حكاية زينه❤❤❤❤❤❤❤
الفصل الخامس عشر•••••السادس عشر
بقلم سلمي تامر
فعربية الشباب وهما فطريقهم لبيت زينه
كنان كان بيسوق وجنبه تايجر ووراهم انس وخالد
خالد بغنا:عبده عمل اي عبده جرى اي لا والنبي ياعبده انا مش كده ياعبده هيهي عبده عمل عبده جرى ايه هيهيهيي
ادهم:وقف العربية ياكنان
كنان وقف وادهم نزل من العربية بغضب وجر خالد وقعه عالأرض وركب وقفل الباب وكنان انطلق بالعربيه وسابوه
خالد بصراخ:ياولاد ال***
وفضل واقف لحد مالأتوبيس اللي فيه عيلته قرب عليه وركب بضيق
جده بإستغراب:واقف كده ليه ياواد ومش راكب مع عيال عمك؟
خالد قرب من جده ووطى على ودنه وهمس:اصلهم بيتفرجوا على افلام سيكو سيكو ياجدي وانا اتكسفت اقعد معاهم وغصبت عليهم انهم ينزلوني
الجد بغضب:ياولاد الكلب..جدع يابني بارك الله فيك اركب معانا
خالد ابتسم بخبث وشاف ستات عيلته قاعدين ورا وماسكين طبلة وبيغنوا جرى عليهم وقعد معاهم بفرحه
:سيد ياسيد
خالد وهو قاعد فالنص مبينهم ومربع رجله وبيسقف:سيد ياسيد
**
عند الشباب
انس:وقف العربية ادور على تليفوني يا كنان
كنان وقف العربيه تاني والاتوبيس اللي وراهم وقف
**
خالد وقف وطلع راسو من الشباك:بيت العروسه اهوووو بيت العروسه اهوووو لولولولوي
صوت الزغاريط ارتفع فالعربية وكلهم نزلوا
شاب كان واقف قدام بيته بص لخالد:ماله ابن الهبلة ده عروسه ايه؟
كنان بص ولقى عيلته كلهم نازلين وراحلهم وفهم ان خالد هو اللي قالهم كده هجم عليه ضربوا وطلعهم كلهم تاني وركب عربيته ومشى وهما وراه
خالد: ااه ايوه والنبي حطيلي تلج ياام حوده عيني وارمه
ام حوده وهي بتحطله:كان لازم تستظرف ياولا ياخالد اديك اتفرمت اهو
خالد بوجع:متقعديش تنصحي فيا والنبي ياختي ابنك بيشرب بانجو ومحدش اتكلم..اااه مبراحه ياوليه..ووجه كلامه لجده:خدت بالك ياجدي ضربني علشان عرف اني قولتلك
**
بعد فترة وصلوا لبيت زينه ونزلوا من العربيه وتايجر بص لقاها واقفه فبلكونه بيتها وبتبتسملو غمزلها راحت داخله بسرعه وخجل
دخلوا ووجيه استقبلهم كلهم وبعد شوية زينه نزلت من أوضتها ومعاها امها وكانت لابسه فستان جميل باللون الأحمر
تايجر وقف واتجمد مكانه من جمالها
زينه نزلت وقعدت جنبه فالكوشه واستقبلوا التهاني والمباركه من العيلتين
**
:شايفه ابن خالك مز ازاي..اخدته بنت ال**"
::ااه ده انا هموت من الغيظ البت قمر وهو قمرين..بس لسه فاضل خالد وكنان والله لهاخد واحد منهم
خالد كان معدي من جنبهم وسمعهم:تاخدي مين يامعفنه يا مقمله غوري وسابهم ومشى
مؤمن لمحه وجاله :انت بتتجاهلني ليه؟
خالد دور وشه وبص لبعيد
مؤمن بضيق:متتكلم يازفت
خالد:يعني انت مش عارف؟
مؤمن :والله معرف متتكلم يابني؟؟؟!
خالد بغيرة من زينه:خلاص بقالك اخت واتغيرت معايا
مؤمن بزهول:يخربيييتك انت غيران من زينه؟
خالد بغيرة:مهي خدتك مني ونسيت بيستك غوروا اولعوا ببعض
وسابه ومشى
مؤمن وهو بيضرب كف على كف:لا ده ضارب خالص
**
عند تايجر وزينه
تايطر لبسها الشبكه وباس ايديها بحب وهي بصتله بخجل وابتسمت ولبسه دبلته
تايجر بحب:بقيتي بتاعتي يازينه
زينه بفرحه وعشق:ده احلى يوم فعمري..انا مش مصدقه نفسي
تايجر بصلها بتقييم واتكلم:من بكره هتلبسي الطرحه
مؤمن:اهو هيبدأ تحكمات اهو من أولها
خالد جاله:وميبدأش تحكمات ليه ياحمديه انتي متعرفيش ان ابننا نص بنات مصر تتمناه ولا اي
مؤمن:نص بنات مصر ليه يختي؟توم كرموز وانا معرفش
خالد:شوف مين اللي بتتكلم
مؤمن:مش كفاية الحاجات المعفنه الي جايبنها
خالد:دي حاجات تليق ببنتكم البايرة
مؤمن:بايرة؟!فشر ده انا بنتي جايلها خمس عرسان
انس راح وقف جنب ادهم اللي بيتفرج عليهم:مالهم دول
ادهم:عايشين فجو عواجيز الفرح
انس:طب اي متيجي نولع الليله
ادهم بصله بمكر وراح للدي چاي وشغل اغنيه وشد تايجر يرقص معاهم
ادهم:تشرف اي حد علشان راجل بجد لو وسط النار تسد عمرك متجيب وراه
انس وهو بيرقص مع تايجر:بتكبر من اللي منك جدع من صغر سنك مقدرش استغني عنك حبيبي وربنا
كنان دخل معاهم:بحبك ياصاحبي من وانا لسه بحبي وانا مسندود عليك
مؤمن دخل هو كمان:اخويا وحبيبي وفالأوجاع طبيبي حلوة حياااتي بيك
خالد دخل وشد تايجر:توب الرجوله معمول عمولة على قد جسمك لو غيبت حته فأي حته كفاية اسمك
كلهم:بحبك ياصاحبي من وانا لسه بحبي وانا مسنود عليك اخويا وحبيبي وفالأوجاع طبيبي
حلوة حيااتي بييييييك
خالد راح شد زينه وخلاها ترقص معاهم
رقصوا كلهم مع بعض عالأغنيه فبهجه وسعاده وفرحه
صداقه مبين سبع اشخاص جميلة جدا
كل اللي موجدين اتمنوا يبقى عندهم صحبة حلوة زي دي
زينه بعدت عنهم فجأة وجريت على اوضه وقفلت الباب
ومسكت جنبها بوجع وكتمت صرختها و .......
Part16
حكاية زينه
قصة حب ناقصها شرح والكلام لسه له باقى
واللى جاى مش كله جرح حتى لو كان بفراقى
شوف وسط الحزن فرح وحس بيه قلبك تلاقى
وانا جنبك وروحى معاك مكان ماتكون هتلقانى
وعارفه انى هاعيش جواك لانك مش هتنسانى
ويرضينى اكون سيرة تجيب الفرح على بالك
ويرضينى تعيش عمرك زى ماكنت عايزالك
حكاية انا وانت اولها هاسبهالك تكملها
وانا جنبك وروحى معاك مكان ماتكون هتلقانى
وعارفه انى هاعيش جواك لانك مش هتنسانى
•••••^
زينه ببكاء وألم وهي ماسكه جنبها:اااه هموت اااااه امم
تايجر بعد عنهم لما حس بغياب زينه وسأل عليها وعرف انها فأوضه
راح خبط عليها بقلق
تايجر:زينه..زينه انتي كويسه؟! زينه
زينه كانت قاعده ومش قادرة تتكلم وبتبكي بألم
تايجر بغضب:زينه بقولك افتحي فيه اي مالك
زينه حاولت تتطلع صوتها واتكلمت بصوت واطي بس تايجر سمعها:م مش قادرة افتح الباب..الحقني ياعبدالرحمن بموت
تايجر سمعها بصدمه وحاول يكسر الباب والشباب كلهم اتلموا عليه
كنان بقلق:فيه اي ياتايجر
تايجر كسر الباب ودخلوا كلهم الأوضه لقوا زينه غايبه عن الوعي وواقعه عالأرض
اميرة بصراخ:زييينه
تايجر بصلها بصدمه وجرى عليها وحاول يفوقها :زينه.. زينه
مؤمن بصراخ:يلا ياتايجر عالمستشفى بسرعه
تايجر بصلها برعب وشالها وجرى بيها وكلهم وراه
**
في المستشفى
وجيه بصراخ:دكتوووور دكتوور بسرعاااه
الدكاترة اتلموا على زينه واخدوها من تايجر ومشوا
تايجر فضل باصص للمكان اللي زينه راحتله بصدمه ورعب
كنان قرب منه بحزن:اهدى..هتبقى كويسه
تايجر يخوف ورعب:اه هتبقى كويسه..لازم تبقى كويسه..لو مش كويسه هموت..هيجرالي حاجه
اميرة قعدت جنب وجيه ومؤمن وهي مرعوبه وبتبكي وهما حالهم ميختلفوش عنها
**
بعد فترة الدكتور طلع من أوضه العمليات وراحلهم
تايجر جرى عليه بلهفه
الدكتور بأسف:كانسر فالكلى وحالتها متأخره ولازم نستأصلها ونلاقي متبرع فأسرع وقت
اميرة بصراخ ودموع:بنتي لاااا بنتي ياوجيه هتموت الحق
وجيه بغضب:ومستنيين ايه دوروا على متبرع بسرعه
كنان بأمل:هنلاقي متبرع يجماعه اهدوا متقلقوش يلا ياشباب ندور
تايجر كان واقف مصدوم وبيبص للدكتور وهجم عليه مرة واحده ومسكه من هدومه وصرخ:قسما بالله لو جرالها حاجه لهقتلك انت فاهم هقتلكككك
الشباب بعدوا عنه بالعافيه
ادهم بصراخ:ابعد يا تايجر هتموته هو ذنبه اي اهدى
كنان بغضب:ابعد يابني هيموت
مؤمن وهو بيحاول يبعدهم:كل الوقت ده من عمر زينه ياعبد الرحمن
تايجر بعد عن الدكتور بسرعه وطلع من المستشفى بغضب ووراه الشباب
فضلوا يبحثوا عن متبرع ووجيه بيعمل اتصالاته والمستشفى بتسعى انها تلاقي متبرع لكن للأسف مش لقيين
عملوا تحليلات تطابق ليهم كلهم لكن مش متطابقه لجسم زينه
مؤمن حاول بس تايجر منعه:انت عبيط ولا اي انت معكش غير كلى واحده؟!
مؤمن بدموع:حياة اختي اهم مني ياتايجر وانا هتبرعلها واكيد هنتطابق
اميرة جريت عليه :يابني والنبي متحرق قلبي عليكم انت كده هتموت
وجيه بحزن:استنى يامؤمن واكيد هنلاقي متبرع غيرك
الدكتور طلعلهم تاني:ها يجماعه مش لاقيين؟! كل الوقت ده من عمرها والحاله بتتأخر
اميرة قعدت عالكرسي بيأس ودموع وجنبها وجيه :شكلي مش مكتوبلي افرح بيكي ياورد
تايجر بصلها بغضب:اي اللي انتي بتقوليه ده هه؟؟ زينه هتعيش انتي فاهمه
كنان جرى عليه:اهدى ياتايجر
تايجر بصله وصرخ بإنهيار:متقوليش اهدى..اهدى ازاي هه ازاااااي وقعد عالأرض ببكاء:زينه بتضيع مني..بتضيع مني ياكنان
كنان وخالد جروا عليه وقعدوا جنبه ووراهم ادهم وانس
خالد بدموع:هتعيش ياتايجر
انس:هنلاقي متبرع متخافش
ادهم:اجمد باصاحبي خطيبتك محتجاك جنبها دلوقت
تايجر قام بدموع وصرخ وهو بيكسر الكراسي اللي جنبه:انا عااااجززز عااااجز..زينه بتضيع مني وانا واقف بتفرج عليها ومش عارف اعمل حاجه..مش عاااارف
كنان وأدهم جروا عليه وحاولوا يسيطروا عليه
ومهداش غير لما الدكتور وافق انه يدخل لزينه
**
عند زينه
كانت فاقده الوعي ومتوصله بالأجهزة الطبيه
تايجر دخلها بهدوء ولما شافها مقدرش يمسك نفسه وبكى
وقعد جنبها مسك ايديها
تايجر بدموع:ليه يازينه بتعملي فيا كده..عايزة تبينيلي اني عاجز؟عايزة تسبيني وتمشي؟طب مين اللي هيكمل معايا بقية حياتي؟مش احنا اتفقنا مع بعض اننا هنكملها سوا؟ مش اتفقنا هنجيب عيال قد اي وهنعمل شقتنا بألوان ايه ؟طب هعمل مع مين كل ده دلوقت هه عايزة تسبيني يازينه؟تسيبي عبد الرحمن حبيبك؟؟وفيوم خطوبتنا؟انتي قاسيه اوي يازينه اوي
زينه فاقت وبصتله بدموع وشالت النفس اللي على بقها وعرف انها سمعته
زينه بضعف ووجه شاحب:ش شكلها نهاية حكايتي
تايجر بغضب ودموع:لا يازينه لا..مش دي نهايتنا ..انتي متستهليش كده..وبعدين فين وعدك ليا هه مش قولتي هتفضلي معايا ومفيش حاجه هتفرقنا عن بعض؟
زينه الدموع نزلت من عنيها:غصب عني والله
تايجر حضنها وبكى على صدرها:لا يازينه متسبنيش..مش هقدر اعيش من غيرك بطلي برود بقا..قومي معايا يلا..قومي هتجوزك دلوقت غصب عنك..يلاااا قومي
وبصلها لقاها مغمضه عنيها:زينه انتي نمتي صح..هه..ردي عليا يازينه انتي نمتي صح