رواية#أحببت_ازعر
#الجزء_الخامس
#بقلم_مريم_اليوسف
قرب الشب بدو ينقض ع منهل بس مجد وقف بوجهو
:بعد من وجهي عملت يلي عليك
مجد قرب منو وسحبو من دراعو عجنب
مجد: بدك تطول بالك يا حبيب
راحو عجنب وصارو يتهامسو .. وهنن عم يتهامسو .. فجأة الشب سحب المسدس وحطو براس مجد
طبعا كلنا نحنا ومع الموجودين مانا فهمانين شي ... بيضحك مجد بيرفع ايدو وبنزل المسدس وبيرجعو بيتهامسو .. ومجد بطلع موبايلو وبيفتو قدامو.. هداك علامات الصدمة واضحة ع وجهو وحبات العرق ع تتجمع على وجهو
بسكر الموبايل مجد وبيجي ليرجعو عجبيتو بس وبوقف الشب لما بيمسك ايدو .. بيرجع بيهمسلو مجد .. بيتركلو ايدو ومجد بحط الموبايل بجيبتو ..
مجد :وهلأ خود كلابك وانقلع من هون .. واذا رجلك بتخطي هالحارة .. صرت بتعرف شو ممكن اعمل
اشر لرجالو لينسحبو ومشي معصب ع سيارتو .. ورجالو لحقوه
مجد بيمشي لعند منهل وبشيل اللزقة عم تمو .. وبيفتل لورا ضهرو وبفكلو الحبل
منهل :ليش هيك عملت
مجد :لأنك فكرت مجرد تفكير فيها
منهل :هي بنت عمي
مجد :بنت عمك على عيني وراسي .. بس لاتفكر فيها اكتر من هيك
منهل :طيب شو قلتلو لحتى تركني
مجد :هههه قلتلو انك مانك رجال فا كيف بدك تغتصب وحدة
منهل :نددل
مجد :ههههههههه بصراحة ماكنت حابب حطك بهل الموقف بس انت يلي جبرتني بعد ماعرفت
منهل :وانا هالمعروف مارح انسالك اياه ...
ربتلو على كتفو ومشي .. كانو اهلو لمنهل واصلين وصارو يضموه ويطمنو على صحتو
بس ضحى ضلت واقفة وعم تراقب مجد يلي ماشي ورايح عسيارتو
مانا فهمانة شعورا تجاهو تكرهو ولاتشكرو .. بس شو يلي صار بدا تفهم .. او الكل بدو يفهم
_________________________
الكل قاعدين بالمضافة عند ابو منهل .. وكل واحد يسألو سؤال لحتى يستجوبوه
ابو ناصر: وين كنت
منهل :مو مهم
ابو منهل:طيب ليش تهموك هالتهمة الباطلة
منهل :مالقت حدا تلزق فيه التهمة غير انا
امو: ليكون مجد ورا هالشغلة
منهل :امي شو دخلو مجد
ناصر :وليش هيك جابك مربط قدام الكل
اتطلع بضحى يلي نزلت راسا وقال :لانو ندل
ابوه :شو حزيرة هلأ بدك تحكيلنا كلشي
منهل :ماعندي شي احكيه.. كنت مظلوم وبينت برائتي
ابو جابر : كيف بينت بهل الثواني
منهل :مجد حلها
ابو ناصر :كيف هالازعر بدو يحلها ..
منهل : بندالتو ههههه
ابوه : وعم تضحك كمان
منهل :مجد هو الوحيد يلي بهل الضيعة خرج الوحد يعتمد عليه .. ومن هون ورايح مابدي حدا يحكي عليه قدامي ولاكلمة ... لانو مجد مانو ازعر مجد رجاال
ضحى صارت تبتسم
ابو ناصر :عشان هالكلميتن يلي حكاهن مع الزلمة وتركك كبر بعينك
منهل : انت بتعرف مجد شو قلو .. طيب ليش ماواحد منكن راح حكالو هالكلمتين .. وخلصني
ناصر :وليش انت ماحكيت
منهل :بلله عم تحكي من كل عقلك .. يعني انا لو شو ماقلتلن مارح يسدقوني
امو :يعني عاجبك الوضع يلي جابك فيه ع الساحة وانت مربط
منهل :ههههههههه اي .. هو كان مقهور مني وفش خلقو بهل الطريقة ... وعفكرة انا طول هالفترة متخبي عندو وقام بضيافتي احلا ضيافة .. لما صار معي هيك مالقيت الا باب مجد دقو ... وبالفعل فتحلي بابو وماردني .. ووقف جنبي ليبين الحقيقة .. ياريت تشوفو مجد بطريقة ايجابية بتشوفو شقد مجد منيح
وقف ابو ناصر وقال :عمي انت جيت والحمد لله عسلامتك .. ومجد الله يهنيك فيه .. يلااا قومو خلينا نروح
قامت عيلتو ليروحو معو
____________________________
من سيارة من سيارات المسلحين .. في شب سحب موبايلو بهدوء ودخل ع الواتساب .. وبعت رسالة
: معلمتي انكشفت القصة .. واخوكي جاي عالبيت والشر بين عيونو
اجا الرد فور :شوووو .. شو صار
:في حدا من الضيعة يمكن كشف كلشي لاخوكي
:انا شوو لازم اعمل هلأ
:مابعرف خبرتك مشان تاخدي احتياطك
:طيب رح انا حاليا رح اهرب .. ورح ابعتلك عنواني الجديد بدي اعرف كلشي صار
:تمام
_____________________________
انفتح الباب ودخلو عيلة بكر
كانت ضحى عم تشلح من رجلا فجأة حست انو شعرا رح ينشمط من مكانو من قوة الشدة
ناصر :ياحقيرة مفكرة ناسيلك يلي عملتيه
ضحى:اااااخ .. تركني عم توجعني ... بابااا قلوو
بكر :خلص ناصر تركها
ناصر :شو هالتصرف البايخ يلي عملتو ..يعني لو اخدوها شو كان صار
بكر :وما اخدوها .. لاتفتحو السيرة بدي اياها تتسكر نهائيا
ضحى :سمعت شو عم يقول ابوك .. يلا تركني
تركها وقال :حركات البطولية ياويلك اذا بتعيديها وشو ماكان الظرف .. بتضلي مقبورة عجنب فهمتي
عم تفرك راسها ومشت لقدام غرفتها .. مسكت قبضة الباب وحكت : اصلا انا عملت هيك مشان مجد يتصرف .. لانوبعرف انو قدها ورح يطالعنا من هالمشكلة ... واصلا لو بدي اعتمد عليكن كنت رحت وتخبيت
ناصر:ياحقيرةة
بسرعة دخلت وقفلت عحالا .. صار ناصر يخبط ع الباب : فتحيي ياكلبة .. معتمدة عهداك الازعر ينقذك .. خليه يجي يأنقذك مني ... يا واااطية ... ماني معبي عينك ... لك فتحيييي
ضلت حابسة حالا جوا وعم تضحك .. وناصر برا وعم يخبط ع الباب رح يكسرو .. لحتى ابوه صرخ عليه.. وانسحب عغرفتوو.. وصرخ بصوت ليسمع ضحى
بكر :سعمي وليه ضحىى.. وجهك مابدي شوفو قدامي عم تفهمي .. لاتخليني المحك حفاظا على سلامتك
_____________________________
وصل مجد ع بيتو ونزل من السيارة .. ووراه فورا كان مراد .. نزل ونده عليه .. ومجد وقف ليقيرب لعندو
مراد :ممكن تفهمني كلشي صار
مجد : تعال ع الخيمة وبحكيلك كلشي
راحو ع الخيمة
وانا رح احكيلكن شو صار بالفلااش بااااك
###فلاااااش_بااااااااك#####
ببيت اهل ضحى وبغرفة يحيى تحديدا .. فاق بعد منتصف الليل ع رنة موبايلو
يحيى :الو
منهل :كيفك يحيى
يحيى :اهلين خبرني شبك
منهل :الحقني يا ابن عمي واقع بورطة
يحيى : لك شووفي شبك
منهل :بنت المسؤول يلي انا بشتغل عندها شوفير
يحيى :اي شبها
منهل : متهميني انو انا مغتصبا .. وانا هلأ هربان طالبين راسي
يحيى :لك شو عم تحكي وعم تخبص .. فهمني شوفي
منهل :ماوقتو يا ابن عمي .. انا ضايع بالشوارع قلي وين روح ..
يحيى : والله مابعرف .. بس اصحك تجي ع الضيعة
منهل :اكيد مارح اجي .. خبرني عشي مكان روح عليه .. مالي غيرك من بعد الله يا اخوي
يحيى :لحظة خليني صحصح وفكر .. لانو فيقتني مرعوب رح غسل وجهي وارجع احكي معك ...
منهل :ناطرتك لا تتأخر
يحيى :ثواني
سكر وراح وقف ع المراي وكانو بدو يستوعب .. فتح الباب وراح يغسل وجهو .. وهو ماشي سمع صوت همس من غرفة اخواتو البنات .. قرب وحط ادنو ع الباب وسمع صوت ضحى : خراس يا ابن الحرام ....اي هيك بدي حكيك لانو انت ابن حرام ...... والله مابعرف ع زمة ابوك وامك ههههه .... اصلا محدا علمني هالحكي السوقي غيرك ... المهم ايمت بدك تشتري الاحصنة ... اي طبعا بدي واحد الي ..... اي هيك بدي اياك تقبر قلبي ... اي وشو مشاريعك الجديدة .... طيب خلص عيفن شوبدك فيهن يسطفلو مين موكلك عن هالعالم مابشوفك غير بدك تحاسب هاد وتعاقب هاد ... لك انت مابتخاف .... خلص خلص مابدي ناقشك بعرفك جحش ...ههههههه باي باي
وبعدها سمعها ضحكت شوي وسكتت
راح غسل وجهو ع المغسلة واتطلع عحالو بالمراي .. افكار كتير عم تتخبط براسو .. منو اختو عم تحكي مع مجد .. كيف وهية مامعها موبايل .. هلأ ماوقتا .. بدي لاقي طريقة لمنهل ... مجد!!!!؟؟؟؟؟؟
رجع ع غرفتو بسرعة واخد الموبايل واتصل فيه
منهل :اي ابن عمي
يحيى :مالك غير مجد
منهل :مجد ؟؟ مجد الازعر ؟
يحيى :اي اي مجد رح يساعدك ..روح لعندو واحكيلو قصتك
منهل :ابن عمي انت بعقلك
يحيى :انا بكل عقلي .. روح لعند مجد وهو رح يخبيك صدقني
منهل :بس هاد شب ناقص وازعر
يحيى :هو ماهيك ابدا .. جربو وشوفو
منهل وبركي سلمني
يحيى :لا لا .. انت جربو .. ومارح تندم
منهل :طيب انا رايح لعندو ..
يحيى :خبرني شوبصير معك
منهل :صعب .. لانو رح اكسر الخط
يحيى :بتعمل منيح .. يلا روح
_____________________________
مجد قاعد بغرفتو وعم يتصل بضحى وماعم ترد .. والابتسامة ع وجهو
مجد :انا جحش يا ضحى .. انابفرجيكي .. والله مارح مرقلك اياها .. عملي وكتري ... مارح توقعي بين ادي هههههه
اندق الباب .. استغرب وقام يفتح .. اخد مسدسو معو لانو الوقت متأخر
مجد :مين ؟؟
منهل :انا منهل
مجد :منهل ؟؟؟ مين منهل
منهل :انا ابن ابو منهل شبك ولوو .. ابن ضيعتك
فتح مجد الباب وقال :شوفي
منهل :قاصد الله وقاصدك
مجد :شوصاير
منهل :قصة طويلة .. المهم بدي اتخبى عندك
اتطلع فيه بحيرة .. مد ايدو وحط المسدس ع خزانة الاحذية يلي ورا الباب وقلو طيب تعال لنقعد بالخيمة
منهل اتطلع عليه كان بقميص شيال اسود وبنطلون بجامة رمادية وقلو :مابدك تلبس شي على حالك
مجد :ليش زاعجك بشي منظري
منهل :لا لا .. بس مشان ماتبرد
مجد :الدنيا ربيع وين البرد .. ولا خايف مني ههههه
منهل :هههههه لا
مجد :تفضل ع الخمية ثواني وجاي
راح منهل وقف قدام الخيمة .. ومجد اجى وراه كان عم يسكر سحاب سترة البجامة .. وفتح الباب ودخلو .. شغل الاضوية وفاتو
منهل صار يحكي لمجد ومجد كان عم يعمل شاي حدو
منهل :وهاد يلي صار .. فجاة رفيقي نبهني وقلي هروب لانو بدن يدبحوك
مجد :بنت الحرام .. ومالقت غيرك تلزق فيه هالتهمة
منهل :لانو انا شوفيرها الخاص
مجد: طيب شو صار لحتى تهموك .. اكيد صاير معها شي هديك البنت
منهل : كان تطلع مع شب ويمكن تركها بعد ما اخد منها يلي بدو اياه واكيد رح تنكشف ومالقت غيري انا تحط هالتهمة بضهرو
مجد :اها هون راس الخيط
منهل :مافهمت
مجد :مو ضروري المهم انا فهمت .. بس قلي ليش عم تشتغل عند هيك عالم
منهل : بتعرف شقد كانو يعطوني راتب
مجد :ومابدي اعرف هههههه
منهل :قلي شو اعمل
مجد :خلص انت لاتعمل شي انا رح اعمل .. بس بدي منك تعطيني اسم الشب يلي كانت تطلع معو
منهل :لأشلك فيه
مجد :مابدك تطلع من هالورطة
منهل :اي بس شو دخل هي بهي
مجد :معقول واحد يكون عم ياكل خ**** مع بنت مسؤول ومايكون ماسك عليها ممسك .. وانا بدي هاد الممسك
منهل :وكيف بدك تحصل عليه .. مفكر بهل السهولة رح يعطيكي اياه
مجد :طبعا مابهل السهولة غصب عنو.. بحط المسدس براسو وباخد يلي بدي اياه
منهل :من كل عقلك عم تحكي
مجد :هههه لا من نصو .. المهم هلا من هي الخيمة مابتطلع منها نهائيا وانا رح جبلك اكلك وشربك لعندك .. المهم مابدي حدا من اهل البيت يجتلق انك هون
منهل :وبعدين
مجد :ربك بحلها
صبلو شاي وقلو : تفضل
اخد كاسة الشاي من ايدو وهو عم يتطلع عليه متفاجئ .. معقول هاد هو مجد الازعر .. والله كلامك يا يحيى صح
_________________________________
اليوم
جاي مجد ع البيت ولاحظ وجود سيارات غريبة بالضيعة .. وقف وحكي مع ضحى وقت خبرها انو ماتطلع من البيت .. ولما حكي مع اختو وخبرتو عن منهل انو بدو ضحى
قام وراح لعندو ع الخيمة
منهل :اهلين مجد .. خبرني شو صار
مجد :لاتخاف مشكلتك انحلت .. بس لسه مشكلتي
منهل :مشكلتك
قرب منو وضربو بوكس على وجهو لحتى وقعو ع الارض
منهل وهو بالارض عم يتطلع عليه بصدمة وحكي :شبك مجد
مجد :عنجد طالب ايد بنت عمك لتتزوجا
منهل :اي شوفيها
ضربو بوكس تاني .. ومسكو من قميصو وقال :يلي بقرب من ضحى بمحيه .. مرراااد ...يا مراااااد
اجا مراد بسرعة واتفاجئ بمنهل واقع ع الارض
مراد :مجد شوفي .. شو عامل بالزلمة
مجد :جبلي حبلة وربطو وحطلي لزقة على تمو
منهل :مجد .. يامجد فهني شو القصة
مجد :مراد عميل متل ماقلتك وحطلي اياه بطبون سيارتك
________________________
(وكلنا شفنا شو صار بعدا .. بس بقي الجزء يلي حكي مجد مع الشب )
قرب الشب بدو ينقض ع منهل بس مجد وقف بوجهو
:بعد من وجهي عملت يلي عليك
مجد قرب منو وسحبو من دراعو عجنب مجد: بدك تطول بالك يا حبيب
وسحبو عجنب
:شوفي عندك
مجد :هلا من كل عقلك مصدق انو هاد بدو يغتصب اختك
:ماعم افهم
مجد : يعني اختك مالقت تلزق هالتهمة غير بهل المعتر
:شوقصدك ..وانو نحنا كذابين
مجد :وبلاشرف كمان
عصب وسحب المسدس وسلطو عراس مجد ..... مجد وبكل برود رفع ايدو ونزل المسدس
مجد: اي روق روق لايطقلك شي عرق .. وما انا يلي بدي قواس .. اختك الشريفة ... وركزلي عكلمة شريفة .. وهاد الدليل معي
طلع الموبايل من جيبتو
وفتح ع الاستديو
مجد :رح وطي الصوت لانو مالصالحك تسمع .. هههه بكفي تشوف ... اما تسمع وتشوف مصيبة
فتحلو الموبايل وحطو قدام عيونو .. وهداك مصدوم
مجد :بكفي لهون مابنصحك تكمل .
سكر الموبايل واجا ليخبيه بجيبتو .. بس الشب مسكو من ايدو :بدي الموبايل .
مجد : اذا بدك الفيديو رح يوصلك واتساب .. واذا بدك تاخد الموبايل مني مشان الفيديو مايضل معي فبحب قلك انو موزعو ع اكتر من جهاز .. بس بوعدوك انو محدا رح يتفرجلو ..
ضب الموبايل بجيبتو وقال :وهلأ خود كلابك وانقلع من هون .. واذا رجلك بتخطي هالحارة .. صرت بتعرف شو ممكن اعمل
#######بااااااااااااااك######
مجد :وهاد كلشي صار
مراد :يعني منهل طول هالفترة عنا
مجد :فترة؟؟😒😒 كلن يومين
مراد :طيب ليش مابتخبرني ..
مجد.:مو مستاهلة نكون نحنا التنين عشغلة تافهة
مراد :كيف جبت الفيديو عن اختو للشب
مجد :عن طريق الشب يلي عطاني اسمو منهل
مراد :هددتو
مجد : وبالسلاح ... شعب مابيجي غير بالعين الحمرا
______________________________
المسا
ببيت مجد
قاعدين عم يتعشو .. وموبايل مجد حاطو جنبو .. وكل شوي الشاشة تضوي وتطفي .. وكأنو حدا عم يتصل بس مافي صوت .. حاطو ع الوضع الصامت .. وكل ماتضوي الشاشة يتطلع عليه ويبتسم
مراد :مين عم يتصل فيك
مجد : مو شغلك
مراد :طيب لما ترد عليها سلميلي عليها وقلا سلفك بسلم عليكي
مجد : خليك بأكلك بكون احسن
قام مراد وقال :الحمد لله
خالتو :حبيبي ما اكلت شي
مراد :الحمد لله شعبت ..خليني نام خفيف احسن
زينة :صحة وهنا
طلع مراد من الغرفة .. ورن موبايل زينة .. طلعتو من جيبة بجامتها
زينة :اخي بتعرف هالرقم لمين
مجد.:هاتي لشوف
اخدو من ايدها وابتسم : اي هاد رقمي يلي عطيتو لضحى
زينة: يعني هي ضحى
مجد :اي
خالتو :حرام عليك ماترد عليها
مجد:هههه عم عاقبا
زينة :يعني رد انا
مجد :اي ردي واذا سألتك عني قوليلا مانو هون
زينة :ماشي ... الو
ضحى :كيفك زنزون
زينة :اهلين بالخيانة
ضحى :حقك علي .. المهم كيفك
زينة :مشتاقتلك .. ايمت بدك تنزلي ع الجماعة عفكرة الامتحانات قربت
ضحى :رح حاول مع اهلي يخلوني روح ..بس مابظن شانين علي حرب حاليا
زينة :ههههه ليش
ضحى : ببقى بحكيلك .. بس خبريني هلأ اخوكي المحترم وينو
زينة :ااااه
مجد عم يأشرلا انو تقلا رااح
زينة :ليكيه هون .. خدي
رمت الموبايل لمجد وهربت
خالتو همستلو :رد عليها حرام
وقامت تركتو لحالو
ضحى :مجددد عم تسمعني
اخد الموبايل ورد عليه :نعم
ضحى :وين موبايلك
مجد :معي
ضحى :شوف كم مكاملة متصلة فيك
مجد اتطلع بموبايلو وقال :٩٩ .. لسة مرة بصيرو مية
ضحى :ماني ناقصة هضامتك
مجد :ولا انا ناقص جحشنتك .. بقلك لاتعملي هالشغلة جكر بتروحي بتعمليها
ضحى بصوت حزين:اسفة
مجد : ماني مسامحك وروحي انقلعي مالي نفس احكي معك
ضحى :بهون عليك
مجد.:اي بتهوني .. يلا انقلعي
ضحى :وايمت بدك تصالحني
مجد: صاالحك ؟؟؟؟؟!!!
ضحى:قصدي ايمت بدك ترضى عني
مجد:اي هيك بقولو ... بس مابعرف
ضحى :بزعل ها
مجد : اي زعلي
ضحى : انا رح سكر ومعد اتصل
مجد : اي يلا سكري
ضحى : رح سكرر
مجد : اذا ماعم تعرفي انا بسكر
ضحى بقهر : بكرهكككك
وسكرت
ضحك واتصل فيها من رقمو
ضحى : نعمممم
مجد : مشتقلك وبدي شوفك
ضحى : ليش
مجد : مشان تراضيني
ضحى : كييف بدي شوفك
مجد : بعد ساعة طلعي عسطح بيتكن
ضحى : انت في شي بعقلك
مجد : بعقلي لأ بس بقلبي في انتي
ضحى : عنجد بدك تشوفني ع السطح
مجد : والله ..
ضحى : كيف بدك توصل لسطح بيتنا
مجد : ع اجري
ضحى : ياااربي
مجد : شو خرج تطلعي ولا بلا ما اتعذب واجي
ضحى : بركي انكشفنا
مجد : محدا رح يكشفنا .. بتتحججي انك بدك تغسلي شي قطعة من تيابك وطلعي نشريها
ضحى :ومجهز الكذبة عني
مجد : بعرفك غبية ومارح تعرفي تكذبي
ضحى :وحدك الغبي.. انا متعلمة ومعي شهادة ما متلك يادوب معك سرتفيكا
مجد :طيب يامتعلمة بدك شي
ضحى :ليش هيك صوتك
مجد : ولاشي بدك شي .. مانا قد المقام لينحكى معنا .. شو جاب لجاب .. انتي بنت جامعة وانا يادوب مكمل السابع
ضحى :حبيبي والله ماقصدي .. بعرف انك زعلت
مجد :لا مازعلت خلص روحي نامي
ضحى :والله كان بس بدي غيظك .. ماقصدي اجرحك... انا الغبية .. واصلا الفهم فضلوه ع العلم .. والله انت بتفهم عن مليون واحد متعلم ... حتى قدام رسائلك انا بحس حالي غبية .. اسفة ياقلبي .. والله ماقصدي
مجد : خلصتي
ضحى : لا ماخلصت لحتى تقلي انك مانك زعلان
مجد :طيب ايمت بدك تخلصي .. بدي اجي وشوفك ههه😂😂😂
ضحى :غلليييييظظظظ
مجد :بس بتحبيني
ضحى :ناطرتك
____________________________
طالعة من باب الحمام ومعها سلة الغسيل وفيها شوية تياب الها وكانت حاطة حجابها على راسها بدون ماتثبتو ... مشت للمطبخ وكانت امها عم تنظفو قبل النوم
ضحى :ماما انا طالعة ع السطح انشر تيابي
امها :ليش شبن تيابك
ضحى :وسخين وغسلتن
امها :مبارح كل الغسيل تغسل .. وين كانو هدول تيابك
ضحى :كانو بغرفتي مانك منتبهتلين ... والله انا حاسة حالي ضلع ناقص محدا بيسألني شوبدي ولاحدابيهتم فيني ..
امها :والله فتشت غرفتك منيح مالقيت غير التياب يلي بالسلة
ضحى :مامشكلة .. انا هدول متطرة عليهن مشان هيك غسلتن
امها :شو هدول
ضحى :باضيات
امها :طيب لاتطولي ونزلي سكري باب الدار منيح
ضحى :حاضر ..
امها :تصبحي على خير
ضحى :وانتي من اهلو
فتحت الباب وطلعت لبرا .. لانو درج السطح خارجي
طلعت تلفتت حوليها مالقت حدا .. راحت نشرت التياب .. ووقفت
ضحى :وينو هاد
صوت همس حد ادنها
مجد :هووون
نقزت والتفتت لورا
ضحى :نقزتني ..وين كنت
مجد :من اول ماتطلعتي
ضحى :وشو عم تعمل
مجد :عم اتفرج علي مرتي الشطورة كيف بتنشر غسيل .. مشان اذا ماعجبني غسيلها بطل عنها
ضحى :بلله جد
مجد :هههه بس نجحتي بالاختيار ..
ضحى :انت وغلاظتك 😒😒
مجد :تعي نقعد هون مشان محدا يشوفنا
راحو وقعدو بدروة الخزان
واول ماقعدو مجد مسكها من ادنها من فوق الحجاب
مجد :وهلأ اجا وقت الحساب
ضحى :لك عم توجعني
مجد : لازم تاخدي عقابك ولا انا مابيرتاح ضميري
ضحى :طيب حقك علي واعتذرت ..
مجد :لسه شي مرة بقلك لاتروحي على هالمحل وبتروحي
ضحى :لا لا .. التوبة .. بس مشان الله تركني عم توجعني
مجد :ولسه تاني مرة بتعملي حركات بطولية
ضحى :لك لااااا ... اصلا عملت هيك مشان شوف شقد مهمة عندك انا
مجد : طيب سماح عهدول
ضحى :ليش شو لسه .. تركني امانة ولووو
مجد :ليش مامعي خبر انو منهل متقدملك
ضحى :مين قلك
مجد :زينة
ضحى: انابفرجيها لهل الكلبة
مجد :حكيني هون هلأ .. ليش مامعي خبر
ضحى :بس انارفضتو وقلتلو اياها بوجهو وهو احترمني ومعد زعجني .. وانتهت القصة .. خلصنا ووولو تركني
مجد :اخر مرة بتخبي عني شي
ضحى :حاااضر .. تركني
مجد :هههه مابدي
ضحى :تضرب انت ومنطقك ..
بعدت راسا مشان تفلت ادنها بس الحجاب انسحب من على راسا وهو مساكو .. وانتثر شعرها على كتافها .. بس هية بسرعة سحبت الحجاب من ايدو وحطتو على راسا .. وهالموقف احرجا كتير .. وقفت وقالت :صار لازم انزل اتأخرت
هو لساتو قاعد محلو وعم يتطلع بهدوء ..
ضحى : يلا تصبح على شي
مسكها من ايدا ورجع قعدها جنبو
ضحى :مجد تركني بدي روح
مجد ماكان يحكي وكأنو الصمت تغلب عليه .. والقلب تغلب على العقل بهل اللحظة .. كيف شايفها خايفة متوترة
حط ايدو تحت دقنها وخلاها تتطلع فيه .. رفعت نظرها عليه لتلاقي نظراتو مختلفة هالمرة كتير ... نظراتو وكأنها عم تغلي .. رفع ايدو وسحب الشال من على راسها ..
ضحى: لك شو عم تعمل .. حرام عليك
حاولت تسحبو من ايدو .. بس هو رماه لبعيد .. قامت بدا تلحقو منعها بمسكة ايدا
ضحى :انت شو عم يصير معك ... وهي شفت شعري ..بكفي لهون مجد بترجاك
ماكان عم يرد بس نظرات عيونو المعجبة هية يلي كانت عم تحكي
ضحى :مجد انا خايفة .. خلص تركني
مجد :خايفة وانتي معي
ضحى :ماهو لاني معك خايفة .. يلا تركني خليني انزل قبل محدا يلاحظ غيابي
مجد :اي هلأ بتنزلي
ضحى :ايمتت
مارد عليها ورفع ايدو وصار يظبطلا شعراتا .. لانو كانو مبعثرين من الحجاب ... هية كانت مشاعرها ملخبطة بين خوف وتوتر وبين استسلام .. صح عم تحاول تقاومو بس باقصى حالتلا .. طبعا لانو الشيطان حاضر
وصلت ايدو على رقبتا .. وصار يتحسسها .. لحتى قبضتو صارت متلفة على رقبتها وجزبتا لعندو ..
ضحى :مجد بلاااهااا .. خلص حاج لهون
مارد عليها وجزبها اكتر لحتى شفافن التصقو ببعض .. بس واخيرا ضحى قدرت تقاوم حالها ودفعتو عنها ..
ضحى :حقير واطي .. قوم انقلع من هون
مجد :ضحى اهدي لاتعلي صوت
ضحى :عم قلك قوم من هون .. مابدي شووفك ..
مجد :طيب رايح .. واسف ع الشي يلي صار
ضحى : طيب يلا روح
مجد :صدقيني يلي صار لانو بحبك والله .. وللحظة ماقدرت قاومك الا ...
ضحى :خلصص .. لاتكفي .. يلا روح
_________________________
امها لضحى طلعت لتتأكد انو الباب مسكر ورا بنتها ..بس لقتو مفتوح .. راحت عغرفتها مالقهتا
امها :شو عم تعمل لهلأ ع السطح هي
فتحت الباب وطلعت
_______________________
مجد :طيب ليش عم تبكي
ضحى :لانو عملنا شي حرام .. اصلا كل علاقتنا حرام .. وانا مالازم احكي معك من اصلو
مجد نزل ع الارض واخد شالها وراح حطو على راسها ..
مجد : خلص لاتبكي وانا اسف .. وبوعدك تاني مرة ما اتجاوز حدودي .. بس الا شغلة انك ماتحكي معي مابقدر عليها ... خلص لاتفكري بالموضوع .. وانت بالنهاية مرتي .. والله مارح تكوني غير مرتي
ضحى :انشاء الله .. يلا هلأ روح
مجد :بالاول ابتسمي
ابتسمت بحزن
مجد :تقبرني هالابتسامة ..
_____________________________
وصلت امها لضحى ع السطح
امها :ضحىى
ضحى :اي ماما .. هون
وقفت ومشت لعندا
امها :شوعم تعملي هون
ضحى :عجبني الجو.. وجذبني منظر النجوم وقعدت اتفرج عليهن
امها :طيب اتأخر الوقت تعي
ضحى :يلا لجيب السلة .. راحت استناولت السلة ونزلت هية وامها
_________________________
عندما يغيب العقل .. والقلب هو المسطير الوحيد .. توصلنا لهذه الحاله ..حالة الامقاومة ...حالة فقدان الوعي ... حالة الجنون والسيطرة على الشي الذي اصبح ملك ايدينا ... وكيف لعقل ان يفكر وبين يدي اجمل حورية ... وكيف لقلب ان يقاوم ولقد وصل لمبتغاه...
سامحيني يا حبيبتي فلم اسطتع المقاومة .. اناملي كانت تموت بغيظها ان لم تلمس حريرك الذي يغطي رأسك .. وشفتي كانت ستموت من حسرتها ان لم تتذوق طمع شفتيك ... وياله من طعم .. كاذبون من كانو يشبهونه بشهد العسل ...بل هو شيء اصفى وانقى من صفاء العسل واطيب واذكى من طعمه .. طعمه طعم شديد الحلاة معطر بعطر الورد .. وما اجمل العطر ان كان للزوق ولا للرائحة ... سامحيني على كل شيء ..لكن انا لست اسف من نفسي .. لانها من اجمل لحظات حياتي ... وسوف استعيد هذه اللحظات لكن وانت حلالي وفي وسط بيتي وقلبي ... سامحيني ولاست اسف ... أحبك
🤳 ارسال
رسلها ونزل من سيارتو ودخل على بيتو
________________________
ببيت اهل ضحى
.. كانت واقفة ع الغسلة وعم تغسل وجها وهية عم تبكي ..مابتعرف ليش بكت .. بس احساسها بالذنب هو يلي عم بخليها تبكي .. رفعت راسا واتطلعت عحالا بالمراي .. وسحبت المنشفة ونشفت وجها .. برمت لتروح عغرفتها .. طلع بوجها اخوها يحيى
للولهة الاولة نقزت .. بس مابينت ردة فعلها
ضحى :يحيى ايمت جيت
يحيى :من المغرب .. كنت نايم وهلأ فقت
ضحى : اي منيح
يحيى :شبك
دموعها فورا نزلو .. وكأنو ناطرة حدا يسالها لتفرغ كل حزنها
قرب منها وضمها وهية ضمتو وصارت تبكي على صدرو
يحيى :ليش عم تبكي
ضحى :ضايعة
يحيى :بتحبيه ؟؟
رفعت راسا واتطلعت فيه
يحيى :انا بعرف كلشي .. واكتر من مرة سمعتك عم تحكيه بالسر
فتحت عيونا بصدمة
يحيى : ضحى انتي عم تغلطي
ضحى :بحبو مابقدر .. والله مابقدر
يحيى : طيب وبعدين
ضحى :اهلي ليش هيك .. والله هو منيح
يحيى :والله مابعرف .. المشكلة الاكتريةبهل البيت ضددو .. يعني اذا انا حكيت محدا رح يرد علي .. اصلا اناحكيت ماخلوني كمل .. والله حاسس فيكي يا اختي بس ماطالع بالايد شي .. ابوكي رافض رفض قطعي
ضحى :وبعدين ؟؟
يحيى : ان شاء الله رح تنحل .. بس انتي وكلي امرك ل الله
ضحى :والنعم بلله
يحيى : وحكي معو اختي خففي .. بتعرفي هالشي حرام ..
ضحى :مابقدر .. حاولنا كتير بس مانقدر ... مرة هو بيترك ومرة انا .. ومابنطول وبنرجع نحكي مع بعض .. هية هي الشغلة الوحيدة يلي ماعم نقدر نتركها
يحيى : عم تقابيله
نزلت راسها وقالت :اي بالجامعة
يحيى : والمختار امس قال انو شافكن وين
ضحى : بكافيتريا
يحيى :ههههههه .. بس يا اختي خايف الامور توصل لاكبر من هيك بتعرفي انتي الشيطان شاطر
ضحى:طيب اهلي يجوزنا .. يعني والله يلي عم نعملو اهلي هنن سببو
يحيى :ووين احترامك لاهلك .. حلوة منك تحطيهن بهيك مواقف .. ويلي صار اليوم حكيلي عنو ناصر
ضحى :مشان انقذ بنت عمي
يحيى :هههه مشان تنقذي بنت عمي بتسلميهن حالك
ضحى :لانو واثقة انو مجد رح يساعدني ومايخليهن يزعجوني
يحيى :ههههه وطلع توقعك صح ماهيك
هزت براسها بخجل
ضحى :بس ماعرفت ليش هيك جاب منهل وهو مربط
يحيى :هههههه حكيت مع منهل وسألتو
ضحى :اييي
يحيى :لانو مجد مابعرف كيف عرف 🧐 انو منهل تقدم لخطبتك .. قام فش خلقو فيه بهي الطريقة ..هههه وقلو بنت عمك وانساها
ضحى حطت ايظا ع تما وشهقت :هيئ.. هيك قلو
يحيى :اي .. بس ابصر مين قايلو
ضحى :والله مو انا هي اختو
يحيى :ومين خبر اختو 🙄
ضحى :هههعع😅 تشرب متة
يحيى :انا يلي بشرب .. لانو فايق وشبعان نوم
دخلو ع المطبخ .. ويحيى قعد ع الارض وضحى راحت ع المجلى تجيب عدة المتة
ضحى :يحيى
يحيى :قولي
ضحى :هلأ انت موافق انو مجد يكون زوجي
يحيى :بصراحة
ضحى :اييي
يحيى :هلأ كمجد وتصرفات مجد .. لأ .. بس واثق انو مارح تلاقي حدا يحبك قدو .. ومارح تكوني سعيدة مع غيرو
ضحى : يعني بتقبلو كصهر
يحيى :هلأ مجد صهري ؟؟😆😆
ضحى :ليش من شو بيشكي مجد 😒😒
يحيى :ههههههه على عيني وراسي .. عم امزح معك .. وكلشي قلتو كذب .. ياريت مجد يكون زوجك عنجد .. لانو مجد رجاال بكل معنى الكلمة ..
ضحى :بتعرف شو .. هو عطول بقلي اخوكي يحيى زينتكن
يحيى :ضحى 😒😒 بلشنا خرط
ضحى :والله هههه
يحيى :خلص صدقتك ... بس خلصينا جيبي هالمتة وتعي
ضحى :ههههه يلا يلا
_______________________________
تاني يوم
دخل مجد على بيت الشيخ بسيارتو وهو جاي وكلو امل ومتفائل بالشي يلي رح يطلبو منو .. لاحظ الرجال كلها منتشرة .. وفي شي مو طبيعي
نزل وشاف تحسين .. راح لعندو
مجد :مرحبا
تحسين بتعب :اهلين .. كيفك
مجد :تحسين شوفي
تحسين : مافي شي لاتشغل بالك
مجد : شو لاتشغل بالك وانت ليك وجهك مافي لون
تحسين : خلص مافي شي .. قلي انت ليش جاي
مجد :كنت جاي شوف ابوك ..
تحسين :مشان ؟
مجد : لك مو مهم ..بدي اعرف شوفي
تحسين :خلص مافي شي روح ع بيتكن
مجد :هلأ هيك يا تحسين عم تخبي عني وانا رفيقك
تحسين :والله انت الروح بس شي مابينحكى
مجد :حتى لو مابينحكى بدي اعرفو .. تحسين روح شوف وجهك بالمراية .. كيف مخطوف لونك ..معقول اتركك هيك وروح .. حتى مابدي اعرف شوفي .. بس مارح اتركك بهل الحالة
سمع صوت من وراهن وهو صوت الشيخ
الشيخ :شو صار معك ياتحسين
التفتو عليه وتحسين هز براسو بخيبة امل
الشيخ :كيفك مجد
مجد :اهلين بالشيخ .. شيخ حلفتلك بلله تقلي شو صاير .. ليش هيك منظركن وكأنو رايحلكن شي قتيل .. مشان الله حكولي والله بفديكن بروحي
الشيخ :تحسين ماحكالك
مجد :لا .. قال شغلة مابتنحكي
الشيخ : تحسين احكي لاخوك مجد شو صاير .. مجد مانو غريب
تحسين :طيب
مجد :عم اسمعك
تحسين : اختي
مجد :الدكتورة ؟؟؟
تحسين :اي
مجد :شبهااا
تحسين :...