👑عيلة العطارين👑
👑الفصل العاشر👑
ندى :مين؟
يوسف :انا يوسف يا ندى
ندى :اتفضل
يوسف :عامله اي دلوقتي؟
ندي :الحمدلله كويسه
يوسف :انتي عارفه الدكتور قالي اي؟
ندي وهي تعتدل لي جلستها :قالك اي؟
يوسف وهو يجلس:قالي انك حامل
ندى بصدمه :ايييييي
يوسف :ايوا يا ندى حامل، حامل من الوسخ اللي كنتي معاه
ثم اقترب منها وجذبها اليه بعنف وقال :لو تقوليلي مين الوسخ دا وانا اجيبه راكع تحت رجليا هندمه اقسم بالله هخلي يتمنى الموت
ندى بدموع :عشان خاطري اهدي ونبي، انا مش متذكره شكله اوي
يوسف بغضب :يعني اي مش متذكره، والا انتي بتداري عليه خايفه على حبيب القلب لاموتوا تحت ايدي
ندى بحزن :والله العظيم انا معرفهوش اصلا عشان اخاف عليه انا ولا ليا في أي حاجه اساسا
نظر لها يوسف وقد احس ان قلبه يؤلمه من تلك الدموع التي ان رآها كان يريد ان ياخذها في قلبه
يوسف :طب اهدي احنا لازم نتصرف في الموضوع دا قبل ما بطنك تكبر
ندى بدموع:طب هنعمل اي؟
يوسف :انا هتصرف
بقلمي منه وائل
♥️♥️♥️♥️♥️♥️♥️♥️
في شركه عمار
عمار :يا ولاد الكلب كل دا تعملوا، كل دا عشان اي؟ عشان حاجه اما ماليش ذنب فيها هو انا اللي كنت كاتب الوصيه
مني :بص اللي بستغربه هو لي عمي كتبلك كل حاجه انت بذات رغم انه عارف اللي فيها؟
عمار :انا عارف بقا، انا فوجئت زي زيهم وانا يعني هكون متفق معاه يا منى
مني:مش القصد يا برو بس الفكره ان طلما حسام بيعمل كدا يبقا اكيد عرف حاجه
نظر لها عمار ثم قال :تفتكري؟
مني :بص هو انا مش متأكده بس اي اللي هيخلي اخ يعمل كدا مع اخوه غير ان هو اتأكد انك مش اخوه اصلا؟
عمار :تصدقي معاكي حق، بصي انا مش فارق معايا حسام انه يعرف الحقيقه اكتر ما فارق معايا انجي، انجي كانت دايما تقولي انت ضهري وانا مش عاوزاك تكسرني، تفتكري لما تعرف حاجه زي كدا ممكن تثق فيا تاني أو تعتبرني اخوها فعلا؟
مني :بص كدا كدا هتعرف لان موضوع دا مهما استخبي اكتر من سنين هيتعرف وبيني وبينك لو تشوف مامتك كانت عامله ازاي مش هتوقف وقفتك دي وكنت روحت اترميت في حضنها
عمار بشوق :هي فعلا وحشتني اوي وندى كمان وحشتني، ثم سكت لبرهه وقال :أسرار
مني :نعم؟
عمار :أسرار كمان كانت وحشاني اوي
مني :مين دي اختك والا اي؟
عمار :لا دي اول حب في حياتي وبنت عمي وعدتها اني هرجع وانا نسيتها اصلا، بس الغريب انها مانستنيش وانا متأكد من دا لما شوفتها في المطعم حسيت انها عرفتني من ريحة البرفيوم اللي كنت بحطه بس هي شكلها اتغير اوي كل حاجه فيها اتغيرت بقت ولد خالص
مني باستغراب :ولد! ازاي دا؟
عمار وهو ياخذ مفاتيح سيارته :هقولك بعدين انا لازم امشي دلوقتي زمان حسام رجع البيت لازم افهم كل حاجه سلام
مني :سلام يا برو، والله يا برو انا اتمرمط معاك اكتر ما القرموطي بيتمرمط في أفلامه
عمار :بطلي برطامه ها سامعك
مني وقد انتبهت لوجوده :وانت من اهله يا برو
بقلمي منه وائل
♥️♥️♥️♥️♥️♥️♥️♥️
في منزل الحاج حسين
جليله :انتي بتتكلمي بجد يعني البت المعصعصه اللي كانت معديه الصبح دي كانت تبع عمار
سوميه :ايوا يا جليله بس وطي حسك لا الحاج يسمع
جليله :لا ياختي ما تخافيش الحاج مش هنا الحاج تحت في الدكان، ايوا يعني انتي عاوزه اي بتقوليلي الكلام دا ليه يعني؟
سوميه :كنت يعني بقولك لو تخلي الحاج يرضى ان عمار يجي يشوف امه واخته يعني...
جليله مقاطعه حديثها :لا لا لا انا كلمته الصبح هب فيا زي وبور الجاز ياختي كدا كفايا ونبي، وبعدين هي فتحيه مستكبره تيجي تحكيلي يعني والا اي؟
سوميه :ماانتي عارفه ياجليله من ساعة ما حصل اليوم اللي ابنها مشي فيه والكلام اللي قاله وهي مكسوفه من الحاج ومبقتش تبص في وشه
جليله :ياختي بلا هم هي العيال تغلط واحنا اللي ننكب فيها، معالينا خليها تتوصل بس مع البت دي ولو الواد فعلا حس بغلطه وعاوز يرجع هكون كلمت الحاج يمكن قلبه يحن
سوميه :بجد يا جليله
جليله :الله وانا من امتا هزرت معاكي يا وليه انتي، بس انتي بتقولي أن الواد كان بعتلها فلوس وهدوم غاليه اوي
سوميه :حصل
جليله : يبقا الواد مش هيحتجنا في حاجه
سوميه بخيبة امل :طب والعمل؟
جليله وقد جائتها فكره:أسرار
سوميه :مالها؟
جليله :هي أسرار اللي هتخلي يجي على ملي وشه، انتي قولتي هي اخدت رقم البت؟
سوميه :اه بس فهميني اومال قصدك اي؟
جليله :هفهمك
بقلمي منه وائل
♥️♥️♥️♥️♥️♥️♥️♥️
في دكان الحاج حسين
حسين :اول شهر هنزود الطلبيات اللي بتتاخد مننا ما اول شهر انتي شايفه الحاجه غلية اوي يا بنتي مش عارف لي كدا، وبرضو هنزود فلوس مرات عمك وبنت عمك سمعاني يا أسرار؟
أسرار :......
حسين :يا أسرار...، في أي يابنتي انا بقالي ساعه بكلمك وانتي مش بتردي عليا وقاعده القاعده دي من ساعة ما رجعتي من عند صاحبتك، هو في حاجه حصلت بينك وبينها؟
أسرار :لا ياابا مفيش حاجه حصلت
حسين :اومال مالك بس يا بنتي بتعملي كدا ليه ومسهمه لي كدا؟
أسرار :مفيش ياابا انا كويسه، بقولك يا أبا انا سألت على موضوع الجامعه دا، انا هعمل المعادله وهكمل في تجاره
حسين :اللي يريحك يا بنتي، المهم انتي عرفتي انا قولت اي؟
أسرار :اه يا أبا عرفت، بس كنت عاوزه اقولك حاجه ياابا
حسين :خير يا بنتي
نظرت له أسرار وترددت في قول ماتريد
حسين :ماتقولي يا بنتي
أسرار :ها لا يا أبا دا انا كنت بس عاوزه اطمن اخدت دواك؟
حسين وقد شك في الأمر :اه يابنتي اخدته بس دا اللي كنتي عاوزه تقولي؟
أسرار بارتباك:ايوا يا أبا عن اءذنك هروح اشوف دكان عمي علي
حسين :ربنا يهديكي يا بنتي
***********
صبرين وقد رأت أسرار تسير في الطريق:مساء الخير يا كابتن
نظرت لها أسرار باشمئزاز وقالت :استغفر الله العظيم يارب
صبرين : مالك يا حلوه باتنفخي لي والا اقول يا حلو احسن اصلك ملكيش علاقه بالنسوان
أسرار بغضب :خاليكي في حالك يا صبرين احسنلك لحسن وديني هخلي وشك دا شبه الخريطه وانتي عرفاني مجنونه واعملها
صبرين بصوت عالي :نعم نعم نعم يا موزه، بتقولي اي يا حلوه بتقولي اي يابت انتي تعملي َوشي انا شوارع دا انا اخليكي ماتسويش ربع جنيه ولا في سوق الرجاله ولا سوق الحريم
أسرار :ههههه انتي بتقوليلي انا كدا صح؟ طب اتكني وادخلي دكانك يا مرا عشان مااخلصش عليكي بلا هم
ثم تركتها وذهبت
صبرين باستحلاف:بقا انا بتقولي هتخلص عليا انا نشوف مين اللي هيخلص على التاني يابنت حسين
بقلمي منه وائل
♥️♥️♥️♥️♥️♥️♥️♥️
في الفندق عند الحفله
مشرف الرحله :اي فكرين نفسكم فين في الحاره بتضربوا بعض، دا اا لسه بقولكم الصبح مش عاوز مشاكل عشان هياثر عليكم اي من اول يوم كدا
رياض هو يحاول تبرير :والله يا دكتور انا...
قاطعه المشرف قائلا :شششش مش عاوز اسمع ولا كلمه، هو فين دكتور يوسف؟
يوسف :اي اللي حصل يا دكتور عادل؟
عادل :شوف البهوات كانوا بيضربوا بعض وكانوا هيقطعوا بعض عشان بنت
احمد مسرعا :حضرتك فاهم غلط هو كان هيمد ايده عليها فانا بقوله ميصحش فقل أدبه
يوسف بغضب :وانت تدخل ليه، مفيش غيرك في المكان يعني، وبعدين مكنش هيقدر يمد ايده
احمد:ايوا بس..
قاطعه يوسف قائلا :بس انت،لو شوفت حد فيكم بيهوب ناحية التاني العقاب هيكون صعب اتفضلوا
نظر رياض لأحمد بغضب ورحل
يوسف :يلا كل واحد يروح يشوف كان بيعمل اي
*********
رامي:كنت هضيع نفسك انت، يابني انت اي اللي دخلك اصلا ماكنت سبتهم يتصرفوا هما
احمد :يا سلام لا اسيبه يمد ايده عليها واسكت انا ومبقاش راجل
رامي :واهو بقت راجل اهو والمشرف هيحط عينه عليك ومفيش مهاودا المره اللي جايه وممكن يبعت للكليه يدوك رفض
احمد :ياعم بقا بلا قرف
انجي :انا بجد مش عارفه اقولك اي انا بشكرك جدا واسفه على اللي حصلك بسببي
احمد :انتي بتقولي اي بس مفيش مشاكل خالص انا تحت امرك
انجي:ميرسي جدا مش عارفه اقولك اي والله
احمد :هو خطيبك؟
انجي بحزن :لا بس المفروض كان هيخطبني
رامي :هو دا شكل بتاع خطوبه يا بنتي دا شكله بتاع يومين
قام احمد بضربه في بطنه وقال :اَاا.. تعالي اقعدي معانا بدل ماتقعدي لوحدك وبالمره اعرفك بااختي دي هدى اختي ودا رامي ابن عمي ومعانا هبه اخته بس مش عارف راحت فين والدكتور يوسف طبعا انتي عارفاه دا اخوهم برضو وابن عمي وبنت عمتا ندى بس هي تعبانه فوق
انجي :اه الف سلامه عليها، بس ماشاءالله دا كلكم في نفس الجامعه
احمد :اه بس كليات مختلفه وانتي بقا عندك اخوات
انجي :اه عندي اخين أكبر مني وانا الصغيره
احمد بغزل : وقمر كمان
انجي بخجل :اي
احمد :اقصد يلا نشرب حاجه
رامي :اخوكي شكله وقع
هدي:الظاهر كدا يلا يااخويا يلا
بقلمي منه وائل
♥️♥️♥️♥️♥️♥️♥️♥️
في منزل عمار
عمار وهو يدخل من باب المنزل :حسام حسام
باكينام :في أي يا عمار مالك صوتك عالي كدا لي؟
عمار :حسام فين يا ماما؟
حسام ببرود:انا اهو كنت عاوز حاجه يا عمار؟
عمار وهو يقف أمامه :يعني ماتعرفش انا عاوز اي؟
حسام وهو يخرج سجاره من جيبه ويشعلها :وانا هعرف منين بشم على ضهر ايدي
عمار :حلو اوي كويس انك موجوده يا ماما، فاكره وصيه بابا يا ماما
باكينام:ايوا يا حبيبي مالها؟
عمار :ماطلعتش وصيه بابا
باكينام:نعم! يعني اي؟ مش فاهمه؟
عمار :انا هفهمك يا ماما، البيه المحترم بدل وصية بابا هو والمحامي المحترم اللي زيه وبابا اصلا مكنش كتبلي شركة الساحل من الاساس، بابا كتبلي كل حاجه وخلاني واصي على حسام وانجي
باكينام بصدمه :ايييي، طب وانت عملت كدا ليه يا حسام؟
حسام وهو يصفق بيديه :طق طق طق، برافو لا بجد شابو وعرفت كل دا لوحدك والا السنيوره اللي بتشتغل معاك هي اللي عرفتك؟
عمار :انا عاوز بس اعرف انت لي وسخ كدا، انا مش فارق معايا ولا فلوس ولا اي حاجه يغور كل دا، انا بس عاوز اعرف انت لي بتكرهني كدا؟
حسام بغضب شديد :بكرهك! انا مش بس بكرهك انا بكره اليوم اللي انت جيت فيه البيت، انت على طول بابا بيفضلك عليا رغم اني اول مره اعرف ان ليا اخ كان مهاجر اساسا، انت طلعتلي منين، لما اتفجئ بأن ليا اخ امي ولدته في استراليا من ٢٠ سنه وجاي مصر وانا ولا كنت اعرف بكده بس كنت طفل عشر سنين مكنتش فاهم في أي والا اي بيدور حوليا انا اصلا شاكك انت اخويا كل حاجه عمار عمار عمار ايييييي مفيش غير عمار المقدس بتاع العيله
عمار :معاك حق بس مكنتش اتوقع انك تكون بتمثل عليا الحب طول السنين دي، و اه انا فعلا مش اخوك وبابا غلط فعلا لما ما قالكش الحقيقه ، بس احب اقولك بقا أن ابوك كان تاجر مخدرات وفلوسه كلها راحت لأنها كانت حرام وكل العز اللي انت فيه دا بسبب شركة الإعلانات بتاعتي اللي انت كنت شايفها ملهاش لازمه هو اه بابا ساعدني فيها او الراجل اللي كنت بعتبره ابويا ساعدني اني افتحها بس انا سدت كل حاجه وحاليا اي حاجه تخص ابوك دي تخصني لان ببساطه بابا مات ومكنش وراه اي حاجه والوصيه اللي انا كتبتها دي كنت انا اللي كتبها كنت هديك ورث فعلا لان مكنتش عاوز احسسك بحاجه يااخويا ، اه حتى اسأل ماما يا حسام باشا اومال هي ساكته لي ومش بتتكلم ، تصبحوا على خير انا هطلع انام لان ورايا شغل بكرا.
ظل حسام واقف منصدم مالذي يحدث ما تلك المصائب التي وقعت على راسه فجاءه ولما كل ذلك؟ هل بالفعل خسر والده كل أمواله؟ هل بالفعل كل ذلك من حق عمار؟ هل عمار ليس أخيه بالفعل؟
حسام وهو ينظر لوالدته:انا مبقتش فاهم حاجه انا بقت حاسس اني عايش مع ناس معرفهمش انا مبقتش عاوز حد حقيقي مش عاوز اعرفكم تاني
باكينام:حسان استنا يا حسام ابوس ايدك ماتسبنيش حسااااام
بقلمي منه وائل
♥️♥️♥️♥️♥️♥️♥️♥️
في الخارج بالقرب من غرفة ندى
أنور :طب انت عاوز منها اي دلوقتي؟
خالد :يابني بقولك قاعده لوحدها جوا
أنور :طب وانت اي مشكلتك ماتسبها في حالها بقا
خالد :اسيبها دا اي، انا لسه مااتمتعتش بيها وبعدين انت اي اللي جابك معايا يلا روح انت
انور:انت كدا اتعديت حدودك يا خالد وانا بقا مش هسمحلك بكدا
خالد :نعم وانت مين انت اصلا عشان تسمحلي والا ماتسمحليش اوعي من وشي
أنور وهو يحاول ابعاده :بقولك اي انت لو مامشيتش من هنا وسبت ندى في حالها اقسم بالله هعرف دكتور يوسف ورامي اخوها بكل حاجه ومش هيهمني حاجه
خالد وهو ينظر إلى سكينه موضوعه علي الطاوله القريبه من الغرفه :بقا انت بقا عاوز تفضحني
أنور :اه وبقولك اهو امشي من هنا احسنلك
خالد وهو يمسك السكينه :طب وريني بقا هتنطق ازاي
أنور بصراخ :ااااااااااه
ندى بفزع :اي دا اي الصوت دا
ثم قامت مسرعه وفتحت الباب
ندى بصراخ :عاااااا انت عملت اي انت قتلته؟! عاااااااااااااا
بقلمي منه وائل
♥️♥️♥️♥️♥️♥️♥️♥️
في مطار القاهره الدولي
مني باشمئزاز:اهلا وسهلا
كرستين :هاي، انتي مني؟
مني وهي تنظر لها من قدميها لراسها:اه انا مستر عمار بلغني اني استقبلك اتفضلي معايا عشان اوصلك للبيت
كرستين :طب وعمار فين؟
مني :مستر عمار في بيته هيقبلك بكره الصبح اتفضلي
كرستين:اوكي
مني :انا معرفش بيعرف النسوان دي منين بس دي البت طلقه دا انا جنبها عرسه، يلا على الله حكايتي
بقلمي منه وائل
♥️♥️♥️♥️♥️♥️♥️♥️
في دكان الحاج علي
صبرين :واد يا سعيد جهزت كل حاج يا ولاا
سعيد :كله تمم يا معلمه والنسوان جاهزه
صبرين:حلو اوي نفذ يلا
سعيد :تمم يامعلمه
********
أسرار :يلا يا بندق روح هات اللي قولتلك عليه عشان لما ترجع نقفل الدكان عاشت تعبت وعاوزه انام
بندق :هو يا ست أسرار مش هتاخر
زبونه :سلام عليكم
أسرار:عليكم السلام اؤمري يا حجه
السيده وهي تشاور لثلاثه من السيدات معاها :هنؤمر ان شاء الله
أسرار بدهشه:اي دا في أي انتوا عاوزين اي؟
السيده وهي تقوم بتكتيف أسرار :عاوزين روحك يا حلوه
أسرار بصراخ :اوعي يا مرا انتي وهي اااااااه وحياتي امي ماهسيبك انتي وهي بس حلوني وانا اوريكم
السيده :انتي بقا اللي عامله القلق دا كله خدي، يلا يا وليه انتي وهي بسرعه
أسرار بصراخ :ااااااااااه بطني ااااااااااه