بسم الله الرحمن الرحيم
# سأنتصر_و_لكن.....(البارت 4 ).
(بقلم امال عثمان
معاذ بمزاح : يبقى هنروح المستشفى علطول مش كده يا شيماء.
شيماء : الناس بتاكل وتقول بسم الله انما انت بتاكل تقول هنروح المستشفى .
محمد : اكل شيماء لا مؤاخذه يا شيرين أحسن من امها بكتيير ولا بالذات السلطه.
شيرين : لا مؤاخذه ايه بقى .
محمد : طب قولي رأيك .
شيرين : لا بجد نفسها حلو في الأكل.
شيماء : تسلم......
قاطعها معاذ
معاذ : ايه ده الكل بيمدح فيكي كده وانتي ساكته .
شيماء: علفكره أنا كنت لسه حالا هقولهم تسلمولي مايحرمنيش منكم أبدا بس حضرتك قاطعتني .
معاذ: طب كلي ومتتكلميش وانتي بتاكلي .
تقول في نفسها : ده انت عايز تنقطني أنا اللي بتكلم
خرج منها الكلام وكأنها تهمس فسمعوها ولكن خفيف لم يفهموا شئ .
معاذ: أنا بقول يا عمي نروح المستشفى علشان نطمن عليها .
شيماء: مش قولت مفيش كلام على الأكل.
وبعد فرغ الكل من أكله جاءت شيماء ومعها الحلويات والشاي وأخذت تعلوا الضحكات فمن مجيئ معاذ بدئ الكل يضحك اما قبل مجيئه فكانت شيماء تذاكر ولا معها وقت للضحك حتى ، لكن عندما جاء كأنها نست كل هموم الدراسه وجاء الليل وهم لا يدرون كم من الوقت عدى.
شيماء : أنا هقوم أصلي وأنام.
شيرين : طيب يا حبيبتي .
معاذ: وأنا كمان عايزين حاجه.
محمد : اقعد ماعانا كمان شويه لسه بدري على ميعاد النوم .
معاذ: معلشي يا عمي اصل لسه مرتبتش الهدوم ولسه مصلتش العشاء.
محمد : طيب ما تيجي نصليها جماعه.
معاذ: هتوضى وأجيلك.
( في غرفة شيماء تقول لنفسها ).
شيماء: الحمد لله صليت لسه بقى مذاكرتش حاجه انهارده خالص ومش عارفه هيجي لي نوم اذاي من غير ما أذاكر اذاي يوم يعدي من غير ما أذاكر ده أنا حتى في الأجازة كنت إيما أقرأ كتاب أو أذاكر في منهجي أنا بكلم نفسي ليه هو أنا مجنونه الحل بسيط خالص أحل كام امتحان لحد ما أنعس على نفسي وبعد كده أقوم أنام على السرير .
.......
وبعد ما انتهى معاذ من الصلاه قام و ذهب إلى غرفته وقام بترتيب هدومه في الدولاب وذهب إلى غرفة المكتبه لكي يقرأ وجد معظم المكتبه مليئه بقصص الأطفال والألغاز والمغامرات وبعض الكتب عن التكنولوجيا والفلاسفه...و...و...وغير ذالك.
ويقول : ايه كل الكتب دي وبتقولي عليها مش مليانه ههههههه ويضحك تلقائياً عندما يفكر فيها .
وبعد صلاة الفجر استيقظت شيماء وهي نائمة على المكتب وقامت لتصلي
اما عن معاذ فهو أيضا كان نائما في غرفة المكتبه قام ليصلي وبعد ما انتهى قام ليعد لنفسه أجمل وألذ كوب من القهوة( نعم فهو من عشاق القهوة ) وأيضا شيماء من عشاق القهوة.
فهي ارتدت حجابها وقامت لتصنع كوب من القهوة وتجمعهما الصدفه .
شيماء : انت بتعمل ايه.
معاذ: أنا جاي أعمل قهوة وانتي .
شيماء: أنا جايه اعمل قهوة .
معاذ: بتقلديني هتلاقكي بتقولي كده وخلاص وانتي أصلا مش بتعرفي تعملي قهوة.
شيماء: بعرف اعمل قهوة وأحسن من بتاعتك كمان.
معاذ: وريني بتعرفي تعملي قهوة ولا لاء.
شيماءوهي تنظر إلى القهوة التي على النارفقد فارت : حاسب ..
معاذ: يا خساره يظهر إني هشربها من غير وش .
شيماء: علشان تعرف تتريق عليا اوي وسع كده .
معاذ:هو أنا جات جمبك .
شيماء: شوف بقى القهوة بتاعتي هتتطلع حلوه اذاي.
معاذ : أنا هطلع لتقولي أنا اللي خلتها تفور.
وتسرح لبعيد وتقول : الثانويه دي مخليه الواحد متوتر أوي ده الواحد بيكون متوتر وفي الأخر يجي جذمه ابن جذمه ويسرب الامتحانات
ينهااار مش فايت القهوة فارت دلوقتي يقول أنا خلية القهوة تفور بمزاجي علشان أقلده هعمل ايه دلوقتي .
وهو يتابعها بصمت
هشرب نصها واقول شربت وش القهوة عادي يعني .
سمعت أصوات ضحك تأتي من خلفها .
معاذ: يخرب عقلك المذاكرة مخلياكي مش شايفه قدامك خالص .
شيماء: يعني مش هتقول بقلدك .
معاذ: لا خالص لأن أنا عارف انك بتعرفي تعمليها.
شيماء : طب كويس.
معاذ: يالا نبدأ مراجعه .
شيماء: اه يالا .
معاذ وهو يعتدل للجلوس على الكرسي : هعطيلك الأول إمتحان من كل ماده اشوف مستواكي و أشوف المنهج.
شيماء: ماشي.
وبعد ما انتهت من الحل وانتهى هوا من مراجعة المنهج
بدئ يراجع في الأمتحانات .
معاذ باستغراب : ايه ده ايه ده.
شيماء: ايه في ايه.
معاذ: ده انتي مفيش عندك ولا غلطه وكمان كاتبه اجابه نموذجية
امال متوتره وخايفه وقلقه أبوكي معاكي ليه.
شيماء: اصل كل سنه أسمع عن الأمتحانات اللي بتتسرب في الثانويه والبنات مجهودها بيضيع ومش بس كده بتتظلم كمان
ماعتش حد عنده ضمير خالص.
معاذ: أنا ما كنتش اعرف انه بيحصل كده على العموم ذاكري وأكيد ربنا عمره ما هيضيع مذاكرتك دي على الفاضي
والملائكةبتضع أجنحتها لصاحب العلم
تفائلي خلي عندك امل.
شيماء: كلام حضرتك بيطمن القلب اوي.
معاذ: طيب على العموم كل يوم هنحل إمتحانات كتير
ونراجع كل يوم ماده ولو كنتي عايزه ترجعي كمان هنراجع وأنا معاكي
كويس كده.
شيماء : اه ماشي.
...
في غرفة شيرين .
شيرين : انت عارف يأبو شيماء أنا نفسي يكون معاذ من نصيب شيماء.
محمد : وأنا نفسي كده برضوا .
شيرين : اه لو يحبوا بعض .
محمد : شيماء مش بتعترف بحاجه اسمها حب شايفه ان الحب ده خرافات.
شيرين : أنا عايزه يفضل هنا علطول.
محمد : مش هينفع أبوه هيجي ياخده انهارده .
شيرين : هيمشي انهارده دي شيماء ممكن تزعل.
محمد: حاولت معاه علشان يسيبه عندنا كام يوم بس هوا مش راضي
أب وعايز يشوف ابنه هنمنعه .
شيرين : عندك حق .
محمد : والله هيوحشني ده ابني اللي أنا مخلفتهوشر.
شيرين : أنا هقوم أحضر الفطار.
..
شيماء: صباح الخير يا ماما بابا صحى؟
معاذ : صباح الخير يأجمل طنط فالدنيا.
شيرين: صباح النور يا حبايبي ، اه صحى بيصلي الفجر.
شيماء: طيب اقوم أحضر معاكي الفطار.
شيرين : لا يا حبيبتي خليكي ذاكري أنا هحضره.
شيماء : يا ماما لا خليكي هحضره معاكي.
شيرين : قول انت يا معاذ مين المفروض يسمع كلام التاني .
معاذ : إنتي طبعا.
شيماء: خلاص الأم وابنها اتفقوا عليا ،خلاص انا هقوم أذاكر.
ظل معاذ يضحك على تصرفاتها الطفولية .
شيماء : أضحك أضحك.
معاذ: يعني بلاش أضحك.
وأعدت شيرين الفطار والكل فطر وشرب الشاي وذهبت شيماء لتكمل دراستها وقامت شيرين لتعد للغدا وذهب محمد الشغل وقام معاذ ليقرأ في المكتبه فهو بدئ يحب الكتب.
(صوت رنين الجرس)
شيماء : هشوف أنا يا ماما خليكي
ايه ده عمو حسن تعالى اتفضل .

حسن : اذيك يا شيماء عامله ايه.
شيماء بحنان: الحمد لله تعالى اتفضل.
حسن : اومال...
معاذ : وانا موحشتكش مبتسألش عليا .
حسن : كنت لسه هسأل عليك بس انت قاطعتني.
(وأخذ كل واحد يعانق التاني وكأنهم أول مره يلتقيان).
شيماء : الحمد لله يعني مش معايا بس بيقطع الكلام.
حسن : هو بيعمل كده معاكي.