الفصل التاسع عشر والعشرون
بقلم عبير سليم
الفصل التاسع عشر
ليس كل مايتمناه المرء يدركه
هل ستنطبق هذه العبارة على علاقة فيروز بكنان ام لا
هل سيجمع الحب بينهما ام سيلعب القدر بهما
هل سيستطيع الحب الذى بينهما ان يواجه الامواج العاليه التى ستقف فى طريقهم وتسد عليهم طرق النجاة ام لا
كنان:فيروز كفاية اللى راح مننا
انا جاى وناوى اعوضك عن كل اللى فات
فيروز:بس انت رجعت عشان وصية مراتك ياكنان مش عشان بتحبنى
كنان:ايه الكلام اللى انتى بتقوليه ده يافيروز
تفتكرى انا لو مش بحبك وانتي متأكده من ده كويس
كنت اهتميت بموضوع الوصيه دى
فيروز انا مش حسيبك فاهمه يافيروز مش حسيبك
الا اذا كنت انتى اللى مش عاوزانى يافيروز
فيروز:ايه الكلام ده ياكنان
طبعا عاوزاك
كنان انا اول ماشفتك روحى اتر دت فية
كنت حسه كانى كنت ماشيه فى صحرا حموت من العطش وفجاة لقيت المية قدامى
كنت حاسه كانى طفل تايه من حضن امه وفجاة لقاه
كنت حسه انى ماشيه فى طريق ضلمة عماله اتخبط فى كل حاجه وفجاة ظهرادامى شعاع نور
وانت بتقوللى لومش عاوزانى
اذا كنت انت متمسك بية بنسبه مية فى المية
انا متمسكه بيك بنسبة مليون فى المية
انا مش حسيبك ياكنان
كنان:يبقى نتجوز واخدك انتى وولادك ونسافر
واطمنى ياحبيبتى ولادك هما ولادى
حعلمهم احسن تعليم
ومش حفرق بينهم وبين ولادى ابدا.
ده وعد منى
فيروز:كنان انت مش محتاج توعدنى انا متاكده من ده كويس
بس انت متعرفش حاجه عنى غير انى مطلقه
انا تعبت فى حياتى اوى ياكنان
ومش بسهوله كده ممكن ابدا صفحه جديده
كنان:واحنا مع بعض حتقدرى تتخطى كل اللى فات
ونبدا مع بعض من جديد
فيروز:انت متفائل اوى ياكنان
مش بالبساطه ولا بالسهوله دى ياكنان
فى حاجات كتير ومشاكل كتير اوى
انت ناسي ان ولادى مش حينفع يسافروا غير بموافقة ابوهم
كنان:كل مشكله وليها حل متخافيش
طول مانا معاكى اوعى تخافي ابدا
فيروز:عمرى ماخفت وانت معايا ياكنان
طول عمرك سندى وضهرى
وحشتنى اوى ياكنان
انا مش مصدقه نفسي لحد دلوقتى انى قاعده معاك وشايفاك بعينيه
كنان :لاء صدقى ياحبيبتى انا معاكى وعمرى ماحسيبك ابدا
فيروز:كنان معلش ممكن اقوم الوقت جرى بينا والولاد مع ماما واكيد تعبوها
كنان:مامتك عامله ايه
فيروز:الحمد لله والله شايلة معايا هم الولاد
كنان:وفريده اخبارها ايه
فريده متجوزة ماجد اللى شفته فى المكتب
ومعاها بنوته زى القمر وزى العسل بموت فيها
💞💞💞💞💞💞💞💞💞💞💞💞💞💞💞
فاتن:يعنى كنان عاوز يتجوزك ياحبيبتى
فيروز:ايوة ياماما
فاتن:طب وليه حساكى مش مبسوطه انتى المفروض تكونى سعيده بده
فيروز حبقى سعيده ازاى بس ياماما انتى ناسيه على والمشاكل اللى ممكن يعملها معايا لو عرف انى حتجوز
وبعدين تفتكرى انه ممكن يوافق ان الولاد يسافروا معايا
فاتن :طب هو كنان مينفعش ينقل شركته هنا
فيروز:مش عارفه والله ياماما
ماما انا حدخل انام عايزة ابطل تفكير شويه
فاتن:ادخلى ياحبيبتى نامى
ربنا يكتباك الخير يا بنتى يارب
💞💞💞💞💞💞💞💞💞💞
تنام فيروز وهى تفكر فى كنان ايعقل ان تصبح زوجته
ايعقل ان تبدا معه صفحه جديده
يارب انت العالم بحالى
أقف جمبى يارب
انا محتاجه اك اوى
🌸🌸🌸🌸🌸🌸🌸💞
كان ماجد مستيقظا فى غرفة نومه بينما فريده غارقه فى نومها
ماجد وهو يحدث نفسه
ياترى ياكنان انت جاى صدفه واللا جاى قاصد عشان ترجع حبك القديم
شفت الفرق بينه وبينك ياماجد
هو برغم مرور السنين بس منساش حبها فى قلبه
وجاى من اخر البلاد عشان يرجع حبها تانى
مش انت اللى فرطت فيها وفى حبها ليك بمنتهى البساطه وقلة الاصل والانانيه
بس خلاص كل واحد بياخد نصيبه
وانا بتمنى لها السعاده من كل قلبي
ربنا يسعدك يافيروز ويعوضك خير عن كل اللى شفتيه فى حياتك
🌹🌹🌹🌹🌹🌹🌹🌹🌹🌹🌹🌹
فى الصباح
يستيقظ كنان من نومه واول ما يفكر به هو الاتصال بفيروز
كانت فيروز مستغرقه فى نومها
فاليوم ولاول مرة بعد سنوات تنام بهذا الهدوء وهذه السكينه
وكانها اطمانت بوجود كنان
فهو بمثابة حصن الامان لها
فيروز بنعاس:صباح الخير يا كنان
كنان:صباح الفل ياعيون وقلب وعقل كنان
فيروز:ايه الصباح الحلو ده
وايه الكلام الجامد ده
انا مش اد ده كله
كنان:لا ياحبيبتى انتى اده ونص
فيروز:هههههه هههههه
كنان:لاء بقولك ايه اناةمش اد الضحكه الحلوة دى
فيروز:بقولك ايه انا حقوم بقى عشان اروح الشغل
كنان:شغل ايه ياقلبي
مفيش شغل خلاص
فيروز:نعم
كنان:اعملى حسابك انى جاى اخطبك النهارده
فيروز:انت مجنون
كنان:انا فعلا كنت مجنون لما فرطت فيكى زمان
ودلوقتى بقيت مجنون اكتر بحبك يافيروز
قولى لمامتك ولفريده وجوزها ويوسف
عاوز كل الناس اللى بتحبك تكون موجوده النهاردة
انا مش حضيع وقت تانى وانا بعيد عنك يافيروز
فيروز:بس انا خايفه ياكنان
كنان:اوعى تقولى انك خايفه وانا معاكى
بصي ماهو انتى لازم تكونى متاكده حتجوزك يعنى حتجوزك حتى لو اضطريت اخطفك
فيروز:مجنون وربنا مجنون
كنان:مجنون مجنون بس بحبك
تغلق فيروز مع كنان وهى غير مصدقه ماقاله لها
فقامت واخذت تضحك بشده
وكانت بتتنطط على السرير من كتر الفرحه
يارب يارب كمل فرحتى
يارب انا نفسي افرح مرة واحده من قلبي
يارب انا خايفه اوى
خليك معايا يارب
ثم تقوم بالاتصال على يوسف
يوسف:صباح الخير يا فيروز
فيروز:صباح الخير يا كنان
معلش انا مش حينفع اجى الشغل النهارده
يوسف:ليه بس ياباشا
فيروز:كنان جاى يخطبنى النهارده وعازمك انت وحور
يوسف :الف الف مبروك يافيروز
فرحتينى والله وكنان شكله راجل محترم
ربنا يهنيكى يارب
فيروز:يارب يايوسف
كانت حور تشد ذراع يوسف لتاخذ منه التليفون
فيروز معلش فى قطه عماله تشد التليفون لو مااخدتهوش حتاكل ذراعى
فيروز:هههههه هههههه هههههه
طب ادينى القطه قبل ماتاكلك
حور:ده انا حاكلك انتى ياعروستنا
الف مليون مبروك ياحبيبتى
انا فرحانه اوى علشانك
فيروز:انا عارفه والله ياحور انتى اختى ياحبيبتى
وعقبال ماربنا يرزقك بالذرية الصالحة يارب
حور:يارب يافيروز
احسن يوسف والجماعه هنا نفسهم فى بيبي
فيروز:الصبر ياحبيبتى انتى لسه عروسه
المهم متتاخريش انتى ويوسف
فيروز:اتاخر ايه يابنتى لاطبعا
انا اصلا حموت واشوف كنان اللى ياما كلمتينى عنه
فيروز:قمر قمر ياحور اجمل راجل فى الدنيا
بس ىانا خايفه تحصل حاجه
قلبي مش مطمن
حور:تفاءلوا الخير تجدوه
وان شاء الله النهارده حنزغرط ونشرب الشربات
تخرج فيروز اتخبر امها
ماماماما
فاتن:خير ياحبيبتى فى حاجه
ماما كنان حييجى النهارده يخطبنى
فاتن:بجد ياحبيبتى الحمد لله ربنا يكمل فرحتنا على خير يارب
فيروز:يارب ياماما يارب
ثم تتصل على فريده لتخبرها بالخبر
فيروز:فريده ابقى هاتى ماجد ورهف النهارده
عشان كنان حييجى يخطبنى
فريده:والله طيب تمام مبروك
اكيد طبعا حنيجى
ماشي سلام
تغلق فريده الخط وهى فى قمة الغيظ والقهر
كله بيتعدل حاله الاانا
اشمعنى حور وفيروز يتجوزوا جوزات حلوة وانا لاء
فريده تذهب الى السفرة حيث كان يتناول ماجد الافطار
فريده:ماجد اعمل حسابك النهارده معزومين عند ماما
ماجد:وايه المناسبه
فريده:كنان حيخطب حور
فيسكت ماجد ولا يرد
ثم يقول بصوت هادئ
ربنا يوفقها ويكتبلها الخير
فيروز تستاهل ان ربنا يعوضها
فريده:ايوة صبرت ونالت
🌷🌷🌷🌷🌷🌷🌷🌷🌷🌷🌷
فى الشركه يوسف يتحدث الى ماجد
يوسف:تمام كده ياماجد
ماجد:ها
يوسف:ايه ده انت مش معايا خالص
ماجد:معلش اصلي سرحت شويه
بوسف:مالك ياماجد حالك مش عاجبنى ياصاحبي
انت عاوز ايه محتار ليه
ركز مع مراتك وبنتك
وادعيلها ربنا يوفقها وكفاية اللى شافته زمان
ايوة عارف كل حاجه
اوعى تكون فاكرنى مش حاسس بيك
واللا مش عارف باللى حصل فى المكتب لما فيروز انفجرت وطلعت كل اللى جواها
ماجد:عرفت منين
يوسف:عرفت وخلاص ياماجد المهم عايزك تفوق ياصاحبي
ماجد:والله العظيم انا نفسي اشوفها اسعد انسانه فى الدنيا
نفسي هى اللى تسامحنى بجد
نفسي اقدر اعملها اى حاجه تعوضها عن االى عملته فيهازمان
يوسف:تدعيلها ربنا يوفقها وتتمنى لها الفرحه من قلبك
ماجد:ربنا يفرح قلبها يارب
🌹🌹💛💛💛💛💛💛💛
فى المساء
يجلس الجميع فى منزل فيروز
ينتظرون خروجها من غرفتها
حيث كانت حور معها فى الداخل
كنان:هى فيروز فين
يوسف بضحك:انت مش عارف الستات يعنى
تخرج فيروز ومعها حور
فيروز:مساء الخير
ينبهر الجميع بجمالها
كنان:بسم الله ماشاء الله ايه الجمال ده كله
فيروز: شكرا
تجلس فيروز بجانب
كنان والكل يتمنى لهم السعاده
حتى ماجد فبرغم انه حزين على انه اضعها من يديه
الا انه يتمنى لها السعاده من كل قلبه
يتوجه اليه كنان بالحديث حيث انه زوج اختها وفى مكانة اخيها
بشمهندس ماجد انا يسعدنى انى اطلب فيروز للجواز
فيبتسم ماجد له ويقول:واحنا مش حنلاقى لفيروز حد احسن منك ياكنان
بس بلاش بشمهندس دى احنا بقينا اهل
ويقوم ويحتضنه بكل حب
الف مبروك ياكنان
ويسلم على فيروز التى تضحك فى وجهه
الله يبارك فيك ياماجد
وتزغرد حور زغروته عاليه
فيضحك يوسف عليها
ياعم ياجامد ايه الحلاوة دى ياست الدكتورة
كان الجميع يضحكون ويقدمون التهانى ويقرؤون الفاتحه
رهف:انا ثعلانه
ماجد:حبيبة بابي زعلانه ليه
حول ويوسف اكوثوا وخالتو هو كمان حتتكوث
اثمعنى انا انا كمان عوثه اتكوث
مليث دعوى انا عاوزه اكوث
تملاء الصحكه افواه الجميع على كلام رهف
وفجاة يدق جرس الباب
فيذهب ادهم ليفتح الباب
فيدخل على
على :ماشاء متجمعين عند النبي
فيروز بصدمه:على
الكل يقف مصدوما لايتحدث
فاتن:اهلا يابنى اتفضل
على:ممكن افهم ايه اللى بيحصل ده
ماشاء الله ده الحبايب كلهم متجمعين
طب كنتى قولى لابو ولادك
واللا يعنى جت علية
واهو يمكن لمانتجمع كلنا نلم الشمل ونرجع لبعض ونربي ولادنا سوا واللا ايه رايكم ياجماعه
فيروز:ايه الكلام الفارغ اللى انت بتقوله ده
مين اللى يرجع لمين
على:ايه نسيتى انى ابو ولادك واحق بيكى
فيروز:على من فضلك الزم حدودك
واتكلم كويس
على:اه صح معاكى حق مينفعش بردو نتكلم قصاد حد غريب
ثم يشاور على كنان
الا مين الاستاذ اللى واقف ده كمان
يقوم ماجد ويقف امامه
بقولك ايه احنا ساكتينلك من الصبح
مش عشان خايفين منك
لا ده انا ممكن وربي اقسمك نصين دلوقتى
لكن عشان ولادنا اللى للاسف انت ابوهم
اللى انت بتشاور عليه ده ومش عاجبك
ده ضفره برقبة عشرة زيك
انت فاهم
ده كنان بيه خطيب فيروز
على:هههههه هههههه هههههه
خطيب مين انتم اكيد اتجننتم
فيروز دى تبقى مراتى انا
على:مراة مين ياحيوان انت
انت ناسي انك طلقتها واللا ايه
على:حرجع ها ايوة حرجع ها
فيروز مش حتكون لحد غيري
فيروز ارجوكى انا اسف سامحينى على اى حاجه زعلتك فيها
تعالى نرجع لبعض
عشان خاطر ولادنا
كنان وهو يحاول التدخل
من فضلك احنا مقدرين الوضع اللى انت فيه بس مينفعش كده
انتوا انفصلتم من فترة
ودلوقتى هيا ليها الحق انها تبدا حياة جديده
على :انت مين انت عشان تتكلم معايا
ويزق المكاز من يده
فيكاد كنان ان يقع على الارض لولا يد يوسف التى انقذته من السقوط
على بسخريه:وكمان عايزة تتجوزي واحد مشلول
هنا لم يستطيع يوسف التحكم في اعصابه فهى اهانه موجهه الى ضيفهم واصبح من عملاءه
انت ايه يااخى انت محدش قادر عليك واللا ايه ماتحترم نفسك بقى
خللى عندك كرامه وامشي من هنا
فيبعد على يده عنه موجها حديثه لفيروز
بصي بقى ياهانم
هى كلمه
ياتوافقى ترجعيلي
يااما تفضلي كده من غير جواز
لكن جواز من غيري مش حيحصل
فيروز:حتعمل ايه يعنى ياعلى
على:حاخد منك الولاد واسافر بيهم
وعمرك ماحتشوفيهم تانى ابدا وححرق قلبك عليهم
فيروز تبكى :لاء ياعلى ولادى لاء
هنا يهجم عليه ماجد ويضربه فى وجهه
انت بتقول ايه انت بتهددها بولادها
محدش حيقدر ياخد مراد وادهم من فيروز انت سامع
والله لاقتلك ياعلى الكلب
يحاول يوسف وكنان ان يبعدا ماجد عن على فقد ضربه بشده فى وجهه
وقف على ومسك فى ملابس ماجد:ماهو كله منك انت ياوش المصايب انت السبب فى كل اللى بيحصل ده
ودلوقتى عامل نفسك حمامة السلام
ثم يقف موجها كلامه لفيروز
اسمعى انا بقولك اهو عاوزه تتجوزى روحى اتجوزى
بس مش حتشوفى ولادك تانى انتى فاهمة
فيبكى مراد ويمسك بملابس فيروز
انا مش عاوز اروح معاك انا عاوز افضل مع ماما
متسيبينيش ياحبيبتى ياماما
على بمكر:ماهى ماما اللى عاوزة تسيبكم يامراد عشان تروح تتجوز الراجل ده
وتجيب ولاد تانيين غيركم وترميكم
وتحب ولادها التانيبن اكتر منكم
مراد وادهم :لاء ياماما متروحيش مع الراجل ده متسيبيناش ياماما احنا بنحبك ياماما متمشيش وتسيبينا ياحبيبتى
الكل مصدوم مما يحدث
على استطاع ان يقلب الليلة على راس فيروز ويضع اولادها فى كفه وزواجها فى الكفه التانيه
كانت فيروز تبكى بشده
لما يحدث لى هذا لم لايكتب على قلبي الفرح ولو ليوم واحد
ليه ياربي
يخرج على تاركا فيروز فى حيرتها والكل يطمئنها انه لن يتركها
كنان:اطمنى يافيروز انا مش حسيبك
فيروز:حياخد ولادى منى ياكنان
منان:مش حيقدر
فيروز:لاء يقدر باكنان يقدر
تتركهم فيروز وتدخل غرفتها وتنهار فى البكاء فتدخل لها فريده وحور لمحاولة تهدئتها ولكن بلا فائده
😘😘😘😘😘😘😘😘😘
:ليلة غريبه كآنت بدايتها سعاده وهنا ولكنها انتهت بالحزن والدموع
لم تنم فيروز طوال الليل
وكذلك كنان لم ينم ايضا
كل تفكير فيروز فى اولادها
كنان:انا حعمل ايه لوفيروز خافت
لا لا انا بجد مش حقدر اخسرهاتانى
انا ممكن ابيع الدنيا واشتريها
فيروز :ليه ياربي كده
والله ياربي انا مش معترضه على قدرك بس ليه
ده انا كنت خلاص على باب السعاده
هوانا بختى عامل كده ليه ليه
تشرق الشمس ويقرر كنان الذهاب الى فيروز
😢😢😢😢😢😢😢😢😢😢
ماجد يحدث نفسه طوال الليل
ايه ياماجد انت حتسيب الكلب ده يببع ويشترى فيها واللا ايه
انت مش وعدتها انك حتكون جنبها ودلوقتى جه الوقت اللى تثبتلها فيه انها مش لوحدها
وان ليها سند تقدر ترمى عليه حمولها
بس المشكله ان على مبيطيقنيش
واستحالة حيرضى يتكلم معايا
والوقت بيجرى وكنان عاوز يسافر عشان شغله
خلاص يبقى للاسف مفيش ادامى غير حل واحد مضطر ألجأ له
كنت عاوز اخللى الحل ده اخرحاجه افكر فيها
بص خلاص مفيش ادامى غيره
انت اللى جنيت على نفسك وحفرت قبرك بايدك ياعلى
الفصل العشرون
وضاقت فلما استحكمت حلقاتها فرجت
وماكنت اظن انها تفرج
مااعظم فرج الله عندما ياتى بعد الضيق
ولكن احيانا يحب الله من العبد ان يتقرب اليه بالدعاء ليفك عنه الكرب والضيق
ربي ليس لى سواك ليس لى ملجأ غيرك
الى متى سيظل قلبي تائها بين قلوب عبادك
الى متى ساظل ابحث عن الحياة
الى متى ساظل فى هذه المشقه
كانت تتضرع الى الله بالدعاء
ظلت طوال الليل تدعو الله
لم تنم لم تكل من الصلاة والدعاء وقراءة القران
حتى اذن الفجر فقامت للصلاة والبكاء بين يدى الله الذى اذا قال لشئ كن فيكون
مراد يطرق على الباب
مراد :ماما حضرتك صاحيه
فتقوم فيروز لتفتح له الباب وتاخده فى حضنها
مراد مالك ياحبيبي فى حاجه
مراد:انا اسف ياماما والله مكنتش اعرف ان بابا حييجى ويزعلك
فيروز:حبيبي انا مش فاهمه حاجه
مراد هو انت قلت لبابا ايه
مراد:اصل بابا اتصل بية الصبح وانا رديت عليه
وقاللى ماما عامله ايه
انا قلتله انا سمعت ماما بتقول لتيته كنان حييجى النهارده يخطبنى
بس والله ياماما مقلتش حاجه تانيه
وهو سالنى مين كنان
قلتله معرفش
متزعليش منى ياحبيبتي
متسيبيناش والنبي ياماما ادهم كان بيعيط و خايف وبيقوللى ماما حتروح مع واحد تانى وتمشي وتسيبنا
واحنا مش عاوزين نروح لبابا
ده لما خدنا معاه البيت سابنا لوحدنا ومشى
ورجع بعد كتير ياماما
لو خدنا حيسيبنا لوحدنا واحنا بنخاف
وكان مراد يبكى وهويتحدث الى امه
تاخذه فيروز فى حضنها
متخافش ياحبيبى انا عمرى ماحسيبكم ابدا
مراد:يعنى انتى مش زعلانه منى
فيروز:لا ياحبيبى مش زعلانه منك
بس يامراد لو سمعت اى حاجه متقولش ياحبيبي
مراد وهو يحتضنها:حاضر ياماما
ماما انا بحبك اوي
فيروز:طب ياللا روح عند اخوك
فيروز لنفسها:لله الامر من قبل ومن بعد
يارب حلها من عندك يارب
انا مفيش فى ايدى حاجه
🌸🌸🌸🌸🌸🌸🌸🌸🌸👌
بعدفترة يرن تليفونها
فيروز:صباح الخير
كنان:صباح النور حبيبتى عامله ايه النهارده
فيروز:الحمد لله ياحبيبي
كنان:الله كلمة حبيبي طالعه منك زى العسل
فيروز:ههههههه
كنان:ايوة كده اضخكى خللى الدنيا تضحك
فيروز:خايفه اوى
كنان:اوعى تخافى طول مانا موجود
فيروز:وانت فى ايه فى ايدك تعمله
على عنيد ومش بسهوله حيوافق على انى انجوزك ويفضل الولاد معايا
بقولك ايه هو انت ممكن تنقل شغلك مصر
كنان:حبيبتى انا علشانك اعمل المستحيل مش الممكن
بس المشكله ان الموضوع حياخد وقت شويه
لاخظى ان كل العملاء برة
حتى فلوس الشركه وكل الاوراق برة
ححتاج شوية وقت
وانا مش عاوز ثانيه تمر وانتى مش معايا
فيروز:تعرف ياكنان نفسي اوى ربنا يعوضنى
انا تعبت اوى
ونفسي قلبي يرتاح انا تعبته معايا كتير
كنان:ان شاء الله كله حيبقى تمام
وربنا يقدرنى واعوضك
واوعدك ياحبببتى طول مانا عايش على وش الدنيا مش حتشوفى غير الهنا والسعاده
فيروز:يارب
وتغلق معه الهاتف
🌹🌹🌹🌹🌹🌹🌹🌹🌹🌹🌹🌹🌹
ثم يرن تليفونها برقم ماجد
ماجد :صباح الخير يافيروز
فيروز:صباح النور يا ماجد
ماجد:فيروز اطمنى كله حيبقى تمام متقلقيش
فيروز:انت تقصد ايه باماجد انا مش فاهمه
ماجد:حتتجوزى كنان يافيروز وحتفرحى وحتتهنى معاه ومحدش حيكون وكيلك غيري يافيروز
فيروز:ماجد لهجتك فى الكلام مش مريحانى انت ناوى على ايه
لاوالنبي ياماجد الله يخليك اوعى تعمل حاجه تضرك
ماجد:انا عايزك تثقى فية يافيروز
فيروز:انا واثقه فيك ياماجد
ماجد:بجد يافيروز واثقه فية
فيروز:طبعا ياماجد انت مش قلت انك حتبقى وكيلي وانت اللى حتجوزنى لكنان يبقى ازاى مثقش فيك
ماجد:وانا اوعدك يافيروز انى حكون عند الثقه دى
فيروز :ممكن تقوللى انت ناوى على ايه
ماجد:متشغليش بالك انتى
انا اتصلت بيكى عشان اقولك اطمنى مش اكتر
فيروز:ماجد انا متشكرة اوى ربنا يخليك يارب
❤️❤️❤️❤️❤️❤️❤️❤️❤️❤️
يباشر كنان عمله من خلال الحاسوب فياتى اليه اتصال من والدته
كنان:ازيك يا امى عاملة ايه
والولاد اخبارهم ايه
معلش حبيبتى انشغلت عنكم امبارح
حياة:كنان ممكن تحجز اول طيارة وتيجى
كنان:خير ياامى فى حاجه
حياة وهى تبكى :فيروز تعبانه اوى ياكنان
يكاد قلبه ان يتوقف عن الدق بمجرد سماعه لتلك العبارة ففيروز بالنسبه اليه ليست مجرد ابنه
هى اهم شخص عنده فى هذه الحياة
فبرغم حبه الشديد لعز الا ان فيروز بالنسبه اليه عشق خاص
كنان:مالها فيروز ياامى
حياة:هى تعبت مرة واحده اخدتها وديتها للدكتور
اللى فهمته ان عندها مشكله فى القلب ومحتاجه عمليه فى اسرع وقت وانت لازم تكون موجود
كنان:قلب فيروز عندها مشكله فى القلب
لا مش ممكن اناةجاى ياماما
ويامر عاصم بحجز اول تذكرة طيران لفرنسا
ولكنه يتصل بفيروز
فيروز:ايه ياكنان هو انا لحقت اوحشك
كنان وهو يبكى :فيروز بنتى تعبانه اوى يافيروز
فيروز:بنتك تعبانه مالها عندها ايه
كنان:مش عارف حاجه كل اللى فهمته من امى ان عندها مشكله فى القلب ولازم تعمل عمليه وانا لازم اكون موجود
فيروز:الف سلامه عليها ان شاء الله حتبقى كويسه
كنان وهويبكى كالاطفال:يارب يا فيروز
فيروز دى كل حياتى لو حصلها حاجه انا ممكن
فيروز:بعد الشر عنها باحبيبي
ليه بس بتفول على البنت
كنان:انا اسف يافيروز انا مضطر اسافر
اطمن على البنت وارجعلك
فيروز:سافر ياكنان وانا اللى حتصل عليك عشانةاطمن عليها
لا اله الا الله
كنان:محمد رسول الله
🌹🌹🌹🌹🌹🌹🌹🌹🌹
يسافر كنان ولكن قبل سفره يتصل على ماجد وكان قد اخذ رقمه من فيروز
كنان:ازيك ياماجد اناكنان
ماجد:اهلا ياكنان
كنان:ماجد انا مضطر اسافر حالا فيروز حتبقى تقولك السبب
وصيتك فيروز ياماجد
اوعدنى تحميها من على لحد ماارجع
ماجد:متخفش ياكنان فيروز اختى وامانه فى رقبتى
اطمن عليها هى فى امانتى لحد ماترجع ماحدش حيقدر يقربلها
واوعدك ياكنان لو الظروف منعتك انك تيجى عهد علية حوصلك فيروز لحد عندك
كنان:وانا متاكد انك حتصون الامانه انت راجل ياماجد
❤️❤️❤️❤️❤️❤️❤️❤️
فى فرنسا
يصل كنان الى المستشفى التى توجدبها فيروز ويدخل الحجره فيجد امه وعز وفيروز ومعهم ممرضه تتحدث اللغه العربيه
حياة:كنان حمد الله على السلامه يا حبيبى
كنان:وهو يقبل يدها الله يسلمك ياامى
فيروز عامله ايه
حياة :ادعيلها ياحبيبي
ربنا يشفيها
كنان:يسال الممرضه
ممكن تطمنيني على بنتى
الممرضه:اطمئن الى حتى الان الحاله مستقره
ولكن قد تتدهور الحالة فى اى وقت ولهذا يجب عليك اجراء العمليه فى اسرع وقت
فلتذهب الى الطبيب المختص بحالتها
هو الذى يستطيع اخبارك بكل شئ
يتوجه كنان لغرفة الطبيب المسئول عن حالة ابنته
انا والد فيروز دكتور
ممكن اعرف حالة بنتى
الدكتور :انت ابو بنوته جميله دى
كنان:ارجوك يادكتور طمنى
الدكتور:بص بنتك محتاج تغيير صمام مهم جدا فى قلبها مسئول عن صخ دم للجسم كله
وبعد كده حتحتاج رعاية شديده
عشان لما تكبر لازم عمليه تانيه
كنان:دكتور بنتى حتعيش
الدكتور:انت عارف اعمار فى ايد ربنا
احنا نعمل عمليه وبعد كده نقول ايه حيحصل
بس حاله نفسيه مهمه جدا لبنت
هى كانت تعيط كتير وممرضه قالت انها كانت عاوزاك جمبها
يعنى مش ينفع تسيبها ابدا
ده ياثر على قلبها
وياثر على نجاح عمليه
كنان:حاضر يادكتور مش حسيبها ولا ثانيه
ثم يتصل على فيروز
فيروز بلهفه:كنان طمنى
فيحكى لها كنان عما قاله الدكتور
فيروز:ان شاء الله حتبقى كويسه
ربنا يطمنك عليها يارب
كنان:يارب
🌺🌺🌺🌺🌺🌺🌺🌺🌺🌺🌺
بعد عدة ايام
فى عيادة الدكتور على
على يتحدث للممرضه:فى حالات تانيه عندك
الممرضه :ايوة يادكتور فى حاله واحده
على :طب دخليها بسرعه انا زهقت
فتدخل امراة فى غاية الجمال
المراة:مساء الخير يادكتور
على :مساء النور اتفضلي حضرتك
وقد كان على معجب بجمالها ورشاقتها
نامت على سرير الكشف
وقام على بالكشف عليها وكتب لها على الدواء
ثم استاذنته المريضه فى الاتصال به اذا زاد التعب عليها
فقد كانت مريضة كلى وممكن ان تتعرض للالام الشديده فى اى وقت
على بادب ولباقه:حضرتك ممكن تتصلي بية فى اى وقت
🌺🌺🌺🌺🌺🌺🌺🌺🌺🌺
تستعد فيروز الصغيرة لدخول غرفة العمليات
كنان قلق جدا على فيروز
حياة جالسه تقرا القران
بينما عز يلعب فهو لايفهم شيئا مما يدور حوله
عز:بابا هى فيلوث لاحت فين انا مث لاقيها عاوث الحب محاها
كنان:بكرة تلعب معاها باحبببي
بس هى تقوم بالسلامه
ساعات تمر ولااحد يخرج ليطمئنه عليها
كاد كنان ان يجن
انا حتجنن مفيش حد يطمناـ
حياة:خير ياحبيبي خير ان شاء الله
كنان:يارب ياامى كارمن سايباهم امانه فى رقبتى
تفتح غرفة العمليات ويجرى عليه كنان
طمنى يادكتور ارجوك
اطمن هى كويسه
بس حتدخل عنايه مركزة لحد ماحالتهاةتستقر
كنان:"الحمد لله الحمد لله
💖💖💖💖💖💖💖💖💖💖💖💖
يمر يومان وتخرج فيروز الى حجرة عاديه
وكانت فيروز الكبيرة دائمة الاتصال بكنان للاطمئنان عليها
فيروز تريد التحدث لحياة
حياة:ازيك ياحبيبتي عامله ايه
وحشتينى اوى ياحبيبتى
فيروز:حضرتك والله وحشتينى اكتر
حياة:ربنا يقرب البعيد يارب
ويجمعنا على خير ياحبيبتى
فيروز :يارب
تغلق فيروز التليفون وهى تحدث نفسها
ياترى انت فين ياماجد
بقالك فترة مبتتصلش علية
ولا اعرف عنك حاجه
انا خايفه تكون رجعت فى كلامك تانى
واللا تكون معرفتش تعمل حاجه مع على
يارب والنبي طمن قلبي
انا خلاص تعبت باربي والله تعبت
🌺🌺🌺🌺🌺🌺🌺🌺🌺
فى المساء يجلس على فى منزله ويشاهدالتليفزيون
فيجد رقما يتصل به
الو
_مساء الخير يادكتور على
على:مساء النور مين معايا
_انا مدام سهى اللى كنت عند حضرتك فى العياده من يومين
على:اهلا بحضرتك عامله ايه دلوقتى
سهى:"تعبانه اوى يادكتور وانا لوحدى معييش حد فى البيت
على:طب ممكن تدينى العنوان وانا حاجى اشوفك
سهى::ربنا يخليك يادكتور انا الكلية تعبانى اوى مش قادرة اتحمل الالم وتصرخ بشده ااااه
على:خلاص خلاص حالا حكون عندك
يصل على الى منزل سهى
ويدق الجرس فتذهب لفتح الباب وهى متعبه
بمجرد ان فتحت له الباب كادت ان تسقط على الارض
لولا يد على التى انقذتها من السقوط
ثم اوصلها الى غرفة نومهاو اعطاها حقنه مهدئه
حتى سكن الالم وشغرت بزوال الالم
على:هو انتى عايشه لوحدك
سهى :جوزى مسافر وانا بكون لوحدى معظم الوقت
على:فى حد بردو يبقى معاه الجمال ده كله ويسيبه
سهى:حعمل ايه بقى نصيبي
ده حتى لما بييجى بيفضل طول الوقت عند اهله وانا بيقعد معايا وقت قليل جدا
على:ده اكيد مجنون
هو انتى ممكن راجل يبقى متجوزك ويسيبك لوحدك
سهى:مش وش نعمه حتقول ايه بقى وتضحك ضحكه عاليه
ههههههه ههههههه
فتثير على بهذه الضحكه
فيقترب منها على ويحاول لمسها
فلا تمانع اقترابه منها
فيميل بها على السرير
ويبدا فى تقبيلها
وهى متجاوبه معه
ثم تفيق
دكتور على حضرتك بتعمل ايه
على:انا اسف بجد بس مقدرتش اقاوم جمالك
انتى حلوة اوى
سهى:بس انا متجوزة
ومش عاوزة اعمل حاجه غلط
على:خلاص اطلقى وانا اتجوزك
سهى :بس هو بيصرف علية كويس اوى
ده مليونير وعلى قلبه اد كده
فيلعب الشيطان براس على
خلاص نخلص منه
سهى:يالهوى انت عاوز تودينى فى داهيه
على:ولا داهيه ولاحاجه
انتى ناسيه انى دكتور
اناممكن اديكى حاجه تديهاله
كل يوم وبعد فترة قصيرة حيموت
وحتبقى الوفاة مفيهاش اى شك
سهى:ده انت طلعت داهيه
على:بس اوعى بعد كده تسيبيني
سهى :اسيبك ازاى ده انت ممكن تودينى فى داهيه
على:برافو عليكى
بس انا بقى حموت عليكى دلوقتى
وياخذها فى ا حضانه لممارسة ما حرمه الله
كان على وسهى مجردان من ملابسهما
غارقان فى ممارسة الفاحشة
وعلى تائها وغائبا عن الوعى
فلقد انبهر بجمالها
وفجاة يفتح الباب عليهم
سهى بصدمه يالهوى جوزى
تحاول ان تستر نفسها
بينما على كان حاله ليس باقل منها سوءا
فهو طالما مارس الفاحشه ولكن لاول مرة يحدث معه هذا الموقف
على:انا انا ويحاول ان يتكلم فلا يستطيع
بينما الرجل كان فى حالة هياج شديده
فزوحته تخونه على فراش الزوجيه فماذا يفعل
اخرج المسدس من جيبه
انا حقتلكم ياكلاب
حخلص عليكم
واغسل عارى
ويوجه اليهم المسدس
فيرتعب على من الخوف
ارجوك متقتلنيش
ارجوك انا عندى ولاد
انا حقتلك ومش حاخد ساعه حبس فيكم انتوا الاتنين ده دفاع عن الشرف ياكلاب
سهى :لاترد ولاتتكلم
على:الله يخليك انا مستعد اعمل اى حاجه بس متقتلنيش
الرجل :انت فعلا حتعمل
بس مش انا اللى حقلك تعمل ايه
ويفتح الرجل باب الغرفه :اتفضل ادخل ياباشا
فينظر على نحو القادم وهو فى صدمه شديده :ماجد
فيضحك على بشده
ههههههه هههههه ههههههه هههههه
انتوا بتستعبطوا انتوا عاملين. لعبه علية
وينظر لسهى:وانتى يابت ال............معاهم
فيامرها ماجد بنظرة منه ان تقوم من على الفراش
فتلف الملايه حول نفسها وتقوم من على الفراش
ماجد:ايوة لعبنا عليك لعبه ياعلي
لاء وانت الشهاده لله ساعد تنا جامد
بوساختك وديلك النجس
لاء وكمان عاوز تقتل الراجل يابجاحتك يااخى
على:انت عاوز منى ايه
ماجد:عاوز منك ايه حتعرف دلوقتى
بس لما تغرف ايه اللى حيحصل لو رفضت
اولا:شايف الكاميرات دى صورت كل اللى حصل بالصوت والصوره
زنا واتفاق على قتل
يعنى رايح فى داهيه
سجن وفضيحه بجلاجل ده غير انك حتتفصل من النقابه
يعنى تبقى تفكر فى شغلانه تانيه بعد ماتخرج من السجن
اقولك اشتغل فى الدعارة هههههههه
وثانيا:الراجل ده جوزالهانم دى يعنى لو قتلك مش حياخد فيك ساعه حبس
وبرة فى شهود يشهدوا باللى حصل
هاه ايه رايك يادكتور على والله انت خسارة فيك كلمة دكتور
على :انت عاوز ايه ياماجد
ماجد:حاجه صغيرة اوى
تمضي على الورقه دى
على:ايه ده
ماجد:تنازل رسمى عن الولاد
وحقهم فى السفر مع امهم لاى مكان
ووصايه كامله لامهم عليهم
وده بقى ايصال امانه ب٣مليون جنيه عشان لو عملت حركه نص كم حسجنك
وده اعتراف منك بانك كنت عاوز تقتل الراجل ده
على:انت مجنون لاء طبعا انا مش حمضي على حاجه
ماجد:يبقى انت اللى جنيت على نفسك
وانا مش حوسخ ايدى بدمك النجس
مختار:اوامرك ياباشا
ماجد:رصاصتين فى دماغه وتبلغ البوليس بجريمة زنا
وكده تبقى فيروز هى المسئوله عن ولادها
وكله بما يرضي الله
على:خلاص خلاص انا حمضى
يمضى على وهو يلعن ويسب غباءه الذى اوقعه فى ذلك الفخ
💖💖💖💖💖💖💖💖💖💖💖💖💖💖
في الصباح الباكر
فى منزل فيروز
يرن الجرس
يفتح ادهم الباب
عمو ماجد جه
فتتجه فيروز ناحيته
ايه ياماجد هو ده وعدك لية انك مش حتسيبنى
ماجد:وانا ماخالفتش وعدى ليكى يافيروز
فيروز :طب طمنى ياماجد فى اخبار جديده
ماجد:فى كل خير يافيروز اتفضلي
فيروز وهى غير مصدقه ما تقرا
مش ممكن انا مش مصدقه اللى عينى شايفاه
ازاى ده حصل
على وافق ازاى يكتب التنازل ده
ماجد:مش مهم ازاى
المهم انه كتبه
فيروز:لاء ياعلى من حقى اعرف
يضطر ماجد ان يحكى لها ماحدث
فيروز:وانت ازاى قدرت تعرف ناس زباله زى دول ياماجد
ده انت عمرك ماشربت سيجارة
ماجد:احنا رجاله وقت الجد
فيروز:بس انا مكنتش عاوزة ابو ولادى يتحط فى موقف زى ده
ماجد:مكنش ينفع معاه حل تانى
مكنش ادامى غير كده
اعملى حسابك تجهزى حاخدك ونسافر فى اقرب وقت لفرنسا
معاكى الباسبور بتاعك
فيروز:ايوة
ماجد:تمام
انا حجهز كل شئ
حوصلك لكنان واجوزكم زى ماوعدتك يافيروز
وعد الحر دين عليه
فيروز:بجد انا مش عارفه اشكرك ازاى ياماجد
ماجد:تسامحينى من قلبك يافيروز
فيروز:مسامحاك ياماجد
ربنا يخليك لينا يارب
يخرج ماجد وهو فى قمةسعادته انه استعاد ثقة فيروز فيه
ثم يقوم بعمل اتصال
ماجد:مختار
مختار:ايوة ياباشا
ماجد:حاسبت الرجاله
مختار:ايوة ياباشا بس البت سهى تعبانه اوى
وغسيل الكلى بتاعها بقى مش نافع
البت دى غلبانه اوى يابيه
وصعبانه علية
منه لله جوز امها هو االى زقها فى السكه الشمال دى
ماجد وقد رق قلبه
انت تعرف البت دى كويس يامختار
مختار :طبعا ياباشا اعرفها كويس اوى من ايام ماكانت عيلة صغيرة
والله كانت أجمل بنت فى الحته
وكانت شاطرة فى المدرسه
وابوها كان راجل غلبان اوى
بس لما مات امها بقى الله يسامحها راحت اتجوزت واحد صايع
لف عليها وخلاها كتبتله البيت اللى كانوا عايشين فيه باسمه
وبعد كده خلاها طلعت سهى من المدرسه
وشغلها خدامه فى البيوت
واجبرها تمشي فى السكه الحرام واللا يطردها هى وامها واخواتها فى الشارع
بس الكلى بعد كده تعبت اوى من نومتها على البلاط فى عز البرد
والغسيل بقى زى قلته ياباشا
ماجد:البت دى عندهاةجواز سفر
مختار:مش عارف ياباشا
ماجد:حتاخدها حالا وحتعملها جواز سفر وحنستعجله حيخلص فى نفس اليوم
وحتسافر معايا فرنسا حعملها عملية زرع كلى
بس بشرط
مختار:اشرط ياباشا
ماجد:تنضف وتبطل القرف ده
وحنشوف لها شغلانه محترمه
مختار:بجد ياباشا
دى حتفرح قوى
ربنا مايرميك فى ضيقه يارب
جميلك ده ياباشاحيفضل فى رقبتى العمر كله
ماجد:عيب عليك يامختار
ده انت راجل وجدع
وطول عمرى بعزك
وياعالم يمكن لو ربنا هداها تكون طريقنا للجنه
🌹🌹🌹🌹🌹🌹🌹🌹🌹🌷🌷🌷🌷🌷🌷🌷
طريق يفتح بابه للسعاده امام الجميع
ماجد وفيروز واولادها ومعهم سهى التى تاخذ حانبا وحدها
فهى محرجه بشده من ماجد وعائلته الذين يظهرون بمظهر جيد
فهى طوال حياتها لم تعهد سوى الفاسقين
ولم تعهد العاءلات المحترمه قبل ذلك
كانوا جميعا فى صالة الانتظار بالمطار
ثم يتوجهون جميعا الى الصعود للطائرة
تجلس غيروز وبجانبها اولادها فى ناحيه
ببنما يجلس ماجد وقد اجلس سهى بجواره فى الناحيه الاخرى
بينما كانت سهى محرجه وبشده من وجود ماجد بجوارها
واخيرا يصلون فرنسا حيث يجدون كنان فى انتظارهم
فياخذ ماجد بالحضن
راجل واد كلمتك ياماجد
ماجد:انا جيت اسلمك الامانه بنفسي
كنان:امانتكم فى الحفظ والصون
يتوجهون جميعا الى المنزل حيث عادت فيروز الصغيرة الى المنزل
تتوجه فيروز الكبيرة بالسلام على حياة
حبيبتى ياطنط حياة وحشتينى اوى
لا ياحبيبتى من النهارده اسمى ماما حياة
يجلس الجميع بينما سهى لاتتحدث
حتى ان فيروز لا تعرف شيئا عن هذه الفتاة
فتاخذ فيروز ماجد وتقف جانبا بينما الصغار يلعبون
ماجد:هى مين دى انا معرفتش اسالك عنها واحنا فى المطار
ماجد :دى بنت غلبانه مريضه وحعملها عملية زرع كلى
وانا اتفقت من مصر قبل مانيجى مع دكتور هنا وحدخلها المستشفى من بكرة
وعلى فكرة يافيروز البنت دى ساعدتنا كتير فى موضوعك
فيروز:دى امورة اوى وشكلها بنت غلبانه
ماجد:المهم عندى دلوقتى انك تكونى مبسوطه
فيروز:انا حطير من الفرحه والفضل يرجعلك ياماجد
جميلك ده حيفضل فى رقبتى العمر كله
ماجد:هو فى بين الاخوات جمايل
اهم حاجه اجوزكم بقى وارتاح
عشان اكمل المهمه بتاعتى على خير
واخد سهى ونرجع مصر
عاوز اشوف يوسف
بقالى فترة رامى الحمل كله عليه لوحده
عز يتحدث الى مراد:يحنى انتوا حتعيثوا معانا
مراد:ايوة
هى فين اختك اللى اسمها فيروز
عز:فيلوث تعبانه
تعالى معايا نلوح عندها
يجرى الاطفال ويلعبون سويا وهم فى منتهى السعاده
فيروز تنظر للحائط فتجد صورة زفاف كنان وكارمن
كنان :فيروز لو الصورة مضايقاكى نشيلها واخليها فى اوضة الولاد
فيروز:لا طبعا انا عايزاها قصادى على طول
كفايه انها السبب فى وجودى هنا دلوقتى
ياجماعه عايزين كلنا نقرا الفاتحه لكارمن
ويبدا الجميع فى قراءة الفاتحه
على روح هذه النقيه التى كانت سببا فى رجوع كنان لحبه الاول