#احببت_ازعر
#الجزء_السابع
#بقلم_مريم_اليوسف
عند الحلاق ابو سامر
ابو سامر :وهاد كلشي صار
منهل : رب ضارة نافعة
ابوسامر :اي والله حتى جاري مكيف .. مقلي الزيت عندو بضل يلحمو لانو بسرب زيت .. اجاه مقلي جديد ..
منهل : يعني عم ابو سامر بزمتك .. لولا مجد بتغيرو عدتكن
ابو سامر :لا والله
منهل :يعني مايكتر خيرو
ابو سامر :اي والله
منهل :لكن ليش الكل قايم عليه .. ليش بدكن تطالعوه من الضيعة شو عم يأذي ... اصلا لو ماانتوبلشتو مابيجي وبخرب بس بعد ماخرب صلح كلشي .. حتى انا ساعدني
ابوسامر :ماشفناه جايبك شحط
منهل :ههههه ماهو مجد بحل المشاكل بالتخريب
ابو سامر :هههههه اي والله جبتها
ابو سامر نفضلو رقبتو بالفرشاية وقال نعيما
منهل :الله ينعم عليك ..
وقف حاسبو وطلع وابو سامر مشي لعندو ع الباب
لقو جمعة قدام المطعم
ابوسامر :خير يارجال
: والله يا ابو سامر مية السرح معد نقدر نمون عليها
ابوسامر :شو هالحكي
: متل ماعم قلك .. رجال الحريقة عم يقطعوها .. وانت بتعرف هدول مابينحكى معن .. اذا اخ قتل اخوه بكل دم بارد مشان متر ارض
منهل :وشو الحل ..
: والله مابنعرف رح ننطر اسبوع زمان بركي الله بيهديهن
منهل : وبركي مامشي الحال ارضينا بدا تضل بلا مي
ابوسامر :مافي طريقة الا نحفر آبار
: اي ابو احمد عأساس بدو يحفر وراح يشوف دقاقة
منهل :هلأ بالضيعة محدا حافر ابدا
ابو سامر :في كم واحد حفر .. مع مجد لما كان يشغل ع الدقاقة
:الحق علينا ماكنا نسمع منو ونحفر ... عجز فينا وهو يقنعنا ويقول انو مية السرح مابتدوم بس محدا يرد عليه
منهل : ليش
ابو سامر : اولا مابدن يدفعو مصاري .. وتاني شي ماكانو مقتنعين بحكيو انو واحدا ازعر فلتان بدو يقلنا شو نسوي ... وتالت شي مع مجد حصرا ماكان بدن يحفرو
منهل :الله يصلحكن
ابو سامر :اي والله .. انا مني وعلي بأيد مجد بكلشي .. وبشهد قدام الكل انو مانو ازعر واحسن واحد بهل الضيعة
منهل :وانا معك بهل الحكي ..
صاحب المطعم :وانا كمان .. مجد شب انظلم بينا كتير
منهل :بس حكينا هاد مارح يقدم ولايأخر ..
ابو سامر :مجد قلبو طيب .. ومارح يكرهنا
:عحد علمكن يا جماعة .. مجد لسه عندو الدقاقة .. بركي بيحفرلنا آبار
ابوسامر :عحد علمي لساتا عندو
منهل :لكن محلولة انشاء الله .. يلا ياجماعة بالاذن
مشي منهل وراح .. وصارو يحكو الرجال بين بعض .. انو مستحيل يقطعو المي واكيد رح رجيبوها .. ويمكن فكرة الآبار كلا مايستخدموها
اجا شب وهو بيشتغل عند المختار
الشب :السلام عليكم
:وعليكم السلام ورحمة الله وبركاته
الشب :بقلكن المختار اليوم كلكن مجموعين عندو بالمضافة
ابو سامر :خير .. ان شاء الله مشان موضوع المي
الشب :لا لا .. يمكن المي بكرا يفتحوها ...
:لكن لشو هالاجتماع
الشب :شيخ عشيرة الورد الشيخ نمر .. جاي معو جاهة كبيرة ع الضيعة
:شو بدن يخطبو بنت المختار ؟؟
الشب :والله ماعرفت .. بس قال خبركن
ابوسامر :اي نحنا يلي بنحضر
الشب :يلا السلام عليكم
_______________________________
عباب المدرسة
طالع بكر .. ورايح يركب بسيارتو يلي قديمة شوي .. بس مناسبة لوضعو .. وقبل مايوصل لسيارتو .. وقفت سيارة المختار .. يلي بتشبه سيارتو نوعا ما .. ونزل منها ..
المختار :مرحبا يا ابو ناصر
بكر :اهلين مختار كيفك
المختار :الحمد لله بخير .. رحت لعندك ع البيت مالقيتك قالولي بتكون هون
بكر :اي مختار قلي ..شوفي
المختار :الشيخ نمر جاي عضيعتنا اليوم
بكر :ايي
المختار :طلب مني اجمع كل اهل الضيعة عندي بالمضافة هو جايب معو جاهة كبيرة من كل الضيع والعشاير وطلب مني اجمع كل اهل الضيعة .. هو كان لازم الاجتماع عنكن بس العالم مابتسع عنكن فقررنا نعملا بالمضافة من بعد اذنك
بكر :مافهمت ؟
المختار :جاي مشان مجد والمحروسة بنتك
بكر عصب وقال :هالقصة معد نخلص منها .. معد نخلص منها
المختار :مشان الله روق .. بس الشيخ نمر جاي لعنا مابدنا نردو
بكر :وانا بنت ماني مزوجا وقلن لايجو ويتعذبو
المختار :يا استاذ بكر .. انت استاذ وبتفهم ... مابدنا نسود وجهنا قدامن .. خلص جايين ماحلوة نقلعن .. بنقلن اهلا وسهلا وبنقوم بضيافتن احسن ضيافة وبنتك وانت حر فيها محدا بيجبرك تزوجا
بكر بنفاذ صبر : اي طبعا بنتي وانا حر فيها .. بس شو المطلوب مني
المختار :تكون موجود انت واخواتك وولادك بالمضافة .. مشان الضيعة ومشان سمعتنا .. بدنا نستقبلن بأستقبال يليق فينا وفيهن
بكر :ان شاء الله ..خلص مختار ولايهمك
المختار : وهاد العشم فيك يا ابو ناصر .
_____________________________
رجع ابو ناصر ع بيتو وكان الوضع هادي ومافتح سيرة نهائيا .. وضحى كانت معتزلة بغرفتها .. حكي مع اخواتو وولادو بشكل سري عن طريق الموبايل وخبرن انو رح يجتمعو المسا بمضافة المختار .. طبعا الخبر طش بكل الضيعة .. والكل صار يتسأول شو سبب هالزيارة يلي بتشرف .. وطبعا كل دفعن الفضول انن يجتمعو المسا بمضافة المختار
__________________________
بمضافة الشيخ نمر مجتمع هو وكبارية ووجهاء الضيع والمناطق المعروفة
الشيخ :اهلا ووميت رحب بضيوف الرحمن .. نورتو ديارنا وضيعتنا
الكل :اهلا فيك يا شيخ ..
حكي رجل :هلا فيك يا شيخ .. النور نورك ونحنا بحضورك مالنا نور الا نورك .. يا شيخ اليوم لبينانك وبكل قوة جيانك.. جينا نفديك بالغالي والثمين .. لانك يا شيخ مفضل علينا ولا مرة طلبناك ورديتنا خايب .. واليوم جينا نرد جزء من الجميل يلي مقدمو الي ولكل شخص بهل المجلس الكريم
الكل :صدقت يا ابو عزيز
الشيخ :يسلم تمك يا ابو عزيز .. واشهد بلله انكم كفو .. ويلي قدمتو هاد من عندو سبحانو 👆 ومساعدتي الكم من محبتي فيكن وربي شاهد علي .. اليوم طالبكن لتكونو معي ونجمع راسين بالحلال .. الشب حب الصبية واهلا معارضين ... وبدنا بجاهة الله وثم جاهتكن نروح مع هالشب لنطلب يد هالمستورة من اهلها .. ونفرح قلب هالشب يلي من اجدع شباب المنطقة
رجل :هالشب بكون ابنك ياشيخ
الشيخ :لا بلله .. مانو ابني بس يشهد ربي علي انو بغلاوة ولادي
رجل تاني :طيب مين هو الشب يا شيخ ..
رجل تالت: اي والله ياشيخ .. صار عنا فضول نعرف مين هالشب .. ونحنا بنعرف انت ما بتدمح بشخص الا اذا كان قد هالمدح
الشيخ :اي والله بيستاهل الشب... بس مارح تعرفوه اذا قلتلكن عليه وهلأ رح تتعرفو عليه لما نروح لعند الجماعة
رجل آخر : طيب ياشيخ ابن مين بكون هالشب
الشيخ : العرب بعمرهم ماسألو مين بكون ابوه الشب ... اول سؤال بيسألوه مين بكون خالو
رجل :صدقت يا شيخ ... طيب الفضول قتلنا
الشيخ :الولد بكون ابن اختي
الكل :والنعم منك ومن ابن اختك
رجل :اكيد هالشب رح يكون شيخ مادام خالو شيخ .. والولد لو بار تلتينو للخال
الشيخ :الله يحفظكم بحفظه .. مشينا يا رجال بعون الباري
الكل :مشينا يا شيخ .. قامو وطلعو من المجلس وتوجهو لعند السيارات ليروحو .. والشيخ مشي اخر واحد .. ووصل لعند الباب وكان ولادو كلن واقفين ..قرب من تحسين وقال :مجد وينو
تحسين :بالبيت من شوي حكيتو
الشيخ :بتخلقو خلقة بدي اياه يدخل معنا عمضافة المختار
تحسين :بامرك
الشيخ لباقي ولادو :وانتو امشو معي
تركهن ومشي .. والشباب مشو وراه
خالد لتحسين :ابوك شو قصدو بأبن اختي
تحسين :لك ليش ابوك عندو اخت بالاول .. بس يمكن مشان يمدحو قدام الرجال
خالد : اي عندو اخت وماتت من زمان
تحسين : عم تقول ماتت من زمان .. حاج تخرف .. امشي .. امشي
كل واحد توجه لعند سيارتو وانطلقو
_________________________________
وصلو عباب المضافة والعالم عم تستقبلن .. وتحسين ومجد وصلو
مجد:لك شوو صاير وليش جايبني لهون .. صاير شي
تحسين :جايين نخطبلك
مجد :نعممم
تحسين :متل ماسمعت .. نزيل خلينا نلحق نفوت مع الجماعة
مجد : ومين طلب منكن
تحسين :قال عأساس مانك ميت لحتى تخطبا
مجد :ما اختلفنا بس اكيد اهلا مارح يوافقو .. مابدي خجل ابوك ويلي معو
تحسين :اي ماعلى كيفن .. ابي جايب اكبر جاهة بالبلد كرمالك .. انقبر انزل
مجد :الله يستر ... تفضل
فتحتو بواب السيارة ونزلو وفاتو مع جماعتن
بعد التأهيل والترحيب والسؤال عن الاحوال .. كان مجد قاعد جنب تحسين وخالد ولولا العيب رح يطالع موبايلو ويشتغل عليه ويتجاهل الكل بس كرامة للشيخ ويلي معو ما عمل هيك .. وهو متأكد انو رح يطلعو مرفوضين .. كان سارح بكاسة الشاي يلي قدامو .. طبعا الارض مليانة ضيافة وكلها من احسن انواعها
الشيخ : لو سمحتو يا جماعة .. اسمعوني ..
الكل سكت وقالو :احكي ياشيخ
الشيخ :اليوم جيت انو هالوجوه الطيبة لضيعتكن وبتمنى ماترودنا خايبين... اي يا ابو ناصر نحنا جايين بخصوص لعندك .. وقاصدين الله وقاصدينك
ابو ناصر :احكي شو عندك يا شيخ
الشيخ :بعرف موقفك من مجد .. وانك مستحيل تعطيه ... بس انا طلبي غير كلشي اجا وطلب منك ايد هالبنت لهل الشب ... انا جاي لاعرف اسباب الي عم تخليك ترفض هالشب
ابو ناصر :اسباب كتير .. وانا مابدي اذكرها قدام الحاضرين كرمال قيمتو قدام العالم
مجد كان شارد قدمو وهو عم يسمع فقط
اما بالنسبة لناصر كان عم ينظرلو نظرات شماتة .. وبالنسبة ليحيى متعاطف معو وكذالك الامر منهل .. وكم شخص من الضيعة
الشيخ : طيب مابدك تحكي عن الاسباب مارح نحكي عن الاسباب .. هالشب قدامك شو بتحب تغير فيه ليصير يليق بكرميتكن ... طلوب شروط .. طلوب مهر يلي بدك اياه .. بس لا تقطعها
بكر :بدكن شروط .. انا جاهز
الشيخ :الشروط الك مو النا
بكر :عفوا ... بس اي عندي شروط
الشيخ :واعتبرها مجابة
ابو ناصر :لاتتسرع ياشيخ سمعها بالاول
رجال يلي جايين مع الشيخ بلشو يتوترو من حديث بكر يلي غير متزن .. ومابليق بالشيخ
الشيخ :تفضل يا ابو ناصر
بكر :الطلب الاول بدي اعرف من وين جاب هالمصاري يلي معو
الشيخ :هي المصاري مني انا
بكر : ما اقتنعت
الشيخ عصب وتنهض ليقوم وقال :شو قصددك يا ابو نااصر انا كذذاااب
ابو ناصر :محشووم يا شيخ .. ماكان قصدي .. بس شو المناسبة لتعطيه مصاري ...
الشيخ :بمناسبة اني خالو
الكل التفتت على الشيخ حتى مجد معن .. بش عرف انو عم يمزح
بكر (بصدمة ):خالووو؟؟
الشيخ :اي خالو عندك شك
بكر بردو ما اقتنع
بكر :لا .. انت وابن اختك على عيني وراسي
طبعا كل الموجودين من اهل محدا اقتنع بس فكرو انو عم ينسبو لابن اختو مجرد صفة
الشيخ :شو طلبك التاني ؟
ابو ناصر : يكمل تعليمو ويدخل جامعة
الشيخ :شو هالطلبات التعجيزية هي يا ابو ناصر
ابو ناصر :هاد يلي عندي
الشيخ :انت اطلب المهر يلي بدك اياه وان شاء الله يكون الف ليرة دهب مستعدين ندفع .. اما بدك الشب يروح ع المدرسة هيك كتير .. ولا بدك تطبق المتل بعد ماشاب ودوه ع الكتّاب ...ولنفترض وافق .. ايمت لياخد الجامعة ويتزوج
ابو ناصر :انا مابدي مهر لبنتي لانو انا مابدي بيعها
الشيخ :ومين قال انو المهر يعني بيع .. المهر بالنهاية راجع للبنت .. الا اذا الاب بدو يسرقو
ابو ناصر :حديثنا مابالمهر ..
الشيخ :يعني يلي بفهمو انو رح نطلع من مجلسكن ونحنا مردودين
ابو ناصر :اطلب روحي ياشيخ بعطيك اياها ..بس موضوع البنت لهل الشب صعب
الشيخ :وروحك مابتلزمني .. يلا يا رجال
وقف عكازتو ووقف معها
كل يلي بالمجلس وقفو
الشيخ : اسماع يامختار انا انرديت من مضافتك وهي كبيرة عند العرب
المختار :مشان الله يا شيخ لا تواخذنا .. بس الرجل بنتو ومابدو يجوزها شو ناخدها منو غصب عنو
الشيخ :لا يخليها عندو يخللها
ابو ناصر :كلكن عم تلموني لانو مابدي اعطي بنتي لهل البني ادم ... حدا من الحاضرين بيقبل يعطيه بنتو .. حدا بيقبل يعطي بنتو لمجد الازعر
الشيخ :انا
الكل اتطلع فيه وانصدم
الشيخ :اي شبكن .. اي انا .. بتمنى يكون مجد صهري .. واقسم بلله لولا العيب .. لروح اطلبو لبنتي .. بس رح اكسر هالقاعدة وقولا .. مجد ابني
مجد بصدمة :امرني شيخ
الشيخ :انا طالبك عريس لبنتي بتوافق
اتلبك مجد ومعد عرف شو يرد
الشيخ :بنتي ياسمين .. بنت الشيخ نمر .. يلي طالب مهرها ٥٠٠ ليرة دهب ..... بقدمها لمجد متل ماهية حتى انا يلي بدي ادفعلو المهر .. بتقبل يا مجد
مجد بتلبك :بتشرف فيك ياشيخ وبتشرف بنسبك وو.. وسكت
ضحك الشيخ وقال :بس مابدك اياها بعرف .. لانو قلبك بمكان تاني ... بس سامع يا ابني اذا قبلت تناسبني فأنا بتشرف فيك كتيير وبيتي بأي وقت مفتوح الك ..
الشيخ :يلاا يا رجاااال
مشو وهنن طالعين كان يحيى واقف عند الباب ومصدوم من الشي يلي سمعو ... اتطلع فيه الشيخ وحكاه بهمس :كنا حابين اناسبكن بس انتو مابدكن نسبنا
يحيى تلبك كتير .. وصار وجهو احمر وعرق ..
الشيخ تركو وطلع مع ربعو ركبو سيارتن وراحو
___________________________
مر يومين والناس مافي ع لسانها الا شو صار بمضافة المختار .. وهاد يلي يزود وهاد يلي ينقص .. يعني ضيعة من الآخر بس شاطرة بلت والعجن
طبعا ضحى صار عندا علم بكلشي صار .. بس ماتغير عحالتا شي هية بالاصل كانت مكتئبة وحزينة .. وبالنسبة الها كلشي انتهى . وعم تحاول تتأقلم ع وضعها الجديد .. اما مجد نفس حالتها بس كان يكابر على حالو كتير ومايظهر هالشي لحدا .. وكمان كان عقلو مشوش بالشي يلي صار .. وكأنو كان شي حلم .. في نقاط ماتوضحتلو وحيران .. بس الشي يلي خفف من حيرتو هو التفكير بالموقف يلي عملو معو الشيخ .. بدو يعطيه بنتو وببلاش .. بنت الشيخ نمر يلي كل العالم بتحكي عن حسنها وجمالها وكمان متعلمة ودكتورة ..بدو يجي يعطيه اياها هيك ببلاش..
_____________________________
ببيت مجد كان نايم بغرفتو ع الارض .. مع انو في تخت بغرفتو وهية غرفة نوم كاملة بس كان يفضل النوم ع الارض دائما .. انفتح الباب عليه وكانت ضحى وزينة
ضحى كان مبين عليها بكيانة
ضحى :زينة تركينا شو لحالنا
زينة :ماشي
تركتها وطلعت .. وضحى قربت منو ونزلت لعندو وصارت تفيقو
ضحى :مجد .. مجدد ..
فتح عيونو وانصدم فيها وتجلس بسرعة
مجد :شو عم تعملي هون وكيف جيتي
ضحى :مو المهم ... مجد انا جيت لعندك مابقدر عيش بدونك .. مجد ليش تركتيني لييشش .. انا عم موت بغيابك .. جيت لعندك ويلي بدو يصير يصير انا معد اتحمل بعدك عندي .. انت واحد حقير .. هيك بكل بساطة بتتركني وبتمشي وما بتسأل انشالله موت مانك داير .. المهم ترضي غرورك ... مجد انت عم تكرهني ماهيك
مجد :بعمري ما كرهتك .. بالعكس بكل مرة بحاول ببعد عنك بحبك اكتر واكتر ... بعدك عم يعذبني يا ضحى .. بس شو طالع بالأيد
ضحى :طيب ما تسأل عني ليش مقاطعني .. ماشقفت على حالتي
مجد :هاد الخيار الانسب .. ضحى نحنا مو لبعض
ضحى :لأ لبعض .. وهي انا جيت لعندك برجلي .. جيت اقتحم حياتك بتطردني ولا بتستقبلني
مجد :وباخدك بقلبي كمان
سحبها لحضنو وضمها بقوة وصارو يبكو مع بعض
دخلت زينة وقالت :مجد ... مجدد ... يااا مجد
مجد :خلص روحي هلأ
زينة عم تهزو ليفيق من نومو :لك مجددد ..فيق .. قوم الفطور جاهز
نقز واتجلس بسرعة وصار يتلفت حواليه
زينة :بسم الله عليك شو صاير معك
مجد عم يتلفت حواليه :وينا .. وينا
زينة :مين هية .. اكيد كنت عم تحلم قوم لنفطر
اتنهد بحزن وقال :اي جاي روحي انتي هلأ
............................
طلع ع غرفة القعدو لقا خالتو واختو حاطين الاكل ع الارض وناطرينن
قرب اخد كاسة شاي وقعد ع جنب
زينة :وين قعدت عجنب ماتجي تاكل
مجد :ماني جوعان
زينة :لك شو صايرلكن بهل البيت .. مابشوف غير الي قالب خلقتو
مجد :مين قالب خلقتو غيري ليش
خالتو :مراد
مجد :ليش .. ووينو مراد بعدين
زينة :في زلمة برا كان واقف معو
انفتح الباب ودخل مراد .. كمان نفس حركة مجد اخد كاسة شاي وقعد جنب مجد
زينة :لك قومو كلوو
مجد :قوم مراد كول
مراد :مالي نفس
مجد :شو صاير معك ..
مراد :ماصاير شي .. مين قلك
اتطلع مجد ع زينة وخالتو وقال :ماقلتلو شبو
خالتو :رحت طلبتلو بنت ابو محمود ورفضو
مجد.:وايمت هالحكي
خالتو :مبارح
اتطلع فيه مجد وقال :مشان هيك ضارب بوز
مراد :يضرب بوزك .. لا ماني ضارب بوز ليكني مافيني شي .. بعدين بوزي مابيطلع شي قدام بوزك ابو تلت شبار
زينة :دخيل بوزك وبوزو شو هالملافظ عند هالصبح
مجد : واي ليش ماعطوك
مراد :لأنن ولاد كلب .. اقسم بلله هالضيعة بدها حرق
مجد :صف حدي لكن هههههه
مراد :صفيت ههههه
مجد :مين كان برا
مراد :ابو اسماعيل
مجد :شوبدو
مراد :يحفر بير
مجد :ليك اذا بدك تشتغل ع الدقاقة خدها عحسابك .. بس انا ماكان بدي احفر لاهل الضيعة .. بس اذا انت بدك تحفرلن مارح امنعك
مراد : هعهه مافشرو .. كنت حابب اخدمن بس اقتنعت بوجهة نظرك والله مابيستاهلو شي هالضيعة الجربانة
زينة :طيب خلونا نطلع منها .. ان شو مستفيدين من هالقعدة هون الا سمات البدن
مجد :رح نطلع رح نطلع
مراد:عنجد
مجد :والله
مراد :والمزرعة
مجد:رح بيعها
مراد :اي والله ماحزرت .. بكل الضيعة محدا عندو مزرعة متل مزرعتنا بدك تبيعا .. اذا بدنا ننتقل لمكان تاني ونقعد مافي مشكلة اما تبيع هي مارح اسمحلك
مجد :طيب بسجلها بأسمك شو رأيك
مراد :لأ انا مابدي شي .. رح تضل بأسمك .. وهاد القرار الغبي شيلو من راسك
مجد :طيب شلتو ..
خالتو :هلا قربو كلو
مجد :صحة والله مافي نفس
مراد :وانا متلو
خالتن :اااخ منكن .. رووس ما بتتنجر
مجد لمراد :ابو اسماعيل ليش بدو يحفر ما عاساس انفتحت مية السرح
مراد : فتحوها كم ساعة وسكروها .. عم يتحكمو بالمي عكيفهن
مجد :للجهنم .. ان شاء الله بيشتهو المي ومابلاقوها
خالتو:حرام عليك يامجد تدعي عليهن وكمان المي عمرا مابتنرد
مجد :لكن نحنا ماحرام .. انا شو ذنبي ومراد شو ذنبو .. اصلا كل يلي عم يصير معن بسبب خطيتنا .. وحكين علينا طول هالسنين .... انا ماكنت رد عليهن بس في رب مابينسى حدا .. اول مابلشت اعتمد عحالي قلت بدي اشتري دقاقة ولولاكي ولولا دهباتك وكمان تحسين وشراكتو معي ماكنت قدرت جيبا .. وصرت ابرم عليهن واحد واحد انو خلينا نحفرلكن وبنص القيمة .. لك بالتقسيط .. كانو يقلعوني ويقولو نحنا مانا بحاجة مي واذا احتجنا مي مارح نحفر معك .. بدك احقر من هيك بشر .. والله لسه ليشتهو نقطة المي ومايلاقوها .. خرجن الله لايقيمن
مراد : اي والله معك حق ..
مجد :المهم شيلنا منن يقطعن ويقطع سيرتن .. بدي اشتري شقفة ارض بضيعة الشيخ نمر وعمر عليها بيت شو رأيك
مراد :بتعمل عين العقل
مجد :لكن لقوم روح لعند الشيخ وقلو
مراد :صحي مجد بدك تتزوج بنتو للشيخ
مجد :ليش رح يصحلي احسن منها
زينة :يعني ناوي
مجد :مو كتير .. عم فكر بالموضوع .. بس اذا قررت اتزوج مارح اتزوج غيرها
زينة :وضحى؟؟
مجد :ههههه ضحى صارت ماضي .. وكمان اسمها مابدي اسمعو بهل البيت .. صفحة وطوينها
حط كاسة الشاي فاضية بالارض وقام ع غرفتو
__________________________________
ببيت ضحى
دخل يحيى على المطبخ وقعد مع اهلو يلي عم يفطرو
امو :ما اجت معك
يحيى : خلص تركوها .. كمان اذا الواحد بدو يضل لحالو بدكن تمنعوه
امو :خايفة عليها يصرلا شي
يحيى :لا مارح يصير عليها شي .. فترة وبتعدي
بكر كان ساكت وماعم يحكي
ناصر :هلأ رح قوم فرجيها كيف تحزن وتنعزل ع المظبوط .. مشان تحزن بسبب
يحيى:انت ليش هيك همجي .. راعي مشاعرها .. هلأ بنظرك هية عم تبكي بلا سبب
ناصر :اي عم تبكي بلا سبب .. وين السبب بالموضوع
يحيى :قلبها مجروح .. بس شي طبيعي ماتعرف بشو عم تحس اختك لانك بعمرك ماحبيت .. لانك بلا قلب ... عفكرة الحب مانو بالايد ويلي عملتوه معها رح تتحاسبو عليه .. الزلمة شو عملكن اجا متلو متل غيرو ومن الباب ... جبلكن اكبر جاهة بالمنطقة .. خلص هية مقتنعة فيه خلوها تاخدو واذا عنجد مانو منيح خليها تتحمل نتيجة اختيارها .. بعدين في شي اسمو فترة خطبة .. هي الفترة مو بس للبنت للاهل كمان يمكن كنتو شفتوه من ناحية تانية ... انتو كسرتولا قلبا .. يعني بدال مانكون نحنا سندها نحنا كسرنالا قلبا
بكر :اييي.. شبك ..بلشت تعطينا محاضرات .. والله لو انت يلي مكسور قلبك مابتحكي هالحكي
يحيى : ومين قلكن انو قلبي ما انكسر انا .. وبسببكن ... البنت الي بحبها مابسترجي اتقدملا .. مجد عندو الجرأة اكتر مني .. بس انا بأيو عين بدي روح لعند ابوها واطلبها
بكر :ومين هاد يلي مارح يعطيك بنتو
يحيى :بابا انا بحب بنت الشيخ ..وبسببكن معد استرجي احلم فيها مجرد حلم .. انتو مابس كسرتو قلب ضحى وكسرتو قلبي انا كمان ..
تركهن وطلع عم يتصاروعو مع افكارن وكأنو بلشو يفيقو على حالن .. اصلا بكر من هداك اليوم وهو خجلان من حالو .. يلي عملو ابدا تصرف مانو صح .. عأساس هو مدير مدرسة لازم يكون بيعرف يحكي ويناقش .. وبنتو يلي منعزلة بغرفتها وحالتها مابتطمن .. قلبو عم يتقطع عليها .. وهلأ ابنو حكي وذاد على جرحو ملح ... لازم يصلح الشي يلي عملو .. هدول ولادو ولاد قلبو شو فايدة وجودن معو اذا ماكانو مبسوطين وفرحانين ...
بكر :موبايل ضحى وينو
ناصر :معي
بكر :بتعطيها اياه
ناصر :بس بابا
بكر :شبك ..بس شو ؟؟بدا تحكي معو .. تحكي.. بتعطوها الموبايل وبتقولولا اذا بدو اياها يجي ويطلبها .. وحتى مابدي منو شي جاهة يجي لحالو وبس
ام ناصر :عم تحكي جد
بكر :اي جد ..يعني ننطر البنت لتروح من بين ادينا لنصير نتندم .. الوقت لسه ما فات ... ناصر عطي الموبايل لاختك
ناصر :حاضر متل مابدك
________________________________
ببيت الشيخ
طالعة ياسمين عم تتمشا بالحديقة شافت اخوها تحسين ومشت لعندو
ياسمين :شو عم تعمل اخي
كان قاعد وعم يحفر بالارض ويزرع شتلة
تحسين :هي شتلة عطاني اياها رفيقي قلي ازرعا وخبرني شو بصير
ياسمين :وشتلة شو هي
تحسين :مارضي يقلي قال اكتشف لحالي
ياسمين :ما عأساس انت مهندس زراعي واضرب واطرح معقول ماعرفتها
تحسين :لا والله .. بس الا ما اعرف ..خليني اكتشفها
ياسمين:ههههه نيالك عفضاوة بالك
تحسين :شوبدنا نعمل عم نتسلى
ياسمين : ماتروح تتسلى بالصيدلية الزراعية يلي فتحتها..
تحسين :مابحب التزم بشي وبعدين حاطط فيها شب بيفهم كلشي .. الا اذا حدا عندو شي استشارة بيبعت وراي
ياسمين :اي منيح .. (قربت منو حضنت ايدو وقالت : تحسينو
تحسين :الله يستر ..شوبدك
ياسمين :ماعرفت ايمت بابا بدو يخليني ارجع ع الشغل
صوت ابوها من وراها :مارح ترجعي لتتزوجي .. وبعدها اذا زوجك بيسمحلك تشتغلي مادخلنا
تحسين وياسمين :صباح الخير بابا
الشيخ :صباح النور
قربت ياسمين وضمتو وقالت : والله عم ضوج
الشيخ : يسعدلي هالصباح ... ياقلب ابوكي والله من خوفي عليكي لايرجع ابن هالحرام ويعملك شي ..
ياسمين : طيب متل مابدك .. انت ادرى بمصلحتي
الشيخ : دخيلا مدللة قلب ابوها
ياسمين : الله يخليلنا اياك ومايحرمنا منك
سمعو صوت سيارة التفتو ع البوابة وكان مجد
ياسمين :انا رايحة ع البيت
الشيخ :لا خليكي
بلعت ريقا وضلت واقفة .. ومجد لما شافهن تلبك .. اصلا هو متلبك من اول ماطلع من البيت .. اول مرة بزور بيتن من هداك اليوم
نزل وقرب منها
مجد :السلام عليكم
الكل :وعليكم السلام
مجد : كيفكن ..
الشيخ :الحمد لله مشتاقيلك وين ماعم نشوفك
مجد : اعذرني .. بس كنت مشغول شوي
الشيخ :معزور
ياسمين منزلة راسها بالارض .. ومجد عم يحاول يتجاهل وجودا
مجد :شيخ انا جيت اليوم لاخد رأيك بشغلة .. لانو بتهمني مشورتك
الشيخ :ما اتفقنا تقلي خالي
ضحك مجد وقال :هههه لسه ما اتفقنا
الكل ضحكو ع ضحكة مجد
الشيخ :هههه اااخ منك .. طيب من اليوم ورايح شو بتقلي
مجد :الخال
الشيخ :اهلين بأبن اختي والله
مجد صار يحكي بأريحية وراح التوتر وقال :هههه حاسس حالي بوادي الذئاب
الشيخ :يعني هلا انا بنظرك طلعت الخال ظاظا
مجد :ههههه لا والله موهيك .. بعدين شو جاب لجاب .. بزمتك عم تشبه حالك لهل المجنون ظاظا .. لك انت كبيرنا وعزتنا
الشيخ :هههههه تسلم تسلم يا مجد ... قلي شو هالموضوع
مجد :عم فكر اطلع من الضيعة
الشيخ :بتعمل عين العقل .. لانو انت خسارة بهيك ضيعة
مجد :بس المزرعة مارح بيعها
الشيخ :حتى لو قلتلي رح تبيعها مارح خليك مشالله مزرعتك جنة
ياسمين : شو بتحبو تشربو
الشيخ : شوفي ابن اختي
رفعت راسا ياسمين واجت عيونا بعيون مجد وقالت بثقة :شو بتحب تشرب يا ابن عمتي
مجد ابتسم لا اراديا يمكن لجمالها ويمكن لثقتها وقال:كلشي من ايدك طيب
الشيخ كان عم يراقب بعيون فرحانة .. وكأنو الشي يلي عم يخططلو رح يظبط
تركتن ومشت ع البيت وهية عم تفكير وتحكي بينا وبين حالا : معقول كون من نصيبك ..
وقفت واتطلعت عليه وقالت :انت مابتشكي من شي بس انا ما بحبك وانت مابتحبني .. عشو ناوي يا بابا ..
نزلت راسها وكملت ع لداخل البيت
__________________________________
ببيت ضحى
قاعدة ع تختها وفاردة كتبها على التخت .. انفتح الباب ودخلت ندى مستعجلة
ندى :ضحى .. ضحى .. هاتي البشارة
ضحى :شوفي
ندى :طيب فردي خلقتك شوي
رفعت راسا وحطت ايدها تحت خدها وقال :خييير
ندى لاحظت الكتب وقالت :شو عم تعملي
ضحى : عم ادرس .. عندي امتحان اول الشهر ..يعني اكيد مارح ضل بالبيت عطول
ندى :طيب هلأ خليهن عجنب
سكرتلا اياهن وفسحت مكان لتقعد وقعدت
ندى :يعني طلعتي من حالتك
ضحى :لا حول ولاقوة الا بلله ... هلأ انتي شوبدك
ندى :بدي اياكي تكوني مبسوطة ..
ضحى :ومن وين بدو يجي البسط .. من اهلك يلي واقفيلي متل الضباط عباب الغرفة .. لسه الهوا ما منعوه عني نفضت اديها مع بعضن وقالت مجد خلص رااح ومعد يرجع .. ماهاد يلي بدن اياه ... خلص قوليلن لايخافو لانو يلي بدن اياه صار
ندى :والله اهلك مو هيك وحتى ابوكي زعلان عليكي
ضحى :اي واضح ... بس بالنهاية هنن اهلي وانا مارح ازعل منن الله يسامحن
وكانت رح تبكي بس بسرعة مسحت طرف عينها
ضحى :شو هية البشارة .. ولا عم تكذبي
ندى :لا انا مابكذب
ابتسمت ومدت ايدها ع جيبتها وطلعت موبايل ندى :ترارارارارا
ضحى :موبايلي ؟؟
اخدتو من ايدها وقالت مين عطاكي اياه
ندى :البابا .. وقال اذا بدك مجد خليه يجي ورح يعطيه بدون شروط وبدون جاهة كمان .. قال المهم ساعدتك
ضحى :هه بعد شو
ندى :شو بعد شو لسه ماصار شي .. يلا حكيه .. مجد بحبك ... انسو الماضي وبلشو من جديد
ضحى :وابوكي ويلي عملو مع الناس يلي جابن مجد ..
ندى :هلأ انتي شوبدك لتوجعي راسك بهيك شغلات .. اصلا ابوكي اكيد رح يلاقي حل معن ..مشان يحيى
ضحى :يحيى؟؟
ندى :اي ما طلع يحيى بحب بنت الشيخ .. يعني لازم يتصرف مشانك ومشان يحيى ..
ضحى :يحيى بحب ياسمين ؟؟
ندى :لك اييي.. وهلا اتصلي بمجد ..قبل مايروح يخطب ياسمين وتطلعي انت ويحيى برا
ضحى :لا مارح اتصل فيه .. واذا هو بدو بنت الشيخ يروح يخطبا .. معد تفرق عندي
ندى : لك شو يروح يخطبا .. هو بحبك الك مو الها .. وكمان ابوها يلي حكا هو ماحكا شي ولاقال بدو اياها .. الشيخ قلو بدي اياك عريس لبنتي .. ومجد ضل ساكت لو بدو اياها كان فورا قال وانا قبلت .. بس مجد بحبك .. بحبك بجنون يا فهمانة
ابتسمت بفرح ضحى وقالت :يعني اتصل فيه
ندى :لك اييي .. شو ناطرة
ضحى :طيب فرقيني شوي
ندى :هههه حاضر
___________________________
ببيت الشيخ
قاعدين تحت الشمسية وعم يحكو
تحسين :هلأ بشفلك ارض ابو عامر .. كان يقول بدو يبيعها
مجد :وموقعها حلو
تحسين : لك حدنا فورا .. اذا بدك هلأ بنقوم وبنشوفها
مجد :شو رأيك شيخ .. منيحة هي الارض
الشيخ :ممتازة .. هلأ انت بالاول شوفها بركي ماعجبتك
اجت ياسمين وضيفتهن القهوة .. ومجد تصرف معها عادي اصلا هية مابتهمو لحد الآن
اخد فنجان قهوة .. وحطو ع الطاولة ليرن موبايلو .. اخدو من جيبتو .. ولما شاف الاسم تفاجئ.. لانو هاد رقم ضحى الاساسي مو يلي جبلا اياها (روح قلبي يتصل بك )
شرد وصار يفكر معقول واحد من اخواتا
سكر ومارد .. رجع رن مرة تانية
مجد : من بعد اذنكن بس رد ع المكالمة
الشيخ خود راحتك
راح عجنب لتحت شجرة ورد
مجد :الو
ضحى :كيفك حبيبي
مجد :نعم
ضحى :حقك تزعل وحقك تعمل شو مابدك
قاطعها وقال :نعممم
ضحى :بحبك
مجد :هاد هو يلي بدك تقوليه
ضحى :لا في شي مهم
مجد :كلشي بخصك معد يهمني
ضحى :طيب سمعني بالاول
مجد : مافي شي حابب اسمعو
ضحى :انت ليش هيك صاير
مجد :هيك الله خالقني حيوان .. وهلأ تحيونت اكتر
ضحى : طيب اخر سؤال
مجد :تفضلي
ضحى :انت لسه بدك اياني
مجد:....
ضحى :اذا بدك اياني عنجد في فرصة
مجد :تهربي معي ؟؟
ضحى :لا
مجد :وانا لأ سلام
وسكر بوجها
رجعت تتصل .. سكر بوجها وعملا حظر ع كل الموقع وع الاتصالات والرسائل
رفع راسو وشرد قداموو... قلبو عم يدق بسرعة لانو سمع صوتها ونهى المكالمة بسرعة قبل مايضعف .. لانو مابدو يرجع لمحاولاتو الفاشلة ... بس هيك افضل .. لانو اذا مانهى هالقصة هلأ مارح يكون الها نهاية .. وهو نهاها من عندو .. ياترى هية رح تستلم وتنهيها ولا رح تدافع عن حبها .. وهو معقول يقدر يضل بعيد ولا رح يستسلم ويرجعلا ولا ياسمين وجمالها يقدرو ينسوه ضحى يغيرولو عقلو ويبلش من جديد