رواية البعض يفضلونها ساخنة
الجزء العاشر
للكاتبة/حنان حسن
بعدما ما انا واحمد
قمنا بتوصيل ميادة للمحطة
عشان تذهب للقاهرة
واطمنت علي انها
بعدت عن ذلك المنزل والبلد كلها
..وبعدما عدت انا واحمد للمنزل
جلسنا معا في ساعة صفا
وبدا يصرح لي احمد بحقيقة امره
هو واخوه
ولكن اكثر ما صدمني
هو.. عندما عرفت منه بانني من قابلتة عند المحامي
وذهبت معه عند الماذون هو ايمن
وليس احمد
وهنا سالتة ؟
قلت..تقصد تقول اني تزوجت ايمن المجرم؟
قال.. تزوجتية ولم تتزوجية
في نفسي الوقت
قلت حلوه الفزورة دي
لا بالله عليك فهمني بالراحة
عشان
انا فقدت التركيز من ساعة ما جيت هنا
قال.. الي شافك وعجبتية وطلب ايدك وقعد معامي امام الماذون
وانتي وافقتي علية شكلا هو( ايمن )
لكن رسميا في ورق الحكومة انتي متزوجة من (احمد) .. وبتحملي اسمي انا
قلت..طيب وشرعا؟
قال..انا مقدرش افتي في الشرع
لكن منطقيا كده.. شرعا انتي زوجة ايمن
لان الزواج ايجاب وقبول
وانتي شوفتي ايمن ووافقتي عليه وجلستي معه
امام الماذون واشهدتي الله انك موافقة
رديت انا لاصحح معلومة له
قلت..الزواج( اشهار) والناس كلها عارفة اني متزوجة منك انت
وسالتة
قلت..عارف ده معناة ايه؟
نظر الي اسفا ولم يرد
قلت...ده معناه مصيبة سودة
لاني زوجتك انت رسمي
للكاتبة/حنان حسن
وزوجتة ايمن شرعي
يعني انا كده بجمع بين اخين؟
قال..وهو ده السبب الي كان بيخليني احذرك واقولك اوعي تسمحي له انه يلمسك
قلت.. بس دي جريمة في حد ذاتها
قال..اولا احنا متعدناش الشرع
لاني ملمستكيش
وده معناه انك مجمعتيش ما بينا
وممكن ايمن يطلقك في اي وقت
فسالتة؟
قلت...ممكن اعرف ليه ايمن اتجوزني من الاساس؟
لما هو سايبني عايشة معاك هنا؟
قال..ايمن لما شافك عند المحامي انتي عجبتية فعلا وكان عايزك زوجة له و كان عايز يتمم زواجة منك
وحاول كتير يعمل كده لكن انا الي منعتة
قلت..وليه منعتة؟
قال ..لانة متزوج منك ببطاقتي انا واسمي انا وده تزوير
وثانيا.. لان ايمن مش هيحافظ عليكي انتي وبناتك
وانتي فاهمة اما اقصد ايه
قلت..خلاص يبقي الحل فعلا ان ايمن يطلقني
قال...هيحصل وده الي انا بسعي فيه بقالي فترة
قلت طالما انت بتتكلم بصراحة بقي
عايزه اسالك سؤال
قال..اسالي
قلت..هو ايمن ممكن يكون خطف ابنتي ريم؟
قال..لامعتقدش
قلت..وايه الي مخليك متاكد كده؟
قال..عشان ايمن معندوش مكان يروح فيه هو شخصيا
لو خرج من هنا
يبقي ازاي هيلاقي مكان يخفي فيه ريم...
ده غير اني انا كنت هعرف لو كان عمل كده
وفي تلك اللحظة...
رن موبيل احمد ليقطع حديثي مع احمد
الذي استاذن ليذهب لعملة بعد ذلك الاتصال المهم
اما انا فا جلست مع نفسي اافكر
في كل ما قالة احمد
وتلك الكارثة الجديدة
التي اكتشفتها ..
وهي زواجي من ايمن المجرم ...
وروحت افكر واسال
نفسي؟
للكاتبة/حنان حسن
قلت..دلوقتي ايمن بيهدد احمد
وماسك علية ذلة
عشان يكسر عينة ويجبرة انه ينفذ كل طلباتة
وواضح ان ايمن
لن يتورع عن عمل اي جريمة اخري
لو حاول احمد انه يخلص منه
ويطردة بره حياتة او حتي بره المنزل
ده غير ان زواجي من ايمن بيمنع وبيحرم زواجي من احمد
معني كده ان ايمن خطر علينا احنا الاتنين
عشان كده ..لازم الاقي طريقة
اخلص بيها من زواجي من ايمن
باي شكل
واخذت افكر .
.ماذا سافعل وكيف ساتصرف؟
في تلك الورطة؟
وكنت انا حينها اجلس في غرفة المعيشة...
وفي اثناء ما انا افكر..
لمحت بعيني خيال
مر سريعا ......بالخارج
وبدات اتوتر لاني كنت لوحدي بالشقة
فا قلت في نفسي
بانها مجرد ......تهيؤات
وروحت اكمل ما كنت افكر به ..
ولكنني سمعت صوت ياتي من ناحية المطبخ
فا قمت لاري ما ذلك الصوت
وذهبت الي المطبخ ولم اجد شيئ
فقلت في نفسي لازم
اهدي شوية
لان واضح ان اعصابي تعبانة
بدات يتهيالي اشياء مش حقيقية
وقررت ان اعود لغرفة المعيشة كما كنت
للكاتبة/حنان حسن
ولكنني في تلك
اللحظة ..
سمعت صوت مياة شغالة في الحمام
وكان باب الحمام ساعتها مقفول
وكان الوضع يبدوا كان في الداخل
شخص بياخد شاور
وشكيت.. ساعتها ان ايمن هو الي بيعمل كده
وطرقت باب الحمام لكي اطلب منه ان يخرج
ولكنة ظل يشغل الماء دون ان يجيب
فا وقفت امام الحمام
وانا انتظرة الي
ان يخرج
وكنت انوي ان افهمة باني عرفت عنة كل شيئ
واثناء وقوفي امام باب الحمام
لقيت باب الشقة
بيتفتح
ولقيت حد من التؤام داخل عليا...
ولما تحققت منه
لقيتة ايمن
لان احمد كان معايا من شوية بملابس مختلفة
واستغربت لسببين
السبب الاول.. لما ايمن معايا دلوقتي امال مين الي داخل الحمام؟؟
ومين الي مشغل الميه ؟
اما السبب التاني ..
الي خلاني استغربت له
هو ان ايمن معاه مفتاح للشقة
وانا متاكده ان احمد ميعرفش ان ايمن معاه مفتاح
ولقيت ايمن بيقولي....
ازيك يا سامية؟
قلت..الحمد لله
قال...سامية كنت عايزك في موضوع..
قلت..حاضر
بس ممكن لحظة واحدة؟...
وتركت ايمن وذهبت ناحية الحمام
لاري من بالداخل
وعندما فتحت الباب لم اجد احد
للكاتبة/حنان حسن
وعدت لايمن..وانا اتعجب مما حدث
قلت..اتفضل اتكلم يا احمد
قال..انا مش احمد..
انا ايمن..
واظن انك عرفتي مين
ايمن ؟
قلت..مش فاهمة؟
قال..انا سمعتك انتي واحمد
وانتوا بتتكلموا
وعرفت ان احمد اعترفلك بكل حاجة
واظن دلوقتي بقي
انتي عرفتي انتي زوجة مين ؟
قلت..طيب كويس انك فتحت الموضوع
لاني كنت عايزة اطلب.....
وقبل ان اكمل استوقفني ايمن في الحديث
قال..انا الي عايز اصحح المعلومات الي احمد كدب فيها
قلت...معلومات ايه؟
قال...عمر صاحبي انا مكنش فيه حاجة بيني وبين خطيبتة
دا احمد هو الي راح لعمر وفهمة اني بنام معاها
واتصل بيا في نفس الوقت وطلب مني اروح لعمر وفهمني انه كان بيضرب خطيبتة وبيموتها
ولما روحت البيت..
للكاتبة/حنان حسن
لقيت احمد مخلص علي عمر وقتلة
والبوليس اخدني انا
ساعتها
لاني انا الي كنت في
البيت
قلت واحمد هيعمل كده ليه؟
قال احمد مريض نفسي
وقتل اكثر من شخص ..وهو الي خطف بنت سهيلة
وهو الي وهو الي استدرج تلك المراة
التي كان يدعي بانها طلبت ان تدخل عنده الحمام
وهو الي حرق امه وابوة في البيت
وادعي ان المجنون الي كان هربان معايا هو الي عمل كده
قلت المجنون هو الي حرق البيت
قال.. مستحيل ان الراجل المريض الي كان معايا يعملها
قلت..ليه دا مجنون وممكن يعمل اي حاجة
رد ايمن نافيا
قال..لا المجنون استحالة يقدر يحرق البيت
ولقيت ايمن بيمد ايده ليا باحدي الصحف القديمة
وهو يقول..
الجريدة دي
فيها خبر عن هروبي انا والراجل المريض الي معايا
اقرائي كويس حالة المريض
وانتي هتفهمي ليه استحالة انه يكون الراجل ده هو الي حرق البيت
اخذت من يدة الجريدة لاكتشف
بان بها خبر عن هروب ايمن وبرفقتة احد المرضي
من مستشفي الامراض العقلية ..
والي لفت نظري في الصورة والخبر
ان ذلك المريض مبتور احدي اليدين
وعنده عجز باليد الاخري ييجعل
تحريكهامستحيلا
للكاتبة/حنان حسن
ثم اقترب مني ايمن
محذرا
قال..الدور عليا و عليكي يا سامية
لانه ممكن يقتلني انا وانتي في اي وقت
قلت..طيب والحل؟
قال..مفيش غير حل
واحد
قلت..ايه هو الحل ده؟
قال..انك تتركية فورا اليومين دول
لغاية مااشوف لة مستشفي او مصحة نفسيةادخلة فيها
قلت.. انت عندك حق وانا فعلا لازم امشي ومن بكره هرجع علي القاهرة
قال ..هتمشي وتسيبيبني؟
قلت نعم؟
قال...اقصد هتمشي ازاي قبل ما ترجعي بنتك ريم؟
قلت الامل في رجوع ريم اصبح معدوم
قال..ده عشان انتي ملقتيش راجل يرجعهالك
قلت..مش فاهمة؟
قال..انتي اعتمدتي علي احمد
عشان يرجعلك بنتك وفشل لانه
ميقدرش يحميكي انتي وبناتك
جربي تعتمدي عليا وشوفي انا هعمل ايه؟
قلت..طيب اسمع يا ايمن
موضوع ريم ده انا هعتبره اختبار لوعودك ليه
بمعني ..انك لو رجعتلي بنتي ريم
انا هنزل اعيش معاك تحت ونبدء حياتنا كا اي اتنين متزوجين
ومش بس كده
دنا كمان هساعدك اننا نتخلص من احمد
وندخلة اي مصحة عقلية وتاخد انت مكانه
وتعيش باسمة ..وبطاقتة ..
للكاتبة/حنان حسن
وساعتها كل الي بيمتلكة احمد
هيبقي ملكك
وكل الي انت هتعملة
ان بدل ما هيبقي اسمك ايمن
هيبقي اسمك احمد
قال..يعني انتي كل طلباتك اني ارجعلك بنتك؟
قلت ايوه بالظبط كده
قال..اتفقنا ..
وهنا امسك ايمن بيدي وبعينية كثير من الرغبة...
ثم
قال..
اظن ان الاوان بقي انك تنزلي معايا لشقتي
وتعيشي معايا تحت؟
قلت..هعيش معاك تحت ازاي؟
قال..هو مش انتي زوجتي بردوا ولا ايه؟
قلت..منا قولتلك اني هبقي تحت امرك بمجرد ما ترجعلي ابنتي ريم
نظر الي ايمن بضجر
ثم
قال ماشي انا هصبر ..بس افتكري انك وعدتي
وتركني ايمن ونزل قبل ان يعود احمد
وبصراحة انا بدات اتلخبط ومبقتش فاهمة حاجة..
اخذت اسال نفسي ؟؟؟
قلت..هو ممكن فعلا يكون ايمن عارف مكان ريم؟؟
وممكن فعلا احمد يطلع عكس ما انا معتقدة
ويطلع مجرم هو كمان؟
واخذت اشرد بذهني
الي ان وجدت النور
قد انقطع ولقيت نفسي في الشقة لوحدي
وانا مرعوبة
فا اخذت ابحث عن الموبيل بيدي
لاشغل نوره
وفي تلك اللحظة
سمعت انفاس بجانب اذني
فا اخذت ابحث سريعا عن الموبيل
وعندما وجدتة انرت الكشاف
ولم اجد احد بالغرفة
للكاتبة/حنان حسن
ولكنني شعرت بالذعر حينما وجدت
بان كوب الشاي الذي كنت اضعة علي التربيزة قد انسكب
علي الارض بالرغم من اني لم المسة
المهم فضلت قاعدة مرعوبة لغاية ما احمد وصل
وفي المساء
عاد احمد ومبقتش عارفة اقولة علي الي حصل مع ايمن ولا لا؟
وقولت انتظر لما اشوف ايمن هيعمل ايه ؟
لان لهجة الثقة الي في كلام ايمن دي
خلتني اشك انه عارف مكان ابنتي
المهم جه احمد
واتعشينا
وبعد العشاء لقيت احمد بيقولي ...
سامية احنا لازم نشوف حل عشان نتجوز
لاني مش قادر استمر علي الوضع ده
قلت..الموضوع صعب ومعتقدش اني هخلص من ايمن بسهوله
قال..لا في حل تاني
قلت..ايه هو؟
قال..انا لسة بفكر فيه واول ما اظبط الفكره الي في دماغي
هقولك عليها
قلت طيب انا لازم انام دلوقتي
قال..خليكي معايا شوية
قلت..معلش اصلي واخدة حباية مهدئة
وتركت احمد ولكن قبل ان اهم بالمغادرة
لقيت احمد بينادي عليا
قال..ساميه
قلت..نعم؟
قال..قريب اوي.. هتودعي النوم في غرفة البنات
وقريب اوي هنبقي مع بعض
لم افهم شيئا من مما رمي اليه كلام احمد
ولقتني ببتسم وبقولة
..تصبح علي خير
وتاني يوم..العصر كنت بجهز الغداء لاحمد
وبتكلم انا وهو
ولقيت جرس الشقة بيرن
للكاتبة/حنان حسن
وذهب احمد ليفتح
واتفاجاء بان الي واقف ادامة هو ايمن
وسالة احمد قائلا
عايز اية؟
رد ايمن بغضب
قال عايز زوجتي
رد احمد
قال روح اشتكيني اني واخد منك زوجتك
واظهر لهم عقد الزواج لو تقدر
رد ايمن ..
وهو يوجه ليا الحديث
قال..تعالي معايا يا سامية وانا هجيبلك بنتك
قلت..لما تبقي تجيبها ابقي اجي معاك
قال..يعني لو جيبتلك بنتك دلوقتي؟
هتنزلي معايا حالا شقتي ؟
وتعيشي معايا كا زوجة؟
نظرت لاحمد الذي كان يقف والشرر يتطاير من عينية
قلت..قولتلك لما تبقي تجيبلي بنتي
وفي لحظة
لقيت ايمن اختفي امام الباب
وهو يقول..تعالي لماما يا ريم
وفجاءة..لقيت بنتي ريم ادامي
وبتترمي في حضني
وهي تبكي وبتقول ماما...
واخذت انااصرخ ...واضحك.. وابكي ..بهسيريا
في ان واحد
وانا لست مصدقة بان ابنتي عادت لي
وسمعت احمد
يقول... ساخرا
يعني طلعت انت الي كنت خاطف البنت ؟
وجاي تعمل بطل وترجعها لامها دلوقتي؟
رد ايمن قائلا
اولا ..انا لا خطفتها..
ولا كنت اعرف هي فين اصلا
لكن لما شغلت دماغي
واهتميت بالموضوع
عرفت ان في واحده مشهورة بخطف العيال
للكاتبة/حنان حسن
عشان تشغلهم في التسول
وقلت اشوف البنت ممكن تطلع عندها
ولقيتها هناك فعلا
رد احمد ساخرا
قال...كلامك ميدخلش دماغ عيل
صغير جرب كدبة تانية
رد ايمن قائلا
انا مش جاي دلوقتي عشان ابرر انا جيبت ريم ازاي
انا جاي عشان اخد مراتي وننزل لشقتي
بدل ما اصور فيها قتيل
وقف له احمد بغضب
وقال ..لو فاكر انها هتكون زوجتك لثانية واحده
وممكن تلمسها تبقي ..
بتحلم
للكاتبة/حنان حسن
رد ايمن قائلا
والله الكلام والراي في الاخر لصاحبة الشان
وسالني ايمن
قال..انا وفيت بالوعد الي عليا
ورجعتلك بنتك
رايك ايه دلوقتي هتنزلي معايا تحت ؟
وتعيشي معايا كا زوجة ؟
ولا هتعيشي هنا مع احمد؟
ووقفت انا بين الاثنين
وفي الاخر اخترت........