رواية غمرتني عشق
الحلقة الثلاثون والحادية والثلاثون
بقلم شيمو الخطيب
الحلقه ٣٠
من (غمرتني عشق)
اللهم صل وسلم وبارك على سيدنا محمد وعلى آله وصحبه أجمعين وسلم تسليما كثيرا إلى يوم الدين❤️💕
بسم الله نبدأ
فريده قاعده زهقانه وكارهه كل حاجه حواليها، دخلت على محسن مكتبه
فريده بغيظ: بقولك ايه، انت هتفضل كده كتير ولا ايه، انا تعبت من العيشه دي، كل يوم ترجع من الشركه وتقعد في المكتب ومتطلعش الا بالليل على النوم، (وقربت منه) ،،، ايه يامحسن،، فيك ايه فهمني
محسن رجع راسه ورا على الكرسي: فيا كتير قوي يا فريده،، جوز بنتك دمرنا كلنا،، انا بجد مش قادر أصدق ان ده قاسم العزيزي،، هو كان اه شخصيه قويه، لكن عمره ماكان بالجبروت ده،، ده وقع شركتي في صفقه كبيره، وخسرني اكتر من نص مليون جنيه،، انا تعبت، ولو فعلا قاسم استمر على كده، تأكدي اني هعلن افلاسي قريب،،،، قاسم دمر كل حاجه، ودايس في الكل، مبقاش ليه كبير، حتى حازم، انتي شايفه بقه عامل ازاي،،، والسبب برده قاسم العزيزي، انا بجد مش عارف افكر،
فريده بصدمه : انا مش عارفه هو بقه عامل ليه كده،، كل ده عشان حتة خدامه،، انا بستغرب ازاي ده قاسم ابن هدى وحازم،. بس انا فعلا خايفه على جيجي يا محسن،. البنت قعدتها هناك بقت خطر عليها
محسن قام بنرفزه: مش هو ده رايك من الاول، مش انتي اللي قولتي نجوز قاسم لجيجي، انا مش عارف ازاي وافقناكي على الرأي ده، ازاي وافقتك انك تحطي بنتك في بق الأسد، قاسم مش هيرحم حد . وكنا المفروض نفهم ده لما قاسم وافق يتجوز جيجي، ازاي بعد ما دخل في عداء مع ابوه عشان خدامه،، وافق بالسهوله دي انه يتجوز جيجي، الا اذا كان كان عاوزها انتقام، لا،، ده احنا قدمناله نفسنا وشركتنا وبنتنا على طبق من دهب، وقولناله اتفضل دمرنا براحتك،، رايك كان غلط يا فريده، كان ممكن يكون صح بس لو مع شخصيه غير قاسم العزيزي، لكن قاسم لا، لا، والف لا يا فريده، ياريتني ماسمعت كلامك،
فريده بخنقه: يعني ايه، يعني انا السبب في كل ده،. انت عايز تلبسها فيا وخلاص، بنتك تقولي انتو رمتوني، وانت تقولي. إنك ندمان انك سمعت كلامي،،، بقيت انا اللي وحشه دلوقتي،، انتو كان نفسكو ان قاسن يتجوز جيجي، اشمعنا دلوقتي كل واحد هيعلق غلطه عليا
محسن بنرفزه: متزعليش ياستي، انا اللي زفت،،. اطلعي وسيبني يا فريده انا مش طايق حد،
فريده اتخنقت منهم كلهم : دي بقت عيشه تقرف، كل واحد مدايق شويه يجي ويقولي انتي السبب، دي عيشه تقصر العمر وخرجت من المكتب،
ومحسن قعد وحط راسه بين اديه، وبيفكر هيقوم شركته تاني ازاي. وازاي هيقدر يقف قصاد قاسم العزيزي
------------- بقلم شيمو الخطيب
جيجي متابعه كل حركه بتحصل في الفيلا من بعيد
وواقفه قدام اوضتها سمعت صوت حازم زي مايكون بينادي من اوضته
جيجي دخلت وبصت لحازم بشماته: ههههه، مالك ياحازم بيه،،، عايزني اعملك حاجه،، ولا تحب تنزل تتفرج على ولادك وهما بيقعوا واحد ورا التاني
حازم بصلها بغل، ولف وشه الناحيه التانيه
جيجي : ايه مدايق مني ومش عايز تشوفني، ليه، شكلك زي ابنك، بتحبو الوشوش الزباله،، متعودين عليها، ابنك مفكر انه ممكن ينتقم مني، بس ربنا كبير، انا دلوقتي، اللي بتفرج على ولادك وهما بيتعذبوا، انا دلوقتي، اللي واقفه وفرحانه فيهم وحياة كل واحد بتتدمر، ولسه كمان،،.، بنتك هتطلق،،.
حازم بصلها برعب، وهي كملت : ااه والله هتطلق، منا سمعتها بتطلب من حسام الطلاق، بس بصراحه مش عارفه ليه. لكن متقلقش انا هعرف، وأبقى اجي اقولك،،. أما ابنك بقه، فده حسابه لسه معايا تقيل، وكل اللي عمله فيا هردهوله، بس براحتي، وعلى اقل من مهلي، عشان اتفرج وانا فرحانه في اللي فاكر نفسه مفيش حد زيه،،. أنا بقه هثبتله اني اكبر منه بكتير،. وانه مينفعش يقارني بحتة خدامه
حازم اتخنق من كلامها وعايز يقوم يخنقها لكن مش قادر، ونفسه اتخنق، وضغطه بقه عالي، وبدأ يغيب عن الوعي
جيجي شافت الموقف ده واترعبت وخرجت من الاوضه بسرعه. ودخلت اوضتها بتهنج وخافت ليموت ويتهموها فيه، قعدت على السرير تهدي اعصابها واتصلت بوالدتها
جيجي: ايوه يا مامي،
فريده : مالك يا جيجي انتي كمان، في كلمتين محشورين في زورك عايزه تقوليهم انتي كمان
جيجي بخوف: كلمتين ايه يامامي،. أنا خايفه قوي
فريده انتبهت لصوتها وقلقت: مالك ياجيجي فيه ايه،،
جيجي: حازم بيه تعبان قوى وشكله بيموت
فريده: وايه اللي مخوفك كده،،. عمره وقدره،، ليه انتي خايفه
جيجي: مش عارفه انا كنت بكلمه وحصل مني.......... وحكتلها اللي حصل
وفجأه لقيته تعب جدا وتقريبا مات ولا اغمي عليه ولا ايه معرفش،،. معرفش يامامي
فريده: طيب هو حد عرف انك كنتي عنده،،. حد شافك يعني
جيجي: لا مفيش حد شافني،،
فريده: خلاص متقلقيش، وبعدين انتي معملتيش حاجه تخافي منها،،. المهم فهميني رنا عايزه تتطلق ليه،،. وقاسم ماله، إلهي ربنا ما يريحه ابدا،
جيجي ضحكت بخبث وحكت لفريده على تخطيطها كله
فريده بصدمه : يخربيتك يا جيجي، ايه اللي انتي هببتيه ده،،. انتي هتطلقي صاحبتك، طب رنا ذنبها ايه
جيجي : ذنبها انها اخت قاسم يا مامي ،
انا لازم انتقم منهم كلهم،،. رنا ماساعدتنيش ولا وقفت جنبي، بالعكس، كانت دايما تتكلم عن الخدامه دي كويس، كأني انا اللي وحشه، انا لازم ادمرهم كلهم. قاسم هز ثقتي في نفسي يا مامي ،. قاسم حسسني اني مش ست،. ولا ينفع أشد اي راجل ليا، قاسم كل ماكان يجي جنبي كان يبصلي بقرف كأني مريضه بمرض بمعدي،. كان بيحسسني انه قرفان حتى يتكلم معايا،. قاسم ذلني كتير قوي يا مامي، وفي الاخر مش عايزاني انتقم لكرامتي حتى،. مامي انا كنت الأول بمشي بثقه وعارفه اني هعجب كل اللي يكلمني، دلوقتي بقيت بخاف اتكلم مع حد بقيت بخاف اسمع كلمه وحشه من حد،، انا ادمرت نفسيا، وتعبت بجد،،. قاسم هز كياني كله، وتقوليلي، صاحبتك،، اهو صاحبتي دي اكتر واحده هتوجع قلب قاسم، وانا لازم أوجع قلبه،، لكن دوره هو شخصيا لسه جاي،، وحسابه معايا كبير قوي
فريده بتسمع ومصدومه ومش مصدقه ان دي جيجي بنتها،، : جيجي حبيبتي،، اعقلي وتعالي واحنا هنطلقك منه،،. بلاش ترمي نفسك في مشاكل انتي مش قدها، بلاش يابنتي، انتي بجد اكيد مش وعيك
جيجي بغيظ: انا عمري مهسيب حقي ابدا،، انا بس حبيت اطلع اللي جوايا،،. لكن عمر رايك مهيغير قراري،. سلام يامامي
فريده : جيجي،،، جيجي،،،،، استرها يارب،، البنت دي مش طبيعيه ابدا،. دي بتدمر نفسها،،. ربنا يستر من اللي جاي ،،
------- بقلم شيمو الخطيب
رنا شافت حسام خرج نزلت بسرعه لاوضة قاسم، ودخلت بعياط وبصت على الاوضه ولقيت كل حاجه فيها متكسره ، وهدي واقفه تعيط،، وقاسم واقف باصص للشباك وساكت
رنا : ابيه قاسم،، انا عايزه اقولك حاجه
قاسم لف ليها ببطئ وخنقه وسكت لكن شاف دموعها ووشها الأحمر مكان القلم، جري عليه ومسكها،،،،، ايه اللي حصل يا رنا
رنا بعياط : انا عايزه اطلق من حسام،، طلقني منه يا ابيه، انا مش عايزاااه
هدي اتصدمت، وجريت عليها : ليه يا رنا ايه اللي حصل ياحبيبتي
رنا فتحت التليفون،، وورته لقاسم
قاسم اخد الفون وبص فيه واتصدم:
ايه ده يا رنا ومين اللي باعت الكلام ده
رنا بخنقه: معرفش، والله العظيم معرف، انا صحيت لقيته بيقولي اقري، قريت ومصدقتش اللي شوفته، حاولت أفهمه اني معرفش حاجه، لكن للأسف مسمعش، مصدقنيش، حسام برغم حبنا مصدقنيش يا ابيه،، شك فيا اني ممكن اخونه،، انا بكرهه بجد، لأول مره اقول انا مش عايزاه وانا مقتنعه من جوايا اني فعلا مش عايزاه،، واترمت في حضن قاسم،،، طلقني منه يا ابيه،،. طلقني الله يخليك ،
قاسم واقف وقلبه موجوع، وحاسس ان الدنيا بتضيق بيه، وحضن رنا واخدها وقعدوا على السرير وخرجها من حضنه ومسح دموعها وقال: رنا حبيبتي، احنا لازم نعرف الأول مين ده وليه بيعمل كده،، انا واثق فيكي جدا، وعارف انك بتحبي حسام، بس هو راجل وبيحبك، واكيد بيغير عليكي وبالعقل كده طبيعي جدا انه اول مايشوف الرسايل دي لازم يثور ويغضب، انا اه هدفعه تمن ضربه ليكي ده غالي قوي،ومش هعديها ليه ابدا،، لكن بعد مايهدي واحنا كمان نهدي، ابعدوا عن بعض شويه، وصدقيني حسام مش هيسكت الا لما يعرف الحقيقه،. ويوم ميعرفها ساعتها نقدر ناخد حقنا منه، قومي يا حبيبتي، وفكري مع نفسك كده، وشوفي مين ممكن يعمل معاكي المقلب السخيف ده، ولو وصلتي لحاجه قوليهالي على طول،،. وصدقيني انا عمري مهتخلي عنك ابدا، ولا هرضي ليكي انك تعيشي ولو جزء صغير من العذاب اللي انا عشته،، رنا بصتله بحب واترمت في حضنه، وسالته
رنا: هو ايه اللي عمل في الاوضه دي كده،،. وبعدين انت كنت فين امبارح
قاسم بص لهدي واتنهد وسكت،. وهدى مسحت دموعها ومسكت رنا وحضنتها، وقالت : رنا حبيبتي، قومي وسيبي اخوكي دلوقتي، واعملي اللي هو قالك عليه، لازم توصلي للي عمل كده،. وحاولي تعذري حسام،،. حسام جدع وابن حلال
قاسم بصلها وسرح، وسكت، ورنا قامت وهدى راحت ناحية قاسم وقالت
مش هتقولي مالك ياقاسم،،. (وقعدت على السرير تعيط) انا مش عارفه ايه اللي بيحصلنا ده،. أنا مبقتش قادره استحمل والله. حلها من عندك يا رب، ارحمنا برحمتك يارب
قاسم قرب منها وقعد جنبها، وقالها؛ قومي يا ماما، اتوضي وصلي وادعيلنا،،. ربنا يفك كربنا، لاني حاسس بخنقه عمري محسيتها قبل كده،،
هدي حضنته، وقامت فعلا،. اتوضت وطلعت تلبس اسدالها وتصلي،، لكن لقت حازم نايم،. قربت منه. وبتصحيه عشان ياخد الدوا،. لكن كان فاقد الوعي تماما
هدي صرخت؛ حااازم،، حااااازم،،
وخرجت بسرعه : الحقني ياقااااااسم
--------- بقلم شيمو الخطيب
عند امجد
امجد دخل اوضته، وقعد مع نفسه، وقرر انه لازم يتكلم مع قاسم ويوصل لحل ، عايز يعرف قاسم بيخطط لايه،. وقام بسرعه لبس هدومه وخرج
فاديه اتفاجئت بيه لابس: ايه يا أمجد انت رايح فين
امجد: مشوار سريع يا فاديه وراجع على طول،،. اهم حاجه مالكيش دعوه بعشق، ومتحاوليش تكلميها في اي حاجه خالص دلوقتي، حالة عشق مش حِمل كلام يا فاديه
فاديه؛ حاضر يا أمجد بس فهمني، انت هتروح فين دلوقتي
امجد؛ لما ارجع هقولك يا فاديه،، بس ادعي ربنا يسهل
فاديه : يارب يصلحلك الحال يا أمجد
امجد؛ يارب،،، سلامو عليكو
فاديه وعليكم السلام
وخرج امجد وركب عربيته وطلع على فيلا العزيزي،،
وصل وناجي دخله،. وبيخبط على باب الفيلا،، زينب فتحت ولسه امجد هيسأل على حازم وقاسم،، سمعو صوت هدى بتصرخ وبتقول الحقني ياقاسم
قاسم طلع بسرعه،؛ فيه ايه ياماما،،
هدي بعياط؛ ابوك ياقاسم، ابوك مش واعي لأي حاجه خالص، ابوك مبيردش عليا ياقاسم
قاسم سابها وجرى على الاوضه وبيحاول يفوقه، وامجد سمع الكلام، واتصل في ساعتها بمحمد وقاله انه فيه حاله حرجه جايه معاه حالا
وطلع امجد واستأذن هدى، لكن هدى مش مركزه
امجد: قاسم بيه،،. انت لازم تنقله المستشفى حالا
قاسم بص باستغراب لامجد، وشال والده ونزل بيه بسرعه على العربيه
امجد نزل وراه،، وقاله : اطلع بيه على مستشفى الأمل، بسرعه. وانا كلمتهم هناك،،. قاسم لسه هيتكلم، امجد رد : قاسم،، الموضوع ميحتملش عناد،، انت لازم تفكر في مصلحة والدك،. اطلع على المستشفى وبعدين نتكلم
قاسم : سكت وقعد والده في العربيه، وهدى ركبت جنبه، ورنا كانت بتصلي خلصت ونزلت باسدالها بسرعه وركبت جنب قاسم،، اما جيجي بعد ما قفلت مع فريده ، كانت قاعده ، وخايفه يكون مات، لكن بعدها فاقت وقالت في داهيه،. وايه يعني لما يموت،، انا لازم انزل اروح معاهم، عشان اتفرج عليهم،. وهما بيتعذبوا،،
ونزلت فعلا وركبت مع أمجد، وطلعوا كلهم على المستشفى
------------ بقلم شيمو الخطيب
عند عشق
عشق قامت بتعب،، وفتحت مصحفها، وقرأت كتير، وكانت دايما تقف عند آيات الصبر، وقلبت في المصحف كتير وعنيها وقعت على الايه دي
“وَإِنْ يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ وَإِنْ يُرِدْكَ بِخَيْرٍ فَلَا رَادَّ لِفَضْلِهِ يُصِيبُ بِهِ مَنْ يَشَاءُ مِنْ عِبَادِهِ ...
واتنهدت وقلبها ارتاح، وقرات تاني كأنها عايزه تشوف ربنا هيقولها ايه ووقعت عينها على الايه دي
.
“لِمَنْ شَاءَ مِنْكُمْ أَنْ يَسْتَقِيمَ (28) وَمَا تَشَاءُونَ إِلَّا أَنْ يَشَاءَ اللَّهُ رَبُّ الْعَالَمِينَ” .
عشق حست براحه كبيره، وقامت غسلت وشها، وظبطت هدومها وقررت تطلع وتباشر المرضى لان ملهمش ذنب في حالتها النفسيه،. وفعلا خرجت، وكانت فاديه في اوضتها ومحستش بيها، وطلعت عشق على المستشفى
-------------- بقلم شيمو الخطيب
قاسم وصل للمستشفى ووراه امجد ونزلو كلهم من العربيه، وقاسم شال والده ودخل بيه، وامجد طلعه فوق بسرعه، ودخله أوضة الكشف ودخلت
هدي وقفت جنب حازم وبتعيط، ورنا وجيجي واقفين بره مع قاسم، وجيجي بتمثل الزعل وقربت من قاسم
جيجي: متقلقش ياقاسم،، ان شاء الله هيبقى كويس،
قاسم بصلها وسكت، وواقف قلقان، وجه دكتور محمد ودخل أوضة الكشف، وكشف عليه، وفوقه
محمد خرج واتفاجئ بقاسم، وقاسم بصله ووقف بعيد،
رنا جريت على محمد: طمنا يا دكتور،، بابا ماله
محمد عينه على قاسم، وقاسم مركز معاه جدا،،
محمد : متقلقيش يا مدام، والدك كويس ، بس الضغط كان عالي شويه، وده طبعا أثر على حالته لانه بيعاني من جلطه نتيجة ارتفاع الضغط برده،،. لكن احنا ان شاء الله هنحاول ننزله، بس محتاجين ندخله العنايه، عشان نتابع الحاله كويس
هدي خرجت وقالت؛ طب يا دكتور الحاله مستقره، ولا ايه بالظبط
محمد : ان شاءالله خير يا مدام، انا هطلع أبلغهم يجهزوا سرير في العنايه،، وهتابع الحاله اول بأول. بعد اذنكو ،،. وسابهم ومشي،
امجد قرب من قاسم : متقلقش ياقاسم بيه،. والدك ان شاء الله هيكون بخير،
قاسم بصله بصت لوووم واتنهد وسكت
امجد: نزل وشه في الأرض،، انا عارف انك ممكن تكون زعلان مني،،. بس صدقني مكنش ينفع اتكلم،، كان غصب عني
قاسم ضحك بوجع وقال بصوت عالي والكل انتبه : كلكو كان غصب عنكو،، انا بس اللي كان بمزاجي،،، صح؟ ، كلكو كنتو عارفين مصلحتي، وانا بس الي مش عارفها، هههههه، لا بجد، بحييكو كلكو على حبكو ليا،. اول مره اعرف اني محبوب،،. والكل خايف عليا،، امجد بيه،،. أنا الكلام خلص بالنسبالي في الموضوع ده،،. وياريت محدش يفكر يكلمني خالص
وسابه وقعد بعيد
عشق ماشيه في ممر المستشفى سمعت صوت عالي وراحت في اتجاه الصوت،. و اتفاجئت بهدي واقفه وسانده راسها على باب الاوضه
عشق جريت بقلق خايفه يكون قاسم حصله حاجه، ومسكت هدى برعشه وسألتها،،
عشق بخوف وبصوت بيرتعش: هدى هانم،، انتي هنا ليه؟
هدي بصت ليها باستغراب، وده طبعا لأنها لابسه بالطو واتغير شكلها خالص وبقت أجمل بكتير، هدى اتحققت منها، وفجأه حضنتها، ونادت بصوتها كله
هدي بفرحه: قااااسم،، ياقاسم،، (وشدت عشق من اديها) عشق اهي ياقاسم،، عشق اهي،، وحضنتها،،. يارب،، افرجها يارب.
ورنا وجيجي في ذهول، وقاسم قاعد مقامش من مكانه،، ولا بص عليها
هدي قربت من قاسم باستغراب وهو بعد وشه عنهم، وقام وقف
عشق بتبص بدموع، وفي الاخر قالت،؛ : مدام هدى حضرتك هنا ليه، طمنيني الأول
رنا جريت على عشق وسلمت عليها، وعشق ماخدتش بالها منها في الأول لأنها بالاسدال،
عشق : رنا هانم،، وحشاني والله،، وحضنو بعض وعيطو الاتنين، وعشق عنيها على قاسم اللي مديها ضهره وساكت
رنا خرجت من حضن عشق: عامله ايه ياعشق،، وانتي هنا بتعملي ايه
عشق مسحت دموعها : طمنيني بس الاول،، انتو هنا ليه مين اللي تعبان
رنا كشرت وعنيها دمعت،، وعشق قلقت انه ممكن يكون حسام اللي تعبان
عشق بخوف :مالك يارنا ، هو حسام جراله حاجه
رنا استغربت انها قالت حسام بس، وقاسم اتخنق من مجرد تعودها عليه،
رنا : لا يا عشق حسام بخير،،. ده بابا هو اللي تعبان شويه،،
عشق بزعل : ليه خير،، ايه اللي حصل
رنا: أصله عنده جلطه في المخ، والنهارده ضغطه عالي شويه وأثر عليه
عشق بزعل؛ الف سلامه عليه، ان شاء الله هيقوم بالسلامه،، وانا هتابع الحاله مع الدكتور واطمنكو
رنا : بس تعالي هنا صحيح، انتي هنا بتعملي ايه،،
عشق ابتسمت بحزن: انا هنا ياستي عشان كنت بشتغل ممرضه الأول،. وبعدين دلوقتي بدرس في كلية طب،. وبدخل مع الدكاتره عشان اكتسب خبره ،. والحمد لله،، مهتميه بدراستي وطموحي ابقى دكتوره كبيره قوي
رنا باعجاب: طول عمرك شاطره ياعشق ويعتمد عليكي، انا بجد فخوره جدا بيكي، ربنا يوفقك يارب
عشق: ربنا يخليكي يا رنا،، انا بجد فرحتلك جدا على جوازك،، ربنا يسعدك يارب
رنا باستغراب : هو انتي عرفتي منين ان انا اتجوزت، هو انتي قابلتي قاسم ياعشق
عشق بدموع : ده موضوع طويل هحكيلك عليه بعدين،، المهم انا هسيبكو دلوقتي واطلع اشوف حازم بيه واطمن عليه،
هدي بدموع : عشق متنسيش تطمنينا يابنتي،
عشق: من عنيا يا هدي هانم، متقلقيش هطمن عليه وانزلكوا على طول
عشق اتحركت ووقفت قدام قاسم وهو قاعد ونفسها تقرب منه وتخفف عنه، لكن خايفه من رد فعله،، قاسم رفع راسه وبصلها، والكل متابع نظراتهم،،
عشق: اطمن يا قاسم بيه،، حازم بيه هيبقى بخير ان شاء الله
قاسم بصلها وسكت،، وقام وقف،،. وقال؛؛ شكرا ليكي، ونفخ بضيق، وراح ناحية امجد، وقال : امجد بيه انا هستأذن هنزل تحت شويه، وبعدين هطلع على طول،. (وبص لهدي)، ياريت لو حصل جديد، كلميني، وسابهم ونزل
وعشق واقفه عنيها مليانه دموع، وبتبص على امجد اللي قلبه اتقطع عليها، وحس بالوجع اللي جواها،،،
عشق مشيت وسابتهم
جيجي واقفه بعيد ومتابعه ردود الأفعال وفرحت جدا برد فعل قاسم، وجريت ورا عشق وقالت
جيجي: ازيك ياااااا،،،، ، عشق تقريبا ولا انا ذاكرتي ضعيفه
عشق مسحت دموعها واستقوت وابتسمت : اهلا بالست جيجي،، وأعتقد يا جيجي هانم، لو فعلا ذاكرتك ضعيفه،، فمعايا انا هتبقى قويه،، عارفه ليه
جيجي باستفزاز : ليه يابت ياعشق، هههههه
عشق ضحكت : ههههه، عشان انا مبتنساش ،،، وهفضل طول عمري في ذاكرة كل واحد عرفني،.ومهما بعدتنا الايام، هيفضل برده فاكرني، لاني محفوره جواه. أنا الدكتوره عشق احمد الالفي، قولي ورايا كده،،، عشق،، احمد،، الالفي،،
وعلى فكره، انتي فعلا لو مش فاكراني مكنتيش جريتي ورايا عشان تقوليلي ازيك،، ، عن اذنك يا،،، جيجي
وسابتها ومشيت، وجيجي هتموت من الغيظ من برودها وثقتها في نفسها
جيجي نزلت بنرفزه تحت وقعدت تشرب شاي،، وتليفونها رن،،
جيجي : الو،، ايوه يا علاء، انت هتفضل ترن عليا كتير
علاء؛ انا عايز اطمن، ايه اللي حصل،. وانتى مبترديش عليا،،
جيجي: انا في المستشفى ياظريف، حازم بيه تعب ونقلناه المستشفى، إلهي نخلص منهم كلهم،
علاء؛ يعني ايه،، انا اللي يهمني رنا،،. رنا عملت ايه
جيجي؛ لسه،، بعد مطلبت الطلاق محدش اتكلم، وجوزها خرج ولسه مرجعش، لو حصل جديد اكيد هقولك،، المهم، انت كسرت الشريحه
علاء؛ طبعا بعدها على طول،، بس يارب اللي في دماغي يحصل بقه وتتطلق،
جيجي: والله منا عارفه انت بتحبها على ايه،، لكن يلا، انت حر،،. المهم اوعي تتصل بيا تاني ،، انا مش ناقصه مشاكل
علاء؛ حاضر، حاضر،، يلا سلام
جيجي : سلام يا اخويا،،
وقفلوا مع بعض، وجيجي بتكمل الشاي بتاعها
قاسم جاي من ورا جيجي : جيجي،، انتي قاعده هنا بتعملي ايه
جيجي اتخضت لكن فرحت بسؤاله : انا بشرب شاي لاني مصدعه شويه،، متيجي تشرب معايا شاي
قاسم : لا مش قادر والله،، انا طالع اشوفهم هتيجي معايا
جيجي قامت بسرعه،، طبعا جايه وطلعوا الاتنين
عشق رجعت لهدي،،، وطمنتها على حازم وقالت الحاله تستقر وهيدخلوها تتطمن عليه،. وحجزت ليهم اوضه عاديه وقعدوا فيها
قاسم طالع مع جيجي،، ودخل عليهم وعنيه اتعلقت بعشق، وهي كمان عنيها اتعلقت بيه،،
قاسم : احم،، ماما،، محتاجه حاجه من الفيلا،،
هدي: اه ياحبيبي، محتاجه هدوم لحازم،، وشوية حاجات ليا،، (وبصت لرنا) قومي يا رنا مع اخوكي وهاتي اللي احنا عايزينه
قاسم : لا،، انا هاخد جيجي........
الحلقه ٣١
من (غمرتني عشق)
💕اللهم إني اسألك يا الله، الأحد الصمد، الذي لم يلِدْ ولم يولد، ولم يكن له كُفُوًا أحد، أن تغفر ليَ ذنوبي إنك أنت الغفور الرحيم.💕
بسم الله الرحمن الرحيم
حسام طلع على القسم،، مخنوق وقرفان،،. و بيتعامل مع كل اللي يقابله بنرفزه
حسن العسكري دخل: حسام بيه،،. اجيب لحضرتك عصير يهدي أعصابك،، انا حاسس ان حضرتك مشدود انهارده ومش على طبيعتك
حسام بنرفزه : ليه يا حسن شايفني بشد في شعري، ولا اتجننت، ايه مش على طبيعتك دي
حسن: انا اسف يافندم،. بس، بجد حاسس ان حضرتك في حاجه مدايقاك،،
انا اسف للمره التانيه يافندم،، ولسه هيخرج حسام نده عليه
حسام باسف : حسن؛؛ استنى، وقرب منه وحط اديه على كتفه،، انا مش عايزك تزعل مني،. أنا بس مخنوق شويه وان شاء الله هبقي تمام،. وخلاص ياسيدي، هشرب عصير عشان خاطرك بس،
حسن ابتسم لتواضع حسام وانه طيب خاطره : ثواني ويكون العصير عند حضرتك يا حسام باشا،. ربنا يروق بالك يارب
حسام : يارب،،. المهم يلا ومتتاخرش
حسن : ثواني ياباشا،، . تحت امر حضرتك
حسام قعد على المكتب ورفع رجله فوقه،،. ونفخ بضيق، وطلع تليفونه واتصل على نفس الرقم لكن مقفول،،. كلم واحد صاحبه في الشركه التابع ليها الرقم
حسام: الو،،. ازيك يا مالك،، ايه اخبارك ياكبير
مالك : يااااه. حضرة الظابط حسام بشمحه وصوته ههههه،،والله ليك وحشه ياراجل
حسام : تسلم ياكبير والله انت اللي واحشني جدا،،. بس الدنيا والشغل اللي بعدني عنك ياصاحبي والله
مالك : اه ياعم، ما انت مالكش غير قاسم العزيزي وبس، ده الوحيد اللي مفيش حاجه تبعدك عنه، يلا، الله يسهلو ياعم
حسام اتنهد بألم،، : لا ياعم متقولش كده ده انت حبيبي،
مالك؛ وانت والله ياحسام،،. المهم،، الاتصال ده لوجه الله، ولا فيه مصلحه
حسام ابتسم: بصراحه الاتنين
مالك ضحك: ههههه، لا ياصاحبي، مينفعش الاتنين يجتمعوا،، بس انا هطلع اجدع منك واقولك اؤمر ياكبير،. خير
حسام: مالك انا عايزك تجيبلي اسم صاحب الرقم ده وعنوانه ضروري جدا، واداله الرقم
مالك بتفكير : اممممم،. بس ليه يا حسام هتراقبه ولا ايه
حسام: هاته بس، وبعدين هقولك،،
مالك تمام، اديني بس ٥ دقايق وهكلمك،.
وبعد خمس دقايق مالك اتصل
حسام بلهفه : ها يامالك وصلت لحاجه
مالك : ياااه، للدرجادي،،. ده مهم عندك قوي بقه
حسام بضيق: متنجز يامالك،، عرفت اسمه
مالك: للأسف يا حسام بيه،،. الرقم ده لسه شغال امبارح بس، ومش متسيف باسم،. يعني شريحه من اللي بتتباع في الشوارع دي، وحاليا مقفول،
حسام خبط بايده على المكتب بخنقه،،، : ماشي يا مالك شكرا لتعبك بجد
مالك حس بخنقة حسام : متقولش كده ياكبير ده انت تؤمر
حسام : تسلم يامالك، بس انا عايز منك تتابع الفون ده اول ما يتفتح تعرف مكانه بالظبط، ياريت لو وصلت لحاجه تعرفني يا مالك
مالك : عنيا يا حسام،،. اكيد لو عرفت حاجه هكلمك
حسام: سلام يا مالك،،. وقفلوا مع بعض وقعد حسام وفكر مع نفسه،. ووصل ان اكيد ده مقلب من حد بيكره رنا جدا،،. لانه مش ممكن رنا تخونه، ولو فعلا بتكلمه، ليه قفل موبايله،، وهو كان كاتب انه مستني رساله منها اني نزلت،، لا ده اكيد مقلب،. اكيد حد عايز يفرقنا،،. وانا لايمكن هسمح بكده،، انا اتسرعت ولازم أصلح غلطتي،.
وقام بسرعه، وخرج من القسم وقابل حسن، وقاله انه يبلغ الظابط هشام انه مشي لموضوع مهم ،و ركب عربيته،. وطلع على الفيلا،.
------------- بقلم شيمو الخطيب
عند قاسم
قاسم طلع هو وجيجي،، ووالدته طلبت منه يروح الفيلا يجيب شويه حاجات ليهم
هدي: قومي يا رنا روحي مع اخوكي هاتي اللي احنا عايزينه من الفيلا
قاسم بسرعه: لا ياماما،،. أنا هاخد جيجي
جيجي فرحت قوى وبصت لعشق بصت شماته، وقربت من قاسم،.
جيجي بتبص لعشق: تحت امرك ياحبيبي، انا اخدم عمي بعنيا
عشق قلبها ولع نار، بصت لقاسم بغيظ، لكن قاسم عنيه متعلقه بيها بجمود
عشق: احم،، استأذن انا يا هدى هانم،. ولو احتاجتو اي حاجه، رنوا بس على الجرس ده،. واي ممرضه هتيجي تشوف طلباتك، وانا موجوده،، في اي وقت ابعتيلي اي ممرضه وانا هاجي على طول وبصت لقاسم وخرجت
قاسم خرج وراها : احم،،. انسه عشق،،
عشق بصت ليه بصدمه : وغصب عنها قالت،،. انسه،،، انسه يا قاسم
قاسم بجمود: ايوه انسه،، كل واحد لازم يعرف حدوده،، انتي واحده ملك لراجل تاني، وانا بصراحه اللي مرضاهوش على نفسي مرضاهوش على غيري. واظن ان ده مش غلط
عشق وقفت بخنقه: اممممم،، ماشي يا قاسم بيه،، انت عندك حق، ها،، كنت محتاج مني حاجه
قاسم بص في عنيها كتير ومش قادر يبعد عنها،. ولا يمشي ويسيبها، ومش عارف هو نده ليها ليه،
قاسم؛: انا كنت بس بنادي عشان اشكرك على وقفتك معانا،،
عشق ابتسمت بوجع : هههه،. لا يا قاسم بيه متشكرنيش، ده واجبي، واي حد حتى لو غريب عني بتعامل معاه كده،، يعني زيك زي غيرك،، مش مستاهله شكر ياقاسم،،،، بيه
قاسم اتغاظ من ردها لكن ابتسم لان هي دي عشق،. عشق القويه اللي مبتسيبش حقها،،. وافتكر اول مره شافها مع خالد وكانت داخله مش خايفه وواثقه انها على حق، وبتدافع عن حقها لآخر نفس فيها. وسرح في كل ده
عشق بتبصله وقالت: ايه ياقاسم بيه، بتضحك على ايه،،
جيجي جت ومسكت دراع قاسم: وقالت بدلع وهي عنيها على عشق : ايه ياقاسم يا حبيبي. مش هنمشي ولا ايه
عشق اتخنقت : احم؛؛ بعد اذنك ياقاسم بيه
قاسم شد ايده من جيجي وقال: عشق،،
عشق بصت ليه وعنيها نفسها تحضنه،،
قاسم : قرب منها،، انا عايز اقولك اخر حاجه،. واتمنى انك تسمحيلي اقولهالك
عشق قربت منه وعنيها متعلقه بيه، ونفسها تترمي في حضنه،،
قاسم قال بكل حب واحساس ووجع،. : وحشتيني ياعشق
عشق اتنهدت بصوت عالي : وعنيها اتملت دموع،، وقاسم قرأ في عنيها كل الكلام اللي كان عايز يسمعه منها،،. وعشق غرقت في بحور حبه،، وحست انها على وشك الانهيار،، سابته واقف وجريت من قدامه،، وهو بص عليها لحد ما اختفت من قدامه، ورجع لجيجي وبصلها لقاها واقفه هتولع نار،.
قاسم؛ مش يلا ولا مش ناويه تيجي معايا
جيجي بغيظ: لا جايه ياقاسم.،، جايه،، ونزلوا وركبوا العربيه
جيجي؛ قاسم هو انا ممكن أسألك سؤال
قاسم : اممممم طبعا، اتفضلي
جيجي : هو انت ليه عايزني اجي معاك الفيلا،،.
قاسم ببرود: لو مش حابه تيجي، ممكن ارجعك واخد رنا، عادي يعني
جيجي بسرعه: لا انا مش قصدي، انا بس عايزه اعرف،،. انت لسه كنت بتتكلم مع عشق، وبعدين بصراحه انا مستغربه رد فعلك من ناحيتها،. مش دي اللي انت رفضتني عشانها، ليه دلوقتي بترفضها
قاسم : مبدأيا كده،، ده مبقاش سؤال يا جيجي، ده بقه عشرين،. بس انا هجاوبك عليهم، في اجابه واحده بس،
عشق اتخطبت يا جيجي
اظن الاجابه دي ردت علي كل تساؤلاتك
جيجي بفرحه: بجد،، اتخطبت،. يااااه، اخيرا. قاسم بصلها بضيق وهي سكتت خالص
جيجي: طيب ممكن اطلب منك طلب
قاسم نفخ : امممم،. قولي
جيجي: انا عايزه نفتح صفحه جديده انا وانت، عايزاك تحبني زي ما بحبك ممكن
قاسم : هحاول يا جيجي، انتي برده مراتي ومينفعش، اني ادايقك اكتر من كده
جيجي بفرحه : بجد انا بحبك قوي ياقاسم
قاسم وصل الفيلا،. وجرى ناجي وصبحي عليه،. وزينب سمعته طلعت بسرعه وسألوه عن حازم، وهو طمنهم،. وقال لزينب تعمله قهوه بسرعه
دخل قاسم وجيجي الفيلا،. ولسه جيجي طالعه على السلم تجيب الحاجات اللي هدى قالتلها عليها
سمعت قاسم بصوت عالي جدا هز الفيلا كلها،، : جيلااااااااااان
جيجي بصت عليه برعب من صوته،. وفجأه لقت قاسم جابها من شعرها من على السلم وقال :
بقه انتي يا جيلان عايزه تطلقي رنا،،. انتي عايزه تدمري حياتها وحياتنا كلنا،، انتي فاكره اني مشكتش فيكي،. وضربها بالقلم.،، فاكره اني استبعدتك من الحركات القذره دي. وضربها القلم تاني،
تبقى غلطانه،، انا عارفك يابنت القناوي،. وعارف قلبك الأسود وحقدك وغرورك اللي مالوش لازمه. وضربها قلم تالت، انتي عايزه تقفي قدام قاسم العزيزي، وقال ايه حبني ياقاسم زي ما بحبك،،
وضربها القلم الرابع وفي اللحظه دي وقعت على الأرض بخوف ورعب وشفايفها بتجيب دم، وبتبصله وبتنهج ومصدومه من كلامه
قاسم شدها من شعرها وجرها مسح بيها الفيلا كلها،، وهو بيقول،، اهو انا هعرفك مين هي جيجي القناوي،،، انا هعرفك حقيقتها بجد، وانها ماتسواش، جيجي بتصرخ من الألم، ومبقاش فيها قوه،. والرعب مسيطر عليها،،.
جيجي بصريخ وعياط: سيبني ياقاسم الله يخليك،، حراااااام عليك
حسام داخل وسمع صوت صريخ وجرى بسرعه هو وصبحي، وزينب طلعت وبتحاول تنقذ جيجي من ايد قاسم
قاسم بصوت عالي: زييينب،، ابعدي انتي احسنلك
زينب بعدت وعيونها كل دموع،. وجيجي بتستنجد بيها، الحقيني يا زينب،. كلمي بابي، كلمي اي حد انا هموت،،. آآآآآآه،،. ارحمني يا قاسم ابوس ايدك وقاسم بيجرها على الأرض وعايز يخرجها الجنينه قدام الخدامين ويقل منها، ويعرفها قيمتها
جيجي : ابوس ايدك ياقاسم،، سيبني يا قاسم،، سيبني،، اعاااااااااااا،
قاسم بغل : انا مش هرحمك يا جيلان،،. أنا هندمك انك فكرتي تأذي حد من عيلة العزيزي، بقه انتي عايزه تدمري اختي،،، ووقفها وضربها بالقلم وفي اللحظه دي اغمي عليها،. و وشها كله جاب دم ونزفت من بقها ومناخيرها، وقاسم وقف يتفرج عليها وبينهج،، وقلبه كله كره وغل من ناحيتها
حسام دخل واتفاجئ باللي حصل،.
حسام بصدمه: قاسم،،. ايه ده،، ايه اللي حصل
قاسم بص لحسام ووشه كل شر،، دي،، دي اللي كانت عايزه تدمر حياتك انت ورنا،،. دي اللي قالت لواحد يبعت الرسايل، دي اللي قررت تدمر العيله،. لكن مقدرتش، وخبطها برجله بكل غل،. دي اللي عايزه تدمرني انا،. لكن انا مسمحتش بده،،. فهمت ياحضرة الظابط ايه ده
حسام واقف مذهول من المنظر،. ومن قاسم نفسه اللي اتحول لوحش كاسر مبيرحمش، واي حد بقه يقرب منه قاسم بيدوس عليه من غير ما يفكر
حسام: زينب،،. تعالي نفوقها بسرعه،،
زينب جريت بخوف ورعب. وحاولت تفوقها،. وفعلا جيجي فاقت،،. لكن بتتنفض من الرعب،،. وعنيها متعلقه بقاسم،، وبدأت حالتها النفسيه تسوء اكتر،. وبدأت تصرخ بهستيريا
حسام اتصل بالاسعاف، وفعلا جت الإسعاف وأخذتها،،. وزينب اتصلت على فريده وقلتلها ان جيجي في المستشفى، وركبت زينب الإسعاف مع جيجي وطلعوا على المستشفى
قاسم دخل أوضة عشق، وكانت زينب نضفتها، وقعد على السرير وسند راسه ورا
حسام دخل واتكلم بصوت عالي : وبعدين ياقاسم،، هتفوق امتى بقه
قاسم قام من مكانه بسرعه ومسك حسام من هدومه،، هفوق يا حسام بيه،، بس لما اخد حقي منك الأول،،. وانت بقه،،. حسابك معايا كبيييير،،
---------- بقلم شيمو الخطيب
في المستشفى
رنا بتتصل على قاسم ومبيردش،. وبتتصل على جيجي مبتردش
هدي: ايه يارنا،. انتي قلقانه كده ليه
رنا : لا يا مامي مش قلقانه، بس انا بكلم ابيه قاسم مبيردش ولا حتي جيجي بترد
هدي: زمانهم جايين، متقلقيش
رنا: انا كنت عايزه جيجي تجيبلي شويه حاجات من هناك لكن مش مشكله بقه، ابقى ارجع انا واجيبها
هدي بصت لرنا: انتي عارفه يارنا، ان شكلك بالحجاب حلو قوي،، بصراحه الاسدال عليكي تحفه
رنا بفرحه: بجد يامامي، انا بصراحه بفكر البسه،، حاسه اني عايزه أقرب من ربنا اكتر،، حاسه اني نفسي اواظب على الصلاه،. وأقرأ القرأن،، بجد يا مامي انا برتاح قوي لمجرد الفكره،، تخيلي بقه لو فعلا انا بقيت كده
هدي بفرحه: خلاص يا حبيبتي،. أنا رأيي تفاجئي حسام وتتحجبي، وانا واثقه انه هيفرح قوي
رنا كشرت، ونزلت وشها في الأرض واتنهدت بوجع : مامي ،. حسام خلاص انتهى من حياتي، وده قرار انا مش هرجع فيه. حتى لو وصل للحقيقه، حسام جرحني كتير،، وانا مبقتش قادره اتحمل اكتر من كده
هدي بزعل: يا بنتي اخوكي قالك. وفهمك ان ده رد فعل طبيعي لأي راجل،. يشو......
رنا قاطعتها بعياط : لا يا مامي،. مش اي راجل بيفكر كده ولا بيشك في مراته بالشكل ده،،. وعشان خاطري يامامي. متكلمنيش في الموضوع ده تاني. أنا مش عايزه حسام،. ولازم اطلق منه
عشق ومحمد داخلين،. وعشق اتصدمت من اللي سمعته
محمد: احم،. سلام عليكم
هدي قامت : وعليكم السلام يا دكتور، طمني
محمد: الحاله زي الفل متقلقوش وتقدرو حاليا تشوفوه، بس ياريت بلاش كلام كتير،. وهو تقريبا مع الوقت هيرجع يتكلم عادي، لكن الحركه قدامها شويه،. قُرص العلاج اللي كان بياخده،. دوب جزء من الجلطه وممكن يقدر يتكلم،. بس عايزين نساعده لما الحاله تستقر. تماما، وأن شاء الله في امل بكره ننقله اوضه عاديه
هدي ورنا فرحوا جدا،. وهدي: قالت: تسلم يادكتور،، ربنا يفرحك يارب،
محمد: شكرا ليكي يا مدام هدى، وبص لعشق،، وقصد انه يعرفهم انها خطيبته،،، دي د عشق خطيبتي من اكتر الدكاتره اللي تثقو فيهم، اه هي لسه بتدرس بس ممتازه،. لو احتاجتو اي حاجه. هي اكيد هتساعدكوا
هدي ورنا بصو لبعض بصدمه، وعشق نزلت وشها في الأرض، وهدى ابتدت تفهم رد فعل قاسم كان بارد ليه،. وزعلت اكتر لأنها دمرت ابنها فعلا
بسمه جت بسرعه : د محمد، في حاله وصلت تحت
محمد: عشق، تعالي معايا بسرعه،. ونزلوا جري
الممرضين دخلوا الحاله أوضة الكشف،. ودخلت عشق ومحمد ومحمد كشف عليها
وفجأه عشقت شهقت، وقلبها دق بسرعه وقالت،، جيجي
محمد بصلها: في ايه ياعشق،،. كده مينفعش، ليه التوتر ده
عشق مفتحه عنيها على الاخر ومصدومه،، وقالت بهمس قاسم،، قاسم،، وخرجت بسرعه،. وطلعت فوق،. ومحمد نفخ بضيق وبيكشف على جيجي
عشق طلعت لهدي ودخلت وبتنهج؛ هدى هانم،،. كلمي قاسم،. طمنيني عليه، كلميه بسرعه،.
هدي مش فاهمه حاجه ولا رنا،. ورنا ردت،،، انا فعلا بكلمه لكن مبيردش يا عشق،. فيه ايه،. ايه اللي حصل
عشق بعياط: جيجي،، جيجي تحت وشكلها مضروبه او حادثه،. معرفش، بس حالتها وحشه قوي
هدي قامت من مكانها بسرعه،. : ابني،. حادثه،. أنا لازم اطمن على ابني،،، كلمي اخوكي يارنا بسرعه
رنا بتتصل بيه،. مبيردش، رنا ملقتش قدامها غير حسام،. واتصلت عليه فعلا
--------- بقلم شيمو الخطيب
قاسم قام ومسك حسام من هدومه وقاله،. أنا هفوق يا حسام،، بس لما اخد حقي منك الأول، وحق القلم اللي ضربته لاخت قاسم العزيزي
حسام نزل ايد قاسم بعنف،. ومسكه : فوق بقه ياقاسم، بلاش اسلوب الانتقام اللي انت ماشي بيه ده،. أرجع قاسم بتاع زمان،. انت عمرك ما كنت كده،. ليه وصلت للحاله دي، ليه بقيت بالشر ده، (وبصوت عالي) فوق بقه،. انت بتضيع كل اللي حواليك وأولهم نفسك
قاسم : انا اللي بضيعكوا،، وانتو ايه،. مضيعتوش فرحتي وحياتي،،، عشق اتخطبت ياحسام وضاعت مني للأبد، انت ازاي مش حاسس بغلطك،. ازاي مقتنع ان انت صح
حسام: كل ده نصيب يا صاحبي، عشق لو كانت من نصيبك مفيش قوه في الأرض هتقدر تمنع ده. صدقني ياقاسم،. محدش فينا غلط،،. كل واحد فكر بأسلوب تفكير مختلف،. وانا قولتلك، حتي لو انا غلطت،. فغلط مقصود بيه إصلاح، مش اساءه،.
قاسم بغيظ : وانت كده صلحت ايه،. اوعي تنكر ياحسام انك متهور،. وتفكيرك في معظم الأوقات بيبقى غلط،،. انت مجرد مقريت رسايل عن مراتك اللي انت عارفها وبتحبها،. اتهورت ومديت ايدك عليها،. وكانت هتوصل للطلاق،. أنا غيرك ياحسام،. أنا كنت واثق انها مقصوده، واثق ان حد قريب هو اللي عمل كده،. واول حاجه جت في بالي كانت جيجي، ولما شوفتها قاعده في المستشفى لوحدها قربت منها وسمعتها وهي بتتكلم مع واحد اسمه علاء، وأعتقد أنه بيحب رنا،،. واتأكدت انها ورا كل ده،، انت بقه وصلت لايه،.
حسام كان واقف شايط من كلام قاسم،. ونفسه يخنق جيجي ويعرف مكان علاء ده وحلف انه مش هيرحمه،،
حسام: قرب من قاسم،،، عشان خاطري ياقاسم،،.فوق لنفسك بقه،،. سيبك مني انا،،. حتى لو انا وحش من وجهة نظرك،. وعايز تبعد عني،،. أنا مش هبعد الا لما اتأكد انك قاسم العزيزي بتاع زمان،، قاسم الطيب،،. وصدقني حق مراتي انا قادر ارجعه،، بس وحياة عشرتنا مع بعض، متضيع كل حاجه منك،،
قاسم بجمود : عشرتنا ماتت يا حسام،. وانا دفنتها بأيدي،
حسام بص لقاسم بزعل،. ولسه هيتحرك، كانت رنا بتتصل .
حسام بلهفه: ايوه يارنا،،
رنا بعياط؛ حسام،،. ابيه قاسم فين،،. أنا بكلمه مش بيرد، وجيجي هنا حالتها وحشه قوي،.
حسام هدا نوعا ما،،، ؛ متقلقيش ياحبيبتي، قاسم قدامي اهو وكويس، انا هجيلك المستشفى حالا
رنا بقلق: طب خليه يكلمني،،. عايزه اطمن عليه يا حسام
حسام بص لقاسم واداله الفون،،
وعشق قالت لرنا تفتح الاسبيكر، وفعلا رنا فتحته
قاسم بتعب: الو،، ايوه يارنا
عشق اتنهدت براحه،. وهدي ورنا متابعينها وارتاحو لما سمعو صوته،،
هدي بقلق: قاسم،،. انت كويس ياحبيبي، طمني ياقاسم،،. انت فين يابني
قاسم: انا كويس ياماما،،. وهاجيلكو المستشفي دلوقتي،.
هدي: طب فهمني اللي حصل،،. طمن قلبي
قاسم : لما اجي يا أمي هتفهمي كل حاجه سلام دلوقتي ،، وقفل معاها وعشق، ورنا وهدى اطمنوا وحمدوا ربنا انه بخير
هدي: عشق،.انا عايزه اعرف ايه اللي حصل بينك وبين قاسم
رنا : اه ياعشق،. ليه ابيه قاسم بيتعامل كده،. هو عرف انك اتخطبتي،
عشق اتنهدت،. وحكت ليهم اللي حصل،. وكلهم زعلوا على اللي قاسم وعشق وصلوا ليه، وعشق استأذنت تنزل تطمن علي جيجي، ورنا نزلت معاها،، وهدى قعدت تعيط كتير على حال ابنها،. وانها السبب في كل اللي هو فيه،. وعرفت من رنا بعد ما طلعت، أنه جيجي مضروبه،. وشكو انه اكيد قاسم،.
قاسم وحسام وصلوا المستشفى وكل واحد فيهم مش بيكلم التاني
قاسم دخل الاوضه : السلام عليكم،،
هدي قامت بسرعه : حبيبي، انت كويس
قاسم نام على السرير بتعب،واتنهد.،، اااااه،. اه يا أمي كويس،
هدي قربت من قاسم بزعل: وانت بعد التنهيده دي تبقي كويس ازاي،،، ، طب طمني ايه اللي حصل لجيجي، ومين عمل فيها كده
قاسم قام. وبص لحسام،
حسام دخل،. وقرب من رنا،، واخدها في حضنه،، : رنا،، انا اسف. اسف بجد على كل كلمه،. أنا عارف اني غلطت،. وليكي حق تزعلي مني،. بس دي كانت غيره وحب،. أنا بحبك ومستحملتش الكلام اللي قريته ده،،.، وقرب من هدى
انا بعتذرلك يا امي، وعايزك تسامحيني،. غصب عني، بحبها، والشيطان.....
هدي قاطعته : مسمحاك وعاذراك يا حبيبي، وده يخليك بعد كده تتعلم، بس انتو عرفتوا الحقيقه؟
قاسم :ايوه يا أمي، جيجي هي اللي ورا كل ده
رنا شهقت بصدمه : جيجي،. طب ازاي
قاسم حكي كل حاجه،،.
وفجأه دخلت فريده عليهم ومعاها البوليس
فريده : اهو يا حضرة الظابط،،. هو ده اللي عمل في بنتي، كده،. واقسم بالله ياقاسم ياعزيزي ما هسيبك،. وهدفعك تمن اللي عملته في بنتي كتيير قوي،
قاسم قام وقف وحسام وقف قدامه وسلم على الظابط
حسام: انا الظابط حسام المغازي، لو تسمح حضرتك نتكلم على انفراد
الظابط؛ طبعا يافندم،. حضرتك غني عن التعريف
حسام: شكرا ليك ياحضرة الظابط
فريده واقفه هتموت؛ ايوه بقه انتو هتظبطوها مع بعض، بس انا مش هسكت،. والله لهوديه في داهيه
حسام؛ مش قاسم اللي عمل كده في بنتك،
الحلقة الثانية والثلاثون من هنا