رواية غرام وانتقام
الفصل التاسع عشر الاخير
وفى البيت عند غرام بعد ما زياد وملك رجعوا من اسبوع العسل
زياد
ليه لايا غرام
غرام
ازاى تقبل عزومة الغدا فى بيت عمر انا قلقانة جدا
ملك
لا مفيش حاجة مش تقلقى وخير ان شاء الله
غرام
لاخايفه
زياد
بطلى دلع ياغرام وقومى يلا
ملك
يلا يا بقى متخافيش عشان خاطر عمر يا سيتى
غرام باستسلم
حاضر عشان خاطره بس
وتقوم غرام تجهز وفى نفس الوقت اللى شهد وفريده جاين يتغدوا وكاميليا فى البيت هى وجوزها
كاميليا
حتولعها ياعمر النهارده
عمر
كله عشان خاطر غرام
كاميليا
ربنا يستر
وفجأة الباب خبط وقام عمر علشان يفتح وهو بيقول اكيد غرام
عمر
اهلا يا زياد
زياد
اهلا ازيك ياعمر اخبارك ايه
عمر
تمام الحمدلله تعالى ياراجل البيت بيتك
ملك
ازيك ياعمر
عمر
تمام يا مدام ملك ... غرام ازيك
غرام
الحمدلله وانت
عمر
كويس تعالوا اعرفكم على ماما
وبعد ما دخلوا كلهم
كاميليا
اهلا بالعرسان مبروك
زياد
الله يبارك فيكى
ملك
الله يبارك فيكى وعقبال اللى ف بالى وتغمز بعنيها لكاميليا
كاميليا مبتسمه
ايه اخبارك ياغرام
غرام
الحمدلله وانتى وعمر الصغير واحمد وحشتونى كلكم
كاميليا
تمام الحمدلله
ودخلت والدة عمر
عمر
ماما احب اعرفك زياد صديقى ومدام ملك مراته
فدوه
اهلا بيكم
زياد وملك
اهلا بحضرتك
عمر بحنان
ودى غرام بنت اخت زياد
غرام
ازاى حضرتك
فدوه
اهلايا غرام
غرام
اهلا بحضرتك
عمر
تعالى ياغرام اعرفك بوالدى
غرام
اوكى
عمر
بابا
اكرم
ايوه ياعمر
عمر
غرام اللى كلمتك عنها
اكرم
بسم الله ما شاء الله زى القمر
غرام بكسوف
ميرسى يا اونكل
فدوه حست باهتمام عمر بغرام من كلامه معاها واهتمامه الزايد بيها
فدوه
روح كلم شهد ياعمر انت كنت بتسال عليها من الصبح
عمر
هى زمانها جايهيا ماما
فدوه بتوجه كلامها لغرام
شهد تبقى بنت خاله عمر و زى القمر ياغرام
غرام اتحرجت وسكتت
وبعد شويه جت شهد وفريده
شهد
ازيك يا خالتو
فدوه
كويسه يا حبيبتى تعالى اقعدى جمب عمر خطيبك
مش المفروض تعلن خطوبتك من شهد ياعمر
عمر
لا
فدوه بلهجه حاده
يعنى ايه لا
عمر
يعنى انا سمعتكم وانتوا بتقفوا على جوازة شهد مش انتى اللى جبتيلها العريس الغنى
فدوه
اخرص ازاى تكلمنى كده
عمر
انا سمعت ازاى بتتقفى علياازاى ده انا ابنك تبعينى كدهومهمكيش قلبى اللى انجرح ولا مشاعرى
فدوه
قولتلك اخرص ومش حتتجوز غير شهد بلا تخريف وكلام فاضى
عمر
لا ده عمره ما حيحصل ابدا
شهد بابتسامه سخريه
عموما يا عمر انت مش فارق عندى لانى عمرى ما حبيتك وانا حتجوز الاغنى منك متزعليش يا خالتو
عمر
مبروك ياشهد وليكى عندى مفاجأة الجواز . يا دكتوووور تقدر تتفضل تيجى
الكل منتظر يشوف مين اللى داخل
شهد اتفاجات لما لقيت مازن داخل ومعاه واحدة
مازن
مساء الخير على كل الموجدين
عمر
احب اعرفكم دكتور مازن صديقى وزميلى فى المستشفى ودكتورة مريم مراته
شهد بصدمه
انى مستشفى ده عنده مستشفى فى امريكا و مرات مين مازن بيحبنى انا وحيتجوزنى انا لا انا مش فاهمة حاجة
وتوجه كلمها لمازن مين دى ومستشفى ايه فهمنى ارجوك
عمر مقاطعا
لا الحقيقة ان دكتور مازن دكتور معايا فى المستشفى ومش عنده مستشفيات فى امريكا ولا حاجة واتفقنا نعمل فيكى كده عشان اردلك القلم اللى اخدته منك انا مش حنكر انى حبتك بجد وانتى متستاهليش ويضحك . تعيشى وتاخدى غيرها يابنت خالتى
شهد تنهار من كتر العياط وتقعد كان رجليها مبقتش قادرة تتحملها حست الدنيا كلها بتنهار حواليها ولسانها عج عن الكلام
وكل الموجدين قاعدين ساكتين فى حالة ذهول
زياد
طيب يلا ياغرام انتى و ملك نروح لان دى خلافات عائلية ومش ينفع وجودنا هنا
عمر
لا يا زياد من فضلك انا بتقدم اخطب ايد غرام منك
شهد تبصله باستحقار
ده فعلا مستواك انا حخليك تندم ياعمر
وتمشى وهى برضه فى حالة صدمة
زياد
مش وقت الكلام ده ياعمر
عمر
لا وقته انا بحب غرام وعايز اتجوزها
فدوه
لا انت حتتجوز شهد غصب عنك انت فاهم
عمر
بعد كل ده وكل اللى سمعتيه تفتكرى انى حسمع كلامك ولا حسيب حب عمرى علشان واحدة انانية مش بتفكر غير فى الفلوس وبس
فدوه
انت ازاى تكلمنى بالطريقة دى وتعلى صوتك عليا حتتجوزها يعنى حتتجوزها انت فاكر ان التمثيلة الخيبة دى دخلت عليا
اكرم
مش من حقك تهدمى حياة عمر وتخاليها سودا زى حياتى معاكى
فدوه
وانت من امتى كان ليك رائى وكما احمد ربنا انى وافقت اتجوزك وانت اكبر منى بكتير
اكرم
وافقتى تتجوزينى عشان فلوسى جشعك وطماعك خليك نسيتى فرق السن
فدوه
برضه حيتجوز شهد كفاية كاميليا وبختها اللى مال بسببك
اكرم
كاميليا اتجوزت راجل بتحبه وحيحافظ عليها وعيشه حياه سعيده
فدوه
بايه ان شاء الله بمرتبه
اكرم
السعادة مش بالفلوس يا دكتورة ما انا وانتى اهو عندنا فلوس كتير بس انتى خليتنى كرهت حياتى بسببك
فدوه
وفر كلامك لنفسك لانه حيتجوز شهد وكلمتى انا اللى حتتنفذ
اكرم
مالكيش اى حق تتدخلى فى حياة عمر ابنى حيتجوز غرام وانا موفق ويبص لزياد ويقوله يا بشمهندس زياد انا يشرفنى انى اطلب ايد غرام لعمر ابنى
فدوه
انت اتجننت انت بتكسر كلمتى
اكرم يدور يبصلها
ويرفع ايده علشان يضربها
وفجأة اخت عمر الصغيره تقع من السلم
الحلقه الاخيره
خرجت شهد مسرعة من فيلا عمر
وركبت سيارتها وبداءت تقود بسرعه جنونية
وكانت مش شايفة الطريق من كتر دموعها
وبداءت تسال نفسها
هى فعلا حبت مازن ومجروحة منه
ولا زعلانة على الفلوس والفيلا واميركا
وكانت الاجابة صدمة بالنسبة ليها
لانها فعلا حبت مازن
لاول مرة بتحب بجد
ولا ول مرة دموعها بتنزل من غير تمثيل ولا زيف
راحت شهد نفس النادى اللى كان بيجمعها بمازن
وهى قاعدة بتفتكر مازن ودموعها منهمرة
شافت واحد قاعدة على الطاولة بجوارها
وكان بيتكلم فى التليفون بصوت مسموع غير مقصود
كان بيكلم واحد من موظفين شركتة
المهندس شريف
رجل محترم عمره يتجاوز منتصف الاربعين
ارمل وليس لديه اطفال
شغلة واخد كل وقته
من اكبر مهندسى مصر
وعنده شركة انشاءات عقارية لها اسمها وتاريخها
وتلاقت عين شهد بعين شريف
وراى شريف الدموع فى عيون شهد
انهى المكالمة واقترب منها وسالها
مالك يا انسه فى حاجة مضياكى
محتاجة لاى شئ
شهد
لا ابدا متشكرة على سؤالك
شريف
انا اسف انى بتدخل بس انا عارفك عضوة هنا ف النادى
وكنت دايما بشوفك مع خطيبك ووشك دايما ضحوك
فا استغربت لما شفتك منهارة بالشكل ده
شهد
اهلا بيك انا كمان بشوف حضرتك هنا دايما
اتفضل اقعد واقف ليه
انا شهد
شريف
وانا المهندس شريف
ممكن اعرف مالك ولا حتعتبريه تدخل منى
شهد
طبعا عارفة حضرتك يا بشمهندس انت من اكبر مهندسى مصر واسم شركتك معروف
اصل انا وخطيبى سبنا بعض
شريف
معلش كل شئ نصيب
طب ايه السبب واسف لتطفلى
وبداءت شهد تروى قصة من نسج خيالها
عن عمها الظالم اللى جوزها غصب عنها
وعن مازن اللى اكتشفت انه بيخونها
فعلا بارعه فى نسج القصص لاستحواذها على تعاطف الاخرين
وبداء فعلا شريف التعاطف معها
وبداءت شهد نسج خيوطها للضحية الجديد
فى نفس الوقت فى المستشفى
فاقت روندا ولاقت جنبها كل اهلها
وكمان غرام وزياد وملك
رواندا
انا فين
اكرم
انتى ف المستشفى حبيبتى
رواندا
ليه بابى ايه اللى حصل
اكرم
ابدا يا حبيبتى تعبتى شوية والحمد لله بقيتى احسن
رواندا
بابى بليز انت ومامى بلاش خناق
فدوة
لا يا رونى يا حبيبتى خلاص مفيش خناق
انا بعتذر ليكم كلكم عن اللى حصل منى
وبالاخص ليك يا اكرم الطمع والجشع عمى قلبى وعينى عن الحب اللى انت ادهتولى
وكان حيضع منى ابنى
انا اسفه يا عمر ارجوك سامحنى
وبداءت تنهمر الدموع من عنيها
عمر ماسك ايدها وقبلها
امى انا لا يمكن ازعل منك ابدا انتى امى وحبيبتى
فدوة
ربنا يخليك ليا حبيبى
اكرم مش حنطلب ايد غرام لعمر
اكرم
طبعا ده بعد اذن زياد لو يوافق
زياد
يا دكتور انا ليا الشرف طبعا
اكرم
يبقى نقول مبروك
وحضن غرام وقالها مبروك يا غرام انتى بقيتى بنتى
غرام بدموع الفرح
الله يبارك فيك يا دكتور
اكرم
لا دكتور ايه بقى انتى بقيتى بنتى خلاص
مبروك يا عمر وحط غرام فى عنيك
عمر
طبعا يا بابا غرام ف عينى وف قلبى
ومسك اديها وقبلها وقال لها
مبروك يا غرامى ويا عشقى
ربنا يقدرنى واسعدك
صحت غرام من النوم على صوت بيقولها
مامى يا مامى اسحى بقى
فتحت غرام عنيها لقت ابنها على بيصحيها
غرام
صباح الخير يا على ايه اللى مصحيك بدرى كده
على
يلا يا مامى علسان نلوح عند خالو سياد والعب مع عاليا
غرام
هاهاهاهاهاهاهااااااااااااااااااا حاضر يا لوشى
طب يلا نصحى بابى
صحى عمر وهو بيضحك
صباح الخير حبيبتى
صباح الخير يا دكتور لوشى
على
سباح الخير بابى
يلا بقى علسان نلوح عند عاليا
انا حلوح البس
وطلع على من الاوضه بيجرى علشان يلبس ويروح يلعب مع عاليا بنت زياد وملك
عمر
انتى بتضحكى ليه يا غرام
غرام
اصل انا حلمت بليلة دخلتنا
مش مصدقة مر على جوازنا 3 سنين
مروا عليا احلى تلات سنين فى حياتى
عمر
وحلمتى بايه بقى
غرام
بس يا عمر بطل
عمر
لا مش حبطل لازم اعرف
غرام
تعرف ايه بقولك ليله دخلتنا
عمر
اصلى نسيت ممكن تفكرينى
غرام بكسوف
عمر
عمر
يا قلب وعقل عمر
غرام
يلا قوم علشان نروح لزياد
عمر
لا بس الاول لازم تحكيلى الحلم
غرام
يا عمر بس
عمر
خلاص احكى انا
واخدها فى حضنه
🌹🌹🌹🌹🌹🌹🌹🌹🌹🌹🌹🌹
عندنا فقط ستجد كل ما هوه جديد حصري ورومانسى وشيق فقط ابحث من جوجل باسم كرنفال الروايات وايضاء اشتركو على
قناتنا ايضا كرنفال الروايات
🌹🌹🌹🌹🌹🌹🌹🌹🌹🌹🌹🌹🌹🌹
النهاية