#أحببت_ازعر
#الجزء_السابع_عشر_والاخير
#بقلم_مريم_اليوسف
مجد :خالي هو الشيخ
ضحى :شووو ... الشيخ نمر ابوها لياسمين بصير خالك
مجد :هيك اليوم خبرت
ضحى :مين خبرك
مجد :الامرط ..
ضحى :طيب كيف هيك .. وشو قلك كمان
مجد:بس قلي هالكلمتين الشيخ نمر هو خالك والجرة هو طمرها الك
ضحى :طيب امك وين
مجد :ع الاغلب ميتة
ضحى :الله يرحمها
مجد :آمين ..
ضحى :طيب لش عمل هيك .. ليش ماقلك انو هو خالو ..
مجد:مابعرف .. حتى عم ارجع بذاكرتي عم شوف انو رفقة تحسين الي ماكانت صدفة كمان .. انو معقول ماكان بالضيع حدا عندو بقرة وحليب غير نحنا
ضحى :اكيد مانها صدفة
مجد:مشان هيك انا ضايع .. والله ماعم اعرف شي .. انو مزال مابدو اياني اعرف مين هو ليش عم يساعدني من ع بعد
ضحى :بدك تسألو
مجد:اكيد
ضحى :بدك تزعل منو
مجد:شو رأيك انتي .. طول هالفترة مخبي عني وساكت .. والله انا كان بدي حدا شد حالي فيه .. فما بالك اذا كان خالي الشيخ نمر
ضحى :معقول كان مابدو اياك مشان مايستعر فيك
مجد :بجوز
ضحى :بتعرف شو حبيبي
مجد:شو
ضحى :شو ماكان .. لاتحمل بقلبك عليه
محد :ليش
ضحى :مليت من الحقد والكره والعداوة .. شو ماكان سببو سامحو .. واتكل ع الله ... خلص خلينا نعيش مبسوطين ... ولاتفكر بشي يوجلعنا راسنا .. واذا بدك رأيي لاتقولو انك عرفت بالمرة
مجد:لا بدي قلو بدي قلو
ضحى :ليش
مجد :بدي اسأل عن امي
ضحى :لك نسيت امك .. اي حقك تعرف مين امك كيف كانت شو شكلا .. كيف اخلاقها ..وشو يلي خلاها تتزوج ابوك ..وليش تركتك ... حقك تعرف كل هدول
مجد : وانا كل هدول عم يدورو براسي
ضحى : لكن بكرا روح لعندو وفهام منو كلشي ..بس شو ماصار لاتخلي مكان للحقد والكره
مجد : ان شاء الله
ضحى :طيب قوم للننزل بدي جهزلك سهرة اخر رواق
مجد :وتلبسيلي هاد المورد
ضحى :شفتو ؟؟
مجد:ههه غصب عني
ضحى :كنت حابة اعملك اياها مفاجئة .. بس مو مشكلة لانو اكيد مارح يبين غير ع اللبس
مجد:ههههه اكيد .. يلا قومي شديني
ضحى :بلله شو .. انت قوم شدني
مجد:طيب عندي حل
ضحى :كل واحد يقوم لحالو
مجد :ياعيني عليكي
وقف مجد وقال يلا قومي
ضحى :اي بقوم .. شو خايفة منك
تنهضت لتقوم بس بسرعة قرب منها وحملها
ضحى :لك نزلني يامجنون
مجد :ههههه ماحزرتي
ضحى :هلأ بشوفنا اهلك
مجد:يشوفو .. يلي غيران يروح يتزوج
ضحى :ههههه اااخ منك
_________________________
تاني يوم عند الشيخ
قاعد مجد قدامو وناطرو يحكي
الشيخ : كيف عرفت
مجد : الامرط خبرني
الشيخ : شوبدك هلأ وهي عرفت
مجد :وين امي
الشيخ :الله يرحما
مجد: ايمت ماتت
الشيخ :رح احكيلك كلشي
مجد :وهاد يلي بدي اياه
الشيخ: ابي كان شيخ عشيرة قبلي .. كان عندو شبين وبنت ..
مجد:عندي خال تاني كمان؟؟
الشيخ :اي بس ميت
مجد : كمل
الشيخ : تزوجت انا وجبت خالد .. بس خالد كان مريض اول ماخلق واتطريت سافر عالجو ... وانا مسافر مات ابي .. تركت مرتي وابني ببيروت وجيت على عزا ابي ضليت اسبوع بس ماكان فيني اتأخر اكتر من هيك عن مرتي ابني .. رجعت سافرت .. اخي كان اسمو فهد
مجد:وامي شو اسما
الشيخ:مريم
مجد :الله يرحمك يا امي
الشيخ:آمين
مجد :كمل
الشيخ : فهد كان واحد متل ابوك .. وكان هو وابوك رفقات .. مابعرف شو صار وبين يوم وليلة فهد جوز مريم لابوك .. بعد زواجها من اسبوع مريم اتصلت فيني وعم تبكي وتقلي خلصني يا اخي ... ابوك كان ابن حرام .. ضلت عندو جمعة فرجاها كل انواع التعذيب
مجد :كيف قبلت تتزوجو
الشيخ : ضحك عليها فهد واقنعا انو منيح وزلمة ادمي .. واختي وافقت من مدح فهد فيه لابوك
مجد:اممم ولما اتصلت فيك اجيت انت وانقزتا
الشيخ :طبعا .. هية اختي بغلاوة قلبي
مجد متأثر ودموعو متأججين بعيونا على وشك ينزلو
الشيخ :بس بعد فترة بنكتشف انو كانت حامل .. قلتلا تنزل بس رفضت قالتلي هاد ابني يا اخي وحافظت عليك بين احشائها ... ليوم يلي ولدتك .. امك كانت حالتها النفسية سيئة جدا ويمكن هاد من اسباب موتها
مجد :ماتت وهية عم تولدني
الشيخ :اي .. انت عشت وهية ماتت .. مريم كنت بحبا كتير .. وزعلت كتير على موتها .. هي الحنونة ... زعلت عليها اكتر من ابي لما مات .. انا ماكنت حابك .. كنت متهمك انو انت سبب موتها ..رحت اخدتك وزتيتك لابوك .. لانو هو اولى فيك ويربيك .. وكمان ماكنت حابب ربيك واتعلق فيك ويجي ابوك شي يوم ويطالب فيك قلت بعطيه اياك هلأ احسن
مجد :امممم ... وخالي فهد كيف مات
الشيخ :تشمع بالكبد .. من كتر الشرب
مجد :وشو قصة الجرة
الشيخ :هي والله من حقك .. امك كان الها ورتة من ابي واراضي .. لما ماتت وصتني فيك .. فقررت لما تكبر اعطيك حصتك .. فأنا خفت شي يوم اطمع واخد الاراضي الي .. فحطيت بدالن دهب وخبيتن وخالك فهد لما صار عفراش الموت وصاني انو اعطيك نص حصتو .. يمكن ليكفر عن ذنبو ... كمان اخدت انا الحصة وحطيتلك بدالا دهب .. وصارت جرة مليانة
مجد :ليش ماقلتلي انك خالي من زمان
الشيخ :خفت انك ماتتقبلني ... بس كنت عم راقبك واتطمن عليك من بعيد وكمان قلت خليك تتعلم وتنجعق بالحياة مشان تصير ابضاي ورجال.. عم امشي متل مابقول المتل ابنك لاتعلمو الدهر بعلمو .. وحتى بعتت تحسين يرافقك .. لانو تحسين اعقل واحد بين ولادي
مجد :تحسين بيعرف انو انا ابن عمتو
الشيخ :لا محدا بيعرف .. بس صار وقت يعرفو
مجد سكت .. كان في اسئلة كتير براسو ..بس اغلبهن نسيهن
الشيخ :شو
مجد: شو شو
الشيخ :شو رايك بالشي يلي سمعتو
مجد :بدك تعرف وجهة نظري يعني
الشيخ :اي
اتذكر كلام ضحى انو لاتخلي مكان للحقد والكره .. خلينا نعيش بسلام
وقف والشيخ وقف معو .. مجد فتح اديه وقرب منو .. والشيخ استقبلو بحضنو
الشيخ :مارح تزعل مني
مجد: لا .. مافي مكان للزعل بقلبي بعد اليوم
الشيخ :الله محيي اصلك
مجد : اصلي من اصلك خال
الشيخ :ونعم الاصل
مجد :بدي اتشكرك على كلشي
الشيخ :بالعكس انا يلي بدي اعتذر .. يمكن كان لازم اتصرف غير هيك
مجد :ماعملت غير كل شي منيح .. ومتل ماقلت هالحياة علمتني كتير واستفدت منها كتير .. مابلومك خال .. انت شيخ والشيخ مابيعمل الا كل خير
الشيخ :لكن جهز حالك رح اعزم كل الديرة لخبرن انو انت ابن اختي
مجد :شيخ انابقول بلاها
الشيخ :ليش لازم العالم تعرف
مجد :اذا عرفت العالم رح يلومك ويقولو ليش كان مخلي ابن اختو يعيش طفولة مشتتة وهو قادر كان يغيرلو حياتو وانامابدي حطك بهل الموقف .. وصار ماصار واذا حدا خبر بقول انو صح الشيخ خالي .. وانابعرف من زمان بس انا ماقبلت يكون وصي علي لانو مابدي منية حدا
الشيخ :هيك قولتك
مجد :اي .. ويلي بيعرف ولا يلي عمرو مايعرف شو جاينا
الشيخ :هههه اي والله
مجد :وبعدين انت قلتا بالزمنات بمجلس المختار .. مانك متطر تعيدها
الشيخ :كلامك كلو صحيح
______________________
بالمشفى
ياسمين ماشية بالكوريدور .. رن موبايلها
ياسمين :الو
ندى :كيفك ياسمين
ياسمين :مشتاقتلك كيفك انتي حبيبتي
ندى :الحمد لله بخير ... الك ولا للديب
ياسمين :والو يا ندوش خسا الديب
ندى :مبارح شفت عند مجد وردة بتجنن وقلي انها من عند اخوكي .. فمشان هيك عم احكي معك لتحكي معو وتقوليلو بدي وحدة .. وعاساس الك
ياسمين :ههههه ما انتي الا تحسين .. شو عاجبكن بهيك شغلات
ندى : والله حلوة.. بليز ولوو
ياسمين : بس تحسين رح يعرف انو ما الي لانو انا مابحب هيك شغلات وهووبيعرف هالشي
ندى :طيب حبابة دبريها
ياسمين :خلص بقلو الك ليش خجلانة
ندى :طيب مو مشكلة قوليلو
ياسمين :سكري ورح ارجع اتصل فيكي
ندى :اوكي ناطرتك
وصلت ياسمين ع غرفة يحيى فتحت بدون ماتدق
ياسمين :حبيبي انا جيت
يحيى:اهلين حبيبي
ياسمين : اشتقتلك وقلت بجي بشرب معك فنجان قهوة
يحيى :مية اهلا وسهلا بحبيبتي وروحي
ياسمين :بتعرف شو .. عم اشتقلك كتير معقول عم اتوحم عليك
يحيى :هههه اي ليش لأ
ياسمين : ومكيف كمان
يحيى :لكن
ياسمين :لكن بسرعة طلوب قهوة
يحيى :من عيوني
رفع سماعة التلفون .. وهية صارت تبكس بموبايلا .. وحطتو على ادنها
ياسمين :كيفو اخي حبيبي
تحسين :مشتقلك
ياسمين :لك تحسينو ..بدي اسألك انت عاطي شي وردة لمجد ..
تحسين :اي ليش
ياسمين :بدي منها
يحيى عم يراقبها بصمت
تحسين :ليش .. من ايمت بتحبي هيك شغلات
ياسمين :مو الي لبنت عمي .. شافتها عند مجد وصار بدا وحدة .. وحباب لاتخجلني قداما هي بنت حماي هههه
تحسين :تكرم عينك وعين بنت حماكي .. في وحدة بالصيدلية تعي انتي او هية خدوها
ياسمين :طيب رح مر اخدها انا
تحسين : ياسمين
ياسمين :اي قلي
تحسين : خلص ولا شي
ياسمين :عنجد ولو احكي
تحسين :تعي انتي واياها خدوها
ياسمين :اهاااا
تحسين :ههههه..
ياسمين :على فكرة يحيى جنبي
تحسين بخوف :وسمعني
ياسمين :هههه لا .. بس مابخبي شي عن زوجي انا
تحسين :دخيلك انتي وجوزك ..بشرفك لاتقوليلو
ياسمين :ليش انت ناوي تتسلا لاسمح الله
تحسين :اعوذ بلله
ياسمين :لكن تركها على اختك
تحسين :حبيبة قلبي انتي
ياسمين :وانت روحي .. جهز الوردة بدي مر اخدها اليوم
تحسين :لحالك؟؟
ياسمين :تحسييين
تحسين :ماشي .. ماشي ..سلمي ع يحيى
سكرت وهية مبتسمة
يحيى :شوفي ومين بدو وردة ومين اختي
ياسمين :ندى شافت وردة عند بيت مجد وعجبتا وطلبت اطلب من تحسين وجبلا وحدة
يحيى : وشو بدو يتسلا .. ويحيى جنبي
ياسمين :تحسين معجب بندى
يحيى :وهيك بكل صراحة
ياسمين :انو اي .. لسه بدي اعرف رأي ندى ونخطبا شو رأيك
يحيى :هههههه
ياسمين : عشو عم تضحك
يحيى : تحسين رح يصير عديلو لمجد
ياسمين :ههههههه اي والله رايح عن بالي
يحيى :يلا الله يقدم يلي فيه الخير ... بس قولك ندى بتوافق
يحيى : بنقلا .. وبالنهاية هي حياتها يابتوافق ويا بترفض
ياسمين :شو ترفض .. رح يصرلا احسن من تحسين
يحيى :هو اخوكي منيح بس بركي هية مابدا
ياسمين :اذا مافي حدا بحياتا فأنا رح اقنعا
يحيى :طيب يا ستي عملي يلي بدك اياه
___________________________
ع العصرايات
ببيت ابو ناصر
مجد وصل بسيارتو عباب بيت عمو وجنبو ضحى
ضحى :مابدك تنزل
مجد:عندي شغل
ضحى : طيب خلص وتعا
مجد :اذا اشتقتلك رح اجي
ضحى :هههه اصبح رح تجي
مجد :اكييد
قربت تفتح الباب
مجد :طيب شي بوسة ع القليلة مشان تصبرني على فراقك شوي
ضحى :ههههه
قربت وباستو على خدو قريب من تمو
ونزلت
...................
فتحتلا ندى واهلت وسهلت فيها
وكان جوا امها وناصر .. كمان سلمت عليهن وانضمت لقعدتن
ضحى:كيفكن شو اخباركن
ناصر :والله تمام انتي شو اخبارك
ضحى :تمام التمام
امها :متغدية ؟؟
ضحى :اي متغدية سبقتكن.. بس شو عاملين اكل
ام ناصر :بامية ..طلبتها ياسمين وقال حابة تاكلها من تحت ادي
ضحى : اها .. طيب وينن
ام ناصر :ع الطريق هلأ بيوصلو
ضحى :تمام .. بس ليش ياسمين طلبتها منك
ام ناصر :اذا الله ماكذبني .. والله اعلم عم تتوحم
ضحى : معقول
ام ناصر : انا عم قول يمكن
ضحى وان شاء الله يكون عنجد .. ياسلام يعني رح صير عمة واخيرا
ناصر :شعور الامومة احلا شدي همتك انتي ومجد وجيبو ولد
ضحى : حتى الله يريد
ناصر :اي الله يطعمكن
ضحى : آمين .. بعدين تعا لهون ما المفروض انت يلي تجيب اول حفيد على هالبيت
ناصر بمزح :دوريلي على عروس
ضحى: جاهزة
ناصر :ومين بلله
ضحى :شو رأيك بزينة اختو لمجد
سكت ومارد
ام ناصر :اي والله زينة يخزي العين عنها .. شو رأيك ناصر
ناصر :هية شو رأيها
ضخى :اهااا .. اصبح شكي بمحلو
ناصر :شك شو بلله
ضحى :حسيت نظراتكن لبعض مو طبيعية
ناصر :اناااااا
ضحى : اي انت .. شو مفكرني مو منتبهة على نظراتك
ام ناصر :عنجد ابني ..
ناصر :طيب اي عاجبتني البنت ..
ضحى :اي قول هيك من الاول ... وحاج تكابر
ناصر :بس هية شو رأيها
ضحى :جسلك النبض
ناصر : بكون ممنونك
ضحى :مع انو انا قلبي حاسسني انو هية كمان معجبة فيك ... بس خلص تركها علي عند جهينة الخبر اليقين
ناصر :هههه اي دخيلا جهينة
دخلت ندى من الباب وقالت :عن شو عم تحكو معد تصبرو لخلص صلاة العصر
ضحى :ماكنا عم نحكي شي مهم .. بس دبرنالو لناصر عروس
ندى :كل هاد ومو مهم ... حكولي لشوف شوفي
اندق الباب
ام ناصر :روحي هلأ افتحي لاخوكي ومرتو اكيد هنن
ضحى :صحي وينو بابا
ام ناصر : وصل ع الارض
ضحى :مابدو يتغدى معكن
ان ناصر :لا تغذى قبل مايروح
دخلو ياسمين ويحيى وقامت ضحى تسلم عليهن
ياسمين :ضحى هون .. اشرقت الانوار
يحيى :ههههه وين الذئب يا ليلى
ضحى :هلأ مجد ذئب .. الله يسامحك
يحيى :هههه ذئب قليل عليه
ضحى : كلام يوصل ؟؟
يحيى بتحدي:يوصل
ضحى :ماشي رح اتصل فيه
يحيى :ههه لك تعي تعي .. عم نمزح
ضحى: اي تاني مرة لاتتغالظ ..
يحيى :بامرك .. بس ماقلتلي كيف هيك فك اسرك وسمحلك تزوري اهلك
ضحى :هههه عندي طرقي الخاصة بتخليني اقنعو
يحيى :هههه
دخلت وراهن ندى وحاملة اص فيه وردة صغيرة نفس الوردة يلي عجبتا وقالت :ياسمين شكرا شكرا شكرا .. وبحبك قد الكون
ضحى :هههه ماصار غير وجبتي وحدة
ندى :اي لكن ليكي بتجنن ..صح ماما
ام ناصر :اي والله .. شو اسمها هية
ياسمين : والله مابعرف .. ببقا بسأل تحسين
ندى :اي زكاتك اسأليه
ياسمين :مرت عمو شو صار بالبامية
ام ناصر :من زمان جاهزة اقعدي تقبرني والغدا بيوصل لعندك
ياسمين :لا يوه رح اجي ساعدك
ام ناصر :لا لازم ترتاحي هالفترة مو هيك
ياسمين اتطلعت بيحيى وقالت :انت قلتلن ؟؟
يحيى : لا والله
ضحى :يعني شك امي بمحلو .. انتي حامل؟؟
ياسمين :لك والله ماخبرت حدا كيف عرفتو
ام ناصر :حبيبتي نحنا بنعرف الوحدة من عيونا
يحيى :شكلو ع دور اول كان عندن اجهزة متقدمة اكتر من هلأ هههههه
ياسمين :هيك الظاهر
ضحى :المهم هلا الف الف مبروك وفرحتلكن قد الدنيا
ياسمين ويحيى :الله يبارك فيكي .. وعقبالك
ضحى :تسلمولي
ياسمين :ندوش تعي نشوف انا واياكي وين بدنا تحط الوردة
ندى :يلا😍
ضحى :وانا جاي معكن
ياسمين :مع انو كان بدي ندى لحالا بس يلا تعي
ضحى :ليش في شي
ياسمين :موضوع هيك على انفراد
ضحى : هههه اكيد رح اجي تفضلو لشوف شوفي
ندى لياسمين :عنجد شوفي
ياسمين :هههن تعي بنحكي برا
يحيى :وانا وناصر نحطلكن اكل يعني
ضحى :ياريت والله
يحيى :ههههه والله قلبت الحكاية شايف
ضحى : لك جاي ساعد ماما انا بس لشوف ياسمين شوبدا تقول لندى
يحيى :اصلا انا بعرف
ام ناصر :شوفي امي
يحيى :تعي ماما رح ساعدك .. واحكيلك
ضحى :اصبح شي مهم .. لروح الحق ندى وياسمين اعرف شوفي هههه
_______________________
المسا
ببيت مجد
متسطح ع الارض رافع الموبايل قدام وجهو وعم يقلب فيه .. فاتت ضحى وشافتو على هالوضعية .. راحت ودخلت حالها بين ايده يلي رافع فيهن الموبايل.. ووجها صار بوجهو ... قرب وباسها من جبينها وبعدها من قدام الموبايل
ضحى :عشو عم تتفرج
مجد :عم دور عسيارة تكون منيحة
ضحى :ما عاساس بدنا ننزل نشتري وحدة ونقيها انا عزوقي
مجد :اي بس عم شوف الاسعار وهيك
ضحى :طيب قوم بدي خبرك ٣ اخبار
مجد :اوف ٣ فرد مرة
ضحى :اي
سكر الموبايل ورماه جنبو .. واتطلع بعيونا وقال: عم اسمعك
ضحى :الاول انو ياسمين حامل
مجد شارد بعيونا واصلا ما انتبه شو قالت
ضحى :شووو
مجد:شو شو عم اسمعك
ضحى :بس انا حكيت
مجد :بلله .. شو قلتلي
ضحى :لك وين عقلك
مجد :معك
ضحى :ههههه ياربي منك ... بس بترجاك ركز
بعدها عنو واتجلس وهية قعدت جنبو
مجد.:شو هو الخبر
ضحى :ياسمين حامل
مجد :عنجد .. خبر حلو .. مبروك
ضحى :الله يبارك فيك
مجد :وعقبالنا
ضحى :ان شاء الله
مجد : والتاني
ضحى :قبل ماقلك التاني بدي اسألك عن تحسين
مجد :شبو تحسين
ضحى :انو شو رأيك فيه
مجد :تحسين مافي منو .. بس من ايو ناحية
ضحى :انو كعريس ..
مجد : عريس لمين ... ليكون لزينة
ضحى :لا شو لزينة .. زينة لاخي ناصر .. وتحسين لندى
مجد : نعم نعممم
ضحى :شبك
مجد :شو قلتي
ضحى :تحسين عريس لندى
مجد :يلي قبلا
ضحى بخوف :زينة لناصر
مجد :ومين قال
ضحى :شبك
مجد : اي ماحزر اخوكي
ضحى :مجد عم تحكي جد
مجد :اي والله جد .. وان شاء الله زينة كمان بدها اياه
ضحى :بصراحة انا بعد ماجيت من عند اهلي خبرتا وحسيتا فرحت
مجد :قالتلك اي شي
ضحى :لا لسه
بعدها عنو وقام بسرعة وضحى لحقتو .. فتح الباب على زينة وكان شكلها انها فرحانة
مجد بغضب :بدك تقبلي بناصر
زينة :شوفي اخي
مجد :بدك تقبلي بناصررر
زينة : متل مابدك
مجد :اي طبعا متل مابدي .. هاد ناصر ما الو شي عندي عم تفهمي .. وياويليك اذا بخبر انو في بينك وبينو شي عم تفهمي
زينة دمعو عيونا وقالت :متل مابدك
ضحى :مجد شببكككك
مجد :وانتي ضحى خانم عم تقسمي العرسان عكيفك .. والله ماعرفتك
تركها وراح عغرفتو وهية لحقتو وقالت :ممكن اعرف شو مشكلتك مع ناصر
مجد:ما كل مشاكلي كانت مع ناصر .. لك اخوكي دوقني الامرين وهيك بهل البساطة بدي اعطيه اختي .. والله فشر
ضحى :مجددد ... ناااصر اخي ومابسمحلك
مجد :بتسمحي ولا لأ ... صح انا عم حكيهن وسايرن بس والله ماني مسامحن .. شوبدي اتذكر منك ياسفرجل اذا كل عضة بغصة
ضحى :طيب اختك ماحرام عليك .. والله شكلا بتحبو
مجد :حبا برص هية واياه .. كلمتين مافي غيرن ناصر مالو عنا عرايس يروح يدور بمكان تاني
ضحى :عفكرة مو على كيفك وهنن يلي بقررو مو انت
مجد : اي يقررو بدا اياه تروح .. بس تنسى اهلها
ضحى :وانا رايحة معها يكون بعلمك
مجد : انتي مالك طلعة من هالبيت
ضحى :ماكلشي بدو يمشي من تحت راسك .. وكل واحد عندو رأي .. وهو حر فيه
مجد.:ضحى يلاا خرسي
ضحى :ماني خرسانة .. واذا بدك تمنع زواجن رح تكون متلو .. ما عأساس انت بتحب وبتعرف شو يعني الحب
مجد :هنن لسه ماحبو ..
ضحى :شو قاعد بقلبن
مجد : انابقرر اذا بدو يكون في حب او لأ
ضحى :شي حلو .. انت عند قلب ومشاعر وبتحب و هنن لأ .. شو مفكر محدا بحب قدك
مجد:لااا .لاااا .. محدا حب متلي .. محدا حب متلي ولاحدا رح يحب متلي
ضحى :مارح رد عليك بس رح قلك هالكلمتين وهنن ... انووفكر منيح ولاتتسرع
لفت ضهرا لتطلع
مجد :ع وين
ضحى :رايحة نام عند زينة لتفكر منيح وتوافق ها.. غير هيك مالي رجعة على هالغرفة
مجد :لاتدخلي زواجنا بهيك مشاكل سخيفة
ضحى :مو سخيفة ابدا
فتحت الباب طلعت وطبشت وراها .. وراحت لعند زينة لقتها عم تبكي .. قعدت جنبا وضمتا
ضحى :خلص لاتبكي مجد قلبو طيب .. وصدقيني رح يوافق
زينة : معد بدي شي والله معد بدي شي
ضحى : حبيبتي في قاعدة بالحب وهية الحب لايدوم مع الجبناء .. متل قاعدة القانون لايحمي المغفلين .. مشان هيك لاتكوني جبانة وتوقفي بوجه الكل كرمال حبك
زينة :بس انا
ضحى :لاااا انتي حبيتيه صح لسه الشغلة ببدايتها بس صدقيني شعلت فتيلة الحب بقلوبكن ..
زينة : تقاتلتي انت واياه
ضحى :لا بس خاصمتو
زينة :لايمت
ضحى :هههه لحتى نشتاق لبعض
زينة ضحكت رغم انها كانت عم تبكي
______________________
قاعدة ندى بغرفتها وضامة المخدة وعم تفكر .. كلام ياسمين خربطها .. ومع هيك حاسة حالها مبسوطة .. حلو شعور انك تكتشف انو حدا معجب فيك وخصوصا اذا كنت سنغل 😅😅
انفتح الباب ودخلت امها
ام ناصر :بشو عم تفكري بنتي
ندى :اااه ولاشي
ام ناصر : عم تفكري بتحسين مو هيك
ندى :لا لا اصلا الموضوع كلو مانو ببالي
ام ناصر :طيب شو رأيك انتي بتحسين
ندى :مابعرف والله فاجئتني
ام ناصر :انتي في بحياتك حدا او بدك شي حدا
ندى :لا لا ماما .. انا والله مابفكر بهل الموضوع نهائيا وكان كل تركيزي على البكالوريا
ام ناصر :والبكالوريا خلصت .. شو رأيك تفكري بتحسين .. والله تحسين مافي منو شب متعلم وصاحب خلق ودين وابن الشيخ نمر وكمان اخوها لمرت اخوكي ..
ندى : طيب بفكر
ام ناصر :بنتي لاتفكري بالحب .. اغلب العالم بتتزوج بدون الحب المهم يكونو محترمين بعض والحب بيخلق بعد الزواج .. رب العالمين بيزرع بقلبنا المحبة .. وانتي لحد الآن ماحبيتي وهو كمان هيك .. يعني بتكملو بعض وبتصيرو تحبو بعض
ندى :ان شاء الله ماما .. ان شاء الله .. ومتل ماقلتي تحسين شب منيح ومحترم
ام ناصر :يعني في نية خير
ندى ابتسمت وقالت :ان شاء الله
______________________
مجد قاعد على تختو مقهور .. نزل بالتخت ونام ع جهة يلي بتنام ضحى بالعادة.. معد يقدر يعيش بدونا لا ينام بدونا صارت جزء لايتجزء من حياتو .. واذا غابت عنو شوي فورا بيشتقلا وبقرر يقدم تنازلات لترجع لحضنو
رفع الغطا عنو وقام وراح عغرفة زينة فتح الباب بدون مايدق
كانو متمددين جنب بعض ع التخت مشان ينامو
مجد : ضحى خانم بتخبري اخوكي اذا بدو زينة يجي يتقدملا واهلا وسهلا
ابتسمت بسرها بس ماردت عليه
مجد :شو ماسمعتي
ضحى :اي خلص سمعت .. روح نام
مجد :قومي معي مافي نومي برات الغرفة
ضحى :بس انا لساتني زعلانة
مجد :ليش
ضحى :كبرت حكي علي وعلى اخوي
مجد :طيب تعي بنحكي بغرفتنا .. وخلي زينة تنام
ضحى :طيب
رفعت الغطا وقالت لزينة :قلتلك 😉
ابتسمت زينة عليهن وكمان في فرح جواتا
راحت ضحى مع مجد ع غرفتن .. ومجد كمل ع التخت ورفع الغطا ونزل تحتو
وقفت وكتفت اديها بأستغراب
مجد :شبك يلا تعي طفي الضو وتعي نامي
ضحى :انت شو عم يصير معك
مجد :ولاشي تعي انخمدي نامي
ضحى : ما اعتذرت
مجد :طيب اسف
ضحى : بس انا لسه زعلانة
مجد :شو بدك
ضحى : بدي تصير متل مابدي
مجد :كيف يعني
ضحى :ما من اول ما اتزوجنا وانا عم اطلب منك تصلي .. وانت بتصلي فرض وبتنسى الباقي
مجد :لازم كل وقت تذكريني
ضحى :طيب موافقة ... حرام عليك لازم تلتزم
مجد :طيب ماشي ماشي
ضحى :انا معد صلي الا وانت عم تصلي فيني
مجد :امرك .. خلصينا تعي
راحت رفعت الغطا وقعدت جنبو .. حط ايدو على كتفها وجزبها على حضنو
مجد :بنتفك اذا بتبعدي عني
ضحى :لكن شوبدو يعمل فيك رب العالمين وانت عم تبعد عنو
هالكلمة اثرت فيه وقال :معك حق .. خلص والله معد اتركها
ضحى :الله لايحرمنك منك .. ويهديك اكتر واكتر
مجد :آمين
______________________
وهيك مرت الايام ناصر خطب زينة وتحسين خطب ندى .. ومراد خطب البنت يلي بحبها بنت ابو محمود ..
واليوم عرس جماعي لعرسانا الحلوين .. والعالم كانت كتير ومبسوطة وعم يرقصو وفرحانين من قلبن
ضحى وياسمين وام ناصر وام خالد سلمو ع العرسان وباركولن .. ورجعو على اماكنن
ياسمين كان الها شوية بطن .. قعدت جنبها ضحى
ضحى : بأيو شهر صرتي ام السوس
ياسمين :بالخامس .. صحي شو صار معك انتي .. شو رأيك تجي واخدك ع رفيقتي دكتورة شاطرة
ضحى :لا لا مشي الحال
ياسمين بفرح :بشرفك
ضحى :اي والله .. مبارح جبت تسيت منزلي
ياسمين :اي الف مبروك .. وشو شعور مجد اكيد طاير عقلو
ضحى :لك ماقلتلو لسه ... ماعم اعرف كيف خبرو ... انتي كيف خبرتي يحيى
ياسمين :حطيت التيست ع المغسلة وهو شافو واجي سألني
ضحى :اييي .. وبعدين
ياسمين :شو بعدين .. طار عقلو
ضحى :عجبتني الشغلة رح اعملها
ياسمين :وبركي مجد ماعرف شو هاد من اصلو .. يعني يحيى لو مانو دكتور ماكان عرفو للتسيت
ضحى :احسن الشي دجو اياها دج
ياسمين :ههههه احسن الشي
ضحى :لقوم قلو
ياسمين :هلأ يامجنونة خليها لتروحو ع البيت
ضحى :اي هلأ ههههعه
ياسمين :لك انتو كلشي عنكن بالعكس
ضحى :حلو الاختلاف ههههه
قامت وراحت ع جهة الشباب ومجد اول ماشافها عم تقرب قام وراح لعند
مجد.:شو جايبك لبين الرجال
ضحى :تعال بدي قلك شي
مجد :مابيتأجل
ضحى :لا تعال
سحبتو من ايدو وراحو لورا خيمة العرس بعيد عن الانظار والاصوات
مجد :شوفي
ضحى :انا حامل
مجد :نعمم
ضحى :انا حامل
مجد :عم تمزحي
ضحى :ههه لاوالله
مجد :واخيرا
ضحى :اي طول بالك يلي بيسمعك بقول صرلنا عمر متزوجين
مجد : لك بحبك يا مجنونة ... احلا خبر اليوم .. يسعد الي خلقك ما احلاكي
ضحى : بتحبني
مجد :بموت فيكي
ضحى :وفرحت بالخبر
مجد.:كتيير .. وبتستاهلي احلا بوسة
قرب ليبوسها بس هية وقفتو وقالت :هون يا مجنون
مجد :ههههه محدا الو عنا
ضحى :يلا تعال نرجع ع العرس
مجد :ع البيت .. ايو عرس
ضحى :لو بعرف هيك ماكنت خبرتك
مجد :ههههه لك بدك اياني اقعد بالعرس وانا جواتي عم يغلي فرح
ضحى :ياعمري ما اغلاك لو فيني اسعدك طول عمري مابقصر
مجد :والله معد بدي شي بعد اليوم .. الحمد لله رب العالمين اكرمني من كل الجهات
ضحى : اي والله .. الحمد لله
مجد :لك والله هيك صدمتيني بهل الخبر يلي بجنن متلك .. يعني رح تجينا مريم
ضحى :وبركي ولد
مجد :مابعرف .. المهم انا بدي بنت وسميها مريم
ضحى :مريم حصرا
مجد :طبعا مريم.. اولا لانو ع اسم امي الله يرحما
ضحى :الله يرحما وتانيا
مجد :لانو اسم حلو ومذكور بالقراءن وع اسم سيدتنا مريم
ضحى :وتالتا
مجد :ع اسم الكاتبة مريم بركي بتحل عنا شوي وبتخلينا نعيش بسلام هعههههههه
وهنن واقفين فجأة
مجد :بسسسس .... مرييم بسسس ... شو لسه بدو يصير
مريم :طيب اسمعني
مجد :لااا والف لاا اطلعي من حياتنا ياعمي
ضحى :مريومة احكي انابدي اسمعك
مريم : لك بدي قلو لهل الندل جوزك انو صرلو زمان ماقلك كلام حلو
ضحى :اي والله ..صحي مجودة ليش هيك معد قلتلي كلام حلو
مجد:بفضل جهود مريم خانم ليش خلت فيني علق للكلام الحلو ..
مريم :صرلي جزئين مهنيتك ومابيعجبك
مجد :طيب ياستي .. منيح يلي ذكرتيني .. وممكن تفرقينا شوي انا ومرتي
مريم :ماشي .. بس خليني اسمع شوبدك تقلا مشان انهي فيهن الرواية
مجد :طيب امري ل الله خليكي
((هاد الحديث افتراضي يلي انا فيه ومانو من الرواية ها
رح نرجع نكمل محل ماوقفنا ))
مجد :طبعا مريم.. اولا لانو ع اسم امي الله يرحما
ضحى :الله يرحما وتانيا
مجد :لانو اسم حلو ومذكور بالقراءن وع اسم سيدتنا مريم
ضحى :وتالتا
مجد : مافي تالتا بس هدول
ضحى : هههههه
مجد :تعي نهرب انا واياكي
ضحى :ع وين
مجد.:ع آخر الدنيا انا وانتي وبس
ضحى :ونسيت ابنا
مجد :هههه وابنا
اخدها وراحو ركبو بسيارة مجد الجديدة يلي هية بيك شفر ليه حديث ب بابين وصندوق
مجد : يا رحلة عذابي ... يا اغلى احبابي ... يا معشوقة قلبي احبك ... احبك بعدد قطرات الندى وبعدد تراب الارض ونجمات السما ... احببتك رغما عنهم ورغما عن الناس بالمدى ... تعذبت وحلمت وتعثرت وتأملت وتعرقلت و تعلمت .. وعند الوصل تلعثمت وتعسلت وفرفحت وتنعنشت ... تذوقت واستمتعت واعجبت وطمعت ... طمعت بقربك الدافي ... وعسل شفتيك الصافي .. اقتربي يا اميرتي الى مكانك والي منبع فؤادي .. اقتربي من حضني ولا تخافي ... اغفي على صدري ولاتنزعجي من دقات قلبي ... لانها بقربك تزداد وببعدك تتباطئ وتنهد ... اقتربي واغفي بين احضاني لكي تكونة مرتاحة انت وطفلك الغالي
ضحى :سألت عيني ماذا رأت بك ولماذا لم ترى غيرك
قالت:رأيت فيه الجمال والكمال واجمل شب بين الشبان
سألت عقلي لماذا اخترته واقتنعت به وهو كان مليئ بالكتمان
قال : اخترته لأنه من اشهم واطيب الشبان صح مليء بالكتمان لكن افضل من طويلي اللسان واللتات والعجان .. شب ولا كل الشبان
:سألت قلبي لماذا احببت هذا الانسان
قال : انا لم اعرف طعم الحياة الا بعد قربه مني واحساسي معه بالاطمئنان... احساس اشبه بالخيال .. وما اجمل الخيال حينما يصيب الانسان .. لا اتندم لدقة واحدة ضختها دمائي لكي تبقيني على هذا الحب من هذا الانسان الملهم الامير الفنان
سألت نفسي لماذا ضحى لم تختار غير مجد
فقالت :سألت عيني وعقلي وقلبي واجابوني يا له من اختيار ويا نعم المرءا ونعم الرفيق ونعم الحبيب
فقلت بكل بساطة اشهدي يا ارض ويا سماء ويا شمس العلا ... بأن ضحى بالمجد مغرما
🌹🌹🌹🌹🌹🌹🌹🌹🌹🌹🌹🌹
عندنا فقط ستجد كل ما هوه جديد حصري ورومانسى وشيق فقط ابحث من جوجل باسم كرنفال الروايات وايضاء اشتركو على
قناتنا ايضا كرنفال الروايات
🌹🌹🌹🌹🌹🌹🌹🌹🌹🌹🌹🌹🌹🌹
***النهاية ****