رواية بائعة الورد
الفصل السابع والثامن والتاسع
بقلم اسماء ابراهيم
#بائعه الورد..
الفصل السابع...
بمحل الورد الخاص بياسمين الشناوي كانت ياسمين تقوم بترتيب الزهور وبصحبتها أصدقائها روضه وشدوي وقد اتفقت شدوي معهم أنها تعاونهم في المحل ولكن طلبت أن تعمل شئ وبدأت تقول ما سوف تقوم بعمله.
شدوي: انا جاتلي فكره مجنونه وانتوا هتساعدوني اوك.
روضه وياسمين بصوت واحد: فكره ايه .....
شدوي: بصوا بقي اول حاجه عايزه منك ياسو بوكيه ورد يكون تحفه وانتي ياروضه تكتبي علي كارت البوكيه بخطك الجميل اهداء وانا هاتصل بأي حد من بتوع الدليفيري يوصله .
ياسمين: روضه انتي فاهمه حاجه ولا انا بس اللي عبيطه اوكي اعمل بوكيه تمام لكن ايه سر أن روضه تكتب الإهداء وانتي تجيبي دليفيري ولمين الورد ده.
روضه: انا فهمت قصدك ياشوشو بركاتك ياللي في بالي ايه النظام يامزه.
شدوي: احبك يارورو وانتي معايا علي الخط بذمتك مش فكره مجنونه .
ياسمين : انا شاكه فيكوا وبدأت اوصل اوعوا يكون هو الله يخربيتك ياشدوي.
شدوي بضحك : اه هو مش فكره مجنونه وتخليه يفكر مين صاحب الورد.
روضه: بس يافالحه خطي معروف وده هايخلي دكتور سراج يفهم اني انا اللي بعتله الورد.
شدوي: لا طبعا ما انتي ياروضه هاتكتبي الإهداء بنوع خط من اللي انتي بتعمليهم مش خطك العادي وبكده مش هيعرف مين وكمان ياسمين مافيش حد يعرف أن عندها محل الورد.
ياسمين ؛اوكي وربنا يستر انا عارفه دماغك دي هاتودينا لفين بس امري الله معاكي و عايزه البوكيه يكون جاهز امتي.
شدوي: يوم السبت الجاي بمناسبه عيد ميلاده .
/////////////////////////////////////////////////////
بالجامعه كان دكتور فادي بمكتبه يراجع بعض المحاضرات وإذا بشخص طرق الباب وسمح له فادي بالدخول ..تفاجأ فادي بفتاه تقف أمام مكتبه ترتدي ملابس لا تليق بالحرم الجامعي فكانت تلك الفتاه ترتدي بنطلون جينز ضيق وعليه بادي قصير وضيق يظهر مفاتنها...
فادي بضيق واحد: افندم حضرتك عايزه حاجه يا انسه.
ناني بدلع : اسمي ناني يادكتور وطالبه في قسم الديكور وكنت عايزه اتعرف علي حضرتك.
وقف فادي بعصبيه وبصوت عالي: اتفضلي أخرجي بره حالا وهنا مكان للدراسه مش للتعارف وبعدين ازاي طالبه جامعيه تلبس ملابس لا تليق بالجامعه اتفضلي بره.
ناني: اوك يادكتور هاخرج بره بس احب اقولك اننا هنتقابل تاني بااااااي.
خبط فادي سطح مكتبه واستغفر ربه وخرجت ناني وهي في قمه غضبها وهي تسير بخطى مسرعه حدث تصادم مع شخص فقالت....مش تفتح انت كمان هو انا ناقصه ايه اليوم ده.
الشخص: مالك ياقمر زعلانه ليه هو في حد يقدر يزعل ناني الحلواني .
ناني وهي تنظر له باستعجاب: انت تعرفني بقي ياتري انت مين .
الشخص: اعرفك كويس طبعا وعارف انتي عايزه توصلي لايه ومصلحتنا واحده اعرفك بنفسي انا تامر منير الاسيوطي ابن منير الاسيوطي صاحب اكبر توكيل عربيات في الشرق الأوسط
ناني: اهاااا غني عن التعريف طبعا الاسيوطي موتورز ومصلحتك ايه بقي .
تامر: انا في اخر سنه في الكليه وبقالي سنتين بعيد فيها وحان الوقت بقي اني اتخرج وفرصتي جالتي يوم الحفله اللي اتعملت في فيلا المرشدي والد دكتور فادي
ناني: وياتري هي ايه الفرصه دي ما انا لازم اعرف عشان نتفق ولا ايه.
تامر: اوك تسمحيلي اعزمك الليله علي العشا ونتكلم
ناني: مش هقدر انزل بالليل لاني في سكن طلبات وممنوع الخروج بالليل لو امكن خليها بكره علي الغدا .
تامر: اممممم افهم من كده اننا متفقين ماشي ياناني نأجلها للغدا باااااي ياقمر.
___________________________________
في قنا وخاصه في شركه الشناوي كان محمود ومعه معتصم ابن أخيه يعقدون اجتماع مع الموظفين وبعد انتهاء الاجتماع طلب محمود من معتصم مراجعه المخازن وتوريد بعد الآلات الزراعية لمزرعه الحج عامر .
معتصم: حاضر ياعمي بس الحج عامر متأخر في تسديد تمن التقاوي والادويه يبقي ازاي ياخد الآلات بس .
محمود: اني خابر ياولدي أنه عامر متأخر وعليه ديون لكن ما باليد حيله دي أوامر جدك واني رتبت كل حاجه وكلها شهر ويدفع كل اللي عليه.
معتصم: تسلم ياعمي ربنا يسدد ما عليه انا هامشي بقي اروح المخزن اشوف الرجاله حمله الحاجه ولا لأ.
وفي المزرعه كان طاهر الشناوي يراجع بعد الملفات الخاصه بالمحاصيل والمواشي وفي أثناء انشغاله رن جرس الهاتف وقام بالرد.
طاهر: السلام عليكم كيفك ياحج اني قربت اخلص اهااا وهاروح علي البنك واجي علي البيت طوالي.
الحج قاسم: خلي بالك ياولدي من الطريق وانت راجع عايزك تعدي علي دوار ابو ربيع السايس تشوفه صحته وتعمل معاه الواجب .
طاهر: حاضر يابوي وكمان هقوله يرتاح يومين كمان وخلي الواد عيد يشتغل مكانه لحد مايقوم بخير.
الحج قاسم: عين العقل ياولدي ربنا يباركلك في صحتك وفي مالك وولادك بسلامه انت.
في جنينه قصر عائله الشناوي كان يوسف يجلس في جزء مخصص لزراعه الورد وهو جزء خاص بحبيبته ياسمين فهي التي قامت بعمل مكان مخصص لزراعه الورد وكانت تعتني به
وكان يحدثها في الهاتف.
يوسف: حبيبي وحشتيني اوي تعرفي أن قاعد قدام الورد في الجنينه شكله حلو اوي لما كبر والورد فتح.
ياسمين: بجد ياجو شكله حلو نفسي أشوفه لما فتح وكبر.
يوسف: هاصورلك الورد وابعتلك علي الواتس وبعدين هانت كلها اسبوع واجمل زهره تيجي وتشوف الورد علي الطبيعه.
ياسمين: الله بقي ياجو المهم انت هتسافر امتي وهاترجع امتي كان نفسي تكون موجود معايا في الاجازه.
يوسف: معلش حبيبي ظروف شغلي كده وبعدين دي مأمورية يعني مش بنعرف هتخلص امتي ادعيلي اخلصها علي طول وارجعلك.
ياسمين: يارب يايوسف يوفقك ويحافظ عليك وترجعلي بالسلامه المهم انت عرفت معتصم وسالم.
يوسف : ايوه طبعا ودي خامس مره تسألي واجاوب وقولك اه واتفقنا كلنا وماتقلقيش ماحدش هايجيب سيره وبعدين عايز اقولك حاجه مهمه جدي قرر اننا نكتب الكتاب في الاجازه الكبيره .
ياسمين بفرحه: بتتكلم بجد يايوسف انا مش مصدقه.
يوسف: صدقي ياقلبي وطلب من ماما وطنط مني يجهزوا كل حاجه وكمان كلم مهندس عشان يشطب الجناح الغربي لينا.
ياسمين: احنا هنستقر في قنا مش اتفقنا نعيش في القاهره وقنا تبقي للزيارات والإجازات.
يوسف: ماتخافيش ياسو كل حاجه هاتتم زي ما اتفقنا وسلام عشان جوز الغراب جاين عليه.
ياسمين بضحك عالي اكيد معتصم وسالم سلم عليهم وانا هاروح اكلم نغم وحشتني اوي باااااي.
يوسف: بااااي حبيبي اهلا وسهلا خير ايه اللي جابكوا دلوقتي.
معتصم: ايه يا برنس جاين نعقد معاك قبل ما تسافر وتقول عدولي.
سالم: وحشتني اوي ياجو وعايز اتونس بيك ياقلبي قبل السفر.
يوسف يرفع حاجب وينظر لهم : اه دي شكلها حفله وبتقسموا عليه طيب يالا ياشاطر منك ليه عايز اطلع اوضتي اجهز شنطتي .
سالم: ماشي ياكبير براحتك علي العموم انا كنت جاي اسلم عليك واشوفك قبل ماتسافر
معتصم: ايه يابني ده لسه باقي اربع ساعات علي ميعاد الطياره.
يوسف: ده حقيقي لسه بدري انت رايح فين اعترف ياولد الشناوي.
سالم: ابدا والله انا بس رايح لعم ابو ربيع السايس تعبان اوي وجدي كان قالي اروح اوديله حاجات لبيته.
يوسف: تمام يامعلم اشوف وشك بخير ومش هوصيك ياسالم علي ياسمين تروح بنفسك تجيبها.
سالم: عيوني ياابن عمي متقلقش ياسمين اختي .
سلم عليهم سالم وتركهم وجلس معتصم مع يوسف وساد المكان الصمت ليقطعه يوسف.
يوسف: ايه مش ناوي تقول لبابا ويكلم جدك وعمك وتخطبها .
معتصم تفاجأ بأن أخيه يعلم بحبه لأبنه عمه فقال: يوسف هو انت .
يوسف: عندك شك في قدراتي ولا ايه انت ناسي اني ظابط شرطه والحاجات دي سهله اوي نعرفها من تعبيرات الوجه ونظرات العيون علي العموم لو عايز تستني لما ارجع من المأمورية وانا اكلم بابا مافيش مشكله بس انا شايف انك تفتح الموضوع مع بابا الاول وصدقني يامعتصم نغم بنت مافيش زيها ربنا يسعدك وتكون من نصيبك.
معتصم: انا بحبها اوي يايوسف وبجد بحلم باليوم اللي تكون نغم في بيتي وحضني نفسي اعوضها عن اي حاجه اتحرمت منها عايز اكون لها الاب والسند والحبيب والزوج مش عايز اشوف في عيونها نظره الحزن ابدا.
يوسف: ربنا يوفقك ويسعدك يامعتصم انت تستاهل كل خير وانا احب اطمنك أنها مياله ليك بس انت اتحرك وارميلها خيط وطمنها فاهم يابشمهندس...
يالا اسيبك بقي يادوب اجهز شنطتي عشان السفر معتصم انا مسافر مأمورية علي حدود ليبيا ومافيش مخلوق يعرف المكان الكل يعرف اني في مطروح بأمنك امانه تخلي بالك من ياسمين وبابا وماما لو جرالي حاجه.
معتصم: ماتقولش كده هاترجع بالف سلامه ونفرح بيك ويمكن بدل الفرح يبقي فرحين تسافر وترجع بالسلامه....
#بائعه الورد.
الفصل الثامن....
يوم جديد تشرق فيه الشمس باشعاتها الذهبيه تداعب عيون عسليه صافيه وتقيظها من نوم عميق ..
تستيقظ ياسمين علي ضوء الشمس الساطع تذهب الي الحمام تنعم جسدها بحمام دافئ وتتوضأ وتخرج ترتدي إسدال وتؤدي صلاه الصبح وبعدها ارتدت ثيابها المكون من بنطلون اسود وعليه تي شيرت سماوي وعقدت شعرها علي شكل ذيل حصان وأخذت حقيبتها وخرجت لتذهب الي محل الزهور الخاص بها.
الحجه وداد: صباح الخير ياسمين ايه يابنتي خارجه بدري ليه النهارده دي روضه قالت عندكم محاضرات بعد الظهر.
ياسمين وهي تقبل رأس الحجه وداد: عندي مشوار مهم قبل الجامعه اطمني ياست الكل ربنا يخليكي لينا تعرفي أن بحبك زي جدتي بالظبط ياما نفسي تيجي معايا قنا وتعقدي يومين تغيري جو وتتعرفي علي عيلتي.
الحجه وداد بتوتر واضح: اه اه ربنا يسهل يابنتي وبعدين يالا بقي روحي شوفي مشوارك وخلي بالك من نفسك.
ياسمين: ماشي حبيبتي وحياتك ياحجه وداد تقولي لروضه ما تتأخرش عشان المحاضره باااي.
خرجت ياسمين من المنزل ووقفت تنتظر تاكسي فخرجت ورائها ناني ونظرت لها بتكبر وألقت السلام .
ناني: هاااي ياسمين واقفه كده ليه لو رايحه الجامعه ممكن نوصلك انا بروح مع صحابي بيعدوا عليه بالعربيه.
ياسمين: ميرسي يا ناني بس رايحه مشوار قبل الجامعه متعطليش نفسك.
ناني: اوكي ياقلبي باااي ..وبعد ثواني جاءت سياره فاخره أخذت ناني .
ياسمين: ربنا يهديكي ياناني انسانه غريبه .
وفي السياره كانت تجلس ناني بجوار تامر وذهبا الي الجامعه
تامر: قوليلي ناني مين المزه اللي كنتي واقفه معاها .
ناني: دي ياسمين الشناوي بنت سالم قاسم الشناوي من أكبر عائلات الصعيد اكيد تسمع عنهم .
تامر: اه طبعا وكمان صديقه شدوي المرشدي ده كده حلو اوي.
ناني: هو ايه اللي حلو اوي وبعدين شدوي وياسمين دخلهم ايه بموضوعنا.
تامر بضحك: هتعرفي كل حاجه لما نخرج بعد الجامعه يالا وصلنا هاركن العربيه واحصلك ياقمر.
::::::::؛؛؛؛؛:::::::::؛؛؛؛؛:::::::::؛؛؛؛؛::::::::::؛؛؛؛؛؛؛:::::::::
بفيلا قاسم الشناوي كان الجميع يجتمعون علي السفر لتناول وجبة الإفطار.
طاهر: يوسف اتصل عليك يامعتصم ولا لأ ياولدي
معتصم: اه يابابا اتصل ووصل مطار القاهرة بالسلامه هايروح شغله وبعدها يسافر المأمورية في مطروح.
الحجه حسيبه: ربنا يكتب سلامته ويرجعلنا سالم غانم يااارب.
لبني: يااارب ياما احسن كل مره يطلع مأمورية قلبي يوجعني عليه.
الحج قاسم: هنفضلوا نتحدد علي شغل يوسف كتير يالا خلصوا فطور وحد فيكم يعملي الشاي ويشيعهولي علي الجنينه وانتي يا إلهام تاخدي نغم وتتدلوا السوق تجيب كل اللي نفسها فيه .
محمود باعتراض: كيف يعني يابوي ينزلوا لحالهم وبعدين هاتجيب ايه البت دي .
الحج قاسم: ماليكش صالح يامحمود ويالا روح لحالك علي الشركه ويارب تكون عملت اللي قولتلك عليه للحج عامر.
معتصم: كله تمام ياجدي عمي محمود قالي امبارح والنهارده كل حاجه هاتوصل لأصحابها.
الحج قاسم: خير ماعملت ياولدي يالا كل واحد يروح يشوف مصالحه واني طالع الجنينه.
خرج الحج قاسم الي الجنينه وذهبت خلفه نغم تحمل بيدها صينيه الشاي وقدمتها له وقالت...
نغم: ربنا يخليك ويباركلي فيك ياجدي انت الحاجه الحلوه اللي في حياتي.
الحج قاسم يربت علي كتفها: انتي النسمه الحلوه اللي في حياه محمود ولدي ماتاخديش علي خاطرك منيه يابتي مهما كان ده ابوكي ومسيره يرجع لعقله.
نغم: مش زعلانه ياجدي كل الحكايه اني نفسي احس بحنان الاب علي بنته نفسي لما اكون محتاجه حضنه اجري عليه ويخبيني جواه تعرف ياجدي أن اصحابي البنات يفتكروا عمي طاهر هو ابويا من كتر ما كان يحصل حاجه وهو اللي يجي عشان يحلها.
الحج قاسم: كلنا وياكي يابتي وبنحبك وعمك طاهر طول عمره بيعتبرك بته ومحمود ربنا يتولاه برحمته يالا روحي جهزي حالك عشان تلحقوا تاجوا علي طول.
قامت نغم وقبلت يد جدها ودخلت البيت وبعد دقائق خرجت مع والدتها للسوق.
وبالمطبخ كانت لبني ومني يحضرون الخضروات والطيور لتجهيز الغداء مع ام سعيد المسئوله عن المطبخ .
مني: والله يا لبني نغم وإلهام صعبانين عليه اوي لحد امتي محمود هيفضل طبعه كده .
لبني: محمود طول عمره قلبه قوي وقاسي ومايهموش غير الفلوس وبس وولده اللي يحمل اسمه ربنا يهديه .
مني: يارب انا قلبي وجعني لما شوفت نظره الحزن في عين مني ولا دموع نغم اللي محبوسه تعرفي أن سالم الله يرحمه كان علي طول يقولي أنه بيحس أن محمود ده مش اخويا وأنه كان دايما بعيد عنه وعن طاهر .
لبني: الله يرحمه سالم هو كان في حنيته ولا طيبته كان يتحط علي الجرح يطيب واهاا ربنا عوضنا بيكي وحبيبه قلبي ياسمين مرات ولدي.
الحجه حسيبه: مين يشهد للعروسه ربنا يسعدكم ويخليكم لبعض ويبعد عنيكم العين والشر وأهله.
لبني ومني مع بعض اللهم آمين يارب العالمين.
مني: إلهام ونغم خرجوا ياماما الحجه.
الحجه حسيبه: ايوه يابتي ربنا يسعدهم ويهدي ولدي عليهم يا لبني هاملي اللي في يدك وروحي هاتي من الجنينه شويه فاكهه وانتي يامني اعملي حساب ابو ربيع وولاده عشان نشيعله الغدا.
مني: حاضر ياماما عملت حسابهم وربنا يباركلكم ويجعله في ميزان حسناتكم.
الحجه حسيبه: ويباركلنا فيكم يابتي هاقوم اصلي الظهر وارجع اساعد وياكي.
____________________________________
في مديريه الامن كان وصل يوسف واجتمع مع أفراد الشرطه الذين سوف يقومون بأموريه بمطروح وخاصه علي الحدود الليبية.
يوسف: تمام يارجاله جاهزين العمليه دي مهمه جدا ولازم نقبض عليهم مش عايزين يفلت مننا واحد فيهم وخاصه ابو براء ده اللي بيقولوا عليه اللهو الخفي.
مصطفي: تمام يافندم بس اللهو الخفي علي نفسه هانجيبه لو في بطن الحوت.
يوسف: ربنا يسترها معانا يالا بينا كل واحد يجهز
خرج الجميع وذهب يوسف الي مكتب اللواء وإعطائه التمام.
دخل يوسف وألقي التحيه العسكريه وقال..تمام حضرتك يافندم جاهزين وهانتحرك خلال عشر دقايق.
اللواء: تمام ياحضره الرائد ربنا معاكوا يارجاله وخلي بالك يايوسف المهمه دي صعبه ودي فرصه نقدر نقبض عليهم ونخلص بقي من موضوع الحدود والميشليات اللي بتسلل علي مصر.
يوسف: اكيد يافندم وما تقلقش حضرتك كله تمام استأذن حضرتك.
اللواء: في حفظ الله ورعايته صحيح رجال زي عمك سالم الله يرحمه كان وحش في شغله وبيرعب اي حد.
خرج يوسف وأخذ حقيبته وانصرف مع فريقه الي المطار لإتمام المهمه .
أما عند ياسمين كانت في محل الورد وعدت عليها شدوي بالعربيه ليذهبوا الي الجامعه وعند وصولهم للجامعه تقابلوا مع روضه وذهبوا الي الكافيتريا جلسوا واخذت كل واحده منهم كوب نسكافيه وأثناء حديثهم أتت عليهم ناني وقالت
ناني: هاااي ايه ياروضه انتي لسه جايه ولا ايه مش كان عندك محاضره.
روضه بغلاسه: لا ياناني ماعنديش محاضره وبعدين من أمتي بتسألي يعني .
ناني: لا ابدا بس كنت شايفكي الصبح مستعجله حتي خرجتي قبل ياسمين .
ياسمين باستغراب: ايه ده انتي خرجتي قبلي ياروضه طيب ماكنتي نزلتي معايا .
روضه: استني ياسمين هو انتي بتراقبيني ولا ايه ياناني.
ناني: وانا هاراقبك ليه انا كنت واقفه في الشباك وشوفتك وانتي نازله فقولت ان عندك محاضره وبعدين انا غلطانه اني بطمن عليكي بااااي.
شدوي: يا أم رخامتك ياشيخة انا عارفه انتوا طايقينها ازاي دي.
ياسمين: اهي ميشيت وراحت لحالها في ايه ياروضه وكنتي فين بدري كده.
روضه: ابدا كان في إعلان علي النت خاص بالشركه عند باباكي ياشدوي عايزين مهندسين ديكور تحت التمرين فقولت اقدم فيها اهو حاجه اقدر اساعد ماما بيها.
شدوي: يابنتي انتي مجنونه وتروحي لوحدك ليه كنتي اتصلتي بيا بابي عمره ما يرفضلي طلب عيوني ليكي ياروضه.
ياسمين: بردو ياروضه بدوري علي شغل هتقدري ازاي تشتغلي مع الدراسه.
روضه: هقدر وفرصه ان شركه المرشدي طالبه ناس في اخر سنه في الجامعه يعني مواعيد الشغل مناسبه لمواعيد الجامعه.
شدوي: ماتقلقيش عليها ياسو انا كمان هاروح اشتغل معاها وبكده بابي هيساعدنا احنا الاتنين ياسلام بقي لو تسيبك من الورد وتيجي معانا تبقي فله اوي.
ياسمين: لا ياقلبي انا مرتاحه وسط الورد بتاعي ويالا بقي نروح السيكشن فاضل خمس دقايق مش عايزين نتأخر احسن دكتور سراج يزعل وتغمز لشدوي.
___________________________________
في مطعم شيك جدا كان تامر وناني يتناولون الغداء
ناني: اهو جينا وتغدينا كمان ياتامر ايه بقي المعلومه اللي عندك هاتقدر بيها تستغل فادي بيها.
تامر: قوليلي الاول انتي عايزه ايه بالظبط من دكتور فادي.
ناني: مش عايزه حاجه في الجامعه انا الحمدلله بنجح وبتقدير كمان كل اللي عايزاه أنه ياخد باله مني ويحس بحبي ليه .
تامر: امممم افهم من كده انك بتحبيه وعايزه تعيشي يومين.
ناني: لا طبعا أنا مش بتاعت يومين والسلام انا عايزه ابقي حرم دكتور فادي المرشدي لكن انت عايز ايه منه.
تامر: ماشي يابيبي انا مش عايز غير اني انجح واخلص بقي من موال الجامعه ده والمعلومه اللي عندي أن دكتور فادي له اخت في الجامعه معانا وهو مش معرف حد وانا هاستغل ده في أنه ينجحني.
ناني: انت مفكر أن دي حاجه تقدر تستغلها عادي يعني أنه يخبي له اخت عشان ماحدش يقول إنه بيميزها عن باقي الطلبه وبعدين تطلع مين أخته.
تامر: تبقي شدوي مراد المرشدي والصديقة المقربه لياسمين سالم الشناوي وروضه محمد عبد السلام.
ناني: انت بتتكلم بجد ده كده الفرصه جاتلي ولحد عندي من غير تعب شابوووو تامر.
تامر: لا اهدي كده وافهم هاتعملي ايه مش عايز حوارات .
ناني: ولا حوار ولا حاجه كل الحكايه أن روضه وياسمين معايا في السكن وهحاول اتقرب منهم وابقي صاحبتهم.
تامر: تمام اوي وانا بقي هحاول اعرف معلومات عن شدوي وايه نظامها مع اخوها.
ناني: اتفقنا وميرسي بجد علي العزومه الحلوه دي مضطره امشي دلوقتي وهابقي اكلمك فون باااااي.
#بائعه الورد.
الفصل التاسع.....
وصل يوسف الي مطروح ومعه فريقه للقيام بالمهمة وهي القبض علي اهم العناصر الارهابيه التي تهدد أمن البلاد.
يوسف: حمدالله على السلامه يارجاله احنا المفروض نرتاح ساعتين وبعدها نتحرك علي الحدود بس المهم نخلي بالنا كويس أنها عمليه مش سهله ولازم نقبض علي ابو براء.
مصطفى: تمام يافندم .
شخص1: هنتجمع بعد ساعتين يافندم هنا في الفندق.
شخص2: اكيد عشان نتحرك مع بعض ونوصل للمكان المحدد.
يوسف: لا طبعا احنا هانتحرك في مجموعتين اول مجموعه مسئول عنها ملازم مصطفي وتتحركوا مع بعض عن طريق زوديك في البحر اما المجموعه التانيه هاتكون معايا انا وهندخل الصحرا عن طريق جمال كأننا من العرب وطبعا هنتخفي في لبس العرب ومجموعه مصطفي هاتلبسوا لبس الصيادين مفهوم.
رددوا جميعا مفهوم يافندم وبدأ كل واحد الصعود الي الغرفه المخصصة لهم للاستراحه قبل إتمام المهمه....
؛؛؛؛؛؛؛؛؛؛؛:::::::::::::::::::::::::::::::::::::::::::::؛؛؛؛؛؛؛؛؛؛؛؛؛
بشركه المرشدي وفي قاعه الاجتماعات تم الاتفاق علي مشاركه شركه الالفي في اقامه أكبر منتجع سياحي بمرسي مطروح وطلب السيد مراد المرشدي من مدير أعماله الاتصال بفؤاد الألفي ليتفق معه علي موعد لإمضاء العقود وترتيب اللازم لإتمام مشروعهم ....
مراد:كده تمام كل الملفات الخاصه بفندق اسوان خلصت اتفضل يا محسن ده شيك يستحق الصرف خلال يومين تقدر تصرفه وتدفع باقي حساب المهندسين هناك.
محسن: تحت امرك مراد باشا وماتقلقش خلال الشهر الحالي هانكون جمعنا كل الفلوس اللي في السوق وكمان السيوله المطلوبه لأول دفعه من مشروع شركه الالفي موجوده في خزنه الشركه.
مراد: تمام كده اتفضلوا ياجماعه كل واحد علي مكتبه وعايز افضل التصاميم للمنتجع.
خرج الجميع وتوجه مراد الي مكتبه من خلال باب داخلي يفصل بين قاعه الاجتماعات ومكتبه دخل مراد وتفاجأ بابنته شدوي ومعها فتاه
مراد: شوشو الجميله عندي في الشركه ايه المفاجأة الحلوه دي.
شدوي: ميرسي بابي انا كنت جايه عشان الإعلان اللي نازل علي النت مش الشركه عايزين مهندسين تحت التمرين وكمان طلبه جامعه بكالوريوس.
مراد: طيب وانتي ايه دخلك في الاعلان ده وبعدين مكانك محفوظ اول ما تخلصي الجامعه مكتبك هيكون جاهز.
شدوي: لا يابابي انا عايزه اكون مع المهندسين اللي هاتبقي تحت التمرين وكمان ليه طلب عنك اعرف الاول دي روضه صاحبتي وكانت شافت الاعلان وعايزه تقدم فيه ولما قالتلي انا قولتلها نروح مع بعض واكيد بابي مش هيرفض ولا ايه يامراد باشا.
مراد: هههههه ماشي ياشوشو عيوني ليكي طبعا واعتبري نفسك مهندسه في الشركه من بكره ياروضه وشوشو كمان بس بشرط.
روضه: متشكره لحضرتك جدا يافندم وتحت امرك في اي شرط.
مراد: الأمر لله ياروضه الشرط ده للانسه شدوي الشرط هو انك تعتبري نفسك موظفه هنا مش بنت صاحب الشركه يعني اي خطأ أو تجاوز فيها عقاب تمام.
شدوي: يووووو بقي انا اخلص من فادي في الجامعه تطلعي انت هنا يابابي .
روضه: اكيد موافقه طبعا ياشدوي الشغل شغل ياحبيبتي فاهمه.
مراد: برافو عليكي ويالا اتفضلوا وبكره كل واحده فيكم تقدم السي ڤي بتاعها في شئون العاملين عشان تعرفوا المواعيد....
تقف روضه وتشكر مراد وتأخذ شدوي من يدها وتخرج من المكتب بل من الشركه كلها...
بعد نصف ساعه كانت روضه وصلت إلي السكن وصعدت الي الشقه التي تسكن بها مع ياسمين تفتح الباب وتدخل تجد ياسمين نائمه علي الاريكه في الصاله تقوم روضه بإيقاظها...
ياسمين وهي تفوق من غفوتها انتي رجعتي امتي انا جيت من بدري مالقتش حد هنا فضلت قاعده مستنياكي وفي الاخر نمت.
روضه: حبيبتي ياسو معلش اتأخرت شويه روحت مع شدوي شركه بابها وقابلناه والحمدلله وافق علي طول وبكره هاقدم السي ڤي.
ياسمين: مبروك ياحبيبتي وربنا يوفقك دايما وانا معاكي ياروضه وجنبك في اي وقت.
روضه: حبيبتي تسلميلي والله انتي اختي مش صاحبتي وبس هاقوم اغير هدومي واجهز حاجه نأكلها احسن الواحد واقع من الجوع.
ياسمين: ياريت انا كمان جعانه جدا هاتصل علي ماما اطمن عليها وكمان عشان أفكرها تقول لسالم يجي ياخدني بعد بكره .
روضه: هاتسافري اكيد مش كنتي تستني يوسف وهو لما يرجع بالسلامه تسافروا.
ياسمين: يوسف في مأمورية ومالهوش مواعيد يعني ممكن يتأخر وانا هما يومين تلاته وارجع عشان الكليه وكمان عشان المحل.
روضه: ربنا معاكي ياحبيبتي ....
*"*"*"*'*'*'*'"*"*""*"*""**"*"*""*""*"*"*"*"*"
مني: خلاص بقي ياسمين دي عاشر مره تقوليلي فكري سالم .
ياسمين:..............
مني: حاضر ياقلب ماما خلي بالك من نفسك في حفظ الله.
لبني: اتوحشتها قوي يامني هاتجي بعد يومين خلاص.
مني: اه هاتيجي بس بتقول هاتقعد يومين تلاته وهاتمشي نفسي بقي تخلص جامعتها وترجع في وسطنا
لبني: باذن الله تخلص علي خير وترجع تنور الدنيا في بيتها مع جوزها.
مني: يااارب انا هقوم بقي انام عشان ألحق صلاه الفجر وماتروحش عليه تصبحي علي خير.
لبني: وانتي من أهله اني كمان هاطلع اطمن علي معتصم وادخل انام.
في غرفه نغم كانت تجلس مع والدتها بعد عودتهم من السوق فقد اشترت الكثير من الملابس والكتب وقد اشترت هديه لابنه عمها لتقدمها لها عند عودتها..
إلهام: مبارك عليكي يابتي تتهني بيهم .
نغم: ربنا يخليكي ليا ياماما ويخلي جدي بصي الهدوم دي بقي مش هالبسها تاني شوفي اللي يناسب بنت ام سعيد وايديهالها .
إلهام؛ ربنا يسعدك ويفرحك دايما وعقبال ما أنزل اشتري شوارك .
نغم: لسه بدري ياماما المهم ياتري الخاتم ده هيعجب ياسمين.
إلهام: ايوه هيعجبها طول عمرك انتي وياسمين اخوات واي حاجه منك ومنها بتعجبكم ويالا هملي كل حاجه ونامي عندك جامعه الصبح بدري تصبحي علي خير.
نغم: وانتي من أهله ياماما..
مر يومين وسافر سالم الي القاهره ليأخذ بنت عمه ياسمين وبعد ساعات وصل سالم الي العماره التي تسكن بها وأثناء صعوده الي المنزل كانت روضه تركض علي السلم للنزول فخبطت في سالم وكادت أن تقع ولكن يد سالم كانت الحاجز القوي التي استندت عليها.
روضه؛ انت يابني ادم مش تفتح واخد في وشك زي القطر وطالع كده لا أحم ولا دستور.
سالم؛ ده انا اللي زي القطر احترمي نفسك يابت وانتي بتتكلمي.
روضه: بت في عينك يابتاع انت ولا انت اهبل ولا عبيط.
سالم: اللهم طولك ياروح طيب ليه الغلط ده وبعدين انتي اللي نازله تجري زي البهيمه اللي فالته من الزريبه.
روضه: بهيمه مين ياحمار انت وبعدين تعالي هنا ازاي تطلع كده سكن بنات من غير ما تستأذن.
سالم: وانتي مالك يابارده بتتدخلي في أحوال غيرك ليه ويالا شوفي طريقك بدل ما طلع عليكي العرق الصعيدي.
روضه: صعيدي مين ياعم روح شوف جاي من انهي مصيبه تاخدك .
سالم بعصبيه وبصوت عالي: تعرفي انك عايزه تتربي ولولا انك بنت كنت مديت ايدي عليكي اكسرلك دماغك دي.
خرجت ياسمين علي الصوت العالي فوجدت ابن عمها سالم يقف أمام روضه وبينهم خناق.
ياسمين: سالم حمدالله علي سلامتك في ايه صوتك عالي ليه.
سالم؛ الله يسلمك البت دي مش عارف مالها ولسانها عايز القطع.
روضه: تاني بتقول بت انا أنت صحيح ماعندكش دم ياسمين هو انتي تعرفي البتاع ده
ياسمين: ايوه طبعا ده سالم ابن عمي ياروضه هو ايه اللي حصل.
روضه: ماحصلش حاجه بااااي وركضت مسرعه خارج المنزل .
ضحكت ياسمين عليها وسألت سالم علي ما حدث بينهم فقص عليها سالم وضحكت بشده وصعدت اخذت حقيبتها ونزلت مع ابن عمها لتسافر الي قنا...
أما سالم فقد أعجبته روضه وطريقتها والتحدي في كلامها معه وكان من وقت لآخر يبتسم علي ما دار بينهم.