رواية غمرتني عشق الحلقة الاولي1 والثانية2 بقلم شيمو الخطيب

رواية غمرتني عشق الفصل الاول1 والثاني2 بقلم شيمو الخطيب 

الحلقة الاولى 

التعريف بالابطال 

عشق... بنت جميله و محجبه ، شعرها طويل، وعيونها عسلي،  كانت عايشه مع والدتها في بلد صغيره بعد أن توفي والدها، ودايما بتساعد أهل البلد

فاديه :والدة عشق، توفي زوجها وعشق في سن صغير، وهي اللي تعبت وربت عشق لحد مكبرت ، 

قاسم.. شاب وسيم في اواخر العشرين،طويل وشعره اسود،، وطموح جدا ومجتهد ويعمل في شركة والده

رنا.. اخت قاسم الصغيره، بنت مدلله، جميله، وتدرس في الجامعه الامريكيه

هدى.. والدة قاسم، من سيدات المجتمع، تهتم بكل مايخص الموضه و الاتيكيت، 

حازم العزيزي.. والد قاسم، رجل أعمال له شهرته ومركزه المرموق، عنده شركة استيراد وتصدير

حسام..ظابط شرطه و صديق قاسم المقرب، وكاتم أسراره،

جيجي.. صديقة رنا،، وتدرس معها في نفس الكليه 

فريده.. صديقة هدى ووالدة جيجي،، 

محسن.. والد جيجي وشريك حازم في الشركه 

وباقي الشخصيات هتظهر من خلال الاحداث

الحلقه ١

من (غمرتني عشق) 

اللهم قنا شر الوباء والبلاء واحفظنا من كل داء يا أرحم الراحمين 

             بسم الله نبدأ

في بيت متهالك متكون من اوضه واحده ومطبخ وحمام، في بلد صغيره كانت هناك بنت جميله محبوبه من الجميع،

عشق: ماما، ياماما، انا جيت يا حبيبتي،

دخلت عشق أوضة والدتها، ملقتهاش،استغربت،، ياترى راحت فين الست دي

طلعت قدام البيت تنادي عليها،

فاديه والدة عشق من على سطح البيت: تعالي ياحبيبتي انا فوق اهو،

بصت عشق لفوق: ايه ياماما، انتي بتعملي ايه عندك يا حبيبتي بدري كده ،، مفيش فايده فيكي ابدا، لازم تتعبي نفسك

فاديه؛:اطلعي بس يا عشق متتعبيش قلبي معاكي،

عشق طلعت وهيا بتمتم بكلام، مهو انتي اللي تاعبه قلبك بنفسك، لو تسمعي كلامي بس يا فاديه كنتي ارتاحتي.

طلعت عشق لوالدتها: ها ياست الكل ممكن اعرف بتعملي ايه،

فاديه: مفيش ياحبيبتي،، دول حتتين جبنه كنت بعملهم يا بنتي، كانت أم طارق جارتنا قالتلي انها هي وكام واحده كده عايزين جبنه، قولت كويس، اهو اساعد في مصاريفك شويه ،

عشق: قربت من والدتها ومسكت راسها وباستها،، هو انا كنت اشتكيت ليكي يا ست الكل، انا الحمد لله مستوره معايا، والدنيا ماشيه وزي الفل، ممكن بقه متشليش همي ولا هم الفلوس، انا اهم حاجه عندي صحتك يا أمي، وكفايه تعبك وشقاكي معايا لحد ماتعلمت ودخلت الثانوي،

فاديه عيطت: بس كان نفسك تكملي وانا مقدرتش، والله يابنتي انا بتعذب كل لما افتكر مستواكي وتفوقك في المدرسه، وفي الاخر قعدتي تشتغلي في الأراضي، تشيلي وتحطي وتلمي في محصول، يابنتي انتي لو كنتي كملتي، كان زمانك دكتوره،ولا مهندسه، أو مدرسه حتي، مش..

عشق قاطعتها بدموع : جرا ايه يا فاديه، انتي هتخليني اعيط ولا ايه، ياستي انا الحمد لله راضيه باللي ربنا قسمهولي ، وواثقه انه اكيد ربنا هيعوضني بالاحسن من كده، سيبيها لله يا أمي، وأن شاء الله هتتحسن، وتبقى زي الفل، يلا بس قومي معايا كده عشان تأكلي لقمه، وتاخدي الدوا، وبعدين هبقي اكمل انا عمايل الجبنه

فاديه: لا يا حبيبتي، انا هكملها وانزل

عشق بتعب : ماما بجد انا جايه تعبانه ومستأذنه ساعه بس فمتتعبيش قلبي اكتر، يلا عشان خاطري، عشان معاد الدوا ميتأخرش

وقامت فاديه بتعب مع بنتها، ونزلت، وهي قلبها بيتقطع على شكل بنتها وشبابها اللي بيضيع في الشقا والتعب

------------------ بقلم شيمو الخطيب 

في فيلا حازم العزيزي

صحي قاسم من نومه، وقام غسل وشه وفرش أسنانه وطلع يشم هوا في البلكونه قبل مايروح على شغله 

سمع حارس الفيلا بيدَخَّل بنت ومعاها راجل غريب، استغرب ياترى مين دول وايه اللي جايبهم بدري كده، 

لكن مهتمش بيهم ودخل يلبس عشان ينزل يفطر ويروح على شغله 

قاسم لبس قميص ابيض وبنطلون كلاسيك اسود، وسرح شعره وحط برفانه ونزل

قاسم... صباح الخير ياست الكل، 

هدى... صباح الفل ياقلبي، نازل في معادك بالظبط ياحبيبي 

قاسم: وهي جديده عليا يعني يا أمي ، ما كل يوم بنزل في معادي 

هدي: فعلا يا حبيبي، ده احنا بنظبط ساعاتنا عليك ، ههههه 

قاسم... حبيبتي يادودو،،  المهم هو بابا فين؟ لسه نايم ولا ايه، 

هدى.. لا ياحبيبي، ده في المكتب بيظبط شوية حاجات للشغل

دخل سيد ومعاه بنت بسيطه جدا باين عليها البهدله والشقا

سيد : يارب ياساتر،،، ياست هدى، 

هدى... تعالي ياسيد، اتفضل،، 

قاسم.. باستغراب. مين دول ياماما،(وبص لسيد) انا شوفتكم دخلتو الفيلا من بدري، كنتو فين كل ده

سيد.. أنا آسف ياباشا، بس كان فيه كلب في الجنينه والبت زهره مكنتش عايزه تتحرك من مكانها، من خوفها منه، وهو ده اللي أخرنا، استنينا لما عم صبحي الجنايني جه وبعده عننا،، 

هدى.... هههههه للدرجادي، عموما حصل خير،(وبصت لزهره) ده ياستي ريكس، كلب لطيف جدا وخلي بالك بيموت في قاسم ابني فلازم تتعودي عليه بما انك هتشتغلي معانا هنا،ماشي يا،، يااا

زهره:.. اسمي زهره،، زهره، ياست هانم

سيد... يابت يازهره بكره ست هانم تحفظ اسمك هههههه،،(وبص لهدي) انا جبتهالك اهو ياست هانم، زهره دي بت غلبانه ، وهاديه وبتسمع الكلام، وأن شاء الله مش هتشتكي منها ابدا، 

هدي: خلاص يا سيد، انا هجربها، بس انا بحذرك، البت اللي جبتهالي قبل كده كانت غلابويه وكلامها كتير، وبصراحه مريحتنيش خالص، 

سيد: لا ياست هانم، زهره غيرها خالص، ان شاء هتعجبك، بس انا هستأذنك بس انها ترجع البلد خميس وجمعه، تطمن على أخواتها وابوها وليكي عليا كل يوم سبت الصبح هتلاقيني جايبهالك لحد هنا، 

هدي: ااااه، منا قولتلك ياسيد، انا عايزاها فاضيه لينا وبس، يعني مقطوعه من شجره 

سيد: ياست هانم، البت زهره دي ملهاش حد، أخواتها لسه صغيرين، وابوها مريض، انا عايز نكسب فيهم ثواب، دي ظروفهم وحشه قوي والله 

قاسم بص لزهره : بس دي صغيره.،ومش هتقدر علي شغل البيت 

زهره: لا يا سعاة الباشا، انا أعجبك قوي، وأن شاء الله هعمل كل اللي الست هانم تطلبه مني، بس انتو ارضو عني، 

قاسم بصلها واستغرب جرائتها، وحس ان والدته ممكن متوافقش عليها

قاسم: خلاص ياماما، جربيها، يمكن تنفع

هدي: (بصت لسيد) ماشي يا سيد، لما نشوف اخرتها معاك،انا هوافق عشان خاطر قاسم بيه بس، لكن انا بصراحه مش مقتنعه ياسيد،، (بصت لزهره)، ادخلي يا زهره مع زينب، وهي هتفهمك كل حاجه، 

يا زينب،،،، يازينب ،، 

زينب جت جري: ايوه ياست هانم، تحت امرك 

هدي: خدي يا زينب زهره. فهميها شغلها، وخلي بالك منها، 

زينب: من عنيا يا ست هانم،،، تعالي يا زهره 

قاسم بص لزهره باستغراب وهي بصتله باعجاب، وسابتهم ومشيت 

سيد: طيب يا ست هانم هستأذن انا بقه، 

هدي: استنى ياسيد خد المبلغ البسيط ده، لحد ما اشوف زهره دي هتعجبني ولا لا، مع اني مش مرتحالها خالص، 

سيد: تسلمي يا ست الكل، بس والله ياست هانم زهره دي بت جدعه وتعجبك ان شاء الله ، دي مبتسيب..... 

قاسم قاطعه: خلاص، انت هتحكيلنا قصة حياتها، عرفنا انها غلبانه وجدعه 

سيد سكت وحط وشه في الأرض : انا اسف ياباشا،، استأذن انا،، ولو احتاجتي حاجه يا ست هانم انا في الخدمه وسابهم ومشي، 

حازم خرج من مكتبه 

حازم : صباح الخير يا قاسم،، صباح الخير يا هدى 

هدي: صباح النور يا حازم، ايه كل ده، كل ده شغل، 

قاسم :صباح النور يابابا،، هو حضرتك في المكتب من بدري ولا ايه 

هدى.. اه يا سيدي من بدري، وكل ما ادخل عليه يقولي معلش سيبيني عندي شغل كتير 

حازم بصلها وضحك : هو انتي زعلانه بقه ولا ايه، والله فعلا يا دودو كان عندي شغل كتير ومراجعه صفقات وورق وحاجات كتير اكيد قاسم فاهمها وعارف قد ايه بتاخد وقت 

قاسم : اه طبعا ربنا يعينك يابابا، وبعدين يا ماما، انتي عارفه بابا مبيتأخرش عليكي في حاجه، ده انا مشوفتش واحد مدلع مراته زيه كده، ده انتي المفروض تبوسي ايدك وش وضهر ههههه

رنا نازله علي السلم : اه والله يا ابيه، ياما نفسي الاقي واحد زي بابا كده يدلعني ويهنيني، لكن للأسف انقرضوا من زمان، ( وباست باباها ومامتها) صباح الخير يا حبايبي 

حازم : صباح الفل ياقلب ابوكي، ايوه كده انزلي خلي اليوم يكمل بجمال ضحتك يا رنا 

رنا :حبيبي يا بابي، هو مفيش عندك نسخه تانيه منك ياحبيبي، بالله عليك لو عندك  احجزهالي 

حازم وهدى ضحكوا جامد 

هدي: لا يا حبيبتي، هو حازم واحد بس، وبتاعي انا، متطمعيش في اكتر من كده 

رنا: هههههه ماشي يا مامي ليكي حق تتغري، وتمسكي فيه كمان 

قاسم: بطلي كلام يابت احنا عايزين نفطر ونلحق نمشي 

رنا: اهو انت بالذات يا ابيه، مش عايزه نسختك ابدا، تقريبا انت مبتعرفش تدلع اصلا، يلا، الله يكون في عونها اللي هتتجوزك 

قاسم بغيظ : ومين قالك اني عايز اتجوز، اهدي واسكتي وخلي يومك يعدي 

رنا حطت اديها على بقها : انا اسفه، خلاص اهو، سكت خالص 

قاسم : احسن برده، وبدأوا يا كلو وجت زهره تسأل لو محتاجين حاجه 

زهره وقفت جنب قاسم : هو حضراتكو محتاجين حاجه اجيبها 

حازم باستغراب : انتي مين يا بت انتي 

هدي: دي زهره الشغاله الجديده، لسه سيد جايبها حالا

حازم :اممممم، ماشي،،،،، لا ياست زهره مش محتاجين حاجه ولو احتجنا هنادي عليكي 

زهره بصت باعجاب لقاسم : وحضرتك يابيه متأمرنيش بحاجه 

قاسم كح : احم، احم؛ لا شكرا، مش عايز 

رنا:هههههههه، ابيه بيتكسف، (وبصت لزهره) قولنا لك لما نحتاجك هنقولك،، 

زهره بضيق: ماشي ياست هانم، عن اذنك (ودخلت وسابتهم) 

حازم : ايه دي ياهدي، البنت دي شكلها مش مريحني، انتي وافقتي تشغليها ليه، وبعدين دي شكلها صغير 

هدي: انا قلت هجربها، وبعدين لو معجبتنيش، هخلي سيد يجيب غيرها 

حازم : سيد تاني، انتي مبتحرميش يا هدى، البت اللي قبلها برده تعبتنا، ودي شكلها هتحب ابنك من اولها كده 

قاسم كان بيشرب وشِرق، وقعد يكح كتير، ورنا ضحكت بصوتها كله 

قاسم بص لرنا وحدف فيها لقمة عيش: اموت واعرف انتي بتضحكي على ايه من ساعة منزلتي ، وبعدين يابابا، انت بتدخلني في الموضوع ليه، انا سيبهالكو وماشي، وقام ومشي فعلا 

حازم : قاسم، استنى انا هاجي معاك 

قاسم وهو ماشي:، لا حضرتك ابقى حصلني . 

هدى بصت لرنا: عجبك كده، دايما بتدايقي اخوكي، 

رنا:وانا مالي، هي فعلا اللي نظرتها ليه مش طبيعيه، ده حتى بابي لاحظها، ههههههه

حازم: وهي قالت ايه يعني، ولا احنا غلطنا في ايه عشان يدايق، هو اللي بياخد كل حاجه على اعصابه. 

هدي:  ابني حبيبي مبيحبش حد يقول كلمه تدايقه، راجل من يومه، وبعدين البنت عندها حق، هو فيه بنت تشوف قاسم ابني. ومتقعش في حبه 

رنا: في دي عندك حق، انا صحباتي كلهم هيموتو عليه 

هدي: طبعا ربنا يحميه حبيب قلبي 

حازم : ها خلصتي وصلة الحب، اقوم انا بقه الحق شغلي، 

هدي: قامت،،، تروح وتيجي بالسلامة يا حبيبي 

حازم : باس اديها، ربنا يخليكي ليا يا حبيبتي 

رنا: الله الله، ياااااسلااااام، عقبالي يارب 

حازم ضحك : ههههه، يارب يا غلابويه، يلا عشان تلحقي جامعتك 

رنا باست هدى من خدها، وسابتها وجريت ورا باباها 

وكل واحد ركب عربيته وطلع على مشواره 

-------------------- بقلم شيمو الخطيب 

عند عشق

عشق نازله من فوق : ها يا ماما يا حبيبتي، خلصتي اكل، ولا مكلتيش كالعاده، 

فاديه: اكلت يا حبيبتي نحمد ربنا على كل حال،، بس انتي خلصتي عمايل الجبنه 

عشق: اه ياحبيبتي، سيبيها بقه كام يوم وهتبقى زي الفل ان شاء الله 

فاديه: ربنا يصلح حالك يا بنتي يارب، 

عشق :  يارب يا أمي ، خدي بقه ياست الكل الحبوب دي، وبالشفا يارب ياحبيبتي 

فاديه: اخدت الحبوب وشربت الميه،،،،، الف حمد وشكر يارب، ربنا يسعدك يابنتي ويرزقك بابن الحلال اللي يعوضك عن الايام اللي شوفتيها معايا 

عشق بحب: انا بعيش معاكي احلي ايام يا أمي، ربنا يخليكي ليا، وتعيشي معايا طول العمر، انا ربنا سترها معايا، ببركة دعاكي ليا يا ماما، وبجد انا مش عايزه غيرك من الدنيا دي، انتي عندي كفايه يا حبيبتي 

فاديه بدموع وفرح: إلهي يسترك ويجبر بخاطرك يابنتي ويسعدك ويفرح قلبك، زي مفرحتي قلبي، ياعشق يابنت بطني، 

عشق: ايووووه،،،، وانا مش محتاجه اكتر من كده، ربنا يباركلي في عمرك يا أمي،. المهم انا مضطره اسيبك وارجع شغلي، انا بس استأذنت من صاحب الأرض، عشان اجي افطرك واديكي الدوا، وهرجع على طول، ها، ياحبيبتي مش عايزه حاجه مني 

فاديه: عايزه سلامتك ياقلب امك، روحي ياعشق، ربنا يستر طريقك يابنتي 

عشق بتلبس طرحتها،،، ويخليكي ليا يا فاديه يارب،،،، سلام عليكم يا حبيبتي 

فاديه؛ وعليكم السلام يابنتي، 

خرجت عشق ووصلت الأرض عند العمال وكانو كتير وبيلموا في محصول الأرض، 

سحر (زميلة عشق) : ايه يابت ياعشق، انتي اتأخرتي ليه كده، ده الراجل كل شويه يسأل عليكي 

عشق: على مفطرت امي واديتها الدوا وجيت، متأخرتش كتير يعني، 

سحر: طب يلا ياختي اشتغلي خلينا نخلص، بدل ميقرفونا بالكلام 

وفعلا بدأوا يشتغلوا 

خالد:(صاحب الأرض) قرب من عشق وحط ايده على ضهرها وهي موطيه في الارض

خالد: ايه ياعشق اتاخرتي ليه كده 

عشق: اتخضت وقامت بسرعه وبعدت عنه: جرا ايه يا خالد بيه، هو الكلام مينفعش من بعيد، ولا لازم ايدك تتحط عليا، 

خالد بضيق: هو ايه ياختي،، انا كلمتك يابت انتي ولا هتتبلي عليا، انا بسألك انتي اتاخرتي ليه 

عشق:  ياريت يابيه تبقى تسأل من بعيد، وبعدين انا استأذنت حضرتك اني هروح افطر امي، وحضرتك وافقت، وبصراحه بقه انا متأخرتش ولا حاجه، 

سحر خبطت عشق في كتفها وكلمتها بهمس

سحر: يخربيتك، اهدي شويه 

عشق بصتلها بضيق وسكتت 

خالد: ماشي ياست عشق، كملي شغلك وحسابنا بعدين وسابها ومشي

عشق بصت لسحر: ايه مالك بتبصيلي كده ليه، هو اللي ايده طويله، وانا مكرهش في حياتي قد الناس الحكاكه دي، حاجه تقرف بجد 

سحر: مخلاص ياختي اسكتي، هو عمل ايه يعني، ده يادوب لمس ضهرك، متهجمش عليكي يعني 

عشق بنرفزه: لا والله، وانا بقه هستني لما يتهجم صح، بقولك ايه ياسحر، انتي اسلوبك مبيعجبنيش، اللي توافق على الصغيره تستحمل الكبيره، وانا معنديش استعداد استحمل حد، شوفي شغلك بقه، خلينا نخلص، من اليوم ده 

سحر: ماشي ياعشق، ربنا يستر وتكملي

عشق وهي بتشتغل: والله يبقى عمل فيا معروف لو طردني، انا اللي مصبرني القرشين اللي هطلع بيهم عشان اجيب لامي الدوا، غير كده ورحمة ابويا مكنت قعدت ولا ثانيه 

سحر: خلاااااص، ايه انتي مصدقتي واتفتحتي فيا، اهدي بقه وكملي شغلك 

عشق: اووووف، حاجه تقرف،ناس معندهاش دم 

خالد لنفسه : ماشي ياعشق، انا هجيبك ليا راكعه ان شاء الله 

-----------------بقلم شيمو الخطيب

في شركة القاسم للاستيراد والتصدير

قاسم داخل وملامحه كلها حاده كالعاده

امل: (سكرتيرة قاسم)، صباح الخير مستر قاسم 

قاسم وهو ماشي وفتح باب مكتبه : صباح النور يا امل، اخبار مواعيد انهارده ايه (وقعد على مكتبه) 

امل: حضرتك قبل أي حاجه هبعت لعم لطفي يجيب قهوتك المظبوط وبعدين نتكلم 

قاسم غمض عنيه واتكلم: ياريت يا امل لما أسألك سؤال تجاوبي عليه على طول وبعدين اعملي اللي انتي عايزاه، 

أمل بتوتر: ا، ا، انا اسفه يافندم، عموما في معاد مع مستر أمجد صاحب شركة النور، كان عايز يقابل حضرتك 

قاسم بيقلب في الورق قدامه: اممممم تمام، و ده الساعه كام، 

امل: الساعه١٢ ان شاء الله يافندم 

قاسم : طيب في اي مواعيد تانيه انهارده 

امل : لا يافندم مفيش، بس حسام بيه كلمني وقال انه هيجيلك انهارده الساعه ٢ واتصل على حضرتك لكن تليفون حضرتك مقفول 

قاسم ببرود: اممم، ماشي يا امل تقدري تتفضلي انتي على شغلك 

امل: بعد اذن حضرتك يافندم 

قاسم: اه يا امل،، (وابتسم) متنسيش تقولي لعم لطفي علي القهوه 

امل بابتسامه: من عنيا يا مستر قاسم 

قاسم اتصل على حسام 

حسام: ياااااه، ايه ياعم انت، انت فين، بتصل بيك من الصبح تليفونك مقفول 

قاسم: ههههههه، ياعم قول سلام عليكم، داخل فيا كده ليه 

حسام: تصدق انك بارد، بقولك بتصل بيك بقالي قرن مبتردش، 

قاسم : ههههه خلاص ياحضرة الظابط متزعلش انا بصراحه المنبه رن، رزعت التليفون واتقفل و مفتحتوش تاني، أو بمعنى أصح نسيت افتحه، متعملهاش حوار بقه 

حسام : ماشي ياعم، المهم انا عرفت من امل ان الشغل عندك مش كتير انهارده، يعني من الاخر لازم نسهر ولا عند حضرتك اعتراض، 

قاسم: لا طبعا انا معاك، بصراحه انا مخنوق ومزاجي وحش جدا، ومحتاج سهره من بتوعك، بس باحترام ياض انت. 

حسام : انت عارفني، طول عمري محترم، ههههههه 

قاسم : ههههه، انت هتقولي، ده انت الاحترام كله، عموما عدي عليا زي ماقلت لامل، ونقضي اليوم مع بعض، 

حسام : اشطا عليك يا ابو قاسم ياغالي 

سلام يا كبير 

قاسم: ههههه، سلام يا مجنون 

وقفلوا مع بعض، 

وبدأ قاسم شغله، وبعد ساعتين دخلت عليه امل

امل: مستر قاسم، انسه جيجي موجوده بره وعايزه تقابل حضرتك، ادخلها ولا ايه 

قاسم بضيق : اممممم، ماشي يا امل دخليها لما اشوف عايزه ايه دي كمان 

امل : تحت امرك يافندم، وخرجت ودخلت جيجي 

جيجي: قاسم، حبيبي، اخبارك ايه، وحشتني بجد، ( وسلمت عليه وباسته من خده) 

قاسم: انا كويس يا جيجي، انتي عامله ايه، وسايبه محضراتك وجايه ليه 

جيجي: ايه ده،!!! هو انت مش عايز تشوفني ولا ايه، لا انا كده ازعل 

قاسم بخنقه: هو انتي ليه كل حاجه تفسريها على مزاجك، انا بسأل سؤال عادي جدا، عموما ولا تزعلي ولا حاجه، ها، تحبي تشربي ايه 

جيجي: لا يا حبيبي، انا طمعانه في غدوه، وتبقى بره الشركه، ولوحدنا كمان 

قاسم بصدمه : غدوه، ودلوقتي، ده لسه بدري، وبعدين بصراحه عندي شغل ومش فاضي، 

جيجي بضيق: انت بتهرب مني بقه، لا انا كده اروح اشتكيك لأنكل وهو اللي هيخليك تيجي معايا 

قاسم قام وقف وبصوت عالي: بقولك ايه يا جيجي، مش كل مقول حاجه متعجبكيش تقولي هروح لانكل، انا محدش بيجبرني على حاجه، انتي فاهمه ولا لأ، وعشان ااكدلك واعرفك مين هو قاسم العزيزي، انا مش خارج معاكي، ومش هعمل كده الا لما اكون انا عايز كده، يعني بمزاجي من الاخر، عاجبك على كده اهلا وسهلا، مش عاجبك انتي حره، واظن انك اتأخرتي على جامعتك 

جيجي قاعده مصدومه، وفجأه قامت وضربت برجلها في الأرض ومشيت بسرعه من قدامه وهي بتعيط، 

قاسم : احسن، قال هقول لانكل قال، طب انا نفسي تقولي لانكل يا جيجي،،،، 

وبدأ يكمل شغله 

----------------- بقلم شيمو الخطيب 

في فيلا العزيزي 

هدى قاعده بتشرب قهوه في الجنينه 

زهره: ياست هانم، يا ست هانم 

هدى بخضه: ايه يابنتي، هو انا في بلد تانيه، بتنادي كده ليه 

زهره: انا اسفه ياست هانم، بس تليفونك بيرن اديله ساعه فقولت اجيبهولك 

هدي: هاتي ياستي وروحي شوفي شغلك 

زهره : ماشي ياست هانم،، وفضلت واقفه 

هدى باستغراب: مالك يابت واقفه كده ليه، متروحي تشوفي شغلك 

زهره : اه، اه حاضر، انا ماشيه اهو وسابتها وجريت 

هدي: هه، والله غريبه البت دي، الله يسامحك يا سيد  (وردت علي التليفون) 

الو،، فري حبيبتي عامله ايه 

فريده (والدة جيجي) : فري!!! ، هو انتي حاسه بحاجه يا هدى، فري ايه وبتاع ايه 

هدى : مالك يا فريده، انتي بتتكلمي كده ليه 

فريده : وهو اللي ابنك عمله في بنتي ده ينفع، بقه بنتي تروح الشركه تطمن عليه، وتطلب منه يغديها وهو يرفض ويكلمها بأسلوب مستفز وينزلها من عنده ودموعها على خدها 

هدى بصدمه : انا ابني يعمل كده، لا لا يا فريده اكيد في حاجه حصلت، جيجي اكيد دايقته 

فريده بنرفزه: لا طبعا جيجي حلفت انها مدايقتوش ، وهو اللي اتنرفز عليها 

هدي: خلاص يافريده، اهدي وانا هشوف الموضوع واكلمك 

فريده : بقولك ايه يا هدى، قولي لابنك لازم يظبط اسلوبه مع البنت انا معنديش غيرها ومش هقدر اشوفها زعلانه، فاهماني يا هدى 

هدي: خلاص يافريده اقفلي بس، وانا هشوف الموضوع 

وقفلت معاها وفجأه سمعت صوت صريخ جامد من جوه، وجريت هدى على مصدر الصوت، واتفاجأت باللي شافته 

الفصل الثاني.

اللهم صل علي محمد ..

صلاه ينفرج بها الگرب ..

وتنحل بها العقد ..❤✨ 

                  بسم الله نبدأ 

عشق خلصت شغلها على بعد الضهر

عشق : ااااه، مش قادره بجد؛ ضهري اتقطم من شغل انهارده

سحر: ااااه، ومين سمعك ياختي، والله منا عارفه امتى ربنا هيتوب علينا من الشقا ده، والله احنا اتخلقنا نبقى هوانم، مش خدامين في الأراضي، ونشتغل باليوميه

عشق: احمدي ربنا يابت، عشان النعمه متزولش من وشك، احنا احسن من غيرنا .ربنا يديمها نعمه ويحفظها من الزوال،

سحر: امممم،،، ماشي يا ختي يارب، يلا بقه نروح نقبض خلينا نرجع نرتاح شويه

عشق: يلا يا ختي، ربنا يستر،

سحر وعشق راحو لخالد

خالد: تعالي يا سحر خدي ياستي يوميتك اهي،

سحر: شكرا ياخالد بيه، ربنا يكرمك يارب

خالد بص لعشق بخبث :وانتي ياعشق ابقى تعالى خدي يوميتك من الفيلا عندي اظن انك عارفاها اللي على أول البلد دي،

عشق وسحر اتصدموا

عشق بضيق: وليه ان شاء الله، اشمعني انا اللي هروح اخدها من الفيلا، حضرتك ممكن تديهاني دلوقتي ويبقى كتر خيرك

خالد: بصراحه مفيش معايا سيوله حاليا، وفي ناس كتير هتيجي الفيلا تاخد فلوسها، والله لو عايزه فلوسك تعالي، مش عايزه انتي حره

عشق بغيظ: يا خالد بيه بلاش الأسلوب ده معايا، انا متعودتش ان حد يلوي دراعي، ولو على الفلوس، انا مبهتمش بيها، كل اللي يهمني اني عايزه اجيب علاج امي، غير كده والله مكان هيهمني فلوس ولا غيره، فمن فضلك هات يوميتي عشان امشي والحق امي بالعلاج

خالد بتحدي: وانا قولتلك مفيش معايا حاليا، ياتيجي معايا اجيبلك الفلوس، ياتعدي عليا وقت متحبي، يا اما اعتبر انك اخدتيهم وملكيش عندي حاجه

عشق بتحدي اكبر : ماشي يا خالد بيه، وانا هروح اطمن على امي، وبعدين هعدي على حضرتك عشان اخد فلوسي

خالد بفرحه : وانا مستنيكي يا جميل،

عشق وسحر مشيو من قدامه

سحر: بت ياعشق، انتي فعلا هتروحي، انتي مش خايفه يعمل فيكي حاجه

عشق ساكته خالص، وماشيه بغيظ وتفكير

سحر: بت يا عشق، انا مش بكلمك، متردي عليا، انا خايفه عليكي وبفكر اجي معاكي

عشق: لا ياسحر، انتي لو جيتي هيعند، انا هروح لوحدي، وهشوف هيعمل ايه، يمكن فعلا مش معاه فلوس

سحر: انتي عبيطه يابنتي،ده حط روزمة فلوس قد كده في جيبه قدامي، ممعهوش ازاي يعني

عشق بخنقه : خلاص يا سحر، ربنا يستر، وانا ربنا معايا احسن من اي حاجه،

سحر: عموما انا قربت من البيت، هسيبك دلوقتي وابقى طمنيني عليكي، وعدي عليا وانتي راجعه من عنده

عشق: حاضر يا سحر، ربنا يصلح الحال يارب

وسابتها ومشيت وهي بتفكر هتعمل ايه مع خالد وهتخلص منه ازاي

عشق وصلت بيتها ودخلت

عشق: ماما، يا فاديه، انتي فين يا حبيبتي. 

فاديه :تعالي يا عشق انا في الاوضه ياحبيبتي 

عشق: دخلت وباستها، عامله ايه ياقلب عشق دلوقتي، 

فاديه :نحمد ربنا يابنتي، الحمد لله على كل اللي يجيبه 

عشق: خلاص يا حبيبتي، ثواني بس هحضر الغدا ونيجي ناكل مع بعض، زمانك جعانه 

فاديه: لا يا حبيبتي تعالي بس، احكيلي عملتي ايه انهارده، انا بحب اسمعك وانتي بتحكي 

عشق قعدت على السرير : حاضر يا ست الكل وادي قعده، ها ياستي عايزه تسمعي ايه 

فاديه: هههه، انتي مش مركزه ولا ايه يابت ياعشق، بقولك احكيلي عملتي ايه انهارده 

عشق: هههه، مركزه طبعا يا ست الكل، انا بس بحب اهزر معاكي ياقمر؛، 

بصي ياستي كالعاده رحت اشتغل زي شغل كل يوم والبت سحر صدعتني بكلامها الكتير، وأن شاء الله هروح بالليل اخد يوميتي من خالد بيه واجبلك العلاج اللي ناقص، 

فاديه :طب وانتي مأخدتيش منه اليوميه ليه في الأرض 

عشق: كانت الفلوس اللي معاه خلصت، وبعدين مش انا لوحدي اللي هروح، لا، ده انا وكام واحده وواحد معايا، متقلقيش ياست الكل 

فاديه: انا طول عمري مبرتحش للي اسمه خالد ده ابدا، راجل زي التعبان، بيقعد يلف لحد ميخنق اللي قدامه 

عشق: متقلقيش ياماما، انا واثقه ان ربنا مش هيضرني ابدا، سيبيها لله ياست الكل وان شاء الله هتعدي، المهم انا هقوم الحق اصلي الضهر، واجهز الغدا لاني جعانه جدا 

فاديه :انا ياحبيبتي حضرت الغدا واقف على التسخين ياقلب امك، وقومي انتي صلي وانا اللي هجز الاكل 

عشق باست اديها:طب ليه يا أمي تتعبي نفسك، انا كنت هجهز كل حاجه 

فاديه بدموع: انا كده بتعب نفسي؟ انا لو أطول يا بنتي اجيبلك حته من السما، روحي ياعشق يابنت بطني، قلبي وربي راضيين عليكي يابنتي، ربنا يستر طريقك يا يارب 

عشق: باست راسها،،، ربنا يخليكي ليا يا حبيبتي وميحرمنيش منك ابدا 

--------------بقلم شيمو الخطيب 

في شركة القاسم 

حازم اتصل بقاسم 

حازم : ايوه يا قاسم، تعالالي المكتب حالا 

قاسم: خير يا بابا في حاجه ولا ايه 

حازم بزعيق : في الشركه اسمي حازم بيه، بابا دي هناك في البيت، وبعدين لما تيجي هتفهم انا عايزك ليه، يلا بسرعه َمتتاخرش،،، وقفل السكه 

قاسم : هو ايه ده؟!!!! عموما ماشي، اكيد ست جيجي قلبت الدنيا عليا 

وقام وراح لمكتب حازم بيه 

قاسم: ازيك يا بوسي، (سكرتيرة حازم) 

بوسي وقفت: اهلا قاسم بيه، اتفضل حضرتك، وفتحتله الباب 

قاسم دخل: خير يا حازم بيه، حصل حاجه ولا ايه 

حازم : انت لحد امتى هتفضل قليل الذوق كده، بقه البنت تجيلك وتقولك عايزه تتغدى معاك، وانت ترفض، انت عبيط ياواد انت ولا ايه، انت عارف جيجي دي تبقي مين، وبنت مين 

قاسم بغيظ مكبت : بابا،، انا اسف قصدي حازم بيه،،، ، انا مبحبش الأسلوب ده، احنا مش عيال صغيره، كل مايحصل حاجه، تجري وتبلغ أهلها، انا بتخنق بجد، وبعدين ايه اللي حصل لكل ده، عندي شغل كتير وكان عندي مقابله مع أمجد بيه، ورفضت انهارده، ايه،،، الدنيا اتهدت يعني، 

حازم بنفاذ صبر : لا يا قاسم بيه الدنيا متهدتش ولا حاجه، اللي يزعل هو اسلوبك، ده مش تعامل مع بنت رقيقه زي جيجي، انت لحد امتى هتبقى همجي كده 

قاسم بنرفزه : انا همجي؟ ليه؟ كل ده عشان زعلت ست الحسن والجمال، بقولك ايه يابابا، لو انا هبقي عقبه بالنسبالك تقدر تخرجني من الشركه كلها، لكن اضغط على نفسي وعلى اعصابي عشان اتقبل واحده انا مش طايق تصرفاتها، اهو ده اللي مش هيحصل ابدا، عن اذنك يا حازم بيه 

حازم : استنى عندك،، انت ازاي تتكلم معايا بالاسلوب ده، انت مش شايف نفسك بتتكلم ازاي 

قاسم لف وشه لحازم ومسح وشه باديه : انا اسف، بس حضرتك اللي اتهمتني بالهمجيه لمجرد اني رفضت اعزم واحده لاني مشغول، وده بصراحه انا مقبلوش، ولا أقبل اني اعمل حاجه مع حد وانا مضطر او مجبر، انا مبعملش حاجه غير بمزاجي انا وبس 

حازم بهدوء : ماشي ياقاسم، ممكن تهدي وتحاول تكلم البنت وتصالحها 

قاسم : حاضر،،، بس بمزاجي برده، عن اذنك لان عندي معاد مهم 

وسابه وخرج بسرعه 

حازم : مفيش فايده، هو ده قاسم ابني، ربنا يهديه 

؛----------------- بقلم شيمو الخطيب 

عند حسام في القسم 

قاسم اتصل عليه 

حسام : الو ايوه يا كبير 

قاسم: ايه يابني خلصت ولا لسه، انا بجهز حاجتي ونازل من الشركه اهو، اجيلك فين 

حسام: ههههه، لا بص انا حاليا في القسم، قدامي كذا قضيه، تعالالي ولما نخلص نمشي مع بعض 

قاسم: انت هتهزر يا حسام، هنقضي اليوم وسط المجرمين، بس فعلا انا اللي غلطان اني صاحبت ظابط، وياريته شاطر، ده ظابط فاشل، هههههه 

حسام: الله يسامحك يا ابو قاسم، لكن يلا حظك كده بقه، المهم متتأخرش، انا هستناك 

قاسم : ماشي يا خويا، جايلك اهو، سلام 

حسام : سلام يا كبير، وقفلوا مع بعض 

------------------- بقلم شيمو الخطيب 

في بيت عشق

فاديه :ياعشق،، ياعشق، تعالي ياحبيبتي شوفي مين على الباب 

عشق من المطبخ : حاضر ياماما انا سامعه ياحبيبتي بس بلبس الاسدال وهفتح اهو 

عشق فتحت وكان طارق جارهم 

عشق: خير يا طارق، فيه حاجه ولا ايه 

طارق: لا ياعشق، انا بس كنت بطمن عليكي، 

عشق: انا كويسه الحمد لله، بس اشمعني يعني يا طارق 

طارق: بصراحه انا قابلت سحر وحكتلي اللي حصل من خالد الزفت ده،و انا بصراحه جاي عشان اجي معاكي ونجيب فلوسك منه 

عشق: ههههه، والله البت سحر دي ملهاش حل، طب هي ليه تحكي حاجه متخصهاش، عموما حسابي معاها بعدين 

طارق: جرا ايه يا عشق، هو انتي اتدايقتي اني عرفت ولا ايه 

عشق : لا طبعا، بس انا مبحبش حد يتكلم او يحكي حاجه متخصهوش، افرض اني مش عايزه اتكلم فيها، ليه هي تقولها، عموما، انا بشكرك ياطارق على وقفتك دي، ولو احتاجتك اكيد مش هتردد،، انت اخويا وانت عارف كده كويس 

طارق: اخوكي برده ياعشق، مفيش فايده، بس انتي مش اختي يا عشق، انتي عارفه انتي ايه بالنسبالي 

عشق: وانا سبق وقولتلك انك اخويا وبس يا طارق، وياريت تحترم رأيي ده وتتعامل معايا على أساسه 

طارق: ماشي ياعشق، انا هعدي عليكي بعد شويه تكوني جهزتي ونروح لخالد بيه 

عشق: لو احتاجتك هقولك يا طارق، انا شويه وهروح لوحدي، لاني واثقه انه مش هيقدر يعمل حاجه 

طارق بنرفزه : انتي ليه بتعندي، ليه مش عايزه حد يساعدك، هو انتي هتخسري ايه، لو انا جيت، ولا يمكن تكوني حابه تروحي لوحدك لغرض في دماغك بقه 

عشق بنرفزه: بقولك ايه يا طارق، اي تلميح منك تاني صدقني هتزعل مني، وسبق وقولتلك شكرا لوقفتك معايا، اظن كده انت جبت النهايه، وللمره التانيه، الف شكر ليك بعد اذنك 

وقفلت الباب في وشه 

طارق واقف مذهول، وبيأنب نفسه على كلامه، واضطر انه يمشي لأنها مش هتسمع اي كلمه منه حاليا 

فاديه : في ايه يابت يا عشق صوتك كان عالي ليه، انا سمعت صوت طارق، هو حصل حاجه ولا ايه 

عشق:.......... 

فاديه من اوضتها: يا عشق، ياعشق، متردي يابنتي، انتي كويسه؟ 

عشق مسحت دموعها ودخلت، : ايوه يا ماما انا كويسه، متقلقيش، ده طارق كان جاي يسأل عليا، ويقولي انه هيجي معايا عند خالد بيه 

فاديه : طب كويس يا بنتي، عشان اطمن عليكي 

عشق بصت لمامتها، : حاضر ياماما، انا هلبس واخد طارق ونروح

وفعلا لبست وخرجت 

-----------بقلم شيمو الخطيب 

في فيلا العزيزي

هدى سمعت صريخ ودخلت بسرعه 

هدي: يانهارك ابيض يا زهره، انتي عملتي ايه يابت انتي، انتي كسرتي الفازه، (وبزعيق)، انتي عارفه دي تمنها كام 

زهره برعشه: والله، والله، يا، يا، يا ست هانم غصب عني، انا كنت راجعه على المطبخ بسرعه، خبطت فيها وملحقتش امسكها، بصي ياست هانم اخصمي تمنها من مرتبي 

هدى بصوت عالي: مرتب ايه يا ام مرتب، انتي عارفه دي بكام، انتي لو قعدتي تشتغلي عمرك كله مش هتسدي حقها، 

يا زينب،،، يازينب،، 

زينب بتجري: تحت امرك يا ست هانم، (وشهقت لما شافت الفازه) ايه ده ومين عمل كده 

هدى :بقولك ايه يا زينب، البت دي متخرجش من المطبخ خالص، لحد ما سيد يجي وياخدها، انا مش هقدر استحمل غبائها ده كتير، انتي اللي مسؤله عن نضافة البيت يا زينب، ودي المطبخ وبس، انتي سامعه 

زينب: حاضر ياست هانم، مش هتخرج من المطبخ حاضر، ومسكت زهره

عدي قدامي، انتي هببتي ايه يا بت انتي

كده في أول يوم، ربنا يعدي الايام الجايه على خير 

هدي: الله يخربيتك ياسيد، على البلوه اللي بلتني بيها، 

وبعد فتره كبيره كلمت قاسم 

هدي: الو، ايوه ياحبيبي عامل ايه 

قاسم: تمام يا أمي الحمد لله، 

هدي: انت فين ياقاسم، سامعه صوت العربيه 

قاسم: انا رايح لحسام القسم، ليه في حاجه ولا ايه ياست الكل 

هدي: لا يا حبيبي انا بطمن عليك بس، المهم كلمت جيجي ولا لسه 

قاسم  بخنقه : ماما، عشان خاطري انا مبحبش ازعلك انتي بالذات، فممكن تسيبيني اتعامل معاها براحتي، ومش كل مشكله بينا هتجري تعرفها للكل، انا مبحبش كده 

هدي: يابني جيجي بتحبك، وانت بتعاملها معامله وحشه قوي بصراحه ياقاسم 

قاسم: ماما هي دي معاملتي، وبصراحه مبعرفش يعني ايه حب، ويعني ايه اقول كلام حلو، انا كده، وفهميها ده، عجبها على كده ماشي، مش عاجبها احنا لسه على البر، لكن انا مش هتغير عشان حد  ماشي يا أمي 

هدي: ماشي يا حبيبي، بس ده ميمنعش انك تكلمها تراضيها، عشان خاطري يا قاسم، لو بتحب امك حبيبتك 

قاسم بنفاذ صبر: حاضر يا ماما، بس مش انهارده ممكن؟ 

هدى :ماشي يا قاسم، مش انهارده، طول عمرك دماغك ناشفه 

قاسم: لا يا ماما انا بس مبحبش اعمل حاجه وانا مجبر عليها، 

هدي: ربنا يهديك يابني يارب، المهم متتأخرش لأنهم اكيد هيجو انهارده 

بالليل 

قاسم: وانا مالي يا ماما ما يجيو، انا دخلي ايه 

هدى بنرفزه: انت هتستهبل ياقاسم، لا كده كتير يا حبيبي، لازم على الاقل تقعد معانا، وتبقى موجود، لو مش علشان جيجي يبقى عشا..... 

قاسم قاطعها: خلااااص يا ماما، حاضر هحاول، يلا سلام بقه لاني وصلت 

وقفل معاها قبل متقفل.. 

-------------- بقلم شيمو الخطيب 

عشق خرجت من بيتها، وكان طارق واقف في مكان بعيد وبيراقبها، وفعلا مشي وراها من غير متحس 

وصلت عشق لفيلا خالد بيه ونادت عليه، والبواب فتح وهي دخلت 

عشق: ياخالد بيه، يا خالد بيه 

خالد نازل من فوق : اخيرا وصلتي، ده انا قلت انك صرفتي نظر عن الفلوس ولا حاجه 

عشق بتحدي: وانا هصرف نظر ليه يا خالد بيه، ده حقي وانا مبتنازلش عن حقي بسهوله 

خالد: ههههه، لا جامده يابت، تعجبيني،، 

ياسعاد،،، هاتي عصير لست عشق 

عشق: انا مش جايه اشرب يا خالد بيه، انا عايزه فلوسي وهمشي على طول 

خالد: ماشي ياستي، تعالي المكتب معايا وانا هديكي الفلوس

عشق: ههه،،، والله انا بستغرب يا خالد بيه، يعني هي الفلوس مينفعش اخدها هنا، 

خالد: خليكي معايا للآخر وصدقيني هتتبسطي قوي 

عشق بتحدي : ماشي وانا معاك للآخر يا خالد بيه، بس صدقني هتندم على اللي بتعمله ده 

خالد: ههههههه، ومين بقه اللي هيندمني؟ ، انتي ياعشق؟ ، ههههههه، لا بجد ضحكتيني جدا 

عشق: يوضع سره في أضعف خلقه يا خالد بيه، وانا اللي يجي عليا باكله باسناني، عموما بلاش نضيع وقت ويلا هات الفلوس 

خالد: ايوووووه، بلاش نضيع وقت، تعالي يا عشق 

ودخلت عشق المكتب وخالد قفل الباب

عشق بتدعي وتقول اذكار في سرها، اه هي خايفه لكن واثقه في ربنا اكتر، وثقتها دي مقوياها

خالد قرب من عشق، وحط ايده على وشها، ها يا عشق، مقلتليش عايزه كام 

عشق نزلت ايده بعنف: اظن الكلام يبقى من بعيد افضل، وبعدين انا عايزه حقي وبس، لا اكتر ولا أقل 

خالد: قرب تاني، بس انا عايز ازودك، لأنك هتسمعي الكلام وتعملي اللي انا عايزه، وفجأه قطع كم فستانها واتهجم عليها 

عشق بتحاول تبعده عنها، لكن هو حكم مسكته ليها  وكتفها، وبعدها عشق ضربته بركبتها وهو بعد فعلا عنها، وخرجت عشق سكينه صغيره كانت جايباها معاها من البيت وضربته، وهو صرخ من كميه الدم 

وعشق وقفت في جنب خايفه لانه وقع ومبيتحركش 

                   الفصل الثالث من هنا

لقراءة باقي الفصول من هنا