رواية عشقتها ولكن
الفصل الاول والثاني
-انا تعبت مبقتش قادر استحمل امال اتجوزتينى ليه طالما مش عاوزانى المسك
=انت اتقدمتلى وانا وافقت اتجوزك وبقالنا خمس شهور مع بعض وجاى تقولى كداا
-ي زهرة افهمى احنا مش متجوزين
=ده ازاى ده
-احنا عايشين زى الاخوات انتى مش عاوزانى اجى جمبك ، وفجأة قرب منى واتكلم
-طب بقولك ي حببتى يعنى مش عاوزة تبقى ام وتفرحينى وتخلينى اب انا كمان
= لا
قام من جنبى
-بقولك اى دى مبقتش عيشة انا صبرت كتير واقول ي يزن سبها براحتها ومكنتش عاوز اعمل حاجة غصب عنك لكن ي زهرة قسما بالله انا تعبت وسكوتى عاشان بحبك
=ما انا كمان بحبك
- ازاى طيب ما انا بحبك وانتى بتحبينى لازم بقاا نكون اسرة ونحب فى بعض كلنا
= انا مش قد مسؤولية وعيال وهم انا ي يزن افهمنى
-هنفضل كداااااااااااااااا لحد امتاااااااا
= لما ربنا يأذن
- ما هو ربنا هياذن ودلوقتي تعالى ، وفجأة شلها
= يزن لا والنبى مش عاوزة عاشان خاطرى ي يزن لو بتحبنى
دخل الأوضة ونيمها على السرير
=يزن بالله عليك لا يزن لا
فجأة وقف وراح ناحية الدولاب وغير هدومه
- طب انت رايح فين
= انتى مالك اروح فى نصيبة تاخدنى
-بعد الشر
= يهمك اوى بصى انا مش سبتك فى حالك سبينى فى حالى بقااا
سابنى وخرج انا مش عارفة بعمل كداا ليه الصراحة يمكن خايفة من انى اكون مش قد المسؤولية رغم أن المفروض غلط والمفروض أن اتوكل على ربنا فى كل حاجة انا زهرة بنت زى اى بنت بس الفرق ان بابا كان قاسى شوية اول عريس غنى جوزنى ليه علطول وطبعا وافقت هروبا من معاملته اللى انا مش قادرة استحملها وطبعا ماما كانت بتسكت لأنها ضعيفة اصلا وانا بكره الضعف صراحة يزن طول عمره مخلينى مرتاحة عمره ما اشتكى منى يمكن ربنا عوضنى بيه وبحنيته انا مدايقة من نفسى من انى مش عارفة احققله رغبته بس انا مش عارفة بعمل كداا ليه بس كل اللى اعرفه أما يجى يقرب منى بحس بأحساس وحش اوى اوى كمان فبعمل كل ده.
________________________________
عند يزن ماشى بالعربية واتصل بصاحبه مراد
-يزن اى فى حاجة ولا اى
=مراد انا جايلك
- ماشى ي حبيبى بس مالك
=اما اشوفك بس هى ماسة عندك
-لا ما انا قايلك راحت تزور مامتها
=طب كويس مسافة الطريق
- حاضر مستنيك
طول الطريق يزن كان بيفكر لحد ما فكر فى حاجة وفعلاً نفذها
- ادخل مالك متبهدل كداا لى
= انا تعبان اوى ي مراد
- لى فى اى مالك بس ي حبيبى احكيلى
= زهرة ملمستهاش لحد دلوقتي ومش عاوزانى المسها
- اى خمس شهور وملمستهاش لى يعنى
= مش عارف مش عارف
- طب اهدى طب كلمتها قعدت معاها
= اه و مستفدتش حاجة منها
- ما تطلقها واتجوز غيرها بسيطة
= بحبها ي جدع
- واخرة الحب
=جواز
-واخرة الجواز
فجأة سكت يزن
- اعمل اللى بقولك عليه ي صحبى
= انا حكيت لاهلها
- ليه ي يزن ما انت عارف ابوها صعب كنت طلقها من سكات
- مش هطلقها ي مراد انت تقدر تطلق ماسة
= اكيد لا دى عشقى ي ابنى انت بتهزر
- ولا انا اقدر اطلق زهرة
- بس ماسة مش زى زهرة
يزن سكت تانى وفجأة الباب خبط
- انا هقوم افتح الباب
راح فتحه وكانت ماسة
- اى ده انتى جيتى مستنتنيش اجى اخدك ليه
= عادى زهقت قولت اجى اى ده هو فى حد عندنا ولا اى
- اه ده يزن ابن عمك تعالى
-ازيك ي يزن اول ما افتكرت تيجى عندنا
=معلش بقاا وبعدين كل يوم بعدى من بيتكم وجوزك ده مبيعزمنيش حتى
-معلش بقاا مبيفهمش ، مراد خبطها
=اتظبطى هااا
-اى براحة طب اعملكوا حاجة تشربوها
=اه يلا روحى طرقينا
ماسة مشيت ومراد ويزن كانوا ساكتين
______________________
الباب كان بيخبط قومت افتحه لقيت ماما وبابا
-ماما بابا اتفضلوا تعالوا
دخلوا من غير كلام وكان واضح أن ماما خايفة وبابا كان متعصب ، قفلت الباب
فجأة بابا ضربنى بالقلم
- خمس شهور ومحرمة جوزك من لمسك هاا
اتصدمت وحطيت ايدى على وشى
=اهدى ي محمود براحة على البنت
- ما هى تربيتك ي ختى خايفة من اى ي بت هاا مش عاوزة جوزك يلمسك ليه
= انا انا
كنت مش قادرة اتكلم من خوفى وللحظة اللى هربت منو زمان حصلى تانى دلوقتى القلم ده فكرنى بكل حاجة حصلتلى وكل الضرب منو
مسكنى من شعرى
- ما تنطقى ي بت
=اه والله ما خايفة من حاجة والله قوليلوا ي ماما هو انا كنت بخرج اصلا
-ملكيش دعوة بأمك كلامك معايا انا اسمعى ي بت انتى مش كفاية لقيتى حد ياخدك ويلمك والله لو هتطلقى لارميكى فى الشارع جوزك يجى وتعمليله اى حاجة فاهمة ، ورمانى على الترابيزة اتخبطت ودماغى جابت دم
= بنتى حرام عليك ي محمود هتموتها قومى ي حببتى
- يلا ي امينة سبيها وكلامى مفهوم جوزك تعمليله اللى هو عاوزه ما يلا ي امينة قولتلك يلا
ماما قامت معاه وانا مكنتش قادرة اقوم خالص فجأة الدنيا اسودت فى وشى وعيونى اتقفلت ومحستش بحاجة بعدها
______________________
طب همشى انا بقاا
-ما انت قاعد ي صحبى
=لا الوقت اتأخر عاوزة حاجة ي ماسة
- تسلم ي خويا سلملى على زهرة
=يوصل يلا سلام
-مع السلامة ومتنساش تفكر فى اللى قولتلك عليه
= حاضر
مشى يزن ووصل البيت فتح الباب ولقاا
البارت التانى
فتح الباب ولقانى مرمية على
- زهرة زهرة يلهوى مين عمل فيكى كداا ي زهرة
مفيش اى استجابة ، جرى على المطبخ جاب مية ورشو علياا
واخيرا فوقت
- قومى اى الدم ده مين عمل فيكى كداا
= اوعى ملكش دعوه بيا تانى ما قولتلك طلقنى وريحنى ي اخى
- اى ي زهرة انتى اجننتى مين قدر يعمل فيكى كداا
=بتسألنى وانت السبب مش انت اللى قولت لبابا وماما علياا.
- انا كان قصدى يفهموكى مش يضربك كداا والله لروح اعلمه يضربك ازاى
= تعالى هنا انا مش عاوزة مشاكل تانى
- مش عاوزنى اخدلك حقك
= ومين يعنى كان بياخد ولا بيدافع عنى ما انا من اول ما اتولدت وانا اصلا معاملة قاسية وضرب وبستحمل علشان اهلى من اول عريس غنى جوزنى ليه كأنى سلعة وبيبعنى
- بس بس انا كنت بحبك وقولتلك كداا انتى عمرك ما كنتى سلعة انتى غالية اوى عندى ، وحط ايده على كتفى ولسة هيقرب منى زقيت أيده وقومت مرة واحدة
= طالما انا غالية عندك مش بتفهمنى ليه ، لو غالية عندك بصحيح مكنتش روحت وحكيت لابويا ، انت مفيش فى دماغك غير الحاجات دى اصلا بص ي يزن انا مش كداا خالص
سبته ودخلت الاوضة ، دخل ورايا
- مش كداا اى انتى ليه محسسانى انى شاقطك انا جوزك على فكرة
روحت ناحية السرير وبنام
- مفيش نوم ي زهرة غير اما اعرف مالك غير ما افهم انتى فى دماغك اى
= متزعقش ي يزن
- ازعق براحتى والله واحد غيرى كان اتجوز بس انا معملتش كداا
= والله اعمل كداا
- يووووووه انا زهقت بقاا زهقت ،وخرج فى الصالة وقعد ،خرجت وراه
- انتى عاوزة اى ي زهرة دلوقتى خارجة ورايا ليه
= عاوزة اشوف ناوى على اى
- عارفة انا مشوفتش اعند منك ولا شوفت فى برودك
= حصل بس مش موضوعنا دلوقتى ، فجأة ضحك
- والله بحبك بس انتى بس فكيها والنبى
= يزن
- قلبه
= عاوز تتجوز عليا صح من حقك ما الاولى مش عارفة تعملك اللى انت عاوزه
قام وقف قصادى
- وانا أقدر برضو ده انتى قلبى
وجه يقرب منى
- هو هو انت مش جعان
= لا مش جعان ، قرب اكتر
بعدت انا خالص وصوتى على
- بس انا جعانة
= تانى ي زهرة بتفصلينى عارفة انا انا ، ومكملش جملته وفجأة خرج ورزع الباب وانا اترعبت
___________________________________
-ملكش حق ي مراد كداا هتخرب عليهم تقوله طلقها يعنى لو انا كنت مكانها وبعمل زيها كنت هتطلقنى ، فجأة لف ايده حواليها
= وانتى تقدرى ولا اى
- اوعى ي مراد مش وقته انا بفرض حاجة
= مش عارف بقاا انا نيتى اساعده والله
- انا هبقاا اروح واقعد معاها واشوفها مالها اكيد حاجة منعاها
- حاضر اللى تشوفيه اى ده اهو بيتصل اهو
= طب رد يمكن عمل فى زهرة حاجة
- الو
= مراد انا قدام بيتك اخرج عاشان عاوز اخرج
- دلوقتى
= اه دلوقتى هتيجى ولا اروح لوحدى
- لا خلاص جاى معاك
وقفل الفون ومراد قام يلبس
- انت رايح فين
= مش سامعة يزن عاوز يخرج
- هتسبنى لوحدى
= مش هتأخر ي قلبى
-حاضر خلى بالك من نفسك
=حاضر
وخرج مراد ليزن
- اى تانى حصل عملت اى
مشى يزن بالعربيه هو مراد
-طب احنا رايحين على فين
= الاماكن اللى كنت بتروحها قبل ما تتجوز
-انت عاوز تودينى فى داهية ي يزن كباريه لا ي عم نزلنى انا توبت خلاص واتجوزت ده ماسة لو عرفت مش عارف هتعمل اى اصلا
=عاشان خاطرى ي مراد عاوز افك عن نفسى ي اخى
- نروح النادى نتمشى على البحر اى حاجه غير المكان ده
=لا هنروح المكان ده
-ي يزن انت حلو والبنات مش هتسيبك فى حالك انا كنت طايش وانا صغير وياما قولتلك تعالى وانت مترضاش تقوم أما نكبر انت اللى تودينى برجليا
= مرة من نفسى ي جدع ، ومشى بالعربية
مراد طول الطريق خايف وبيفكر يسيبه وينزل بس بيفتكر ايام زمان وضحك
_____________________
- الساعة ٢ويزن لسة مجاش انتى السبب ي زهرة انتى السبب يارب اعمل اى بس انا لو اعرف مالى معرفش انا مالى طب اتصل بمراد صاحبه مقفول برضو
افتكرت ماسة وقولت ارن عليها
-الو
ماسة بترد بنعاس لانها كانت نايمة
=مين معايا
-ي بت انا زهرة
=زهرة مين
-انتى اكيد كنتى نايمة فوقى ي ماسة
=زهرة انتى بتتصلى متأخر ليه ما تنامى ي زهرة عاوزة انام وبكراا اجيلك
- اصل يزن خرج ومرجعش لحد دلوقتي قولت يمكن مراد عارف هو فين اتصلت بمراد فونه مقفول هو فين
=اهو نايم جمبى اهو
وماسة بتبص جنبها و.......