روايةعيلة العطارين
الفصل الثالث
بقلم منه وائل
زين :انتي بتستهبلي يابت والا اي، اي اللي انتي قولتي دا
هبه :بت اما تبتك، ولتاني مره بقولك لو اتعرضتلي تاني كرامتك دي هتكون في الأرض تحت رجلي
زين :تحت رجل مين يابت، انا....
واثناء شجارهم سمعوا أصوات صراخ
عاااااااااااااا عااااااااا
طالبه :حد يلحقني صحبتي هتروح مني ونبي
هبه :طب اهدي بس هي مالها حاسه بايه؟
مراد :وانتي يعني اللي هتعلجيها، اقعدي على جنب ونبي يا ست خديجه المغربيه انتي وديها لدكتور يا بنتي
امنيه :ماتسبها تشوفها مالها مش يمكن مانحتجش لدكتور
زين :معتقدش ان الهبل اللي هي بتعمله دا ينفع في حاجه
هبه بانفعال:بقولك اي انت وهو محدش فيكم يدخل في اللي مالهوش فيه
البنت :ااااااه بطني مش قادره بموت
الطالبه :ونبي الحقوها ونبي
هبه :طب بس اهدي انتي حاسه بايه؟
البنت :بطني بتتقطع وحاسه ان روحي هتطلع
هبه :طب بس اهدي الموضوع بسيط، امنيه روحي بسرعه هاتي الحاجات المكتوبه دي
امنيه :حاضر على طول
هبه :وانتي تعالي معايا عند الكانتين عشان اعملهالك وتروحي الحمام يلا
مراد بسخريه:الله الدكتوره هتتصرف يا ولاد وسعوا للدكتوره هبه
نظرت لهم هبه باءشمئزاز ثم رحلت
مراد:البت دي بتتنك على أي مش فاهم انا
زين :يااخي فكك من الهبل دا كدا كدا مفيش بنت تقدر تتنك عليا مسيرها هتقع، يلا نروح نشرب اي حاجه
بقلمي منه وائل
♥️♥️♥️♥️♥️♥️♥️♥️♥️
في دكان الحاج حسين
أسرار :مالك ياابا سرحان في أي؟
الحاج حسين :في حاجات كتير اوي يابنتي، في حق ولاد عمك اللي ضايع، وبنت عمك اللي محدش معرفها الصح من الغلط، وفي ابن عمك اللي هاج وسافر ومحدش عارف عنه حاجه
أسرار :كل دا ياابا بتفكر فيه، ياابا ارحم نفسك ياابا يعني هو انت اللي ضيعت حق ولاد عمي، ماعمي راح اتجوز الرقاصه المعفنه دي وكوشت على كل حاجه وقال اي هو اللي كتبلي كل دا، مش يستنضف طب، وبنت عمي مفيش راجل يركز معاها ماهو معلش حضرتك مش هتسيب شغلك وحالك وتركز معاها وكل واحد فينا مشغول في حياته اذا كان اخوها طفش، وبالنسبه لاخوها بقا دا اللي مش بعتبره ابن عمي اصلا ولا له صله بالعيله، اللي زي دا غريب عننا ويستاهل يعيش لوحده
الحاج حسين :يابنتي هما ملهمش ذنب في كل اللي بيحصل دا عمك هو السبب
اسرار:ماهو معلش ياابا مش معني ان ابوهم غلط هما يعكوها اكتر، مش كل ما حد يغلط نعلق الشماعه على الغلط دي ونهرب الباقي بعد كدا، فوق ياابا ولاد عمي مش أطفال ولا حطين صباعهم في بوقهم، دول واعين
الحاج حسين :ربنا يصلح لهم الحال يابنتي، الا هو فين الواد بندق؟
أسرار :مااهو واقف في دكان عم علي مكان هبه على اما تيجي من الجامعه
الحاج :اهي دي الوحيده من ولاد عمماك اللي فخور بيها بت بميت راجل بصحيح
أسرار :ربنا يقويها
بقلمي منه وائل
♥️♥️♥️♥️♥️♥️♥️♥️♥️
في كلية ندى
يوسف :بس ودا المشروع المطلوب منكم السنه دي، و اه بالنسبه للناس اللي جات سئلتني على الامتحان، الكتاب كله مقرر مفيش حاجه ملغيه يلا اشوفكم المحاضره اللي جايه على خير
أنور :يووووو ابن عمك دا قفل اوي مش فاهم انا بيعمل كدا ليه، دا الدكاتره كلهم لاغين نص الكتاب
نور :يابني هو كدا على طول دا حتى قفل معاها هي كمان
ندى:خلاص بقا انتوا الاتنين مش وقته المهم هو المفروض له محاضره تانيه في آخر اليوم هنحضرها صح
أنور :نحضر مين يااما احنا لو حضرنا كدا مش هنتفسح دا هو اليوم كله محاضراته هو النهارده
ندى :اه صحيح، طب ماهو هيعرف اننا كدا غبنا
نور :ياستي مش هياخد باله يلا بقا
ندى برعب :طيب، ربنا يستر
.........................
في المحاضره الثانيه
يوسف : في مدخل العلوم بينقسم لثلاث أقسام
قسم العلوم البحته
وقسم العلوم التطبيقيه
وقسم العلوم الكيميائيه
ودا اللي هنخده ان شاء الله في المحاضره القادمه
بقولك يا فرغلي هما الطالبه كلهم مضوا؟
فرغلي :ايوا يا دكتور
يوسف :انت متأكد؟
فرغلي :اه والله
يوسف :طب روح انت، هي ندى محضرتش المحاضره التانيه لي؟ ياترى راحت فين؟
ثم اخرج الهاتف من جيبه وقام بالاتصال الي والدتها :الو ايوا يا مرات عمي ازاي حضرتك، لا الحمدلله انا كويس، لا ماتقلقش انا بس كنت عاوز اسأل حضرتك على حاجه، هو ندى قالتلك انها هتحضر اليوم كله مش كدا؟، والله، لا مفيش حاجة كنت بس بتأكد لا لا هي موجوده ماتقلقيش سلام
معقول هتكون راحت فين دي؟
بقلمي منه وائل
♥️♥️♥️♥️♥️♥️♥️♥️♥️
في شركه عمار
كانت الموديلز تقف امامه وتدور بالفستان
عمار وهو يشاهدها بتلذذ:لا لا لفي تاني
الموديلز:اهو
عمار :تعالي قربي كدا
الموديلز:كدا؟
عمار :لا تعالي عليا اوي
الموديلز :اهو
عمار وهو يضع يده على خصرها :كدا تمم اوي، ثم هب واقفا أمامها واقترب منها وقال :بس مش واجب اننا نجرب الامكانيات دي يمكن في حاجه تتظبط
الموديلز :تقصد اي يا مستر عمار؟
عمار :انتي فاهمه قصدي كويس
دب دب
عمار :ادخل
مني :عمار في حاجات عاوزه..... سوري مكنتش اعرف انك في ميتينج اصلك مانورتش اللمبه
عمار بحده:عاوزه اي يا منى؟
مني بسخريه :لا خلاص خليك في الشغل بتاعك مش مهم
عمار بغضب :قولتلك عاوزه اي يامنى
مني بفزع :طيب طيب براحه، كنت هقولك في حاجات عاوزه تتعدل في ديزاين الإعلان دا استاذ جمال مدخل كله في بعضه
عمار :طب سيبي الإعلان على المكتب وروحي يلا
كانت تقف مني تدقق النظر في الموديلز ولا تستمع لما يقوله عمار
عمار :هو انتي مش سمعاني بقولك سيبي الإعلان وروحي يلا
مني :ها، طيب اهو ابقا استنضف شغلك شويه ها
عمار :برا يا منى
مني :طيب خلاص
عمار :ها رايك؟
الموديلز بتفكير ثم قربت منه أكثر :طيب هو انا ممكن اعمل الإعلان كله؟
عمار :شور، يلا بينا؟
الموديلز :يلا بينا
عمار :صحيح انتي قولتي اسمك اي؟
الموديلز :انجي
عمار :يلا يا انجي
بقلمي منه وائل
♥️♥️♥️♥️♥️♥️♥️♥️♥️
في فيلا أنور
ندى :يا جماعه انا خايفه انا لازم اروح
نور :يابنتي ماتبقيش قفيله بقا اقعدي
انور:اعرفكم بصحابي دا محمد ودي دنيا ودا خالد
خالد وهو ينظر لندى :اذيك ياندي عامله اي؟
ندى بتوتر :ها انا الحمدلله كويسه
نور :تعالي يلا نغير هدومنا فوق
ندى:لا انا مش هغير هدومي في حته انا هقعد في الجنينه استناكم
دنيا :هي صاحبتك مالها؟
انور:معلش شويه وهتتعود خودوا راحتكم يا جماعه
خالد وهو يقف وراء ندي:مالك قفيله لي كدا؟
ندى :نعم قفيله ازاي يعني؟
خالد :مش واخده على الجو زينا
ندى :يمكن عشان اول مره اجي هنا
خالد :ومش هتبقا اخر مره اكيد هتتبسطي
نور :بقولك اي يا أنور ندى ملهاش في الكلام دا خالي خالد يبعد عنها ماشي
أنور وهو يتحسس جسدها:اي يا حبيبتي عادي ملهاش في الكلام دا بكره تتعود
نور :لا يا أنور كله الا ندى
أنور :طيب طيب سيبك من ندى دلوقتي تعالي عشان عاوزك في كلمه فوق لوحدنا
ثم همس في اذنها بكلام
نور بصوت عالي :هيهيهيهي
أنور :حلاوتك
خالد :وبعدين بقا دي مش عاوزه حتي تتكلم كلمتين على بعضهم
دنيا :انت عاوز اي بظبط وانجز؟
خالد :ماانتي عارفه انا عاوز اي
دنيا :اااااه، ههه مش تقول كدا من الاول، طب خد حطلها دي في العصير
خالد :انا مش عاوزها نايمه
دنيا :مش هتنام ياعم هتخليها تهلوس بس ومش هتحس بالدنيا
محمد:يا جدعان ماتسبوها في حالها
دنيا :نقطنا انت بسكاتك بس، يلا روح انت
خالد : ماشي
.........................
خالد :انتي لسه قاعده؟
ندى :اومال هروح فين؟
خالد :لا خليكي قاعده هنا جنبي، ثم امسك يدها
ندى :لوسمحت سيب ايدي
خالد :سوري اتفضلي عصير عملتهولك
ندى :شكرا مش عاوزه
خالد :ماتبقيش قفوشه بقا يلا اشربي
ندى وهي تاخذ منه الكوب:شكرا
خالد :قوليلي بقا ماجتيش هنا قبل كدا مع نور وانور ليه؟
ندى :مااتعودتش اني اروح اي مكان غير الجامعه، اصل البيت عندنا متشدد شويه
خالد:اااااه، بس تعرفي بيفوتك نص عمرك
ندى :ليه يعني انا مش شايفه اي ميزه
خالد :بالعكس، احنا هنا بنعمل كل اللي احنا عاوزينه وبمزاجنا اي حاجه انتي عاوزاها وعلى راحتك
ندى :اه، انا دماغي لافه كدا ليه؟
خالد بمكر:مالك بس
ندى وهي تحاول أن تقف ولا تستطيع الوقوف :ااااه دماغي وجعاني اوي
خالد وهو يقوم بمسنادتها:طب استني بس انتي رايحه فين؟
ندي:عاوزه اروح هي نور فين؟
خالد :لا استنى تروحي فين بس تعالي هطلعك فوق تريحي شويه تعالي
دنيا :اي دا هي مالها؟
خالد :داخت شويه هطلعها فوق ترتاح، ثم قام بالغمز لها
دنيا :يا حرام طب خالي بالك منها كويس اوي يا خالد ها ثم غمزت له وضحكت
محمد :والله العظيم حرام اللي انتوا بتعملوا دا
دنيا :ياعم اسكت بقا، صبلي كاس يلا
محمد :طيب
...................
خالد وهو يفتح باب الغرفه :حسبي اوعي تقعي خالي بالك
ندى وهي تنظر له :انت مين؟
خالد :ماتخافيش يا روحي انا جنبك نامي هنا
ثم قام باءلقائها على الفراش
خالد وهو يقترب منها :متخافيش ياقمر كل حاجه بالهداوه
بقلمي منه وائل
♥️♥️♥️♥️♥️♥️♥️♥️♥️
في شقة الحاج حسين
هدى :يا رامي افهم والله ماقعدت عندها كتير، وبعدين اخوها اصلا مش بيكون موجود هناك الصبح
رامي:واشمعنا دون عن كل صحابك بتروحي تذاكري عندها؟
هدى :عشان دي البيست فريند يا رامي
رامي :بيست فريند امتا انتي لسه سنه اولى يعني اول سنه ليكي في الجامعه
هدى :بس مش اول سنه ليا مع صحبتي دي معايا من ابتدائي
رامي:يوووو بقا يا هدي يابنتي انا بخاف عليكي
هدي:يا حبيبي ماتخافش والله العظيم ناس محترمين
رامي:طيب طيب خلاص سيبك من الموضوع دا، المهم هنخرج امتا؟
هدى :مش عارفه، دي حتى اسرار عاوزه تيجي معايا بكره
رامي:لا لا وحيات ابوكي يا هدى بلاش بكره قوللها اي حاجه زحلقيها
هدى :مش هينفع يا رامي انا وعدتها عشان ماتزعلش
وعندما كانت تتحدث طرق باب الغرفه وكان احمد
احمد :هدي افتحي
هدى :يالهوي دا احمد اخويا
رامي :يانهار اسود
احمد :كنتي بتكلمي مين ياهدي؟
هدى بارتباك :دا.. دا واحده صاحبتي كانت عزماني على عيد ميلادها
احمد بشك:صاحبتك؟... طب وريني كدا
هدي :الله في أي يااحمد هو انا عملت حاجه
احمد :لا ماعملتيش بس كل مره بتتكلمي في التليفون بتدخلي اوضتك وتقفلي على نفسك مع انك في بعض الأوقات يعني بتتكلمي قدامنا عادي
هدى بتوتر:اصل.. هو صحبتي ساعات بتقولي حاجات مهمه وأسرار وكدا
احمد :طب هاتي التليفون طلما م بتكذبي
هدى برعب:ها يااحمد ماقولتلك صاحبتي
واثناء ماكانوا يتحدثون قطع حديثهم جليله تقول:احمد يااحمد
احمد :ايوا ياماما
جليله :ابقا انزل لابوك عشان عاوزك ودلوقتي ها يلا
احمد :حاضر يا ماما حاضر، يارب توب علينا بقا
هدي بارتياح :الحمدلله يارب الحمدلله
بقلمي منه وائل
♥️♥️♥️♥️♥️♥️♥️♥️♥️
في الجامعه عند هبه
هبه :ها بقيتي احسن دلوقتي؟
البنت :اه الحمدلله، بجد مش عارفه اشكرك ازاي دا لولاكي ولولا الخلطه بتاعتك دي كان زماني بموت
هبه :بعد الشر عليكي المهم انتي اهم حاجه تواظبي على الخلطه دي يوميا لحد اما تخلص وان شاء الله مش هتحسي بوجع تاني
البنت :طب هو الوجع دا من اي؟
هبه:تلوث انتي باين عليكي بتاكلي من برا كتير
البنت :بصراحه اه
هبه :طيب قللي اكل من برا وركزي اكتر على الخضروات والفاكهه
البنت :حاضر، شكرا ليكي جدا
هبه:الشكرلله يا حبيبتي
امنيه :اي ياعم دا لا بجد دا انتي طلعتي دكتوره بالاعشاب فعلا لا بجد انا انبهرت
هبه :ولا انبهرتي ولا حاجه عادي يعني يا امنيه مش اول مره
امنيه:بس تصدقي زين ومراد ماشالوش عينهم من عليكي شكلهم اتكسفوا على دمهم
هبه :حاجه تخصهم ما تخصنيش يلا عشان نروح
امنيه:ماشي يلا
مراد بصدمه: انت شوفت اللي انا شوفته
زين:ايوا
مراد :دي عالجة البت
زين :نفسي اعرف اي السر اللي وراها؟ بس مسيرها هتقع تحت ايدي
بقلمي منه وائل
♥️♥️♥️♥️♥️♥️♥️♥️♥️
في المساء عند كلية ندى
يوسف وهو يقف امام سيارته :ياترى راحت فين دي؟
ندى وهي تهبط من السيارة وكان يبدو عليها الإرهاق السديد والبكاء
نور بحزن :هكلمك لما تروحي ها؟
ندى بضياع :ها ماشي
نور وهي تساندها:طب هتعرفي تروحي والا اي؟
ندى وقد خانتها دمعه :ان شاء الله
واثناد ما كانت تقف تنتظر سيارة الاجره
يوسف بغضب:ندى
ندى برعب وقد اتسعت عينيها :يوسف