رواية غمرتني عشق
الحلقة الثامنة والتاسعة
بقلم شيمو الخطيب
الحلقه ٨
من (غمرتني عشق)
💕اللَّهُمَّ أنَْتَ رَبيِّ لَا إلِهََ إلَِّا أنَتَ، خَلَقْتنَيِ وَأنََا عَبدُْكَ، وَأنََا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ بِذَنْبِي فَاغْفِرْ لِي فَإِنَّهُ لَا يَغْفِرُ الذُّنُوبَ إِلَّا أَنْتَ. 💕
بسم الله نبدأ
في فيلا القناوي
جيجي رجعت من الجامعه، ودخلت الفيلا
فريده : حمدلله على السلامه يا حبيبة مامي ، عامله ايه يا حبيبتي
جيجي بتعب: الحمد لله يا مامي ، كويسه،
فريده :الحمد لله ياحبيبتي، بس مالك مش على طبيعتك ليه كده؟
جيجي بتعب : لا يا ماما انا كويسه، بس تعبانه شويه، ومصدعه، هطلع ارتاح وان شاء الله هقوم كويسه
فريده : لا ياحبيبتي. تنامي ايه، ده الغدا جاهز، ومستنيه باباكي (وبصت كان محسن داخل)،، واهو جه كمان يعني مالكيش حجه
محسن بحب: مساء الخير ياحبايبي، (وباسهم من جبهتهم)
فريده : مساء الفل يا حبيبي، حمدلله على السلامه
محسن : الله يسلمك ياحبيبتي، مالكو واقفين ليه كده
فريده: مفيش ياسيدي، اصل الست جيجي كانت عايزه تطلع تنام من غير متتغدي
محسن ضم جيجي لحضنه: ليه يا حبيبتي، حد مزعلك ولا حاجه
جيجي بضيق: لا ابدا يابابي، انا بس مصدعه شويه، لكن خلاص، طالما حضرتك وصلت، اكيد مش هضيع الفرصه وهاكل مع حضرتك
محسن : خلاص يا حبيبتي، اطلعي غيري هدومك وتعالي بسرعه لاني جعاااان جدا
فريده: اطلعوا بقه انتو غيروا، وانا هدخل استعجلهم يجهزوا الاكل
وفعلا محسن وجيجي طلعوا وفريده دخلت تحضر السفره
نزل محسن وقعد، وكانت جيجي نازله
محسن: مالك يا جيجي ياحبيبتي، حد مزعلك، شكلك مش طبيعي خالص، اوعي يكون قاسم دايقك تاني،
جيجي: لا ابدا يابابي، انا مش مشفتوش انهارده ولا كلمته
محسن باستغراب:غريبه،، ده حتى مراحش الشركه انهارده، الولد ده غريب، وتصرفاته مش مفهومه، انا بجد مش عارف هو عايز ايه بالظبط
جيجي بخوف: يعني هو تعبان ولا ايه يابابي،
محسن؛ لا يا حبيبتي، ده تقريبا كان فيه مشكله عند حسام صاحبه وهو نزل معاه
فريده : مشكله!!! ده حسام ده ظابط، يعني مش محتاج قاسم في مشاكل،، ده هو اللي يحل المشاكل كلها
محسن بضيق: مش عارف بقه يا فريده والله، بس تقريبا حسام كان تعبان او حاجه، المهم، مش موضوعنا، شويه كده واتصل بحازم اطمن
جيجي: وانا شويه كده هكلم قاسم، اطمن عليه
فريده: حاولي تتقلي عليه شويه يا جيجي، لهفتك عليه دي هي اللي مقوياه عليكي،
محسن: والله يا فريده هو قوي على الكل ، شخصيه بجد غريبه، ربنا يهدي
فريده: يارب يا حبيبي
جيجي سرحانه، وبتقلب في الأكل من غير متاكل، وكل تفكيرها في قاسم
--------------- بقلم شيمو الخطيب
في فيلا العزيزي،
عشق طلعت الاكل لقاسم
عشق: من فضلك خرجني من هنا، لأن مينفعش وجودي مع حضرتك كده
قاسم : انتي مش هتخرجي من الاوضه بس يا عشق، انتي هتخرجي من البيت وحالا، انتي فاهمه
عشق بدموع: قاسم بيه، انا فعلا همشي، بس قبل مامشي، عايزه اعرف، ليه حضرتك رافض تشغلني هنا،
قاسم بنرفزه : من غير متعرفي، هو كده وخلاص،
عشق بعند: يعني ايه هو كده وخلاص، وانا مش همشي إلا لما اعرف، واظن ان ده من حقي
قاسم بصلها بنفاذ صبر: عشق، متعنديش معايا، ارجعي بلدك واشتغلي هناك، ليه تتبهدلي هنا، ليه تسيبي والدتك لوحدها وانتي عارفه انها تعبانه
عشق قربت منه وبعند اكبر: وهو حضرتك هتخاف على والدتي اكتر مني، قاسم بيه بصراحه انا حاسه ان في سبب وحضرتك مش عايز تقوله
قاسم اتنهد واتكلم بهدوء: عشق، انتي بنت جدعه، وعندها عزة نفس وكبرياء، ليه ترضى انك تشتغلي خدامه
عشق بعياط: عشان انا فعلا كده، انا خدامه،،،،، وهي شغلتي في الأراضي ايه؟ ، مش خدمه برده، بس دي باخد حقها كل يوم، لكن شغلتي عند حضرتك هقبض فيها بالشهر،
وبعدين انا تعبت كتير واتبهدلت كتير، ليه حضرتك مستكتر عليا اني ارتاح،
قاسم بنرفزه : وهي خدمتك عندنا هنا راحه؟ ، لو انتي فاهمه كده تبقى غلطانه
عشق: على الاقل اريح من بهدلتي وسط الفِلاحه والأراضي،
قاسم :........
عشق قربت من قاسم: ياقاسم بيه، انا لولا أن خالد الزفت ده، منبه على كل اهل البلد محدش يشغلني عنده، مكنتش جيت ولا دايقت حضرتك، انا معرفش أن عم سيد هيجيبني هنا، وعلى كل حال، انا برده همشي ومش هدايق حضرتك، واسفه اني اتجرأت واتكلمت مع حضرتك
قاسم بخنقه : حضرتك، حضرتك، في ايه يا عشق، انا بتكلم عشان مصلحتك مش اكتر
عشق بتريقه: فعلا وانا من مصلحتي اني اشتغل مع الرجاله، حاضر يا قاسم بيه، بعد اذنك
قاسم كان هيمسكها لكن لحق نفسه ووقف قدامها : استنى ياعشق، بصي انا ممكن اشوفلك شغلانه تانيه في اي شركه، وهتقبضي منها كويس جدا، وانتي ماشاء الله عليكي شاطره، ايه المشكله انك تشتغلي شغلانه محترمه
عشق بضيق: وهو انا لاسمح الله، بشتغل شغلانه مش محترمه، وبعدين حضرتك تقدر تقولي، انا لما اشتغل في شركه، هتعامل مع الناس ازاي، اه بعرف اتكلم ومش فلاحه، لكن لا شكلي ولا لبسي يسمح بكده، ورَحِم الله امرئٍ عرف قدر نفسه،،، وانا الحمد لله عارفه انا ايه، انا اه احسن من ناس كتيييير قوي، وناس أكابر كمان، لكن للأسف، لبسي مش هيبين كده
قاسم نفخ بضيق : مش مهم ياعشق كل ده اكيد انا هشتريلك هدوم جديده، تليق مع الشغل
عشق : وهو انا كده مش هذل نفسي يا قاسم بيه؟ ، لا ياقاسم بيه، انا عمري مااقبل اني استغل حضرتك في اني اكبر ببلاش، انا يوم ما اكبر، هكبر بتعبي وشقايا، ا، ا، انا هنزل دلوقتي، استأذن الست هانم، واعتذر عن الشغل، وانا واثقه ان ربنا مش هيتخلي عني، زي ما حضرتك عملت،،، بعد اذنك ياقاسم بيه، وشكرا جدا لذوق حضرتك معايا
ومشيت عشق من قدامه
وقاسم وصل لقمة غضبه وكسر المرايه بايده وقعد على السرير بينهج من كتر الغضب والضيقه
عشق نزلت
هدي: ايه ياعشق كل ده، كل ده بتحطي الاكل لقاسم،
عشق بزعل: انا اسفه ياست هانم. بس قاسم بيه رافض وجودي هنا، وانا كنت عايزه اعرف السبب
هدي: وعرفتي ايه السبب،؟
عشق: للأسف لا، فأنا هعتذر عن الشغل هنا ياست هانم، وهضطر اني ارجع بلدي تاني،
رنا: لا يا عشق ليه بتقولي كده، ده ابيه قاسم طيب والله، بس اكيد انتي دايقتيه ولا حاجه، ومع الوقت هتتعودي، عليه
هدي: رنا عندها حق، وبعدين قاسم مالوش انه يقرر قرار في الموضوع ده، ده موضوع يخصني انا، مش هو
عشق بدموع: انا مش عايزه اعمل مشكله ياست هانم. الله يخليكي سيبيني امشي من هنا
هدي: عشق، خلاص الموضوع انتهى، انتي هتفضلي معانا، وبصراحه انا ارتحتلك، فبلاش تدايقيني منك بقه
رنا: وانا كمان ياعشق، ارتحتلك جدا، ده كفايه اكلك، تحفه بصراحه، تسلم ايدك
عشق بابتسامه : تسلمي ياست رنا، ربنا يسعدك يارب،
هدي: خلاص ياعشق، حاولي بقدر الإمكان مالكيش دعوه بقاسم، واجتنبيه تماما، وهو مع الوقت هيتقبل الوضع، لحد معرف هو ليه رافض وجودك
عشق: حاضر ياست هانم، بعد اذن حضرتك،. ودخلت عشق على المطبخ
هدى : انا مش عارفه اخوكي ده ايه، عايز يعادي كل الناس، طيب البت الغلبانه دي،، ليه رافض انها تشتغل هنا، نفسي اعرف ايه اللي بيدور في دماغه بالظبط
قاسم لابس ونازل من على السلم: انا مفيش حاجه بتدور في دماغي يا ماما، خلاص اللي انتي شايفاه اعمليه، وانا اسف اني اتدخلت في حاجه متخصنيش
هدي: طيب انت رايح فين كده، ده انت ملحقتش تتغدى،
قاسم: حسام هيعدي عليا هنا، هنقعد شويه، وبعدين هنروح مشوار مهم
رنا بتوتر: وهو حسام هيجيلك هنا دلوقتي،
قاسم :ايوه يا رنا ، ايه في حاجه ولا ايه،
رنا بلخبطه : لا، لا، ابدا هيكون فيه ايه يعني،
قاسم باستغراب؛ امممممم ماشي تمام، المهم انا عايزكوا تبلغوا زينب تعمل فنجانين قهوه، وتجيبهم في الجنينه
هدي: طب ليه الجنينه، متقعدوا هنا براحتكو
قاسم؛ لا الجنينه افضل، وبعدين عايز اقعد مع ريكس شويه، يلا سلام انا بقه
هدي: سلام يا حبيبي
يازينب،،، يا زينب،
زينب: تحت امرك ياست هانم
هدي: جهزي فنجانين قهوه وابقى طلعيهم لقاسم بيه بره في الجنينه
زينب : من عنيا ياست هانم، ده قاسم بيه يؤمر
دخلت زينب: يا عشق، عايزين فنجانين قهوه لقاسم بيه، تقريبا حسام باشا معاه
عشق بدموع : حاضر يا زينب من عنيا
زينب : مخلاص بقه ياعشق، هو قاسم بيه شديد لكن طيب قوي والله، ده أطيب واحد في البيت هنا، متزعليش بقه، وبعدين الست هانم قالتلك انها مش هتسيبك،، يبقى زعلانه ليه
عشق بعياط: انا مبحبش ابقى مفروضه على حد يا زينب، انا مينفعش اقعد مع حد وهو مش قابلني ، عارفه لو اعرف سبب لرفضه ليا كنت ارتحت، لكن المشكله اني معرفش
زينب؛ بكره يهدي ويبقى زي الفل متزعليش نفسك انتي بس، وربنا يصلح حالك يارب،
عشق ابتسمت: يارب يا زينب، ويصلح حالك انتي كمان
قاسم طلع ووقف يلعب مع ريكس، وشويه وكان حسام وصل
حسام سلم علي قاسم، ونزل سلم على ريكس، اللي رفع رجله ومدها لحسام
قاسم :يابني المفروض انك تعبان،و دي مش دخلت واحد تعبان ياغبي
حسام بضيق: منا قولتلك بلاش اجي، وانت اللي صممت اننا نقعد هنا، المفروض ان انا اجيلك ازاي، على نقاله يعني
قاسم ضحك جامد:ههههه الله يخربيتك هتفضحنا، يابني ادخل امسك بطنك، امسك ضهرك، َ،، اعمل اي حاجه ههههههه
حسام تنح لقاسم : ايه ياعم انت، هو انا حامل، امسك بطني ولا امسك ضهري، متركز في الكلام كده ياعم قاسم بدل ما اعملها معاك، ههههههه
قاسم ضحك جامد وضحكته سمعت لجوا الفيلا : تصدق بتخيل منظرك هههههه، هيبقى شكلك حلو قوي وانت حامل يا حسام، يخربيت كلامك، هههههه، تعالي تعالي فضحتنا
حسام بتريقه: والله،، بقى انا منظري هيبقى حلو لو حامل،،، ، ولا،،، ، انا مستحملك بالعافيه، انت محسسني انك خايف من ابوك، والله ده هو اللي بيخاف منك، فكها كده انا مبعرفش امثل اصلا
قاسم : خلاص الله يخربيت كده، اهدي بقه، تعالي نقعد، لحد ما القهوه تيجي
حسام: قاسم،، ياريت تقول لعشق هي اللي تعملها
قاسم ضحكته اختفت وسكت خالص
حسام قعد واستغرب ليه قاسم اتدايق وقال : قاسم انا بجد احترت فيك، انا سألتك قولتلك انت بتحبها ولا لا، وانت قلت لا وبشده، واللي يشوف ضيقتك لما حد يعاملها انها خدامه، يحس انك فعلا بتحبها، انا بجد عايز افهم
قاسم نفخ بضيق واتكلم بنفاذ صبر : انا هفهمك يا حسام، انا طول عمري اللي بيتكلم معايا، يقول اني بتكبر على الناس ومبعرفش اتعامل مع حد، وانت نفسك قبل منتصاحب كنت بتقول كده، وده لاني مبفضّلش اني آخد على الناس بسرعه، ولا أعود حد عليا، عشان كده علاقاتي محدوده جدا، عشق تقريبا كده، اه هو مش بالظبط، بس عشق كبريائها عالي وعندها عزة نفس كبيره قوي، انا محبش ان حد يجي عليها، زي ما بحبش ان حد يدايقني بكلمه، عشق لو بنت عاديه يا حسام كانت مش هتهمني ابدا، زيها زي غيرها، لكن هي مختلفه، وانا مبحبش اشوف حد مكسور قدامي، هي دي كل الحكايه، اتمنى، انك تكون فهمت
حسام مركز في كلام قاسم: امم فهمتك ياقاسم، انت فعلا عندك حق، انا نفسي يصعب عليا اني اشوفها مكسوره
قاسم اتنهد بارتياح : الحمد لله، انها وصلت، يعني مش كل شويه تقعد تقولي انت بتحبها، انت معجب، والكلام ده، لأن عشق متنفعنيش بكل المقاييس واكيد انت متأكد من كده
حسام بتأكيد : متأكد طبعا، ربنا يصلح حالها، هي بنت حلال وتستاهل كل خير
قاسم : تمام، المهم بقه، مش غريبه إنك مرحتش شغلك انهارده
حسام : بلطجت بصراحه، ووصيت حسن لو في حاجه مهمه يكلمني، وبعدين فين القهوه، انت بتضحك عليا ولا ايه،
قاسم : ثواني هدخل استعجلهم واجيلك،وقام قاسم يستعجلهم
حسام هرش في شعره ونده على قاسم : قاسم،،، لو،، لو، لسه متعملتش، مفيش مشكله يعني، لو نتغدى الأول قبل منشرب القهوه، هههههه
قاسم ضحك: ههههه طول عمرك طفس، ماشي ياسيدي، ده حتى انا لسه متغدتش، هوصيهم على الغدا. ونْسُك على القهوه
حسام بضحك: حبيب قلبي يا كبييير والله، هههههه
ودخل قاسم، وكانت هدى في اوضتها ورنا قاعده في الريسيبشن، وزينب وزهره مع هدى
قاسم : هي زينب فين يا رنا؟
رنا :فوق يا ابيه، خير فيه حاجه؟
قاسم: كنت عايزها تحضر الغدا ليا انا وحسام،
رنا بلهفه: هو لسه تعبان، ولا بقه كويس
قاسم : لا بقه تمام الحمد لله، المهم مين في المطبخ
رنا : دي عشق تقريبا هي اللي جوا، ادخل وشوف
قاسم اتردد، لكن دخل، ورنا انتهزت الفرصه وطلعت تطمن على حسام
قاسم: احم، احم،
عشق بصت لقت قاسم واتكلم بجمود: اتفضل يا قاسم بيه، خير محتاج حاجه
قاسم: كنت عايزك تحضري الغدا ليا انا وحسام، ده لو كانت القهوه مجهزتش لسه
عشق: بصراحه زهره قالتلي ان حضرتك مكلتش ورجعت الصينيه زي ما هيا، فأنا سخنت الأكل، وعملت حساب حسام بيه، على الغدا، والقهوه هعملها بعد الغدا ان شاء الله، واهو تدوقو اكلي ،
ويارب يعجبكو
قاسم بجمود: تمام ماشي، انا مستني بره، ولما الأكل يجهز، ابقى خلي زينب او زهره تجيبه
عشق: حاضر يا قاسم بيه
وخرج قاسم
---------
رنا خرجت لحسام
رنا بتوتر: احم، هو ممكن اطمن عليك، واسألك عامل ايه دلوقتي ولا مش هترد عليا
حسام، رفع عينه ليها ورجع لعب مع ريكس، : انا كويس الحمد لله،
رنا بخنقه: طيب انت كان مالك؟ ، كنت حاسس بايه؟
حسام بجمود: اظن انه شيئ ميخصكيش ، انتي سألتي سؤال وانا جاوبت، ايه لسه مطمنتيش برده، ولا هتمثلي عليا القلق
رنا بدموع: تصدق انا كل مره بكلمك، برجع اندم اني فكرت اتكلم معاك، انت ليه بتعمل كده يا حسام؟ ، ليه القسوه دي،؟
حسام بنرفزه: ده انا كده وعامل احترام لصاحب عمري، لكن لو عايزه تشوفي القسوه اللي بجد انا هوريهالك يا رنا، فنصيحه مني ليكي، ابعدي عن طريقي، والا فعلا هتندمي،
رنا قربت منه بعياط : انت ايه يا اخي، قلبك ده ايه، حجر، مبتحسش، حرام عليك يا حسام، انا مبقتش قادره
حسام بضيق شديد : امشي من قدامي يا رنا، انا مش عايز اشوفك، امشي يارنا، امشييييي
رنا بصتله، وعيطت جامد ومشيت وسابته، ودخلت من الباب اللي ورا على المطبخ
قاسم رجع وكان حسام مخنوق جدا:
ايه يابني، انت بتتحول، انا بسيبك كويس، وبرجع الاقيك بني آدم تاني خالص
حسام بضيق:مفيش يا قاسم، ايه الغدا جهز ولا هتجوعني،؟
قاسم : ثواني وهيكون قدامك بس انا عايز اعرف مالك
حسام حب يغير الموضوع: اصل الحمل تاعبني شويه، هههههههه
قاسم بضحك: ههههههه خلاص يا حبيبي تعالي نطمن عليك، ونكشف عند الدكتور
حسام : متخلنيش اقل ادبي عليك انا ساكت بالعافيه
قاسم : وعلى ايه الطيب احسن، اهم حاجه نبعد عن لسانك انا عارفه، ههههه
وضحكوا الاتنين مع بعض
------------بقلم شيمو الخطيب
رنا دخلت المطبخ وهي بتعيط جامد
عشق اتخضت وقربت من رنا: بسم الله الرحمن الرحيم، مالك ياست رنا، ايه اللي حصل، وكنتي فين كده
رنا بشهقات: ما، ما، مفيش يا عشق، انا بس مخنوقه شويه
عشق باستغراب: مخنوقه للدرجه دي، طيب مخنوقه من ايه؟ ، أو من مين؟
رنا :مفيش ياعشق، انا احيانا بتخنق لوحدي كده، انا هدخل التواليت اغسل وشي وان شاء الله هبقي احسن
وسابتها وخرجت فعلا
عشق استغربت رنا جدا، ورجعت كملت شغلها وجهزت الاكل وأخذته وخرجت لان زينب وزهره لسه بينضفوا فوق
عشق قربت من قاسم وحسام وكان ريكس جنبهم، حطت الصينيه على الترابيزه
عشق: الف سلامه عليك يا حسام باشا، يا رب تكون بخير دلوقتي
حسام: الله يسلمك يا عشق، تسلمي يارب، ومبروك على الشغلانه الجديده، ويارب تتبسطي مع عيلة العزيزي
عشق بصت لقاسم اللي مرفعش عينه ليها ومركز مع ريكس: ان شاء الله ياباشا، بس الاهم، ان قاسم بيه يبقى متقبل وجودي،
قاسم بعدم اهتمام: انتي حره ياعشق، وجودك من عدمه مش هيفرق معايا، انا نصحتك نصيحه وانتي متقبلتيهاش، انتي حره في قرارك
عشق بصتله بخنقه: امممم، ماشي يا قاسم بيه، شكرا ليك جدا
قاسم ببرود : العفو، اي خدمه،، (وبص لحسام)، ها مش ناكل بقه ولا انت شبعت
حسام : لا ناكل طبعا، ده كفايه الريحه
ريكس واقف جنب رجل عشق، وعشق نزلت طبطبت عليه
قاسم مستغرب جدا، ازاي ريكس يتعود على حد بالشكل ده
قاسم: هو ازاي ريكس اتعود عليكي، ده عمره معملها مع حد
عشق: انا من طبعي بحب الحيوانات جدا، واول ما جيت زينب وزهره حذروني منه، لكن انا قدرت اتعامل معاه، في الأول كان شرس لكن بعد كده اتعود عليا، وبصراحه هو كان جعان قوي، وانا اكلته
حسام: هو انتي لحقتي يابنتي، ده يدوب لسه مكملتيش يوم
عشق: انا من وقت ما جيت وانا بقعد معاه، اخلص اللي ورايا واطلع اأكله او اشربه، واكلمه شويه، وارجع المطبخ، وبصراحه حبيته قوي، تحس انه عنده قلب وبيحس( واكدت على الكلمه قوي) (وبصت لقاسم)
قاسم فهم قصدها وعرف ان الكلام ليه: احم، ماشي ياعشق، ادخلي انتي، وجهزي القهوه على مانخلص
حسام فهم هي بتتكلم عن مين وضحك: هههههه،، عشق صحيح، هو انتي اللي طابخه
عشق: ايوه يا حسام بيه، يارب يكون عجبك
حسام: بصراحه انا مدوقتش في طعامته، تسلم ايدك، و(بص لقاسم) يا بختك ياواد ياقاسم، هتاكل منه كل يوم
عشق: تسلم ياحسام بيه، ربنا يجبر بخاطرك يا رب
قاسم: بخنقه،، تسلم ايدك يا عشق، الاكل حلو فعلا
عشق لعناد وضيقه: مهو واضح على حضرتك ياقاسم بيه، بس على فكره، حضرتك مش مجبر تاكل حاجه مش عجباك، انا ممكن اقول لزينب تحضرلك الاكل، اللي بتحبه
حسام ضحك بخبث
وقاسم ادايق: انا مقولتش حاجه لكل المحاضره اللي انتي قولتيها دي، واظن انك تدخلي تشوفي شغلك افضل
عشق بضيق: بعد اذنك يا قاسم بيه، (بصت لحسام) ثواني ياحسام بيه والقهوه تكون جاهزه
حسام هز راسه بالموافقه وعشق دخلت،
وبعد فتره وهي بتعمل القهوه سمعت صوت هدى بتستنجد بحد
قاسم بعد مخلص غدا هو وحسام،،،
سمع صوت امه، ساب حسام وطلع جري
الحلقه ٩
من (غمرتني عشق)
💕اللهم اغفر لنا وارحمنا، واحسن خاتمتنا وقنا عذاب القبر وعذاب النار يارب العالمين💕
بسم الله نبدأ
رنا بعد ما اتكلمت مع حسام طلعت على اوضتها، وهي داخله مقدرتش تمسك نفسها و داخت واغمى عليها
هدى خارجه من اوضتها هي وزهره وزينب وده طبعا لأنهم كانو بينضفوها، ويرتبوا بعض الحاجات فيها
هدى شهقت: يانهار ابيض،، رنا،، (جريت عليها)، رنا حبيبتي ردي عليا يا رنا، رنا، ردي ياقلب مامي، (بصت لزينب وبزعيق) بسرعه يا زينب نادي على حازم بيه او قاسم بسرعه، بسرررررعه
رنا حبيبتي ردي عليا، طمني قلبي يابنتى، مالك رنا، رنا، رنااااااااا
عشق لسه، طالعه تشوف ايه الصوت ده، قابلت زينب بتجري على السلم
عشق بخوف: في ايه يا زينب، ايه اللي حصل
زينب بقلق: ست رنا ياعشق مغمي عليها، وواقعه في الأرض، ومش عارفه مالها
عشق طلعت جري على السلم :يانهار ابيض، طب اوعي كده لما اطلع اطمن على الست رنا
قاسم سمع صوت امه، ساب حسام ودخل بسرعه، وقابل زينب، اللي قالتله يلحق رنا، بس طبعا هو كان بيسمعها وهو طالع بسرعه على السلم
قاسم طلع لقى رنا مرميه على الأرض،
شالها بسرعه، وسأل بقلق : ايه اللي حصل يا ماما، رنا مالها
هدى بعياط : معرفش،، معرفش يا قاسم، انا خارجه من اوضتي لقيتها بالمنظر ده، اتصل على الدكتور بسرعه ياقاسم
عشق بهدوء: مش مستاهله دكتور ياست هانم، احنا نفوقها ونعرف هي حاسه بايه
قاسم بص لعشق: وانتي تعرفي منين اذا كانت مستاهله او لا، انا هتصل بالدكتور حالا
عشق مهتمتش لكلامه وده ضايقه جدا
عشق: ياست هانم، هاتي اي برفان نفوقها، هي اكيد زعلانه من حاجه او مخنوقه وده مجرد ضغط عصبي مش اكتر
هدي: جابت برفان بسرعه وحاولت تفوق رنا، لكن مفاقتش، هدى بعياط شديد، بنتي اكيد فيها حاجه، اتصرف يا قاسم انت واقف بتعمل ايه،
عشق قعدت جنب رنا، وبحركه معينه في جبهتها، بدأت رنا تفوق، والكل مستغرب ازاي عشق فوقتها
عشق وقفت: حمدلله على السلامه يا رنا هانم، طمنينا عليكي
رنا بتعب: ااااه، اااه، انا دايخه قوي، هو ايه اللي حصل
هدى بلهفه: رنا حبيبتي، مالك يا حبيبتي، طمنيني عليكي
رنا بتعب: دايخه قوي يا مامي، انا فاكره اني كنت طالعه اوضتي ومعرفش ايه اللي حصل بعد كده
قاسم بعد ما كلم الدكتور: ايه يا حبيبتي، مالك، انا كلمت الدكتور و زمانه جاي حالا،
رنا بتوتر: لا يا ابيه، مالوش لزوم، انا بقيت كويسه
هدى بقلق: لا يا حبيبتي انا لازم اطمن عليكي، انتي مش شايفه شكلك عامل ازاي
حازم داخل بلهفه، : رنا حبيبتي مالك يا حبيبة بابي ، ايه اللي حصل زينب قالتلي انك مغمي عليكي
رنا: مفيش يا بابي اطمن، انا كويسه، انا بس دوخت شويه، والحمد لله بقيت احسن
عشق: حمدلله على السلامه يا رنا هانم،(وبصت لهدي) تؤمريني بحاجه يا ست هدى،
هدي: شكرا يا عشق، لو الدكتور وصل ياريت توصليه لاوضة رنا
زهره دخلت : الدكتور وصل اهو يا ست هانم
انا نزلت وطلعته على هنا
قاسم؛ اتفضل يا دكتور
دخل الدكتور وقال: السلام عليكم، انا كنت قريب من حضراتكو لما قاسم بيه كلمني،خير ايه اللي حصل
هدى بقلق: رنا يا دكتور، رنا بنتي اغمي عليها، لكن الحمد لله قدرنا نفوقها
بدأ الدكتور يتكلم مع رنا، وكشف عليها، وقال: لا، انتي زي الفل يا انسه رنا، بس يمكن انتي زعلانه من حد، أو في حد مدايقك في البيت، لأن اللي عندك مرض نفسي مش عضوي، وده يستدعي ان لازم حالتك المزاجيه تبقى تمام، فشوفي بقه مين مزعلك واحنا ناخد حقك منه، هههههه، انا هكتب لك على شوية مقويات، وأن شاء الله تبقى زي الفل
الكل بص لعشق، اللي اتعلقت عينها بنظرة انتصار مع قاسم، وهو بص ليها واتكلم مع الدكتور بعدم اهتمام
قاسم: يعني اختي كويسه يا دكتور
الدكتور: زي الفل يا قاسم بيه، هي بس تلاقيها محتاجه تغير جو وهتبقى تمام ان شاء الله
حازم : ان شاء الله يا دكتور، والف شكر ليك جدا
الدكتور : لا شكر على واجب انا تحت امرك في اي وقت يا حازم بيه، والف سلامه على رنا هانم
وكتب الروشته ومشي
قاسم نزل مع الدكتور وصله لبره الفيلا،
وطبعا حسام قاعد قلقان جدا، ومش عارف ايه ممكن يكون حصل
حسام جري لقاسم : ايه يا قاسم طمني ايه اللي حصل
قاسم: مفيش يا سيدي، دي رنا اختي اغمى عليها، لكن الحمد لله هيا احسن دلوقتي
حسام بلهفه: ايه،،، رنا، طب ليه،؟ وهي كويسه دلوقتي؟ ، طمني يا قاسم بالله
عليك
قاسم بص لحسام باستغراب وسكت
حسام بتوتر ولخبطه : ا، اي، ايه، يا قاسم انت بتبصلي كده ليه، هو حرام اخاف واقلق على انسه رنا، انت عارف كويس قوي اني بعتبرها اختي، خصوصا ان ماليش اخوات
قاسم رفع حاجب وبصله: اممممم، ماشي يا حسام، بس رنا الحمدلله بخير، اطمن،
حسام: الحمد لله، طيب الدكتور مقالش هي ليه وصلت للاغماء
قاسم بخبث : الدكتور قال انه تعب نفسي، تقريبا يعني يا حسام والله اعلم طبعا، ان في حد مزعلها وانا معرفش، لكن ان شاء الله هعرفه، وهعرف هو مزعلها ليه، و(بص لحسام وابتسم)
حسام بتوهان : اه،، اه طبعا هتعرفه،، ان شاء الله، ربنا يقدرك على فعل الخير، (وابتسم)
قاسم : طب يلا يا عم تعالي كمل قعدتك، وانا هقولهم يعملوا القهوه اللي حالفه متتشرب انهارده دي، ههههه
حسام بتوهان: اه، اه ماشي ياقاسم، ماشي
قاسم بصوت عالي: حساااام،، مالك في ايه،، سرحان كده ايه
حسام (حاسس بالذنب ناحية رنا) : لا يا قاسم مفيش، بس هو ممكن،.....
اقولك خلاص، مفيش حاجه
قاسم: ماشي يا حسام انا هسيبك على راحتك، ووقت متحب تتكلم، اكيد هتلاقيني، انا هدخل اطمن على رنا واستعجل القهوه
قاسم داخل وعشق خارجه بالقهوه
قاسم: بنت حلال، انا كنت لسه داخل اقولك عليها،
عشق ببرود: انا تحت امرك ياقاسم بيه، القهوه جاهزه
قاسم: طب معلش ياعشق، قدميها لحسام، وانا هطلع اطمن على رنا وانزل على طول
عشق: من عنيا ياقاسم بيه، اتفضل حضرتك
قاسم طلع، وعشق خرجت الجنينه
عشق: اتفضل يا حسام بيه، واسفه اني اتأخرت، بس اكيد قاسم بيه حكالك
حسام بلهفه : طمنيني يا عشق، رنا عامله ايه؟ ، وليه اغمى عليها؟
عشق ضحكت: اكيد حضرتك زعلتها يا حسام بيه، هي دخلت من الجنينه بتعيط، وبعدين طلعت علي اوضتها واغمى عليها
حسام بتوتر : انا، لا طبعا وانا هزعلها ليه
عشق بضحك: مالك يا حسام باشا، متوتر ليه كده، متقلقش قاسم بيه مش موجود، عشان كل التوتر ده، وبعدين سرك في بير
حسام بجديه: عشق، انتي بتقولي ايه، لا طبعا مفيش حاجه، انا مشوفتش رنا خالص
عشق بتريقه: فعلا أصلها كانت داخله من الجنينه بتعيط، يمكن ريكس اللي زعلها ولا حاجه
حسام ابتسم ولف وشه الناحيه التانيه : انتي عايزه ايه يا غلابويه انتي، اه ياستي انا اللي زعلتها ارتحتي كده
عشق بضحك: اه بصراحه انا كده ارتحت، بس هرتاح اكتر لما اعرف، هان عليك ازاي تزعلها، دي حتة سكره، تحسها بسكوته كده، مينفعش يتزعل منها ابدا
حسام اتنهد: الموضوع كبير يا عشق، المهم طمنيني عليها الأول، هي كويسه
عشق: اه الحمد لله كويسه، متقلقش عليها
حسام: عشق،، هو انا ممكن اطلب منك طلب؟
عشق: طبعا يا حسام باشا حضرتك تؤمرني
حسام: ممكن تحاولي تنزلي رنا باي طريقه وتخليني اشوفها، معلش انا عارف اني بتعبك، بس عشان خاطري حاولي
عشق ابتسمت: لا ده شكله حب بقه، على العموم ماشي يا حسام باشا، بس هتدفع كام
حسام اتصدم : نعم، ادفع كام!؟
عشق ضحكت جامد وصوتها كان عالي:
ايه ياحسام باشا حضرتك اتخضيت كده ليه، انا بهزر على فكره، انا هظبطلك الموضوع كده وهقولك على طول
حسام ضحك: يابنت اللذينه، انا صدقتك والله، على العموم. أنا بشكرك قوي يا عشق على جدعنتك معايا،
عشق : لااا يا حسام باشا،،، اجل الشكر لما تتكلم مع رنا هانم، مش يمكن معرفش اظبطها
حسام:بس انا واثق في ذكائك، هههههه
قاسم خارج من الفيلا وسمع صوت ضحك عشق وحسام،
قاسم بضيق : خير، مش تضحكوني معاكو
عشق بعدم اهتمام : بعد اذن حضرتك يا حسام باشا، وياريت تشرب القهوه قبل متبرد
وبصت لقاسم ومشيت، وهو وشه بيطلع نار، من عدم اهتمامها ليه، وعدم ردها عليه
حسام: ايه ياقاسم، هو انت مدايق عشق ولا ايه
قاسم بيصك على سنانه... .........
حسام: قاسم، مالك يابني؟
قاسم :مفيش يا حسام مفيش، وسرح وبيفكر في عناد عشق قصاده، وتجاهلها ليه
؛------------------بقلم شيمو الخطيب
عشق طلعت تطمن على رنا،
عشق: خبطت على الباب، ودخلت : السلام عليكم، اخبارك ايه ياست رنا دلوقتي، يارب تكوني بخير،
رنا: الحمدلله بخير ياعشق، شكرا على سؤالك
هدي: تعالي ياعشق، انا عايزه أسألك سؤال
عشق: خير ياست هانم، حضرتك تؤمري،
هدي: انتي عرفتي تفوقي رنا ازاي، ده حتى تشخيصك لحاله رنا كان صح، واللي قولتيه نفس كلام الدكتور،
عشق ضحكت : هههههه، ياست هانم انا قضيت وقت كبير قوي في المستشفيات، لأن بعيد عنكو يارب، امي مريضه، وكان موضوع الإغماء ده بيحصلها كتير، فأنا دايما كنت ببقي معاها، وقدرت اتعلم من الممرضات، كل حاجه، والحمد لله، ربنا قدرني، وبقيت اوقات كتير مبضطرش اني انقل امي المستشفى، وبقيت بعالجها في البيت، وربنا يشفي كل مريض يارب
رنا بتعب: هو انتي متعلمه ياعشق؟
عشق بوجع :طبعا ياست هانم، انا اتعلمت لحد الثانوي، وبعدها خرجت من المدرسه، امي تعبت ومقدرتش اسيبها واروح الجامعه
هدى باعجاب شديد:ما شاء الله عليكي ياعشق، وعلى كده كنتي شاطره في الدراسه
عشق: انا كنت متفوقه ياست هانم مش شاطره بس، لكن الحمد لله على كل حال، قدر الله وماشاء فعل،،(وبصت لرنا) المهم انا مش عايزاكي ياست رنا تستسلمي للتعب كده. أنا عايزاكي، تنزلي تتمشى معايا في الجنينه تشمي هوا، يمكن تبقى احسن
رنا بتعب: والله مش قادره ياعشق، سيبيني عشان خاطري، حاسه اني دايخه ورجلي مش شايلاني
عشق: لا، ايه الكسل ده، قومي بس معايا وانا هسندك، وصدقيني، لما تنزلي هتفوقي، والله
هدي: فعلا يارنا حاولي تقومي، وانا هقوم اشوف باباكي فين لانه نزل وقال إن محسن بيه كل شويه يكلمه، هشوف في ايه وهجيلك، ياريت ياعشق تخليكي معاها
عشق: من عنيا ياست هانم،
وخرجت هدى
عشق: يعني انتي مش هتنزلي معايا ياست رنا،
رنا بتعب: معلش ياعشق خليها مره تانيه
عشق بتريقه: ماشي، لما انزل بقه أبلغ حسام باشا ان رنا هانم مش نازله
رنا بلهفه: حسام!!! هو حسام هو اللي قالك تنزليني؟،،
عشق بابتسامه: اه،، شوفتي بقه،،، فأنا هنزل واقوله انك تعبانه
رنا عيطت بصوتها كله، طب ليه، ليه بيعمل معايا كده، انا تعبت، تعبت والله، حرااام
عشق قلبها وجعها على رنا: جريت عليها: ايه ياست رنا، اهدي كده ووحدي الله، انزلي وشوفي هيقولك ايه، يمكن يريح قلبك، ده والله شكله بيحبك
رنا بخوف: هو ابيه قاسم عارف انه قالك كده
عشق: لا طبعا ياست هانم، قاسم بيه جه بعد ما اتكلمنا
رنا بخوف: اوعي ياعشق حد يعرف، عشان خاطري، وعيطت
عشق طبطبت عليها : سرك في بير يا ست هانم، بس قومي بس معايا، يمكن تبقى احسن لما تتكلمي معاه
رنا : طيب هو ابيه قاسم فين؟
عشق : قاسم بيه تحت مع حسام باشا، بس ربنا هيدبرها انزلي بس معايا وان شاء الله خير
قامت رنا بتعب ونزلت مع عشق
عشق بتمشيها في الجنينه، وحسام لمحهم خارجين من الفيلا، قلبه دق جامد، وحس انه نفسه يروح ويضمها لقلبه،
قاسم بص على اتجاه نظرة حسام لقى رنا وعشق
قاسم: ايه ده، ده رنا شكلها بقت احسن والحمد لله
رنا وعشق قربوا منهم
عشق: السلام عليكم، ممكن اسال ايه رايكو في القهوه،؟ يا ترى، زي المره اللي فاتت ولا احلى،
قاسم ببرود : وليه احلي يعني، مش يمكن تكون اوحش،
عشق بثقه: لا، انا واثقه اني معملش حاجه وحشه ابدا، فأكيد احلى، ههههه
قاسم ببرود: عاديه يعني، زيها زي غيرها، ولا ايه ياحسام
حسام ورنا عنيهم متعلقه ببعض،
قاسم بغيظ: حساااام، انا بكلمك
حسام: ها، احم، اه، كنت بتقول حاجه ياقاسم
عشق: كان بيقول ان قهوتي، وحشه، طب بذمتك يا حسام بيه، قهوتي وحشه،
طب حتى اسأل رنا هانم
رنا : انتي متعمليش حاجه وحشه ابدا ياعشق
عشق: تسلمي من كل شر يارب يا هانم،
(بصت لقاسم)، شوفت، اهو، شهد شاهد من أهلها
قاسم :ضحك،،، ههههه، والله انتي مشكله، ماشي ياستي، قهوتك زي الفل، كده ارتحتي،
عشق بعند: اه ارتحت وجدا كمان، ههههههه
كلهم ضحكوا عليها،
قاسم : طب متحكيلي بقه، عرفتي، تفوقي رنا ازاي، وازاي قدرتي تعرفي هي مالها
عشق بمشاكسه: اممممم، منا قولتلك ياباشا، انا اعرف كل حاجه، تعالي بس معايا، نأكل ريكس، وبعدين احكيلك على كل حاجه،
قاسم بص باستنكار، : اممممم، ماشي ياعشق
وفعلا مشيو وسابو حسام ورنا مع بعض،
حسام : ايه يا رنا، بقيتي احسن دلوقتي
رنا بدموع: وده يهمك يا حسام اذا كنت كويسه او لا
حسام : اكيد طبعا يهمني، (رنا عنيها اتعلقت بيه) حسام حب يهدي من مشاعره، كمل وقال : ده لاني مش عايز اكون السبب، في تعبك
رنا بوجع: يعني هو ده اللي يهمك بس، غير كده لا
حسام: جاوبي على سؤالي من غير اسئله يا رنا، ممكن ولا مش ممكن
رنا بخنقه:، لا مش ممكن يا حسام، ولما انت مش قلقان عليا، قلت لعشق تنزلني ليه، عايز تكمل على اللي باقي مني، انا تعبت، وزهقت ومبقتش قادره استحمل معاملتك دي، انت كرهتني في نفسي يا حسام، وكل ده ليه؟،،، لييييه
حسام بزعيق: متعرفيش ليه؟ ،،، رنا انا مش عايز اتكلم في حاجه، انا كل اللي عايز اقولهولك، بلاش تعلقي نفسك بيا، انا عمري موافق احب واحده......
رنا بوجع: متكمل، ولا خايف ياحضرة الظابط،،، ، لا يا حسام باشا متخافش، انا خلاص، هقفل على قلبي، وهبقي بارده، لأنك بصراحه متستهلش كل اللي الحب اللي جوايا ليك
حسام بصلها بصدمه لأنها اول مره تعترف بحبها ليه وتكون صريحه ،،
رنا: ايوه للأسف بحبك، لكن انت متستاهلش، بحبك، وبكره نفسي، لاني فكرت فيك في يوم من الايام، بحبك يا حسام لكن للأسف مش قادره اكرهك، مش قادره اتخيل حياتي من غيرك،،
انا عارفه انك مش عايزني، لكن كل اللي بطلبه منك، انك تبعد،،، ، تبعد بس من غير متجرح، لاني خلاص، مبقتش قادره على اي جرح منك،،، حسام، انا عمري مهكرهك. عارف ليه؟
حسام عينه متعلقه بيها وبس ومردش
رنا: لأنك مينفعش غير انك تتحب وبس، انت في قلب رنا يا حسام، ومقفول عليك، وعمرك مهتخرج ابدا مهما عملت، وعلى فكره، انت لو متستحقش ده، انا مكنتش فكرت فيك ابدا، لكن انت تستحق اكتر من كده.
حسام : اتنهد وسكت ومردش عليها
رنا: انا مش عايزه منك رد، يا حسام، انا هفضل احبك وبس،
حسام رجع ضهره لورا وبص للسما وسكت خالص، وبعد عينه عنها لانه مش عارف فعلا يرد، جواه صراع مش عارف يحسمه
؛---------------- بقلم شيمو الخطيب
عشق رايحه هي وقاسم لمكان ريكس، قاسم وطي على ريكس واكله، وقعد يلعب معاه وعشق جنبه
قاسم بصوت مخنوق: ياريت ياعشق لما تحبي تدي فرصه لرنا او حسام او غيرهم للكلام فتعمليها بذكاء اكتر من كده، انا جيت معاكي بمزاجي، وانا عارف ان فيه مشاعر معينه بين حسام ورنا، لكن هو مصارحنيش لسه، وثقتي في حسام تخليني اصبر عليه، لكن مش كتير، والا هيخسرني للأبد، فبلاش الأسلوب ده لاني بكرهه
عشق مصدومه ومتوتره : بس انا مقصدش حاجه ياقاسم بيه
قاسم قام وقف واتكلم بنرفزه : لا تقصدي، ومش قاسم العزيزي، اللي يتعامل بالشكل ده ولا يضحك عليه، انا عندي اهون انهم يقولوا نقعد مع بعض، ولا اني اتعامل بالشكل ده، انا بس لولا ظروف رنا، كان ليا تصرف تاني، فبلاش تعامليني اني عيل صغير وهتضحكي عليه، اظن كلامي مفهوم
عشق بخنقه : مفهوم ياقاسم بيه
قاسم خرج وكانت رنا لسه قاعده مع حسام
قاسم بخنقه: ايه يا رنا، مش بقيتي احسن ولا حابه نسيبك شويه كمان
رنا بلخبطه: تسيبني، لا، لا يا ابيه انا بقيت احسن
قاسم؛ خلاص يبقى تتفضلي تطلعي ترتاحي شويه فوق
رنا بلخبطه : حاضر، بعد اذنكوا، وفعلا مشيت
قاسم بص لحسام اللي مغمض عنيه وساكت خالص
قاسم بغيظ: والله،،،، انت هتفضل كده كتير،
حسام ببرود: لا ياقاسم،، انا قايم ماشي، لاني حاسس اني تعبان شويه
قاسم: حساااام، انا عايز افهم ايه اللي بيحصل بالظبط
حسام ببرود: وهو ايه اللي حصل ياقاسم، انا اللي عايز افهم مالك
قاسم : بلاش برودك ده يا حسام،،، ، انت فيه حاجه بينك وبين رنا؟
حسام بخنقه : اه يا قاسم فيه،
قاسم اتصدم من جرأته : والله،!!!! ولما هو فيه مكلمتنيش ليه
حسام بهدوء: بص ياقاسم، انت واثق فيا ولا لأ
قاسم : بقولك ايه، انا... .
حسام قاطعه: ياقاسم جاوبني على طول من غير لف ولا دوران
قاسم بهدوء: ايوه طبعا واثق فيك
حسام: واكيد واثق في انسه رنا كمان؟
قاسم: طبعا، اكيد
حسام: يبقى خلاص، صدقني ياقاسم، يوم متأكد من مشاعري بجد، اكيد انت اول واحد هقولك، اولا لأنك اخو رنا وصاحبي اللي مقدرش ازعله مني، وثانيا لأنك انا، يعني انت كل حاجه ليا، اظن بقه كده متقلقش،
قاسم بهدوء: ماشي يا حسام، بس ياريت بلاش تعمل حاجه انت واثق انها ممكن تدايقني في يوم من الايام، ولا تستقل بذكائي وتوصي عشق انها تشغلني،،،،، هاه، اظن فاهمني ياحسام
حسام؛ هههههههه، والله ابدا، انا موصتش عشق ولا حاجه، بس هي اللي حست،،،، والله البنت دي بجد غريبه، بتخطف قلب وعقل اي حد يقرب منها من اول ثانيه، حتى الحيوانات، ريكس نفسه اتعود عليها، بجد بنت ممتازه، ربنا يسعدها
قاسم سرح في كلام حسام عن عشق، وافتكر انه سابها عند ريكس ومشي
حسام: ايه ياعم سرحت في ايه،
قاسم؛ لا ابدا، مفيش،
حسام : تمام انا همشي انا بقه، عشان الحق انام واروح شغلي الصبح. سلام يا صاحبي
قاسم : سلام يا حسام
قاسم رجع لمكان ريكس يشوف عشق مشيت ولا لا، سمع عشق بتكلم ريكس وهو قاعد جنبها وبيسمع كأنه فاهمها
عشق بتمشي ايدها على جسمه : عارف ياريكس ، على رغم من ان قاسم بيه يبان عليه القسوه، بس اللي يعرفه يتأكد ان قلبه طيب قوي، لكن ليه بيبين انه قاسي مش عارفه، بس انا ميهمنيش، ربنا يصلح حاله، ويسعده، (في اللحظه دي تليفونها رن وكان طارق)
عشق بلهفه: الو،، ايوه يا طارق ، ايه امي جرالها حاجه
طارق؛ لا ياعشق متقلقيش، انا اطمنت عليها ودخلتها انا وامي تنام، المهم انتي عامله ايه، وليه مقولتليش على الشغلانه دي
عشق: والله جت فجأه، بعد مخالد بيه الله يسامحه نبه على كل أصحاب الأراضي محدش يشغلني، يلا خير، اهم حاجه ان انا مرتاحه هنا،
طارق: طب هما ناس كويسين، بيعاملوكي كويس،
عشق: اه الحمد لله يا طارق ناس محترمين،،،،، صحيح، انت فاكر قاسم بيه وحسام بيه ظابط قسم المدينه
طارق: ايوه طبعا فاكره، بس ليه
عشق: اهو قاسم بيه، هو اللي انا اشتغلت عنده
طارق بصدمه؛ نعم، طب ازاي
عشق: والله صدفه يا طارق، نصيب، يلا الحمد لله، بقولك انا هقفل معاك عشان الحق اصلي العشا، واشوف ورايا ايه، وأن شاء الله هحاول اروح اطمن على ماما بكره، سلام بقه
وقفلت معاه، وطارق محتار، هل فعلا عم سيد، اللي شغلها ولا هي اللي كلمت قاسم بيه،،، ، وقرر يسأل عم سيد بكره
------------------ بقلم شيمو الخطيب
قاسم مشي بسرعه من قدام أوضة ريكس
وعشق خرجت تجري، عشان تلحق الصلاه
قاسم متابعها من بعيد، وبص بطرف عينه لقى جيجي ووالدها وولدتها داخلين بسرعه
هدى قابلتهم : اهلا وسهلا والله نورتوني
فريده بقلق: طمنينا يا هدى، رنا عامله ايه، والله من ساعة مقولتيلي، وانا قلقانه وجيجي صممت لازم تيجي تطمن على رنا
هدي: طب اتفضلوا تعالو نقعد الأول ، يازهره،، يا زهره
زهره: نعمين ياست هانم،
هدي: بلغي حازم بيه ان محسن بيه موجود، وقولي لرنا هانم تنزل،
زهره: من عنيا ياست هانم
زهره طلعت بلغتهم، وحازم نزل
حازم : يا اهلا وسهلا، والله نورتونا،
محسن : ده نورك ياحازم بيه، معلش بقه جينا متأخر، بس بصراحه جيجي مقدرتش تنام من غير متتطمن على رنا
حازم:ده انتو تنورونا في اي وقت، ايه يا هدى، عايزين فنجانين قهوه من بتوع عشق، ده انا سمعت انها بتعمل قهوه حلوه قوي
هدي: من عنيا يا حازم، ده قاسم من الصبح، كل شويه عايز قهوه، عايز قهوه، لما نجرب القهوه اللي هتهبله دي
جيجي بغيظ: وهي مين عشق دي يا اونكل
حازم: دي الشغاله الجديده، يا حبيبة اونكل، بس شاطره قوي، اول مره سيد يجيب واحده كويسه
قاسم داخل: اهلا، ازي حضرتك يا محسن بيه، نورتنا والله
وسلم على فريده وعلى جيجي،
محسن: اخبار حسام ايه يا قاسم، سمعت انه تعبان شويه
قاسم؛ الحمد لله بقه احسن كتير يامحسن بيه، هو بس كان دور برد خفيف، وانا صممت انه يخرج عشان التعب ميزدش
جيجي: اممممم، وهو بقه احسن دلوقتي؟
قاسم بدون ميبص ليها، : اه الحمد لله احسن،، (وقام وقف)، بعد اذنكوا انا هطلع ارتاح شويه
جيجي وقفت: ممكن اطلع معاك لاوضة رنا ياقاسم؟
قاسم باستغراب: هو انتي متعرفيش أوضة رنا فين؟ ، عموما اتفضلي،
فريده عوجت بقها واتخنقت منه، ومن رده،
جيجي طالعه معاه،: وانت عامل ايه يا قاسم، لسه زعلان مني،
قاسم ببرود؛ لا مش زعلان يا جيجي. مفيش حاجه حصلت تخليني ازعل، اهم حاجه، انك متكرريش الهايفات دي تاني
جيجي بزعل: يعني انا هايفه يا قاسم، الله يسامحك
قاسم قدام أوضة رنا : دي أوضة رنا، اظن انك عارفاها، خبطي بقه وادخلي اطمني عليها، وسلام انا
وسابها ومشي وهي في قمة غيظها
جيجي خبطت على رنا ورنا سمحتلها بالدخول،
جيجي داخله مندفعه: اووووف، بجد انسان مستفز
رنا : بسم الله الرحمن الرحيم، مالك يابنتي، داخله زي القطر كده ليه
جيجي: اخوكي ده ايه يا بنتي، عنده كمية برود لا تطاق، بجد مستحملينه ازاي،؟
رنا: زي ما انتي مستحملاه بالظبط، هههههههه
جيجي بنرفزه: بس مبقتش قادره،بجد تعبت
رنا : اهدي بس، وخلي نفسك طويل، والا مش هتعمري مع ابيه قاسم
جيجي سمعت قاسم بينادي على عشق
خرجت بسرعه
عشق كانت رايحه لقاسم : افندم يا قاسم بيه، تؤمرني بحاجه
جيجي مشيت ناحيتهم : هو انتي بقه عشق الخدامه الجديده هنا