👑عيلة العطارين👑
👑الفصل الرابع عشر👑
هبه :يووووه طيب انا هوريك
زين :ههههههه مجنونه بس تعالي هنا
هبه :اهو هتشوف
زين :هبه تعالي هنا بطلي جنان
هبه :لا مش هاجي وهتشوف
زين :هبه المايه قربت توصل لراسك خلاص
هبه :انا مش بخاف
زين بصوت عالي :هبااااااه
هبه بصراخ :عاااااااااااااا الحقني يا زين في حاجه بتشدني تحت، عاااااااااااااا
زين وهو يخلع ملابسه :هبهههه
هبه :عاااااااااااااا الحقوني عااااااااا
زين وهو يقوم بامساك يدها :هاتي ايدك ماتخافيش تعالي
هبه وهي تلتقط أنفاسها بصعوبه :ها ااه مش قادره ااااه
زين وهو يضمها اليه :ماتخافيش خلاص احنا بقينا على الشط خلاص
هبه بدموع :كنت هموت زيها، كنت هموت... انا عاوزه اطلع اوضتي
زين وهو ينظر إلى دموعها بحزن :قولتلك بلاش ماسمعتيش كلامي خلاص اهدي تعالي هطلعك اوضتك يلا
بقلمي منه وائل
*************************
عند هدى ورامي
هدى :ههههههههههه تالت مره تخسر ومش عاوز تعترف هههههههه
رامي بزعر:ياست اهدي بقا انتي حد مسلطك عليا، بت انتي بتخومي عليا الطلاق بتخومي
هدى :انا بالعكس دا انا كيوت خالص وبعدين طلاق اي يا حاج رامي هو انا لحقت
رامي :اينعم ولو ماسمعتيش كلامي تاخدي بعضك وتروحي على بيت ابوكي يا ست هانم
هدى بدموع مصطنعه:اهئ اهئ اهئ بقا بعد العشره دي كلها تطلقني، بعد الحب دا كله، طب ورامز ابننا كده هيتربي بعيد عن ابوه اهئ اهئ اهئ
رامي وهو يصفق بحرار ويطلق صفيره:اي دا اي دا اي دا ممثله ممتازه شابو بجد هههههههه
هدي :هههههههههه وانت كمان تمثيلك فظيع ههههههههه
احمد بحزن :رامي مصيبه يا رامي
رامي بخضه:اي اي ياعم انت خضتني وبعدين انت مش مع انجي اي اللي جابك؟
احمد :انجي اي بس دا انا طينت الدنيا
رامي :هببت اي يااخي يلا قدامي نطلع الاوضه وفهمني، هي ليله باينه من اولها اطلعي يااختي انتي كمان والا شوفي هدى فين واطلعي نامي داتك الهم انتي واخوكي
هدي:الله وانا مالي
رامي :اطلعي ياختي اطلعي
بقلمي منه وائل
*************************
في منزل عمار
عمار :بقا هو قالكم كدا؟
حسام :ايوا يا عمار وهددنا ومشى، انا... انا خايف اوي
عمار وهو يضع يده على كتفه :ماتخافش بالنسبه للشركه مفيش اي دليل دلوقتي انها بتاعتي ولو بجزء بسيط، بالنسبه بقا للوصلات اللي عندهم، فدى بقا محتاجه خطه ومحكمه وانا هعرف اتصرف بس بعد جوازي ان شاء الله
باكينام :انت هتتجوز يا عمار؟
عمار :اه يا ماما هتجوز، هتجوز أسرار بنت عمي منا كنت عندهم النهارده وهما سامحوني بس للاسف أسرار هي الوحيده اللي مش قادره تسامحني
باكينام باءشمئزاز:هي... هي اسمها أسرار؟
عمار:بصي هو موضوع كبير هي اصلا اسمها إسراء بس انا وانا صغير كنت بتريق عليها واقولها يا أسرار من ساعتها وكله بقا بيقولها كدا
باكينام :اااه فهمت طيب ان شاء الله امتا الفرح؟
عمار :بصي انا لسه ماحدتش لحد اما ولاد عمي يرجعوا من السفر بس خلال الأسبوع دا هقبلها كتير عشان اغير شكلها دا واسلوبها اللي بقا زي الزفت من بعد ما مشيت واحاول اغير تفكيرها عني شويه
باكينام :اه تمم خلاص انا عاوزه اشوفها ممكن؟
عمار :اه اكيد هتشوفيها وكمان اعرفك على ماما واختي
باكينام :ماشي ياحبيبي
عمار :انا هطلع انام بقا عشان تعبان جدا تصبحوا على خير
باكينام :وانت بخير يا حبيبي، شوفت عشان تعرف انه طيب وبعملك زي اخوه
حسام :هو فعلا اكتر من أخ ربنا يستر على انجي لما تعرف
بقلمي منه وائل
*************************
في الصباح في منزل العطارين
جليله :والله يا حاج انا ما فاهمه حاجه هي البت مش طايقاه كدا ليه؟
حسين وهو يضع لقمه في فمه :بصي هي معاها حق ماهو مش معقوله تفضل السنين دي كلها قاعده على أمل أنه يرجع وفي الاخر يرجع لا واي عاوزها عشان جواز مصلحه انا وفقت بس عشان الست وابنها اللي هو عايش معاهم صعبوا عليا مش اكتر وهو وعدني انه مش هيقرب منها
جليله :وانت اش عرفك بقا انه عاوز يتجوزها عشان كدا بس مش يمكن هو لسه بيحبها؟
حسين :مش عارف والله يا جليله بس لو كده لي مفهمهاش او حته كان فهمني
جليله :يمكن خاف ترفض
حسين :جايز برضو
جليله :بس بس دي صحيت
أسرار وهي تقبل يد والدها :صباح الخير يا حاج
حسين :يسعد صباحك يا بنتي اي مالك مبوزه ليه على الصبح؟
أسرار :مفيش حاجه، هو جه والا لسه؟
حسين :هو مين؟
أسرار :اللي اسمه عمار دا
حسين :اااه لا لسه يا بنتي
أسرار :ابقوا قلولوا يلتزم بمواعيده مينفعش كدا انا برضو عندب أشغال
جليله بسخريه:وانتي اي الأشغال اللي عندك يا كونتسه يكونش سرب المصانع اللي عندك حاله واقف والا العربيات الفور بايفور بتاعتك عطلانه ماتتعدلي يابت كدا وبلاش عوجان بقا
أسرار :في أي وانا عملت حاجه وبعدين اه عندي أشغال مش فيه دكاكين لازم تتفتح والا لعب عيال هو
حسين بضحك :ههههههه ملكيش دعوه انا اللي بفتحهم والواد بندق معايا ركزي انتي بس في اللي انتي فيه
نظرت له أسرار بحزن وقالت :اللي انا فيه مرار طافح داخله ليه
ثم اكملت بتحدي :بس وحيات امه فتحيه لهخليه يندم على اليوم اللي طلب في أيدي بتاع المصلحه دا
دب دب
جليله :قومي افتحي الباب يلا قومي
اسرار:حاضر، يا مابدري يا بيه
عمار برخامه :صباح الخير يا سرسر أفندي
أسرار بغيظ:قولتلك ميت مره بلاش الأسماء البايخه دي مش كفايا اسرار اللي بلتني بيه دا
عمار :بصي انا معاكي انه اسم بلدي سيكا بس ماتزعليش يا سرسر اسمك الجديد اهو
أسرار بغضب :استغفر الله العظيم يارب انت بني آدم مستفز
حسين :صباح الخير يا حبيبي، تعالي كول
عمار :صباح النور يا احلى عم في الدنيا لا بالهنا والشفا سبقتك انا جاي بس اخد سرسر مشوار
جليله بضحك :هههههههه يوه يخيبك يا عمار كفايا بقا الأسماء دي عقدت البت ههههههه
أسرار :هتنجز والا اي انا ورايا حاجات ومشاغل
عمار :لا والله، طب وراكي اي يا ست هانم؟
أسرار :وانت مالك، لا بقولك اي مش معنى اني وافقت على لعبتك الهبله دي يبقا هتسوق فيا التزم باللعبه بتاعتك ومتدخلش في حياتي، بلا هم يلا
عمار وهو ينحني بسخريه : اتفضلي يا سنيوريتا العربيه جاهزه ومستني سعادتك
أسرار :دمك تقيل وسع كدا
عمار :ماشي إنما للصبر حدود يا أسرار، سلام يا عمي سلام يا جليله
جليله:هههههههههه والله العيال دي ماهيتغيروا والله لسه بيحبوا بعض
حسين :عارف يا جليله ربنا يهديهم، انا نازل بقا هبقا ابعتلك الحاجه مع الواد بندق سلام عليكم
جليله :عليكم السلام ورحمة الله وبركاته، خالي بالك من نفسك يا حاج، يارب فرح قلبنا بقا
بقلمي منه وائل
*************************
في الفندق على الفطار
يوسف :وبعدين معاكي بقا انتي مكلتيش حاجه من امبارح
ندى :ماليش نفس لأي حاجه
يوسف :انتي تعبانه حاسه بحاجه طيب
ندى :لا بس حاسه اني على طول عاوزه انام وبطني وجعاني ومعدتي مقلوبه
هبه :طب ماتجبلها دكتور ياابيه
يوسف :منا كلمته وهو جاي
هبه :اطشششي
رامي :الف سلامه عليكي مالك
هبه :ها لا ماتقلقش شوية برد بس
رامي :اومال انتي كنتي فين امبارح؟
هبه :ها كنت.. كنت
هدى سريعا :طلعت نامت يا رامي عشان كانت تعبانه
رامي :اااه ماشي
وفجاءه شعرت ندي بتقلب في معدتها ووضعت يدها على فمها وذهبت سريعا الي المرحاض
هدى :ندى مالك يا حبيبتي في أي بس؟
يوسف :ندى في أي
رامي :انا مش مطمن حاسس ان في حاجه ندى ويوسف اخويا مخبينها
احمد : ياعم بقا واحنا مالنا
رامي :مالك يا احمد؟
احمد :ماانت عارف يااخويا
رامي :ماانت اللي غبي في حد يقول كدا
احمد :معرفش بقا قولي ونبي اعمل اي؟
رامي :اعمل زي ماقولتلك امبارح
احمد :تفتكر هتسمحني
رامي :ايوا هي اصلا شكلها اهبل ذيك وهتسامحك على طول يلا قوم
احمد :ماشي
يوسف :انتي كويسه؟
ندي بتعب :اه انا هطلع ارتاح
يوسف :طب استني اوصلك
ندى :لا انا هطلع لوحدي
هبه :اتصل بالدكتور يا ابيه احنا لازم نطمن عليها
يوسف :حاضر
بقلمي منه وائل
************************
في منزل مريم
عز :دا حته مامي قالتلي انك بترسمي حلو خالص
مريم بسماجه:هههه عسل عمتو دي عسل
عز :وقالتلي انك بتشتغلي في شركه اعلانات صحيح الكلام دا؟
مريم :اوف اه بشتغل في شركة اعلانات ايوا
عز :ومامي كمان قالتلي..
قطعت مريم حديثه بغضب قائله :اي مامي مامي مامي، انا زهقت هو مفيش سيره غير الست الوالده بتاعتك ارحمني يااخي
عز :طب اقول اي؟
مريم :ماتقولش اوعي كدا
اميره :مريم شوفتي اللي حصل؟
مريم :اي يا مصيبه انتي كمان مش كفايا اللي جوا دا
اميره:عمار ما طلعش ابن اونكل سامي وطنط باكينام
مريم بصدمه: انتي بتقولي اي؟
اميره :والله زي مابقولك كدا تعالي انا هفهمك
بقلمي منه وائل
*************************
في سيارة عمار
عمار :تعرفي انك وحشتني
أسرار :ماتشوفش وحش يااخويا
عمار :امممم طيب انا هخدك لمكان كدا بيعلم الاتيكيت وطريقة الكلام اصل انتي هتبقي حرم عمار العطار راجل الأعمال المعروف
أسرار :نعم يااخويا لا بقولك اي لعبتك دي مش هتقلبها عليا اتيكيت اي وزفت اي ماتوجعش راسي وماله اسلوبي في الكلام
عمار بعصبيه :بس بس ايييي لوك لوك لوك مابتفصليش ايوا اسلوبك في الكلام زفت انتي مش شايفه نفسك
أسرار :ايوا بس انا مش هعمل الكلام دا وبعدين انا......
عمار :بس ولا كلمه انتي هتنزلي معايا َوتعملي اللي بقولك عليه والا والمصحف الشريف هبوسك في الشارع وهعمل فضيحه انا كدا كدا راجل عادي إنما انتي بنت وهيبقا منظرك زي الزفت
أسرار برعب: يانهار اسود انت اتجننت هقول لابويا والله
عمار :مش هيصدقك وهيزعقلك وبرضو هتعملي اللي بقولك عليه و اه لو معملتيش اللي انا بقولك عليه شايفه القطه اللي هناك دي هجبها تقعد على رجلك
أسرار بخوف :لا لا خلاص ونبي انا اسفه خلاص هنزل، حسبي الله ونعم الوكيل فيك يابن فتحيه
عمار :بتقولي حاجه؟
أسرار :لا مش بقول هنزل اهو يارب بقا
بقلمي منه وائل
*************************
في منزل الحاج علي
فتحيه :بس تعرفي انا مبسوطه اوي من جوازة عمار وأسرار اصل عمار كان بيحبها اوي وكان نفسه انه يتجوزها
سوميه :هي حاجه تفرح فعلا بس حاسه انها مش هتعدي على خير أسرار شكلها ناوياله على نيه سوده
فتحيه :ويعني عمار هي هتقدر عليه مايغوركيش اللي هي فيه دا برضو دي بنت يلا ربنا يهديهم
سوميه :مالك يا فتحيه حاطه ايدك على قلبك لسه كدا؟
فتحيه :مش عارفه يا سوميه حاسه ان العيال فيها حاجه
سوميه :ياست ماتخافيش العيال زمانهم مبسوطين ربنا يرجعهم بالسلامه
بقلمي منه وائل
*************************
في الفندق عند احمد وانجي
احمد :انجي انجي
انجي:خيو يااحمد كنت عاوز حاجه
احمد :بصي انا عارف انك زعلانه من اللي حصل امبارح انا اسف والله معرفش انا قولت كدا ليه حقك عليا ممكن تقبلي اعتذاري
انجي بدهشه :واو ورد الله دا تحفه، واو ريحته حلوه اوي دا يجنن، اي دا وشوكلت كمان بجد انت قمر اوي ميرسي جدا
ثم قامت بتقبيله على وجنتيه وقفزت فارحه
احمد بصدمه :يعني... يعني انتي سامحتني
انجي:اكيد طبعا
احمد بفرحه :بجد انا مبسوط اوي
وعلى الجانب الاخر كانت هبه تقف أمام البحر وعندما كانت شارده تذكرت شيئا
فلاش باك
يارا :يابنتي ماتنزلي معايا المايه بقا الله انتي هتفضلي جبانه كدا
هبه :يارا انتي عارفه اني مش بحب المايه ومش بعرف اعوم اصلا
يارا :بس المايه تحفه اوي
هبه :اه هي تحفه بس لو غرقنا مفيش حد هينقذنا الناس ملها نايمه
يارا:بس عبط بقا
هبه :يارا ماتبعدش اوي كدا، كدا غلط
يارا :مفيش حاجه اهو حته بصي
هبه بخوف :يارا لوسمحت اخرجي
يارا :هههه جبانه، اي دا
هبه :في أي
يارا :هبه تعالي شدني انا حاسه اني بغرق
هبه :لا اكيد بتهزر اخرجي بقا
يارا :انا مش عارفه اخرج يا هبه ونبي تعالي خرجيني... هبه
هبه بخوف: يارا ونبي اطلعي
يارا باستخاثه :الحقني يا هبه هموت،.... اااه مش عارفه اخد نفسي
هبه بصراخ : حد يلحقنا ياراااااا
يارا :هبهههه
هبه بدموع :ياراااااا لااااااا
باك
هبه :يارا يارا
زين :اي في أي مالك اهدي
هبه بخوف :ها ااا مفيش حاجه
زين :عامله اي دلوقتي؟
هبه :انا كويسه، اطشششي
زين :كويسه اي بس دا انتي اخدتي برد، بقا في حد يعمل اللي عملتي امبارح دا كنتي هتضيعي نفسك
هبه :معلش اللي حصل بقا
زين وهوينطر في عينيها:انا كنت خايف اوي كنت حاسس انك بتضيعي مني
هبه بتوتر:ها ااا انا انا.. َهدي بتنده عليا هشوفها عاوزه اي ماشي باي
زين :مش هتهربي مني المره اللي جايه
بقلمي منه وائل
*************************
في غرفة ندى
ندي بالم :اااه بطني، يوسف اااااه بطني مش قادره اااااه، اي دا
دب دب
ندى بصراخ :الحقني يا يوسفففف
ثم وقعت على الأرض
دخل يوسف سريعا :في أي مالك، يانهار اسود