رواية بائعة الورد
الفصل الثامن والعشرون والتاسع والعشرون
#أسماء ابراهيم
يوم جديد علي الجميع يحمل الكثير والكثير من الأحداث منها المبشر بالخير وأكثرها الذي يدب خطوات القلق والتوتر للبعض.
استيقظت ياسمين كعادتها في الصباح الباكر دلفت الي المرحاض لتنعم جسدها بحمام دافئ وتتوضأ وتخرج لتؤدي فرضها وبعد الانتهاء من صلاه الصبح توجهت الي خزانتها واختارت ملابسها عباره عن بنطلون اسود وعليه قميص من اللون الاحمر الداكن وعليه جاكت اسود ارتدت ملابسها وتركت شعرها ينسدل خلف ظهرها وبعدها خرجت من غرفتها وجدت صديقتها روضه ومعها نغم ابنه عمها يجلسون في انتظارها...
ياسمين: صباح الحلويات ايه ده روضه صاحيه بدري مش معقول ده.
روضه: صاحيه ايه يابنتي انا مانمتش ومطبقه من امبارح ونغم صاحيه من الفجر وقاعدين نرغي مع بعض.
نغم: صباحك ورد ياسو أنا قمت لصلاه الفجر لاقيتها قاعده لوحدها قعدت معاها المهم انتوا هاتعملوا ايه بقي .
ياسمين: احنا لازم نروح الجامعه نسلم المشروع وبعدها هانروح المحل نستني يوسف ومعتصم وسالم عشان نروح نجيب شبكه روضه.
نغم: طيب انا هاتصل علي سالم أو معتصم يعدي عليه ونجيلكم المحل.
روضه: طيب ايه رأيك تيجي معانا الجامعه ونروح مع بعض المحل بعدها.
ياسمين: فكره حلوه وعشان ماتقعديش لوحدك نغم وكمان تشوفي الجامعه ايه رأيك.
نغم: ماشي هاجي معاكم.
وبالفعل نزلوا البنات مع بعضهم وركبوا تاكسي للجامعه وكانت في سياره تسير خلفهم تراقب تحركاتهم..
بشقه يوسف كان محمود الشناوي يجلس في البلكونه ومعه سالم ولده يتحدثون في تجهيز الخطبه..
سالم: يابابا انا مرتب كل حاجه بس المهم دلوقتي ازاي روضه تعرف بوجود والدها هاتبقي صدمه عليهم .
محمود: أني خابر ياولدي بس ده حقها وحق عمك عبدلله أنه يشوف بته وهي عروسه.
سالم: طيب نكلم يوسف ونشوف هانرتبها ازاي انت ماكنتش تشوفني بعد ما رجعت من عندك كنت عامل ازاي وكمان يوسف ومعتصم اخدوا بالهم اني متغير ويوسف فوتها عشان ما يجبرنيش اني اتكلم.
محمود: ياولدي كان لازم اعرفك اللي حصل وان واحد ياجي ويرمي بطاقه عبدلله وادخل المكتب في المزرعه اشوف الورق ملعوب فيه وبعدها ظهور عبدلله.
سالم: انا كنت مرعوب يومها لما كلمتني وقولتلي لازم اجي بسرعه...
فلاش باك......
محمود في التليفون: ضروري تاجي ياسالم حتي في طياره خاصه.
سالم: يابابا انت قلقتني وازاي هانزل من غير ما حد يعرف يوسف ومعتصم لو صحيوا واكتشفوا اني مش موجود هايقلقوا.
محمود: تاجي حالا سلام.
وفعلا ارتدي سالم ملابسه ونزل دون أن يشعر به أحد وذهب المطار وطلب طائره خاصه ذهاب وأياب وخلال نصف ساعه كان وصل الي المزرعه وتقابل مع والده وقص عليه ماحدث وأمنه أن لا يتحدث مع أي شخص.
ورجع مره أخري إلي القاهره وجلس بغرفته يفكر في كلام والده بخصوص والد روضه وظهوره مره اخري بعد أن علم الجميع أنه توفاه الله منذ ثلاث سنوات...
باك...
سالم: خلاص يابابا انا هتكلم مع يوسف ونشوف حل المهم دلوقتي هاقوم اجهز عشان هاننزل انا ومعتصم نروح المحل لياسمين وناخد البنات نشتري الشبكه.
محمود: مبارك عليك ياولدي وربنا يقدم اللي فيه خير.
***********************
بمرسي مطروح كان مصطفي صديق يوسف وصل وتقابل مع حسام الذي اتصل به وطلب منه السفر إليه في اسرع وقت بعد أن علم بوجود مستثمر أجنبي كبير جاء الي المنتجع السياحي وقام بمشاده كلاميه مع المهندس المختص وقال وسط الكلام أنه صاحب المنتجع وفؤاد الالفي ما إلا صوره قدام الناس.
مصطفي: تمام اوي بس المهم مين ده وجنسيته ايه وهل فؤاد عرف اللي حصل ده ولا ايه
حسام: بص يامصطفي انا كل اللي جمعته عن الراجل ده أنه من الدنمارك وله شركات ومؤسسات في كل مكان ومحدش يعرف رأس ماله منين أو حجمه قد ايه .
مصطفي: انا مش عارف نتصرف ازاي احنا نتابع تحركات الراجل ده طول فتره وجوده هنا وهاتصل بيوسف أبلغه المعلومات دي.
حسام: تمام واحنا بالليل هانروح نسهر في الفندق اللي قاعد فيه الراجل ده ونتابعه من قرب.
وافق مصطفي علي كلام حسام واتصل بيوسف بلغه بالمعلومات الجديده وطلب يوسف منه أن يراقب المستثمر الأجنبي ومعرفه كل شئ عنه.
وبمكان اخر في مرسي مطروح كان مدير أعمال فؤاد الالفي يجلس ومعه مصعب الاخ الأصغر لمهني ابو عمر وقص عليه ما فعله فؤاد في أخيه وابنه وقتل عمر وأنه متورط في مقتل مهني أيضا داخل السجن.
اتفق معه مصعب أن يسافر معه لمقابله عبدلله ومحمود ومعرفه الكثير عن فؤاد الالفي وتوعد له بأنه سوف يأخذ بتار أخيه وولده.
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
في القاهره بالجامعه كان فادي جهز المدرج وزينه بالورود والبلالين الحمراء وعلق لافته مكتوب عليها (بحبك وعايز اتجوزك) وتحتها مرسوم قلب احمر كبير وبداخله اسم ناني..
ناني وهي تسير في اتجاه المدرج كانت تستعجب من نظرات الطلاب والطالبات إليها ووشوشتهم عليها دخلت المدرج وتفاجأت بشكل المدرج وتصفيق وتصفير الجميع في المدرج ورأت فادي يقف في نهايه المدرج ويحمل بيده بوكيه ورد وعليه قطيفه من اللون الأحمر وبداخلها خاتم من الماس.
دمعت عيونها من المفاجأة واخذتها شدوي من يدها وصعدت بها أمام فادي وقدم لها الورد وأمسك يدها وألبسها الخاتم ...
علي صوت التصفير والتصفيق ومباركات الجميع لهم....
بعد ذلك خرج فادي ومعه ناني ومعهم شدوي وسراج من الجامعه وذهبوا جميعا الي فيلا مراد المرشدي لتري المفاجاه الثانيه..
بعد وقت ليس بطويل وصلوا جميعا الي الفيلا وكانت المفاجأة هي وجود والد ووالده ناني والاتفاق علي موعد الزواج.
بارك الأهل لهم واتفق علي أن يتم الزواج بعد انتهاء امتحانات اخر العام علي أن يتم زواج كلا من ناني وفادي وشدوي وسراج...
في جنينه الفيلا كان فادي يجلس مع ناني يتحدثون عن ترتيب وتجهيز بيتهم.
ناني: ميرسي اوي علي المفاجأة دي بجد ماكنتش مصدقه نفسي.
فادي: ناني انا بحبك وطول ما انا عايش ربنا يقدرني واسعدك .
ناني: وانا كمان بحبك ويارب تكون مش زعلان مني علي عملته زمان.
فادي: وبعدين بقي ياناني بقولك بحبك وكلها شهرين تلاته ونتجوز ولسه بتفكري في اللي فات انسي بقي المهم كنت هانسي اقولك أن تامر خرج من المستشفي وكمان خطب بنت جميله دكتوره علاج طبيعي وعزمني علي خطوبتهم يوم الخميس الجاي.
ناني: بجد ربنا يسعده تامر انسان من جواه كويس لكن الظروف هي اللي خلته كده بس الحمدلله أنه فاق لنفسه وحياته.
فادي: الحمدلله اهم حاجه تجهزي نفسك يوم الخميس عشان نحضر الخطوبه اوكي.
بمحل الورد كان اجتمع الشباب مع الفتيات وبدأت روضه وياسمين بقص ما حدث في الجامعه مع ناني صديقتهم ودكتور فادي ومدي السعاده التي كانت علي الجميع وطريقه تقدم فادي لطلب الزواج من ناني..
وبعدها تحرك الجميع الي مول كبير لشراء الشبكه ومستلزمات خاصه بالبنات لتجهيز الخطبه وكان في شخص يراقبهم في كل خطوه..
وبعد شراء الشبكه جلسوا جميعا في إحدى الكافيهات لتناول بعض الطعام والشراب وقامت نغم ومعها روضه للذهاب الي الحمام.
ذهبا معا الي الحمام وكان ورائهم ذلك الشخص دخلت ياسمين الحمام ونغم قالت لها انها تخرج ثانيه واحده لشراء مناديل
خرجت نغم من الحمام وكانت ياسمين بمفردها دخل الشخص واعطي عامله النظافه مبلغ من المال وخرجت تراقب الطريق ..تخفي الشخص بإحدي الحمامات وعند خروج ياسمين من الحمام قام بوضع منديل به مخدر علي وجهها وفي ثواني كانت ياسمين فاقده للوعي وحملها الشخص وخرج بها...
بعد دقائق أتت نغم ودخلت الحمام ورأته فارغ اعتقدت أنها انتهت وذهبت لهم في الكافيه
ذهبت نغم الي أخيها وولاد عمها وتفاجأت بعدم وجود ياسمين.
يوسف: نغم انتي جيتي لوحدك ليه وفين ياسمين.
نغم: مش عارفه انا افتكرت أنها رجعتلكم لاني مالقتهاش في الحمام.
يوسف: ازاي يعني مش كنتي معاها .
نغم: ايوه ياسمين دخلت الحمام وانا خرجت اجيب مناديل رجعت مالقتهاش توقعت انها رجعت.
معتصم: اهدي يايوسف اكيد راحت تشتري حاجه وجايه اتصل عليها شوفها فين.
روضه: صح اتصل عليها شوفها فين هي كانت عايزه تجيب هديه لناني.
سالم: انا هتصل عليها حالا وانت ياجو ماتقلقش كده ياعم.
وبالفعل اتصل سالم عليها ووجد الهاتف مغلق فنظر ليوسف وهز كتفه بمعني أن الهاتف لا يجمع.
اخرج يوسف الهاتف من جيب بنطاله واتصل عليها ووجد الهاتف مغلق بدأ القلق والتوتر يظهر علي الجميع وقرروا أن كل واحد يبحث عنها في ناحيه واللي يصل إليها يخبر الجميع.
في شقه يوسف كان الجميع يجلسون ورن هاتف محمود برقم غريب قام محمود بالرد علي الهاتف ووجد شخص يتحدث له يقول...جهز الورق اللي معاك اللي يخص فؤاد الالفي يا إما تقرا الفاتحه علي روح بنتك واغلق الخط....
ارتعب محمود من الرساله ولكن أظهر عكس ذلك أمام الجميع واستأذن منهم أن ينزل يشتري عليه سجائر...
نزل محمود وقام بالاتصال علي يوسف وبلغه بالرسالة وهنا تأكد يوسف أن ياسمين تم خطفها علي انها ابنه محمود....
فبلغه يوسف باختفاء ياسمين وطلب منه إلا يخبر اي احد من العائله عن اختفاؤها وأنه سوف يقول انها ذهبت للسكن ...
اغلق يوسف مع عمه واتصل بأخيه وأخبره أنه قابل ياسمين وأنه سوف يوصلها للسكن ويتقابلون في البيت...
وبالفعل ذهب معتصم وخبر الجميع بكلام يوسف ولكن بداخله لايصدق كلام يوسف..
أما عند يوسف قرر الذهاب الي مديريه الامن واجتمع مع فريقه للتحرك والقبض علي فؤاد الالفي بتهمه خطف فتاه.....
#بائعه الورد...
الفصل التاسع والعشرون...
بمديرية أمن القاهرة كان الجميع يقف علي قدم وساق بعد أن بلغهم يوسف بإختطاف ابنه عمه وخطيبته وأنه سوف يقدم ببلاغ رسمي ولكن أوقفه اللواء حرصا علي سلامتها وأنهم يقومون بعمل خطه سريه تلقي فؤاد الالفي في أيديهم .
انفعل يوسف لانه يخشي إصابه محبوبته بمكروه وقرر أنه سوف يتحرك بمفرده لينقذها من براثين ذلك الوغد وخرج مسرعا من مكتب اللواء وألحق به صديقه مصطفي.
مصطفي: يوسف استني واحنا هانتصرف بانفعالك ده ممكن تأذي ياسمين مش تنقذها ومتقلقش مش هايطلع النهار غير وهي معاك.
يوسف: عايزني اقعد مكتف ايدي وروحي في ايد كلب زي ده وخطه سريه ايه اللي سياده اللواء عايز يعملها انا هاتصرف وخليك هنا تتابع الاخبار.
مصطفي: لا طبعا مش هاسيبك رجلي علي رجلك وبعدين فؤاد الالفي خطف ياسمين علي انها نغم بنت محمود .
يوسف: ودي في حد ذاتها كارثه لانه لو عرف انها بنت سالم الشناوي هاتكون في خطر اكبر.
مصطفي: استني احنا ناسين حاجه مهمه مدير أعماله هو شغال لحسابنا واكيد عنده معلومات عن اللي حصل .
يوسف: يبقي يالا بينا نتحرك حالا ونشوف هايقدر يوصلنا لحاجه ولا لأ.
خرج يوسف بصحبه مصطفي من مديريه الامن وصعد سيارته وتحرك بها الي مكان علي الطريق الصحراوي لمقابله مدير أعمال فؤاد الالفي..
في ناحيه اخري في شقه يوسف كان وصل كلا من معتصم وسالم ونغم وسألت الجده الحجه حسيبه علي ياسمين ويوسف فقام معتصم بالرد عليها ..
معتصم: ياسمين روحت السكن مع روضه ويوسف جاله استدعاء من الشغل هايخلص ويرجع علي طول.
مني: ياسمين بخير يامعتصم ولا في حاجه انا قلقانه عليها .
نغم: بتقولي كده ليه بس ياطنط هي بخير بس حبت تروح مع روضه عشان ماتبقاش لوحدها مش اكتر.
إلهام: وانتي يابتي ماروحتيش وياهم ليه كنتي روحتي بدل ما تقعدي أهنه لحالك.
معتصم: ماهو ياعمتي روضه وياسمين هاينزلوا الصبح الجامعه وانا قولت نغم ترجع معانا عشان ماتفضلش لوحدها في السكن.
الحجه حسيبه: زين ياولدي ويالا كل واحد يدخل يتسبح ويغير وياجي عشان ياكل لقمه.
سالم: انا تمام ياجدتي أكلت في المول ومش قادر هادخل انام.
نغم: تسلمي ياجدتي احنا اكلنا مع بعض وفعلا عايزه انام تصبحوا علي خير.
دخلت نغم غرفتها وتركتهم ولكن كانت تشعر بشيء غريب وان ياسمين ابنه عمها وأختها في خطر وسرعان ما أصبح الشك حقيقه عندما دخل سالم ومعه معتصم وقص عليهم معتصم ما قاله يوسف ...
فلاش باك....
معتصم: يوسف قولي الحقيقه ياسمين فين وماتقولش أنها روحت السكن لان الكلام ده مش داخل دماغي.
يوسف: ياسمين اتخطفت واللي خطفها انا عارفه وكمان خطفها مكان نغم كده ارتحت.
معتصم: انت بتقول ايه خطف ايه ومين وايه دخل نغم.
يوسف: بص الموضوع كبير وانا لازم اتحرك حالا وتعمل اللي هاقولك عليه من غير ولا غلطه ومش عايز حد في البيت يحس بحاجه ارجوك يامعتصم.
معتصم: حاضر يايوسف بس طمني علي طول وعلي فكره انا فهمت الليله عشان موضوع عمك محمود ومصنع اللحوم صح.
يوسف: صح يالا سلام وانا هكلمك اول ما اوصل لحاجه.
باك....
سالم: يعني فؤاد الالفي هو اللي ورا الموضوع وخطف ياسمين علي انها نغم عشان يهدد بابا بيها .
نغم ببكاء: يانهار اسود ياسمين في خطر انا قلبي كان حاسس طيب والعمل ده جدي لما يعرف ممكن يروح فيها ولا طنط مني شوفتوا كانت بتسأل عليها ازاي.
معتصم: اهم حاجه دلوقتي ماحدش يعرف ولا يحس بحاجه يوسف هايتصرف وهايكلمني اول ما يوصل لحاجه.
سالم: بابا .....
نغم: ماله بابا ياسالم .
سالم: اكيد يقدر يوصلنا لحاجه وغريبه أنه مش موجود معقول يكون....
معتصم: يكون ايه ياسالم إذا كان هو اللي بلغ يوسف لانه اتبعتله رساله من اللي خطف ياسمين أنه خطف بنته.
سالم: نغم حاولي تنامي وماتخليش حد يحس بحاجه وانت يامعتصم تعالي معايا مشوار ممكن يوصلنا لمكان فؤاد ده
......................
بإحدي المخازن الذي يمتلكها الالفي كانت ياسمين ملقاه علي الارض فاقده للوعي فهو المكان الوحيد الذي يحرص عليه فؤاد الالفي لوضع اي شئ يريد إخفاؤه عن الجميع .
فبعد أن قام الشخص باختطاف ياسمين وجاء بها الي المخزن قام بالاتصال علي فؤاد الالفي وإخباره أن العمليه تمت وهي الآن موجوده تحت يديه.
فؤاد: الله عليك كده حلو اوي المهم دلوقتي انت تختفي تماما والمبلغ اللي وعدتك به موجود عندك في مكتب جنب الباب اللي دخلت منه.
الشخص: انا في الخدمه ياباشا وانت تأمرني وانا أنفذ.
اغلق الهاتف معه وأخذ ظرف الفلوس وخرج من المخزن ليختبئ كما أمره فؤاد الالفي.
بعد أن خرج قام أحد رجال الأمن الذين يقومون بحراسه المكان والمخزن بإحضار طعام وشراب وتركهم علي طاوله بجوار الفتاه الملقاه علي الارض لعلها بعد إفاقتها تريد أن تأكل او تشرب شئ وخرج.
أحد رجال الأمن: يعني انت كده ريحت ضميرك لما حطيت اكل وشرب.
رجل الامن: انت شايف حاجه تانيه نقدر نعملها وبعدين كلنا هنا عبد المأمور ومافيش حد احسن من حد ولا تكون نسيت احنا اتخلينا عن ايه عشان نوصل للمرتب الشهري ده.
رجل الامن2: عمري ما نسيت بس حبيت افكرك لو ساعدنا البت اللي جوه دي هايحصل فينا ايه .
رجل الامن1: عارف وفاكر كويس اوي اللي حصل لما صاحبك ساعد الرجل الكبير وهربه بس دي بنت واحنا عندنا اللي زيها وربنا يتولاها بقي ولا حد من أهلها يقدر يوصلها ويساعدها.
بالطريق الصحراوي كان مدير أعمال فؤاد الالفي ينتظر قدوم يوسف ومصطفي وبعد دقائق وصل يوسف اوقف السياره ونزل مسرعا وأمسك الرجل من تلابيب قميصه وصرخ بوجهه بجنونيه لا يدركها .
يوسف؛ اسمع بقي انت لو ماقولتش فؤاد الزفت ده موجود فين هالبسك مصيبه وارميك طول عمرك في السجن.
مصطفي وهو يحاول فك الاشتباك وأبعاد يوسف عنه: اهدي يايوسف مش كده وبعدين الراجل متعاون معانا .
هيثم: انا مقدر اللي انت فيه يايوسف بيه بس صدقني انا معاك وهاساعدك زي ما ساعدت عمك محمود وهربت استاذ عبدلله واكيد خطيبه حضرتك في المخزن الكبير.
يوسف: تمام اوي بس المهم دلوقتي وجود فؤاد هناك عشان تبقي التهمه لبساه.
وأثناء حديثهم رن هاتف يوسف برقم عمه محمود فقام بالرد عليه فورا.
يوسف: ايوه ياعمي انا تقريبا كده وصلت لمكان ياسمين .
محمود: اسمعني زين ياولدي عمك عبدلله معايا واحنا دلوك رايحين علي مكان المخزن .
يوسف؛ ياعمي استني مكانك وانا هاجيلك حالا المفروض عمي عبدلله مايظهرش خالص دلوقتي وكمان لو فؤاد عرف أن اللي عنده بنت سالم مش بنتك ممكن يإذيها.
محمود: بكيفك ياولدي واني في انتظارك بس بخبرك أن معتصم وسالم جاين ويانا.
يوسف: ياعمي ليه كل ده انا كنت هاتصرف من غير ماحد يحس علي العموم هي كلها نص ساعه اكون عندك.
مصطفي: في ايه يايوسف .
يوسف: احنا لازم نتحرك حالا وأستاذ هيثم لازم دلوقتي تروح لفؤاد تخليه يكون في المخزن قبل وصولنا.
_______&&&&&&&&&
بفيلا المرشدي اجتمع السيد مراد بزوجته وأبنائه علي العشاء وأثناء تناولهم الطعام قال مراد: علي فكره انا قررت انسحب من شراكه فؤاد الالفي في المنتجع السياحي .
سوزان: انت بتقول ايه يامراد دي فرصه العمر اننا نكون شركا في حاجه زي دي وكمان مكاسبها رهيبه.
مراد: الله الغني عنها لو مشكوك في طهرها وبعدين انا وصلني معلومات أن فؤاد الالفي له اعمال غير مشروعه زي تجاره سلاح وقتل والمصيبه الاكبر أن اللي بيدعم المنتجع والممول الاساسي للمشروع يهودي اسرائيلي كمان.
شدوي: ياخبر يابابي دي كارثه ازاي يسمح بده أو يقدر يعمل كده في بلده.
فادي؛ قصاد الفلوس والسلطه النفوس بتضعف ياشوشو واللي زي فؤاد ده مش بيهمه اي قيم ولا اخلاق ولا حتي بيخاف وكل اللي يهمه جمع الفلوس وبيعتمد علي أنها مصدر قوي .
مراد: وعشان كده يافادي انا قررت أعلن انسحابي بكره الصبح وكمان بلغت العمال والمهندسين في مطروح يسلموا شغلهم ويرجعوا علي القاهره في أول طياره.
شدوي؛ الحمدلله يابابي أن ربنا كشفه دلوقتي قبل ما حضرتك تتورط معاه .
مراد: الحمدلله ياشوشو ومن بكره اعملي حسابك هاتبقي مسئوله عن فريق المهندسين الجدد وبلغي صاحبتك هاتكون مساعد ليكي
شدوي: بجد يابابي ربنا يخليك لينا...
:::::؛؛؛؛::::::::::؛؛؛؛؛؛::::::::::::؛؛؛؛؛؛::::::::::::::::::
بفيلا فؤاد الالفي وصل مدير أعماله وجلس معه يتحدثون عن أمر ابنه محمود الشناوي.
فؤاد: كده بقي محمود الشناوي هايجي ويركع تحت رجلي عشان اسلمه بنته.
هيثم؛ اكيد طبعا يافؤاد بيه وخصوصا أنهم صعايده وعندهم حاجه كبيره أن بنت تتخطف بس المهم دلوقتي اننا نروح المخزن ونشوف هانعمل ايه.
فؤاد: عندك حق يا هيثم لازم نتحرك حالا وكمان انا بعت لمحمود رساله أن بنته تحت ايدي.
وبالفعل انصاع فؤاد الي كلام هيثم وتحرك معا الي المخزن وفي الطريق ارسل هيثم رساله ليوسف يبلغه بتحركهم الي المخزن.
بعد أن وصلت الرساله الي يوسف تحرك مع مصطفي وخلفهم سياره سالم ابن عمه ومعه معتصم وعمه محمود والسيد عبدلله
وأثناء سيرهم جاء اتصال هاتفي لمصطفي من حسام بمطروح وبلغه بالقبض علي المستثمر الأجنبي الشريك الأساسي للمنتجع السياحي بتهمه غسيل أموال والاتجار بالبشر، وسفر السيد مصعب الي القاهره لأخذ بالتار من فؤاد الالفي
اغلق الهاتف مصطفي وبلغ يوسف بما قاله حسام.
يوسف: احب اقولك كده أن نهايه الالفي النهارده وكمان تقفيل القضيه .
مصطفي: ربنا يسترها ياجو وتعدي علي خير.
بالمخزن وصل فؤاد الالفي ومعه مدير أعماله ودخل عند ياسمين التي مازالت فاقده للوعي وسحب كرسي وجلس عليه ووضع قدم فوق الاخري وظل ينظر لها وهو يحدث نفسه: اخيرا يابنت محمود بقيتي تحت ايدي وابوكي هايجيلي راكع يطلب السماح بس احب اطمنك انك مش هاتشوفي النور غير لما كل الورق يكون عندي..
دخل مصعب عليه وهو يوجه السلاح نحو رجل الامن ويقول: اخيرا وقعت تحت ايدي يافؤاد واقدر اخد بتار اخوي وولد اخوي.
فؤاد: انت وصلت هنا ازاي وعرفت مكاني من مين.
هيثم وهو يخرج سلاح من جيبه ويوجهه نحو فؤاد انا اللي وصلته لهنا يافؤاد بيه وكمان عندي ليك مفاجأة هاتنبهر بيها.....