#أحببت_ازعر
#الجزء_الثاني_عشر
#بقلم_مريم_اليوسف
بالمشفى
ياسمين من الصبح خلصت مناوبتها وعم تتصل ع مجد وماعم يرد ... نطرت للضهر ورجعت تتصل في كمان مارد ... فا اتصلت باخوها
اتصلت بتحسين :الو
تحسين :هلا اختي
ياسمين :عم اتصل بمجد ماعم يرد علي مشان يوصلني ع البيت .. اذا فاضي تعال خدني انت .. من الصبح خالصة مناوبتي
تحسين :بقلك ابوكي خلي خطيبك يجيبك
ياسمين :ماعم قلكن انو ماعم يرد
الشيخ :كيفك بابا
ياسمين :اهلا بابا
الشيخ :بنتي خلي خطيبك يوصلك اخوكي مانو فاضي
ياسمين :بابا عم اتصل فيه ماعم يرد
الشيخ :قصدك مجد
ياسمين :اي بابا قصدي مجد ليش انا كم خطيب عندي
الشيخ : بس انا بدلتو
ياسمين :ماعم افهم عليك
الشيخ :هههههه ... ليكي بنتي الدكتور يحيى بالمشفى
ياسمين :اي يمكن
الشيخ :بتروحي لعندو .. وبتقوليلو البابا بيطلب منك توصلني
ياسمين :بابا شو عم يصير
الشيخ :نفذي يلي قلتلك عليه.. وحتى تجي بتعرفي كلشي
ياسمين :مع انو ماعم افهم شي بس حاضر
______________________
فتحت ضحى باب البيت وفاتت .. كان قلبا شاعل بنار يكون حدا حس ع شي
سمعت صوتن بالمطبخ .. كملت لعندن .. ورسمت ابتسامة ع وجها وقالت :مرحبا
امها :ما عأساس روحة رجعة
ضحى :التهيت مع رفقاتي ..ليش في شي 😟
بكر :لا شو بدو يكون في .. غيري وتعي ساعدي امك بتحضير الغدا
ضحى:حاضر
راحت وامها حكت :ليش ماخبرتا
بكر :هلا ليجي يحيى بخبرون تنيناتن
فاتت ضحى ع غرفتها واتصلت بمجد
مجد :شو خبروكي
ضحى :ماخبروني شي وعم يتصرفو عادي بشرفك مجد خبرني شو صار .. ليش ماعم ترضى تحكيلي .. لك قلبي كان رح يوقف اول مافتت ع البيت
مجد :ياااروحي ... اهلك بالاصل مامعن خبر انك كنتي معي مشان هيك كمان خليكي طبيعية
ضحى : طيب سؤال
مجد :اسألي
ضحى :يعني ابي وافق يزوجنا
مجد :اي .. ارتحتي هيك
ضحى :بس ماقلي او لمحلي شي
مجد :بكون ناطر يحيى
ضحى :شو دخل يحيى
مجد :مابحب احرق المفاجئات .. يلا روحي يا روحي عندي شغل
ضحى :شغل شو هلأ
مجد : يعني مشتاقتيلي وبدك تحكي معي
ضحى :اي مابحقلي
مجد :انتي يلي بحقلك .. قوليلي شوبدك نحكي
ضحى :بصراحة انا كمان عندي شغل يلا روح
مجد :بأمرك .. بس لاتطولي علي
ضحى :مارح اتصل لحتى افهم كلشي
مجد :طيب ماشي
_____________________________
بالمشفى
بغرفة الدكتور يحيى قاعد ورا طاولتو ومندمج بموبايلو
اندق الباب
يحيى :تفضل
انفتح الباب وكانت ياسمين وراسها بالارض
حط الموبايل ع الطاولة وماحكي .. ناطرها هية تحكي ويعرف شو بدا
ياسمين بخجل وتوتر :بدي روح ع البيت
يحيى :اي شو يعني روحي
ياسمين : مافي حدا يوصلني
يحيى :اتصلي بخطيبك او بأبوكي يبعتلك شوفير مابظنها صعبة
ياسمين :البابا قلي خلي الدكتور يحيى يوصلك
يحيى :ابوكي ؟؟؟؟ هيك قلك
هزت براسها
يحيى :انااا؟ انا ؟بدي وصلك
ياسمين :اي والله ... واذا مابدك بدبر حالي
يحيى :لحظة لحظة .. ما عشان التوصيلة عشان ابوكي ليش طلب انو يلي وصلك
ياسمين : بتحب اتصل فيه واسألو
يحيى صفن شوي وقال :لا .. تفضلي رح وصلك
شلح مريولو الابيض واستناول جاكيتو وطلعو
ركبو بسيارتو وانطلقو طول الطريق ماحكو ولا كلمة .. لانو مافي ولاكلمة ممكن توصل شعورن لبعض .. فالصمت افضل خيار .. لانو اذا بدن يحكو رح يكون حكين عتاب والعتاب مارح يوصلن لنتيجة
وصلها عباب بيتها ووقف
فتحت الباب وقالت شكرا ونزلت
فتل الدركسيون ليعود ادراجو بدون مايرد عليها .. واخد طريق بيتن ليروح عليه
__________________________
بعد ما اكل مع عيلتو وجلسو جلسة عائلية ماحكي ولا نطق بحرف .. بس كان شارد بالفراغ يلي قدامو .. وبالنسبة لاختو يلي قاعدة وعم تعض اضفر ابهامها بتوتر .. وبرود ابوها رح يقتلها
ضحى بقلبا رح ارجع اتصل فيه هو الوحيد يلي رح يجاوبني لانو بابا ماشكلو رح يحكيلنا شي
وقفت لتمشي
بكر :ع وين
ضحى :ع غرفتي
بكر :قعدي في موضوع بدي احكيه
ضحى ابتسمت وقالت :موضوع شوو
بكر شك بالابتسامة وقال :حكيتي معو؟؟
ضحى :انا لا لا
بكر :بس انا ماحددت
ضحى نزلت راسها وقالت :قلي ابوكي بدو يخبرك شي بس هيك .. وصدقني مابعرف شي
بكر :طيب قعدي
يحيى فاق من شرودو على حديثن وقال :مين هاد
بكر :منيح سمعنا صوتك ياعريس
يحيى :عريس ؟؟؟
بكر :اي اليوم خطبتلك
يحيى :شوووو.. مين طلب منك .. وبعدين انا مابدي اتزوج
بكر :شبك شبك .. عم نمزح
يحيى :اسف بابا بس هاد الموضوع مابينمزح فيه معي
بكر :اليوم الشيخ نمر طلب يشوفني
ناصر :اييي
بكر :رحت واحزرو شو كان بدو
ندى :شو بابا
بكر :رجع طلب مجد لضحى
ناصر :هوهوو علينا معد نعرف نخلص من هالقصة
بكر :خلصنا خلصنا
ندى :بعدين كيف بدو ضحى لمجد ومجد خاطب بنتو
بكر : انا عطيتو
الكل :شووووو
الا امها يلي بتغرف بالقصة وضحى يلي اتسعت ابتسامتها
بكر :اي متل ماسمعتو
ناصر :يعني مجد افندي بدو يزف عروستين بليلة وحدة
بكر :لا فسخ خطبتو عن بنت الشيخ
هالمرة يحيى يلي انصدم صدمة فرحتو
ناصر :وهيك بهل السهولة
بكر :شو يعني بهل السهولة .. مجد ماخلى طريقة الا وعملا
امو :بس ابوكن كان عندو شرط
ضحى :وشو هو
بكر :انو تكون ياسمين ليحيى
يحيى :شوووو
بكر :هههه وهي هية العروس يلي خطبتلك اياها عجبك الوضع هيك
يحيى :يعنييي... ياسمين صارت الي ؟؟؟؟
بكر :ان شاء الله .. واتفقنا حاليا نشهر خبر الانفصال وبعد اسبوع الخطبة
يحيى :بابا عم تمزح مووو
بكر :لا والله .. وحتى اتصل بالشيخ واسألو واذا بدك بعطيك رقمو
يحيى صفن شوي :يعني مشاان هيك...
ضحى :مشان شو ؟؟
يحيى :ولا شي ولا شي
قام وراح فورا ليدور ع موبايلو .. وضحى كمان قامت لتعمل متل ماعم يعمل اخوها
ناصر بقهر وغيرة :اي الف مبروك
بكر :وانت يا بكري مابدك تتزوج
ناصر :اي منيح يلي فطنت فيني
بكر : انت قلتلي اخطبلي وماخطبتلك
ناصر : وهي عم قلك انا كمان بدي اتزوج
بكر :يوم المنى .. قلي مين بدك
ناصر :مابعرف .. ماما انتي دوريلي
امو :من عيوني .. والله لدورلك بكل الضعية واخطبلك احلا بنت
ناصر :اي هيك ها محدا احسن من حدا
ندى :شايفة انا رح اطلع بلوشي ... وانا كمان بدي اتزوج
بكر :هههههه انضبي يابنت
ندى :مادخلني بدي اتزوج متلن
امها :الله لايعطيكي العافية اسكتي فضحتينا
ناصر :هههه انت خدي البكالوريا وانا بدبرلك احلا عريس هيك منيح
ندى :ماشي الحال هههههه
_____________________________
بعد اختلافات كتير وين يصير العرس .. قررو يعملوه بنص ساحة الضيعة عرس جماعي ..
العروستين متصدرين مكانن وعرسانهن قاعدين جنبهن .. ياسمين وضحى كانو كتير حلوين والفساتين بحجابات.... والعالم كلها رجال مع نسوان وكمان الولاد كلا عم ترقص ومبسوطين .. بس طبعا مابتقل عن فرحة العرسان يلي لهلأ مانن مصديقين انو كلشي صار بهل السرعة .. وخلال اسبوعين صار عرسن
اجت ام ناصر وام خالد واجبروهن انن ينزلو ع الساحة .. طبعا مافي هون اغاني رمنسية وسالو ..
نزلو ع النص وصارو يرقصو ..
مجد طول الوقت عيونو ما انشالو عن حبيبتو ومرتو واغلب الوقت ضل ساكت
وهية عم ترقص بين اديه قربت منو وقالت :شبك سكتت لتكون تندمت
ضحك وسحبها من ايدا ليرجعو ع امكانن
ضحى :لك لسه هلأ نزلنا
مجد :معلش انا بغار
وصلو ع الاسكي وقعدو
قربت ضحى منو وحكت :ماجاوبتني
مجد : انو انتي من كل عقلك عم تحكي
ضحى :طيب جاوبني
مجد :هلأ ليش ساكت لانو ماني مصدق كلشي صار معي وكمان من جمالك لساني عجز عم وصفك والتغزل فيكي
ضحى :بس ياسمين طالعة احلا ماهيك
مجد : فشر حدا يكون احلا منك
ضحى : بنظرك
مجد.:اي طبعا بنظري ان شاء الله بدك تكوني حلوة بنظر الكل كمان
ضحى :هههههه بحبك
مجد :خلص اسكتي
ضحى :ليش
مجد :لاتعيدها
ضحى :شو عم يصير معك
مجد :لانو اذا عدتيها مرة تانية رح اخدك وفل فهمتي
ضحى :قليل ادب
مجد :وازعر 😉
اما بالنسبة لياسمين ويحيى خاطفين الانظار لانو جمال ياسمين كان ملفت وكمان ليحيى كمان وسيم وكتير لابقين لبعض .. ومين ماشافن يصلو ع النبي ... كمان مجد وضحى حلوين وخاطفين الانظار بس العالم كانت شايفة حبن يلي انتصر اكتر من مظهرن
يحيى لاحظ انو الكل عم يتطلع على عرستو واميرتو .. قرر ينسحب متل مجد سحب ياسمين من ايدها ويرجعو ع مكانن
يحيى بعصبية :انو والله عيييب ... العما ما اوقح هالعالم معد شالو عيونن عنا
ياسمين :غيران
يحيى :طبعا بدي غار ع هيك قمر .. بدي اخفيكي تحت الارض مشان محدا يشوفك
ياسمين :يحيى
يحيى :رووحو
ياسمين :بحبك
يحيى :وانا بموت فيكي
ياسمين :ليك مجد وضحى شو مبسوطين
التفت عليهن وقال :اي والله الله يتمم عليهن فرحتن يارب ..
واتطلع عليها وقال:وانا كمان فرحان فيكي مو مبين علي
ياسمين : امممم مو كتير
يحيى :بتشكي بحبي الك
ياسمين :بصراحة بعد يلي صار شكيت .. بعكس مجد
يحيى :اهااا يعني كان عاجبك مجد وليش ماكملتي معو
ياسمين :هلأ هيك فهمت حكيي
يحيى :شو يعني قصدك هلأ ... كم مرة قلتلك خليني اجي وتقوليلي هلأ بلاها .. وفجأة اختفيتي وبعدا بتنخطبي لمجد .. شو المفروض اعمل
ياسمين :خلص اسفة مظبوط حقك علي
يحيى :مابدي تقولي هيك لتسكتيني ناقشيني
ياسمين :يعني الوقت هلأ وقت نقاش
يحيى :انتي يلي فتحتي السيرة مو انا .. واذا عاجبك مجد ماصار شي قومي روحي لعندو
ياسمين : كأنك مستقلع
يحيى :لا بس الظاهر كان عاجبك
ياسمين :في حدا بيحكي هيك مع مرتو ليلة عرسن
يحيى : لكن شوبدك اياني احكي وانتي عم تقوليلي مجد احسن منك
ياسمين :عفكرة لولا مجد انا وانت مابنقعد هالقعدة
يحيى :لاا والله .. لقوم بسلو راسو واتشكرو
ياسمين :يحيى خلص خلص .. غلطنا وحكينا كلمة
يحيى :ماشي خلصنا بس عفكرة حوارنا لسه ماخلص
(كانو ما احلاهن طرقوهن عين العالم 😂😂)
وبين العالم يلي قاعدة .. قاعدة زينة وجنبا ندى
ندى :شو طالعين حلوين ماهيك
زينة :اي والله .. الله يهنين
ندى :آمين وعقبالك
زينة:شكرا .. وانتي كمان
ندى :هههه ذكرتيني امس صار يقلي ناصر وعد خدي البكالوريا وانا رح دبرلك عريس
زينة :هههههه ليش مستعجلة كل هالقد
ندى :لك ماني مستعجلة .. بس لما خبرني بابا انو ضحى ويحيى خطبو يعني مزح ههه
زينة : هههه مع انو بعرف اخوكي ناصر عصبي كيف هيك حكيتيه وماضربك شي كف
ندى :ضحى قالتلك ماهيك هههه صح هو عصبي بس قلبو طيب واذا بتسايره مافي احلا منو
زينة :هو اخوكي ناصر اكبر من يحيى ماهيك
ندى :اي هو الكبير
زينة :وليش لهلأ ما اتزوج
ندى : ههههه لانو اجدب .. بحياتو انابقول ماحب ولا حكي مع بنت ..
زينة :معقول ؟؟
ندى :ههه اي والله ما لانو ضعيف شخصية بس مابعرف كيف بفكر
زينة :او يمكن لسه مالقى البنت المناسبة
ندى :معك حق .. اي هلأ شو رأيك نقوم ندبك
زينة :اي ليش لأ
ندى :تعي معي رح وقف حد ناصر هههه
زينة :يلا روحي
راحو ووقفو جنب ناصر .. وناصر يلي منسجم بالدبكة فجأة حس انو بنت مسكت بأيدو .. ولما اتطلع عليها كانت ندى عم تبتسملو واتطلع ع البنت يلي جنب ندى كانت زينة .. صفن فيها شوي .. فجأة الشخص يلي عم يدبك قدامو سحبو مع الدبكة
...........................
ضحى : حبيبي ماقلتلي وين بدك تاخدني شهر عسل
حط ايدو وشبكها بأيدا وقال : وين مابتحبي ..
ضحى : يعني مخطط لهيك شي ولا لأ
مجد :حبي .. يا حبي ليش بتستبقي الاحداث
ضحى : شامة ريحة مفاجئة
مجد :مفاجئااات
فجأة طلع صوت رصاص .. وفي حدا عم يقوس بالهوا
اتمسكت بأيدها التنتين بأيد مجد
مجد :بتخافي من القواس
ضحى :كتير
مجد :رح العن ابو يلي عم يقوس ..
وقف ومشي
_______________________
خلف احدى البيوت في حدا معو فرد وكان ناطرن يقوسو ... ليقوس على هدفو ومحدا ينتبه لصوت فردو .. واجباري بالاعراس الريفية رح يصير اطلاق نار .. موجه الفرد ع مجد .. ولما وقف مجد ومشي الرصاصة كانت طالعة من المسدس .. واستقرت ...؟؟؟
: لك شووو عملت انا .. رح اهرب بسررعةةة ...بس راجعك يا مجد الكلب ... وانتي ياضحى خانم بتستاهل الله لايردك
_________________________
الرصاصة كانت سخنة وماحست فيها لما دخلت كتفها .. وبقعة الدم بلشت تكبر تدريجا على ملابسها البيضة . بس لاهية ولا حدا انتبهلا .. لانو كلن لاحقين مجد بعيونن ليشوفو وين راح
وقف جنب يلي عم يقوس سحب منو الرشاش
مجد.:بلاااها
:ليش يا مجد .. اليشخ قلي
مجد :خلص قوست بما فيه الكفاية .. واذا بتطلع لسه رصاصة ماتلوم الا حالك
:خلص متل مابدك روق ولا تعصب
ضحى حست قلبا عم يدق بسرعة ... اجت ترفع ايدا وتحطا على قلبا وتتحسس نبضاتا .. بس ايدها ما ارتفعت معها .. وكأنها انشلت حركتها .. اتطلع ع حالا ولا الفستان من عند صدراها مليان دم
ضحى :دمممم؟؟ مجدددد .... يا مجدددد
بس محد سامعها لانو صوت الاغاني عالي
وقفت وحطت ايدا على صدرا مفركة انو الرصاصة بصدرا .. ومع وقفتها انتبها يحيى وشاف الدم على صدرها ..
كان قدامو طاولة صغيرة عليها عصير دفشها وقام بسرعة لعندها
وهية مع وقفتها رجلهيا ماحملوها يمكن من خوفها المفاجئ ويمكن من الدم يلي عم تنزفو
.. وقبل ما توقع ع الارض كان يحيى ماسكها
طبعا لما دفش الطاولة برجلو وقام بسرعة الكل انتبهلو .. وشافو ضحى يلي عم تنهار وفتسانها من الجزء العلوي كلو احمر .. وكمان مجد شاف هاد المشهد وركض بكل طاقتو ليوصلو لحبيبتو .. وفجأة انتطفت الاغاني وعم الهووء
يحيى :ضحى .. ضحى انتي معي .. شو حاسة .. حكيني ..
ضحى :ماني حاسة بشي ...
يحيى :شو هااد الدم
ضحى :يمكن رصاصة طايشة
يحيى بخوف وهو عم يلمس ع صدرها وين .. وين
ضحى :مابعرف .. ايدي .. ايدي ماعم اقدر حركها
فجأة وصل مجد ونزل لعندا
مجد بتوتر وخوف لايوصف :ضحى .. حبيبتي شو صابك ..
يحيى وقف وحملها وقال :رصاصة طايشة .. بسرعة.. خلينا ناخدا ع المشفى
مجد :اي اي ..
راحو لعند اول سيارة ومابيعرفوها لمين فجأة انرمى الهن مفتاحها .. من صاحبها
فتح الباب وركب مجد ورا المقود ويحيى ركبها من ورا وركب معها
اجو بكر ومرتو عم يركضو بدن يلحقو بنتن ويعرفو شو صار فيها .. وصلو للسيارة وصارو يخبطو عليها كان مجد اول ماعم يمشي .. وقفلن بسرعة
بكر ركب جنب مجد وامها ركبت معها من ورا .. ومجد طار بسرعة جنونية
امها :ياعمري شو صابك
بكر :يحيى اختك شبها
ضحى :انا منيحة والله منيحة
مجد :حبيبتي شو حاسة
ضحى :دايخة شوي
يحيى خلا ضحى تميل لعند امو وامها ضمتها وصارت تبكي .. ويحيى مزقلا الفستان من عند الكتف ليشوف وين منصابة ويحاول يوقف النزيف
ولما شافو بكتفها تنهد بارتياح
يحيى :لاتخافو بكتفا الرصاصة جاي
ضحى عم تحكي بنص وعي :مجد خفف السرعة دايخة
مجد :ماشي ياعمري .. رح خفف
ضل منتبه قدامو وماخفف السرعة ابدا .. وهربت من عينو دمعة
بكر شافو بس عمل حالووماشافو
ضحى :بدي موت
مجد :لعدوينك الموت يا روحي
يحيى :لا حبيبتي مارح تموتي
ضحى تقريبا بلشت تهلوس :انا بحبكن
امها :ونحنا كمان بنحبك يا روحي
ضحى :مجد انا بحبك كتير
ضحكو ضحكة صغيرة مع كم دمعة
يحيى :ليش ضل حدا بهل البلد مابيعرف انكن بتحبو بعض
مجد : ياعمرو وروحو لمجد .. والله انا بحبك وبموت فيكي .. ومارح خليكي تموتي عم تفهمي .. مارح خليكي ... لسه مافرحت فيكي (دموعو عيونو عند اخر كلمة ) لسه مافرحت فيكي
يحيى حط ايدو ع كتف مجد وقلو لاتخاف والله شغلتها عرضية وحتى يمكن اليوم تنام عندك بالبيت
هز راسو ومسح دموعو بكفو .. ووصلو ع المشفى
....................................
بالضيعة .. عالم لحقتن ع المشفى .. وعالم راحو ع بيوتن .. وعالم ضلو ينطرو .. وعالم راحو مع العروس ياسمين ع بيت عمها ابو ناصر
زينة وندى وياسمين قاعدين بصدر الغرفة والناس حواليهن منهن عيلة الشيخ وعمام ضحى
دخل تحسين وقال :وصلو ع المشفى ..
قامت ندى لعندو بسرعة :مع مين حكيت .. اتصل خلينا نطمن
تحسين :اتصلت ع موبايل مجد .. بس رد علي ممرض
الشيخ : تحسين مين يلي كان عم يقوس
تحسين :رجب ..
الشيخ :وينو جبلي اياه
تحسين :برا .. وعم يحلف انو ماكان قصدو
ياسمين :ما المهم مين قوس المهم ضحى .. تحسين ارجاع اتصل
ندى :طيب مين راح معن .. حدا يطمنا يارب
دخل ناصر وقال :اتطمنو ياجماعة الرصاصة جاي بتكفها .. حكيت مع المشفى وهنن طمنوني .. لانو محدا عم يرد ع موبايلو
ندى راحت ضمت اخوها وصارت تبكي
ناصر: رح تكون منيحة والله
ندى :يارب ... يارب
بعدت عن اخوها ورجعت قعدت جنب ياسمين
ناصر :ندى تعي معي
مشي شوي ووقف وقال لزينة وانتي لو سمحتي
راحو ع المطبخ
ناصر : عملو شي يشربوه العالم
ندى :مين الو نفس يشرب
ناصر :متل ماقلتلك عملي ..
ندى :رح اعمل شاي
ناصر :منيح
ندى :بس مافي كاسات بتقدي
ناصر :عملو الشاي وانا بدبر الكاسات
مافي تلت ساعة الا والبنات داخلين وكل وحدة معها صينية وصارو يضيفو شاي
_____________________________
انتفتح باب غرفة العمليات ووطلع يحيى وكان مشمر عن ايدو ووكابس على وريدو بقطنة
قربو كلن منو بسرعة
يحيى :والله منيحة ومافيها شي .. طلعو الرصاصة وخيطو الجرح الحمد لله مافي شي خطير عرضية
امو :وانت شبك
يحيى :كان ناقصهن دم وانا تبرعتلا
تنهد مجد بأرتياح وراح قعد ع جنب
يحيى :مجد عاوزك بكلمتين
بكر :يحيى اختك فيها شي وعم تخبي عنا
يحيى :لا والله .. وهلأ شوي ورح يطالعوها ع غرفة عادية ... مجد ممكن شوي
راحو ع جنب
يحيى :هلأ يلي كان عم يقوس شو كان معو
مجد : مافهمت
يحيى :انو شو سلاحو
مجد :رشاش
يحيى :بس الرصاصة يلي دخلت بكتف ضحى رصاصة مسدس
مجد :شووو ... شو يعني
بحيى :والرصاصة جاي مواجهة يعني مو رصاصة طايشة
مجد :حدا متقصد يقوس عليها
يحيى :اكيد .. المشفى مارح يسكتو ورح يخبرو الشرطة .. انا خبرتك لحطك بالصورة
مجد : انا بحل هاد الموضوع ..بس بدي منك ماتخبر حدا وخلينا انو رصاصة طايشة
يحيى :مين ممكن يكون
مجد :وحياتها لاعرفو
يحيى :انا رايح هلأ ع البيت وجبلا تياب مشان نطالعها
مجد:بصير نطالعها
يحيى :خايف عليها
مجد عطاه مفتاح السيارة وقال :هي السيارة مابعرف لمين عطيها لصاحبا وهلأ رح احكي مع اخي مراد يجبلي سيارتي
اخد المفتاح منو يحيى ومشي .. ومجد ضل واقف مكانو وشارد بالفراغ يلي قدامو ... يا ترى مين يلي عمل هيك ... انا الي اعداء كتير .. بس هية شو ذنبا ..
رفع التلفون وحكي :كيفك سيادة العقيد
العقيد :اهلنا بالعريس
....................
خلص المكالمة ومشي لعند بيت عمو
امها :ضحى رح ترجع معنا ع البيت
مجد :ليش
امها :مشان نطمن عنها
سكت ومارد ...تركن وراح وقف على جنب
بكر : ليش هيك حكيتيه
ام ناصر :هي بنتي وبدي اتطمن عليها
بكر :صارت هلأ مرتو
ام ناصر :لترجع متل ماكانت يجي ياخدا
بكر :بلش يشتغل كيد الحموات
ام ناصر :خلصنا سكر ع السيرة انا كل هالجازة ماني طايقتا
بكر :شو عدا مابدا
ام ناصر :خلص مافي شي خليني ساكتة احسن
بكر :اي والله احسن شي بتعمليه
_____________________________
مكالمة هاتفية والاشخاص غامضين
صوت انوثي : قلي ليش متصل
صوت رجولي : مجد يلي كلفتيني راقبو
:شبو
: تقوست مرتو اليوم
:ليش ايمت تزوج
:اليوم كانت ليلة عرسو
:وليش ماخبرتني يابهيم
: والله مافكرتو موضوع مهم
: الله ياخدك المهم شو صار
:ماصار شي مرتو هلأ بالمشفى .. وعم يقولو رصاصة طايشة
: وهية هيك فعلا
:مابظن بس رح اعرفلك
: اي منيح كتير .. واذا طلعت مقوسي عن قصد بدي تجبلي يلي قوس من تحت الارض
: حاضر ... بتأمريني بشي تاني
:بتخبرني بكلشي اول بأول
________________________________
وصل يحيى ع البيت والكل طلعو بوجهو
ناصر :يحيى طمنا شوو صار
يحيى :والله منيحة وشي ساعتين لنطمن عليها رح نطالعها
الكل قالو :الحمد لله
يحيى :ندى جيبلي تياب لضحى
ندى :يلا ثواني
طلعت من احدى الغرف ياسمين وكانت مغيرة الفستان ولابسة بنطلون وكنزة ولافة حجابها ع راسها
قربت منو وقالت :الحمد لله عسلامتك
يحيى بحب :الله يسلمك
ياسمين :في داعي اجي معكن
يحيى :لا حبيبتي .. مابدي عذبك
قرب من ادنها وهمس :آسف على كلشي .. وكمان على الليلة يلي اختربت
ياسمين :لا تحكي هيك .. كلو بيتعوض المهم صحة اختك
يحيى :بحبك
اكتفت بالابتسامة
يحيى :عرفتي وين غرفتي
هزت براسا
يحيى :فوتي ارتاحي وبكرا ان شاء الله رح نطلع على بيتنا
ياسمين :مو قبل ما اطمن ع ضحى
يحيى :طبعا
طلعت ندى من غرفتها ومع كيس فيه تياب لضحى
قرب يحيى طبع بوسة على جبين ياسمين واخد التياب من ندى وراح
بعد ماراح العالم بلشت تنسحب على بيوتا بعد ما اطمنو انو ضحى بخير... وماضل بالبيت غير زينة وياسمين وندى وناصر قاعد بغرفة الضيوف برا
زينة عم تحكي ع التلفون: اي ماما .. اي هلأ بجي مع مجد
:وبركي مجد ضل مكمل لهون
زينة :بخلي اي حدا يوصلني المهم هلأ اطمن ع صحة ضحى وشوفها بخير
:الله لايضرا يارب
زينة :آمين
رجعت لعند البنات وقعدت جنبن
ندى :هي امك
هزت براسها
ندى :ياسمين قومي ارتاحي .. تعبتي كتير اليوم
ياسمين مبين على عيونها التعب قالت :اذا صار شي او اجت خبروني
ندى :اكيد
ياسمين :تصبحو على خير
كملت ع غرفة يحيى وقربت من التخت قعدت ع طرفو ورفعت المخدة وضمتها على صدرها وصارت تستنشق ريحتها بحب
______________________________
بالمشفى
ضحى قاعدة ع التخت وراسها على صدر مجد يلي قاعد جنبا ولاففها بأيدو
والايد التانية ماسكة ايدها
مجد : كيف ملاقاي حالك هلأ
ضحى :احسن بكتير
مجد :عم يوجعك شي
ضحى : اي محل الرصاصة .. بس مو كتير
مجد: لكن ليش عم تقولي احسن بكتير
ضحى :لاني معك
وغمرت راسها بحضنو اكتر
..................................
برا الغرفة
امها :يعني شو عم يعملو كل هالوقت لحالن .. بدي فوت اتطمن ع بنتي
بكر :رح تطمني بس اصبري شوي .. خليهن شوي لحالن
امها :هي مشفى مو اوتيل .. خلص رح فوت
بكر :يا ام ناصر اصبري شوي
بس ماردت عليه وراحت فتحت الباب حتى بدون ما تدق
تلبكت ضحى بس مجد ضل ع وضعو وماحركلو جفن
رفعت راسا عن حضنو بس هو ضل متحكم فيها
امها تجاهلتو :كيفك يا حبيبة ماعقلبك شر
ضحى :منيحة انا كتير
امها :يارب .. ان شاء الله عطول ... قوليلي عم يوجعك شي .. تعبانة من شي
ضحى :لا لا
امها :مجد بعد شوي عن هالبنت مشان جرحها ..
مجد ماحب يجادلها .. وبعد عن ضحى وطلع لقى عمو بوجهو
بكر : كيفها هلأ
مجد :منيحة اتفضل لعندها
اجا يحيى من اول الكوريدور ... وصل لعندو وحكا مجد
:شو كيفها
مجد :منيحة الحمد لله ... ليك يحيى انا رايح مشوار انت خدهن وروحو
يحيى :ع وين بدنا نروح وانت مابدك تاخد مرتك
مجد :اي لتخليني امك اخدها بالاول
يحيى :امي ؟؟ليش صاير شي
مجد حط ايدو ع كتفو وقال :لا لا .. المهم انا رايح ويمكن اتأخر خدها لعنكن ع البيت وانا ببقى بجي بطمن عليها
يحيى :ع وين رايح
مجد :رايح شو مين ابن هالحرام يلي عمل هيك
يحيى :ليش عرفتو
مجد :لا بس مارح يجيني نوم لحت اعرفو
_______________________
مكالمة هاتفية مجهولة
الصوت الانوثي : شو صار معك
: اي معلمتلي ..لقيتو
:وينو
: انخطف
:كيييف؟؟
:هلأ مابعرف اذا انخطف اول لأ.. بس يلي صار اجت سيارة واخدتو وكأنو اخدوه اجباري
:لك فهمني شو صار ...
: لاتخافي انا عرفت مين الخاطف او مين يلي اخدو
:مين هو ؟؟
:جاي لعندك وبخبرك بكلشي
____________________________
ضحى عم تركب بسيارة اخوها مع امها وابوها وتتلف حوليها
ضحى :مجد وينو
يحيى :عندو شغل
ضحى :شو هالشغل يلي اهم مني
يحيى :هلأ اركبي وبالبيت بنحكي
امها :هه اي شو هالحب هاد
ركبت ضحى بالسيارة مقهورة من تصرف مجد
___________________________
بالفرع
العقيد : كيف صار هيك ... ياريتني جيت حضرتك عرسك بس قلتلك ظروفي
مجد :حصل خير
العقيد :بتشك بحدا
مجد :انا اعدائي كتار .. بس هية شو دخلها ليش ليقوسها الها
العقيد :ممكن كانو بدن يقوسك الك مو الها
مجد :كيف
العقيد :بعتت فريق يكتشف مكان الحادثة بالعرس .. وسألت الدكتور يلي طالعلا الرصاصة .. والرصاصة جاي بكتفها يلي من ناحيتك .. يعني ممكن تكون انت المستهدف ... وكمان الاصابة بكتفها اليمين .. يعني لو عنجد ناوي يقتلها الها كان صوب بالنص او عجهة اليسار جهة القلب .. هاد يا قاصد يقتلك الك .. يا اما يخوفكن
مجد :بس انا ماكنت لما تصاوبت جنبها
العقيد :وين كنت
مجد :هو اول مابلش القواس هية خافت فأنا قمت قلن يوقفو
العقيد : يمكن وانت عم تقوم اجت الرصاصة .. بس ع الحالتين يلي عمل هيك ناوي عليك مو عليها .. مبين انو بدو يحرقلك قلبك مشان ينتقم
مجد :طيب ماتوصلتو لشي انتو
العقيد :خلال ٢٤ ساعة رح يكون اخبار اكيد ...بس قلي انت بمين بتشك
صفن شوي وقال :بس مابظن يلي عمل هالشغلة يخليني عايش .. لانو اذا ضليت عايش بيعرفو منيح شو ممكن اعمل
______________________________
وصلو ع بيت ابو ناصر
كانت الدنيا اول مابلش يجهجه الضو
ضحى كانت بدا تسأل ليش جبتوها لهون .. بس سكتت وخبت غضبها لمجد لتفرغو فيه
كلن استقبلوها واطمنو ع سلامتها .. وهية انسحبت بهدوء ع غرفتها
لحقتا ندى وزينة
ندى :شو حبيبتي موجوعة
ضحى :وين موبايلي
زينة :يمكن مع مجد
ضحى :عطيني موبايلك زينة وطلعو لبرا لو سمحتو
ندى :صاير شي بينك وبين مجد
ضحى :لأ هلأ رح يصير .. عطيني موبايلك زينة
عطتها موبايلها وطلعو لبرا .. اول ما اتصلت رد فورا
ضحى :وينك يا استاذ .. تركتني بالمشفى ومعد سألت .. عحد علمي انا لازم كون ببيت زوجي هلأ .. وينك انت
اول ماسمع صوتها ابتسم ولما خلصت قال :كملي ليش سكتيي
ضحى :برودك ماعاد تبلطلو ماهيك
مجد :شوبدك هلأ ياروحي
ضحى :هو سؤال مافي غيرو .. انا هلأ وين لازم يكون مكاني
مجد : بقلبي
فجأة سكتت .. وكأنو عرف كيف يهديها .. وابتسمت بخجل . بس سرعان ما غيرت نبرة صوتا وحكت :لاتغير الحديث وتجذبني بكلامك المعسول .. حكيلي الحقيقة .. انت معد بدك اياني لانو تصاوبت وصرت متوكة ماهيك
مجد :اي هيك .. يلا باي
وسكر بوجها
ضحى :بكرهك مجد بكرهكككك
دخل يحيى عليها وشافها منفعلة
يحيى :شبها العروس
ضحى :هه عروس😏
يحيى :حكيتي مع مجد
ضحى :اي .. وقهرني كتير
يحيى :لا تنفعلي لازم تهدي وتنامي
ضحى :لا مابدي نام
يحيى :ضروري تنامي جسمك تعبان
ضحى :طيب ماشي
نزلت بفرشتها .. وقرب يحيى غرس بوريدها ابرة
وراحت نايمة
_________________________
دخل مجد ع البيت وبراسو مية فكرة عم تتخبط ببعضن
قابلتو خالتو كانت لابسة روب الصلاة وكانت مخلصة صلاة الصبح
خالتو :حبيبي مجد كيفا ضحى
مجد :منيحة خالتي منيحة
خالتو :وليش تركتها لحالها بالمشفى
قعد مجد بالارض وسند راسو ع الحيط بتعب وقال مانها لحالا عند اهلها
خالتو:يوووه وليش عند اهلها ليش ماجبتا معك ماهو من اليوم صار هاد بيتا
مجد : خالتي يلي صار مانو صدفة او رصاصة طايشة هاد حدا كان قاصد يقتلني الي او هية
قربت وقعدت جنبو وقالت :وخليتها عند اهلها مشان تحميها
مجد :اي .. هنيك بتطمن عليها ومشان هاد يلي بدو يقتلني يقتلني الي ومايقرب عليها .. وكمان اذا متت مابتترمل من بعدي
خالتو :محدا بياخد هالروح غير يلي حطها.. روح جيب مرتك وقضي معها يومين حلوين .. وعشان هدول يلي بدن يأذوكن ان شاء الله بيفشلو .. لاتستسلم .. لاتخلي حدا ينزع عليك سعادتك .. روح جيبها وفراح معها .. هي فرحت عمرك ... اذا بدك تموت موت بس لاتحرم حالك من حبيبتك .. واصلا الموت الله يبعدو عنكن ويعطيكن طولة العمر .. وهاد يلي قوس ان شاء الله رح يبين وياخد جزاتو
اتطلع بوجها وصفن
خالتو :مابدها صفنة يلا قوم
ابتسم وقام
_______________________
الكل من التعب خلد للنوم .. مع انو الشمس طلعت بس الكل تعبان وطول الليل مانامو .. الا شخص واحد وهو يحيى
كان قاعد جنب عروستو وصافن فيها وبجمالا .. وعلى وجهو ابتسامة حب ... وكل شوي يمد ايدو بهدوء ويداعب خصلات شعرها
فجأة سمع صوت الباب عم يندق قام بسرعة وفتح قبل محدا يفيق من اهلو .. وكان مجد
يحيى :اهلين مجد .. تفضل .. ههه بس الكل نايم
مجد : ماني جاي اقعد جاي اخد مرتي
يحيى :نايمة ومتسحيل تفيق قبل اربع خمس ساعات
مجد : بتنامن ببيتا
يحيى : صايرلك شي انت
مجد :لا بس بدي مرتي
يحيى :طيب لحظة لفيق ندى وبتدخل لعندا مرتك .. وعفكرة ما اكلنها
مجد :ههههههه
راح يحيى دق الباب بهدوء .. طبعا ما تجرأ ويدخل لانو زينة نايمة مع البنات حست ندى وقامت بتعب وفتحت الباب
ندى :شبك اخي خلينا انام شي ساعة
يحيى :حطي عراسك مجد بدو يشوف مرتو
ندى :ويأجلها شوي .. هلأ فطن
يحيى :مرتو ومابحقلنا نتدخل .. يلا بسرعة
ندى بتأفأف :اوووف يلا اندهلو
راح يحيى وهية حطت ع راسها وراحت ع غرفة القعدة وتمددت ع فرشة ونامت فورا
وصل يحيى مجد عباب الغرفة وقلو :هون مرتك واختك مافي حدا غريب تفضل
هز براسو وفتح الباب وفات كانت ضحى نايمة عضهرها وايدا معلقة برقبتها وع التخت التاني نايمة زينة
قرب من مرتو وقعد جنبها ... بعدلا خصلات شعرا عن وجها وصار يفيقا بكل هدوء
مجد :ضحى .. حبيبتي .. ضحى عم تسمعيني .. بس هية كانت بغير دنيا .. حاول يصحيها كتير بس كانت نايمة بعمق وميبن عليها التعب وخصوصا انها عم تشخر
بعد عنها وراح لعند اختو صحاها
مجد :زينة .. زينة .. قومي رايحين ع البيت
فتحت عيونا وضلت شوي لاستوعبت هية وين
زينة وهية عم تتاوب : مجد شوو عم تعمل هون 😴😴
مجد.:قومي البسي رايحين ع البيت
تجلست وقالت وضحى ؟
مجد: وضحى كمان
فتح الباب لقى يحيى بوجهو
مجد:بأسر شي اذا اخدتا وهية نايمة
يحيى :بشرفك لاتتصرف تصرفات مجانين .. البنت متصاوبة
مجد :عم اسألك بأسر شي
يحيى :لا حول ولا قوة الا بلله .. لا مابأثر خدها
عصوتن بلست تفيق العيلة
طلعت ام ناصر وتفاجئت بمجد ويحيى
ام ناصر :شوفي
مجد :جاي اخد مرتي
ام ناصر :لا مافي تروح بنتي مريضة وبدها حدا يعتني فيها
مجد :انا بعتني فيها
ام ناصر : بدها وحدة اجباري .. انتي مابتصير
مجد :بدكن تهتمو ببنتنكن تعالو عبيتا واهلا وسهلا فيكن
طلع بكر وراها ومعو ناصر
ناصر : شوفي
ضل ساكت مجد وكأنو مل من كتر الشرح
يحيى :مجد جاي ياخد ضحى
ناصر :وياخدها ماهية صارت مرتو
مجد بقلبو :هه من ايمت ناصر بصف معي
بكر :ابني انطرها لتفيق
مجد: يحيى عم يقول بدها ٤ او٥ ساعات .. وانا رح اخدها هلأ
ام ناصر :وهية نايمة
مجد :اي شوفيها
بكر :خلص ابني يلي بدك اياه عملو .. البنت مرتك وانت حر فيها
مجد :شكرا عمي
انفتح الباب وطلعت زينة وقالت :انا جاهزة
مجد:روحي فتحي باب السيارة
هزت براسا وراحت وهو دخل وحملها بكل هدوء وطلع فيها ويحيى لحقو يساعدو كيف بدن يقعدوها بالسيارة
ام اناصر :يا فضيحتنا .. ان شاء الله محدا يشوفو .. ياربي .. انا ماكان ناقصني غير هالجاهل ... بس مايعمل فيها شي شغلة
بكر :لك شو عم تحكي يا مرى .. شوبدو يعمل فيها كمان .. ماهية مرتو
ام ناصر بعدتو عن طريقها وطلعت لبرا كان اول ماعم يمشي بالسيارة ندهت عليه ووقفتو
قربت وشافت بنتا بالمقعد الخلفي وزينة ساندتا ومنيمتا ع كتفها .. اتطلعت بمجد وقالت :البنت مريضة هلأ
مجد :مافهمت
ام ناصر :البيت ماخرج تكون عروس وفهمك كفاية
مجد عم ينفخ بقلبو وقال :في شي تاني حماتي
ام ناصر :عم نبهك هاا .. ما تتجاهل حكيكي وجرحها مالازم يجي عليه مي .. ولا اجي وضل معها
مجد :بدك تجي اهلا وسهلا .. وعشان ضحى اطمني هية بعيوني
ام ناصر : لا تأسرع وخليك ماشي ع الهدا
مارد عليها وعس بازين مشي
ام ناصر :لك وين رحت لسه ما خلصتت
بكر عم يضحك من وراها :لك تركيه يستطفل منو الها
ام ناصر : يحيى تعال وصلني .. هاد واحد همجي وبخاف ع بنتي معو
يحيى :هههه ماما نعسان انا وفايت نام وياريت محدا يزعجنا
اتطلعت بناصر وقبل ماتحكي صارت يتاوب عن قصد وانسحب ع غرفتو
اتطلعت بجوزها ... لقتو عم يضحك وقال :تعي خلينا انام شي ساعة .. هلأ العالم بتصير تجي تطمن وتسأل عن ضحى
زورتو ودخلت ع غرفتها وهو لحقها وسكر الباب