#أحببت_ازعر
#الجزء_الثالث_عشر
#بقلم_مريم_اليوسف
فتحتلو زينة باب غرفتو ودخل حاملها بين اديه بكل حذر .. وكأنها مولود جديد وخايف يكون حاملو حملة غلط ... وصل للتخت يلي مزين باالورد الجوري المخملي .. كانت هالغرفة مجهزة بأحلا زينة كرمال ليلتن ليلة العمر بس القدر الو نصيب بكلشي .. رفعت زينة الغطا والورد كلو نزل ع الارض .. نيمها بوسط التخت وظبطلا المخدات تحت راسها
زينة انسحبت بهدوء وسكرت الباب وراها
رفع الغطا وقربو منها وغطاها فيه.. وانحنى لعند عيونها وصار يبوسها عليهن .. ونزل ع خدودا وباسها بلطف ..
مجد :نورتي حياتي يا حياتي ونورتي بيتي يا ملجئي بحبك يا اميرتي .. اميرتي النائمة
وهو قاعد وشارد فيها مدري لدقائق مدري لساعات ماحس .. كان بس قاعد وصافن فيها .. وبهل اللحظة حس حالو ملك الدنيا .. وكل شوي يسرق بوسة لطيفة مشان ماتزعجها ... حس بالتعب والارهاق والنعس .. رفع الغطا ليتمدد جنبها كان مكان ديق ومن الجهة التانية كمان نفس المساحة لانها نايمة بوسط التخت
مجد :كان بودي نام جنبك .. بس المهم رياحتك يا روحو لقلبي
قام وراح ع فرشتو يلي كان ينام عليها بالعادة .. رما حالو عليها وفجأة راح نايم .. مع انو الدنيا صارت ضحى
_____________________________
بشركة كبيرة بوسط المدينة .. وقفت سيارة بموقف السيارات .. ونزلت منها صبية ودخلت الشركة .. وسألت اول موظف شافتو : وين بصير مكتب ماهر بيك
الموظف :بالطابق التاني
هزتلو براسها مع ابتسامة مجاملة وطلعت ع الطابق التاني استدلت ع المكتب ... ودخلت لعند السكرتيرة وخبرتها انها بدا تشوف ماهر ضروري .. والسكرتيرة نقلت الخبر للشخص يلي اسمو ماهر
ماهر قاعد ورا مكتبو وشارد بالسكرتيرة .. هالشب المتعجرف والمغرور هيك مبين من ملامحمو
ماهر :ماقالتلك شو هو الضروري
:لا استاذ
ماهر :شو شكلها
: مبينة بنت كتير انقية وكتير شيك .. وتيابها مبينين ماركة... وملامحها جدية .. وكأنها بنت حدا مهم
ماهر :ماقالتلك اسمها
:لا
ماهر :طيب دخليها
طلعت السكرتيرة ودخلتها ودخلت معها
ماهر :اهلا مين حضرتك
: قبل ماتعرف مين انا مابدك تعرف شوبدي
ماهر :طيب شوبدك
: ليش خطفت الشب يلي قوص ع مجد بليلة عرسو
تجمدت ملامحمو وهو عم يتطلع عليها
ماهر للسكرتيرة: قهوة سادةةةة
طلعت السكرتيرة وقربت الصبية بكل غرور انحنت ع المكتب وحطت عينها بعينو بكل ثقة وقالت :شو مارديت علي
ماهر بتجاهل :انت مضيعة حدا يعني وجاي تدوري عليه عندي
:اي قلتلك .. بدي الشب يلي خطفتو
ماهر :هههههه لك عن شو عم تحكي انتي ... شكلك هربانة من شي مشفى مجانين
قعدت ع الكرسي وبحزن :هربانة صح بس ما من مشفى المجانين .. من اهلي
ماهر :ليش
:مجد الكلب الحقير فضحني قدام اخي .. واخي عم يدور علي بدو يدبحني
ماهر : فضحك ؟؟؟
: اي مو مهم التفاصيل ... المهم انا عم دور عليه لانتقم منو ولما لقيتو وحطيت حدا يراقبو .. بتجي مرتو بتتقوص ليلة عرسو.. بدي اعرف مين يلي قوص عليهن .. بيلزمني .. واذا انت خاطفو انا مستعدة ادفعلك يلي بدك اياه فيه وتعطيني يلي حاول يقتلو او يقتل مرتو مابتفرق .. المهم انا بدي حدا يساعدني
ماهر :لنفترض الشب موجود .. شو بيلزمك مزال عم تقولي بتدفعي يلي بدي اياه .. بالمصاري بتشتري مين مابدك
: ما متل يلي قلبو مليان حقد وغل .. يلي بدي اشتريه ممكن يتراجع او يضعف اما يلي قلبو مليان انتقام مستحيل يضعف
ماهر :ياريت بقدر ساعدك .. بس اكيد غلطانة انا ماخطفت حدا
:معك حق ما تصدقني او توثق فيني .. انا اسمي علا بنت ابو الفداء
ماهر بصدمة :ابو الفداء ماغيرو ؟؟
هزت براسا وقالت :ايي .. فيك تسأل عني واكيد رح تعرف كلشي صار فيني بسبب هاد الكلب يلي اسمو مجد .. ويلي رح تعرفو عني اكيد مابشرف وانا ماني خجلانة بس بدي انتقم بأي طريقة .. بعد ماتسأل فيك تتواصل معي وبتعرف كيف تجيب رقمي ... وانا قلبي عم يقلي انو الشب مانو مخطوف هو واحد من رجالك
ماهر ساكت وماعم يرد
علا : ناطرة منك اتصال .. الظاهر رح نكون شركا
لفت ضهرا وطلعت
ماهر بكز ع سنانو وخبط ايدو ع الطاولة وقال :شقفة ازعر ومن ضيعة محدا بيعرفو ملعب نص البلد ع ايده لاا وشو كمان ولاد مسؤولين .. نهايتك ع ايدي يا كلب..
رفع الموبايل وعمل اتصال : ليك بدي اعرف كلشي عن علا بنت ابو الفداء وبدي اعرف شو قصة الفضيحة .. اوكي .. لاتطول
____________________________
فتحت عيونها ضحى وللولهة الاولة نقزت لما شافت انها بمكان غريب .. تجلست بسرعة وصارت تتلفت حوليها واتذكرت انها غرفة مجد لما جابت الجهاز عليها قبل بيومين من العرس .. اتطلعت ع الارض لقتو غاطط بالنوم .. بس محتارة كيف اجت لهون
ضحى :كيف وصلت لهون .. شو صار .. ماعم اتذكر شي
حست بوجع بكتفهت .. مدت ايدا على مكان الوجع وكبست شوي كانت رح تصرخ من الوجع بس بسرعة كتمت وجعها
ضحى :ااااه .. ياربي شو عم توجعني ... اكيد في مسكن لازم اشربو .. بس بالاول لقوم ازعجو هههه😈
قامت من مكانها بهدوء وماسكة ايدها مشان ماتتحرك وتوجعها .. مع انها مربوطة بحمالة .. بس مشان الحركة مايوجعها الجرح .. قربت منو ونزلت لمستواه ... وصارت تتأملو كيف نايم وببدلة العرس .. مدت ايدها وصارت تمررها على شعراتو .. كان عرقان .. شعرو رطب .. قربت اكتر وصارت تستنشق ريحتو ... لا اراديا بنصير نحب اي ريحة من يلي بنعشقن حتى لو كانت كرهة بتكون عنا اطيب من المسك .. بس هو ماكانت ريحتو كريها بس ريحة جسمو عالية شوي لانو عرقان .. قربت وباستو على جبينو .. وعلى خدود .. عملت متل ماعمل معها وهية نايمة .. بس مابتعرف هية انو هيك عمل معها ... بس هية تجرئت ونزلت على شفافو قبلتن قبلة عميقة ... وهو فجأة فاق يمكن لانو الاوكسجين انقطع عنو .. وهية رجعت لورا بسرعة
مجد فتح عيونو وابتسم : فقتي ياروحي
ضحى :اي فقت وصرلي ساعة عم بوس فيك وانت مانك حاسس
مجد :هلأ هو يمكن حسيت ..بس غوطنت من لمسة شفافك
ضحى :شو انك ملوفك
مجد: يسعدلي الصباح اي
تجلس .. وسحبها من ايدها السليمة وخلاها تقعد جنبو وحاوط ايدو على خصرا ..وطبعلا بوسة على خدها
مجد :من اول يوم خلقت فيه لليوم هاد بكون اجمل صباح بتصبحو
ضحى بطمع :وشو كمان
مجد : ممممممم ... واطيب صباح .. احلا حلم .. وشو كماان ممممم
ضحى :بس عفكرة الدنيا العصر
مجد :هههه طيب اجمل عصر هيك منيح
ضحى :حبيبي انا شو جابني لهون
مال براسو ع رقبتها عم يستنشق عطرها .. ومارد
حست بجسمها قشعر .. وقلبها علت دقاقتو .. حاولت تبعد شوي للجهة التانية .. بس كان محكمها بقبضتو يلي عخصرها ... وبلش ياخد بوسات ناعمة ورا بعضن ..بكل حب وشغف
ضحى :خلص بيبي .. انا بغار
مارد وضل غايص برقبتها الناعمة البيضة .. وعم يطبع عليها قبلات متتالية
ضحى :مجودي .. ايدي مكان الرصاصة عن يوجعني .. بلييز
بعد عنها وقال :اسف ياروحي
ضحى :لا لا تعتذر .. بسس
مجد.:شو يعني بدك اياني كمل
ضربتو وقالت:هههه قليل ادب
مجد :بعشششقك .. لك من اول ماجبتك ونيمتك بتختي وانا متمني دوق حبات هالكرز بس ماطاوعني قلب ودوقن وهنن مو مفتحين
ضحى :شو قصدك
حط ايدو تحت دقنها وصار يمرر ابهامو على شفافها بنعومة كبيرة .. وهية فهمت قصدو .. صح خجلت وحمرت بس كانت اجرأ من خجلها .. وهية يلي قربت وسلمتو شفافها ........
فجأة انتفتح الباب بدون مايندق ... وبعدو عن بعض بسرعة واتطلعو ع الباب ومين يلي فتحتو
وحزور مين طلع
هههههه امها لضحى .. شكلها رح تكون عزول 😂😂
زمرد :ما انا حاسبة ع الحساب .. قلتلك البنت مريضة .. قربت لعند بنتها وضحى كانت واقفة ..سحبتها زمرد من ايدا على التخت وقالت :كيفك يا ماما ان شاء الله مانك موجوعة .. وبعدين شو مقعدك ع الارض .. انتي مريضة ولازم ماتقومي من التخت ..
اتطلعت بمجد وقالت :ماهيك صهري
وقف وطلع لبرا بدون مايرد عليها
زمرد :تقلي حالك شوي ... العما شو مجلوقة .. وكمان نازلة لعندو .. شو نسيتي انك مريضة
ضحى ماردت واكتفت تضل ساكتة وع وجها ابتسامة مجاملة
زمرد :رح ضل عندك لحتى تصحي ع الاخير فهمتي
هزت براسها والابتسامة عرضت على وجها .. طبعا هالابتسامة بتعكس شوفي بداخلها
__________________________
ببيت ابو ناصر
بالمطبخ
واقفة ندى عم تجلي .. ودخل يحيى هو وياسمين ولابسين تياب الطلعة
يحيى :ندوش وين الربع
ندى :بابا وناصر بغرفة القعدة وماما راحت لعند ضحى
يحيى :ايمت راحت
ندى :من شوي وصلها ناصر .. قال بدا تضل عند ضحى لحتى تشفى ع الاخير
يحيى :هههه راحت عليك يا مجد
ياسمين حاولت تكتم ضحكتها ورا يحيى
يحيى :طيب انا طالع سلم ع بابا ونروح
ندى :ع وين
يحيى :شو نسيانة انو عندي بيت
ندى : طيب رجعو بالسهرة ..
يحيى :ماشي .. بشوف .. بس يمكن روح لعند ضحى اطمن عنها
ندى :اي واذا رحتو جيب ماما معكن
يحيى :اوكي .. يلا بدك شي قطة
نشف اديها وقربت ضمتن وبوستن :الف مبروك .. ماصرلي باركلكن هههه
يحيى :مو مشكلة .. والله يبارك فيكي وعقبال مانفرح فيكي
ياسمين :عبالك ندوش
ندى :تسلمولي
_____________________________
واقف مجد ع المسطبة الخارجية وكان قدامو قطين عم يتقاتلو ويتشقلبو مع بعض .. عم يدخن وشارد فيهن .. طلع مراد من الخيمة يلي جنب البيت .. شاف مجد واجا لعندو
مراد : كيفك اخي .. وكيفها مرتك
مجد :منيح منيح
مراد : مانك على بعضك
مجد : اي والله ماني على بعضي
مراد :مرتك فيها شي لا سمح الله
مجد :لا لا ضحى منيحة .. انت قلي كنت نايم بالخيمة ؟
مراد :اي .. احسن
مجد :بشرفك شو هالحكي .. ماهاد بيتك
مراد :لك مرتك عروس ومريضة ماخرج .. ومشان تاخد راحتا
مجد :لا لا مرتي عم تقولا مريضة ومن غرفتها مارح تطلع .. وانا اصلا عملت حمام بالغرفة مشان ماننحرج لانحنا ولا انتو ... واصلا انا لو بدي كنت قعدت لحالي ... بس انا مشان نضل مع بعض
مراد :لك الخيمة مريحة ..
مجد :لا لا رجاع غرفتك .. وانا بخبر ضحى انك انت بالبيت
مراد :طيب ماشي ..
مجد :هو انا عأساس كنت بدي غيب شهر هه😏 عأساس شهر عسل وبهل الوقت بتكون عمارتك خالصة .. بس شفت شو صار معي
مراد :مامشكلة كلها اسبوع زمان وبتصح مرتك وروحو وين مابدكن
مجد :معد يمشي الحال
مراد :ليش ؟؟
مجد : اااه .. لا لا ولاشي .. اي قلي ايمت بدنا نفرح فيك
مراد :هههههه ايمت مابتفضى انت والشيخ مشان تروحو تخطبولي
مجد شرد وقال :الشييخ؟؟!!!💡
مراد :شبك بشو شردت
مجد: خلص تركها علي ..
مراد :وشو رأيك ناخد معنا عمك
مجد :عمي ابوها لضحى
مراد :اي
مجد :هههه لا لا .. يستر عليك بعدني عنن
مراد :معقول لساك حاقد عليهن
مجد :بتصدق اذا قلتلك انو مابطيقن
مراد : عنجد
مجد : شو شفت منن لحتى طيقن يا زلمة .. في يحيى منيح غيرو شطب عليه .. لك مشان الله شوبدي حب فيهن .. ويلي اسمها حماتي .. قاعدة مع المفروض تكون مرتي وماعم تخليني قرب منها .. لك انا بعرف بشو عم تفكر ... مفكرتني جحش ومابهم وطول عمري عايش بين البهايم وخايفة عبنتها مني ... يمكن حدا قايلها انو باكل بنات .. او ( وسكت ) خلص خليني ساكت يازلمة اقسم بلله مابعرف من وين بدي لاقيها
مراد :طول بالك ولوو ههه
مجد :من وين بدي تجي طول البال ... لك كلشي .. كلشيي عم يتسكر بوجهي ...
مراد : مجد شو صاير معك .. في شي تاني متأكد انا
مجد : لا تشغل بالك ... وين مفتاح البيكب
مراد : معي
اخدو من جيبتو وعطاه اياه
رما السيجارة واخد المفتاح .. وراح
مراد :شو صاير معو هاد
_________________________
انفتح باب شقة مبينة جديدة من شكلها الداخلي واساسها .. وكانت كلها مد كنبايات وطاولات
دخلت ياسمين ودخل وراها يحيى
دخلت ياسمين مزهولة من جمال الشقة صحة مانها كبيرة ولا قصر بس كانت بتجنن
يحيى : عجبتك يا روحي
ياسمين :بتجنن .. وانا عم قول ليش ماخليتني ادخل عليها قبل الزواج ولاحتى خليتني اجي وافرد جهازي فيها
يحيى :كنت حابب تكون مفاجئة .. شو رأيك
ياسمين :اقل مابقدر قولو انك مزوق ..
يحيى : اكيد مزوق ولا ماكنت اخترت هيك قمر
ياسمين :بس كلها كنب وطاولات ليش ماعملت شي غرفة مد عربي .. متعودة عليه
يحيى :في غرفة مو ممدودة رح افرشها مد عربي تكرم عينك .. بس هيك بيت بليق اكتر بدكتور ودكتورة ماهيك حبي
ياسمين :يلي بينكر اصلو مالو اصل
يحيى :ومين قال انو عم انكر اصلي بالعكس بفتخر اني ابن ريف .. بس مشان اذا حدا اجا لعنا بركي مابحبو قعدة الارض .. وكمان ياقلبو لقلبي .. العالم عم يتقدم وكم سنة لقدام مابتلاقي حدا لسه عم يقعد ع الارض
ياسمين :اوكي .. اقنعتني هههه
قرب منها وحاوطها بخصرها وقال :تسلملي هالضحكة
رن موبايلو
يحيى :مو وقتو ابدا
ياسمين :ههههه طيب لبين ماترد انا رايحة شوف غرفة النوم 😉
يحيى :هههههه دخيلو الشقي .. جايكي ياقلبي
راحت ع الغرفة وماكانت بتقل جمالها عن جمال الشقة .. فجأة حست عليه ضمها من ضهرها
ياسمين بخجل :مين كان ع الموبايل
يحيى :الشركة السياحية .. حكيت معن مشان يجهزولنا رحلة خرج عرسان
ياسمين :ولغيتها ماهيك
يحيى :لا ياقلبي شو لغيتها .. بس اجلتها يومين .. من بعد اذنك طبعا
التفتت عليه ومسكت وجهو بين ايدها وقالت :حتى لو لغيتها ما كنت رح ازعل المهم انو نحنا مع بعض
يحيى : وحياتك احلا شهر عسل ... بس بالاول بدنا نطمن على ضحى مابصير اتركها بهل الوقت
ياسمين: اكيد بعرف .. وانا والله ماحكيت شي المهم قلتلك اني معك
يحيى بخبث :متأكدة انك بدك تكوني معي 😈😈
ياسمين:ههههه ليش حاسة هالجملة ملغمة
يحيى : لأنها فعلا ملغمة ههههه
ياسمين رفعت ايدها بتحذير وقالت:يحيى انت دكتور ومحترم
يحيى : هههه شو قالولك انو الدكتور ماعندو مشاعر مثلا ولابيعرف يحب ولا يعشق ههه ولا يكون منحرف
ياسمين :عم تفاجئني عفكرة
يحيى :طيب والله انا محترم ..
انحنى وشالها وقال: ورح اثبتلك هالشي ههههه
ياسمين ضحكت بخجل .. ومالحقت ترد الا ولقت حالها ع التخت .. وشفافو كانو واصلين لهدفن قبل مايوصلها ع التخت
________________________
ماشي بسيارتو اتجاه بيت الشيخ وقبل مايوصل للبوابة شحط فرااام ووقف
مجد :ع وين رايح انا .. لسه بدي وجع راسو للشيخ بمشاكلي ...
رن موبايلو .. اخدو من على التابلو وكان العقيد
مجد :الو
العقيد :مجد تعال في اخبار جديدة
_______________________
المسا
ضحى كانت نايمة ... وامها جنبها قاعدة وعم تقرأ بالقرآن .... فجأة فتحت عيونها ضحى ومبين على وجها الانزعاج .. تجلست ومدت ايدها مكان الاصابة بوجع
امها :صدق الله العظيم .. (سكرت المصحف) شبك امي
ضحى :وينو مجد ؟؟
امها :شوبدك بمجد هلأ .. قوليلي شبك موجوعة
هزت براسها وقالت :اي كتير .. حاسة كتفي انشل .. مشان الله يا ماما عطيني اي دوا اشربو وجع مو محمول
امها قامت تتلفت حواليها وقالت: وين دواكي
ضحى :وانا شو عرفني
امها :ييي على هالنسوى .. ضل عنا بالبيت
ضحى :مجدد وينووو ... اندهيلو .. بسرعة دخيلك يا ماما
امها :اي يلا يلا
طلعت لبرا .. لقت زينة طالعة من المطبخ
زينة :خير خالة عم تدوري ع شي
ام ناصر :مجد وينو
زينة :مابعرف .. بس مانو بالبيت
ام ناصر :طيب ماشي .. فوتي لعند ضحى شوي بدي اتصل ع واحد من ولادي يجيب دوا ضحى تعبانة
زينة :خير شبها (وفورا دخلت لعندها بدون ماتسمع منها
________________________
يحيى واقف قدام الخزانة ولابس برنس الحمام وعم يقلب بين بجاماتو ... رن موبايلو يلي ع الطاولة جنب التخت .. قرب منو ورد
يحيى:اي ماما
امو :يحيى حبيبي وينك .. اختك كتير موجوعة
يحيى :لييشش... ماسقيتوها الدوا
امو :لا والله نسيت
يحيى :طيب شو ناطرين
امو :الدوا نسيتو عنا بالبيت
يحيى:كيف بتنسوا دوها
امو :هاد يلي صار بترجاك جيب الدوا وتعا بسرعة
يحيى :ماما انا ببيتي
امو :ياربي شو اعملل
يحيى :خلي مجد يروح يجيبو
امو :ليش مجد داير على اختك .. بدي اعرف ليش كان دابح حالو ليتزوجا
يحيى : ليكي اتصلي بناصر اكيد هو بالبيت
امو :يلا يلا
يحيى :وانا كمان جاي مسافة الطريق
امو :اي دخيلك ادي مربطين
سكر ورجع ع الحزانة اخد قميص وبنطلون
ياسمين من الحمام :حبيبي ويينك .. عطيني منشفة او برنس
يحيى :اسف .. اسف ياروحي
اخد برنس كان معلق بالخزانة وراح عطاها اياه من شق باب الحمام وهو رجع يلبس
بعد شوي طلعت وهية لابسة برنس مشمشي وخدودا عاكسين نفس اللون من حرارة الحمام .. ولافس ع شعرا بشكير من نفس اللون
ياسمين :عم تلبس ؟؟ع وين
قرب منها حط خدودها الحمر بين كفوفو وقال:نعميا يا احلا عروس بالكون
ياسمين :بخجل : الله ينعم عليك🥰 ع وين
يحيى :ضحى تعبانة شوي
ياسمين بحزن :ياقلبي عليها
يحيى :اي والله رايح ومارح اتأخر
ياسمين :خود راحتك ياعمري ... اجي معك
يحيى :لا انتي عروس مابصير تطلعي
ياسمين :ههه انشاءالله بدك تتقيد بتقاليد الضيعة انو ممنوع تطلع العروس من بيتا قبل اسبوع
يحيى:لا ياقلبي .. تقاليدن ينقعوها ويشربو ميتها بس انت هلأ طالعة من الحمام مشان ماتمرضي
ياسمين :طيب طمني عليها اول ماتوصل
يحيى :اكيد .. يلا انا رايح بدو شي الحلو
ياسمين بخنج :انو جبلنا شي ناكلو .. بتعرف انا عروس ومابصير فوت ع المطبخ
يحيى :من عيوني احلا عشا لاحلا عروس
ضربتو بخفة ع كتفو وقالت :يلا روح مشان ماتتأخر
مشي خطوتين .. ورجع مد راسو من الباب
يحيى :نسيت قلك
ياسمين :شو
يحيى :مبروك (ورمالها بوسة بالهوا
خجلت ونزلت راسها وماردت .. ابتسم على ردة فعلها وطلع
_________________________
قاعدة بتختها ... وكل شوي تحبس نفسها من الوجع واتطالعو تنهيدة .. وكل هاد ع الصامت ..
امها :موجوعة ياعمري ما هيك
ضحى :حكيتي مع مجد
امها :ااااه .. اي وماعم يرد
ضحى:عطوني موبايلي بدي احكي معو
زينة :مابعرف وينو .. تاخدي موبايلي
ضحى :اي زفت .. المهم عطوني احكي .. معو ..شو هاد مابحس ..تاركني مريضة وهو الله اعلم وينو
امها : هه صحي وين هالحب راح .. اذا بأمس الحاجة ماكان جنبك
ضحى :ماما مشااان الله (وبقلبها :اصلا بكون طفش من عمايلك )
امها :بس بدي اعرف شو حببك فيه
صوت من برا الغرفة: يلله .. يلله
زينة :هاد صوت مراد اخي
قامت بسرعة فتحت الباب وكان مراد هو وناصر .. وزينة ماكانت لابسة ع راسا فكرت انو مراد لحالو .. ولما شافت ناصر بسرعة سكرت الباب وحطت شال على راسها .. ورجعت فتحت الباب وراسا بالارض
مراد اكتفى بنظرة تهديد
زينة :لاتوخوذني .. تفضل استاذ ناصر
ناصر كان حاطط راسو بالارض اصلا انحرج اكتر منها .. ودخل ومراد ضل برا
ناصر مد الدوا لامو وقرب من ضحى : شو ضحى طمنيني خير شبك
ضحى : موجوعة يا اخي .. موجوعة
امها اجابت كاسة المي وعطتها ظرفين حب .. وقالت خدي من كل واحد حبة
ساعدها ناصر بفتحن وشربتن
ضحى :اخي دق لمجد بترجاك
ناصر : ليش وينو
ضحى :مابعرف
امها :الله اعلم ... تارك مرتو مريضة وهو الله العليم وين دايح
ناصر :كيف هيك بيتركن وبروح بركي لاسمح الله ضحى صار معا شي فجأة
امها : مابدك يكون عندو عقل يفكر
ضحى :خلص .. خلصصص... معد بدي حدى يتصل فيه .. مشاانو لالله خلصوني ولووو
ناصر :خلص لاتزعلي رح اتصل فيه
ضحى :والله العظيم مابتتصل .. وانا حلفت
ناصر :لاحول ولاقوة الا بلله .. هو شو صاير هون
امو : شبعرفني .. هو مهملها وهية عم تتفشش فينا
ضحى اكتفت بالسكوت .. لانو قد ماكان هي امها ..
بعد شوي انفتح الباب بدون مايدق وفات مجد
مجد : مسالخير
ناصر فقط رد :مسالنور
مجد : شوفي
ضحى برمت وجها عنو .. قرب وقعد جنبها
مجد :ضحى شبك
ضحى :ولا شي تعبانة وبدي نام ياريت تتركوني لحالي
اتطلع بوجوهن بركي حدا بفهمو شي .. بس محدا حكي
ناصر :انا رح شوف مراد .. تعي ماما تركيهن لحالن
امو :لااا روح انت انا رح ضل مع ضحى بركي بدها شي
نزلت فرشتها وغمضت عيونا
مجد عم يكتم غيظو :حماتي ممكن تخليني شوي مع مرتي .. من بعد اذنك طبعا
ام ناصر :ليكها نامت .. لتفيق بتجي بتقعد معا لتشبع .. وهلأ طلعو انتو وانا بعد شوي بلحقكن
مجد رح يجن .. بس انسحب ومن جواه عم يغلي وناصر لحقو وامها ضلت شوي معها وبعدين طلعت
قعدو كلن بغرفة القعدة .. مع خالتو ومراد وزينة وام ناصر وناصر
صوت الباب عم يندق
وقف مجد وراح يفتح وكان يحيى
يحيى :كيفك صهر
مجد :اهلا اهلا ابن العم تفضل فوت
شلح من رجلو ودخلو سوى
يحيى :كيف صارت ضحى خبرتني امي انها تعبانة
وقف مجد وقال :ايمت
يحيى :من شي ربع ساعة .. وين كنت انت صحي
مجد :.......
يحيى : عرفت مين عمل هيك
مجد : يمكن
يحيى :كيف هيك
مجد : شاكك بواحد وكل الادلة بتشير عليه .. وانا بقول مافي غير هو
يحيى :مين بكون
مجد :مابتعرفو
يحيى :ومين كان ناوي يقوص
مجد :كمان مابعرف
يحيى : صحي مجد ... ضحى حكتلنا من فترة عن هاد يلي طبقلا صور وصار يهددا .. اناقلت ممكن يكون هو
مجد :حكتلكن ؟؟
يحيى :اي
مجد :هو يلي شاكك فيه
يحيى :بشرفك
مجد :والله
يحيى :احكيلي
مجد :بنقعد معن شوي وبنطلع نحكي برا
يحيى :ماشي
حط مجد ايدو ع ضهر يحيى ودخلو سوى
______________________________
بعد ساعة بسيارة يحيى .. قاعدين هو ومجد جنب بعض .. :حكيلي
مجد :انا هاد الكلب فوتو ع السجن بتهمة مخدرات وهي بدها ٢٥ سنة ع القليلة ..
يحيى : ايي
مجد :لما صار هيك معنا .. شكيت فيه وسألت عنو
يحيى :مين سألت
مجد :الي معارف بالدولة اتصلو فيني قبل ما اجي لهون
##فلاااااش_باااااااك##
بمكتب العقيد
العقيد :الشب طلع من السجن فترة اقل من شهر
مجد : كييف طلع
العقيد :حدا شال عنو القضية
مجد :طيب ليش ماخبرتني انوو طلع
العقيد :مجدد شو شايفني محكمة ..
مجد بنفاذ صبر : وينو هلأ
العقيد مغادر برات سوريا
مجد :ودخل عسوريا تهريب
العقيد: احتمال
مجد :وكيف بدنا نلاقيه هلأ
العقيد :مابعرف .. بس رح حاول اعرف عنو شي لاتقلق
مجد : طيب ماشي ..
##بااااك##
مجد : وهاد يلي صار
يحيى : بس انت متأكد انو هو؟
مجد :لا مجرد احتمال .. بس لازم نعطيه اهمية
يحيى :الله يجيب العواقب سليمة ... انا نازل غير ع الجرح لضحى بتكون فاقت
مجد :طيب يلا
نزلو من السيارة ودخلو ع البيت وراحو ع غرفة ضحى دقو الباب وفتحو مجد ودخلو
ضحى كانت قاعدة بتختها وعم تقلب بالتلفزيون
يحيى :ضحى بدي غيرلك ع الجرح
هزت براسا وتركت الريموت من ايدها .. دخلت امها وراهن وقالت :شوفي
يحيى :بدي غير ع جرح ضحى وشوفو
ام ناصر لمجد :وانت شو عم تعمل هون
مجد بنفاذ صبر : لازم اطلع عيب ماهيك
ام ناصر :طبعا عيب .. وكمان ماكل شوي تنط ع غرفة البنت .. البنت بدا ترتاح
مجد :والله معك حق .. مشان الله لاتواخذيني
تركهن بقهر وطلع
يحيى :ماما ليش هيك عم تحكيه
ام ناصر : بحكيه كيف مابدي .. وان ماعجبو .. بروح وباخد بنتي معي
يحيى :ماما شبك شو صايرلك ...لك هاد البيت بيتو وهي مرتو
ام ناصر :لسه ماصاارت
يحيى :كيف يعني ماصارت .. بالشرع والقانون مرتووو
ام ناصر :لحتى روح يسطفلو بس طول ما انا عم دير بالي عبنتي ينسى انو زوجا
ضحى : يحيى مطول
يحيى :لا اختي .. كشفي كتفك
بلشت تفتح زرار بجامتها
_________________________
بمطعم
قاعد ماهر وقدامو علا وقدامن اقداح من النبيت الاحمر
علا : ما اتوقعت تطلبني بهل السرعة
ماهر شرب شفة نبيت وحكي : علا بنت ابو الفداء ... بنت الشقات المفروشة والملاهي الليلية
علا بغيظ :جبتني مشان هيك
ماهر تابع حكيو : كانت على وشك انها تنكشف قدام اخوها فداء .. فقررت ترمي بلاها على شوفريها الخاص منهل ... منهل هرب وراح لعند مجد .. مجد جمع ادلة بتدينك وقدمن لاخوكي وكشفك على حقيقتك ... انتي هربتي من فداء لانو بدو يقتلك ... انتي بدك تنتقمي .. من مجد ومن منهل ماهيك .. بس بالاول بدك تخلصي من مجد وبعدا مشان تخلصي كمان على منهل لانو منهل بكون ضعف ماهيك
علا : هدول كلن بعرفن .. ليش بعتت وراية .. بدك تساعدني
ماهر :انا ماهر الساهي ... من فترة تعب ابي ووقع ولما وقع انكسرت ايدو .. اخدناه ع المشفى وهنيك شفت اجمل بنت بشوفها بحياتي ... كانت دكتورة عظمية .. اعجبت فيها وبالاخص بحجابها .. حاولت معها تجاهلتني .. ماصدتني !!لااا تجاهلتني .. انا ماهر تجي بنت متل هية تتجاهلني وتعتبرني مو موجود ... رحت خطبتها ابوها رفض .... ابوها شيخ عشيرة ... قررت اخطفها واخدها مزلولة ... وبالفعل خطفتها ... فجأة بيظهر مجد وبلاقيها .. حاطتها تحت الارض ولقاها ابن هالحرام ...كييف وصل لرجالي مابعرف
علا :فقررت تتخلص بالاول من مجد وتتفضى للدكتورة
ماهر :صح
علا :بدك تخطفها وتتزوجها
ماهر :لا تزوجت هية اصلا .. فجاة بتنخطب لمجد بين يوم وليلة بيتغير العريس وبتتزوج زميلها .. انو شو عم يصير عندن ماقدرت اعرف .. بس انا رح اتخلص منن كلن .. وقررت بلش من مجد
شاردة بملامحو الغاضبة واخدت رشفة نبيت .. فجأة انضم للطاولة الشب .. وهاد الشب هو يلي قوص بالعرس
ماهر : عمران .. شب وسخ .. محترف فوتوشب .. كان يطبق صورر للبنات على اجسام عارية ويهددن لياخد يلي بدو اياه منن .. بس فجأة وقع مع البنت الغلط ..
علا :وهالبنت وراها مجد
ماهر :صح .. مجد راح خطف اختو وصورها وهددو فيها .. ولما حصل على صور البنت يلي بتخصو اردفلو تهمة مخدرات وفوتو ع السجن ...
علا :وكيف وصلتلو
ماهر :عن طريق الصدفة كان واحد من رجالي بالسجن وتعرف عليه .. عرفت انو عدونا واحد .. طالعتو من السجن وخليت حدا ياخد عنو القضية .. عأساس المخدرات كانت لهداك الشب وعمران اخد برائة ..
علا : وليش خطفتو
ماهر :بالنسبة لخطف عمران فأنا ماخطفتو ويكمن معلوماتك غلط .. انا بعتت حدا ياخدو بس انتي يمكن فكرتي اني خطفتو .. بس انا ماخطفتو لانو هو بالاصل بيشتغل معي
علا :وشو الخطة
ماهر : الخطة انو عمران يروح ع العرس ويقوص يا على مجد يا ع مرتو ... مجد رح يعرف انو الطلقة مو طايشة ومقصودة .. رح يحطنا كلنا تحت دائرة الشك واكيد اذا عندو اعداء كمان رح يحطن ..ويصير يسال عنا واحد واحد .. مجد رح يلاحظ انو عمران طلع من السجن .. رح يركز كل اهتمامو على عمران ويدور عليه .. عمران طلع من ع لبنان نظامي ودخل ع سوريا تهريب ...مجد اكيد بكون عم يفكر بنفس الطريقة .. عمران رح يختفي .. ومجد رح يضل يدور عليه ..ونحنا هون بنلاقي طريقة نقتلو فيها بدون مايحس ... انا عملت كل هالطرق لحتى نحنا نكون حرين مانا مراقبين ونفز خطتنا .. بينما مجد عم يدور على عمران لحتى يراقبو .. وعفكرة مجد مانو قليل .. عندو عقيد بالامن تحت خدمتو الله اعلم شوفي بينو وبينن
اتطلعت علا بوجه عمران وقالت :وبعد ماتقتل مجد شوبدك تعمل .. اكيد رح توصل للبنت يلي بسببها وصلك مجد
عمران :طبعا .
ماهر :هالبنت صارت مرتو
علا بصدمة :نفسها يلي قوصتا
عمران هز براسو
علا :وبعدين ؟؟
ماهر :فجأة رح يظهر عمران بالبلد .. وجاسوس النا بالامن رح يخبر انو شافو .. رح يجي مجد يقابلو ... عمران بكون بحارة ديقة .. مجد رح يتطر ينزل ويمشي .. نحنا رح نقطع شريط الفرام .. مجد مارح يلاقي عمران ... ويشك انن مستشبهين .. بيتصل بالامن والعقيد يلي معو ورح يقلو انو مافي شي .. رح يرجع ع الضيعة .. الطريق يلي بودي ع الضيعة اوستراد وعالاغلب مابكون فيه سيارات كتير .. مجد معروف انو جحش بالسواقة .. ع الطريق رح يطلع قدامو قطيع غنم .. بيدعس ع الفرام .. مافي فراام .. بيتطر يبعد عن الطريق ع الوادي.. وبروح هو والسيارة بالوادي .. والسيارة اول مابتوصل ع الارض رح تفجر من حماوتها .. وهيك مجد بموت بحادث سير ونحنا مادخلنا
علا :ليش هالدوامة
ماهر :مجد ماسك عليكي صور .. وعلى عمران صور اختو وانا اكيد ماسك علي شي .. مجد مانو غبي وحاطط هدول الشغلات مع واحد مشان اذا صابو شي يفضحونا فهمتي هلأ ... مشان هيك موتو رح يكون حادث سير ونحنا مادخلنا
علا :انتو قوصتو ع مرتو .. يعني اكيد يلي معو رح يحققو .. ورح يعرفو انو في حدا ناوي يقتلو ويمكن ماياخدو موتو على انو حادث سير عادي
ماهر :مشان قواص مرتو في شب مراهق من ضيعتن بحب المصاري ... بقول انو بحب ضحى .. وقرر يقوس مجد لتضل ضحى الو ... بس لما تصاوبت ضحى تندم وبروح وبسلم حالو لانو خاف .. وبعدين بنأثبت انو في شي بعقلو ومابطول وبيطلع
علا : بس ايمت هاد الشب رح يسلم حالو قبل ولا بعد موت مجد
ماهر : قبل... بس مجد بكون لسه عم يفكر بعمران .. واكيد لما يخبر انو بالبلد رح يشك ويروح ليتأكد بنفسو
علا :اقل مايقال عنك انك داهية
____________________________
ضحى متمددة ع الخت وامها جنبها بدا تنام .. ضحى رفعت الغطا عنها وقامت
امها: ع الحمام حبيبتي
ضحى :لا لبرا شوي رح اختنق
امها :ع وين لبرا .. لساتك مريضة
ضحى :انا منيحة .. وبعدين مو لبرا لبرا .. طالعة اتعرف ع البيت ..
تجلست امها وقالت: جاي معي
ضحى :مافي داعي خليكي نامي
امها :لا يووه بدي اجي معك انتي مريضة تقبري قلبي
نفخت بقلبها .. فتحو الباب وطلعو .. كانت الاضوية بالبيت مطفية
دخلت ضحى ع المطبخ وامها وراها .. عم تتلفت حواليها وتتفقد كلشي .. كان كلشي مرتب وحلو . والغراض تقيلة .. لايقل عن بيت اهلها حتى في شغلات احلا من بيت اهلها .. فتحت البراد كان ملينا اطعمة شي شوكولا وفواكه من كل الاصناف .. وقناني عصير من كل النكهات .. اخدت قنينة صغيرة بطعم المنجا اجت تفتحا بس لما شدت عليها بأيدها .. يمكن شد عليها عرق من كتفها ووجعهتا ايدها .. فجأة حدا سحب منها القنينة
ضحى تأفأفت وقالت:ماما لاتفتحيها رجعيها
مجد: بس انا مو الماما
اتطلعت عليه واتفاجئت فيه .. ابتسم ومدلا القنينة بدون غطا
امها من الجهة التانية قالت :عم تقول مابدا
مجد :شو ضحى .. مابدك تخاديها من ايدي
اتطلعت بأمها واتطلعت بمجد
امها عم تزورا .. ومجد عم يبتسملا بحب .. بس قد ماكان ماحبت تخجل امها ... وتفكر انو ماكان بدها اياها من ايدها ..
ضحى :شكرا
لفت ضهرا وطلعت .. وامها طلعت وراها .. واول ماطلعو من الباب سمعو صوت شي انكسر بقوة
التفتو .. ولا مجد طالع من المطبخ ومبين عليه مقهور
.. قطعن وطلع برات البيت وطبش الباب
امها : العما شو جحش
اجت زينة وقالت:سمعت صوت تكسير
ام ناصر :هاد اخوكي.. مدري شو كسر بالمطبخ
زينة :مامشكلة حصل خير هلأ بنضفن.. قوليلي دودو .. كيفك ياقلبي منيحة
هزت ضحى براسا بحزن ودخلت على غرفتها .. ولحقتا امها وقالت :العما شو انو جحش .. ومابدك .. شو غصب .. وبعدين انتي مريضة لازم يداريكي متل العين الرمدانة .. فوق ما انتي لازم تزعلي هو يلي عم يتزعول .. والله استحو الولاد الصغار
ضحى لقت بحكي امها فيه وجهة نظر .. وحملت حقد جديد على مجد بفضل امها
___________________________
بأحد الطرقات ماشي مجد بسيارتو وعم يحكي ع التلفون
مجد :ماقلتلي مين رح بيقدر يساعدني
الشخص يلي عم يحكي معو :مالك غير الامرط
مجد :الامرط يازلمة
:اي اي الامرط ليش مستخف فيه هاد واحد داهية
مجد :في عداوة بيني وبينو
:مشان شو
مجد :مصاري
:اذا هيك شغلة هينة .. رضايه بكمل ليرة بيخرس وبسد حلقو
مجد :رايح شوف
: اي الله معك
سكر الموبايل ورماه ع التابلو ومشي ..
((الامرط اسم من اسماء الثعلب))
وصل مجد للمكان المطلوب وهو مكان بين حواير عشوائية .. والحارة كلها رجال الامرط .. واول ماشافو مجد تنين قربو منو
:اهلا بمجد بعد زمان
مجد :الامرط هون
:مابعرف
مجد :كيف يعني مابتعرف .. يا هون يا مانو هون
:حسب مزاجو اذا كان بحب هو هون واذا مابحب هو مانو هون
مجد باستهزاء :بلله
فتح باب السيارة بقوة وخلا يلي واقف ورا الباب يوقع ع الارض
تركن مشي
:ياامجد .. لك لحظة
مجد.: بدي شوفو ويلي بدو يصير يصير
:طيب تعال
اخدو وراح ع مقر الامرط الرئيس .. فتحو الباب ودخلو .. والامرط تفاجئ بمجد .. الامرط رجل خمسيني .. اسمر داكن وفي ندبة بخدو
الامرط لرجالو : هاد ليش لتدخلوه لعندي
مجد.:ماعلى كيفك وكيفن .. بدي شوفك يعني بدي شوفك
الامرط :خيير
مجد : بدي مساعدة
الامرط بأستهزاء : روح لعند الي قاسمت معو الطميرة
مجد : رجعنا لنفس السالفة
الامرط : لا مارجعنا .. بس انت اخترتو للعقيد يكون شريكك خليه هو يساعدك
مجد :عم يساعدني ومانو مقصر بس بدي مساعدتك كمان
الامرط :اسف
مجد :لك يازلمة انت مجنون .. كل العالم كانت بتعرفني جربان ... هيك بين يوم وليلة صار معي اموال مابتاكلا النيران ... انت كنت بتقدر تحميني
الامرط : قام شاركت العقيد
مجد :ماشاركتو ... عاطيتو من الجمل ادنو .. بس مشان يكون شاهد ع القصة ويسكت .. وبعدين الطميرة انا لقيتا وهي من حقي وحلال كمان ... يعني لو حدا خبر او الدولة خبرت رج يجو باخدوها مني بليلة مافيها ضو قمر ... فقلت بشارك العقيد وبنتقاسما ... وكمان لما شافو اهل الضيعة انو اوضاعي تغيرت اكتر من حدا قدم فيني بلاغ وفكروني سارقهن .. والعقيد هو يلي ساعدني
الامرط :المهم مصاريك وانت حر
مجد باستخفاف :شكرا لتفهمك
الامرط :لا هنن بالفعل الك وانطمرو الك
مجد : طبعا الي .. مزال رب العالمين جعلن من قسمتي
الامرط :انت عم تفهم علييي
مجد :لا
الامرط :خلص سكر ع السيرة انت ليش جاي .. مشان يلي قوص ع مرتك بليلة العرس
مجد.:حكيلي شو كان قصدك
الامرط :رح احكيلك .. بس ماهلأ .. قلي ليش جاي
مجد :بدي مساعدتك وبدي معلومات
الامرط: عن مين ؟
____________________________
مر كم يوم .. ومجد ضايع تماما .. لاعم يعرف يوصل لحدا ولا عم يعرف يصلحا مع مرتو .. لانو حماتو طول الوقت عم تزيد ع النار حطب .. وضحى معد حكتو نهائيا لمجد باتهامها الو بالتقصير ...
........................
صف سيارتو قدام البيت .. وهو عم ينزل منها اجى يحيى وصف جنبو ..
التقو مع بعض وسلمو ع بعض
مجد : اهلا وسهلا تفضل .. تفضل البيت بيتك
يحيى : تسلم صهر
طلعو اول درجتين يلي قدام الباب وطلع قادمن ام ناصر وضحى مهيئن حالن للطلعة .. ضحة كانت فاكة حمالة الايد وامها جنبها عم ساحبة شنتة سفر
مجد :ع وين
ضحى :ع بيت اهلي