#قلب فاضي
الفصل{ 36 و 37}
سليمان : ازاى دانا سايبك من 4 ساعات ؟
نجوى : هههههههه سلام بقى استنى الاسبوع اللى جاى
منير : لا بقى انا عاوز افهم بعتى الحاجه ازاى ؟
نجوى : هقولك يا سيدى بس صلى على النبى الاول
منير : ( طلع على السرير وقعد قدام نجوى وربع رجلو ) عليه الصلى والسلام
نجوى : وانا راجعه من عند سليمان ومعايا البضاعه وعماله افكر هعمل بيها ايه وعماله اقول بقى يا رب افرجها من عندك
مره واحده لبست فى مطب معرفش طلعلى منين
منير : مش تاخدى بالك حصلك حاجه ؟
نجوى : لا الحمد لله المهم انا قولت بقى البيض اللى فى العربيه اتكسر قلبى وقع فى رجلى الحمد لله بابص كده لقيت مكان فاضى ركنت ونزلت اشوف الحاجه حصلها ايه بفتح العربيه لقيت البيض مال على جنبو كده انته عارف انا بحطهم فى اطباق
منير :اه مانا عارف
نجوى : عادلت الحاجه اللى مالت وبرجع لورا عشان اقفل الباب وامشى لقيتلك طابور واقف ورايا ستات ورجاله انا خفت قولت دول عاوزين منى ايه دول
فا بقول لست كده فى حاجا يا ماما انتو وقفين كده ليه ؟
الست قالتلى
؟1 : هى الحاجات دى انتى بتبعيها ولا ايه ؟
نجوى : اه بابعها
؟1: عندك ايه ؟
نجوى : معايا بيض وفراخ بلدى وبط وحمام ووز وفى لبن كمان بس مش كتيير
؟ 2 : كلو بلدى ولا مزارع ؟
نجوى : لا كلو بلدى من بيوت
؟3 : وانتى تبع ايه بقى التموين ولا تبع الجيش
نجوى : لا انا تبع شركه جديده اسمها نوجى كوكو واوا
كلنا ستات انا بقى مسؤلت التوزيع
؟1 : طبق البيض ده بكام ؟
نجوى : ب 7 جنيه
؟1 : ماشى هتيلى اتنين ولا اقولك هاتى تلاته بس هدفع 20 جنيه بس
نجوى : ماشى يا ماما ماجتش على جنيه اوصلهولك والله لحد البيت
؟4 : الفراخ بكام ؟
نجوى : الكيلو ب27 ودى 2كيلو
؟ 4 : طب هاتى 2 اجربهم بس هدفع فى الاتنين 100
نجوى : طب هاتى 105 ماشى انزلك 3 جنيه مش مشكله
؟5 : وانا هتيلى وزه جوزى بيحبها بس بلدى اوعى تكونى بتضحكى علينا
نجوى : لا والله دى حتى لسه برشها اهو لسه مدبوحه
؟ 5: بكام ؟
نجوى : وواحده واحده فى اقل من ساعه يا منير مكانش فى العربيه ريشه
منير: ههههههههه كل ده فى الشارع
نجوى : لا اصل انا اتارينى وقفت قدام مدرسة بنات خاصه ابتدائى واعدادى وثانوى وطبعا الامهات كانت راحه تجيب بناتها وهما خارجين بقى انا جيت صدفه
منير : شوفى سبحان الله قولتى افرجها من عندك يا رب ربنا فرجها ومن وسع كمان
نجوى : بص بقى انا الحاجات اتباعت ب 4000 جنيه والحاجات بتاعت نجع حماد 3000 يبقو 7
منير : 7000 مكسب صافى ليكى ؟
نجوى : لا طبعا بص انا بعت الحاجات سلمى ليها النص يبقى 2000 استنى متلخبطنش
بتوع البلدعند سلمى : انا بعت ب 1000 لسليمان يبقى 200 جنيه
والباقى 400 وانا 400
اللى قدام المدرسه بقى 3000 انا 1500 وهى 1500 يبقى كل واحده فينا 1900
وكمان ظرف سلمى 1900
حاجات نجع حمادى 3000 جنيه دول بقى بتوعى لوحدى يبقى 4900 مكسب صافى ليه لوحدى فى اسبوع بس شفت بقى
منير: طب الحمد لله
نجوى : الحمد لله يا رب انا كده ممكن ادفع قسط العربيه بكل سهوله وكمان علاج بابا ومصروف البيت هناك
منير: دا على كده مش هيتبقالك حاجه
نجوى : لا ازاى هيتبقالى طبعا وهروح اشترى بيه بضاعه تانيه وابعها قصاد المدرسه اصل انا قولتهم هجلكم تانى كل ما يكون معايا بضاعه هروح ابيعها كده واوفر عمولت سليمان
منير: طب فى غدا بقى ولا لا
نجوى : طبعا يا روحى عملالك فراخ مشويه ومكرونه بالطماطم
ام فارس : مالك يا الهام عماله تشخطى فى العيال كده ليه ؟
الهام : مانتى شايفه يا ماما مش رضيين يسكوتو
ام فارس : يا بنتى هما العيال اتحركو من مكانهم اهدى شويه مالك
مالك متتكلمى ؟
ابو فارس : تامر خود اخواتك وادخل جوا ذاكرو جوا
تامر : حاضر يا جدو
ابو فارس : اهو العيال داخلو مالك ؟
الهام : زهقت يا بابا كام سنه وانا لوحدى وفكرى مسافر ومريح دماغو
ام فارس : مش بيشتغل يا بنتى هيعمل ايه وبعدين ماهو مش مخليكى عاوزه حاجه ومكفى بيتو
الهام : انا نفسى جوزى يعيش معايا ليه انا اكون مسؤله عن العيال وامو لوحدى
انا زهقت
ابو فارس: هيجى يشتغل ايه هنا مانتى شايفه البلد متنيله ومفهاش شغل
الهام : طب ما هو منير لقى شغل وحمزه كمان ساب الامارات وجه يشتغل فى مصر والاتنين جنب مرتاتهم اشمعنى انا
ابو فارس : حمزه بيشتغل مع ابوه وبفلوس ابوه
ومنير اتجوز على اختك عشان يشتغل
وانتى جوزك ابوه معندوش فلوس يشتغل بيها ولا عاوزه يتجوز عليكى زى نجوى
الهام : يعنى هو لازم كدا او كده مينفعش يكون جنبى وهو محترم ومخلص ليها
ابو فارس : انتى عندك 4 عيال لو نزل مصر هيكفى اكل وشورب ولبس ومدارس وطلبات منين ؟
ام فارس : خليكى عقله كده متخربيش على نفسك
الهام : طبعا ماتو محدش حاسس بيه
ابو فارس : بصى يا بنتى الشيطان لما يكون عاوز يخرب حياة انسان بيدور على الحاجه اللى ناقصه فى بيت الانسان ده ويفضل يوسوسلو ويقول هى ليه مش عندك اعمل المستحيل عشان توصل للحاجه دى
الهام : وايه داخل الشيطان فى ان عاوزه جوزى يبقى جنبى
ابو فارس : ما دى الحاجه اللى ناقصه فى بيتك وحياتك ان جوزك مش معاكى
احمدى ربنا ان ولادك سلام مفهمش حاجه وبيتك مش ناقصو حاجه وجوزك ليكى لوحدك وقاعده متستته فى بيتك مش بتروحى وتيجى والمصروف بيجيلك لحد عندك وفكرى مديلك الحريه انك تخرجى وتروحى وتيجى
بتبصى لمنير وحمزه
حمزه مش بيخلى تقى تتحرك من باب البيت غير وهو معاها وكمان امو كبسه على نفسها متقدرش تغير حاجه من مكانها من غير ازن امو
ومنير اهو متجوز على اختك ومش ليها لوحدها وهى يا عينى من هنا للبلد عند سلمى لعند عمك وتلف وتجينى وتفضل معايا المستشفى
الهام : بس اهو على الاقل معاها فلوس بتاعتها
ام فارس: متزعلش يا ابو فارس ابوكى لوحدو 2700جنيه ادويه وغسيل كل شهر
دا غير مصروف البيت بتدينى انا لوحدى 800 جنيه للاكل والشرب ومايه ونور
يعنى مكسبها مش ليها
ابو فارس : متبصيش لعيشت حد عشان متسوديش عشتك بأيدك
( تقى وحمزه سهرانين بيتفرجو على فيلم تايتنك فى اوضتهم والاتنين قاعدين على السرير وحمزه لافف ايدو حولين تقى وتقى فى حضنو )
حمزه: الفيلم ده شفتو 100 مره وبرضو بحب اتفرج عليه
تقى : وانا كمان بحب اوى الحته لما هى تبقى هترمى نفسها وهو يجى ينقظه
حمزه : يا رومانسى انته انا بحب اوى الحته لما يرسمها والحته بتاعت العربيه المشبره
تقى : انتى قليل الادب
ام حمزه : ( خبطت خبطه واحده وفتحت الباب وداخلت ) حموزه انته صاحى
تقى : ( قامت من حضن حمزه ومنفوضه لما لقتها قدمها )
حمزه : ماما مش تخبطى الاول ؟
ام حمزه : مانا خبط انتو سهرانين ليه ؟
حمزه : بنتفرج على الفيلم
ام حمزه : دا فيلم ايه ( وراحت طلعت على السرير وقاعدت بينهم ) اه مش دا تايتنك
وسعى يا تقى اقعد وسطكم ( وراحت زقاها )
حمزه : براحه يا ماما بتزوقيها كده ليه ؟
ام حمزه : هو كده بزوقها انا بوسع عشان اقعد
حمزه : هو بابا فين ؟
ام حمزه : نام الساعه 12
حمزه : طب منمتيش انتى كمان ليه ؟
ام حمزه : مش جايلى نوم قولت اجى اسهر معاكم
انتى ايه اللى لبساه دا ياتقى خفيف اوى اللبس ده قومى البسى حاجه تانيه كده يجيلك برد وتعدى حموزه خلى بالك لو جالك برد مش هنيمك جنبو
تقى : اوك حاضر انا هنام تصبحو على خير ( واتغطت وادتهم ظهرها ونامت جنبهم على طرف السرير )
ام حمزه : نامى انا هسهر مع حبيبى
حمزه : ( ربع ايدو وبعد عن امو وفضل ساكت وشويه عمل نفسو نام )
ام حمزه : انته نمت يا حبيبى انزل طيب كده راسك توجعك
حمزه : حاضر يا ماما اطفى التلفزيون بقى والنور عاوز انام
ام حمزه : حاضر يا حبيبى غسلت سنانك قبل ما تنام ؟
حمزه : اه يا ماما قومى بقى عاوز انام
ام حمزه : طب ما انام جنبك
حمزه : السرير صغير وبعدين انا بشخر وانا نايم مش هتعرفى تنامى
ام حمزه : طب ما تقى بتنام جنبك عادى
حمزه :ما هى مش بتسمع يا ماما انتى نسيتى يلا قومى بقى عاوز انام
ام حمزه : ماشى هقوم استنه اغطيك طيب حبيب ماما يخليك ليه يا رب واشوف عيالو يا رب
حمزه : ماما انتى لو استمريتى على كده مش هتشوفى عيالى ابدا
ام حمزه :ليه هو انا عملت ايه ؟
حمزه : ماما انا هصحى بكرا 7 عشان رايح وزارة الاستثمار سبينى بقى انام
ام حمزه : طيب تصبح على خير فين بوست مامى ؟
حمزه : اهو اومممه يلا بقى
ام حمزه : ( خارجت وقفلت الباب )
حمزه : ( قام واقفل الباب بالمفتاح ) ابقى ادخلى تانى بقى
تقى حببتى اصحى
تقى انتى نمتى بجد ولا بتعملى كده
تقى : ( بعدتو وفضلت نايمه )
حمزه : قومى انا خرجتها يا تقى اتعدلى طيب
تقى : ( حطه وشها فى المخده ومش عاوزه تقوم )
حمزه : خلاص برحتك انتى اللى خسرانه
ربنا يسمحك يا ماما
اجيب عيال انا ازاى دلوقتى
( تانى يوم الصبح )
منير : برنامجك ايه انهاردا ؟
نجوى : هروح لتقى وارجع اطبخ تحب اعملك اكل ايه ؟
منير: اى اكل كلو من اديكى حلو ، مش هتروحى لسليمان ؟
نجوى : لا مش معايا بضاعه
منير : بقولك ايه ما تجربى بدل ما تقفى فى الشارع تبيعى كده ما تبيعى لمحلات
نجوى : هيخدو عموله قد كده طب ليه
قدام كده ربنا يكرمنى وانا افتح محل ابيع فيه وهسميه نوجى كوكو واوا
منير: لا بلاش نوجى خليه كوكو واوا احسن ماحبش حد يدلعك غيرى بدل ما اشوقك
نجوى : هههههههههههه خلاص نخليها كوكو واوا
انا بفكر اروح مصنع اكياس واخليهم يعملولى اكياس مكتوب علهيا كوكو واوا احط فيها الحاجه وكمان طبقان فل مكتوب عليها كوكو واوا ورقم تليفونى عشان لو حد عاوز حاجه يتصل بيه
منير : مانتى عاملتى كده فى الفيس وعملتى اعلان ومحدش عبرك
نجوى : لا اعلانات الفيس دى زى قلتها انا بس بفكر اعمل اسم مركه تجاريه
وكمان كوكو واوا دا كان اسم لبان زمان كنت بحبو اوى فا هيعلق مع الناس بسرعه
منير : ربنا معاكى
نجوى : متعرفش مصنع يعنى الطبقان والاكياس دى؟
منير : لا بس اسئلك انتى عاوزه كميه صح ؟
نجوى : اه طبعا
عربى : عامله ايه فى الشغل ؟
شوقيه : الحمد لله يابا وكمان الستات بتقول لبعضها دا جالى من شويه بتاع 10 ستات معاهم حاجات وبيقولولى عندهم تانى فى البيت بس مرضتش اخد منهم
سراج : ليه يا فقريه
شوقيه : نجوى قالتلى على شروط لما سئل الستات دى على الشروط دى ملقتهاش وكمان الطيور كده شكلها عيانه بصراحه خفت
قولتلهم نجوى جايه على يوم الحد ابقو حاتو الحاجه تكشف عليها
بس ربنا يسامحنى بقى كدبة كدبه
ربيع : ليه كدبتى قولتى ايه
شوقيه : سئلونى هى مين دى وبتشتغل ايه فى مصر
قولتلهم دى بنت عمى ودكتوره ومستثمره كبيره فى مصر وكمان ناويه تترشح لمجلس الشعب عشان كده بتعمل خدمات لاهل البلد
سراج : فالحه ياختى
عربى : بالعكس كويس انك قولتى كده السيط ولا الغنى كل الحريم فى البلد بعد كده هيعملولنا 1000 حساب
ربيع : طيب مش نقوم بقى نفتح الزريبه الورانيه وننظفها كده عشان لما نجيب المعيز والخرفان يبقى المكان موجود
شوقيه : انا كمان عاوزه اشترى بطريات ارانب دول بيكسبو اوى
سراج : وهو انتى معاكى فلوس ؟
شوقيه : ايوه معايا دهب امى هروح ارهنو وبفلوسو اشترى بيها ولما يكون معايا فلوس هرجعو
انتو مش قولولى ال10 فدادين للرجاله والدهب بتاعى خلاص انا حره بقى
عربى : خلاص ماشى انا كمان هقوم اجيب كام نفر ينظافو الارض عشان نبدى فى الزراعه
حمزه : انتى مقموصه ولا ايه ؟
تقى : ملكش داعوه بيه
حمزه : طب اعمل ايه هى امى ازعلها ؟
تقى : لا زعلنى انا
حمزه : انا مقدرش ازعلك دانتى حبيبتى بس طب قوليلى اعمل ايه ؟
تقى : كلم باباك قولو كده مينفعش
او لو مفيش فايده بقى هتلى شقه تانيه
حمزه : خلاص هكلم بابا بس متزعليش فكيها بقى هروح الشغل وانتى مبوزه كده
تقى : عشان انا امبارح كنت مبسوطه وهى دايقتنى
حمزه : خلاص بقى اعتبريها مامتك لو ماماتك عملت فيه كده هفضل مبوز كده ؟
تقى : اكيد طبعا وبعدين احنا من ساعت ما رجعنا مش راضى تخلينى اروح لماما ولا لنجوى ولا فارس
حمزه : مفيش خروج لوحدك فهمه
تقى : فهمه
( خارج حمزه من الاوضه واخد باباه ونزلو راحو الوزاره وهما فى العربيه )
ابو حمزه : مالك مدايق ليه ؟
حمزه : من اللى ماما بتعملو يا بابا طول مانا فى البيت هى معايا
وتيجى تنام جنبى شكلى وحش اوى قصاد تقى
ابو حمزه : امك هتعمل ايه لازم تستحملها
حمزه : ماشى يا بابا استحملها بس مش كده انا اتجوزت معاكم عشان اكون جنبكم ومعاكم مش احس انى متراقب
ابو حمزه : طيب متتكلمش مع امك فى حاجه بدل ما تفكر ان تقى هى اللى مدايقه منها وانها بتقومك عليها
حمزه : لا والله انا اللى مدايق تقى ملهاش داعوه صحيح هى مقموصه عشان ماما زقتها من على السرير بس مش مقومقانى
ابو حمزه : انا هتصرف
متقلقش
ام حمزه : اهلا يا نوجى ازيك تعالى
نجوى : ازيك يا طنط جيبالك كروسون عشان نفطر سوى
هو حمزه هنا ؟
ام حمزه : لا دا نزل مع باباه ؟
نجوى :اصل منير نزل راح الشغل وانا مالقتش حاجه اعملها قولت اجى اقعد مع تقى وحضرتك
ام حمزه : احسن برضو انا هكلم بوسى كمان لو فاضيه تيجى
نجوى : ماشى اعملى شاى بقى ناكلو مع الكروسون انا هادخل لتقى مش هى جوا ؟
ام حمزه : اه جوا ادخولى وانا هعمل الشاى واندهلكم
نجوى : ماشى
( داخلت نجوى على تقى )
نجوى : انتى قاعده لوحدك ليه كده ؟
تقى : مقموصه
نجوى : شوفى جبتلك ايه معايا
تقى : ايه ده دا دوى ؟
نجوى :المنوم اللى قولتك عليه جبت منو علبتين وجربتو امبارح اخدت واحده داوختنى ونمت مصحتش غير ومنير بيصحينى
تقى : انا اخاف ادهولها يحصلها حاجه
نجوى : بقلك مش بينيم بيدوخ بس هتحطهولها فى اخر حاجه بتشربها هى هتشرب من هنا ومش هتلقيها وتاكل رز مع الملايكه بقى
خودى خبى العلبه
تقى : ماشى هخبيها فى درج المكياج بتاعى محدش بيفتحو
نجوى : انا معايا قرص منوم انا هحطو فى الشاى وندهولها ونشوف هيعمل فيها ايه
تقى :انا خيفه بلاش يا نجوى
نجوى : يابنتى عشان تحل عنك بدل الخنقه تعالى نقعد معاها بقى
( خارجت نجوى وتقى من الاوضه )
ام حمزه : افتحى الباب يا نوجى دى تلاقى بوسى
نجوى : حاضر هفتح
ام هدى : ايه ده انتى هنا
نجوى : اه لقيت نفسى فاضيه قولت اجى اقعد معاهم
ام هدى : طب خودى ابن اخوكى قرفنى
نجوى : ياختى كميل يا ناس والله عسوله حبيب عمتو
ام هدى : مروحتيش لدكتور يانجوى ؟
نجوى : لا مروحتش سبيها لربنا
ام حمزه : عشان الحمل يا بوسى تقصدى ؟
ام هدى : اه لا يا نجوى لازم تروحى لحسن بعد الشر يحصل مضاعفات
نجوى : حاضر هروح ان شاء الله
الشاى ده فيه سكر ؟
ام حمزه : لا انا مش حطه سكر اللى عاوز يحط
نجوى : سكرك ايه طيب ؟
ام حمزه : انا 2
نجوى : وانتى يا طنط ؟
ام هدى : لا انا 1 عشان الدايت
نجوى :{ دايت طب والله لهجرب فيكى ( وراحت حطت المنوم فى شاى ام هدى ) }
تقى : ( اخدت بالها ) هاااااا
نجوى: شششششش
ام حمزه : فى حاجه يا نجوى بتقولى شششش ليه ؟
نجوى : دبان هيقف على الكروسون
اتفضى الشاى بتاعك ومزمزى فى الكرواسونايه دى
ام حمزه : حاتى شكلو يفتح النفس
نجوى: خودى يا بوسبوس بلاش طنط بقى ندلع شويه
ام هدى : احسن برضو انا مش بحب طنط دى
نجوى : اتفضلى
ام هدى : الشاى ممرر شويه ؟
نجوى : عشان تقيل
ام هدى : بس حلو حاتى كروسونايا
نجوى : عشان الدايت ؟
ام هدى : لاانا بلف التراك
نجوى : طب خودى
خودى يا تقى
تقى : حلو اوى فيه جبنه كمان
نجوى : اه حلو اوى
( وبعد حوالى ساعه )
ام حمزه : مالك يا بوسى ؟
ام هدى : مش عارفه حسه انى دايخه وعاوزه انام
اصلى بقالى يومين مانمتش
ام حمزه : ليه مانمتيش ؟
ام هدى : كان عندى كذا حاجه فى النادى وكنت مسفره ولسه راجعه امبارح
ام حمزه : طيب ادخلى ريحى جوا
ام هدى : لا انا هروح بقى انام فى بيتى
بس الولد هعمل فيه ايه ؟
نجوى : سبيه معايا انا هخدو
ام هدى : ماشى فى بامبرز فى الشانطه بتعتو وكمان اللبن والسريلاك بتاعو
نجوى : طيب ماشى
ام هدى : سلام
( وسابتهم ومشيت )
نجوى : ايه يا عم هيثم وقعت فى قرعتى انهارده
ام حمزه : امو غلطانه انها سيباه كده المفروض تاخد اجازه وتاخد بالها منو
نجوى : مش كل الامهات زى حضرتك وكمان ظروف هدى مختلفه
هى الساعه كام ؟
تقى : 1
نجوى : طب يا دوب بقى اروح عشان اعمل الغدى سلام
ام حمزه : طب ما تسبيلى هيثم عشان يسلينى
نجوى : ماشى خوديه
سلام يا تقى
تقى : كلمينى واتس بقى
نجوى : ماشى
( روحت نجوى البيت وبدئت تعمل الاكل وشويه والجرس الشقه رن )
نجوى : ايوه انا جايه
نعم ؟
ريهام : انتى مين ؟
نجوى : انتى اللى مين ؟
ريهام : انا ريهام انتى فى شقت صابرين بتعملى ايه ؟
نجوى : اه صابرين شقتها فوق مش هنا
ريهام : وانتى هنا بتعملى ايه هو انتى مأجره الشقه دى؟
نجوى : شئ ميخصكيش بعد ازنك الاكل هيتحرق ولو عاوزه صابرين تقريبا هى فوق
( وقفلت الباب فى وشها )
ريهام : الو ايوه يا شريف انا جيت عند صابرين لقيت واحده غريبه اول مره اشوفها فى الشقه ولما سئلتها عن صابرين قالتلى انها فوق
شريف : ومين دى بقى ؟
ريهام : مش عارفه انا مش مرتاحه انا هطلع عند صابرين اسئلها
شريف : على العموم انا داخل العماره اهو اطلعى انتى عند صابرين وانا هخبط على الشقه اشوف مين دى
ريهام : ماشى
نجوى : يووووو بقى كل شويه الباب الاكل هيتحرق ( خارجت من المطبخ وهى ماسكه سكينه )
شريف : مساء الخير ؟
نجوى : مساء النور خير ؟
شريف : مين حضرتك ؟
نجوى : وانته مالك ؟وانته مين اصلا ؟
شريف : هو مش هنا ساكن منير وصابرين ؟
نجوى : انته عاوز صابرين يعنى ؟ صابرين ومنير فوق فى الشقه اللى فوق
شريف : طب انتى مين ؟
نجوى : وانته مالك ( وقفلت الباب فى وشو )
( طلع شريف لصابرين )
شريف : مين اللى تحت دى يا صابرين ؟
صابرين : دى دى الساكنه الجديده
ريهام : انتى اجرتى شقتك ولا بعتيها ؟
صابرين : والله انا حره اعمل اللى انا عاوزه انتو جايين ليه دلوقتى
ريهام : مش انتى قولتى هتدفعلنا الفلوس على دفعات
شريف : انا محتاج فلوس انا لازم ادفع قسط المدارس للولاد 3 الف جنيه
صابرين : 3000 ليه هو المصروفات كام اصلا ؟
شريف : السنه ب 10 الف بالباص وبالكتب
صابرين : والله حرام الفلوس دى كلها يعنى للولد والبنت 20 الف ليه ؟
ريهام : انتى عوزانا ندخل الولاد مدارس حكومه ؟
صابرين : مالها مانا وانتو خارجين مدارس حكومه
ريهام : لا طبعا دى مش بتعلم حاجه زى قلتها
صابرين : بقولكم ايه انا كل اللى معايا ميكملش 90 الف جنيه
ريهام : خلاص اتصرفى
صابرين : اتصرف اعمل ايه ؟
ريهام : تعالى نبيع الشقه دى وانتى انزلى اقعدى تحت
صابرين : ماينفعش
شريف : اه ليه ماينفعش مين اللى تحت دى ؟
صابرين : ( بصوت عالى ) انتى مالك انا حره اطلع باره انته وهى ولو ليكم حق ارفعو قضيه
شريف : انتى بتهددينى انتى كل فلوسك ده هتعملى بيها ايه دانتى مش مخلفه ولا هتخلفى بكرا تموتى والعيل اللى انتى متجوزه ياخد كل حاجه ويتجوز
ريهام : يتجوز طب ما يمكن الست اللى تحت دى مراتو دى واخده حريتها على الاخر
هى اللى تحت دى مراتو يا صابرين ؟
صابرين : ( فتحت الباب ) اطلعو باره ملكمش داعوه بحياتى متجوليش تانى
شريف : اه يبقى انا كده فهمت الواد ضحك عليكى لقكى مهبوله على الجواز بلفك بكلمتين روحتى سبتيلو الشقه وانتى رضيتى تقعدى هنا
وانا اقول اتجوزك على ايه
( وصل منير جه وهو بيفتح الباب عند نجوى سمع الزعيق راح طالع عند صابرين )
منير: ايه فى ايه ؟
شريف : مش عيب تضحك على ست قد امك وتسلك منها شقتها
صابرين : احترم نفسك واخرس خالص
منير : والله انا ومراتى حرين مع بعض العيب بقى فى اللى طمعنين فى اختهم الكبيره
اللى فى مقام امهم
ريهام : انته ماتتدخلش بنا احنا اخوت
منير : ودى مراتى وكلامى يمشى عليها وانتو امشو اطلعو باره
( نجوى سمعت الخناق جريت على السلم تشوف فى ايه )
نجوى :ايه انته بتتخانق مع مين ؟
منير: انتى ايه طلعك انزلى تحت
نجوى : حاضر
صابرين : منير الحقنى انا بروح ( ووقعت على الارض )
نجوى : ( جريت عليها سنادتها ) يا لهوى صابرين قومى مالك حد يجيب مايه
منير : عاجبكم كده حد يجيب دكتور
ريهام : احنا ماشيين
يلا يا شريف
شريف : لما تصحى قولها انا هرفع قضيه وهاخد شقت ابويه
منير : غور فى داهيه ( ورزع الباب وراه )
نجوى : اصحى يا صابرين مالك
هى بتاخد دوى يا منير ؟
منير: لا مش عارف اجبلها مايه ؟
نجوى : اه دى متلجه وعرقانه ؟ انا بيتهيقلى عندها غيبوبة سكر
ابويا لما بتجيلو بيحصلو كده
منير: طب بتتصرفو ازاى ؟
نجوى : انا هعملها كبايت مايه بسكر خليك جنبها
منير: صابرين مالك اصحى كده فوقى
نجوى : انا جبتلها المايه بالسكر واسع اشربها دول اخواتها دول اخوات عرر
اشربى
الحمد له شربتهم
شيل معايا نداخلها تنام جوا
منير : ماشى لو مافقتش هنزل اجبلها دكتور
نجوى: وعلى ايه اكلم فارس يجى
( بعد ماشربت صابرين واتحسنت شويه)
صابرين : انا فين ؟
نجوى : فى اوضتك يعنى هتكونى فين انتى كويسه ؟
صابرين : انا تعبانه اوى
نجوى: هو انتى عندك السكر ؟
صابرين : لا الحمد لله لا ضغط ولا سكر
منير: اومال اغماعليكى ليه ؟
صابرين : دوخت بقالى اسبوع الدوخه مسكانى انهاردا لما زعقت الدوخه جات جامده اوى
نجوى : دوخه ؟ واسبوع التليفون فين
منير: عاوزه التليفون ليه ؟
نجوى : بتقولك دايخه باقلها اسبوع شكلها حامل يا جزمه
منير: ايه حامل ازاى ؟
صابرين : جزمه ؟
نجوى : يعنى فارقت معاكى الجزمه مافرقتش الحامل
قومى نكشف
صابرين : لا انا مش قداره
نجوى : لا بقولك ايه انا صحيح جادعه وبنت بلد بس لو طلعتى حامل مش هيكفينى فيكى وفيه 10 سنين اشغال شقه
( قامو التلاته وراحو للدكتور وبعد ما الدكتور كشف)
الدكتور : "
#قلب_فاضي
الحلقه { 37 }
( قامو التلاته وراحو للدكتور وبعد ما الدكتور كشف)
الدكتور : مبروك يا مدام حامل
نجوى : انته متأكد يا دكتور دى عندها 40 سنه تحمل ازاى ؟
الدكتور : وايه المشكله هو 40 سنه كبيره دا فى ستات بتخلف وهى 45 و 49 كمان
صابرين : الحمد لله يا رب
منير: ( ساكت ومش عارف يفرح ان هيجيلو طفل ولا يدارى فرحتو عشان نجوى )
الدكتور : المهم يا مدام دلوقتى تكترى من الالبان والحديد والبروتين عشان الجانين واهم حاجه الفيتامينات
صابرين : انا حامل فى الشهر الكام يا دكتور
الدكتور : انتى تقريبا كده فى الاسبوع السابع او السادس
صابرين : بس البابى وضعو كويس ؟
الدكتور : جدا الحمد لله بس حولى مترهقيش نفسك
انتى اختها ؟
نجوى : ( وهى مصدومه ) اه اختها
الدكتور: يا ريت ترياحيه معلش بلاش تشيل حاجه تقيله وكمان متعملش مجهود
صابرين : بس انا بشتغل وبسوق بس انا شغلى ادارى مش اكتر
الدكتور : لا عادى بس المهم متعمليش مجهود كتير
( نزلو التلاته من عند الدكتور وروحو البيت والتلاته داخلو الشقه اللى بيقعد فيها نجوى ومنير )
صابرين : انتو مالكم عمالين تبصو لبعض ليه
نجوى : ( بصتلها باصت شر وانتقام ) يعنى مش عارفه احنا بنبص لبعض كده ليه ؟
هو وعدنى انو مش هيخونى بس هو خانى ودليل خيانتو فى بطنك
انتى فى الاسبوع السادس ( دموعها نزلت غصب عنها ) انا كمان كنت حامل وابنى نزل فى نفس الاسبوع السادس بسببك انتى وهو
انا مش بفول عليكى ربنا يكملك على خير بس انا كمان كان نفسى ابقى ام
صابرين : ان شاء الله ربنا يكرمك زى ما كرمنى انا صبرت كتير والحمد لله انا هسبكم واطلع انهاردا بتاعك انتى ، انا طالعه
( وقامت راحت نحيت الباب ) نجوى انا متشكره انك وقفتى جنبى وفوقتينى وانا مغما عليا انا اختى سابتنى ومشيت بس انتى فضلتى جنبى
السلام عليكم ( وطلعت وقفلت الباب وراها )
منير : نجوى انا مخنتكيش
نجوى : انا مجروحه منك اوى اوى
منير : ( قام قعد جنبها وفضل يبوس اديعا وراسها ) انا اسف والله بحبك انتى مش بحبها هى مفيش اى مشاعر نحيتها والله
نجوى : طب ازاى هى حامل وانته مش بتحبها ازاى قدرت تكون معاها وانته مش بتحبها يا خاين يا جبان ( وفضلت تضرب فيها )
منير: : اه اه لو ضربك فيه ده هيبرد نارك اضربى وانا هستحمل
انا غلط واستاهل بس وحيات حبنا متزعليش انا بحبك يا نوجى
نجوى : هى حامل وانا لا هى حامل وانا لا وانته وهى السبب انتو اللى موتو ابنى ( ومن كتر ضربها فيه تعبت ونزلت على الارض تعيط )
منير : ( اخدها فى حضنو وفضل يبوس رسها ) اسف بحبك انتى والله بحبك انتى بكرا تحملي
ام حمزه : حموزه حبيبى جيت لماما بدرى يعنى الساعه 6
حمزه : خلاصت شغل وجيت هقعد فى الشركه ليه
هى تقى فين ؟
ام حمزه : داخلت تنيم هيثم
حمزه : { هيثم هي نقصه هيثم } وايه جابو ده ؟
ام حمزه : بوسى جات الصبح وكانت عاوزه تنام فا قولتلها سيبيه وروحى نامى
حمزه : امممم طيب انا هدخل اغير
ام حمزه : ابوك هيجى امته ؟
حمزه : بيركن وطالع انا جيت قبلو سبقت وركنت فى المكان بتاعو هههههه
ام حمزه : شاطر يا حموزه بس مش انتو الصبح كنتو رايحين بعربيه واحده ؟
حمزه : اه ما عربيتيى انا كنت راكنها امبارح عند الشركه وجيت مع بابا فى عربيتو
( وصل ابو حمزه فتح الباب ودخل )
ابو حمزه : كده يا عيل يا عيل تركن وتسبنى الف حولين نفسى مش لاقى مكان
حمزه : طب منته ركنت اهو يا بابا بتزعق ليه وبعدين انا جيت الاول انا اركن الاول
ابو حمزه : ماشى قابل منى بقى
حمزه : ماما اعملى الاكل بقى لحسن جعان اوى
ام حمزه : حاضر يا حبيبى عيونى
( داخل حمزه الاوضه لقى هيثم نايم على السرير وجنبو موبيل تقى وتقى فى الحمام )
تقى : حبيبى انته جيت ؟
حمزه : ( قام حضنها ) حببتى حببتى وحشتينى اوى
تقى : وانته كمان وحشتنى تعرف احلى حاجه انك كل ما تيجى من الشغل تخلينى اسكن حضنك كده بابقى فرحانه اوى
حمزه : انا اصلا ربنا خلقنى ليكى عشان اخليكى مبسوطه يا حياتى حضن جامد اوى عشان انا اشتغلت كتير انهاردا
تقى : هههههه حاضر جامد اوى اوى
حمزه : اجمد حاجه عندك
ايوه كده الله ( شالها بين اديها ولف بيها دايره كامله )
ام حمزه : ( فتحت الباب وداخلت ) حموزه احطلك على الشوربه ليمون هاااااااااا نزلها يا حبيبى تتعب كده
حمزه : ( من غير ما تقى تحس انو بيتكلم وهى متشاله بين ايد حمزه ومديه ظهرها لكنزى ) شششششششششش مش عاوز ليمون
ام حمزه : نزلها
حمزه : ماما بقى
ام حمزه : ماشى يا حمزه ماما زعلانه ( وخارجت وقفلت الباب )
ابو حمزه : مالك مبوزه ليه ؟
ام حمزه : داخله الاوضه عند حمزه اقولو احطلك ليمون على الشربه ولا لا لقيتو حاضن وشايل الزفته اللى جواه واقولو نزلها يقولى شششششششششش
ابو حمزه : طب وانتى قلبتى على تقى ليه هى مالها انتى اللى غلطانه
ام حمزه : انا ليه بقى ؟ دانا مخليه تقى طول النهار قاعده ومرتاحه مش مخلياها تعمل اى حاجه
ابو حمزه : اولا مينفعش تدخلى اوضت نومهم كده من غير استأذان
ام حمزه : انا خبط قبل ما ادخل
ابو حمزه : مش كفايا المفروض تخبطى وتستنى لما حمزه يقولك ادخلى
وكمان مينفعش كل ما حمزه يفضل فى البيت تفضلى لزقه فيه كده
ام حمزه : الله مش ابنى
ابو حمزه : وانا جوزك انتى بتحبى ابنك اكتر منى ولا ايه لا انا ماحبش كده
ام حمزه : ايه الكلام الجديد ده وانته من امته بتقولى كده
ابو حمزه : من اول ما حمزه اتجوز وانتى اهمالك بيه ذاد مش بتسئلى فيه واكون نايم اقوم الاقيكى عند حمزه وانا كأنى مش متجوز حولى تهتمى بيه شويه ولو ده ابنك ومحتاج اهتمام اهو اتجوز وفى غيرك ممكن تهتم بيه لاكن انا عاوز احس ان فى ست مهتميه بيه
ام حمزه : بس انا امو مهمه تقى اهتمت بيه الابن محتاج دائما لامو
ابو حمزه : انا كمان محتاج لامى وانا امى ماتت اعمل ايه لا لقى امى ولا لاقيكى اعمل ايه اروح اتجوز ؟
ام حمزه : ايه تتجوز ؟
ابو حمزه : اه اروح اتجوز وخليكى مع ابنك بقى انا داخل اغير فى اوضتى ولو الوضع اللى انتى فيه ده لسه موجود انا هروح واتجوز
ام حمزه : وهتجيب عروسه منين بقى دانته معدى ال 60
ابو حمزه : البنات قد كده ومش لقيين جواز زى صابرين مرات منير ممكن اروح واتجوز منهم ولا اقولك اتجوز السكرتيره بتعتى على الاقل تهتم بيه فى المكتب ( وسابها وداخل اوضتو )
ام حمزه : السكرتيره يانهار اسود
عربى : ها رهنتى الدهب ؟
شوقيه : اه يابا جاب 40 الف بس انا رهنت ب 20 بس على قد البطريات وخلاص
عربى : طيب كويس اهو حاجه برضو للزمن معاكى
سراج : بكرا انشاء الله ننزل نشترى البطريات وكمان ننزل السوق ونشوف كام معزه على خروف نربيهم
ربيع : انا حاسس ان نجوى دى وشها حلو علينا وان شاء الله ربنا هيكرمنا اخر كرم
عربى : مش باين
ربيع : ليه يابا بتقول كده ؟
عربى : روحت اشوف الانفار مش لاقى حد ولما لاقيت عاوزين 50 جنيه فى اليوم
ربيع : 50 جنيه ليه ؟
عربى : مافيش انفار الكل دلوقتى متعلم ومتنور يقول انا اتعلمت عشان فى الاخر اشتغل فى الارض والطين
انا افتكر زمان اول ما جدى الله يرحمو اخد الارض من جمال عبد الناصر كان بيشتغل فيها بأيدوو مع الانفار ومكانش حد بيتعالى على الشغل كانت يوميت النفر لواحد 3قروش كان بياخودهم وهو راضى وفرحان وبيحمد ربنا مش زى دلوقتى
ربيع : ما يابا الواحد يتعلم ويقعد ياخد شهدات عشان فى الاخر يبهدل نفسو فى الطين ؟
عربى : لا يا ربيع علق الشهادا على الحيط وسيب الارض تبور واستورد الاكل اللى بتاكلو من الصين زى بقاى الحاجات ماهو ده الناقص
حمزه : تسلم اديكى يا ماما الاكل حلو اوى
ام حمزه : بالهنا والشفا يا حبيبى
احطلك ليمون يا نبيل ؟
ابو حمزه : ( ببرود ) لا انا طول عمرى بحط لنفسى اشمعنى دلوقتى
حمزه : هههههه يا يا ماما بقالك كتر مقولتيش لبابا نبيل دائما كنتى تقوليلو ابو حمزه او بتوجهيلو كلام عام اشمعنى ؟
ابو حمزه : ما هو كده يا حمزه فى ناس مبتمشيش عدل غير لو حست ان النعمه هتروح امن اديها
المهم فكرتنى السكرتيرات اللى جاتلنا من يومين اختار مين انا شايف سيرين حلوه اوى صح
حمزه : سيرين حلوه بس شيراز افضل شيراز دارسه كمبيوتر وفرنساوى
ابو حمزه : لا انا عجبانى سيرين انته خود شيراز
حمزه : ماشى اللى تحبو
تقى : شكلها ايه شيراز دى ؟
حمزه : السيفهات بتاعتهم معايا هبقى اوريكى صورتها
تقى : هى حلوه ؟
حمزه : بتغيرى ولا ايه ؟
تقى : لا بس
ام حمزه : انا مش موفقه يكون فى سكرتيرات اصلا هاتو شباب ولاد
ابو حمزه : ومالو دا حتى الشباب بيهتمو اوى بالتفصيل ودلوقتى مابقاش فى فرق
ام حمزه : نبيل متلعبش بأعصابى
حمزه : ايه يا ماما فى ايه ؟
ام حمزه : مافيش ( وسابتهم وقامت من على الاكل )
حمزه : بابا هو فى ايه ؟
ابو حمزه : هههههه كل يا حموزه كل انا هقوم اشوفها ( وقام يشوف ام حمزه )
تقى : بصراحه كلام بابك يدايق هى ليها حق
وشكلها ايه شيراز دى قوم ورينى
حمزه : طب اكول الاول
تقى : لا مفيش اكل قوم
حمزه : خلاص حاضر ( قام وجبلها الشنطه ووراها ) هى دى سيرين
ودى شيراز
تقى : امممم مش حلوين اسمهم حلو بس
حمزه : والله مافى حد قمر غيرك يا بسكوته انتى
نجوى : انته قاعد جنبى انا ايه جابنى هنا ؟
منير : اكيد جنبك لقيتك من كتر العياط نمتى شلتك زى البابى ونيمتك وفضلت جنبك
نجوى : الساعه كام؟
منير : 8
نجوى : انا جعانه اوى
منير : انزل اجبلك اكل
نجوى : لا انا عامله اكل بس محتاج يتسخن
منير : ادخلى اغسلى وشك وانا هسخن
نجوى : منير انته بجد بتحبنى انا ومش بتحب صابرين ؟
منير : احبها ليه ؟ ايه اللى بينى وبينها عشان احبها
نجوى : طب ازاى هى حامل
منير : خلاص بقى يا نجوى وبعدين اهو ربنا قداها على عشان يبقى جنبها لو انا سبتها
نجوى : تسبها جاى بعد ما بقت حامل منك تسيبها والبابى ده ذنبو ايه يجي الدنيا يلاقى ابوه وامو كل واحد فيهم فى مكان مش كفايا هيكون ليه مرات اب
منير : مرات اب كانت الهام مرات اب مش تامر ده مش ابنها ورغم كده بيقولها ماماوبيحبها
نجوى : انا متشتته ومش عارفه افكر
منير : احنا مفيش حاجه هتتغير فى حيتنا بكرا الخميس هاجى من الشغل هاخدك ونسافر البلد ونرجع السبت هنمشى زى ماحنا
نجوى : ماشى انا هقوم اغسل وشى
فارس : فوقى الواد فين
هدى : ماما اصحى يا نهار اسود الواد شكلو اتخطف
فارس : هى مالها الواد فين لا انا اروح فيكى فى داهيه
هدى : متقولش كده لماما
فارس: الواد فين يا حماتى فوقى
هدى : هى مالها نصيبه ليكون حرميه نطو خبطوها على دماغها واخدو الواد
فارس : يا نهار اسود الواد اتخطف بس الشقه مش متنعكشه وكل حاجه فى مكانها قومى هاتيلى الشنطه من الشقى قومى
( قامت هدى جرى جابت الشنطه وفارس كشف علي ام هدى )
فارس : دى نايمه
هدى : يعنى مش ضغطها واطى او مغما عليها ؟
فارس : لا دى نايمه الضغط مظبوط
هدى : ماما قومى ربنا يخليكى هيثم فين
فارس ( جاب كبايت ميه ورماها فى وشها ) اصحى بقى بدل ما ولا بلاش الواد فين
ام هدى : هااااااااا ايه في ايه ؟
هدى : هيثم فين ؟
ام هدى : هيثم فى تركيا ؟
هدى : هيثم ابنى مش اخوكى
ام هدى : هيثم مش عارفه سبونى انام انا دايخه
فارس : هدى امك شكلها بتشم هيروين وواخده جرعه ذياده
هدى : ايه المهم الواد مش مهم هى ماما فوقى كده الواد فين ؟
ام فارس : قومونى طيب
فارس : اهو قومى الواد فين ؟
ام هدى : واد مين ؟
هدى : هيثم ابنى فين ؟
ام هدى : هيثم ابنك ؟ هو انتى خلفتى ؟
فارس : لا دى للازم تفوق قومى على البنيو يمكن تفوقى
ام هدى : اه اه افتكرت هيثم انا كنت سيباه فى النادى مع بتوع النضافه باين وداخلت اتمرن
هدى : ونستيه مجبتهوش ؟
ام هدى : انا فكره انى روحت لكنزى بس مش فكره هيثم كان معايا ولا سبتو فى النادى سبونى انام بقى
فارس : { اللهى تنامى متقومى اخلص منك }
هدى : هنعمل ايه يا فارس ؟
فارس : ( وهو بيدعى على ام هدى ) هقتلها وارتاح منها
هدى : تقتل مين الواد تيجى نروح النادى ؟
فارس : لا نكلم ام حمزه الاول يمكن يكون معاها
هدى : صح
مش بترد
فارس : اتصلى طب فى البيت
انا نفسى اعرف ايه دهول امك كده
هدى : انته بتعمل ايه فى ماما ؟
فارس : بفتش فيه بشوف درعها لتكون ضاربه ابر مكس ( مسك درعها يشوف فى اثار حقن )
لا دراعها مفهوش حاجه ( مسك مناخرها )
طب مناخيرها لا برضو
بس انا فهمت
هدى : ايه ؟
فارس : الدماغ دماغ بنجو
ام حمزه : تاكل موزه يا بلبل
ابو حمزه : لا فصاصيلى عنب
ام حمزه : حاضر يا بلبل يا حبيبى
( تقى وحمزه قاعين يتفرجو)
حمزه : ماما فى ايه ؟
ام حمزه : ايه فى ايه ؟
خود يا حبيبى
ابو حمزه : هاتى
ام حمزه : هى سيرين السكرتيره دى عندها كام سنه ؟
حمزه : 24 سنه
ام حمزه : 24 تاخد بلح بلبل ؟
ابو حمزه : بس شيلى النوى
تقى : ههههه ( اخدت عنقود عنب وفضلت تأكل حمزه فى بقو )
حمزه : تسلم اديكى يا حياتى
تليفون مين بيرن ده ؟
تقى : انا خود رد دا فارس
حمزه : الو
فارس : ازيك يا حمزه معلش بكلمك دلوقتى
حمزه : لا يا فارس فرحان انى سمعت صوتك
فارس : الله يخليك هو هيثم ابنى عندكم ؟
حمزه : اه نايم عندنا
فارس : طب الحمدلله ماشى انا شويه وهاجى اخدو
حمزه : ماشى بس لو مش فاضى سيبو
فارس : لا انا اصلو وحشنى
حمزه : خلاص مستنيك
( فارس راح اخد هيثم ومشى )
حمزه : اخوكى دائما متسربع كده
تقى : اه على طول وقتو مشغول على طول
حمزه : بس احسن انو مشى وحشتينى
تقى : وانته كمان
قوم اقفل الباب بالمفتاح لحسن ماماتك تدخل
حمزه : لا مش هتدخل اصلى كلمت بابا الصبح
تقى : وقالك ايه ؟
حمزه : هو هيتصرف
تقى : طب استنى كنت عاوزه اروح اشوف ماما
حمزه : يوم الجمعه اوديكى تعالى بقى
ابو حمزه : انتى نيمتينى وراحه فين ؟
ام حمزه : هشوف بس حمزه نام ومتغطى ولا لا وجايالك
ابو حمزه : تانى تانى انتى مش بتتعلمى
ام حمزه : لحسن يبرد
ابو حمزه : هو متجوز مراتو تغطيه تعالى غطينى انا
ام حمزه :مانته متغطى اهو
ابو حمزه : طب الغطى اهو تعالى غطينى
وعارفه يا كنزى لو مجتيش ونمتى انا هقدم الدبل بكرا لسيرين ايه رئيك بقى
ام حمزه : واهون عليك يا بلبل
ابو حمزه : اه تهونى عادى
ام حمزه : ماشى اهو قدينى غطيتك
ابو حمزه : نامى بقى
ام حمزه : اهو نمت
( وتانى يوم وحمزه وابوه فى الاسنسير )
ابو حمزه : ريحتك من امك امبارح
حمزه : ربنا يخليك ليا يا بابا
انته عملت ايه ؟
ابو حمزه : الغيره تخلى اتخن ست تدلق على بوزها
حمزه : اممممم الغيره من سيرين ؟
ابو حمزه : سيرين ههههه
تقى : فى حاجه يا ماما انتى بتعملى ايه ؟
ام حمزه : بنزل الشنطه من الدولاب فيها حاجات كده كنت فكره ملهاش لزمه بس للاسف
تقى : اساعدك ؟
ام حمزه : خودى الشنطها
تقى : ياه دى تقيله اى ( اخدت الشنطه وحطتها على السرير )
ام حمزه : طب اخرجى انتى بقى يا تقى
تقى : طب اعملك حاجه ؟ ممكن انا اعمل الغدا انهاردا ؟
ام حمزه : ماشى اعملى
تقى : شكرا ربنا يخليكى
ام حمزه : تقى ممكن تنزلى تحت السرير تجبيلى الشنطه اللى على الحرف دى ؟
تقى : اه حاضر ( نزلت تقى وسحبت الشنطه )
اتفضلى
بس انا شوفت حاجه بتلمع كده تحت
ام حمزه : حاجات ايه ؟
تقى : استنى كده اشوف
شوفى دى اسوره
ام حمزه : هااااااا مش ممكن دى ضايعه منى من 10 سنين يا حببتى يا تقى ( واخدتها فى حضنها ) دى اسوره بتاعت ماما الله يرحمها
تقى : طب الحمد لله انك لقتيها دى كانت مزنوقه كده تحت الشنط
ام حمزه : وحشتينى اوى يا ماما
تقى : الله يرحمها متعيطيش الله يرحمها
ام حمزه : انتى ليكى مكفئه استنى حلاوت الاسوره ( فتحت صندوق الدهب بتاعها ) اختارى اللى يعجبك
تقى : لا دول بتوعك
ام حمزه : وانتى مرات ابنى وبنتى حاجاتى هى حجاتك لو موت انتى هتخدى الحاجات دى يلا بقى خودى اللى يعجبك
تقى : بعد الشر عليكى تموتى ايه بس والنونواللى جاى ده مين هيشيلو
ام حمزه : نونو انتى حامل ؟
تقى : مش متأكده بس شكه اصل هى ماجتش المفروض تيجى الاسبوع اللى فات ولحد دلوقتى ماجتش
ام حمزه : هاااااااا تقصدى ال بجد
تقى : اه بيتهيقلى بس متأكده كنت عاوزه اروح لماما عشان اتأكد تاخدنى ونروح نعمل تحليل
ام حمزه : ادخلى البسى وننزل نروح نعمل تحليل بسرعه
جرس الباب لتكون نجوى
تقى : يا رب تكون نجوى نروح سوى
ام حمزه : كويس انك جيتى انا هروح البس وننزل
نجوى : ليه فى ايه ؟
ام حمزه : تقى شكه انها حامل هنروح نعمل تحليل انتى سوقى بقى العربيه انا مفياش اعصاب
نجوى : طب ادخلى البسى
تقى : ( لحظت ان نجوى زعلت لماعرفت انها ممكن تكون حامل )
مالك يا نجوى ؟
نجوى : لا ابدا بس تعبانه شويه
تقى : ليه مالك ؟
نجوى : مفيش يلا ادخلى البسى عشان ننزل
( تقى داخلت لبست وام حمزه ونزلو عملو تحليل )
ام حمزه : مبروك يا تقى مبروك
تقى : انا فرحانه اوى
ام حمزه : مالك يا نجوى ؟
نجوى : لا ابدا بس انا تعبانه
ام حمزه : اه طيب هتروحى معنا ولا هتروحى بيتك ؟
نجوى : لا هروح معاكم بس هاخد عربيتى وهمشى عشان مسفره
تقى : هو انا ليه مش حسه انك فرحانه انى حامل ؟
نجوى : ( بسخريه ) اصلى غيرانه منك ههههههههه
يلا اركبى
( نجوى وصالت تقى وام حمزه من غير ما تتكلم ونزلت من العربيه واخدت عربيتها وفضلت ماشيه بيها ومش عارفه راحه بيها فين وشويه راحت عند النيل المكان اللى بيركبو منوالمراكب )
يا رب كل الستات بتحمل ليه انا لا هدى وصابرين وحتى تقى اشمعنى انا انا زهت من الحياه دى عايشه مش ليه تعب وبشيل واحط
جوزى مش ليه لوحدى
وبصرف على ابويا وامى
وابنى مكملش واخدتو منى يا رب ليه بتعمل فيه كده
ما الهام اهو عايشه مع ولادها ومرتاحه وكمان تقى وجوزها ليها لوحدها ليه يا رب بتعمل فيه كده
انا عايشه ليه عايشه اتعذب وخلاص ( باصت للنيل ) سامحنى يا رب
بس انا مش عاوزه اعيش انته اكيد يا رب كاتبلى اموت غرقانه اكيد ( طلعت على السور)