رواية جراح الحب
الحلقة الثالثة عشر والرلبعة عشر
بقلم شيمو الخطيب
الحلقه ١٣
من رواية جراح القلب
احمد بعد مقال لهنا استنيني نص ساعه ونقعد نتكلم مع بعض
هنا بدموع... لا طبعا مش هستني انت متعنيش ليه اي حاجه عشان اقعد معاك الكلام اللي بينا خلص وانسى انك تعرفني تاني.. وسابته ومشيت قبل حتى ميرد عليها
احمد دخل مكتبه ووقف ف الشباك مخنوق مش عارف ليه عمل كده وليه مش قادر يحدد موقفه.. شاف هنا خارجه من الشركه وبتعدي الطريق لكن مش مركزه في اي حاجه وفجأه سمع صوت عربيه بتفرمل نزل جري على السلم وبيدعي ربنا انه يسترها وميكونش جرالها حاجه
مؤمن اول مشاف هنا بتعدي الطريق جري عليها هو وعلاء وحاول ينادي عليها لكن هي ف دنيا تانيه وبسرعة البرق كان زقها والعربيه خبطته هو، هنا محستش غير انها بتترمي على الرصيف وراسها اتخبطت فيه ومسمعتش غير صوت فرملة العربيه وبعد كده فقدت الوعي أثر الخبطه اللي اتخبطتها
مؤمن وقع على الأرض في ذهول كل الموجودين، ونزل صاحب العربيه بسرعه، وفضل يبرر للناس ان هنا هي اللي طلعت قدامه فجأه ومقدرش يتحكم ف العربيه، وحاول يطمن على مؤمن لكن كان متوتر جدا من الموقف، مؤمن بيصرخ من الألم لانه وقع على دراعه والعربيه خبطته ف رجله فكان (ياقلبي) مش قادر يتحرك.
احمد نزل جري واتفاجئ بمؤمن
احمد.... مؤمن ايه اللي حصل انت كويس طمني يا عليك
مؤمن.... آآآآآآه مش قادر يا احمد دراعي هيموتني،،حاسس ان جسمي كله متكسر ومش قادر اتحرك، بس مش مهم انا،، الحق هنا يا احمد واطمن عليها
احمد قلبه دق... هنا وجرى وساب مؤمن ولقى علاء بيحاول يفوق فيها، وبدون مقدمات زق علاء وقعه على الأرض واخد راس هنا على رجله وحاول يفوق فيها وهو هيموت عليها جدا لكن للأسف مبتفوقش،، واحده من البنات طلعت برفان واحمد اخده وحاول يفوقها وفعلا بدأت تفوق وبصت لقيت احمد قدامها قامت بسرعه لكن حاسه بدوخه وصداع وده كان أثر الخبطه وافتكرت صوت مؤمن وفرملة العربيه
هنا.... مؤمن.... مؤمن فين مؤمن حصله حاجه،، حد يرد عليا وعيطت جامد وسمعت صوته بيتألم قامت جري وسابت احمد وقعدت جنب مؤمن ومسكت وشه بايديها وبعياط شديد
هنا.... مؤمن، قولي انك كويس طمني عليك وحياتي عندك، متقولش انك بتتألم عشان خاطري وعيطت جامد وقالت انا السبب،، انا السبب، انا اسفه يا مؤمن وفي اللحظه دي كانت الإسعاف وصلت، وحد من اللي الواقفين كان طلبها
الإسعاف نقلت مؤمن وهنا ركبت معاه بسرعه واحمد وعلاء حصلوهم بالعربيه، الدكتور كشف على مؤمن وقال انه عنده كسر ف الذراع وبعض الكدمات في جسمه كله غير طبعا كدمه كبيره في رجله
وجبس مؤمن وقال انه ممكن يخرج عادي لكن محتاج راحه تامه
احمد حاسس بالذنب لانه السبب في كل ده ومؤمن طبعا محسسه بكده اكتر بسبب نظراته ليه غير هنا طبعا متجهلاه تماما ومبتحاولش تبصله خالص
هنا.. مؤمن يا حبيبي انت كويس طمني عليك
مؤمن... متقلقيش يا هنا انا كويس الحمد لله الدكتور اداني مسكن لان كمية الألم اللي كنت حاسس بيه مش طبيعيه بجد، لكن الحمد لله بقيت احسن اطمني بقه، وبص لأحمد اللي مبيتكلمش خالص ومتابع الموقف في صمت
علاء... ايه يا بطل،، بجد يا مؤمن انت أنقذت هنا من موت محقق والحمد لله انها جت على قد كسر وشويه كدمات ربنا يشفيك ياصاحبي ويقومك بالسلامه
مؤمن... الحمد لله،، تسلم يا كبيير ههههه
علاء... بذمتك دي لغة واحد في كليه هندسه والله انت مش محصل حتى بياع هههههههه
هنا... ده احسن مهندس ف الدنيا كلها، وكملت بدموع، عارف يامؤمن انا مكنتش اعرف اني بحبك قوي كده انا كنت هموت لما سمعت صوتك بتتألم،، ربنا يشفيك ويخليك ليا يارب يا أعز اخ ف الدنيا كلها
احمد هيموووت من جواه ومش قادر ينطق ولا يتكلم وخرج وسابهم وعلاء خرج وراه
مؤمن.... هنا انتي ليه كنتي خارجه زعلانه بالشكل ده ايه اللي حصل بينك وبين احمد
هنا... مؤمن انت بتحبني صح؟
مؤمن... اكيد انتي عندك شك؟
هنا... لا طبعا وعشان كده هطلب منك طلب
مؤمن... قولي يا هنا
هنا... ياريت متجبش سيرة احمد قدامي خالص عشان خاطري يا مؤمن
مؤمن.. طيب ممكن اعرف ايه اللي حصل
هنا بدموع... عشان خاطري يا مؤمن بلاش دلوقتي،، سيبني افوق بس وان شاء الله هحكيلك على كل حاجه
مؤمن... خلاص يا هنا،، براحتك يا حبيبتي أهم حاجه بس تبطلي عياط
هنا... بصتله وابتسمت بحب وامتنان ليه،، وسندته عشان يخرجوا
وصلو للعربيه وكل ده واحمد مش قادر يبص في وش اي حد خالص وكل اللي بيعمله انه ساكت ومتابع في صمت
علاء وصلهم للبيت وكانت مي ف البلكونه وشفتهم نازلين من العربيه (هي طبعا كانت قلقانه لأنها اتصلت على مؤمن ومكنش بيرد)،، مي اتفاجئت بمنظر مؤمن وقالت بصوت عالي،، مؤمن
مؤمن طبعا الناس اتلمت عليه وكله عايز يطمن على المهندس المشاكس اللي مغلب الدنيا كلها
مي سابت ناديه وأم أحمد قاعدين ونزلت جري بعد ملبست اسدالها
مي قابلتهم على السلم وقالت.. . مؤمن مالك طمني عليك، انت كويس وايه اللي عمل فيك كده
مؤمن ضحك... هههه يابنتي اديني فرصه اطمنك اسكتي شويه
احمد... مي بلاش الوقفه دي تعالو نطلع وبعدين تفهمي كل حاجه
فعلا طلعو كلهم وكان معاهم علاء اللي استغرب وجود مي جدا
ام احمد.... ابني حبيبي، مالك يا حبيبي وايه اللي عمل فيك كده
ناديه.. ايه يا مؤمن يا حبيبي ايه اللي حصل طمنا يابني
احمد ساند مؤمن ودخله اوضته وبعدين سابهم وخرج لانه مش عارف يقول ايه وساب المهمه دي لمؤمن
مؤمن... يا جماعه اطمنوا انا كويس والله كل الحكايه كنت بهزر انا وهنا واحنا ماشيين رايحين نبارك لأحمد فكان فيه عربيه جايه بسرعه وهنا مش واخده بالها فزقتها والعربيه يادوب خبطتني خبطه بسيطه والحمدلله دراعي بس اللي انكسر هههههههه
ام احمد... انت حتى ف المرض بتضحك
مؤمن... يا ست الكل سبيها لله ونحمد ربنا انها جت علي قد كسر ربنا يسترها علينا كلنا يارب
ناديه قربت منه وحضنته وقالت... انت عارف يا مؤمن والله ياسعدها ياهناها اللي هتتجوزك يابني ربنا يباركلك ويحفظك زي حفظت بنتي بعد ربنا.
مؤمن.. حبيبتي يا دودي، هنا دي أغلى من اخت ربنا يخليكو ليا يارب
علاء... عمر الشقى بقى يا صاحبي،
مؤمن.. ايه ده هو انت لسه هنا،، يلا ياض من هنا زق عجلك
علاء.. تصدق انا غلطان اني عبرتك وواقف معاك من الصبح
ام احمد... عيب يا مؤمن كده، انت هتطرد صاحبك ولا ايه، ده لازم يتغدى معانا
علاء... تسلمي ياست الكل. وبعدين انا متعود على قلة ذوقه متقلقيش.. ومعلش خلي الغدا مره تانيه نكون على الاقل اطمنا على مؤمن، والف سلامه عليه
مؤمن... الله يسلمك يا اخويا يلا اتكل على الله
علاء.. تصدق مش هلوم عليك والله، لاني بعد كل اللي بتعمله فيا برجع بحن لرخامتك تاني، سبحان الله، غاوي قرف هههههههههه
مؤمن.... قرف يابن اللذين امشي ياض بدل معورك ههههههه،، وفعلا علاء خرج جري من أوضة مؤمن وخاف ليتهور عليه مهو عارفه، محنون.
ناديه... ليه يا مؤمن كده الواجب كنت خليته يتغدى معاك
مؤمن... ناديه انا هبقي اعزمه بره لكن البيت في بنات ومحبش اكبت حريتهم وبعدين عايز اتغدى معاكو، مش انا وهو ناكل في اوضه، وياستي متقلقيش هعوضهالو
كله بص لمؤمن باعجاب ودعو ليه ربنا يكمل شفاه على خير
مؤمن طمن مي على مامتها وقالها تبقى تروح بالليل وانه هيحاول يروح معاها، وهنا طبعا مشيت على شقتهم عشان تصلي وتغير هدومها وأم أحمد وناديه بيحضروا الاكل،، واحمد دخل اوضته هيموت من الغيظ
احمد لنفسه... هو ايه الغباء اللي انت فيه ده يا احمد، وايه اللي انت عملته ده، في حد عاقل يعمل كده، بقه هنا تبقى جايه تتكلم معاك عادي وانت تصدها كده، وبعدين انت قولت انك عمرك مهتعرفها انك سمعتها، ليه بنيت حاجز بينكو طول العمر ليه يا احمد، لييييه
مسك دماغه وقعد على السرير
ام احمد دخلت عليه.... يلا يا احمد عشان تتغدى
احمد... لا يا أمي ماليش نفس
ام احمد.... هو ايه ده اللي ملكش نفس،، قوم كل اكل خفيف كده عشان حتى خالتك ناديه متزعلش دي هي اللي عامله الاكل
احمد... امي قولتلك مش.....
ام احمد قاطعته... مفيش مش.. انت لازم تيجي تتغدا معانا، وبعدين مالك مش طبيعي من ساعة مجيت،، هو حصل حاجه في الشغل
احمد..... لا يا أمي مفيش انا بس اتخضيت على مؤمن وهنا واعصابي تعبانه شويه
ام احمد.... طب هنا مالها زي مايكون مدايقه من حاجه
احمد... اكيد مدايقه عشان مؤمن، الموقف كان صعب يا أمي
ام احمد.... انت متأكد يا احمد
احمد.... امي،، هي عندك تقدري تسأليها
ام احمد.... حاضر يا احمد،، انا هسبقك ومتتاخرش لان الاكل جهز خلاص.
احمد... حاضر يا أمي اتفضلي انتي وانا هاجي وراكي
احمد... ليه تعمل ف نفسك كده بقيت حتى مش قادر تبص ف عنيها ياريتني مقولتلها حاجه ياريتك مكلمتيني عن ندى يا هنا... أعوذ بالله من الشيطان الرجيم،، استغفرك ربي واتوب اليك،، ومشي احمد عند ناديه
اتغدا كلهم في صمت ماعدا مؤمن اللي برده بيتريق ويضحك على اي حاجه عشان يخرجهم من التوتر اللي هما فيه
احمد كل شويه يبص لهنا نفسه حتى يشوف عنيها، يمكن يفهم بتفكر في ايه، لكن هي مبصتش ناحيته نهائي ولا حاولت ترفع عينها عليه
هنا خلصت أكلها وقامت تغسل ايديها، احمد شافها قال
احمد.... الحمد لله تسلم ايدك يا ناديه
ناديه...... بالهنا والشفا يا حبيبي
احمد راح ورا هنا يغسل ايده. هنا بصتله لكن عدت من جنبه عادي، احمد مسك دراعها وقالها
احمد.... أنا آسف صدقيني غصب عني، اوعي تزعلي مني
هنا بدموع.... شدت دراعها جامد وسابته ودخلت المطبخ
احمد دخل وراها... هنا ارجوكي اديني فرصه افهمك موقفي متقفليش كل السكك قدامي عشان خاطري
هنا...... احمد ابعد عن حياتي وحياة أغلى حاجه عندك،، انا شفت عذاب في حبي ليك محدش يقدر يستحمله، لحد كده مبقتش قادره (وبعياط شديد) ارجوك ابعد عني، نفسي انساك واخرجك من حياتي (ومسحت دموعها وقالت بقوه) لكن عايزاك تبقى واثق اني هنساك وهمحيك من حياتي نهائي لكن كل اللي بطلبه منك،، لو لسه في قلبك ذرة غلاوه ليا،، ابعد عن طريقي ومتحاولش تقربلي تاني،
احمد.... هناا، انتي فعلا عايزانى ابعد
هنا..... ياااااااااااريت، انا مش عايزه اشوفك تاااااني
وسابته ومشيت دخلت اوضتها
كلهم بعا لاحظوا ان في توتر بين هنا واحمد لكن محدش اتكلم وقالو خليهم يحلو مشاكلهم مع بعض
احمد رجع اوضته وكلم ندى
احمد... الو ازيك باندي
ندى... الحمدلله ازيك يا أحمد
احمد... أنا تمام،، انتي فين كده وايه الصوت العالي اللي جنبك ده
ندى... أنا في النادي مع مامي قاعده مع صاحباتها واولادهم
احمد.... نادي وهو انتي قولتيلي قبل متخرجي
ندى.... معلش والله نسيت خالص وبعدين انا قولت شويه وهرجع مش هتأخر، بس بجد يا احمد القعده تحفه احنا لازم لما نخرج نيجي هنا واعرفك عليهم كلهم، بجد دمهم شربااات وناس هاي كلاس قوي
احمد... هاي كلاس،، ماشي يا ندى، انا كلمتك عشان اطمن عليكي، ندى،، انا بجد مخنوق قوي ومش عارف اعمل ايه محتاجلك قوي
ندى... اقولك تعالي اقعد معانا هنا صدقتي هتفك خالص وسيبك من الخنقه اللي انت عايش فيها دي
احمد... خنقه... انتي حتى مسالتنيش مخنوق من ايه
ندى... خلاص ياسيدي متزعلش،، انت مخنوق من ايه
احمد... لا ولا حاجه باندي، اسيبك مع صحابك وقفل السكه ف وشها وزادت خنقته اكتر
وسأل نفسه، هي دي اللي انت بتحبها، دي حتى مفكرتش تسألك مالك، عمرك مشوفت لهفه من ناحيتها عليك،، كل اللي ف دماغها الفسح والخروج واللبس وبس،، للأسف يا ندى انتي فعلا زي والدتك ومش هتتغيري،
ام احمد دخلت على احمد وقالت
ام احمد... احمد يا حبيبي مؤمن اخوك عايزك قوم روح لاخوك شوفه عايز ايه
احمد... حاضر يا أمي
ام احمد... انت كويس يا حبيبي
احمد اتنهد بألم.... اه يا أمي الحمد لله متقلقيش
ام احمد... ربنا يجعلك بخير على طول يابني
احمد دخل لمؤمن،
احمد.... خير يا مؤمن محتاج حاجه يا حبيبي
مؤمن... تعالي يا احمد اقعد معايا شويه محتاج اتكلم معاك
احمد نفسه فعلا يتكلم لكن مش عارف هيقول ايه
احمد.... خير يا مؤمن
مؤمن... هو ايه اللي حصل يا احمد
احمد... حصل مع مين
مؤمن... انت عارف انا بتكلم عن ايه متلفش وتدور يا احمد واتكلم على طول
احمد... مؤمن انا مخنوق قوي وحاسس اني هيجرالي حاجه، مش عارف افكر ولا عارف اقرر ولا عارف اختار
مؤمن.. وانت عايز تختار ايه
احمد.. اختار حياتي هتبقى ازاي ومع مين، دماغي هتنفجر انا مش عارف انا ماشي صح ولا غلط
مؤمن... اهدي بس كده واحنا هنفكر مع بعض بس فهمني مالك انت وهنا
احمد... مؤمن انا سمعت اللي حصل بينك وبين هنا ف المطبخ.....
بقلم شيموو الخطيب
__________________
الحلقه ١٤
من رواية جراح القلب
مؤمن طبعا اتفاجئ من رد احمد عليه احمد قال
احمد... مؤمن انا سمعت كلامك مع هنا ف المطبخ
مؤمن بدهشه... كلام ايه يا احمد
احمد... انت عارف انا اقصد ايه، مؤمن انا عارف ان هنا بتحبني لكن مش عارف اعمل ايه
مؤمن... يعني انت عارف من يومها وبتتكلم معاها عن ندى كده عادي!!! يعني انت عارف وفضلت تضغط على جرحها وبرده عادي!!! ليه يا احمد كده حرام عليك
احمد..... انت كمان هتظلمني يا مؤمن والله العظيم انا فكرت مع نفسي وقولت عشان اخليها تنساني لازم أبين ليها ان انا بحب ندى واحسسها اني مش حاسس بيها.. مؤمن بجد انا كنت عايز مصلحتها والله ومكنتش عايز اخسر علاقتنا كأخوات، هنا لو كانت عرفت اني عرفت بحبها ليا عمرها مكانت هتكلمني تاني لا اخوات ولا غيره وانا مش عايز اخسرها... افهمني يا مؤمن عشان خاطري
مؤمن... ماشي يا احمد، ممكن تهدي وتفهمني هي ليه نزلت زعلانه من عندك
احمد.... هنا جاتلي المكتب تباركلي زي ما انت عارف، بس قالتلي ان هي شافت ندى مع فارس في الجامعه ومش اول مره تشوفهم مع بعض، حسيت ساعتها انها ممكن تكون بتشوه صورة ندى قدامي،، فهي كملت كلامها وقالت إن هي خايفه عليا زي اخوها لكن للأسف انا رديت وقولت اني مش اخوها ولا حاجه واني سمعت كل حاجه... ( وقعد على السرير ومسك راسه ومكنش قادر يكمل)
مؤمن... اهدي يا احمد وكمل ايه اللي حصل بعد كده
احمد قام وزعق... قولتلها انها بتشوه صورة ندى قدامي عشان هي بتحبني،، انا غبي يا مؤمن ومش عارف أصلح اللي عملته ده ازاي.. مؤمن انا بنيت حاجز كبير بيني وبينها محدش هيعرف يهده ولا حتى انا
مؤمن... يااااااه يا احمد، انا بجد هنا صعبانه عليا قوي، و مش عايز اوجعك اكتر من كده لكن الحقيقه انك غلطت وغلطت جامد كمان والشيطان سيطر على تفكيرك، هنا عمرها متبقي كده ابدا وانت واثق من كده حتى لو هتموت عشانك، عمرها متهد حياتك عشان مصلحتها انت جرحتها فعلا بس للاسف مش عارف ايه الحل
احمد... بص لمؤمن وسكت خالص
مؤمن... احمد سيب الجرح واكيد الايام هتداويه بس فعلا يا احمد كلام هنا صح، فارس بيروح الجامعه لندى كتير والكلام ده انا متأكد منه ولازم انت تفهمه
احمد بحزن... اكيد هفهم الموضوع يا مؤمن
مؤمن... احمد انت بتحب ندى بجد
احمد اتفاجئ من السؤال وبص لمؤمن وسابه ومشي من غير ميرد عليه
*************
عند هنا ف البيت
مي.... هنا مش هتقوليلي ايه اللي حصل
هنا.... مهو مؤمن قال اللي حصل يا مي
مي.... بس انا مش مقتنعه انا حاسه ان في حاجه مش طبيعيه وخصوصا بينك وبين احمد
هنا... مي حبيبتي ده بس متهيألك وقلقك على مؤمن صورلك كده
مي... هنا هو انتي مش معتبراني اختك،، ليه مش راضيه تفتحيلي قلبك وليه بتكدبي عليا
هنا مقدرتش تمسك دموعها واترمت على السرير وفضلت تعيط جامد
مي جريت قفلت باب الاوضه وقالت لهنا
مي... هنا حبيبتي فهميني مالك بتعيطي ليه بس
هنا... مفيش يا مي انا اتصدمت صدمة عمري النهارده،، بقه انا يا مي بحاول اشكك احمد. في ندى، انا بشوه صورة ندى عنده، ليه كل ده عشان قولتله اني شفت فارس صاحبه مع ندى في الجامعه
مي.... أنا مش فاهمه حاجه،، طب ايه المشكله انك تقوليلو انك شوفتيهم، ليه هو فهم كده
هنا بصوت عالي.... عشان عارف اني بحبه يا مي، بحبه بجد،،، جرحني اكتر وضغط على الجرح لحد منزف، كان بيعذب فيا بكلامه واللي كان مصبرني انه ميعرفش بحبي ليه، بس للاسف طلع عارف ومستمتع بعذابه ليا كمان، (ومسحت دموعها وقالت) بس وحياة حبي ليه لهنساه واطرده بره حياتي نهائي، َهندمه على كل كلمه قالهالي
مي.مصدومه من اللي بتسمعه..... هنا اهدي يا حبيبتي وبعدين اكيد احمد مش قاصده كل اللي ف دماغك ده
هنا.... مي اوعي تقولي عنه كلمه كويسه قدامي انا عايزه اسمع عنه كل حاجه وحشه عايزه اسمع انه انسان اناني، عايزه اسمع انه معندوش قلب، عايزه اسمع انه ميستهلش حبي،، مي ساعديني وقويني، متضعفنيش يا مي ومتحاوليش تبرري ليه اي كلمه او اي موقف، عشان خاطري يا مي
مي..... حاضر يا حبيبتي اهدي انتي بس وان شاء الله كل حاجه هتبقى تمام انا هروح اعملك شويه لمون يهدوا أعصابك واجيلك على طول،، وسابتهاومشيت
مي بتعمل العصير لهنا
ناديه.... مي هي هنا مالها
مي.... ولا حاجه ياخالتي،، انا بعملها عصير لمون يهدي اعصابها عشان الخضه اللي اتعرضت ليها، متقلقيش يا دودي
ناديه.... مي انا عارفه كل حاجه طمنيني بس عليها
مي اتصدمت... عارفه ايه يا خالتي
ناديه... عارفه انها بتحب احمد،، لكن النهارده كان الوضع مش طبيعي حاسه انه حصل حاجه وكان نتيجتها حادثة مؤمن
مي... خالتي متقلقيش نفسك ونحمد ربنا انها جت على كده وهنا هتبقى احسن ان شاء الله، هي محتجالنا جنبها الفتره دي،، ياريت منحاولش نضغط على اعصابها بأسئله كتير وسيبها لما تحب تتكلم نسمعها باهتمام، ممكن بقه متقلقيش عليها وتطمني انا هفضل جنبها لحد متبقي احسن
ناديه.... ربنا يبارك فيكي يا بنتي انتي فعلا بنتي اللي مخلفتهاش
مي... حبيبتي يا دودي، فكيها بقه
ناديه... ربنا يصلح حالكو يا حبايبي يارب
مي دخلت لهنا وحاولت تهديها وتكلمها كتير عشان تخرجها من المود لكن هنا جرحها كان بينزف ومش عارفه توقفه
احمد دخل اوضته وفكر في سؤال مؤمن هل هو بيحب ندى فعلا ولا لأ،، ده حتى مفكرش يسأل ندى هي كانت مع فارس ليه كل اللي همه انه جر ح هنا وبس وقرر يتصل ويسألها
احمد.... الو ايوه يا ندى
ندى... ازيك يا احمد
احمد... الحمد لله،، كنت عايز اسالك على حاجه
ندى.. خير يا احمد...
احمد.... هو فارس كان عندك النهارده في الجامعه
ندى بصوت عالي... ايوه قول كده بقه ست هنا جت وحكتلك كل حاجه وقصدت انها توقع بينا، عشان اقولك انها مش سهله وانت مصدقتنيش، بس انا هريحك، ايوه فارس كان ف الجامعه بس اكيد مش جيلي مخصوص انا قابلته بالصدفه ومن الطبيعي ان احنا نقعد مع بعض، لكن نظام العقد اللي عند الست هنا دي ياريت ميطلعش علينا،، ياما قولتلك يا احمد ابعدها عنك، اهي هتدمر حياتنا وانت هتقعد تتفرج
احمد..... ايه اللي بتقوليه ده كل الحكايه انها جت تباركلي في الشركه هي ومؤمن وقولتلها انك كنتي عندي من شويه فقالتلي انها شافتك انتي وفارس ف الجامعه
ندى.... انت مصدق اللي بتقوله،، هنا دي جيالك مخصوص عشان توصلك الرساله،، وتشكك فيا، اوعي تديها فرصه يا احمد والا بجد هتخسرني للأبد
احمد... انتي بتهدديني يا ندى مش احمد المرشدي اللي يتهدد يا ندى وبعدين انتي عملتي مشكله من مفيش لكن هو ده طبعك وعمرك مهتغيريه عموما براحتك وسلام يا ندى
قفل السكه واستغرب نفسه جدا، ليه برر موقف هنا وزعل ندى مع ان رد فعله تجاه الموقف هو نفس رد فعل ندى، وسأل نفسه
ليه مسمحتش لندى تشكك ف هنا واتضايقت قوي كده وليه مش فارق معاك زعل ندى مع انك هتموت لأنك زعلت هنا،، فوق بقه يا احمد،، ورفع ايده وقال يااااارب
عند هنا
هنا شربت العصير وهديت نوعا ما ودخلت ناديه عليهم
ناديه... هنا حبيبتي عامله ايه
هنا.... الحمدلله ياماما
ناديه.... هو ايه اللي حصل مدايقك كده يابنتي طمنيني ياحبيبتي
مي.... خالتي احنا قولنا منحاولش نسألها كتير، اكيد الخضه مأثره عليها، الموقف مكنش سهل
ناديه فهمت مي وقالت
اكيد انا عارفه،، ربنا يحفظكوا ويحميكوا يارب
عند مؤمن
عم عثمان صاحب البيت راح عشان يطمن على مؤمن
عثمان.... الف سلامه عليك يا بشمهندس
مؤمن... الله يسلمك يا عم عثمان اتفضل اقعد
عثمان... معلش يا بشمهندس انا قولت اجي اطمن عليك وامشي على طول ، اصل الحاج فخري اللي ف الشقه اللي فوق بيعزل وانت عارف لازم استلم منه الشقه
مؤمن.... وهو هيعزل ليه يا عم عثمان، ده كان راجل طيب قوي وكل الناس بتحبه
عثمان.... انت عارف يا بشمهندس ان ولاده كلهم اتجوزوا وزيارتهم بقت قليله، ففضل انه يرجع بلده ويقعد وسط اخواته واهو ونس برده
مؤمن.... ربنا يصلح حالهم وحالنا يارب
وخطر في باله فكره
مؤمن... طب وانت مش هتأجر الشقه تاني ولا ايه يا عم عثمان
عثمان.... لا اكيد هأجرها بس طبعا على ميجي المستأجر هياخد وقت كبير
مؤمن.... طب واللي يجيبلك مستأجر
عثمان... الحقني بيه يا بشمهندس،، بس مين ده
مؤمن..... انااا