رواية حته مني
بقلم سهيله سعيد
الحلقه الخامسه و السادسه
الحلقة الخامسة
عمر ... احنا مقصودين ع فكرة شكل العيال بتوع العاركة مش هيجبوها لبر
جنى ... يعنى مش هنروح ولا ايه ؟
حمو ... مافيش غير عربيتى هى الى سليمة عشان ملقتش مكان اركنها فركنت في جراج عمارة تانية
دلال ... انا خايفة بقا وعايزة اروح 😥
رامي ... ايوة لازم نروح قبل ميحصل حاجة تانى
كريم ... طب احنا 8 هانركب في عربية واحدة ازاى ؟
عمر ... عربية حمو كبيرة هتاخدنا اعتقد
جنى ... طب يلا بقا انزلوا خلينا ننجز وقت
( ينزلوا كلهم يحاولوا يركبوا العربية )
عمر ... حمو هيسوق وانت يا كريم اركب جنبه عشان محدش يضايقك او يخبطك
رامى ... واحنا هانركب ازاى ؟
حمو ... تقعد جنى ع رجل عمر
كريم ... رجل مين يا عم !!!!
حمو ... خلاص ياخدها رامى
كريم ... وحيات خالتك واشمعنا جنى ؟
حمو ... عشان هى ارفع واحدة يلا انجزوا
( يقعد الكل .. جنى بتحاول تدخل نفسها .. كريم مش عاجبه الوضع )
كريم ... جنى تعالى اقعدى جنبي 😠
جنى ... لا عشان مضيقكش
كريم ... تعالى هنظبط القاعدة
( تروج جنى تقعد جنب كريم بالعافية .. يسوق حمو العربية ..... كريم عمال يهزر هو وجنى )
دلال ... ايوة اقعدوا هزروا انتوا وسيبنا نولع ورا 😤
عمر ... حاسس انى راكب اتوبيس 😂
حمو ... الباردة الى غارزة رجليها في الكرسي خرمتى ضهرى خلى عند اهلك دم 😠
رودى ... يابنى مش عارفة اقعد .. تعالى انت هنا وانا اسوق
حمو ... عشم ابليس في الجنة
رودى ... خلاص اسكت
دلال ... يا رامي قورت جنبي بكوعك وسع بقا
( دلال تزق رامي رامى يزقها ع غادة غادة تزق دلال والكل يزق بعضه ويزعقوا )
جنى ... هو مافيش تكسيات من هنا انا دماغي ورمت 😨
حمو ... خلاص قربنا نوصل ساعتين بالكتر
رودى ... احية لا انا لسة هاستنى ساعتين كمان كدة
حمو ... والله لو ماشيلتى رجلك من ضهرى لهروحك في توك توك
( رودى تخبط في الكرسي اكتر )
رودى ... ولا انزل من فوق دماغي انا ع اخري
كريم ... بااااااااااس 😡
( بعد دوشة وخناق طول الطريق .. تنزل جنى وكريم قدام بيته .. يمشي حمو يوصل الباقي )
جنى ... تمام اوى كدة وصلتك لحد باب البيت
كريم ... تعالى هنا رايحة فين كملى
جنى ... لا يا عم اتهزق لوحدك ✋
كريم ... فعلا واطية هتجيبي الاصل منين 😠
جنى ... غدا القاك
كريم ... غورى
( تمشي جنى .. يدخل كريم البيت يلاقي مرات اخوه قاعدة )
كريم ... ايه اطلقتى ولا لسة ؟
بوسي ... يا ساتر فال الله ولا فالك
( يسلم كريم ع بوسي )
بوسي ... شكلك تعبان
كريم ... اه شوية .. فين ميدو ؟
بوسي ... بيلعب فوق
كريم ... طب انا طالع اقرفه
بوسي ... استنى
كريم ... ايه ؟
بوسي ... ايمن كان عاوزك تروحله القسم انهاردة ضرورى
كريم ... ليه انتى بلغتى عنى .. هانت عليكى العشرة انا عارفك حرباية 😏
بوسي ... يابنى عاوزك في موضوع بس هو معندوش وقت يقابلك برة او ييجى هنا
كريم ... طب مياجله لوقت تانى لما يفضه انا مبحبش اروح اقسام
بوسي ... هو انت عمرك متقول ماشي كدة وخلاص لازم ترغي كتير مقلتلك الموضوع ضروري
كريم ... طب فكك منى بقا بدل متخرب عليكوا انتوا الاتنين
بوسي ... تقدر تقول كدة قدامه ؟
كريم ... لا طبعا انتى عوزانى ابات فى القسم ولا ايه
( يطلع يجري ابن اخوه عليه )
كريم ... ااااااه 😳
بوسي ... براحة يا ميدو .. ايه يا كريم مالك ؟!!!
كريم ... لا مافيش
( كريم يمسك بطنه )
بوسي ... انت فيك حاجة ومش عاوز تقول في ايه ؟
كريم ... اه حامل استري عليا يستر عليكى ربنا 😂
بوسي ... هزر كمان
( تدخل ام كريم .. يطلع كريم السلم )
الام ... تعالى هنا يا استاذ 😠
كريم ... في ايه ؟
( تقرب امه عليك وترفع التيشرت )
بوسي ... يالهوى حصلك ايه ؟
كريم ... انتى عرفتى منين ؟
الام ... بتصل ب محمد عشان سياتك قافل الموبايل حكالى ع كل حاجة
كريم ... يابن الفتانة يا حمو 😑
بوسي ... طب ليه مقولتش ؟
كريم ... الى حصل بقا
الام ... ازاى يحصل كدة هما مش عارفين انت ابن مين ؟؟
كريم ... خلاص المرة الجاية هاخد ابويا معايا عشان يعرفه انا ابن مين
الام ... وكمان فايق تهزر
كريم ... انا طالع انام بدل مقلبها نكد
( يطلع كريم اوضته )
الام ... قوليلي انا اعمل معاه ايه لما بكلمه انتوا بتزعلوا منى
بوسي ... معلش يا طنط هو دة سنه هتلاقيه طايش حبتين
الام ... دة لسة بقا استلمى لما ابوه واخوه يعرفوا
بوسي ... ربنا يستر .. دة ايمن كان عاوزوا يروحله انهاردة
الام ... منهم لبعض بقا انا خلاص جبت اخري
( كريم يتصل بجنى )
جنى ... اضربت ولا لسة ؟
كريم ... لا الضرب المرحلة التانية انا في التهزيق دلوقتى 👉
جنى ... اها المعلم لسة مجاش ؟
كريم ... اه لسة شكلى هاجى ابات عندكم
جنى ... ولا اعرفك
كريم ... انتى في ايه مستندلة معايا اوى انهاردة
جنى ... مش طالبة جدعنة خالص معايا 😏
كريم ... وهتجبيها منين اصلا
جنى ... صحيح انت هتاخدلك اسبوع كمان مش كدة ؟
كريم ... ايييييه حرام عليكى انا هاكلم ابويا انهاردة عشان انزل
جنى ... انتوا عيلة عجيبة صراحة يبقا المدير عمك ويفصلك كدة عادى
كريم ... لا دول في الشغل ميعرفوش ابوهم انتى كنتى عاوزة تتفرجى بيكلمنى كانه ميعرفنيش
جنى ... مستعري منك هههههههععععع 😂
كريم ... يا بنت ال .........
جنى ... تشكر يا محترم .. لما تكلم ابوك ابقي قولى عملت ايه
كريم ... اكيد
جنى ... يلا هاروح انا هاموت من النوم
كريم ... انتى دايما هاتموتى من النوم متغيري حاجة تانية
( جنى ترد من غير تفكير )
جنى ... خلاص بموت فيك 😄
كريم ... يا جامد انت يا رومانسي لا انا كدة اعاكسك بقا
جنى ... لا شكرا .. باي هنااااااام
كريم ... ماشي يا معلم سلام
( يقفل كريم مع جنى .. يقعد يراجع ويفكر في كلام رودى عن جنى )
كريم ... ايه الجنان دة وربنا البت دى اتهبلت ع كبر 😞
( يعدي الوقت .. يدخل ابو كريم يزعق فيه )
كريم ... طب انا عايز ارجع المدرسة هاتكلم اخوك ولا ؟؟
الاب ... مش هتكلم مع حد انت غلطت استحمل نتيجة غلطتك مش كل مرة اروح هناك اسمعلى منوا كلمتين تاديب لحضرتك
( يخرج ابو كريم ع اخره .. ييجى الليل .. تليفون كريم يرن )
كريم ... ايوة
جنى ... شكلك متنكد
كريم ... من ايوة عرفتى انى متنكدة .. سبحان الله 😏
جنى ... مانت مبتقولهاش غير لو في حاجة .. عملت ايه مع ابوك ؟
كريم ... مرضاش قالى اتحمل نتيجة غلطك
جنى ... طب اشطا هتتحبس ال 3 ايام الى فاضلين بالبيت ههههه
كريم ... انتى فرحانة فيا ولا ايه ؟
كريم ... لا دة انا زوعلانة خالص وبعيط كمان
كريم ... اة دموعك مغرقة ودنى كفاية بقا
جنى ... هحاول .. صحيح هاتروح عيد ميلاد غادة انهاردة ؟
كريم ... لا رايح لايمن عاوزنى في موضوع مهم .. فسبيها بظروفها 😒
جنى ... طب ماشي انا هاروح اجهز نفسي
كريم ... وانا كمان .. يلا سلام
الحلقة السادسة
( جنى تلبس وتروح العيد ميلاد وكريم يروح لاخوه .. توصل جنى العيد ميلاد .. فى فيلة غادة )
غادة ... اومال فين كريم ؟
جنى ... عند اخوه
عمر ... احسن .. بياخد مننا الجو
جنى ... كاك لحسة يا جزمة
غادة ... اسكت عشان متتهزقش
عمر ... هو الواحد ميعرفش يهزقه وهو مش موجود 😏
حمو ... لا انت عندك جنى ترد بداله
رامي ... والعكس صحيح
( يقعدوا يضحكوا .. كريم يوصل عند اخوه القسم ويدخله .. اخوه ظابط )
ايمن ... اخيرا حنيت علينا وجيت
( يسلم كريم ع اخوه )
ايمن ... اقعد خمسة اخلص الهانم
كريم ... اوك .. خد راحتك 😃
( يبص كريم يشوف واحدة واقفة عماله تبتسمله يضحكلها )
ايمن ... كرررريم
كريم ... ايه يا عم خضتنى
ايمن ... اهدى شوية
كريم ... حاضر
( يكلم ايمن البنت ويزعق معاها وهى مش معاه خالص مركزة مع كريم و كريم عمال يغمزلها ويشاورلها ع رقم تليفونها .. ايمن يزعق )
ايمن ... انتى ابت .. لا انا كدة مش عارف اشتغل .. يا عسكرى ؟
( يدخل العسكرى )
ايمن ... خدها من قدامي دلوقتى
( تمشي البنت )
ايمن ... خت رقمها ولا ابعتها تكملوا تسبيل
كريم ... لا خته
ايمن ... وحيات امك
كريم ... خلصنى بقا ورايا ميعاد
ايمن ... جايبلك عروسة
كريم ... عروسة !!! .. سلامو عليكوا 😳
ايمن ... خد هنا يلا
كريم ... اايه يا عم .. قلتلك قبل كدة مبرطبتش انا
ايمن ... دى اخت صاحبة بوسي انت معجب بيها ولسة مكلمنى عليها
كريم ... وانت بتقفش في الكلام ليه انا عيل وبرجع فيه .. وبعدين انت مش قلت انها بيئة ومتنفعنيش ؟
ايمن ... اة انت كنت عاوزنى اكلمهالك تمشي معاها ولا ايه
كريم ... اة اذا كان كدة ماشي غير كدة معطلكش انا مش عايز اتجوز
ايمن ... ومين جاب سيرة الجواز ؟
كريم ... لو عاوزنى العب بيها انا مش فاضي ✋
ايمن ... تلعب ايه الله يخربيتك هتلبسنى مصيبة
كريم ... اومال عايز منى ايه من الاخر ؟
ايمن ... هتتقدملها ونعمل خطوبة تكملوا دراسة وبعد كدة اتجوزوا
كريم ... وبعدها نخلف والعيال تتعب وانا اكبر اطلع ع المعاش اتعب اموت هى تورثنى وتاخد معاشي واولع انا في جهنم
ايمن ... هاتفضل تهزر كتير .. ياريت تاخد كلامي جد عن كدة
كريم ... ماشي يا ايمن .. هي مش بطالة .. معنديش مانع هاجرب 😕
ايمن ... خلاص بكرة بالليل هنروحلهم ولا ايه ؟
كريم ... اوك ماشي
ايمن ... كريم متحرجنيش قدام الناس
كريم ... ليه يعنى ؟
ايمن ... انا عارفك بتاع مقالب
كريم ... عيب عليك .. هامشي بقا احسن انت اخرتنى
ايمن ... ماشي
( يسلم كريم ع اخوه ويمشي .. جنى في عيد الميلاد )
رودى ... رامى تعالى نرقص
رامى ... اوك
( الكل يروح يرقص .. جنى واقفة بتبصلهم وتبتسم .. ييجى حد من وراها يحط ايده فى جنبها )
كريم ... وربنا قمر 😉
جنى ... خضتنى .. جيت ازاى ؟
كريم ... مش قلتلك سبيها بظروفها
( تشتغل اغنية ايوة اوعدينى لحسن خرباش )
كريم ... انا بعشق الاغنية دى .. تعالى نرقص
جنى ... هاتقدر ؟
كريم ... تعالي بس
( ياخد كريم ايد جنى ويرقص معاها فى مكانهم .. كريم يغنى مع الاغنية وباصص لجنى وهى مبتسمة ليه .. ماسك ايدها عمال يلففها وهى مبسوطة انوا جه .. جنى تكلم كريم وهما بيرقصوا )
جنى ... كان ايمن عاوزك ليه ؟
كريم ... مدبسنى فى جوازة بكرة
جنى ... بتهزر !!!!
كريم ... لا والله بجد .. هاروح معاه بكرة اتقدم لاخت صاحبة مراته
( جنى كان حد مسك ماية متلجة كبها عليها .. بدئت حركتها في الرقص تبطئ مصدومة ان الكلام بجد )
جنى ... انت واخد الموضوع جد بقا ؟؟
كريم ... هاجرب زى متيجى 😏
( جنى تقف )
كريم ... تعبتى ولا ايه ؟
جنى ... اه .. هاقعد شوية
كريم ... اوك
( تقلب الاغانى ديسكوا الكل يرقص .. جنى قاعدة ع الكرسي مش عارفة هى فرحانة ل كريم ولا زعلانة .. فى احساس غريب حساه .. واول مرة تحسه .. تيجى غادة )
غادة ... قومى هنقطع التورتة
( تشد غادة ايد جنى يقطعوا التورتة ويطفوا الشمع )
جنى ... غادة انا مروحة
غادى ... دلوقتى .. لسة بدري
جنى ... معلش عشان الوقت
غادة ... مهو كريم جه هايبقا ياخدك يوصلك
جنى ... لا مافيش داعي ✋
غادة ... انتى كويسة ؟
جنى ... اة انا تمام .. كل سنة وانتى طيبة .. باي
غادة ... وانتى طيبة .. باي
( تسلم جنى ع غادة وتمشي )
كريم ... غادة .. فين جنى ؟
غادة ... روحت
كريم ... لا بجد .. مقالتش يعنى !!!
( يتصل كريم بجنى )
جنى ... الو
كريم ... ايه يا بنتى مقلتيش انك ماشية ليه ؟
جنى ... لا مهو .. انت لسة جاى وانا عايزة اروح
كريم ... مكنت هاجى اوصلك بردوا
جنى ... معلش يا كريم جت معايا كدة
كريم ... او مرة تعملي كدا !!!
( متردش جنى )
كريم : لما تروحى اتصلي بيا
جنى ... حاضر
( تقفل جنى مع كريم وتروح البيت تتصل بيه )
كريم ... روحتى ؟
جنى ... اة انا في البيت .. هادخل انام اوك .. تصبح ع خير
كريم ... اوك .. وانتى من اهله 😕
( تقفل جنى مع كريم .. كريم قاعد مستغرب ايه الى قلب جنى كدة ومستغرب اسلوبها .. يوصل كريم البيت ويطلع ينام .. يرن منبه جنى للمدرسة تطفيه وتنام .. ييجى الليل كريم يجهز عشان يروح مع اخوه وابوه يتقدم للعروسة .. يروحوا ويقروا فاتحة ويحدده ميعاد الخطوبة .. يتصل كريم بجنى يقولها )
جنى ... عملت ايه ؟
( جنى بتسال وخايفة من الاجابة )
كريم ... قرينا فاتحة والخطوبة بعد اسبوعين
( تسكت جنى )
كريم ... الو ؟؟
جنى ... ايوة معاك .. مبروك 😥
( تنزل دمعة من جنى )
كريم ... ايه المبروك التعبانة دى دة انا قلت هسمعك بتزغرطي
جنى ... في الخطوبة بقا ابقا ازغرطلك 😩
كريم ... انتى بتعيطى ؟؟!!!
جنى ... لا طبعا اعيط ليه ؟
كريم ... حاسس بكدة
جنى ... لا مش بعيط وانا هاعيط ليه ؟
كريم ... خلاص انتى لزقتى في الكلمة
جنى ... يلا هاروح انام
كريم ... انتى ايه حكايتك مع النوم .. لاتكونى بتحبي وانا مش واخد بالى 😄
جنى ... لا سبنالك انت الحب بقا .. احنا اخرنا ننام .. تصبح ع خير 😫
كريم ... وانتى من اهله
( تقفل جنى مع كريم وتنام دموعها ع خدها )