👑عيلة العطارين👑
👑 الفصل التاسع👑
بقلم منة وائل
يوسف :ماتخلصي بقا يا ندى كل دا بتغيري
دب دب....دب دب
يوسف :يوووو بقا يا بنتي ماتردي عليا، يا ندى.، والله لو ماردتي هفتح الباب عليكي انتي حره، ندى... ندى طيب اهو
يانهار اسود ندااااااا... ردي عليا يا ندى فيكي اي، دكتور دكتور بسرعه
**
انور:اي دا هي الناس بتجري كدا ليه؟
نور:مش عارفه بس بيتهيألي كلهم رايحين أوضة ندى
خالد :غريبه لي يعني؟
****
احمد :الحقوا الحقوا
رامي وهو مفزوع :احمد، في أي؟
احمد:ندى مغمي عليها، يوسف لاقاها واقعه في الحمام
هدى وهي تجري : اي ندى
رامي :طب في دكتور راح لها
احمد :ايوا تعالي عشان نشوف في أي
بقلمي منه وائل
♥️♥️♥️♥️♥️♥️♥️♥️
في منزل صبرين
صبرين وهي تتحدث في الهاتف بغضب :يعني اي مينفعش دلوقتي؟، انا قولت تتنفذ النهارده يعني النهارده، يعني اي مفيش فرصه ما البت مش هتفتح الدكان فتره، والله ماشي يا مسعد سلام
ام صبرين :مالك يابنتي بتزعقي لي كدا؟
صبرين :مفيش حاجه يااما المهم انتي اتعشيتي و اخدتي دواكي؟
ام صبرين وهي تمسك يد ابنتها : انتي لسه بتخططي للفي دماغك برضو يا بنتي؟
صبرين :بفكر في أي بس يااما
ام صبرين :عيلة العطارين يا صبرين
نظرت لها صبرين ثم ذهبت للمطبخ
ام صبرين :وبعدهالك يا بنتي انتي مفيش فايده فيكي، مش كفايا اللي عملتي في الجدع اخوهم والراجل مات واخدتي كل حاجه منه
صبرين :لا مش كفايا يااما مش كفايا، انا العيلة دي مش هسبها في حالها لحد اما اجيب حق ابويا
ام صبرين :يابنتي افهمي ابوكي هو اللي اخد حقه كله وانسحب من الشراكه معاهم
صبرين :لا يااما هما اللي اخدوا منه كل حاجه ولما جه يطلب حقه بهدلوا وسط الحاره كلها بس محدش هيعرف يجيب حق ابويا غيري وياانا ياانتم يا ولاد العطارين
بقلمي منه وائل
♥️♥️♥️♥️♥️♥️♥️♥️
في منزل عمار
باكينام:يا حسام ارحمني بقا انا قولتلك ابوك هو اللي عمل كل دا اي السبب انا معرفش
حسام :يا ماما ماتجننيش دلوقتي المحامي بيقول ان شركه الإعلانات اللي عمار مسؤل عنها تكون ملك عمار ازاي يا ماما فهميني
باكينام :حسام بابا قال كدا في الوصيه بتاعته يبقا خلاص
حسام :لا مش خلاص يا ماما لو انتي هتسكتي انا مش هسكت وهعرف مين اللي عمل كدا
باكينام :ربنا يستر
بقلمي منه وائل
♥️♥️♥️♥️♥️♥️♥️♥️
في الفندق
يوسف :ها يا دكتور طمنا؟
الدكتور :لا ماتقلقش دا حاجه بسيطه خالص بس كنت محتاج حضرتك بس على انفراد
يوسف :اه طبعا اتفضل
هبه: حمدالله على سلامتك يا نودي
ندى :الله يسلمك يا حبيبتي
هدى :مالك بس اي اللي حصلك ماانتي كنتي كويسه وابيه يوسف كان مستنيكي عشان تنزلي الحفله
ندى :مش عارفه يا هدي بس حسيت ان الدنيا كلها بتلف بيا فجاءه ووقعت في الحمام
هبه :اكيد قلة تغذيه مش اكتر ماتقلقيش
*******
يوسف :ايييي، انت بتقول يا دكتور؟
الدكتور :اي يا دكتور يوسف مالك اتفجئت كدا ليه؟ انت مكنتش تعرف؟
يوسف :ها، بص يا دكتور مهما حصل محدش يعرف اللي انت لسه قايله دا ماشي مهما حصل
الدكتور :حاضر يا دكتور
احمد :ها يا يوسف كان فيها أي؟
يوسف :دا... دا شوية إرهاق مش اكتر يلا انزلوا انتوا واحنا جاين وراكوا
احمد بشك:ماشي
بقلمي منه وائل
♥️♥️♥️♥️♥️♥️♥️♥️
في شركه عمار
مني :عمار يقولك اي انا لاقت الأوراق دي عندي علي المكتب
عمار :وريني كدا، مش ممكن انتي لاقيتها فين؟
مني :عندي على المكتب، بس لي هي بتاعة اي الأوراق دي؟
عمار :مش ممكن، يعني دي مكنتش وصيته؟
ثم امسك الهاتف واتصل على رقم
الو.. ايوا يا متر انت قولتلي قبل كدا ان بابا كان عملي تنازل عن شركته اللي في الساحل مش كدا، وروحت انا قايلك اني مش محتاج الشركه دي انا شركتي معايا واتنزلت عنها لحسام
المحامي :ايوا يا عمار بيه اي اللي جد بقا؟
عمار: طيب انا قدامي ورق بوصية بابا الحقيقيه وهو متنازل ليا عن كل ورثه واني انا اللي اكون مسؤل عن الورث واكون انا عاوز ادي اخواتي الورث اديهم
المحامي:.....
عمار :اي سكت لي يا متر؟ ، تعرف اني ممكن احبسك بالعمله اللي انت عملتها دي
المحامي برجاء:ا ابوس ايدك يا عمار بي انا عندي عيال انا هقولك على كل حاجه
عمار :ايوا كدا احكي كل حاجه بالتفصيل يلا
بقلمي منه وائل
♥️♥️♥️♥️♥️♥️♥️♥️
في منزل الحاج علي
سوميه :وبس يا ستي كلمتهم وقالولي انهم مبسوطين بس يعني هي ندى اللي تعبت شويه
فتحيه بخوف:اي تعبت ازاي؟
سوميه :لا ماتقلقيش دا تعب بسيط مش اكتر ماتخافيش
فتحيه :طب كنت عاوزه اقولك على حاجه حصلت الصبح
سوميه :خير يا فتحيه؟
فتحيه:انا جالي الصبح واحده اي بنت ناس كدا وعليوي وكان شكلها نضيف اوي وكانت جايبالي ظرف فيه فلوس كتير اوي وشنط كتير فيها هدوم وشئ وشويات
سوميه :ودي مين دي يا ختي؟
فتحيه وهي تلتفت حولها :منا ماسبتهاش الا لما عرفت مين دي وجايه مع مين
سوميه :وطلعت مين؟
فتحيه : تبع عمار، عمار ابني
سوميه وهي تضع يدها على فم فتحيه:بس بس وطي حسك لو الحاج حسين سمعك وانتي بتقولي عمار ماتعرفيش هيعمل اي
فتحيه بحزن :الله هو انا بجيب في سيرة مين يعني دا ابني برضو يا جدعان ومهما عمل هو برضو وحشني، انا مش عارفه لي محرج علينا نجيب اسمه حتى ولو بالصدفه
سوميه :ماانتي عارفه لي يا فتحيه يمكن الحاج حسين عمل كدا عشان انتي اكتر واحده انتي وبنتك اضرتوا بعد اما هو مشي، بدل مايكون جنبكم يحميكم، بدل ما يجبلكم حقكم َوحق ابوه اللي صبرين كوشت عليه كله، مشي مشي وقرر انه يشوف طريقه مش مهم الناس اللي تخصه يحصلهم اي، لولا الحاج حسين دا يا فتحيه كان زمانك انتي وبنتك مش لاقين تاكلوا لأنك عارفه ومتأكده انكم ملكمش اي حاجه بعد انا صبرين خدت كل حاجه
فتحيه بدموع :وانا يعني اعمل اي يا سوميه دا ابني يا جدعان ابني انا عارفه انه غلط، بس أنا مااخدتش الحاجه اللي بعتها وفهمتها اني مش عاوزه منه حاجه، بس اخدت رقمها قولت يمكن اقدر اشوفه ولو حتى مره
سوميه :طب معلش اهدي كذا وبطلي عياط ان شاء الله كل حاجه هتتحل
بقلمي منه وائل
♥️♥️♥️♥️♥️♥️♥️♥️
في الفندق
احمد :بس انت اخدت بالك اخوك كان بيلقلق في الكلام ازاي زي ما يكون مداري حاجه
رامي :هيكون مداري اي بس؟
احمد :مش عارف بس حاسس اني في حاجه غريبه بينه وبين ندى
هدي :الجو حلو اوي هو الواحد ينفع ينزل البحر دلوقتي؟
رامي :بس يا عبيطه انتي بليل كدا
احمد :استنوا دول بيلعبوا لعبه هناك او مسابقه تعالوا نشوف
رامي :يلا
كانت تجلس هبه على الرمل وتستنشق الهواء بحريه
زين :مش هتلعبي معانا؟
هبه :ها... لا ماليش في الحاجات دي
زين وهو يجلس بجانبها :انتي ليه بتحبي شغلانة العطاره دي؟
نظرت له هبه باستغراب وقالت :افندم؟
زين :بصي ماانكرش اني كنت برخم عليكي وبضايقك بس عندي فضول اعرف انتي ازاي بتعرفي التعب ودواه البديل من العطاره؟
هبه :عادي شئ سهل
زين :على فكره مش سهل خالص، يمكن سهل ليكي انتي عشان دي مهنتك
هبه :مش مهنتي ولا حاجه، دي مهنة ولدي الله يرحمه وانا عشان كنت بحب اتفرج عليه وهو بيشتغل اتعلمت منه
زين :تعرفي انا عمري ما عملت حاجه ناجحه في حياتي ودايما بابا يقول عليا فاشل، رغم اني ماسك شركاته كلها ومسؤل عنها زائد اني عامل معرض صغير كدا برسم فيه بس برضو هفضل فاشل في عينه
هبه :مش يمكن كان عاوزك تكون حاجه تانيه
زين :لا بابا مش عاوزني اكون حاجه تانيه بابا مش عاوزني اكون حاجه اصلا
هبه :َ دا ليه؟
زين :ماتيجي نقوم نتمشى شويه احسن
هبه :ماشي مفيش مشكله
*********
انجي بفرح :هيييييييه بص يا رياض انا.... اي دا؟
رياض بضحك :هههههههه يابنتي والله انتي فظيعه ودمك خفيف اوي هههه
انجي :والله تصدق اخويا كان معاه حق لما قال عليك انك حقير وخاين
رياض :انجي احترمي نفسك اي اللي انتي بتقولي. دا؟
انجي وهي تحاول ضربه :بقول الصح الكلام اللي لايق عليك، اي زهقت مني قولت تشوف غير ماهو الغلط مش عليك، الغلط عليا انا اللي ادتك أكبر من حجمك يا حقير
رياض وهو يمسك يدها وكان سيصفعها:لا بقولك اي بقا انا ساكتلك من بدري ومش راضي أمد ايدي عليكي انا هوريكي ازاي ترفعي ايدك عليا
انجي :عاااااااااااااا
احمد وهو يمسك يد رياض :لا لا اي هما ماقالولكش وانت صغير ان ماينفع تضرب بنت
رياض :وانت مالك انت وبتدخل لي
احمد :ماهو انا لو سكت هكون زيك مش راجل
رياض :طب تعالي يا راجل وريني نفسك
احمد :تعالي
البنات :عاااااااااااااا
هدى برعب :احمد، الحق يا رامي عااااااا
زين :اي دا في أي اللي بيحصل هناك دا؟
هبه بفزع:دا احمد ابن عمي
بقلمي منه وائل
♥️♥️♥️♥️♥️♥️♥️♥️
في غرفة ندى
ندى وهي تتحدث في الهاتف :لا يا ماما ماتقلقيش انا كويسه والله ماشي، حاضر يلا سلام
دب دب
ندى : مين؟
يوسف :انا يوسف يا ندى
ندى :اتفضل
يوسف :عامله اي دلوقتي؟
ندي :الحمدلله كويسه
يوسف :انتي عارفه الدكتور قالي اي؟
ندي وهي تعتدل في جلستها :قالك اي؟
يوسف وهو يجلس :قالي انك حامل
ندى بصدمه :ايييييي