رواية صفقه على عذراء
الحلقة التاسعة والعاشرة والحادية عشر
بقلم هاجر قطب
الحلقة 9
كانت ما زالت تحاول ازاحتة عنها وتضربة في صدرة لابتعاد عنها.
وهو كانة ما صدق وجودها كان يقربها منة اكثر وأكثر وﻻ يبالي
برفضها لقبلاتة وكانة لم يعد يستوعب غير وجودها بين احضانة
فهي جميلتة ولن تكون غير لة وانة اخيرا سيحصل عليها وستكون
لة .....ليقطع هذة اللحظة رنين هاتفة ليبتعد عنها بتدريج وينظر
لها ليجدها مغمضة عيونها وينتقل ببصرها لشفتياها المنتفخة من
اثر قبلاتة .ليلعن بداخله الهواتف علي من اختراعها ليبتعد قليلا
ويخرج هاتفة وينظر ليرد علي المتصل..
جاسم.الو ايوة يا جانا فور نطق اسمها نظرت لة سيرين
سيرين لنفسها.حيوان مش بيهمة غير نفسة ياتري كم ست في
حياتك وانا مالي انا اذ كنت وافقت فعشان اهلي وبس لكن اصلا
استحالة انا وهو زى اي زوجين ﻻانا بحبة وﻻ هو بيحبني.....
ليقطع تفكيرها ....
جاسم.ايوة يا حبيتي طب انتي حضرتي حاجتك يعني طب ابقي
طمنيني عليكي لما تنزلي ﻻ مش هعرف اجايلك معلش ياحبيبتي
طب ابقي طمنيني عليكي باي.
لتنظر لة باستغراب اذ كان يحبها فلما لا يتزوج هذة الجانا.
ليقطع تفكيرها .
جاسم.كنا بنقول اية.
لتنفعل سيرين علية.كنا بنقول دي اخر مرة تفكر تقرب مني انت فاهم
ليضحك جاسم فهو بالتأكيد لن يتزوجها ألا لتكون لة وألا ليحصل عليها
ألي ان يمل منها فيتركها وبهكذا يرد الاهانة التي سببتها لة ...
جاسم.اومال هنتجوز ازاي يعني
لتنظر سيرين بغضب.
سيرين. اذ انت متجوزني عشان كدة فاانا ﻻ وانا مش هعمل حاجة غصب عني.
لينظر لها جاسم في نفسة.لدرجة دي مش طايقني يعني عادل بتاعها دا احسن
مني في اية ماشي ياسيرين.
جاسم بخبث.ماشي يا سيرين وانا مش هجبرك
لتهدأ من انفعالتها...
سيرين. طيب تمام اتفقنا .....في نفسها تقول .مش فهمة طب عايز يتجوزني لية بدل هو موافقني
يلا يا خبر بفلوس بكرة ببلاش.
جاسم.اتفقنا
سيرين. انت هتكلم اهلي امتي
جاسم.واكلمهم لية
سيرين .اومال انا هقولهم انا رايحة اتجوز باي انتم
جاسم.احم احم ﻻ مقصدش طيب دلوقتي عشان انا عايز الفرح بسرعة
لتنظر لة بتعجب اكثر هي تريد ان تفهم ما يدور في رائس هذا الجاسم ولكن حاليا ما يهمها هو مصاريف الدواء والدين.
ليقطع تفكيرها جاسم.هااا ......قولت اية.
سيرين. طيب ..... يلا.
ليبتسم جاسم فهو يقترب من تحقيق هدفة.
.................................................. ................
في منزل بسمة ...
دخلت بسمة لمنزل ....لتجد والدتها فهي منذ البارحة وهي ﻻتتحدث معها بسبب ماقالتة علي سيرين
والدتها. انتي رجعتي...
لم ترد بسمة.
والدتها. عملتي اية في اﻻمتحان.
لم ترد بسمة.وقررت الدخول لغرفتها.
والدتها. استني يا بسمة
التفت بسمة لها ...اقتربت والدتها منها . ..وامسكت بيدها واجلستها بجوراها ورفعت وجة بسمة لتنظر لها.
والدتها. انتي زعلانة مني عشان الكلام اللي قولتة امبارح صح
بصي يا بسمة انا ام والام دايما اهم حاجة عندها هما عيالها
دايما بتحب تحافظ علي عيالها مش بس في اﻻكل والشرب
والبس ﻻ وكمان السمعة ...غصب عنك انا امك ويهمني احافظ
علي سمعتك جاءت بسمة لتتحدث. ..لتقطعها والدتها. هشش
استني لما اخلص وانا هسمعك عارفة هتقولي مش بايدها
والظروف هي اللي خلتها تشتغل كدة ..وانا مقدرة وانا
والله مش بكرها انا بس خايفة عليكي انا أمك ومفيش ام
بتكرة عيالها او مش عايزهم سعداء بكرة هتكوني ام
وتعرفي قيمة اللي بكلمك عنة وخوفك علي أولادك يا عالم
انا هكون عيشه او ميتة لتقطعها بسمة.بعد الشر عنك
والدتها ضمتها متزعليش مني انا كل اللي يهمني انك
تكوني مبسوطة واذ صحبيتك ليها هتبسطك انا مش
هتكلم في الموضوع دا تاني ودا وعد.
لتحضتنها بسمة بقوة .انا اسفة يا ماما انا بحبك اوى
والدتها. وانا كمان بحبك اوى يلا قومي غيري هدومك
عقبال مااجهز الغدا..
بسمة.حاضر وجرت لغرفتها لتبدل ثيابها ليرن هاتفها لترد.
بسمة.الو
الو.ايوة يا بسمة انا دكتور احمد
ليتغير لون وجة بسمة للون الاحمر.
احمد.انتي معايا
بسمة.ايوة يا دكتور
احمد.طيب كنت عايز اشوفك بكرة
بسمة.لية يا دكتور خير في حاجة
احمد.لما تيجي بكرة هتعرفي ماشي
بسمة.ماشي يا دكتور طب هنتقابل فين
احمد.في النادي اية رايك
بسمة.ماشي يا دكتور
احمد. ماشي سلام هستناكي علي 3 كدة
بسمة.تمام باي
فور ان اغلق الهاتف ....فكرت بسمة
ياتري عايزني في اية ....استر يارب ليقطع افكارها.
والدتها. يلا يا سوما الغدا جهز
بسمة.حاضر جاية اهو...
................ ..............................
في منزل احمد.
كان يفكر احمد هل ما سيفعله صح امﻻ
فلاش بااااااااك. ..
دخلت علية والدتة.
والدتة .حبيبى عامل اي
احمد.الحمدلله
والدتة.اما انا بقي يا حمادة شوفتلك عروسة زى القمر
أحمد. تاني يا ماما انا قولتلك مية مرة انا مش هتجوز كدة
والدتة. لية يابني بس كدة انا عايزة افرح بيك انت عارف انتي
تعبانة ويا عالم هعيش لامتي .
احمد.بعيد الشر عنك يا امي وقبل يدها كل الموضوع اني في بنت
معجب بيها جدا
والدتة. بجد طب اسمها اية
احمد. اسمها .....اسمها. ..اسمها بسمة
والدته.بسمة اسمها حلو وعلي كدة هي حلوة
احمد.دي قمر يا ماما
والدتة. بجد شوقتيني اشوفها
احمد. تشوفيها ...ومالة هعرفك بيها قريب
والدتة. طيب
بااااااااك
ياتري اللي عملتة صح وﻻ وهل فعلا انا بحبك وﻻ علي العموم
كل حاجة هتبان بكرة لما اشوفك
.................................................. .................
دخلت سيرين وجاسم لمبني الذي فية منزل سيرين كان ينظر
حولة بعجب كان يقول في عقلة كيف يمكن لبشري ان يعش في
مكان فقير لهذه الدرجة وقف معها أمام باب منزل اقل ما يقال عنة
انة قديم جدا.
جاسم.انتي ساكنة في البيت دا
سيرين. اه مع بابا وماما.
جاسم .غريبه مع انك عارضة ازياء والمفترض بتكسبوا كويس
سيرين. ﻻ دا يادوب المرتب بيقضي المصاريف وبالعافية
كان يستغرب كلامها.
سيرين فتحت المنزل بالمفتاح ودخلت لتجد والدها يجلس ووالدتها تصلي
جرت علي والدها تقبل يدة .
سيرين. عامل اية يا ابو علي
حسن.الحمدلله وانتي
سيرين. تمام
حسن.انا زعلان منك
سيرين. يا خرابي لية يا ابوعلي
حسن.اية اللي اخرك كل دا وعملتي اية في الامتحان
سيرين. الحمدلله تمام وعشان التاخير
انا اللي اخرتها وانا اسف قالها جاسم الذي كان يراقب علاقة الاب ب ابنتة بانتباه
حسن.انت مين
فور ان انهت امال صلاتها انتبهت لجاسم وجلست بجوار سيرين
جاسم.انا جاسم العاصم صاحب شركات العاصم ﻻزياء وانا كنت طالب ايد اﻻنسة سيرين.
لينظر حسن باهتمام ل ابنته يحاول ان يستشف من وجهها اي رد فعل.
حسن.طب اتفضل اعد يابني
جاسم جلس . يا عمي زى ما قولت لحضرتك انا عايز اتجوز سيرين
حسن.طب انت عرفتها فين
جاسم.شوفتها في عرض ازياء تبع الدار اللي بتشتغل فية وعجبني ادبها وهي انسانة كويسة ودا اللي يعوزة اي زوج في زوجتة .
حسن.طيب يابني انت مجبتش حد من اهلك معاك لية
جاسم.لﻻسف اهلي ماتوا في حادثة ومش عندي غير اختي الصغيرة وهي مسافرة في رحلة حاليا
حسن.اه ربنا يخليكم لبعض.
جاسم.ها..قولت اية ولو سمحت كنت عايز اعرف رايك ولو وافقت عايز نكتب الكتاب بسرعة وانا مش عايز منكم حاجة يا عمي غير سيرين وهشلها في عنيا
كانت تنظر لة سيرين بتعجب من هذا الذي يتكلم كان غاية في اﻻدب وكانة شخص اخر.
حسن.انا ميهمنيش حاجة غير سعادة بنتي واللي هي عايزة اية رايك يا بنتي
لتخجل سيرين وكأنها تفجأت .....ها ...اللي تشوفة يا بابا
حسن.مادام اللي تشوفة يا بابا يبقي موافقين صح ياسيرين
لترتمي في حضن والدتها.
امال.مبروك يا حبيتي
سيرين. اللة يبارك فيكي يا حبيتي
جاسم.تمام نكتب الكتاب والدخلة بكرة
حسن.بسرعة كدة
جاسم. انا جاهز وزى ما قولت مش عايز غير سيرين
لينظر حسن لابنتة ليجد ملامح القبول علي وجهها
حسن.ماشي موافقين
جاسم تمام هعدي علي سيرين الصبح عشان نجيب الفستان وهنعمل كتب الكتاب عندي في الفيلا
حسن.طيب
جاسم.طب أستاذن انا
حسن.ما لسة بدري اعد شويه
جاسم.ﻻ يا عمي معلش عشان عند شغل
ثواني ياسيرين
لتنظر لة سيرين .ثواني وهاجي يا بابا
حسن.طيب ومتاخريش
سيرين. حاضر ....و ذهبت خلفة
كان يقف امام باب المنزل .
سيرين.ايوة
جاسم.انا هدفع فلوس صالح دلوقت .
سيرين. بجد
جاسم.اه وكمان يومين هشتري الشقة ليهم والممرضة هتبقي معهم ماشي
سيرين. ماشي
جاسم.طب باي ومد يدة ......امسك بيدها بقوة
كان ﻻ يتركها الي ان تركتها هي.
ليبتسم جاسم ونزل .......
دخلت سيرين البيت
حسن.انتي موافقة وعايزة
سيرين. ايوة يا بابا
حسن.مش عاجبني سرعتة دي
سيرين. اصل هو بيسافر كتير وعايز نتجوز عشان لو جيت سفرية فجأة يخدني معاه وخايف لحد يخدني
حسن.يعني انتي بتحبية
لتصمت قليلا ثم.اه بحبة .....لتحضتنها والدتها.بسعادة
............................ .....................
نزل جاسم وأخذ يبحث عن صالح الي ان وجدة.
جاسم.دي الفلوس
صالح. بس دا كتير
جاسم.مش مهم وحسك عينك تقرب منها تاني دي هتبقي مراتي
صالح.طيب ...بس شكلك محترم اية اللي يجوزك واحدة كدة
جاسم.كدة ازاي
صالح.انت فهمني كويس
ليمسكة جاسم من قميصة...
جاسم. اذ نطقت كلمة واحدة عنها هموتك انت فاهم
صالح.بخوف.ماشي
جاسم.فلوسك وخدها ملكش دعوة بيها وألا
صالح.حاضر....حاضر
رحل جاسم لسيارته وهو يفكر في كلام صالح ويخبط بيدة في مقود السيارة
كل يوم يتاكد من الكلام الذي يقال عليها .
ولكن لما يتضايق لمااااااااا
.................................................. ...........
في فيلا جاسم.
خرجت جانا وقفت ومعها حقبيتها تنتظر اسر لياتي.
ينزل من سيارتة ويحمل حقبيتها .
اسر.يلا بينا
نظرت جانا لتجد حمرة شفاه علي خدة.
جانا.انت كنت فين يا اسر
اسر ينظر لها بااستغراب.ها...كنت....كنت في الشغل
جانا.بجد واخرجت منديل ومسحت خدة والقت المنديل في وجهه
جانا. طب امسح اثر الشغل هات شنطتي هات
اسر.ﻻ اركبي يلا
جانا.مش هسافر معاك
ليحملها أسر بين ذراعة ويجلسها في سيارتة
..................................
الحلقة 10..
حملها أسر ووضعها في السيارة وركب السيارة. ......
جانا.انت مجنون ازي تعمل كدة
اسر.اه مجنون ....عايزة تسافري مع حد غيري وﻻ تسافري لوحدك
جانا.وانت مالك اروح لوحدي مع حد تاني متروح مع اللي كونت عندها
اسر.تسافري مع حد مهو دا اللي ناقص
جانا.انت متضايق لية انا حرة
اسر.ﻻ مش حرة انتي مش حرة
جانا. بجد مش فهماك انت روح مع اللي كنت معاها
ليصمت اسر قليلا .........
أسر. احم احم خلاص خلصنا
جانا.ﻻ مخلصناش
اسر.يعني مش هتسكتي بردو
جانا.ﻻ مش هسكت ...مش هسكت
ليوقف السيارة فجأه ...ويلتف وينظر بقوة لها.
اسر.يعني مش عايزة تسكتي .......امسك عنقها برقة وسحبها الية وقبل شفتيها بقوة سرعان ما تحولت لرقة ليتذوق شهد شفتيها لمرة اﻻولي
وهي مصدومة ولكن كانت مستسلمة لقبلاتة .
ليبتعد بعدها وينظر لها ليجدها تحاول التقاط انفاسها.
اسر لنفسه. اية اللى انت عاملتة دا يا مجنون انت ناسي دي تبقي مين
بس اعمل اية .اللي حصل بقي
جانا فتحت عيونها ببطء تنظر لة ﻻ تصدق ما حدث ايمكن ان تكون حصلت علي أول قبلة لها مع حبيبها .
ليدير اسر السيارة ويكمل دون كلام.
ولكن عقلة ما زال يفكر .ﻻنة لم يحصل علي اي رد فعل لها حتي اﻵن..
في فيلا جاسم.
دخل جاسم الفيلا لم يجد احد .
جاسم.دادة ....يا دادة
لتأتي الية المرأة العجوزة.
دادة. ايوة يا بني
جاسم.جانا سافرت
دادة. اه ..اسر اجي خدها
جاسم.تمام اسمعيني بقي كويس
دادة. خير يا بني
جاسم.انا....انا هتجوز
دادة. اية....
جاسم.اية حاجة غريبة هتجوز بكرة هنعمل كتب الكتاب هنا
دادة.مبروك يابني بس جانا عرفت
جاسم. اللة يبارك فيكي ..ﻻ ....لما تيجي هبقي اعرفها واعرفهم علي بعض
دادة.الست شيري صح
جاسم.ﻻ ..سيرين
دادة.سيرين مين انت تعرفها يعني
جاسم.واحدة زى القمر
دادة.ربنا يهنيكم يارب
جاسم.المهم عايز الفيلا تبقي نظيفة و توضبي اوضتي
دادة.حاضر حاجة تانية
جاسم.ﻻ تمام كدة انا هطلع انام
دادة. طيب احضرلك تاكل
جاسم.ﻻ بس صاحيني بدري
دادة. حاضر تصبح علي خير
جاسم.وانتي من اهلة
ليصعد لغرفتة ويبدل ثيابة ويجلس علي سريره ليفكر: معقولة انا اتجوز .بس دا الحل الوحيد لتبقي معايا وليا زى ما انا عايز ثم اتي لعقلة ذكري قبلتة لها ليبتسم قال مش عايزني المسها انتي بس كوني في بيتي ومين يقدر يرحم الفريسة لما تقع في مملكة ملك الغابة.بكرة هتبقي ليا زى ماانا عايز.
لينام غارق في احلام وجودها بين ضلوعة.
.................................................. ..... ..
اما سيرين فاخبرت أهلها بانها وجاسم يحبون بعضهم منذ زمن وعندما ذهبوا أهلها لنوم دخلت غرفتها
وجلست تفكر لما يفعل كل هذا هي اخبرتة عن استحالة كونهم ازواج ثم لما يستعجل زواجهم .
سيرين.ازاي هقدر اعيش مع واحد كدة قضي كل حياتة في احضان النساء ازاي انا وهو مختلفين في كل حاجة استحالة نفهم بعض دا لوﻻ حاجتي لفلوس مكونتش وفقت علي الصفقة دي زي ماهو سمها صفقة.مش جواز
ياتري اية حكايتك يا جاسم و ياتري بتفكر ازاي ....ليقطع تفكيرها رنين الهاتف.
سيرين.الو
بسمة.الو ايوة يا سوسو عاملة اية
سيرين. الحمدلله وانتي
بسمة.الحمدلله عايزة احكيلك علي حاجة
سيرين. وانا بس قولي انتي اﻻول
بسمة.طيب ياستي وقامت بقص مكالمة احمد الغريبة
سيرين. غريبه بس ممكن يكون عايزك في موضوع ما تقلقيش
بسمة. ياريت لأني متوترة
سيرين. ﻻ ماتقلقيش خير انشالله
بسمة.يارب طب وانتي
سيرين. انا حكايتي حكاية اسمعي ياستي وقامت بقص كل شي علي بسمة
بسمة.انتي ازي توافقي علي حاجة كدة
سيرين. كنت هعمل اية مفيش حل قودمي غير كدة
بسمة.بس بردة مكونتيش توفقي
سيرين. كل حاجة كانت فوق دماغي اعمل اية
لم تحب بسمة ان تجعل صديقتها تتضايق .
بسمة.حصل خير .....المهم بقي سوسو بكرة هتبقي عروسة
لتبتسم سيرين بحزن.عروسة اية ...
بسمة.اه عروسة و هتبقي قمر
سيرين.اكيد انتي مش هتسبيني صح هو بكرة هيجي معايا نجيب فستان وبعدين الكوافير هتيجي الفيلا بتاعتة وهنعمل كتب الكتاب هناك هتبقي سهرة عائلية بسيطة بس انا عايزكي معايا
بسمة.طبعا هاجي هشوف موضوع احمد وبعدين هجيلك تمام
سيرين. تمام ياحبيتي
بسمة.يلا مع السلامه
سيرين. مع السلامه
أخذت تفكر الي ان أخذها سلطان النوم ليرحمها من التفكير
................................................
تاخر الوقت كثيرا عند وصول جانا واسر.
اسر.دا مفتاح اوضتك تروحي فيها وتنامي ولما تصحي كلميني
كانت طول الطريق صامتة واﻵن ايضا صامتة .
أخذت المفتاح من يدة وحقبيتها وصعدت وتركتة غارق في افكارة.
لتصعد لغرفتها وتجلس تفكر ..
جانا واضح ان عشان انا ساكتة ومش بتكلم فكرتيني ضعيفة ﻻ ماشي يا اسر انا هوريك اما كونتش اعرفك ازاي تسهر مع كل بنت شوية مبقاش جانا انا بقي هربيك.
.................................................. ........
صعد اسر لغرفتة وكان يفكر :
نعم يعرف ان مافعلة خطا ولكن صامتها هذا يقتلة
لم يستطيع النوم هذة الليلة من كثرة التفكير.
.................................................. ...
كان الجميع في هذة الليلة قد أتخذ قرارتة وقد قرر تنفيذها
ولكن من سينفذ ومن لن يستطيع التنفيذ.
................................................
ليحل الصباح .
في فيلا جاسم.
استيقظ علي دق علي باب غرفتة .لينهض ويفتح الباب
دادة .صحيت
جاسم.اه خلاص
دادة. هحضر الافطار عقبال ما تنزل
جاسم.ﻻ هفطر برا
دادة.طيب
ليبدل جاسم ثيابة ويرتدي بنطلون جينز اسود وتيشرت اسود وجاكت ومشط شعرة
.... ونزل ركب سيارتة .....
.................................
في منزل سيرين.
استيقظت علي صوت والدتها تنادي عليها.
سيرين. ايوة يا ماما صحيت خلاص
امال.يلا عشان تلحقي تجهزي قبل ما جاسم يجي
لتختفي ابتسامتها عند تذكرة...........
سيرين. حاضر يا ماما
قامت ووضعت الإفطار لوالديها وقامت بترتيب البيت و دخلت غرفتها ل ارتداء ملابسها
ارتدت بنطلون ابيض وبدي كات وردي وجاكت قصير ابيض وقامت بفرد شعرها ووضع ملمع الشفاه الوردي .
لتخرج ..
امال.مشاء الله اية القمر دا
حسن.مشاء الله
سيرين. ربنا يخليكم ليا
امال.انتي مبسوطة يا بنتي
سيرين .اه الحمدلله ...خافت ليلاحظ اهلها حاجة...
سيرين. انا هنزل استني جاسم تحت
امال.لية اعدي هنا لحد لما يجي يخدك
سيرين. هو كلمني وقالي انزلي انا قربت
حسن.طيب ياحبيتي ابقي طمنيني عليكي
سيرين. حاضر
امال.طيب واحنا هنجيلك بالليل
سيرين. مش تيجوا لوحدكم انا هبعت السواق ماشي وهبقي اكلمكم
حسن.طيب ياحبيتي مع السلامه
سيرين.مع السلامه.
ونزلت علي السلالام .وقفت تنظرة الي ان وجدت يد توضع علي كتفها.
لتلتفت لتجد.
سيرين.انت اية اللي جابك هنا
عادل. جاي عشانك انا..أنا
سيرين. انت اية موضوعنا وانتهي جاي لية
عادل. انا بحبك وعايزك يا سيرين
سيرين. حبيتك عقربة انت مش بتحب غير نفسك وبس
عادل.اسمعيني بس
سيرين.اسمع انت انا..انا ..انا هتجوز.
عادل.هت اية ..تجوزي مين دا
سيرين. جاسم وانهاردة فرحنا
عادل. نعم .....ﻻ ﻻ يا سيرين وامسك كتفها انتي ليا فهمة ليا
سيرين.بقولك هتجوز
لتسمع صوت ....مش قالتلك هتجوز ....نزل ايدك عن مراتي
لتلتف لتجد جاسم وتنظر لعيونة تجدها مشتعلة بالغضب
لينزل عادل يدة..
ويمسك جاسم بيد سيرين بشيء من القوة.
ويجذبها لسيارتة.
سيرين.اه ايدي
جاسم ركب بجوارها وادار المحرك ورحل...
عادل.دا بعنيكي ياسيرين لو سبيتك انتي ليا فاهمة.
في السياره.
جاسم.هي حصلت جايبة معاكي وسيباه يحط ايدة عليكي لدرجة دي مش قادرة علي بعدة
سيرين تنظر لة .انا جابتة
جاسم.اومال مين يعني انتي هتبقي مراتي ومش هسمح بأنك يكون ليكي علاقة برجل غيري
سيرين.انت بتقول اية
جاسم.اللي سمعتية
سيرين. اما انا واحشة اوى كدة هتجوزني لية سبني
جاسم لم يرد.....ظل طول الطريق صامت ..
الي ان وصل لمول.
جاسم.انزلي يلا
سيرين نزلت ....
أخذها ودخل الي احد محلات ..اول مادخل جاسم رأتة البائعة أخذت تنظر لة نظرات جريئة
البائعة. نورت يا فندم
جاسم لة خبرة في النساء وبخبرتة فهم نظرة المرأة ..
ليبتسم بخبث.دا منور بيكي
لتنتقل سيرين بنظر بينهم.
سيرين بداخلها.اية دا هو انا قفص جوفة واقف .مش محترم الجزمة اللي معاه ماشي اما عدت تربيتك ما بقاش انا.
سيرين. مفيش حاجة عجابني
جاسم. لية دا المحل تحفة
البائعة. ميرسي دا انت اللي ذوق
سيرين بغضب من البائعة.بقولك مفيش حاجة عجابني شكل المحل عجبك انا ماشية وخرجت منة
ليجري خلفها .استني يا سيرين. .......
الحلقة11
جاسم امسك ذراعها.استني هنا
ازاحت يدة بقوة من علي ذراعها.....
سيرين.ابعد ايدك عني وروح لمحل اللي عجبك
جاسم.انتي ازي تسبيني وتمشي ها ازاي
سيرين.قولتلك المحل مفيش فية حاجة عجبني وواضح ان المحل عجبك اوى فسبتك فية
جاسم. دا علي اساس انك لحقتي تشوفي حاجة اصلا
سيرين .شوفت ومعجبنيش
جاسم حاول ان يمسك بزمام أعصابه.
جاسم.طيب يلا نشوف محل تاني
سيرين. ماشي
جاسم.اتفضلي قودمي
ومشت قودمة وهو ينظر لها وهي تسير.
جاسم لنفسة. البداية واضح انها مبشرة بالخير مشاء الله
سيرين لنفسها.ماشي يا جاسم انا هعرفك لما اكون معاك ازاي تحترمني
ماشي.
جاسم.اتفضلي ادخلي
سيرين. طيب
لتدخل لمحل لتجد بائعة كبيرة في السن فتبتسم سيرين لها.
جاسم.كنت عايز فستان فرح لخطبيتي ..بس عايز احلي حاجة في المحل.
البائعة نظرت لسيرين وتبسمت .....
البائعة.هي اي حاجة هتليق عليها ﻻنها مشاء الله جميلة جدا ...دي عنيكي يا حبيتي
لينظر جاسم باهتمام لها لطالما ارد ان يحل لغز عيونها ﻻن هذة العيون كانت تسبب لة ليالي ارق.
سيرين ابتسمت للمرأة .اه عنيا وراثها عن جدتي ام ماما الله يرحمها
البائعة. الله يرحمها مشاء الله جميلة جدا
كان جاسم يرقب كل مايصدر عن سيرين سواء حركة شفاها عندما تتكلم هذة الشفاه الوردية التي دائما تتحدي اقترابة .شعرها الطويل الذي يمكن ان يتغني بة الشعراء. وعينها عينها عينها هي ما تشعل بداخلة نيران رغبة بها ﻻ تنتهي وصوتها الملائكي وجسدها الممشوق لطالما عرفت الكثير من النساء ومنهم فائقات الجمال ومنهم من الغرب ومنهم من الشرق ولكن لم اجد امراءة تشعل فتيل الرغبة بها غيرك.......ليقطع تحدقة بها....
سيرين.هخوش اقيس دا ماشي
لم ينظر لفستان حتي.......
جاسم.اوكي قيسي
لتدخل سيرين لغرفة القياس....
وهو مازال في الخارج يفكر في هذة الجنية زرقاء العيون التي سرقت تفكيرة منذ اول لقاء لهم....واخيرا ستكون هذة الجنية له ...........
ليقطع تفكيرة .......
البائعة. مشاء الله جميلة خطبيتك اوي
جاسم.ميرسي
البائعة. وخفيفة جدا ربنا يخليكم لبعض
جاسم. جدا
سيرين. اخرج
البائعة. ﻻ ثواني مينفعش حضرتك تشوفها بالفستان
جاسم. لية يعني
البائعة. فال وحش ممكن حضرتك تستنا عشردقايق وتدخل
جاسم.اية الكلام الفارغ دا وع العموم ماشي
......وخرج برة امام الباب الزجاجي.....
البائعة. تعالي يا حبيتي. ...
لتخرج سيرين....لتنظر لها البائعة باعجاب.مشاء الله حلوة اوى
كان فضولة راهيب وهذا الفضول ارغمة علي ان يلتفت وينظر لها من خلال الباب الزجاجي.
جاسم.يا نهار اسود اية دا اية حلاوتك دي مش معقولة اية الجمال دا.
كان الفستان كات يضيق من الصدر لخصر ثم ينزل بتساع الي الأسفل.
........ويوجد ورود صغيرة علي الخصر .......
وكان لاول مرة يري هذا النمش علي طول رقبتها.....كانت رائعة بكل ما تحملة الكلمة..
عند سيرين....
نظرت لبائعة.بجد حلوة
البائعة. جدا والله
سيرين تمام هخدة ....هروح اغيرة
دخلت لتبدل الفستان بغرفة التبديل ........
البائعة نادت علي جاسم.
جاسم.خلاص
البائعة.اه وقالت هتخدة مبروك
جاسم.الله يبارك فيكي
البائعة. واخدين بعض عن حب وﻻ جواز صالونات
ليبتسم جاسم بخبث.
جاسم.ﻻكدة وﻻ كدة حادثة
البائعة لم تفهم ولكن لم ترد طرح المزيد من اﻻسئله حتي لا تكن متطفلة.
لتخرج سيرين.......
سيرين .اتفضلي .
جاسم قدم لبائعة الفيزا كارت ......
سيرين. اشيلة انا
لينظر لها جاسم بتعجب. هشيلة انا
سيرين. ﻻ انا عايزة اشيلة
جاسم ابتسم علي طفولتها. ..
جاسم.طيب ولما تتعبي تجبية
سيرين. طيب
جاسم.يلا بينا
سيرين. هنروح فين دلوقتي..
جاسم.هنروح نجيب الشبكة
سيرين نظرت لة باستغراب. ...
جاسم.اية انتي عايزة اهلك يقولي عليا بخيل
سيرين.هاا
جاسم. يلا بينا
واخذها لمحل المجوهرات. ......
اول ما دخلوا المحل رحب صاحب المحل بجاسم.
صاحب المحل.علي
علي.ايوة يا فندم
صاحب المحل.خود بالك من جاسم بية دا زبون مهم جدا
لتنظر سيرين لجاسم.سيرين لنفسها. اممممم اكيد كان متعود يجي يجيب دهب لستات طبعا ..
علي.امرك يا فندم...وتوجه لجاسم ...وسرعان ما لمح الملاك صاحب العيون الزرقاء لينظر لها بقوة.
لاحظ جاسم نظرات علي لسيرين.....
ليمسك بيد سيرين بقوة ويجذبها بجواره. .
ﻻحظ علي جذب جاسم لسيرين ...
علي .تحت امرك يا فندم تحب حاجة معينة
جاسم.احب تركز في شغلك وتورينا خواتم.
ليخجل علي من كلام جاسم ...ويحضر الخواتم..
ليجذب انتباه جاسم ..خاتم بجوهرة لونها يشبة لون عيون قطتة سيرين
ليمسك الخاتم ..ويمسك يد سيرين ويلبسها الخاتم ..كان جميل عليها.
جاسم.اية رايك
سيرين. حلو اوى
جاسم.تمام هنخد دا....وقدم الفيزا كارت.
علي.تمام يافندم...
جاسم.يلا بينا ناكل الأول وبعد كدة نروح الفيلا عشان الميكب ارتست جاية هناك.
سيرين. طيب
و ذهبوا لمطعم لتناول الطعام.
.................................................. .................
في الفندق:
استيقظ اسر لينظر لساعتة ليجد الساعة قاربت علي 3
اسر.معقولة اكون نمت كل دا ....اصل انا سهرت جامد امبارح ونمت متاخر
طيب جانا لسة نايمة وﻻ اعدة في اوضتها مخبطتش عليا.
نهض من فراشة واغتسل وارتدي تيشرت ازرق وبنطلون ابيض ومشط شعرة
وخرج لغرفة التي امامة والتي لم تكن سوا غرفة عزيزتة جانا .
أخذ يدق الباب ....ولكن لا يوجد من استجابة. .
أسر. معقولة تكون نايمة .....وﻻ بتلبس وﻻ اية
ثم دق الباب مرة اخري.. لم يجد اي استجابة ...
فقرر النزول للاستعلام عنها.فنزل لاستقبال.
اسر.لو سمحت هي الانسة جانا العاصم مش موجودة في اوضتها
موظف اﻻستقبال. ﻻ ..هي خرجت من الصبح مع اصحابها لبحر ونزلوا المياه
هتلاقيها علي البحر يا فندم..
اسر.نعم فيييييييييييين....
الموظف توتر من نبرة صوت اسر.
الموظف. البحر يافندم
ليجري اسر ناحية البحر وأخذ يبحث عنها في كل مكان..ألي ان..
لمحها.
اسر.جااااااااانااااااا قالها بصوت عالي
لتلتفت لة.بفزع....
اسر امسك يدها وجذبها خلفة بعيدا عن أصحابها. .
جانا.انت ازاي تجرجرني وراك كدة انت ساحب جاموسة
أسر بنبرة عالية .انتي ازاي تنزلي من غير ما تعرفيني ها ازاي ..واية الزفت اللي انتي ﻻبسة دا ﻻبسة مايوة وعاملة تهزري وتضحكي
جانا.انا حرة البس اخرج اهزر انا حرة
اسر.ﻻ مش حرة انا جاي عشان اخلي بالي منك
جانا.انا مش صغيرة عشان تخود بالك مني
اسر.ﻻ صغيرة وهفضل اخود بالي منك
جانا.لية ...بتعمل كدة لية
اسر.عشان بح......احم انتي ناسية اني وعدت جاسم اخلي بالي منك
للحظة ظنت انة سيبوح بحبها ....ولكن خيب ظنها
جانا. ﻻ اطمن انا كويسه مع صحابي
اسر.صحابك اه طب اسمعي اذ لمحتك واقفة مع حد هخدك بالاكراه وانزلك القاهرة
جانا.ماانت بتخرج وبتروح وبتيجي مع بنات انا بتكلم زى ما انا مش بدخل في اصحابك متدخلش في صحابي
ليمسك اسر يدها بقوة.انا اعمل اللي انا عايزة انا ولد لكن انتي بنت
وحسك عينك اشوفك واقفة مع حد ويلا اطلعي غيري الزفت دا يلا
لتجري جانا علي غرفتها....
جانا .بيحلل لنفسة ويحرم علي غيرة ماشي يا اسر صبرك عليا دي البداية انت لسة مشوفتش حاجة.
عند اسر: كان يفكر لماتظل تعاند ﻻيريد انت تكون مع احد غيرة لما ﻻتسمع بهدوء كلمة لما تشبة نفسها بالنساء التي اعرفهم هي ليست مثلهم هي حبة عشقة و ستكون لة ولة فقط .....اصبح يخشى ان تكون لغيره لذلك قرر ان يجازف ويتحدث مع جاسم بشأنهم.
ليرها تاتي من بعيد مرتدية فستان بني يصل لبعد الركبة بقليل بنصف كوم ومطلقة شعرها ليأسر قلب عزيزة....
أسر. اهو كدة...زى القمر
استغربت جانا من مجاملتة الصريحة. ..
جانا. ميرسي
أسر. تعالي بقي نتغدي
جانا.يلا بينا
اسر.ايوة كدة اسمعي الكلام .
جانا.قصدك اية اني وحشة ومش بسمع الكلام
اسر.ﻻﻻ طبعا مقصدش يلا بينا
جانا.طيب
و ذهبوا يتناولون الطعام في المطعم. .
عندما كانوا يتناولون الطعام ....كانت هناك فتاه تراقب اسر ...
كانت جانا تنظر لفتاه بكرة شديد وغضب.....
لتقترب الفتاه...كان من مﻻمحها يبدو عليها انها اجنبية وعندما تحدثت عرفت انها فرنسية.
الفتاه مدت يدها ل أسر.هاي انا جاكلين
اسر.هاي عايزة حاجة
جاكلين.حابة اتعرف عليك تسمحلي اعزمك علي العشاء
اسر نظر ناحية جانا ليجدها وجهها احمر من الغضب وللحظات ظن انها علي وشك الانفجار. .
اسر.اسف بس انا خاطب واعد حاليا مع خطبيتي اعرفك بيها جانا العاصم خطبيتي
نظرت جاكلين ناحية جانا...
استغربت جانا من كلام أسر ولكن فرحت بكلامه. .
مددت جاكلين يدها لجانا.انا اسفة جدااا ..
جانا.محصلش حاجة
جاكلين نظرت ل اسر ثم عادت بنظرها لجانا. انتي محظوظة
جانا.انا عارفه ....
جاكلين. أستاذنكم باي
أسر. باي
ليرجع أسر بنظرة لجانا ليجد في عيونها .الكثير من اﻻسئله....
اسر.اتضايقتي
جانا.لا
ليبتسم اسر لها .....
........................... ..................................
في منزل بسمة:..
بسمة.ماما انا رايحه النادي وبعد كدة رايحة كتب كتاب سيرين
والدتها. طيب بس انا لحد دلوقتي مش مصدقة اية الجوازة اللي جت بسرعه دي
بسمة.نصيب يا ماما وراجل غني اوى
والدتها. سبحان الله المعطي
بسمة.طب هقوم انا.
والدتها طيب يا حبيتي. ...
دخلت بسمة لغرفتها وبدلت ثيابها لبنطلون جينز ازرق وبادي اسود بنصف كوم
وصفتت شعرها وقامت بوضع احمر شفاه وردي....
وخرجت من غرفتها. ... ....
بسمة.ماما انا نازلة
والدتها. طيب يا حبيتي متاخريش
بسمة.حاضر.
ونزلت ركبت المواصلات لتذهب لنادي.....
وعند وصولها لنادي وجدت احمد منتظر علي احدي الطاوﻻت .....
بسمة.ازيك يا دكتور
احمد.الحمدلله اعدي اتفضلي
جلست بسمة علي الطاولة. ......
احمد.انتي عاملة اية
بسمة.الحمدلله ...خير يا دكتور
احمد.قوليلي احمد احنا مش في الكلية
بسمة. ازاي يا دكتور انا مقدرش اندي لحضرتك باسمك
لينظر احمد في عيونها بقوة .ليدق قلبة لهذا الشعور واﻻحساس الرائع.ولكن كذبة.
احمد.مهو مفيش واحدة تنادي لجوزها بالقب ﻻازم تنادي لية باسمة
بسمة.جوز مين
احمد.جوزك
بسمة.دا هو اللي مين
احمد.انا
بسمة.ازاي ...
احمد. هفهمك وقص عليها موضوع والدته ومرضها.
بسمة .يعني انت عايز تتجوزني علشان والدتك
احمد.ﻻ طبعا وعشان معجب بيكي
بسمة صمتت من الصدمة للحظة ظنت انة يحبها ولكن صفعها لواقع المؤلم..
احمد.اسمعي يا بسمة انا مش هكدب عليكي انا جوايا مشاعر ليكي متلخبطة مش عارف اول لما امي قالتلي علي عروسة رفضت وقالتها عليكي وحاجات كتير انا مش عارف احدد مشاعري بس انا قولت ل امي عليكي فكري يا بسمة وانا وعد مني مش هجبرك علي حاجة تمام.
بسمة.ماشي يا دكتور هفكر وهبلغ حضرتك بعد اذنك عشان ورايا مشوار مهم.
احمد. طيب مع السﻻمة
بسمة.سلام....ورحلت ....طول الطريق ظلت تفكر في احمد هي معجبة بة بشدة واكيد تتمني زواجهم ولكن ليس بهذه الطريقة
قررت التأجيل لتفكير بهذا اﻻمر بعد زفاف سيرين. ...و ذهبت لفيلا لتدخل ......
تطرق الباب لتفتح. .
الدادة.مين حضرتك
بسمة.انا بسمة صاحبة سيرين هي موجودة
الدادة. اه .....لسة جاية وهي جوا مع الكوافيرة اتفضلي يابنتي
دخلت بسمة مع الدادة لسيرين.
سيرين. سوما انتي جيتي
بسمة.اه يا حبيتي.
ﻻحظت سيرين ملامح الحزن علي صديقتها فنظرت لميكب ارتست.
لوسمحت سبونا شوية. ..
الميكب ارتست. طيب بس ياريت متاخريش عشان نلحق نخلص
سيرين. طيب ....وفور خروجها..التفت سيرين لصديقتها
سيرين. مالك حصل اية
بسمة قصت كل شي علي سيرين.
سيرين. وهتعملي اية.
بسمة.مش عارفة منكرش اني معجبة بية بس مكونتش عايزة نتجوز كدة
ﻻزم افكر كويس.
سيرين. طيب يا حبيتي اهدي
بسمة. متقلقيش انا تمام ...انا هنادي الميكب ارتست عشان منتاخرش
سيرين. طيب.
..................................................
كان في غرفتة يرتدي بدلتة السوداء الانيقة عندما دق باب الغرفه
جاسم. ادخل
لتدخل الدادة. ..
جاسم.خير يا دادة
دادة.مشاء الله يابني خطبيتك زي القمر و باين عليها طيبة اوي
جاسم .اه هي حلوة
دادة.ربنا يهنيكم يارب
جاسم.يارب
دادة.مش عايز حاجة.
جاسم.ابعتي السواق بالعربية عشان يجيب اهل سيرين
دادة.حاضر ....وخرجت...وفور خروجها أخذ يتذكر منظرها في الفستان كانت جميلة جدا
ﻻ اعلم شي باستثناء انك ايتها الحورية ستكوني ملكي. ..........
جاء الليل وحان موعد عقد القران:
كان ينتظرها اسفل السلم وحين رأها توقف عن التنفس للحظات بالفستان الرائع وشعرها المرفوع لأعلي بطريقة جاذبة. ....المكياج الرائع كل هذا جعل منها اميرة......
استقبلها وامسك بيدها بقوة وقبل رائسها لتخجل كثيرا.
وجلسوا وتم عقد القران.....
حسن.خود بالك منها يابني
جاسم .نظرلها برغبة قوية.في عنيا
امال.ربنا يسعدكم يارب
حسن.يلا احنا يا امال وهنبقي نكلمك يا حبيتي. ...
سيرين. احتضنت والدها بقوة.خليكم
تتضايق جاسم لرؤية والدها يضمها لا يريد لأحد ان يشاركة فيها...
والدها. مينفعش بس هنتطمن عليكي
سيرين. ماشي ابقي كلميني يا ابو علي وانا هبقي اجي
حسن.طيب يا حبيتي يلا يا امال
لتضم سيرين والدتها بقوة.
امال.مع السﻻمة
جاسم.السواق هيوصلكم لحد البيت
حسن.مفيش داعي
جاسم.ﻻ ازاي
حسن.طيب مع السﻻمة
سيرين. مع السلامه
وبعد ذهبهم ودعت بسمة سيرين علي وعد منها لاتصال بها
جاسم.دادة طلعي سيرين اوضتها
دادة.طيب تعالي يابنتي
رحلت سيرين معها وبدأت في تبديل ثيابها لبيجامة وردية .
جاسم دخل لغرفة النوم...............واغلق الباب خلفة...............
سيرين.انت داخل تعمل اية هنا
جاسم.دي اوضتي
سيرين.اومال اوضتي انا فين
جاسم.هو في واحدة ليلة فرحها بتنام بعيد عن جوزها
سيرين. جوز مين انت صدقت ....وجاءت لتخرج ...امسك يدها وجذبها الية لتنصدم بصدرة ويحملها
جاسم.انتي ليا انا ....وقام بوضعها علي السرير..
سيرين أخذت تصرخ .ابعد عني يا جاسم...