفين والله يافندم مكنتش تقصد والله
عمار :والا تقصد ابقوا استنضفوا اللي بتشغلوهم عندكم
أسرار:انا مابشتغلش هنا وياريت تلم لسانك انت مش بتشتري الناس
عمار :انا برضو اللي ألم لساني يا جربوعه انتي
أسرار :مين دي اللي جربوعه ياض، بص بقولك اي انا خلقي ضيق ومش طلباك شوفلك حته اترزع فيها وفكك مني
عمار بغضب وهو يجذبها اليه :انتي اتجننتي يابت انتي والا اي انتي فاكراني من العيال اللي انتي تعرفيهم والا اي.
نظرت له وكانت تتنفس رائحته، تلك الرائحه التي اعتادت عليها منذ أن ولدت، هذا هو ذلك الوجه الذي لطلما ابتعد عنها لن تنساه حتى الآن، ومنذ رحيله وهي اخذت عهد انها لن تكون أسرار الأنثى التي كانت تعشق عمار ستصبح أسرار العنيفه التي لم يميل قلبها لغيره ابدا
عمار :انتي سماعني يا بنتي انتي َوالا اي؟
اماني:معلش يا فندم والله هي مكنتش تقصد صدقني
عمار :طيب خلاص خلاص شوفيها مالها متنحه لي كدا
اماني :تعالي يا أسرار تعالي
عمار :مش فاهم انا مالها دي... اي هي قالت أسرار؟
ثم التفت إليها مره اخرى وظل ينظر لها
فلاش باك
أسرار بحزن:عمار انت هتمشي؟
عمار وهو يمسك يدها :ايوا يا أسرار همشي انا مينفعش افضل هنا انتي عارفه كويس انا نفسي اكون اي
أسرار:طب وانا هتسبني؟
عمار :اوعدك اني هرجعلك تاني وعد
باك
اغمض عينيه بضع ثوانٍ وقال :ياااااا يا أسرار للدرجه دي انتي لسه فكراني، وانا اللي طلعت ندل معاكي، لوسمحت
الجرسون:خير يا فندم؟
عمار :هي البنت اللي كانت هنا مع المدام اسمها اي؟
الجرسون:حضرتك تقصد الانسه أسرار؟
عمار :ايوا هي دي اختها؟
الجرسون: لا يااستاذ مدام اماني ملهاش إخوات
عمار :تمم شكرا جدا هاتلى الحساب، ياترى لسه بتحبني يا أسرار؟!
بقلمي منه وائل
♥️♥️♥️♥️♥️♥️♥️♥️
في دكان الحاج علي
حسين :يابنتي انتي هتمشي ازاي لوحدك بليل كدا
هبه :ماتقلقش عليا يا عمي انا هركب عربيه هتوصلني لحد هناك، ولو اني اصلا مش عاوزه اسيب الدكان مقفول كل دا
حسين :لا ماتخافيش مفيش دكان هيتقفل انا هخلي الواد بندق يقف مكانك وماتقلقيش من اي حاجه بس روحي وفكي عن نفسك يا بنتي بلاش القفله على نفسك دي
هبه :حاضر يا عمي انا هروح بقا اجهز شنطتي ولما اخلص هقول لحضرتك
حسين :ماشي يا حبيبتي
بقلمي منه وائل
♥️♥️♥️♥️♥️♥️♥️♥️
في المساء في الفندق
ندى :انا مش عارفه بس اي اللي جابه هنا دا وبعدين يوسف ماقاليش هعمل اي في المصيبه دي
دب دب
ندى :مين؟
يوسف :انا يوسف يا ندى افتحي
ندى :حاضر
يوسف :انتي لسه مالبستيش
ندى :البس لي؟
يوسف :الحفله هتبداء وكله نازل
ندى :حاضر هلبس على طول
يوسف :طب يلا ادخلي وانا هستناكي هنا
ندى :طيب
*****************
خالد:مااهو داخل خارج على اوضتها والا هي جات عليا انا وعَملالي فيها شريفه
أنور :وانت عايز منها اي يا خالد؟
خالد :مش عاوز حاجه هعوز منها اي يعني
أنور :خالد ماتستعبطش عليا انا عرفت كل حاجه من نور انت عملت كدا لي
خالد:عملت اي يعني واحده ودخلت دماغي وخلصت اي الحوار يعني
أنور :انت فاكر ندى هتسكت على عملتك دي ابن عمها دا ما بيرحمش ولو عرف اللي حصل دا قول على نفسك يا رحمن يا رحيم
خالد :يا سلام وهو يعرف منين اصلا، انت فكرك هي هتقدر تتكلم
أنور :اه تقدر من ناحية تقدر فهي هتقدر واوي كمان
خالد :وانا مش هديها فرصه تنطق
*******************
احمد :يااخي البنات دول عليهم حاجات تلاقيها بتتكلم مع واحد واتنين وتلاته ومش هممها اي حاجه
هدى :ايوا يا احمد بس مش كله يعني
احمد :والله يابنتي اغلبهم وكتروا اوي
رامي :ههههه كل دا عشان البت اللي انت كنت بتحاول تشقطها طلعت مأنتمه هههههههه
احمد :يااخي دا انت مستفز انا قايم
هدى :ليه بس كدا ضايقته يا رامي
رامي وهو يقترب منها:سيبك منه انتي وحشتني اوي
هدي:بس يا رامي لا يرجع والا حد ياخد باله فجاءه
رامي :طب تعالي نتمشى شويه على ما الحفله تبدء
هدى :ماشي
*******************
مراد :ياترى بقا هنعمل المسابقه زي كل سنه والمره دي هنغير
جني :اكيد زي كل سنه ماهو مفيش جديد
رحمه :ايوا بس كدا هيكون ملل اوي احنا عاوزين جديد
مراد :ماتشوفلنا حل يا عم انت، زين يابني
زين وقد انتبه للصوت: اي يا مراد في أي؟
مراد:لا دا انت مش معانا خالص، اي اللي واخد عقلك يا سيد يا عاطفي
رحمه :تلاقيها العطاره
جني :أصلها عملتله خلطه سحرته بيها ههههههه
زين :ياريت نبطل استظراف شويه
مراد :ما هو اللي يشوف كدا مايقولش غير ان العطاره سحرتك فعلا
زين :سوووو انا قايم
مراد :استنا بس يا زين، زين
**************
هبه :شكرا لحضرتك اوي معلش تعبتك معايا
السواق :تعبك راحه يابنتي
هبه :شكرا اوي
زين بلهفه :حمدالله على سلامتك انا قولت انك مش هتيجي
هبه وهي تنظر له باستغراب :الله يسلمك، بس هو انت عرفت منين اني جايه اصلا؟
زين:مش عارف بس انا قولت انتي اكيد هتيجي
هبه :اه طيب عن اءذنك
زين :طيب استنى اشيلك الشنط
هبه :لا شكرا هما هيجوا ياخدوها عن اءذنك
زين بشرود :زي القمر
بقلمي منه وائل
♥️♥️♥️♥️♥️♥️♥️♥️
في شركه عمار
مني :عمار، عمار ماترد عليا بقا من ساعة ما جيت وانت قاعد كده لا بتكلم حد ولا بترد على حد حتى معرفتش اي اللي حصل مع امك النهارده
عمار وقد اعتدل في جلسته :اي اللي حصل
مني :بص يا سيدي
فلاش باك
فتحيه :انا مش هسيبك تمشي من هنا الا لما اعرف انتي مين ومين باعتك؟
مني :اااااه خلاص خلاص هقولك حاضر، انا تبع عمار
تركت فتحيه يدها وجلست على المقعد بحزن وقالت :يااااا عمار.. هو لسه فاكر ان له ام واخت يسأل عليهم
مني:والله يا طنط انتي ماتعرفيش عمار كان بيمر بايه عمار كان في وقت صعب اوي وصدقني هو مر بحاجات كتير اوي انتي نفسك لو عرفتي هتعذري
فتحيه بدموع :اعذره عشان سبني انا واخته لوحدنا، سبنا ومجابش حق ابوه، حتى آخر كلمه قالها اني انا واخته شبهم اننا هو لا مش شبهنا، جاي بعد السنين دي كلها جايبلي فلوس ولبس، فاكر انه بكده بيعوضنا، لا يابنتي اديلوا حاجته دي وقوليله ملكش لا ام ولا اخت، وانا كنان ماليش ابن... ابني مات
باك
مني :ومارضيتش تاخد الحاجه
عمار وهو يضع اصابعه بين خصلات شعره :ماشي يا منى معلش تعبتك معايا
مني:ماتقولش كدا احنا اخوات، عن اءذنك هروح مكتبي
عمار وهو يتنهد بحزن :انا امتا هرتاح؟ لحد امتا هفضل اعافر كدا؟
ثم اخرج الهاتف من جيبه وقام بالاتصال على رقم :الو ايوا يا بني اه عاوزك ترقبهالي اه ماتغبش عنك ولا لحظه مفهوم يلا سلام.
اخر كلمه نطقها وهو ينظر للهاتف. أسرار
بقلمي منه وائل
♥️♥️♥️♥️♥️♥️♥️♥️
في الفندق
يوسف :ماتخلصي بقا يا ندى كل دا بتغيري
دب دب.. دب دب
يوسف :يوووو بقا يابنتي ماتردي عليا يا ندى، والله لو ماردتي هفتح الباب عليكي انتي حره، ندى.. ندى طيب اهو
يانهار اسود ندااااااااااا....