رواية: هرجع... ♡
البارت ال43 والأخير ♡
بقلم سما طارق ♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
❥ ✿ حااااااااسب.
✪ ايه يا بنت المجنونه منك ليها.
✿ الكوتشينه هتقع... امشي براحه.
✪ ♞ كوتشينه!!.
حمزه بص عليهم في المرايه وزياد لف وشه ليهم... لقوهم بيلعبوا كوتشينه على الكنبه.
✪ يعني قطعتولي الخلف علشان كوتشينه... ما تولع الكوتشينه.
♞ يا اندال بتلعبوا كوتشينه من غيري... اخس.
✪ لموا الكوتشينه يلا علشان قربنا نوصل البيت.
❥ حاضر.
✿ طب استنى طيب نخلص الجيم ده.
✪ فرح.
✿ يووووه... ماشي.
بعد شويه وصلوا للقصر وحور لمت الكوتشينه وبعدين دخلوا.
✪ ياناس ياللى هنا.
✿ احنا جينا.
كانوا بينادوا علينا بصوت عالي.
انا خرجتلهم من المطبخ.
- مش هتعقلوا أبداً.
✿ وانا اعقل ليه... انا لسه صغيره.
- ازيك يا زيزو.
♞ الحمد لله كويس... حضرتك عامله ايه.
- انا كويسه الحمد لله... يلا تعالوا علشان الغدا.
❥ هو بابا فين.
- كان تعبان من شويه فدخل ينام... ادخلوا انتوا الغدا على السفره وانا هشوفه عامل ايه.
❥ ✪ ✿ نشوفه احنا كمان.
- تعالوا.
طلعنا كلنا الأوضه لقينا اياد لسه نايم على السرير.
- ده لسه نايم.
✪ هو نام امتى.
- من تلت ساعات كده.
❥ صحيه يا ماما.
- ماشي.
انا روحت قعدت جنبه.
- اياد... اصحى يا حبيبي الغدا جهز... اياد.
في اللحظه دي انا مسكت ايده.
- ايده متلجه... اياد... حبيبي اصحي... يا اياد اصحى بقى.
❥ ب بابا اصحى... يا بابا اصحى يلا.
- اياد اصحي بقى بطل رخامه.
✿ خ خا خالو اصحى... خالو مالك يلا اصحى... يا خالو.
حمزه راح وهو بيترعش وحط ايده على رقبته علشان يشوف النبق.
- ايه يا حمزه... لا مستحيل يسيبني... لا.
✪ تعيشوا انتوا.
- لا لا لا مستحيل يعملها ويسيبني لوحدي لا.
زياد خرج في اللحظه دي يتصل بالاسعاف.
حمزه خدني في حضنه وهو بيعيط.
- حمزه متهزرش اكيد اياد عايش بس بيهزر... او او ممكن الحاله جاتله تاني... ايوه اكيد الحاله جاتله تاني والدكتور اللى عالجه متخلف... ايوه ايوه هو كده... هيصحى دلوقتي انا عارفه... اياد اصحىىىىىى.
❥ انتوا بتقولوا ايه... لا طبعاً بابا مسابنيش.
✿ ل لا مستحيل خالو... خ خالو مستحيل يسيبنا كلنا... احنا روحنا فيه لا لا مستحيل.
حور راحت نامت على صدر اياد وهي بتعيط.
❥ بابا اصحى... بابا والنبي اصحى... انا مش هعرف اعيش من غيرك يا بابا والنبي اصحى.
فرح راحت وقفت جنب السرير.
✿ خالو اصحى... خالو اصحى بالله عليك... لو بتحب عمتو قوم... خالو قووووم.
- اتصلوا بالأسعاف بسرعه... خلوهم يجوا يلحقوه ويقولولنا انه عايش.
زياد دخل في اللحظه دي.
♞ انا اتصلت بالأسعاف.
زين دخل.
♟ هو في ايه... وخالو ازاي نايم في العياط ده... ازاي نايم وسط كل العياط ده وهو اصلاً مش بيستحمل يشوف دمعه نازله من واحده فيكم.
انا روحت جنب اياد ومسكت ايده.
- اياد... ا انا مش هعيط بس انت قوم... قوم يا اياد والنبي... حبيبي قوم... احنا بقالنا اكتر من عشرين سنه سوا مينفعش تسيبني بالسهوله دي... يا حبيبي قوم علشان نكمل الاربعين سنه جواز زي ما كنا عايزين... ف فاكر فاكر لما انت قولتلي تخيلي يا حبيبتي نكمل اربعين سنه جواز ونطفي الشمع وسنانا واقعين... الكلام ده كان في الشهور الأوله لينا... كنا لسه مكملناش سنه... اصحى بقى يا اياد والنبي.
حمزه عيونه دمعت بس مسح دموعه بسرعه علشان يعرف يهدينا.
الأسعاف وصلت ودخلت خدت اياد وكلنا ركبنا العربيه وروحنا وراهم على المستشفى.
دقايق قليله وكنا كلنا في المستشفى واياد دخل الطوارئ.
بعد شويه خرج الدكتور.
- ايه يا دكتور.
♝ البقاء لله.
قال جملته ومشي.
- ا ا ايه... لا لا لا مستحيل... ايااااااد.
انا اغمى عليا وحمزه شالني ودخلني اوضه عاديه ونادى على الدكتوره وبعدين خرج.
❥ ح حمزه اكيد بابا بيعمل فينا مقلب صح.
✪ اهدي يا حبيبتي... هو في مكان احسن دلوقتي... اهدي والنبي.
حضنها بحب وباس جبهتها وهو بيلمس على شعرها.
❥ بابا سابني يا حمزه... ب بس هو وعدني انه هيفضل جنبي... ليه سابني وهو عارف اني مش هعرف اعيش من غيره.
✪ حبيبتي هى دي سنة الحياه... كلنا هنموت والله.
فرح كانت قاعده بعيد وحاضنه ركبتها وبتعيط.
حور نامت من كتر العياط في حضن حمزه... حمزه شالها ودخلها اوضه وبعدين خرح قعد جنب فرح.
✪ فوفو... هو في مكان احسن دلوقتي.
✿ خلاص كده... مش هشوفه تاني... مش هتكلم معاه تاني... مش هشتكيك ليه وهو يقف في صفي... خلاص مفيش يودا تاني... مشي وسابنا بالسهوله دي... كان بيقولي يوم جوازك هتبقى بالنسبه ليا الفرحه فرحتين انا مكنتش فاهمه قصده ايه بالفرحه فرحتين بس فهمت بعد فتره... عمره ما عاملني على اساس اني بنت اخته... كان بيعاملني زي بنته الصغيره... حمزه انا كنت بحبه اكتر من بابا... يودا مماتش... يودا هيفضل عايش جوا قلوبنا.
حمزه حضنها بحب وهو بيلمس على شعرها.
✪ يودا كان اطيب شخص في الدنيا... طول عمرنا كنا فخورين بيه... هو دلوقتي راح عند ربنا... ادعيله يا قلبي... ادعيله.
✿ كنت بحبه اوى والله.
بعد شويه خرجت الدكتوره من عندي.
♝ المدام دخلت في غيبوبه اثر صدمه اتعرضت ليها.
✪ متعرفيش هتفوق امتى.
♝ هى لو مفاقتش قبل الساعه 12 يبقى هتدخل في غيبوبه طويله ومحدش عارف هتخرج منها امتى.
✪ ممكن ادخلها.
♝ اه اتفضل.
حمزه دخل جري ليا.
قعد على الكرسي ومسك ايدي وباسها.
✪ ماما بالله عليكي اصحي بسرعه انا محتاج حضنك اوى... انا مش عارف اصدق ان بابا توفي وهندفنه... مش قادر استوعب... عقلي مش عايز يستوعب ان بابا اللى طول عمري نفسي ابقى زيه وطول عمري فخور بيه وبحبه اوى... بابا الله يرحمه كان اطيب حد في الدنيا... انا مش عارف اهدي نفسي ولا اهديكي لما تفوقي ان شاء الله... ولا اهدي حور ولا فرح... بابا مشي وسابلي مسئوليه كبيره عليا... بجد انا طول عمري كنت بقول ان بابا ده شخصيه عظيمه وهو كان مثلي الأعلى في كل حاجه... في حبه ليكي.. في حبه لكل البيت.. في قسوته في الشغل بس عمره ما ظلم حد.. نجاحه في الدنيا.. غيرته عليكي... في كل حاجه هو كان مثلي الأعلى وعمره ما خلاني اندم.
بعد شويه محمد وريناد جم وعرفوا الخبر... ريناد كانت منهاره في حضن محمد وحور لما صحيت لقت زياد قاعد على الكرسي اللى جنبها... هي قعدت تعيط وهو كان بيهديها حمزه بص عليهم من بره لقى ان زياد بيحاول يهديها فهو راح لفرح يشوفها.
✿ فاكر لما انت زعقتلي وهو كان متعصب منك اوى.
✪ كان يوم رخم اوى علشان مكانش بيكلمني خالص.
✿ انت وقتها كنت بتبوس ايده علشان يكلمك.
✪ وفي الآخر انا اتخبطت في رجلي جامد علشان كنت عايزه يسامحني.
✿ هو كلمك بس هزقك.
✪ حصل... كله كان بسببك يا سوسه... كان لازم تقوليله يعني اني زعقتلك.
✿ احنا كان عندنا كام سنه ساعتها.
✪ انا كنت 15 وانتى كنتي 9.
قعدوا يتكلموا شويه لغاية ما اليوم خلص والكل روح ماعدا حمزه قعد معايا بعد ما اقنع حور بالعافيه انها مينفعش تقعد معايا.
حور كانت واقفه في الشباك بتبص على القمر بهدوء وزعل.
❥ بابا انت وحشتني اوى... اليوم لسه معداش و وحشني حضنك ليا... وحشني هزارك... وحشني روح الشباب اللى عندك... وحشني اني اقطع اللحظه عليك انت وماما... وحشني اني اقولك يا عجوز وانكشك كل شويه... وحشني وقفتك معايا في كل حاجه... انت كنت بتاخد رأيي في كل حاجه... انا هشكي لمين همي دلوقتي... هقول لمين اسراري... ايوه عندي حمزه وبحبه وبقوله على كل حاجه بس انت كنت شخص مهم اوى في حياتي... بحبك اوى وهتوحشني اوى والله... كل يوم هدعيلك وكل يوم هقعد اكلمك واحكيلك على يومي كان عامل ازاى... بحبك اوى يابابا... انت اه موت بس انت هتفضل عايش جوه قلبي لحد ما اموت واروحلك.
عند فرح بردو كانت واقفه في الشباك بس كانت باصه على البيسين.
✿ خالو انا بحبك اوى وهفضل احبك طول ما انا عايشه... انت كنت بالنسبه ليا ابويا وصاحبي وخالي... انت لو شايل هم الدنيا كلها بتسمعني والإبتسامه مرسومه على وشك... طول عمرك رافع راسنا ومخلينا فخورين بيك قدام الناس... عمرك ماكسرت ثقتي فيك... كنت طول الوقت تقولي ان انا زي حور... كنت بتقولي ان انا بنتك مش بنت اختك... كنت بتقولي اني كنت قارفاك في عيشتك وانا بيبي بس انت كان على قلبك زي العسل... وحشتني اوى يا خالو و وحشتني حضنك ليا اللى بحس فيه بالأمان اكتر من حضن بابا... انا بحبك وهفضل احبك طول ما انا عايشه... انت اه موت بس هتفضل عايش جوه قلوبنا.
ريناد نامت من كتر العياط في حضن محمد.
وزين قعد يعيط كتير اوى لغاية ما نام.
حمزه وقف في شباك الأوضه وكان باصص للقمر.
✪ مشيت وسيبتلي مسئوليه كبيره عليا... بابا انت كنت مثلي الأعلى في كل حاجه... كنت كل يوم احمد ربنا ان عندي اب زيك عرف يربيني كويس... وعرف يطلعني راجل... انت اه مكنتش بطيقني لما بلمس ماما... بس في الوقت اللى ببقى محتاج فيه لحضنها مكنتش بتمانع... وقتها انا بعرف انك مهما كنت بتغير على ماما... بس عمرك ما تحرم ولد من حنان امه... انت كنت اهم شخص في حياتي... كنت حنين وطيب واوقات الجد او وقت ما حد يغلط بتبقى قاسي شويه... المره الوحيده اللى انت مديت ايدك عليا فيها اعتذرتلي... قليلين اوى الأهل اللى تعترف بغلطها... بس انت اعترفت ومش بس كده لا انت اعتذرتلي كمان... انت اللى علمتني ازاى ابقى حنين على حور... وقت ماهى تغلط اياً كانت الغلكه لازم ابقى متحكم بأعصابي علشان متكرهنيش... انت علمتني حاجات كتير اوى... بجد يا بابا انت وحشتني اوى وهتوحشني جداً... انا عمري ما هنساك وهحكي لولادي عنك وعن طيبتك... بحبك اوى يابابا بجد... انت هتفضل عايش جوه قلبي لغاية ما اموت واروحلك... هتوحشني اوى بجد.
انا بقى كنت معاه... كنا بنجري سوا وسط الحشائش الخضره.
- يودا استناني.
= ولادنا محتاجينك يا حبيبتي.
- وانا محتاجاك... استناني متسيبنيش.
= هتوحشيتي يا سمايا.
- يودا متهزرش والنبي... لا خدني معاك.
= ومين هيبقى مع الولاد.
- طب خلاص ارجع انت متروحش هناك.
= يا قلبي مش هينفع.
- اياد لاااااا.
= بحبك.
ظهر نور ابيض قوي اوى وبعدين اياد اختفى.
- اياااااااااااد... هيء هيء... سيبتني ليه... اياااد ارجععععع بقىى.
كنت بعيط بصوت عالى بعد ما اياد اختفى.
- مينفعش كده يا اياد... متفقناش على كده احنا.
♕♕♕♕♕♕♕♕♕♕♕♕♕♕♕♕♕♕♕♕♕♕♕♕
بعد ست سنين ونص.
♕♕♕♕♕♕♕♕♕♕♕♕♕♕♕♕♕♕♕♕♕♕♕♕
= مامي مامي... تيتة حركت ايدها.
✪ انت بتتكلم بجد.
= ايوه والله يا خالو... تعالوا بسرعه.
♞ انا هروح اتصل بالدكتوره.
انا فتحت عيني لقيت طفل صغير نسخه من اياد بيبصلي والشوق باين في عينه.
= أخيراً.
✪ وحشتيني اوى يا سمسم.
حمزه جه حضني وعينه بدمع.
- وانت كمان يا حبيبي... وحشتني اوى.
حمزه بعد عني بعد شويه ومسح دموعه وبعدين حور جريت عليا وحضنتني جامد وهي بتعيط.
❥ ازاى هونا عليكي تبعدي عننا كل المده دي.
- معلش يا حبيبتي... متعيطيش بقى... وبعدين هو انا نمت قد ايه.
= ست سنين وخمس شهور وعشر ساعات.
- مين الكوبي بيست القمر الصغنن ده.
حور بعدت عني وكانت هتتكلم بس الصغير قاطعها.
= انا عايز اعرف نفسي... ممكن.
❥ ممكن يا قلبي.
= انا اسمي اياد... حفيدك... ابن حور... ماما قالتلي اني شبه جدو اوى... وكل اللى في البيت حكولي عنه وعن حضرتك... انا كنت مستني اليوم اللى تفوقي فيه بفارغ الصبر علشان اقولك اني بحب حضرتك جداً وبحب جدو جداً جداً.
انا بصيتله وانا بفتكر اياد اللى كنت بحلم بيه كل يوم في الست سنين دول... حضنت اياد الصغير جامد اوى وبتخيل اني بحضن اياد لا لا مش بتخيل هو فعلاً نسخه من اياد في كل تفاصيله.
بعد شويه بعدت عنه وشوفت ابتسامته الجميله.
- انت بقى حفيدي الأول.
= ايوه.
- في حد تاني ولا ايه.
= عندي اخت تانيه اسمها مريم بس هي دلوقتي نايمه... وفي نونو جاي في السكه قريب.
✪ النونو اللى جاي في السكه ده تبعي.
- يعني انا عجزت خلاص.
= لا طبعاً... ده انتي قمر البيت يا سمسم.
- انا حبيت الواد ده والله.
في اللحظه دي زياد دخل.
♞ ايه الغيبه الطويلة دي ياسمسم.
- معلش بقى.
♞ الدكتوره جت علشان تكشف عليكي.
- ماشي.
دخلت الدكتور وطمنتهم عليا اني بقيت كويسه... بعد شويه كان اياد قاعد جنبي ومش عايز يتحرك.
❥ يلا يا يودا علشان نروح وننام.
= انا هنام هنا.
✪ تنام هنا فين.
= جنب سمسم.
❥ سمسم عايزه راحه يا يودا م.....
انا قاطعتها.
- خلوه معايا ده ايه الرخامه اللى فيكم دي.
❥ ماشي.
- اه صح هي فرح فين.
✪ فرح نايمه علشان كان الحمل تاعبتها اوى.
- ربنا يقويها.
✪ يارب.
شويه وحور مشيت وبعدين حمزه راح اوضته.
- قولي بقى يا قمر... انت عندك كام سنه.
فتح ايده وعندها بطريقه طفوليه.
= عندي خمسه.
كان فاتح اربع صوابع.
- ههههههه... كده خمسه يا قلبي.
فتحتله الصباع الخامس.
= ضحتك حلوه اوى يا سمسم.
- والله انت اللى حلو اوى يا يودا.
= كنتي بتقولي لجدو يودا.. صح!.
- اه.
= هو كان بيحبك اد ايه.
- ااااد الدنيا دي كلها.
= وانا بحبك ااااد الدنيا دي كلها.
- يا روحي انت.
حضنته جامد وبوست خده.
- تعرف ان انت قمور.
= متقدريش تقولي كلام غير كده علشان انا شبه يودا.
- هههههههههههه الغرور حلو.
= دي ثقه مش غرور هههههه.
- طيب ياعم الواثق من نفسه... يلا نوم.
= حضرتك بقالك اكتر من ست سنين نايمه... وعايزه تنامي تاني.
- طب هنعمل ايه.
= تعالي نلعب... يلا يلا.
- ماشي ياسيدي... هنلعب ايه بقى.
= انا هغني وانتي تاخدي آخر حرف من الأغنيه وتبدأي بيه اغنيه تانيه.
- ماشي... يلا ابدأ.
= وكنت غريب... لقيتلي حبيب... لروحى دوا... ولقلبي طبيب... ونفسي معاه... يكون لي نصيب.. وحضن وبيت... وليه انا بيك.. حلمت كتير... وليه انا بيك.. لقتني قسيت... مفيش اسباب.. ولا تفسير... غير اني هاويك... يلا دورك.
كان صوته حلو اوى وفكرني بصوت اياد وهو بيغني الأغنيه دي ( متركزوش اوى في الأغاني والسنين اللى عدت عليهم علشان انا اكيد مش هلاقي اغاني بعد اكتر من خمسه وعشرين سنه 😂😂).
كملنا اللعبه لغاية ما نمنا.
الصبح صحيت لقيته نايم بعمق.
- شكراً يارب انك جبتلي حفيد شبه اياد بالظبط.
انا قولت جملتي وانا ببص عليه ولما خلصت بوست خده براحه.
نزلت من على السرير بصعوبه علشان جسمي بقاله ست سنين مش بيتحرك.
= انتى رايحه فين لوحدك.
اياد صحي.
- هدخل الحمام.
= طب استني اسندي عليا... خالو كان قال انك مش هتقدري تمشي.
اياد نزل بسرعه من السرير ومسك ايدي.
= امشي براحه.
- حاضر.
اياد وصلني لباب الحمام وبعدين استنى لغاية ما انا خرجت و وصلني للسرير.
- ممكن تنادي خالو يا حبيبي.
= انتي تعبانه.
- لا نادي خالو بس.
= حاضر.
اياد نزل بسرعه وخبط على اوضة حمزه وفرح.
= يا خالو... افتح انا اياد.
حمزه فتح.
✪ صباح الخير يا يودا.
= صباح النور... سمسم عايزاك.
✿ ايه ده هي عمتو فاقت.
✪ اه يا حبيبتي فاقت امبارح.
فرح قامت بسرعه من على السرير.
✿ طب انا عايزه اشوفها.
✪ تعالي نطلع.
حمزه وفرح دخلوا اوضتي واياد طلع معاهم بردو.
✿ عمتوو.
جت حضنتني وهى مبسوطه اوى وكانت بطنها كبيره بسبب الحمل.
✿ وحشتيني اوى اوى والله.
- حبيبتي... اخبار النونو ايه.
حطيت ايدي على بطنها.
✿ مش عايز ينزل... مش عارفه اتحشر جوه ولا ايه.
- ههههههه... انتى في الشهر الكام.
✿ الخماشر... بطلت اعد من زمان.
- هههههههه هبله والله.
✿ ايوه كده وحشني صوتك وضحكتك اوى.
- حبيبتي وانتى وحشتيني اوى... انا فاكره ان كان في عيل سمج كده صغير فين ده.
♟ مقبوله منك يا سمسم.
- متقولش ان انت زين.
♟ انا زين... بس شكلي اتغير علشان كبرت.
- يعني بقيت راجل خلاص.
✪ ده عنده 11 سنه... راجل ايه.
♟ بقولك ايه... انت تسكت خالص يا عجوز.
✪ انا عجوز يا جزمه.
♟ اه عجوز.
- ولما هو يبقى عجوز ابوك يبقى ايه.
$ بتجيبي سيىتي في ايه يا غيبوبه.
محمد جه وحضني.
- وحشتني اوى يا محمد.
$ وانتى والله وحشتيني جداً يا غيبوبه.
- اومال فين الكلبه ريناد.
❀ انا كلبه يا سوسو... طب والله ازعل.
ريناد جت وحضنتني.
- والله ما تزعل يا قلبي... انا اللى كلبه... هو انا عندي كام رينووو.
حمزه ومحمد ساعدوني علشان انزل اقعد معاهم في الصالون... شويه حور وزياد وبنت صغيره دخلوا القصر.
البنت الصغيره جريت عليا وحضنتني.
♡ ازيك يا تيتة.
- ي خراشي على العسل.
❥ ازيك يا ماما.
- الحمد لله يا حبيبتي... مريم دي صح.
♞ ايوه.
- عامله ايه يا مريومه.
& انا كويسه... وفرحانه اوى ان حضرتك صحيتي أخيراً.
- حبيبتي انا اللى هطير من الفرحه اني شيفاكي دلوقتي.
انا شيلتها و قعدها على رجلي.
= اي ده.
- اي.
= انتي ليه قعديها على رجلك.
- عادي.
= نزليها لو سمحتي.
ربع ايده قدام صدره بطريقه كيوته.
- ده بيغير.
✪ الصراحه اول مره يغير على حد.
قعدنا ساعتين وبعدين انا خدت حمزه على جنب.
✪ في اي يا ماما.
- عايزه اروح ل اياد.
✪ طيب بكره او لما تتحسني... اكيد بابا مش هيبقى مبسوط لما يشوفك بالحاله دي.
- دلوقتي يا حمزه.
✪ بس يا ماما........
انا قاطعته.
- مفيش بس... انا عايزه اروح دلوقتي.
✪ طيب... اطلعي اجهزي.
انا طلعت جهزت وحمزه جهز.
كنا خلاص خارجين من القصر بس صوت اياد وقفنا.
= انتوا رايحين فين.
✪ رايحين عند جدو يا حبيبي.
= طب انا عايز اجي معاكم.
- ماشي يا قلبي... اجهز بسرعه وتعالى.
دخل اياد جهز بسرعه وبعدين روحنا كلنا على المقابر.
اول حاجه اياد عملها جري عند القبر ونزل على ركبه.
= جبتلك تيتة اهو... ابسط ياعم.
اياد قام وحمزه خده وبعدوا شويه.
- ست سنين وانا بحلم بيك... وفي كل الأحلام بتمشي وتسيبني في الآخر... وحشتني اوى يا اياد... وحشتني اوى اوى اوى والله... حضنك.. جنونك.. مشاكستك.. لعبك.. تحولك لطفل تحت ايدي.. حنيتك... كل حاجه فيك وحشتني... بس انا زعلانه منك... ايوه زعلانه منك علشان انت مقولتليش ان بقى عندنا حفيد شبهك بالظبط في كل حاجه... انت كنت بتجيلي في الحلم كل يوم ليه محكتليش عنه... ليه مقولتليش يا سما احنا بقى عندنا حفيد شبهي في كل حاجه... ولادنا كبروا وبقوا اهل... حور عندها اياد ومريم... وحمزه وفرح هيبقى عندهم قريب جداً طفل صغير... كان نفسي نعيش سوا ونموت سوا... كان نفسي نكمل اربعين سنه جواز واحفادنا هما اللى يجهزوا للأحتفال... كانت هتبقى حاجه جامده جموده والله... الحمد لله... ان شاء الله نتقابل في الجنه يا حبيبي... اه واوعى عينك تبص هنا ولا هنا... انا عارفه ان المقابر فيها مزز كتير... وحشتني اوى يا اياد... بحبك اوى وهفضل احبك لآخر نفس في حياتي... ولو بطلت تجيلي في الحلم انا هزعل منك جامد والله... عمري ما هنسى حبك ليا... سلام يا حبيبي... انا هجيلك كتير استناني.
جه حمزه جري عليا.
✪ ماما فرح بتولد يلا بسرعه بالله عليكي.
ركبنا العربيه وبعدين اتحركنا على المستشفى اللى نقلوا فرح ليها.
✪ فرح عامله ايه.
❥ قالت خلوا حمزه اول ما يجي يدخلي بسرعه... واكيد مش هتسامحك لو مدخلتش فادخلها بسرعه.
✪ م ماشي... ربنا يستر.
الدكاتره جهزت حمزه وبعدين دخل لفرح لقاها بتعيط وبتصوت وخايفه جداً... راح وقف جنبها ومسك ايدها بيحاول يهديها.
✪ ان شاء الله خير... هما شوية وجع بس... استحملي شويه علشان النونو يجي بس.
✿ مش قادره يا حممممزه... هموووت.
✪ اخرسي... متقوليش كده ان شاء الله خير.
عدى الوقت لغاية ما لقينا حمزه خارج من اوضة العمليات وفي ايده طفله.
✪ حبيبت بابا نورت أخيراً.
- وريني القمر.
روحت شيلت البنت.
- ما شاء الله يا حبيبي... قموره اوي يتربى في عزك.
الكل جه شافها.
= دي جميله اوى يا خالو.
✪ شبه جدتها.
❀ تسلم يا حبيبي.
✪ قصدي سمسم يا رينووو.
❀ عيل جزمه.
✪ شكراً.
= خلاص يبقى نسميها سما.
✪ معنديش مشكله.
= وانا اتجوزها لما نكبر.
افتكرنا حمزه لما حجز فرح من اول ثانيه زي ما عمل اياد دلوقتي.
ضحكنا كلنا بصوت عالى.
✪ ان شاء الله يا يودا... خلاص سما ليك... اتفقنا.
= ايوه ليا انا وبس.
ضحكنا تاني وبعدين دخلنا اطمنا على فرح واحنا مبسوطين اوى.
تمت بحمد الله