رواية بائعة الورد
الفصل الثالث عشر والرابع عشر والخامس عشر
بقلم اسماء ابراهيم
#بائعه الورد.
الفصل الثالث عشر....
معتصم: مساء الخير يانغم ايه سهرانه يعني وكمان قاعده لوحدك ليه اومال فين أهل البيت وياسمين.
نغم: مساء النور كلهم ناموا عشان من بدري هانروح لجدي المستشفي وياسمين في الجنينه انت ماشوفتهاش.
معتصم: لا ما أخدتش بالي المهم طمنيني عليكي يانغم .
نغم: انا بخير طول ما انت اقصد كلكم بخير هاقوم اجيبلك العشا تحب تشرب حاجه .
معتصم: نغم انا بحبك وبتمني اليوم اللي تكوني فيه مراتي وام ولادي.
وقفت نغم غير مصدقه ما سمعته من معتصم فهي تحبه بل تعشقه وكانت تحلم باليوم الذي يبوح لها بحبه .
ألتفت له نغم ووجهها يكسوه الخجل وقالت انت بتقول ايه.
معتصم: بحبك - بحبك ..
نغم: تقصد هتتحملني ؟
معتصم: مش فاهم !
نغم: أنا كلي عيوب !..
معتصم: أنتي جميلة .
نغم: مش جميلة أنا عصبية ومتسرعة وساعات بكون غبية وخوافة أنا بزعل وبسكت وببعد ومش بعاتب، أنا صعب تفهمني وتعرف مالي لأن أنا مبقتش عارفة مالي أنا أنطفيت ..
معتصم: بردو هفضل أحبك
نغم: وانا كمان اوعدني يامعتصم انك تكون ليا الاب والاخ والزوج والحبيب .
معتصم: اوعدك عمري ما هزعلك واكون كل دنيتك نغم نفسي اسمعها منك .
نغم: ب ح ب ك
قالتها نغم وركضت الي المطبخ فابتسم معتصم ابتسامه واسعه دخلت ياسمين ورأت معتصم يقف وينظر ناحيه المطبخ ومبتسم فنادت عليه بصوت عالي نسبيا.
ياسمين: معتصم ايه يابني واقف وعامل كده ليه هو ايه اللي حصل.
معتصم: ايه يابنتي خضتيني حصل كل خير دعواتك بقي جدي يقوم بالسلامه عشان اتقدم رسمي لعمك وجدك .
ياسمين: اشطاااا بقي اي خدمه وابقي عد الجمايل هي نغم راحت فين.
معتصم: في المطبخ بتحضرلي العشا ما تخليكي جدعه بقي وتطلعي تنامي .
ياسمين: امممم بتزحلقني يعني طيب بس علي فكره يوسف جيه وكمان عمك محمود وسالم وقولت ادخل اعرفك عشان ماحدش يقفشك.
معتصم: ايه يوسف هنا وكمان عمي وسالم لا ياحلوه خليكي هنا .
ياسمين: اممم افكر الاول ولا اقولك انا هدخل المطبخ اشوف نغم وبالمره افهم هببت معاها ايه باااي يا عصومي.
معتصم بغيظ من ياسمين أخد مخده من علي الكرسي ورامها عليها .
بعد دقائق دخل يوسف وسالم ومحمود البيت وركضت معتصم لحضن أخيه
معتصم: حمدالله علي سلامتك ايه ده انتوا اتقابلتوا بره ولا ايه.
يوسف: لا كنا في استراحه المزرعه وانا جاي لاقيت النور منور وعربيه سالم دخلت واتقابلنا هناك فين جدتي وكل اللي في البيت.
معتصم: كلهم نايمين مافيش غير نغم وياسمين في المطبخ بيعملوا عشا.
محمود: انا طالع اتسبح واغير خلجاتي وهاروح المستشفي لأبوي.
يوسف: مش وقته ياعمي ارتاح دلوقتي وهانروح كلنا الصبح وبعد اذنك بعدها عايز نروح الشركه نتكلم مع بعض شويه.
نظر له محمود ونظر لسالم ومعتصم وصعد إلى غرفته دون أن يتفوه بكلمه.
معتصم: وحياتك ياسالم ادخل شوف الهوانم بيعملوا ايه ده كله في المطبخ هموت من الجوع وبقالهم ساعه.
سالم: ماشي ده انا واقع ويارب يكونوا عملوا أكل عليه العين .
يوسف: هات اللي عندك يامعتصم .
معتصم: علي طول كاشفني كده المهم انا ماحبتش اتكلم قدام سالم وانا في الشركه لاقيت ملف خاص بالحج عامر وفيه عقد بينه وبين عمى محمود وكمان الفلوس اللي ادفعت دخلت لحساب عمك مش لحساب الشركه وانا مش عارف اتصرف اقول لبابا ولا اعمل ايه .
يوسف: هات الملف ده وما تقولش لبابا ولا اي مخلوق وانا هتصرف لان عمك محمود ده حكايه ولازم افهمها.
معتصم: ماشي تعالي بقي نشوف اللي جوه دول بيهببوا ايه وبالمره تشوف ياسو ياروميو.
يوسف: يالا ياخفيف يعني انت مش عايز تشوف نغم مش كفايه الصمت الرهيب.
معتصم بضحكه عاليه: احنا عدينا مرحله الصمت وقولتلها كل حاجه واول ما جدي يقوم بالسلامه هاتقدم رسمي.
يوسف: هو ده الكلام يالا بينا.
___________________________________
صباح يوم جديد علي الجميع بفيلا مراد المرشدي
استيقظت شدوي من نومها وتوجهت الي الحمام لتنعم جسدها بحمام دافئ وخرجت ارتدت ملابسها واتصلت بصديقتها روضه لتبلغها أنها سوف تأتي لها وليذهبن معا الي محل الورد الخاص بياسمين .
بعد وقت قصير وصلت شدوي إلي السكن التي تقطن فيه روضه وصعدت روضه السياره بجوار شدوي وتحركت في طريقهم الي المحل...وصلت شدوي وروضه أمام محل الورد وترجلت كلا منهما وقامت روضه بفتح المحل ودخلت شدوي الي مكتب ياسمين فوجدت بوكيه الورد الذي طلبته منها لترسله الي دكتور سراج.
شدوي: واو يابنت الايه ياسو البوكيه تحفه شوفي ياروضه جماله .
روضه: عدي الجمايل علي فكره انا اللي عملته ياسمين كانت بتكلمني فيديو كول واختارت الورد وانا اللي صممته كده يارب يعجب بس.
شدوي: ده تحفه واكيد هايعجب وبعدين انا عندي ليكوا مفاجأة هاتعرفوها قريب.
روضه: امممم مفاجأة ايه انطقي بدل ما ازرعك مكانك .
شدوي: لأ مش وقته المهم اكتبي علي الكارت عيد ميلاد سعيد وكمان اكتبي أود أن أهديك كل الحياه ولكني أهديتك قلبي....وفي الاخر امضاء مجهول...
روضه: بركاتك يادكتور سراج شدوي بتقول اشعار اوعدنا ياااارب.
شدوي: طيب يالا يا أختي عشان الدليفيري واقف مستني وكمان نلحق نخلص الاوردارات هنا ونروح الجامعه فادي عندنا المحاضره التانيه وانا مش ناقصه.
روضه: هههههههه والله اخوكي ده غريب في حد دلوقتي بيعمل كده انا لو مكانه كنت نجحت الدفعه كلها علي حسك يالا ياشوشو ربنا معاكي.
بالجامعه كان دكتور سراج يجلس في مكتبه وسمع طرق علي الباب فأذن للطارق بالدخول
دخل ساعي مكتبه وقدم له بوكيه الورد
وقال..دكتور سراج في واحد جاب الورد ده لحضرتك ومشي.
سراج: واحد مين طيب نزله علي المكتب واتفضل انت
وقف سراج ينظر الورد بإعجاب شديد وأخذ الكارت وقرأت مافيه وابتسم ولكنه أخذ يفكر من صاحبه الورد وكيف لها أن تعرف يوم ميلاده وقال لنفسه أتمني أن تكون هي.
_________&________&____&&&&&&&&&
استيقظ جميع من في بيت الحج قاسم الشناوي وتناولوا الفطار وذهبوا جميعا الي المستشفي للاطمئنان علي الحج قاسم.
طاهر: صباح الخير يادكتور ابوي كيفه دلوقك ونقدروا نطمنوا عليه ولا لساه في العنايه.
الدكتور: صباح الخير ياطاهر بيه الحج قاسم اتنقل غرفه عاديه وتقدروا تطمنوا عليه واحتمال كبير يخرج النهارده.
طاهر : ربنا يباركلك ياولدي ويحافظ عليك استأذنك اروح للجامعه ونطلع للحج.
خرج طاهر من غرفه الطبيب وتوجه الي عائله وطمأنهم علي صحه والده وصعدوا جميعا الي غرفه الحج قاسم.
دخل طاهر وجد والده يصلي فأنتظره ينتهي من صلاته وألقي عليه السلام وقبل يده ورأسه وحمدالله علي سلامته.
طاهر: حمدالله بسلامتك ياابوي ربنا يخليك ويباركلنا فيك
قاسم؛ الله يسلمك ياولدي ابوك لساه عافي وقوي
طاهر: الجامعه كلهم بره عايزين يدخلوا يطمنوا عليك وكماني محمود اخوي معاهم.
قاسم: يوسف فين ياطاهر عايز اشوف ولدك .
طاهر: رجع بالسلامه يابوي ورحمه سالم ماتزعل من محمود ربنا يهديه لحاله.
قاسم: خلاص ياولدي قولهم يدخلوا انت حلفتني بالغالي الله يرحمه.
دخل الجميع وتبادلوا السلام مع الحج قاسم وفرح بوجود العائله بأكملها فهو دائما يسعي الي جمع شملهم .
الحج قاسم: ربنا يخليكوا لبعض ويجعلكم صالحين دايما .
الحجه حسيبه: حمدالله بسلامتك ياحج وربنا يقومك لينا وترجع تنور دارك .
طاهر: اطمني ياما الدكتور قال ممكن يخرج النهارده ويرجع البيت.
محمود: حقك عليه ياابوي أني محقوقلك والف سلامه عليك واقترب منه وقبل يده.
الحج قاسم: ربنا يهديك ويصلح حالك ياولدي يوسف ياولدي حمدالله رجوعك بالسلامه .
يوسف: الله يسلمك ياجدي كده تقلقنا عليك ده احنا بناخد القوه منك.
سالم: ايه ياجدي انت بتتدلع علينا ولا عايز تشوف غلاوتك عند حسيبه
الحج قاسم: اتحشم ياولد جاك خابط.
سالم: ايه ياقاسم الواحد مايعرفش ياتفك معاك بكلمتين.
ضحك الجميع علي مزاح سالم مع جده وبعدها دخل الدكتور أطمئن علي سلامته وكتب له خروج وبالفعل بعد ساعه وصل الحج قاسم مع أولاده وأحفاده الي المنزل..
وأثناء جلوسهم جميعا وقف معتصم وقال.
معتصم: جدي وبعد إذنك يابابا وحضرتك ياعمي انا طالب ايد نغم .
الحج قاسم: اخيرا الجبل نطق واني موافق وكتب كتابك مع يوسف في الاجازه الكبيره وتبقي الفرحه فرحتين.
طاهر: مبروك ياولدي ونغم بتي قبل ما تكون بت اخوي وربنا يتمم بخير.
محمود: مبروك عليك يامعتصم ياولدي وانا مش هالاقي عريس لبتي زياره واني ماليش طلبات نغم بتك ياطاهر .
طاهر: كيف يعني يااخوي نغم غاليه قوي واللي تأمر بيه هايكون عندها.
تعالت الزغاريد وعم الفرح علي الجميع وبعدها خرج الشباب الي اشغالهم وطلب يوسف الذهاب مع عمه محمود الي الشركه....
#بائعه الورد..
الفصل الرابع عشر.....
بمكتب دكتور فادي بالجامعه دخل كلا من ناني وتامر ووضع ظرف به عده صور خاصه بالحفل الذي أقيم بفيلا مراد المرشدي وورقه مكتوب عليها (ماهو سر انك تخفي عن الجميع علاقتك بشدوي) وخرجوا سريعا قبل أن يراهم أحد.
بعد وقت ليس بكثير دخل دكتور فادي مكتبه وجلس وطلب من الساعي فنجان قهوه قبل أن يلحق بالمدرج وإلقاء المحاضره نظر علي مكتبه وجد الظرف ومعه ورقه قرأ محتواها وافرغ الظرف وتفاجأ بالصور وضعها علي مكتبه ووقف بعصبية ونادي علي ساعي مكتبه وسأله
فادي: ياراضي في حد دخل مكتبي النهارده الصبح
الساعي: لا يادكتور مافيش حد دخل في حاجه حصلت أو ضاعت من المكتب.
فادي: تمام روح انت استعجل القهوه .
دخل فادي مكتبه واتصل بدكتور سراج وطلب مقابلته بعد انتهاء اليوم في الجامعه .
بكافيه الجامعه كانت تجلس شدوي وروضه يتناولون الفطار جاءت عليهم ناني وألقت السلام
ناني: هاااي يابنات ازيك ياروضه اكيد دي شدوي مش كده.
روضه: اهلا ناني انا كويسه مش لسه شايفني الصبح في السكن واه هي شدوي اعرفك ياشوشو دي تبقي......
ناني الحلواني صاحبه روضه وساكنه معاها في السكن ومع ياسمين وكنت حابه اتعرف عليكم ممكن تقبلوني صاحبه ليكم.
شدوي نظرت لروضه وبعدها قالت اه طبعا اهلا بيكي اتفضلي افطري معانا.
ناني: ميرسي ياقلبي مش هقدر عندي محاضره كمان عشر دقايق فرصه تانيه أن شاء الله..بااااي.
روضه: بااااي ..
شدوي: مين دي يارورو معقول دي صاحبتك وشكلها طالع فيها ليه اوي كده.
روضه: دي بقي ناني الحلواني من اسكندريه وأبوها رجل مبسوط وعنده مشاريع كده بس هي عامله نفسها بنت بارم ديله ومغروره زي ما انتي شايفه ولاقيتها بتقولي عايزه تبقي قريبه مننا ويبقي لها أصحاب.
شدوي: اممممم بس شكلها مش مريح وكمان اول مره اشوفها هي معانا هنا.
روضه: اه لكن هي قسم عماره مش معانا في ديكور بس من النوع اللي بيحب ياخد كورس في اي قسم عشان يبقي عندها خبره.
شدوي: اوك يالا بقي نروح المدرج زمان اخي المبجل دقايق ويوصل مش ناقصه حرج علي الصبح.
روضه بضحك يالا يابنتي الا قوليلي صحيح اخبار بوكيه الورد ايه ماتعرفيش حاجه.
شدوي: اوبس تصدقي نسيت بس احب اطمنك أنه اكيد عمل عمايل ويالا بقي بطلي رغي....
__________________________&_____&
يوسف: احنا بقينا لوحدنا اهو ياعمي ممكن اعرف ايه اللي حصل عشان يوصل جدي أن يدخل العنايه المركزه.
محمود: انت بتحقق معايا ياولد والله عال ولدك كبر ياطاهر وبيحقق مع عمه.
يوسف: تحقيق ايه ياعمي انا بتكلم معاك وبعدين ليه اخدت كلامي كده انت في الاول والاخر عمي وانا زي سالم ابنك وكمان اخويا بقي خطيب بنتك.
محمود: هيكون حصل ايه عاد اتشاكلت ويا إلهام مرتي وجدتك اتدخلت وأني هملت البيت وماخابرش ايه اللي حصل لأبوي غير من سالم بالليل واني في استراحه المزرعه.
يوسف: امممم يعني اللي تعب جدي مش الملف ده ...وقدم يوسف ملف الحج عامر أمامه.
محمود: ملف ايه ده ياولدي....وبدأ بفتح الملف وظهر علي وجهه التوتر وبعدها وقف بعصبيه وقال...مين اللي جاب الملف ده وأني ماخابرش عنيه حاجه.
يوسف: اقعد كده واهدي ياعمي انت عارف الملف ده كويس وكمان وصل البنك اللي فيه دخل حسابك الخاص تمن الآلات الزراعية اللي راجل اخدها وجدي فاهم أنه لسه مادفعش وبعدين يعني مش مهم اوي الفلوس المهم ايه اللي بيحصل تاني وعلي العموم ياعمي انا مش هتكلم ولا هقول لحد حاجه عشان ظروف جدي وكمان مش عايز اكسر فرحه نغم بس حاول تراجع نفسك لان المستخبي عمره ما هيفضل وفي يوم هايظهر ويبان واحب اطمنك هايظهر علي ايدي .
محمود: ايوه الحج عامر دفع حسابه واني أحق واحد بيها أني اللي بتعب وبشقي وكل واحد فيكوا قاعد بيه وإذا كان في مستخبي ياولد اخوي أني وياك ومستني تظهره دي لو فيه حاجه .
يوسف بابتسامه هاديه: لا أطمئن فيه وانا متأكد وقد كلمتي استأذنك بقي ياعمي عشان المفروض هاروح مع معتصم وسالم والبنات نشتري شبكه نغم وياسمين سلام عليكم.
ذهب يوسف الي البيت وترك عمه في حيره ويفكر في كلامه وظل محمود يحدث نفسه هل يوسف عرف شئ من الماضي ام كلامه يقصد علاقته بالحج عامر وحسابه الشخصي فقط .
وصل يوسف أمام البيت واتصل علي أخيه لينزل له معه البنات وسالم وفي خلال دقائق كان الجميع أمامه.
ركبت ياسمين مع يوسف السياره وركبت نغم وسالم مع معتصم وتحرك كلا منهم الي محل الذهب لشراء شبكه كلا منهم.
بعد فتره من الوقت وصل الجميع لمحل الذهب وبدأت كل فتاه في اختيار شبكتها ....
ياسمين: نغم ايه رايك في الطقم ده .
نغم: روعه ياسو هايبقي تحفه عليكي وكمان معاه السلسله دي شكلها روعه وهاتليق علي الطقم.
ياسمين: طيب انا اخترت نفس الطقم ليكي ايه رأيك.
نغم: حبيبتي ياسو ربنا يخليكي ليا خلاص هاخد الطقم زيك ومش لازم السلسله.
يوسف: لا هاتي كمان السلسله يانغم ومعاها طقم الغوايش دي.
ياسمين: بس كده كتير ياجو انا بحب الحاجه بسيطه.
معتصم: علي فكره الغوايش دي هديه جدتي ليكم يعني بعيد عن الشبكه.
نغم وياسمين مش معقول .
سالم: انتوا هاتتصدموا كتير كده اخلصوا وخلصونا عايزين نلحق اليوم من أوله.
معتصم: تصدق انك عيل رخم وانا حمار اني جيبتك معانا.
يوسف: سالم شكلك كده عايز تتروق زي زمان .
سالم: خلاص ياعم الشبح براحتكوا وبعدين بقي عايز ياسمين في حاجه مهمه.
امسكه يوسف من تلابيب قميصه وقال وانت عايز ياسمين في ايه يالا انطق.
معتصم: علي فكره احنا تقريبا المحل بيتفرج علينا .
يوسف: احنا اسفين لحضرتك جدا بس بنحب نهزر شويه.
صاحب المحل: ولا يهمك يوسف بيه والف مبروك للهوانم وبلغ الحج قاسم سلامي.
شكره يوسف وأخذ علب الذهب وخرجوا جميعا وصعد الكل الي السيارات وذهبوا الي مطعم علي النيل لتناول الغذاء.
ياسمين: قولي بقي ياأخ سالم عايز ايه وهي ايه الحاجه المهمه دي ولو اني شاكه.
سالم: امممم بصي ياسو كنت عايز اعرف اكتر عن روضه صاحبتك هي اينعم لسانها طويل لكن دخلت دماغي الصراحه.
ياسمين: هههههه روضه دي صاحبتي جدا وبجد يابختك بيها بنت مؤدبه وجدعه تعرفوا أنها قدمت في شركه بابا شدوي عشان تساعد والدتها واخواتها.
نغم: ماشاءالله عليها شوقتيني أشوفها ياسو بس انت عرفت أن لسانها طويل ازي ياسالم.
سالم لعب في شعره وقال مش فاكر وقام يجيب حاجه ساقعه.
يوسف: اهووو هرب تلاقيه شافها لنا راح السكن لياسمين.
ياسمين: ايوه فعلا وحصل موقف وروضه الله اكبر عليها قطر وداس علي سالم.
نغم: احسن ويارب تبقي من نصيبه عشان تعلمه الادب وتطلع عليه الجديد والقديم.
معتصم: ياعيني عليكي يابنتي ده انتي شايله في قلبك كتير.
قضي الجميع يوم رائع واتفق يوسف مع ياسمين علي السفر مبكرا الي القاهره وعادوا الي البيت وفرح الجميع بهم وتعالت الزغاريد وعم الفرح في البيت وخبرهم يوسف بسفره مع ياسمين باكرا لاستكمال دراستها
الحج قاسم: انت جيت في ايه ومعاود في ايه ياولدي وإذا كان علي ياسمين تسافر مع معتصم ولا سالم.
يقف سالم ويقبل جبين جده ويقول الله عليك يا قاسم ياعسل هو ده الكلام.
تضحك نغم وياسمين عليه وينظر له يوسف نظره غاضبه.
إلهام: اتحشم ياسالم بتقول لجدتك باسمه صحيح قليل ربايه
نغم: ماتخافيش ياماما بكره تيجي اللي تربيه وتعلمه الادب.
سالم: خفيفه اوي مش كده
معتصم: مالك بيها ياعم سالم خلي بالك نغم تخصني ماشي ولا تحب جو يروقك.
ركض مسرعا الي أعلي وضحك الجميع عليه ثم شكرت ياسمين ونغم جدتهم علي الهديه
الحجه حسيبه: مبارك عليكوا يا حبايبي ويارب تتهنوا دايما واشوف عيالكم يرمحوا في البيت رمح.
لبني: في حياتك ياعمه وحياه ابويا الحج وأني من بكره هاشيع للبت ورده تعرف تاجر بيجيب قماش حرير من بلاد بره هاقولها تجيب احلي فرش للعرايس.
مني وإلهام في نفس واحد ربنا يباركلك يالبني ويفرحك دايما.
________________&&&&_______&&&&&
في القاهره كان يجلس سراج وفادي في كافيه علي النيل وبدأ فادي يقص عليه ماحدث في مكتبه وأعطاه الظرف، قام سراج بفتح الظرف وأمسك الصور بصدمه...
سراج: ايه ده يافادي انت علي علاقه بشدوي
فادي: سراج اللي انت ماتعرفوش وكل اللي في الجامعه أن شدوي تبقي اختي وانا خبيت ده عشان ماحدش يقول اني منحاز لها.
سراج: يااااااه طمنتني ربنا يطمن قلبك وبعدين ليه خبيت عادي يعني فادي ايه المشكله انك تقول وكلام ايه ده منحاز لها ولا لأ.
فادي: اللي حصل بقي بس هاتجنن مين اللي كان في الحفله وصورنا كده.
سراج: دي سهله اوي لو عندكم كاميرات مراقبه تقدر تعرف مين كان موجود وصور
فادي: تصدق كلامك صح انا ازاي ما فكرتش كده تمام هاروح حالا علي الفيلا واشوف الامن المسئول عن ده.
سراج: انت ياعم رايح فين مش تقولي عملت ايه في موضوعي مع اختك.
فادي: اطمن انا فتحتها في الموضوع بس مش بطريقه مباشره بس اوعدك هاقولها .
سراج: يبقي تحدد ميعاد اقابل مراد باشا ونتقدم رسمي.
فادي:واقع واقع يادكتور يالا سلام يا صاحبي.
بمكان اخر ناني وتامر يجلسون سويا يضحكون علي فعلتهم فهما يعتقدون بذلك وقع فادي تحت رغبتهم.
ناني: بس فكره مجنونه ياتيمو انك تحطله الصور علي مكتبه بس تفتكر هيعمل حاجه .
تامر: طبعا هو مخبي عن الكل أن شدوي تبقي أخته والصور هاتخليه متلخبط ومش معقول يطلع بعد السنين دي قدام الكل كداب.
ناني: بس احساسي بيقول غير كده ممكن يعلن انها أخته ووقتها هاتبقي خسران.
تامر: وقتها هارتب حاجه تانيه وأدخله من ناحيه بابا وعلاقته بمراد باشا المرشدي.
ناني: حلو ده وانا النهارده اتعرفت علي شدوي عن طريق روضه وبحاول ادخل وسطهم يالا باااي اتأخرت علي السكن والحجه وداد مش بتسكت.
تامر: طيب اوصلك واهو اكسب فيكي ثواب ياقمر.
ناني: لا خليك مش عايزه حد من البنات يشوفني وانا نازله من عربيتك بااااي.
~~~~~~~~~~~~~~~~~~~~~~~
بمرسي مطروح اجتمع فؤاد الالفي مع المهندسين الذين يقومون بإنشاء المنتجع السياحي
فؤاد: طبعا عارفين اهميه المشروع ده بالنسبالي والأهم اننا بقينا شركاء لمجموعه المرشدي جروب ودي اكبر مجموعه في الشرق الأوسط فمحتاج تصاميم علي اعلي مستوي وطبعا الوقت مهم جدا.
مهندس1: ده معمول حسابه يافؤاد ماتقلقش واحنا معانا مهندسين علي اعلي مستوي في المعمار وطبعا الوقت المحدد كافي جدا
مهندس2: لكن طبعا مهندسين الديكور هيكونوا من شركه المرشدي لأنهم محترفين في تصميم ديكورات عالميه .
فؤاد: كده تمام وانا متفق مع مراد بيه علي كل حاجه خاصه بالديكور ودلوقتي تقدروا تتفضلوا علي الموقع .
بعد انتهاء الاجتماع اتصل فؤاد الالفي بالسيد مراد المرشدي ليبلغه بموعد انتهاء البناء والاستعداد باستقبال مهندسين الديكور واتفق معه مراد المرشدي بأنه سوف يأتي مرسي مطروح خلال أيام .
#بائعه الورد..
الفصل الخامس عشر...
وصل إلي القاهره بسلام يوسف وياسمين وسالم بعد أن اصر علي السفر معه واتفق مع ياسمين أن تقابله بروضه وأمام العماره التي تسكن بها ياسمين نزلت من السيارة ودلفت إلي السكن بعد أن ودعتهما ..
صعدت الدرج ووصلت أمام شقه الحجه وداد وطرقت الباب عده طرقات بعد لحظات فتحت لها بنت صغيره .
ياسمين: مساء الخير ياحبيبتي اومال الحجه وداد فين وانتي مين بقي ياقمر.
البنت: انا رفيده اخت روضه وانتي مين.
ياسمين: اهلا وسهلا بيكي ياقمر تعرفي أن روضه تبقي صاحبتي جدا وكمان كلمتني عنك كتير وعن رامي
رفيده: انتي تعرفي رامي كمان ده واد غلس وبياخد مني الشكولاته.
ياسمين: ههههه انا هاجيبلك احلي شوكولاته وكتير اوي اوي.
تنادي سيده وهي تأتي من الداخل تقول يابت يارفيده بترغي مع مين ده كله..معلش يابنتي اهلا وسهلا بيكي خير.
ياسمين: ولا يهمك ياطنط انا ياسمين ساكنه هنا وكنت مسافره ولسه راجعه فكنت عايزه ادي خبر للحجه وداد وأسلم عليها اكيد حضرتك والده روضه صح.
رحمه: ايوه ياحبيبتي اتفضلي الحجه وداد قاعده في البلكونه وانا عارفاكي ياسمين دي روضه طول الوقت بتحكيلي عليكي.
تركت ياسمين حقيبتها ودخلت للحجه وداد سلمت عليها وجلست بصحبتهم وبعد فتره من الوقت جاءت روضه من الجامعه وتفاجأت بوجود والدتها
روضه: ماما حبيبتي حمدالله علي السلامه وحشتيني اوي وانت يارفيده عامله ايه وياسو كمان وصلت ده ايه الحلاوه دي.
رحمه: الله يسلمك ياقلب امك اعمل ايه وحشتيني جدا وقولت اجي اشوفك وكمان أسلم علي الحجه وداد.
روضه: احلي حاجه عملتيها ياماما وفين الواد رامي .
رحمه: رامي اول ما وصلنا دخل نام البيه كان سهران وصحينا بدري عشان السفر.
ياسمين؛ طبعا من لاقي أحبابه نسي أصحابه مش كده ولا ايه.
روضه: ياسو ياقلبي حمدالله على سلامتك وحشتيني اوي والله كنت حاسه بفراغ من غيرك وكان اغلب الوقت بنزل عند الحجه وداد.
الحجه وداد: ربنا يخليكوا لبعض يابنات ويحفظكم من كل شر.
أمن الجميع علي دعوتها وجلسوا جميعا يضحكون ويتبادلون الأحاديث في جو رائع .
بشقه يوسف كان يجلس سالم في البلكونه يستمتع بالنظر الي النيل ومنظر القمر الساطع في السماء دخل عليه يوسف يحمل بيده صينيه عليها بعض الساندوتشات وكوبين من العصير الطازج.
يوسف: اللي واخد عقلك ياعمنا.
سالم: يارب يتهنا بيه المنظر تحفه ياجو شكل النيل وهو حاضن ضوء القمر مع شكل السفن وانوارها مزهل.
يوسف: لا انت حالتك صعبه اوي اهدي كده وقول هديت انت لسه في أولها وشكلك كده اومال هاتبقي عامل ايه لو هي معجبه بيك أو صرحت بحبها.
سالم: انا نفسي مش عارف حصلي ايه اول مره بنت تعمل فيه كده مع اني عرفت بنات كتير ايام الجامعه.
يوسف: الحب الحقيقي هو اللي بيلمس القلب من غير اسباب ولا مقدمات انا من اول يوم اتولدت فيه ياسمين وانا بحبها اوقات كنت بقول لنفسي يمكن حب اطفال وبعدها مراهقه لكن كل ما بنكبر بيكبر الحب معانا .
سالم: الحب حلو اوي كده يايوسف .
يوسف: الحب اجمل حاجه في الدنيا مش بين الحبيبن بس حب الإخوات جميل حب الاب والام ،حب الاصدقاء ، وأجمل حب في الدنيا هو حب ربنا .
سالم: تعرف اني عمري ما حسيت بحب الاب رغم أن افعال بابا بتقول أنه بيحبني اكتر من ماما ونغم لكن صدقني يايوسف عمري ما حسيت بالحب ده وانا بحاول اعوض ماما ونغم عن اللي بيعمله بابا والحمدلله أن نغم ربنا رزقها بمعتصم .
يوسف: انت قلبتها دراما ليه ياجدع وبعدين احنا كلنا معاك اهووو وبنحبك علي فكره وانا بتمني روضه تبقي من نصيبك لأنها تستاهل واحد جدع زيك.
سالم: حبيبي يايوسف والله انت اخويا وصاحبي مش ابن عمي بس.
يوسف: طيب يالا بقي ندخل ننام عشان عندي شغل الصبح وكمان حضرتك المفروض تروح محل الورد بتاع ياسمين.
سالم: يالا بينا وتصبح علي خير يارب.
**"""""""***"""""***""""""***""""***"""""**
في احدي الديسكوهات كان تامر يسهر مع مجموعه من أصدقائه الفاسدين يشربون ما حرم الله ويذهب العقل.
تامر: انا هتجنن لو مانجحتش السنه دي وابويا مستحلفلي ومش عارف اهبب ايه.
أحد أصدقائه: ياعم انت هاتفوقنا ليه مافكك من السيره دي يعني هناخد منها ايه.
صديق اخر: انت مكبر الدنيا اوي ياعم تامر لاغي بت من البنات الدحاحه وهي تظبطك
تامر: لا انا ماشي في حوار كده لو ظبط هاتبقي فله اوي انا هاقوم امشي وماتقلقوش الحساب خالص سلامووووز.
تركهم تامر وخرج صعد سيارته وتحرك ليعود الي منزله وبعد وقت قصير وصل الي الفيلا ودخل بهدوء شديد وأثناء صعوده علي الدرج أحد أضاء الانوار وقال بصوت عالي... البيه كان سهران لحد دلوقتي فين.
تامر وقف بصدمه فهو لا يعلم بوجود والده في الفيلا وألتفت له وقال..بابا انت هنا بتعمل ايه
منير والد تامر: هنا بعمل ايه ازاي يا استاذ انت كمان مش عارف اني رجعت من السفر
تامر: طيب يابابا حمدالله على سلامتك انا مش شايف أقدامي وعايز انام بكره نكمل كلامنا.
اقترب منه والده وأعطاه قلم علي وجهه وقال: وكمان شارب انت ايه يابني حرام عليك يعني لا أنت فالح في كليتك وكمان بتغضب ربنا حسبي الله ونعم الوكيل فيك.
تامر: انت بتضربني يابابا وبعدين من أمتي وانت بتهتم بيا ولا اهمك في حاجه ولا كل اللي هامك شكلك وسط الناس واه شارب وماحدش في الدنيا دي يقدر يمنعني من حاجه انا عاوزها.
منير: اطلع بره ياكلب ومش عايز اشوف وشك تاني غير وانت بني آدم محترم وجد مش عيل مستهتر زيك.
خرج تامر مسرعا وصعد سيارته وتحرك بها بسرعه جنونيه وهو سائق بسرعه جاءت سياره من شارع موازي وحصل تصادم قوي .
_______________________
صباح اليوم التالي في بيت الحج قاسم الشناوي كانت تجلس الحجه حسيبه في الجنينه تنتظر تحضير الإفطار فهما من وقت الي اخر يتناولون الفطار في جنينه البيت.
مني: تحبي اجيبلك كوبايه حليب بالعسل قبل الفطار.
الحجه حسيبه: لا يابتي هاستني نفطروا كلنا مع بعض وماتنسيش يامني الجبنه القريش للحج ده الدكتور موصي عليها.
لبني: ماتخافيش ياما الحجه الجبنه اول حاجه حطيتها علي الفطور وإلهام جايبه الفطير والعسل ونغم طلعت تنادي عليهم.
الحجه حسيبه: ربنا يباركلكم ويسعدكم اوعاكي يالبني تنسي تشيعي للبت عشان تجيب القماش للعرايس.
مني: مش لسه بدري ياما علي القماش يعني نستني لما العمال يشطبوا الجناح لكل عريس وعروسه وبعدها نختار.
لبني: ولا بدري ولا حاجه احنا هانجيب قماش التنجيد والملايات والفوط ومفارش السرير ونخلي الستاير وباقي الفرش بعد التشطيب.
الحجه حسيبه: كلامك زين يالبني .
بالداخل كان يجلس الحج قاسم مع أولاده طاهر ومحمود
طاهر: ايوه ياابوي بس صحتك خليك النهارده مرتاح واني ومحمود نروح المزاد ولا ايه يامحمود ماتتكلم عاد.
محمود: والله اني عايز اقول أكده بس خابر ابوي زين وكيف بيفكر
الحج قاسم: اني صحتي كيف الفرس وخابر بعمل ايه ومابعملش ايه ويالا بزياده لت الحريم ونطلعوا ناكلوا لقمه ونلحق المزاد من أوله
طاهر: بخاطرك يا ابوي بس ماتعرفيش مين داخل المزاد
الحج قاسم: ربنا يبارك في معتصم سأل وعرف مين داخل وكمان المزاد اخر كام
محمود: ربنا يحميه واني عامل حسابي نخلصه علي ربع مليون .
الحج قاسم: زين السعر ده ولو حد زود حلال عليه اني داخل بس عشان اعرف الكل أن شركه الشناوي أساس في كل مزاد حتي لو مرسيش علينا.
__________&&________
في فيلا الاسيوطي والد تامر رن جرس الهاتف وقامت أحد الشغالات بالرد علي المتصل وطلب التحدث للسيد منير الاسيوطي والد تامر.
ذهب الخادمه وطرقت باب المكتب وقالت للسيد منير في شخص يريد التحدث إليه رفع منير سماعه الهاتف .
منير: الو ايوه انا منير والد تامر مين حضرتك.
المتصل: انا بكلم حضرتك من المستشفى بخصوص ابنك هو عمل حادثه ومحتاجين حضرتك لانه لازم يدخل العمليات.
منير: انت بتقول ايه ابني طيب هو في مستشفى ايه انا جاي حالا.
بعد دقائق وصل منير والد تامر الي المستشفي وقابل الطبيب وسأله عن حاله ابنه.
الطبيب: حالته خطره ولازم ادخل جراحي فورا ومحتاج حضرتك تمضي علي الإقرار ده.
منير: هامضي طبعا وارجوك يادكتور تعمل اي حاجه المهم يقوم بالسلامه وعايز اشوفه
الطبيب: للاسف مش هينفع تشوفه دلوقتي لأننا بنجهزه للعمليه.
ترك الطبيب منير وذهب لإجراء العمليه جلس منير أمام غرفه العمليات ينتظر ابنه وطلب من أحد الممرضات مصحف ليقرأ بعض آيات القرآن
استغرقت العمليه فوق الثلاث ساعات وخرج الطبيب وقف منير وقال...خير يادكتور طمني
الطبيب: أن شاء الله خير هو حاليا لسه تحت تأثير البنج والنتيجه هانعرفها اول ما يفوق .
منير: انت تقصد ايه ابني حصله حاجه.
الطبيب: احنا عملنا اللي علينا والباقي في ايدين ربنا الحادثه كانت صعبه والعمليه كبيره واحتمال كبير تأثر رجله لكن احب اقولك أنها مجرد احتمالات مش هانعرف غير لما يفوق.
مرت ساعات بعد إجراء الجراحه وانتقل تامر الي غرفه مخصصه له وبدأ يستدعي وعيه وفتح عينيه قليلا وتحدث بصوت منخفض.
تامر: ب ا ب ا........
الممرضه: من فضلك ماتتكلمش انت لسه فايق من عمليه كبيره ارتاح وانا هنادي علي الدكتور.
تامر: عمليه ايه وبدأ يتألم ....
دخلت الطبيب ومعه الممرضه ووالده
الطبيب: حمدالله على سلامتك يا بطل مش تسوق علي مهلك
منير: تامر حبيبي الف سلامه عليك يابني كده ياتامر تقلقني عليك.
تامر: بابا سامحني انا ماقصدش اللي قولته
منير: ارتاح يابني عشان الدكتور يطمنا عليك وانا مسامحك ياحبيبي بس قوم بالسلامه.
الطبيب بدأ بالكشف عليه والاطمئنان علي العمليه وأثناء الكشف قال تامر ..انا مصدع اوي يادكتور وحاسس برجلي منمله ومش قادر احركها
الطبيب: اطمن ده طبيعي بعد العمليه وانا حاليا هاديك حقنه تسكن الالم وبكره الصبح اطمن عليك الف سلامه علي ابن حضرتك يامنير بيه وياريت تعدي عليه في مكتبي ندردش شويه
منير: اكيد طبعا يادكتور ومتشكر لحضرتك
تامر: بابا ممكن اطلب منك طلب ......
##########################
بمحل الورد كانت ياسمين ترتب الزهور وتتابع الطلبات التي وردت الي المحل وجاءت شدوي وروضه يحملون طعام لهم.
ياسمين؛ علي فكره بقي انتوا اتأخرتوا اوي عليه وعندي اربع اوردرات مهمين ومش عارفه أنجز في حاجه.
شدوي: الحق عليه قولت نجيب أكل ونيجي عشان اكيد جوعتي.
ياسمين: انتي بتقولي فيها انا فعلا هموت من الجوع لكن الشغل كتير اخلص الاول
روضه: ايه ده معظم الطلبات لرجال أعمال والعنوان لمستشفى واحده هو حد مهم ولا فنان اللي رايحله الورد ده.
دخل سالم وقال يعني حتي ده بتقري فيه ماتهدي ياحجه.
روضه: انت مين يابتاع انت وايه اللي جابك هنا انت مش بتحرم بقي .
سالم: بت انتي اتلمي احسنلك وانا ايه اللي جابني ولا انتي اللي بتعملي ايه هنا.
روضه: بت في عينك ياحيوان انت وبعدين ده محل الورد بتاعي انا وصحابي.
سالم: بتاع ايه ياماما سمعيني كده تاني انتي شكلك عبيطه ولا هبله
روضه؛ تعرف لو نطقت حرف تاني انا هعمل فيك ممكن ازرعك مكانك.
سالم: لا ده انتي عايزه تتربي وا وا وا.
ياسمين: بااااااس ايه انت وهي ماتسكتوا شويه في ايه
سالم وروضه في صوت واحد ايه ده انتي تعرفيه/ تعرفيها.
ياسمين: اهدوا كده خليني اعرفكم ببعض ده سالم ابن عمي ودي روضه صاحبتي ودي شدوي
شدوي: اهلا بيك ياسالم بس تاني ايه انتوا اتقابلتوا قبل كده.
روضه: ماهو ده اللي حاكيتلك عليه وانا نازله من العماره والله ماعرفش انك ابن عم ياسمين بس ما انت اللي بجح اوي.
سالم: رجعنا تاني لطوله اللسان ما خلصنا بقي وبعدين انتي اللي دخلتي فيه زي القطر يومها وانا اللي كنت بلحقك قبل ماتوقعي.
شدوي: خلاص بقي ياجماعه حصل خير خلينا نقعد نأكل ونخلص البوكيهات دي وكمان عشان عندي ليكم خبر مهم.
ياسمين؛ ياريت بس ايه هو الموضوع المهم.
شدوي؛ دكتور سراج طلب ايدي من فادي وجاي يقابل بابي يوم الجمعه .
ياسمين وروضه واااااااااو مبروووووك ياشوشو ايوه بقي ........