#أحببت_ازعر
#الجزء_الرابع
#بقلم_مريم_اليوسف
بالمشفى
مجد هو وزينة واقفين ع باب الطورائ ..
مجد :هلأ بدي اعرف كلشي
زينة :خلينا نعرف شو صار فيها بالاول
مجد :منيحة هلأبطمنونا عنها .. بس يكون بعملك وبعلمها هلأ بدي اعرف كلشي
زينة :هلأ بنحكيلك بس خليني اطمن عنها
انفتح الباب وطلع دكتور
مجد :طمنا دكتور
الدكتور :متعرضة لصدمة .. بس هلأ هية منيحة لاتخافو عليها .. واذا بتحبو تدخلو لعندا هية صاحية .. بس حاولو تخلوها رايقة
مجد :ماشي دكتور يعطيك العافية
قرب وفتح الباب حتى بدون ما يدق .. وزينة فاتت وراه وركضت لعند ضحى يلي قاعدة ع التخت وعم تبكي .. قربت منها وضمتها
زينة :خوفتينا عليكي
ضحى اكتفت بالبكي بصمت
مجد حط اديه بجيابو وحكي :يلا انتي واياها احكو شوفي عنكن
اطلعت فيه ضحى مصدومة وزينة نزلت راسا
مجد :شبككك ... احكي شوصاير معك
ضحى :ماصاير شي
مجد بأصرار:شو صاير معك
ضحى علي صوتها وقالت :عم قلك ماصاير شي .. وشكرا الك فيك تروح
مجد :زينة شو صاير
ضحى :لك انت مين مفكر حالك .. روح انقلع لبرا
مجد :زينةةةة
زينة :ضحى خلينا نحكيلو اكيد رح يساعدنا
ضحى :بشو بدو يساعدنا .. اذا اخوكي ازعر اكتر من هداك .. بدك اياني احكيلو
مجد ضحك ضحكة جانبية وقال :هلا فهمت شي .. علقانة مع شي ازعر
ضحى :مادخلك وانقلع لبرا
مجد :شو ماسك عليكي ؟ صور ؟فيديوهات ؟ عم يبتزك ؟ وبدو يفضحك ؟
ضحى اتطلعت بزينة وقالت :انتي حكيتي ؟؟
زينة :لااا والله لا
مجد :ههههه خلص عرفت كلشي ... كنت ناوي ساعدك بس الظاهر انك مانك مظلومة وبتستاهلي
ضحى :فشررت .. انا اشرف منك ومن كل واحد عشكالتك
مجد :لكن هداك يلي عم يهددك من وين جاب صورك يا شريفة
وقفت زينة بوجه اخوها وقالت :تطبيق .. والله طبقن تطبيق
مجد :تطيبق .. طيب جيت معك .. من وين جاب صورها يلي طبقهن .. كمان تطبيق ولا راسمن رسمن هه
زينة :موبايلا انسرق وبعد ما انسرق صار هالشي .. ضحى مستحيل يكون عندا هيك حركات
ساكت وعم ينقل نظرو بين زينة وضحى
ضحى :شفت ياشريف انو انا شريفة وماني وسخة متلك ومتل تفكيرك الوسخ .. وهي بشهادة اختك
مجد :طيب هلأ ياريت تسكري حلقك لحتى نشوف كيف بدنا نحل هالموضوع
ضحى :ماطلبت منك شي وياريت تتركني لحالي بقلع شوكي بأيدي
مجد :وانا ماطلبت اذنك اذا بدك اتدخل او لأ
ضحى :هي مشكلتي وانا مابدي حدا يتدخل فيها
مجد :وصارت مشكلتي وانتي خليكي ع جنب
ضحى: كيف عجنب .. بدك اياه يفضحني
مجد :مو وانا عم انتفس
ضحى 😒😏: رااااجال
مجد :غصب عنك
ضحى :فشرت .. انت واحد ازعر لا اكتر ولا اقل
مجد:من وين جايبة قلة هالادب
ضحى :بعض ماعندكم
مجد :هه مجنونة
ضحى :ازعر
مجد:متهورة
ضحى :فلتان
زينة :خلصووناا متل الردادة والنواحة انت واياه
مجد :قولي لرفيقتك تخرس لانو رح يكون فضلي عليها لتموت
ضحى :فضلك عحالك .. ومابدي منيتك
زينة :ضحى خلصينا سايريه .. متأكدة انو رح يساعدك
اتطلعت عليه ونفخت وقالت :طيب
مجد :اول شغلة بدك تحترميني لما بتحكي معي
ضحى :ماشي 😒😒😒
مجد :حكولي كلشي صار بالتفصيل
ضحى :كلشي صرت بتعرفو .. انسرق جزداني وتاني يوم بلاقيه .. طبعا الموبايل كان فيه واليوم واحد ابن حرام بيتصل فيني وبيعتلي صور وبدوو (سكتت)
مجد :شوبدو
زينة :تروح لعندو ع البيت
مجد :شو قلتيلو
ضحى :سبتو ولعنتو وسكرت بوجهو
مجد :مجنونةة
ضحى :احترمم حااالك .. وبعدين شوبدك اياني قلو امرك وتكرم
مجد :ليقوم ينشر الصور
ضحى :لأ .. قلي بعرفك انك مقهورة وعطاني مهلة لبكرا
مجد :ممتاز
ضحى : عشو الممتاز بلله
مجد :اذا حكي معك خليكي مثلي انك خايفة منو وخدي وعطي معو .. وصيري ترجيه لاتحسسيه انك عم تلعبي من ورا ضهرو
ضحى :بس انا ماعم العب
مجد :هههه ماهو انا يلي رح العب .. بس متل ماقلتلك خليكي عطبيعتك .. واصحك تهدديه.. ابكي ونوحي وترجيه .. وهيك
ضحى :يعني رح تساعدني
اتطلع بطرف عينو وقال(بمزح) :مع انك مابتستاهلي بس مشان زينة
ضحى بجدية : مارح انسالك هالمعروف طول عمري اذا بتساعدني
مجد :ولا يهمك اعتبريها منتهية
ضحى :طيب شوبدك تعمل
مجد :وحياتك مارح تكوني غير رضيانة ومارح تكوني الا الحلقة الاقوى مو الاضعف
زينة :طيب فهمنا
مجد :الزعران بيفهمو ع بعض .. ورح اعزف ع نفس الوتر يلي عم يعزف عليه ابن الحرام .. واذا هو ابن حرام انا ابن حرام اكتر منو
زينة : الله يحميك يا اخي
مجد : جهزو حالكن لبين ماوقفلكن تاكسي تاخدكن ع الضيعة مشان اهلها مايحسو .. واصحك تخليهن يحسو عشي
هزت براسا بمعنى حاضر
مجد :اي صحي عطيني رقمو
سحبت الموبايل نقلتو الرقم
مجد : والصور 🙂
ضحى :نعممم
مجد :هههه عم امزح .. يلا جهزي حالك لتروحو ع البيت
___________________
المسا
ضحى رايحة جاي بغرفتها ومتوترة من وقت اجت ع البيت ماخبرت شي .. ولا حتى هداك اتصل فيها ..بس صبرها نفذ وقررت تتصل بزينة
حملت موبايلا من على التسريحة وطلبت رقم زينة
ردت :الو
ضحى :اي زينة .. خبريني صار شي .. مجد حكاكي شي
زينة :لا والله .. حتى اتصلت فيه وقلي بعدين بخبركن
ضحى :انا معد عندي صبر
زينة :سكري لارجع اتصل فيه
ضحى : عطيني رقمو انا رح اتصل
زينة :طيب رح ابعتلك رقمو بمسج
سكرت الخط وراحت قعدت ع تختها عم تغض ع ابهامها بتوتر
وصلها مسج بالرقم وفورا اتصلت
ضحى :الو
مجد :مين
ضحى :انا ضحى
مجد :مين ضحى
ضحى :انا رفيقة زينة
مجد :رفقات زينة كتار ايو وحدة
ضحى :بشرفك ماني ناقصتك
مجد :ولا انا ناقصك .. خبريني مين انت
ضحى :يا اما عم تجدبها علي يا اما عم تجدبها
مجد :لا في احتمال تالت انو عم اجدبها
ضحى :يعني بشرفك هلأ وقت مزحك
مجد :شوبدك ليش عم تتصلي .. لتكوني معجبة فيني
ضحى :ياربي منك .. من وين مستورد هالزناخة
مجد : هههه طيب شوبدك
ضحى :شو صار معك
مجد :بشوو
ضحى :حقييير
سكرت الخط بقهر .. رجع رن الموبايل وكان هو .. واول مافتحت الخط كان عم يضحك
مجد :ههههه هلأ هاد رقمك ؟
ضحى :اي
مجد :منيح مشان سيفو
ضحى :لك ليش لتسيفو شوبدك فيه هلأ .. خبرني شوصار معك
مجد :انحلت القصة
ضحى :كيف ؟؟
مجد :كيف مافيني احكيلك
ضحى :طيب يعني خلص الشغلة انتهت ع الاخير
مجد :انتهت بس مو ع الاخير .. لازم نحنا يلي ننهيها
ضحى :ماعم افهم
مجد :بكرا بشوفك وبفهمك كلشي
ضحى :يعني مارح يتصل فيني
مجد :مابظن .. بس مايعني انو مارح يرجع يتصل
ضحى :طيب ليش مابتظن
مجد :عندو شي شاغلو حاليا
ضحى :مشان الله احكيلي
مجد :والله القصة انحلت بس لسه شوية وبننهيها ع الاخير .. انتي هلأ حطي راسك ونامي ولاتفكري بالموضوع مشان صحتك
ضحى :يعني قلك شكرا ولا عمهل هههههه
مجد : قوليها وعمهل ههههه
ابتسمت وقالت :شكرا
مجد :تصبحي ع خير
########باااااااك######
ضحى : عنجد هديك الليلة حسيت برياحة بعمري ماحسيتا .. يمكن لانو كنت واقعة بمحنة
ضحى٢:طيب كيف انحلت القصة ومجد شو عمل
ندى :وليه ليش انا مامعي خبر بهل الشي
ضحى :لماصارت الحادثة ماحبيت خبر حدا ولما انتهت قلت راحت وماكنت حابة افتح الموضوع
: طيب يلا كملي شو صار تاني يوم وكيف نهيتو القصة
ضحى : ماكنت فهمانة قصدو لما قال نحنا يلي رح ننهيها .. فكرت هو وشي حدا
ضحى٢:مين قصدو لكن
ضحى :انا واياه .. خلاني انتقم لحالي .. لك يقبر قلبي شو بحبو وشو رجال
:يعني من بعد هالموقف صرتي تحبيه
ضحى :مو حب فورا .. بس كبر بعيني كتير وانعجبت فيه .. وصرت حبو تدريجيا .. وبوقتا حسيت انو في مواقف مابتحل الا بالضرب
:يعني ضربو لهداك يلي اخد صورك
ضحى :لا رح احكيلكن
#####فلاااااش_بااااااك###
قاعدة ضحى وزينة بحديقة الجامعة الصبح
ضحى اتطلعت بالساعة واتأفأفت وقالت :وينوو اخوكي طووّل
زينة :مابعرف .. اصلا مبارح مانام بالبيت
ضحى :ليش ماجيتي معو ؟؟
زينة :لا جيت بالسرفيس
ضحى :فكرت هو وصلك .. المهم وويينو
زينة اتطلعت قدامها وقالت :هي اجا
وقفو لينطروه يوصل من شدة التوتر والفضول بدن يعرفو شو صار
كان جاي لعندن ولابس بنطلون جنز ع بوط رياضة وقميص مفتوح من صدرو كم زر لتبين السلسلة يلي برقبتو .. كان من شكلو مبين ازعر مشيتو مشية ازعر تيابو تياب ازعر .. وصل لعندو وقال :شو ليش واقفين شو اليوم الوقفة
ضحى :ما ابرد دمك .. خبرني شو صار
قطعهن وقعد على المقعد يلي كانو قاعدين عليه
راحت زنية قعدت جنبو بس ضحى ضلت واقفة
زينة :خلصنا مجد شو صار
مجد لضحى :وين موبايلك
ضحى :معي ليش
مجد :حكاكي شي او بعتلك عنوان
ضحى :لا
مجد :اتصلي فيه
ضحى :بلله شوو
مجد عم يحكي ببرود :والله .. طلعي موبايلك واتصلي فيه
ضحى انقهرت من برودة دمو بس قررت تجاريه وطلعت موبايلا وقالت :شوقلو
مجد :انا بقلك اتصلي
ضحى :يعني اتصل اتصل
مجد :شو عم نغني بالطاحون ايي اتصلي
اتصلت فيه وفتحت السبيكر
:الو
هزت براسا لمجد انو شو تقلو.. ابتسم ورفعلا ايدو بشكل التحية وقصدو انو تسلم عليه .. زورتو وقالت :مرحبا
:اهلين
مجد همسلا وقلا شو تقلو وهية ردت وراه وهية متوترة : شو ما اتصلت قلت .. انا بتصل .. مضيع شي
:شو قصدك
عم تحكي يلي عم ينقلا اياه مجد : قصدي واضح يلي مضيعو عندي
:شوووو ... انتي شو عم تحكي .. انتي يلي خطفتيها
انصدمت واصلا ماعرفت مين مخطوف بس قالت :اي انا .. وهية بالحفظ والصون .. مفكر كل طير بيتاكل لحمو ياكلب .. ياحقير .. يا قذر (هدول الكلمات من عندا ومجد عم يضحك عليها )
: شوبدك .. بدك الصور برجعن ..بس تركيها
مجد اشرلا انو تعطيه الموبايل
ضحى : انا قرفت احكي معك .. رح اعطيك حدا تحكي معو
وعطت الموبايل لمجد وهية عم ترجف من التوتر
مجد :مرحبا ياحبيب
: مين انت
مجد :انا خدام الحلوين (واتطلع بضحى )
:انت واحد من كلابا
مجد :له له .. شو كلاب ماكلاب .. الكلاب مابتعوي ع بعضا ولو انا كلب ماكنت عويت عليك بتعرف ليش لانو مافي كلب بوجودك
:اختي ويين
مجد :بس شو هالاخت يلي عندك شقفةةةة
:ياواطي مفكر مابقدر جيبك
مجد :تعا جيبني شو ناطر
:رجع اختي وخدو الصور
مجد :هلأ اختك لهل الدرجة رخيصة لتساومها ع كم صورة
:شوووبدك لترجع ... بتعرف اختي مين خطيبها .. وبتعرف شو ممكن يعمل اذا مسكك .. مشان هيك رجعها سالمة لتضل رقبتك سالمة
مجد :ههههههه شو عم تتحامى بخطيب اختك يا جبان .. ذكرتني بشغلة بالزمنات سمعتها مع انو مابتناسب الموقف بس رح قولا .. قال جابو الكديش وقالولو مين ابوك قلن الحصان خالي هههههه وهاد انت بسألك مين انت بتقلي صهري فلااان .. هداك الكديش خجلان من ابوه لانو حمار .. بس انت شو من ايو فصيلة من الحيوانات
:شوووبدك
مجد:شوفك وبنتفاوض .. مع انو ماني حابب شوفك ... بس عندي فضول شوفك لاعرف لايو فصيلة بتنتمي هههه
:ماشي .. وين
مجد :قبل وين يا حبيب في شي لازم تعرفو .. انو صهرك يلي شادد ضهرك فيه مابينطلع شي قدامي .... مشان هيك بعدلي صهرك عن الطريق مع انو عندي شك انو مابيعرف انو خطيبتو مفقودة .. وتاني شي اذا بتحاول تعمل ندالة صور اختك وهية عارية صار عندي البوم كامل منو بثواني بتنتشر بكل سوريا
:ياحقير
مجد :تسؤ تسؤ .. هلأ انا الحقير لكن انت شو
:شوبدك
مجد :بتجيب صور ضحى وكل صور البنات يلي ضحكان عليها وبالاضافة لارقامن
:شوبدك بالبنات .. انت يلي بهمك صور معلمتك
مجد :نفز بدون اكل *****
: ماشي
مجد :عفكرة اخترقت تلفونك ولابتوبك واذا صورة ناقصة اختك مارح ترجع
:كلشي بدك اياه بصير
مجد :رح ابتعلك من رقم تاني .. وهاد بتمسحو عم تفهم
:امرك
مجد :هلأ بلشت تفهم .. احط
سكر وعطا الموبايل لضحى
ضحى :لك شو عامل
مجد:هيك وسخين لازم ينطعن بشرفن لحتى يزوقو عدمن مفكرين شرف بنات العالم سايب وشرفن محصون
ضحى :ماحرام عليك .. البنت شو ذنبا
مجد :ذنبا انها اختو.. بس اطمني ما اذيتا ماني ندل لهل الدرجة
ضحى :والصور
مجد :ضروريات
ضحى: والله حرام اختو
مجد:يعني انت مانك حرام .. شو كان رح يصير فيكي لو صورك انتشرو
ضحى :طيب شوبدك بصور البنات وشو عرفك انو في صور بنات
مجد:اكيد انتي مانك اول ضحية
زينة :ومين صهرو
مجد :جربوع بالدولة
ضحى بزورة :وانت من وين مستمد قوتك
مجد : من الله وحدو هههه
ضحى :بس اكيد رح يرجع لحقارتو
مجد :حتى يشوف الضو بعدها
ضحى :لتكون ناوي تقتلو
مجد :هههه اعوز بلله .. بس حابب يزور بيت خالتو شي سنة زمان
ضحى :انا خايفة
مجد :ليش خايفة
ضحى :مابعرف .. يمكن عليك
مجد :اي لاتخافي انا عرفان منيح شو اعمل ومستحيل امشي بأرض مابعرفها
ضحى :شو يعني
مجد :بركي هالارض ملغمة
ضحى :محدا غيرك ملغم انت وسوالفك
مجد :ههههههه
ضحى :يعني هلأ شو
مجد :انتهت اللعبة .. وانتي كملي حياتك عادي وانسي هالحشرة
ضحى : وبركي عندو صور
مجد :ونحنا عنا صور .. عم قلك كلشي حاسب حسابو .. حتى صهرو بدي فوتو السجن
ضحى :طيب انت كيف عرفت كل هالشي
غمزها وقال :سر المهنة😉
ضحى :شكراا
مجد :عفوا
مشي ليروح
ضحى : انتبه ع حالك
التفت عليها وابتسم وقال :مشانك رح انتبه
#######باااااااااااك###
ضحى :وهيك انتهى كابوسي والحمد لله .. وكلو بفضل الله وثم مجد لولاه الله اعلم شو كان صار فيني
ندى :والله تاريه هالمجد شهم
:اي والله وخصوصا بحركتو لما خلاها هية تحكي معو
ضحى :اي يقبر قلبي .. قدر يثبتلو لهداك الحقير انو نحنا البنات قوايا ولايستخف فينا .. هههه مع انو انا والله ماعملت شي.. وعنجد بهل الحركة حسيت حالي رئيسة شي عصابة ههههه
ضحى٢ :طيب معد عرفتي شو صار بهداك الكلب
ضحى :انا بالاصل مابعرفو ولا بعرف شكلو .. بس مجد قلي انو دبرلو قضية ودخلو السجن
:بيستاهل .. شوفي شو بكون معذب بنات الله يفضحو
ضحى :ااامين .. قلي مجد انو البنات يلي لقى صورن عندو رجعلن اياهن وطمنن انو مارح يرجع يتعرضلن .. بس خطي البنات اتدمر مستقبلن .. بس مع هيك فرحو انو الله خلصن منو
:ييي ياحرام
:خلص شيلونا من سيرتن ماناقصنا هم .. اي كملي ضحى وبعدين شو صار كيف حبيتو بعض انتي ومجد
ضحى:ههههه بتعرفوني صاحبة واجب .. والشي يلي عملو معي مجد مانو قليل وقررت اهديه هدية
ندى :اي تقبري قلبي صاحبة واجب 😒😒
ضحى :خرسي لاتحكيني هيك انا اكبر منك
ندى :😒😒😒😒
:يلا احكيلنا كيف هديته الهدية
ضحى :اشتريت هدية عبارة عن ساعة رجالية وعطر رجالي وسلسلة لرقبتو لانو لاحظت عليه بيلبس منن.. وخلينت بجزداني عطول قلت لحتى التقى فيه وبعطيه اياهن
#######فلاااااااش_باااااااااك###
طالعين من بوابة الجامعة زينة وضحى
زينة :شو مع مين رايحة اليوم سرفيس ولا حدا من اخواتك جاي ياخدك
ضحى :لا الظاهر سرفيس لانو اخواتي ماعندن شغل اليوم ومارح يطرقو مشوار من الضيعة لهون لياخدوني
زينة :تضربي تعي معنا لنوصلك
ضحى :لا دخيلك خليني بعيدة احسن .. صحي مين بدو يجي ياخدك اليوم
زينة :يمكن مجد
ضحى :عنجدد .. اي منيح مشان اعطيه الهدية
زينة : ههه يعني مصرة ع الهدية
ضحى :اي اخوكي بيستاهل اكتر من هيك ..
زينة :هاه ليكيه واقف هنيك تعي
ضحى :ليكي رح اعطيكي الهدية انتي تعطيه اياها بخجل انا
زينة :مادخلني .. بدك تعطيه هدية تعي انتي بنفسك
ضحى :تضربي اشتهيت شي مرة تعمليلي شي شغلة
زينة :ماني مجبورة
ضحى :😒😒😒
مشو لعند سيارتو .. كان منزل راسو عم يلعب بموبايلو
راحت زينة فتحت الباب وركبت وهو مارفع راسو
زينة :انا ركبت
مجد :بعرف .. ماني اطرش
زينة :طيب ارفاع راسك
مجد :ثواني بس لخلص هالمرحلة
ضحى شافت انو ماعم يرفع راسو .. راحت قربت من بلور السيارة يلي جنبو ودقت عليه رفع راسو واتطلع فيها .. واتطلع بأختو وقال :شوبدا هي
زينة :سألا
نزل البلور
ضحى وهية متلبكة :مرحبا
مجد :اهلين
فتحت الجزدان وطلعت كيس كرتون خاص للهدايا لونو اسود وبداخلو الهدية ورفعتا لعندو
ضحى :تفضل
مجد :شو هي
ضحى :حبيت اتشكرك للمرة التالتة 😅.. شكرا كتير .. وياريت تقبل مني هالهدية المتواضعة
مجد :عنجد ما الها داعي وانا عملت واجبي
ضحى :لا ماعملت واجبك .. انت يلي عملتو محدا بيقدر يعملو .. ياريت تقبلها مني بكون ممنونتك
مجد :يعني اذا قبلتا رح تفرحي
ضحى :كتير
مجد :رح اقبلها لكن
اخدها وقال :مع انو مالها داعي ..بس شكرا كتير .. وفرحت فيها اكتر
ضحى :انشالله تعجبك
مجد :اكيد رح تعجبني .. ما المهم المضمون المهم الشي المعنوي
ضحى خجلت وماعرفت شو ترد
ضحى :انا بالاذن
مجد :خلينا نوصلك
نزلت راسا وقالت :للأسف مابقدر
مشت مسافة مانها بطويلة ووقفا بصوتو
التفتت عليه لقتو مطالع راسو من الشباك وعم ينده عليها
مجد :رقمك بعدو ذاتو
ابتسمت وهزت براسا
مجد :وممكن ؟؟؟
نزلت راسها بخجل وكملت طريقها
رجع عمكانو الابتسامة ع وجهو .. التفت ع اختو يلي مكتفة وعم تزورو وتفاجىء فيها فكر حالو لحالو بالسيارة
مجد :انتي هون 😒😒
زينة :لا هنيك .. بس ماكون نزعت عليك اللحظة
مجد :مادخلك
زينة :شو هالسرعة
مجد :سرعة شوو
زينة :حاسة حالي رح صير برا
مجد :😒😒
ابتسم وسحب الكيس من على التابلو ليشوف الهدية شوفيها
زينة :عفكرة هدية عادية
مجد: مو عادية ابدا (ابتسم ابتسامة حب وهو عم يرفع غطا البوكس يلي بداخلها )
#########باااااااااااك#######
ضحى :ومن بعدها صرنا نتواصل ع الموبايل وصرنا نحب بعض
صوت من برا :يلااا يابنات بدنا نروح
قامو البنات ليروحو مع امهاتن
__________________________________
بالمشفى
يحيى رشف رشفة قهوة وقال :هاد يلي صار
ياسمين مستغربة :غريب
يحيى :شو الغريب
ياسمين :انت عم تقول انو هالشب ازعر ومشكلجي .. الغريب انو بابا ليش مهتم فيه
يحيى :لا فهمتي غلط .. ابوكي مابيهتم فيه .. عم قلك اجا وبهدلو قدام الكل
ياسمين :لا ماني فهمانة غلط .. ماهو هاد مجد رفيق اخي تحسين وابي حسيت انو بحبو لانو مجد بزورنا بالبيت وبيقعد مع ابي شخصيا .. واليوم تحديدا ابي خلاه يقعد معنا .. يعني مع العيلة وماعملا من قبل مع حدا الا اذا كان قريب كتير
يحيى :اممم مشان هيك مجد مانطق بولا حرف قدام ابوكي.. لانو هاد واحد مابيحترم حدا ومابيسكت لحدا
ياسمين : في لغز بالقصة .. وانا مستغربة من ابي كيف بلفي هيك واحد
يحيى :مابعرف
ياسمين :طيب بركي هالشب ادمي وانتو ظالمينو
يحيى :بصراحة انا ماشفت منو شي لهل الشب .. ويلي عملو اليوم كردة فعل ع الشي يلي عملوه معو اهل الضيعة ..وعحد علمي رجع يصلح كلشي خربو
ياسمين :هو بحب اختك ليش مابتعطوه
يحيى :محدا قدو رح يحبها لاختي .. بحبها بطريقة غريبة .. شقد جاب جاهات وشقد عمل واسطات واشقد اكل بهادل وهو ماتراجع وكل مرة بزيد اصرارو عليها ..
ياسمين : نيالا اختك في حدا بحياتا بحبا بجنون
يحيى : هلأ اختي نيالا .. طيب ليش مانك شايفة يلي بحبك بجنون
ياسمين : بتعرف شو بلشت اقتنع بشرط ابي .. لانو بس الرجال يلي بيتجرأ ويتقدملي ... لو مثلا مجد هو يلي بحبني متأكدة رح يقبل بالشرط بدون اي اعتراض .. حتى انتو اطلبو متل شرط ابي متأكدة رح ينفزو فورا .. اما انت ماعندك الجرأة تعمل شي
يحيى : ياسمين ليش عم تظلميني والله انا بحبك وعم اعمل كل جهدي لحتى اجمع المهر .. بدي لما روح اطلبك روح وانا قوي ..
ياسمين :ويمكن بابا مايطلب منك شي ..
يحيى :وبركي طلب .. بدي اقعد بازر عليكي وقلو لو سمحت نزل شوي .... انتي مابتتبازري .. وصدقيني لو طالب الف لجمعن ... وابوكي عندو حق يطلب فيكي هالمهر
ياسمين : يطلب فيكي ؟؟ ... ابي مارح يبيعني والمهر بالنهاية رح يرجع الي والك
يحيى :والله ماقصدي هيك
ياسمين :طيب خلينا نطلع لفوق مابدي حدا يشوفنا قاعدين مع بعض
يحيى : زعلتي
ياسمين مع ابتسامة :قلبي مابطواعني ازعل منك
يحيى التفت حوليه وهمس :بحببك
ياسمين :شووو حكينا
يحيى :اسف .. بس خلص خلص بوعدك ماضل غير شوي 😉
________________________
العيلة كلها نامت .. بس في صوت عم يهمس تحت غطا ضحى يلي عم تحكي مع حبيبها
ضحى :اي مابدك تقلي شوعملت مع اهل الضيعة لحتى قايمين عليك
مجد :والله انا ادمي بتعرفيني
ضحى :مجدد انا بعرفك .. قلي اكيد خابص شي خبصة جديدة
مجد :يمكن من يومين شافوني تنين من رجال الضيعة كنت واقف عند مدخل الضيعة بالسيارة وعم اشرب .. وصارو يسمعو حكي
ضحى :نعم .. نعممم
مجد.:شبك
ضحى :شو كنت عم تعمل
مجد: عم اشرب
ضحى :شو عم تشرب
مجد :سم الهاري شوبدك هلأ انتي
ضحى :اي والله سم الهاري .. لك ماعأساس وعدتني تبطلو وعأساس بطلتو
مجد : ماعم اقدر بطلوو
ضحى : وين شاني عندك
مجد :شانك مافي اغلى منو بس ماعم اقدر.. كوني معي ببطلو غير هيك مابقدر .. هو الوحيد يلي عم يصبرني
ضحى :حاج تتحجج بحجج باطلة .. لك مابتخاف من ربك انت .. بتعرف شو يمكن مشان هيك الله ماعم يوفقك ... لانو عم تعصيه
مجد : طيب سكري مابدي اعلق معك
ضحى :لا مابدي سكر قبل ماتوعدني انك تبطول
مجد:ماشي ..ماشي
ضحى :وعدني
مجد :خلص الرصيد يلا باي
ضحى :لاتضحك عليك خطك ثابت ..
مجد :ياربي
ضحى :مافي تروح تعا لهون
مجد :يلا جاي قوليلي ع وين
ضحى لا تجدبها متل عوايدك
مجد: طيب ضحى فهمنا .. قلتلك ماعم اقدر .. لحتى تصيري عندي ساعتها عملي فيني يلي بدك اياه .. اصلا انا من بعدك مابدي شي .. لانو انتي الروح والكيف والخمر يلي بنسيني الدنيا ...
ضحى :بلش يستشعر
مجد :انو هالشغلة الوحيدة يلي بعرف اتقنها وهية انو اتغزل فيكي ما متلك كلمتين عبعضن مابتعرفي تحكي .. بس شاطرة بكلمة بحبك
ضحى :لتكون ماعاجبتك كلمة بحبك
مجد :شو ماعاجبتني .. لك مابتعرفي هالكلمة شو بتعمل فيني .. هالاربع احرف عندي اياهن احلا من الاف القصايد الشعر .. بتعرفي ليش لانن طلعو من قلبك ومرو ع صدرك وطلعو من شفافك
ضحى : مجد
مجد :عيونو
ضحى :بحبك
مجد :يا وييللل حالي ..
ضحى :ههه طيب انا حابة اسمع كم كلمة من حكيك الحلوين تبعوت الغزل
مجد :اممم .. شو عاملة هلأ
ضحى :نايمة بتختي ومتخبية تحت الحرام مشان محدا يسمعني
مجد :ع اي جنب متسطحة
ضحى :بلشنا قلة ادب
مجد :الله يسامحك هلأ انا قليل ادب
ضحى : مافي شب الا ماعندو قلة ادب
مجد :طيب شو شفتي من قلة الادب مني
ضحى :بصراحة ماشفت شي
مجد :اي لتصيري عندي بفرجيكي اياها
ضحى :غليييظ ههههه
مجد :يسعدلي هالضحكة
ضحى :ليش عم تسال ع اي جنب نايمة
مجد :بدي اتخيلك مشان يجيني الوحي
ضحى :طيب ع جنبي اليمين
مجد : سمعي هي .. يامن تمددتي على جنبك اليميني .. وانت بالفعل متمددةبقطعة من صدري اليساري ... اخاف ان تزعجك دقاته او حرارته لكن لايستطيع لانه ينبض بهواكي ... يامن تمددتي على جنبك اليميني .. وانا اتمنى لو كنت غطاء وسادتك لكي اغمر خدك الجميلي ... لكن ومع امنيتي اتمنى لو تبدلي يمينك بيسارك لكي يكون لي حصة من خدك الشمالي .. واحتضنه بقوة واقول له انت وصديقك ملكي لي ولااحد سوايي .. يامن متربعة على عرش قلبي اود ان اقول لك اتنفسك واعشقك واهواكي يامن ملكتي فؤادي .. وبحبك .. خلص هيك مابعرف شو خبصت بس ماشي حالن 😅😅
ضحى :وبموت فييك
مجد :يلا حبي نامي اتاخر الوقت
ضحى :مالي نفس
مجد :ولا انا بس مشان صحتك يا روحي
ضحى :بس موضوع المشروب بدنا نرجع نحكي فيه
مجد :بامرك
ضحى :ما يامر عليك ظالم .. يلا تصبح على خير
مجد :وانتي من اهلو
_______________________
تاني يوم الصبح
ببيت الشيخ
كان عم يتمشى بحديقة البيت وعم يتعكز ع عكازة ..طبعا هو مابحاجتا بس للبريستيج 😅😅
قرب منو تحسين وصبح عليه ومشي جنبو
تحسين :صباح الخير ابي
الشيخ :اهلين ابني صباح النور
تحسين :انا نازل جيب ياسمين من المشفى وبدي مر ع السوق جيب شوية غراض لامي .. بدك شي مني
الشيخ :بتمر لعند ممحدو وبتسألو الارض شو ناقصها .. لانو مبارح قايل لاخوك خالد قال بدو سماد للأرض
تحسين :وليش السماد .. الارض ماناقصها شي
الشيخ :متأكد
تحسين :اي والله متأكد .. وكمان حرام كترة السماد للارض .. المحاصيل بتنتزع ...بس بتعطي شكل اما طعمة مافي .. هلإ الارض صح بحاجة سماد ومغذيات بس اذا كترنا حرام
الشيخ :طيب انت ادرى بهل الموضوع ... ابقى مر عليه وفهمو شقد يحط للأرض .. ((تحسين مهندس زراعي))
تحسين :ماشي .. بتأمر شي تاني
الشيخ ابتسم وقال :مجد شفتو مبارح ؟
تحسين :لا ليش ما اجا لعندك
الشيخ :هههه لا
تحسين :اااخ من هالزلمة .. الله الوكيل مافي براسو ولاصوص
الشيخ :بالعكس عجبني انو ما اجى
تحسين :ليش .. لازم تعصب .. بتقلو تعا ومابيجي هي كبيرة
الشيخ :ههههه لا مو كبيرة ابدا .. مجد كان معصب .. ولو اجا وهو معصب يمكن كان يحكي شي ويكبر معي بالحكي ويمكن هو مارضاها علي مشان هيك ما اجا بس اكيد رح يجي اليوم
تحسين :واذا ما اجا ابعتلك وراه
الشيخ :لا رح يجي
تحسين : شو سبب ثقتك فيه
الشيخ بقلبو : لانو طالع لخالو
الشيخ : احساسي هههه
تحسين :طيب انا رايح بتوصيني بشي
الشيخ :لا روح الله يرضا عليك
ترك ابوه واتوجه ع سيارتو .. ركبها واتوجه من البوابة ليطلع .. وهو طالع بيطلع بوجهو مجد جاي بسيارتو .. هون تحسين بيضحك
وبقربو من بعض ليصيرو الشبابيك ع بعضها ..
مجد :شو يلي عم يضحكك
تحسين :شوفتك
مجد :مابعرف شوفتي بتجيب التفائل
تحسين : كتيير
مجد :منيح .. وين رايح
تحسين :ع المشفى جيب اختي
مجد :الشيخ وينو
تحسين :ناطرك
مجد :طيب روح مابدي اخرك .. وانا فايت اكل بهدلة
تحسين : اما شو بهدلة ناطرتك
مجد :ههه ادعيلنا لكن
تحسين :الله يكون بعونك
ضحكو تنيناتن .. تحسين كمل لبرا ومجد كمل لجوا
دخل مجد بسيارتو وطلع بوجهو اخوه لتحسين طارق نزل من السيارة وحكي
مجد : مرحبا وين ابوك
طارق :عم يتمشى بالجنينة
مجد :ماشي
وكمل لعندو .. كان قاعد على مقعد تحت شجرة جوز .. وعم يرش اكل للبط و الوز
قرب منو مجد وقال :صباح الخير
ضحك وقال :اهلين صباح النور
مجد :كيف رضاك علينا
الشيخ :ههههه تعا تعا
قرب وقعد جنبو
حط ايدو ع ركبة مجد وقال :اهلين والله
________________________________
بعد ايام
ببيت ضحى .. فتحت باب غرفتها واتأكدت انو مافي حدا وراها .. وسكرتو بهدوء وراحت لعند الشباك طلعت موبايلها مع صدرها واتصلت بمجد
مجد :روحي .. كيفك
ضحى :الحمد لله
مجد: دووم ياقلبي .. مشتقلك
ضحى :وانا كمان .. بس بتعرف شو صار وماعم نسترجي نطلع ع محل
مجد :محلولة باذن الله
ضحى :ان شاء الله
مجد :ماخبرتو شي عن منهل
ضحى :لا والله .. من هداك اليوم وهو مختفي
مجد : وحدا عم يجي ع بيت عمك
ضحى :اجو دورو عليه ومالقوه .. بس مابظن يسكتو
مجد :اكيد مارح يسكتو هي اغتصاب مو حيلله
ضحى :كأنك شمتان
مجد :اعوذ بلله نكون من الشامتين
ضحى :اصلا ابن عمي مابيعملا .. عم يفترو عليه
مجد :بجوز
ضحى :وكأنك مانك مصدق .. مالحق عليك الحق علي يلي عم فشلك قلبي
مجد :يقبرني قلبك انا
ضحى :طيب روح هلأ رايحين ع بيت عمي
مجد :شوفي
ضحى :بابا قال .. مشان نضل جنبن بهل المحنة
مجد : اي لاتروحي لا انتي ولا حتى اختك
ضحى :ليش
مجد :في حركة موطبيعية بالضيعة وانا ماني مطمن
ضحى :حركة شو
مجد :يمكن اهل البنت .. متل ماقلتلك لاتطلعو من البيت
ضحى :لا تخوفني قلي شوفي
مجد :خلص روحي انقبري
ضحى :ليش هيك عم تحكي معي
مجد :عم قلك في حركة مو طبيعية وخليكي ببيتك .. هاد يلي عرفتو ... مابعلم بالغيب لحتى خبرك كلشي
ضحى :لئيم
مجد : اي لئيم وهاد يلي عندي يلا قحطي
ضحى :رح تندم
مجد :ماشي .. رح اندم
ضحى :ورح روح
مجد :روحي
ضحى :وما باي
سكر بوجها .. وهية صارت تسب وتشتم
ضحى :انابفرجيك يا متعجرف .. لسه مفكرلي حالو شي شغلة .. وبدو الكل ينفز .. هو مابكون في شي بس بدو يخوفني وفرجيني انو هو رجال .. بسيطة يا مجد جكر فيك رح روح
_______________________
عند مجد
كان عم يحكي مع ضحى وهو راكب بالسيارة وصافف قدام بيتن وكأنو من شزي وصل.. فتح الباب ونزل .. قدام البيت مزروع ورد وعليهن نبريج عم يطلع منو مي .. والظاهر حدا من شوي حطو لينسقو الوردات .. رفع النبريج وشرب منو .. وصار يرش ع وجهو مي .. ورما النبريج مكانو وكمل ع البيت .. زينة كانت شايفتو من الشباك وطلع ومعها منشفة .. وعطتو اياها
مجد : عُمر
(عُمر :كلمة قروية بتستخدم للشكر والدعاء بالعمر الطويل )
نشف وقعد ع الصوفاي يلي موجودة ع المسطبة قدام باب البيت .. وزينة قعدت جنبو
زينة :مجد شو صاير بالضيعة
مجد :شو صاير
زينة :يا الله منك غلاظتك معد تبطلا
مجد :ههههه شبك
زينة : شو صاير
مجد : ليش ماعرفتي
زينة : عم تجدبا ولا عم تسالني
مجد : ههه لا عم اسألك ماخبرتي شو صاير
زينة : لا والله
مجد : ماعم تحكي مع ضحى
زينة : لا اصلا مامعها موبايل
مجد : هههه بس معي عم تحكي
زينة : ليك الندلة انابفرجيها
مجد : شو انتي حبيبا ههه
زينة :حسابا بعدين بس هلأ قلي شو صاير
مجد : ابن عمها منهل
زينة : اي شبو
مجد :ماكان بيشتغل عند مسؤول شوفير عند بنتو
زينة :اي بعرف
مجد :متهمينو انو مغتصب بنتن
زينة :عنجد ؟؟؟؟
مجد :والله هيك خبرت
زينة :هو مغتصبا ولا اتهام
مجد :منهل ادمي مابظن يعملا
زينة :طيب ليش ليتهموه بشغلة مو عاملا
مجد :مابعرف علمي علمك
زينة : بقطع ايدي اذا انت مابتعرف القصة كلا حتى بحذافيرا
مجد :ههههه هلأ انا هيك
زينة :هو انت يلي هيك .. اختك وحافظتك
مجد :محظوظة فيني ماهيك 😉
زينة :ليك كيف بغير السالفة
مجد :ههههههه انت شوبدك بهيك شغلات بتوجعي راسك فيها لابيقربونا ولا بهمونا
زينة :بدي اعرف
مجد : ليش مشان ماتموتي اذا ماخبرتي
زينة :هيك شي
مجد :قومي حطيلي غدا جوعان
اتطلعت فيه بطرف عينا وقالت :لتكون انت عامل معو هيك
مجد :مجنونة انت .. ليش شوبدي فيه لاعمل انا معو هيك
زينة :مشان ضحى
مجد :مشاان ضحى ؟؟ليش شو جاب منهل لضحى
زينة :ابن عمها..و بركي بدك تنتقم منو لانو ماعم يعطوك ضحى
مجد :ليش منهل شو دخلو بضحى اذا بدن يعطوني اياها او لأ
زينة :ماهو بدو ضحى
مجد بصدمة :مين قال هالحكي
زينة :ضحى بالزمنات بس هية رفضتو
مجد :وليش مامعي خبر
زينة :لا تجدبا
مجد بجدية :والله مابعرف .. ايمت صار هالحكي
زينة :ماعد اتذكر
مجد :طيب لما ضحى كانت عم تحكي معي ولا قبل
زينة :لا وانتو مع بعض
مجد :وليش ماخبرتني هالحيوانة .. انابفرجيها
زينة :يمكن ماحبت تقهرك .. والشلغة انتهت بأرضا
مجد : بسيطة محلولة
زينة : يعني ما انت يلي لفقتلو هالتهمة
مجد : بتعرفيني ابن حرام شي
زينة :ما بحط ع زمتي ههههه
مجد :يا بنت الحرام
قامت وركضت لجوا وهو اتنهض ليخوفا .. بس مالحقا ورجع قعد مكانو وهو مبتسم
مجد انسمحت الابتسامة ع وجهو وحكي بتوعد:بسيطة يا ضحى عم تخبي عني
______________________________________
عند ابوومنهل
العيل مجتمعة نسوان ورجال .. بالمضافة
ابو منهل : انا خايف .. الوضع مابطمن .. يعني معقول لهلأ ماعملو شي ..
ابو ناصر :بكونو عم يدورو على منهل .. الله لايوقعو بين اديهن
ام منهل :آاااامين
ناصر :وانا رأيي من رأي عمي .. سكوتن بخوف
ابو جابر :اكيد عم يخططو لشي .. لازم نكون منتبهين
ضحى : اي لازم تاخدو احتياطاتكن لانو في حركة غريبة بالضيعة
الكل اتطلع عليها بصدمة .. وهية بلعت ريقها بخوف
ناصر :شوعرفك انتي
ضحى :ااااه .. اي .. شفت واحد غريب عن الضيعة مرق من حدنا ونحنا جايين
ندى :ما انتبهت ايمت
قرصتا ع رجل ندى بقوة .. وندى حبست وجعا وسكتت
ضحى : لك انتي ما انتبهتي .. بعدين هيك حسيت منظرو مو مريح .. لازم تاخدو احتياطاتكن ..
بعو انظارن من عليها وهنن مو مقتنعين
ام منهل :ياقلبي عليك يا منهل وين اراضيك
ابو منهل :منهل شب ومابينخاف عليه .. المهم مايوقع بأديهن
الكل :آااااامين
ندى سحبت ضحى وهمست بادنا :هلأ بدي افهم كلشي
ضحى بهمس :مجد خبرني
ندى :ياحقيرة .. كيف عم تحكي معو
ضحى بأبتسامة خبيثة :من موبايلك يا جدبة
ندى :يا وااطية .. انا بفرجيكي.. هلأ بدي اخفيه
ضحى :هههههه جدبة
ندى :حسابك بالبيت
___________________________
قبل مدخل الضيعة بمسافة .. واقفين عدة سيارات سودة ومفيمة .. رن موبايل واحد من الاشخاص فتح الخط :شو الوضع
: معلم كل العيلة مجتمعة
: وهالحشرة معن
:لا معلم مختفي
: في بنات
:اي معلم في بنات
: حلوو .. يلا جايين
وسكر الخط ودور السيارة ومشي بسرعة كبيرة والسيارات البقية لحقوه بنفس السرعة
_______________________
لحظات رعب وهلع عم تمر فيها اهل الضيعة بيت ابو منهل مطوق بالمسلحين .. وكمان مجموعة تانية واقفة لترد اهل الضيعة .. بس بالحقيقة اهل هالضيعة لابتحل ولابتربط اجبن من هيك مافي
العيلة كلا جوا واقفة ع اعصابا ورا الباب وخايفين
اجاهن صوت من برا : طلعوو حاج متخبين متل الحريم .. طلعووو واجهووني ... طلعوو سلموني يلي تطاول علينا ... طلعووو
ناصر :خلينا نطلع نواجهن
امو :لا شوو تواجهن مانك شايفن كيف مسلحين هدول مو مصلين ع النبي
طبعا اشكالن مابتنوصف الرعب مزلزلهن ووجوهن مابتتفسر
وضحى عم تندب بينا وبينا حالا وتقول :ياريت سمعت كلامك يا مجد .. ياريت .. تعال انقذني يابطلي
ضحى : مابصير هيكك .. لازم توقفوهن عند حدن وتفهموهن انو منهل مادخلو .. العماا مافي بهل الضيعة رجال واحد
ابوها :اخرسي احسن ماكومك بارضك
سكتت ورجعت لورا وقالت :ابوي ماشاطر غير ع امي ..
مافي ثواني الا اندفع الباب وانفتح على مصرعيه .. وفاتو رجال كتار .. وصوبو السلاح عليهن
ابو ناصر :والله الشب مانو عنا .. وكمان مستحيل يعمل هيك
من بين الرجال دخل الرئيس تبعن .. كان ماشي ورجالو عم يفسحولو الطريق ليدخل .. ماشي بكل غرور ..
:وين مخبينو
ابو منهل :والله مانو هون .. وهلأ عم نقول لرجالك انو مابيعمل هيك
: بدي رااس منهل .. ويننووووو
ناصر :ماا ..
سكتو وقال لرجالو :جيبولي وحدة من هدول البنات بدي اخد شرفها متل ما اخوهن المحترم اخد شرف اختي
البنات بلشو يصرخوو .. بخووف .. ويرجعو لورا يتخبو ورا الرجال .. والرجال حاولو يدافعو عنن بس المسلحين كانو اقوى .. ضربو الرجاال وقربو من بنت عما لضحى اسمها اريج وسحبوها وسلموها لرئيسن .. مسكها من دراعها وسحبا لبرا .. وكلون قامو يلحقوه بس المسلحلين عم يمنعوهن ..
اريج عم تبكي وتصرخ بين اديه : بااابااا ... مااااماااا ...ساااعدوني ...
ناصر يحاول يهجم عليهن ويفك بنت عمو بس كانو يضربو ويوقعوه بالارض . ونفس الحال جابر والابهات .. كل ماواحد يحاول يأنقذ البنت كانت تجيه ضربة توقعو .. والنسوان عم يصرخو ويلولو .. وعم يحاول يقربو بس المسلحين عم يمنعوهن بس بدون ضرب ...
الشب كان معو اريج وواقف داخل حلقة من رجالو .. من جهة اهل الضيعة عم يحاولو يأنقذو البنت والجهة التانية اهل البنت عم يحاولو يقربو وكلن ماعم يقدرو يقربو من الحاجز يلي من المسحلين .. العالم ضجت واصوات عالية بس مو مفهومة
ضحى عم تبكي ع بنت عما وتحاول تضرب المسلح يلي قداما .. وهو متل الحيط ماعم يحرك .. لحتى اجت عينا على عين مجد يلي واقف عجنب عم يشاهد بصمت وعم يدخن وكأنو هالامر مابيعنيه .. وعيونو بس على ضحى .. اتطلعت فيه وترجتو بعيونا يساعدن .. رفعلا بأديه انو مافي باليد حيلة 🤷♂️🤷♂️
انقهرت منو كتير .. لانو عم يتعامل معها ببرود كالعادة
صرخت بصوت خلت الكل يسكت
ضحى :وقفوووووووو
الشب اخو البنت التفت عليها
ضحى :انت بدك منهل .. خدني انا هي البنت مادخلا ... اذا بدكن منهل يرجع خدوني انا ومنهل بسلمك حالو
الشب : ومين انتي بلا صغرة
ضحى :خطيبتو وبنت عمو .. وهو بحبني كتير ..
الشب : وبركي مارجع
ضحى : انا عنكن
امها :لك خرسي يبلاه بقصو لهل اللسان
الشب ايدي ارتخت عن اريج يلي راحت بسرعة لحضن امها .. وواحد من المسلحين مسك ضحى من دراعها وسحبا .. وامها قامت متل المجنونة تفلتلا بس بسرعة فصلوهن عن بعض
ضحى : ايدك هيك انا بمشي
مشت لعند الشب وعيونا على مجد يلي ملامح الغضب بانت ع وجهو ورما السيجارة من ايدو وقرب من المسلحين بدو يقطع بس منعوه
مجد :هيييي ... انت
اتطلع عليه وقال:مين انت كمان
مجد :اذا بتلمسا بتعتبر حالك ميت
: هههههه انت بدك تقتلني
مجد :لايغرك المظهر .. وبحط راسك تحت تحت صرمايتي
: مين انت ولاا
مجد :خصمك يلي مارح يرحمك
:ههههه
رفع ايدو ليمسك ضحى بس وقفو صوت مجد صوت مزلزل :وقففففففف ....
ايدو بالهوا بعدها .. وعم يتطلع على مجد
: هداك خطيبا وانت عشيقا
طااااااخ
اجاه كف من ضحى متل فرااق الوالدين
:ياحقيرة عم تضربي ..
رفع ايدو ليردلا الكف
بس رجع وقفو صوت مجد :اصحك تلمسا .. بدك منهل خلال ثواني بكون عندك
نزل ايدو والتفت ع مجد وقال :ثواني ؟؟
مجد بتحدي :ثواني
: وينو
مجد :يااامرااااد
فجأة ظهر مراد وعم يدفش قدامو منهل يلي مربطو وحاطتلو لزقة ع تمو
الكل كان بحالة صدمة .. فتحولو طريق لمنهل .. ومجد دخل معو ومراد وقف عجنب
قرب مجد من ضحى وهمس بأدنا رجعي لعند اهلك وحسابك بعدين
ضحى :ياحقير عم تسلمن ابن عمي
مجد :رووحي من وجهي
راحت لعند اهلا وهية مقهورة من تصرف مجد الا اخلاقي