رواية بائعة الورد
الفصل الخامس والسادس
بقلم اسماء ابراهيم
#بائعه الورد.
الفصل الخامس....
بمطار قنا تعلن خطوط رحله الطيران عن وصول الطائره القادمه من القاهره هبطت الطائره ونزل يوسف الشناوي بطله رائعه تخطف الانظار فهو ذات هيبه عاليه وكان في انتظاره أخيه وابن عمه بالسياره خارج المطار.
معتصم: يوسف احنا هنا تعالي يابرنس حمدالله علي السلامه واحشني جدا.
يوسف يشاور له بيديه واول ما يصل إليه ينزل معتصم ومعه سالم ويتبادلون السلام.
سالم: حمدالله علي السلامه ياكبير واحشتنا ياجو ايه ياعم مش عاوز تيجي ولا الجو عجبك في القاهره.
يوسف: الله يسلمك ياسالم وانت كمان وواحشني هزارك والقعده معاك واكيد طبعا جو القاهره احلي وعجبني.
معتصم: اوباااا ياجو طيب اخبار القاهره ايه حلوه كده ولا
يوسف: تعرفوا حاجه انتوا لو مش اخويا وابن عمي كنت رحبت بيكم في القسم وعملت معاكم الواجب.
سالم وهو يجري يركب السياره لا وعلي ايه الطيب احسن نورت البلد ياباشا مصر.
يضحك يوسف ومعتصم عليه ثم يصعدون السياره وينطلقوا بها الي قصر عائله الشناوي وبعد دقائق وصلوا الي البيت ونزل من السياره يوسف ومعه معتصم وسالم.
في الداخل كان يجمع الحج قاسم الشناوي باولاده وأهل البيت جميعا ينتظرون قدوم يوسف.
دخل يوسف وألقي عليهم السلام واقترب من جده وجدته وقبل رأسهم وبعدها قام باحتضان والده والدته وألقي السلام علي عمه وزوجته وابنته نغم ثم بعد ذلك احتضن زوجه عمه سالم والده ياسمين السيده مني فهو يعتبرها مثل والدته
الحج قاسم: كيفك ياولدي اتوحشتك قوي .
يوسف: وحضرتك كمان ياجدي وكلكم وحشتوني جدا واطمن قاعد معاكم 48ساعه بحالهم.
لبني: يوسف يابني نفسي تقعد معانا اسبوع معانا مش كام ساعه وتسافر ياحبيبي بتقلقني عليك ما تقول حاجه ياطاهر .
طاهر: ابنك مش صغير علي كده ياأم يوسف ده راجل وشغلانته تشرف اي حد واطمني ولد بخير طول ما اني وانتي وجده وجدته راضين عنيه وبندعيله.
الحج قاسم كان يستمع إلي حوارهم بضيق فهو يريد أن يوسف يترك عمله في الشرطه ويشتغل مع والده.
الحجه حسيبه: طمني ياولدي علي ياسمين اتوحشتا قوي .
يوسف: ياسمين بخير ياجدتي وبتسلم عليكوا وبتقولكم هاتيجي يومين اخر الاسبوع الجاي بس ياريت ياسالم تسافر تجيبها عشان ماتبقاش لوحدها في الطريق.
سالم: حاضر يايوسف علم وينفذ ياباشا مصر.
يوسف: استأذنكم اطلع اخد دش دافي واغير هدومي وحياتك ياماما عايز اكل فطير مشلتت ومعاها عسل وقشطه .
إلهام: عيوني ياولدي انا عملت فطير مشلتت النهارده تاكل صوابعك وراه.
يوسف: تسلمي ياعمتي اكيد احلي فطير وصحيح يانغم ياسمين بعتالك معايا الكتب اللي طلبتيها.
##########################
في القاهره بفيلا مراد المرشدي كانت شدوي جالسه بغرفتها تتصفح بعض صفحات التواصل الاجتماعي فأخذها الفضول بالبحث عن الاكونت الخاص بدكتور سراج وبالفعل وجدت صفحته الشخصية وقالت لنفسها...
اخيرا لاقيتك لما ادخل بقي اتفرج علي الصفحه وأحاول اعرف معلومات كتير عنه.
وفي اثناء التصفح في صفحته لفتت انتباهها صوره له في المصيف فقامت بحفظها وبعدها أغلقت اللاب وامسكت الهاتف وقامت بالاتصال بصديقتها ياسمين.
شدوي: سو حبيبتي عندي ليكي مفجأه مش هاتصدقي انا وصلت لإيه.
ياسمين: وصلتي لإيه يامجنونه اوعي يكون اللي في بالي.
شدوي: هههههه اه وصلت لصفحته الشخصيه واو ياسو عليه وعلي جماله ولا صورته في المصيف حاجه وهم.
ياسمين: يابنتي اعقلي مش كده انا حاسه عقبال ما نخلص الجامعه هاتكوني اتجننتي رسمي.
شدوي: انتي تعرفي لما طلعت عنده المكتب انا كنت متوتره جدا وقلبي كان واقع في رجلي وفرحت اوي لما قالي انتي من التيم معايا.
ياسمين: مش بقولك مجنونه يالا بقي روحي نامي ونتقابل بكره في الجامعه تصبحي علي خير ياقلبي.
شدوي: وانتي من أهله يابيبي بااااي.
وبعد انتهاء المحادثه التليفونية بينهم اتصلت ياسمين بالاتصال علي يوسف للاطمئنان عليه وفي خلال ثواني كان يجيب عليها يوسف.
يوسف: حبيبي وحشتيني اوي ياسو .
ياسمين: ياسلام عشان كده اتصلت اول ما وصلت مش انا قولتلك تكلمني .
يوسف: قلب يوسف زعلانه ماقدرش انا علي كده بس حبيبي غصب عني خرجت من المطار لاقيت جوز الغراب واقفين .
ياسمين: اكيد معتصم وسالم صح حرام عليك يوسف ماتقولش عليهم كده.
يوسف: عيوني ليكي ياقمر صحيح كلهم هنا بيسلموا عليكي وعرفتهم انك جايه اخر الاسبوع الجاي وكمان قولت لسالم ينزل يجيبك من القاهره عشان ابقي مطمن عليكي.
ياسمين: حبيبي ياجو ربنا يخليك لقلبي .
يدخل معتصم وسالم علي يوسف الغرفه ويقول سالم...هاااا ياجو وصلت بالسلامه
معتصم وهو يقلد ياسمين: كنت قلقانه عليك اوي ياجو .
يوسف يقوم برمي المخده عليهم وفي الناحيه الأخري تضحك ياسمين عليهم وتقول ليوسف سلام ياجو وابقي طمني عليهم اخدوا كام غرزه.
يوسف: سلام ياقلبي بقي انت وهو بتعملوا عليه حفله والله لعلقكم النهارده وخرج معتصم وسالم يركضون وخلفهم يوسف.
*********************"**************"*
في صباح اليوم التالي تشرق الشمس بنورها الساطع علي جميع ابطالنا
في قنا كان يوسف استيقظ مبكرا وخرج اصطحب الخيل وركض به فهي عادته عندما يكون متواجد في قنا وبعد نصف ساعه رجع الي القصر وصعد غرفته وأخذ حمامه الدافئ ونزل ليتناول الفطار مع عائلته.
في مكان آخر القاهره كانت روضه تطرق باب الغرفه علي ياسمين لكي تستيقظ وتذهب الي جامعتها.
روضه وهي تفتح الشباك قومي ياسمين هاتتأخري كده علي الجامعه انا من بدري بصحي فيكي.
ياسمين: معلش ياروضه سهرت جامد بالليل وماسمعتش صوت المنبه هي الساعه كام.
روضه : ساعه قربت علي تسعه يالا بقي عشان نلحق محاضره الساعه 11.
ياسمين: ياخبر انا اتأخرت اوي في النوم ماتقلقيش نص ساعه وأكون جاهزه.
في فيلا مراد المرشدي كان فادي يجلس علي السفره يتناول الفطار ونزلت شدوي أخته وجلست معه
شدوي: صباح الخير يافادي .
فادي: صباح الخير ياشدوي يالا افطري بسرعه عشان تلحقي المحاضره الأولي.
شدوي: عندك حق احسن الدكتور رخم اوي ومصر يحرجني كل شويه ماتوصيه شويه ده حتي انا زي اختك.
فادي: شدوي انتي عارفه رأيي في الموضوع ده مش عايز حد في جامعه يقول عشان أخته متحيز لها.
شدوي: اوكي يادكتور يالا شاو.
******"***""*****"""*****"""*****"''*****
الحج قاسم: يوسف ياولدي خلص فطورك وحصلني علي المكتب عايزك .
يوسف: حاضر يا جدي انا قايم مع حضرتك الحمدلله فطرت.
محمود: في حاجه يابوي .
الحج قاسم: خير ياولدي تعالي انت وولدك وانت ياطاهر تعالي ومعتصم كماني.
كان توتر ظاهر علي الجميع وبدأ كل فرد ينظر إلي الآخر باستعجاب وفي ثواني كان الحج قاسم دخل مكتبه وخلفه أولاده وأحفاده.
الحج قاسم: اني خابر كل واحد فيكم بيقول في عقل باله اني عايزه ليه انا هقول كلمتين ولازمن تعملوا بيهم.
يوسف: خير ياجدي حضرتك طلبت مني اول واحد اجي لحضرتك.
الحج قاسم: خير ياولدي انا خابر زين انك رافض تشتغل مع ابوك وعمك انت حر ياولدي ومش هاجبرك تهمل شغلك اني عايزك ترتب حالك في اجازه السنه دي تعقد علي بت عمك ياسمين وانت ياطاهر اعمل حسابك علي أكده هي كلها السنه الجايه وبت اخوك تخلص الجامعه .
طاهر: حاضر يابوي اللي تأمر بيه نافذ مبروك يايوسف ياولدي.
الحج قاسم: وانت يامحمود اعمل حسابك ومعاك سالم ومعتصم مسؤولين قدامي علي كل كبيره وصغيره في الشركه والمخازن وطاهر مسئول عن المزرعه والديوان.
محمود بفرحه: ربنا يباركلك يابوي كلامك زين واني من دلوقك جاهز.
سالم: ياجدي بستأذنك اكون مع عمي طاهر في المزرعه وكفايه معتصم مع ابوي في الشركه ولو احتاجوا حاجه مني في اي وقت هاكون موجود لكن عايز ابقي مستقر في المزرعه.
الحج قاسم: بخاطرك ياولدي انت ومعتصم واحد وكلكم اخوات ومصلحتكم واحده وانت ياطاهر اول ما تقبض فلوس محصول الدره اعمل حساباتك وتقسم الفلوس بنص بين ياسمين ونغم.
طاهر: اطمن يابوي وفتحت حساب في البنك لياسمين ولنغم .
محمود: انت بتقول ايه يابوي فلوس ايه اللي بين نغم وياسمين وحق ولدي وولد اخوي فين مش كلهم واحد عنديك.
الحج قاسم: كلمه واحده تاني يامحمود وهقول كلام مايلدش عليك ويفتح في القديم وانت خابر واني خابر.
سالم ومعتصم تبادلوا النظرات بينهم واستأذنوا وخرجوا لكن يوسف نظر إلي عمه محمود وبدأت الشكوك تتحول إلي حقيقه بأن محمود عمه له حكايه ووعد نفسه أن يعرف كل شئ
#بائعه الورد.
الفصل السادس...
بعد أن اجتمع الحج قاسم باولاده وأحفاده خرج الي ساحه القصر حيث يجلسون السيدات وأخبرهم بأنه سوف يقوم بعقد قران يوسف وياسمين بعد انتهاءها من امتحانات اخر العام فرح الجميع وتمنوا لهم دوام السعاده.
الحجه حسيبه: خير ما عملت ياحج ربنا يتمها علي الخير وعقبال باقي العيال وتفرح بيهم وبعيالهم.
الحج قاسم: مبارك علينا كلنا وانتي يامني ومعاكي لبني عايزكم تجهزوا أحسنها جهاز واحلها فرش ومن أول الشهر الجاي هانبدؤا تشطيب الجناح الغربي للعرسان.
مني: حاضر يا بابا الحج وربنا يباركلنا في حضرتك وفي ماما الحجه.
وفي المكتب كان يجلس يوسف مع والده وعمه محمود يتحدثون عن احوال البلد فبحكم شغل يوسف في الشرطه قليل ما يستقر في البلد.
طاهر: ياولدي البلد اتغيرت كتير والناس ماعادتش زي الاول كل واحد لحاله ومابنتجمعش غير في الأعياد والمناسبات.
يوسف: عندك حق يابابا الدنيا كلها بتتغير مش هاتتغير النفوس
محمود: وانت يايوسف ياولدي قاعد كام يوم معانا ولا زي عادتك كلها يومين وتعاود
يوسف: لا مسافر بكره اخر النهار عندي مأمورية في مرسي مطروح ولازم أكون في الشغل بعد بكره الصبح.
محمود: ربنا يسترها عليك ياولدي وزين ماعملت انك ماهملتش شغلك وجيت تشتغل ويانا.
يوسف: انا مش هسيب شغلي واطمن ياعمي لما هتجوز ياسمين هانستقر في القاهره يعني هانبقي نيجي زيارات.
طاهر: كيف ده ياولدي مصر ايه اللي عايز تعيش وتستقر فيها جدك بيجهز الجناح الغربي عشان تتجوز فيه.
يوسف: انا عارف يابابا ولكن اتفاقي مع جدي اننا هنعيش في مصر بحكم شغلي ودراسه ياسمين واول ما تخلص دراستها هانرجع هنا .
طاهر: ربنا يتمها علي خير ياولدي هاقوم أني اروح المزرعه اسلم المحصول للتجار وألحق البنك سلام عليكم.
يوسف ومحمود بصوت واحد: وعليكم السلام ورحمه الله وبركاته.
---------------------------------------------------------
بالجامعه كانت وصلت ياسمين وروضه وتقابلوا مع شدوي وتوجهوا الي المدرج لحضور محاضره دكتور فادي فلا احد يعرف أن شدوي اخت للدكتور فادي غير ياسمين وروضه ولكن كان شخص آخر عرف ذلك السر أثناء حضوره حفله السيد مراد وقرر يستغل تلك المعلومه ليحصل علي غرضه.
شدوي: صباح الخير يابنات ايه جايين متأخر ليه كان عندكم حفله انتوا كمان وسهرتوا.
روضه: يسمع منك ربنا ياشوشو حفله ايه ياحبيبتي اللي هاتبقي عندنا التأخير بسبب الهانم كانت بتحب في التليفون.
ياسمين وهي تضربها علي كتفها كفايه القر ده اهو مسافر مأمورية وياعالم هايرجع امتي ويالا ياحلوه منك ليها ولا عايزه تطردي ياشدوي اخوي قرب يدخل المدرج.
شدوي: اوف بجد انا مش عارفه فادي مصمم علي أنه يخبي اني أخته ليه حاجه خنقه يالا منك ليها.
ودخل كلا من ياسمين وروضه وشدوي المدرج وبعد دقائق دخل دكتور فادي وألقي التحيه وبدأ في شرح المحاضره وبعد الانتهاء منها خرج وذهب الي مكتبه
أما الفتيات خرجن الي الكافتيريا وطلبت كلا منهم الفطار الخاص بها وبعد انتهاء اليوم طلبت ياسمين منهم أن يذهبوا الي محل الورد الخاص بها ليشاهدوه.
بعد فتره وصلت شدوي بسيارتها ونزلت الفتيات أمام محل الزهور وقالت روضه.
روضه: ايه ياسو انتي عايزه تشتري ورد ولا ايه.
ياسمين: ههههه لا انا عايزه اقولكم أن محل الورد ده بتاعي وأخيرا يابنات حققت حلمي وبقي عندي المشروع اللي بحلم بيه.
شدوي وروضه هيييييه ياسو مبروووك ياقلبي أخيرا بس عليكي غرامه عشان خبيتي علينا .
ياسمين: انتوا عارفين أنه كان حلمي واول ما كملته عرفتكم اهو بس اعملوا حسابكم انكوا هاتبقوا معايا مافيش مفر.
روضه: طبعا معاكي ده تحفه ياسو ربنا يباركلك فيه حبيبتي.
شدوي: اوك معاكوا طبعا هو انا أقدر ماكنش معاكوا بس قوليلي ياسو يوسف عرف موضوع المحل.
ياسمين: طبعا عرف هو اتعصب الاول وبعدها فهمته وجهه نظري واقتنع بيها وكمان هايكلم معتصم وسالم ولاد عمي عشان يساعدوني لكن من غير ما جدي واعمامي يعرفوا.
روضه: ربنا يوفقك ياسو انتي تستاهلي كل خير ياقلبي .
شدوي: تعرفوا يابنات انا بفكر اعمل ايه واكون اول زبون يشتري بوكيه ورد.
ياسمين وروضه بصوا لبعض وقالوا بتفكرني تعملي ايه.
شدوي: هقولكم .........
____________________________________
امام مبني ضخم وعريق للغايه كان يقف فؤاد الالفي بسيارته وخلفه سياره اخري بها الحرس الخاص به فهو لا يخطوا خطوه واحده من غيرهم فهو رجل اعمال ولديه العديد من شركات السياحه والمقاولات ولكن أغلب شغله يتم بطرق غير شرعيه ويريد شراكه مراد المرشدي في إنشاء أكبر منتجع سياحي في مرسي مطروح واليوم أتي إليه ليتحدث معه فهو قد عرض عليه في الحفله موضوع المنتجع السياحي الكبير.
نزل السيد ف ؤاد من سيارته وخلفه الحرس ودخل الي المبني وطلب مقابله السيد مراد المرشدي وقام موظف الاستعلامات بالاتصال علي مكتب السكرتاريه ليبلغهم بطلب فؤاد الالفي وبعد دقائق صعد السيد فؤاد الي الطابق التاسع ودلف الي مكتب السيد مراد
رحب به السيد مراد وطلب من السكرتيرة الخاصه بمكتبه تقديم القهوه.
مراد: اهلا وسهلا فؤاد مكتبي نور بيك.
فؤاد: اهلا مراد باشا المكتب منور بصاحبه وليه الشرف اكون قاعد معاك دلوقتي وبشكرك علي دعوتي الحفله.
مراد: انا اللي بشكرك علي الهديه الرائعه ولو اني شايف انها غاليه اوي
فؤاد: دي قيمتك عندي يامراد باشا اغلي بكتير من هديه علي العموم انا هدخل في الموضوع علي طول انا جاي عشان عايز نبقي شركاء في المنتجع السياحي في مطروح
مراد: حقيقي هو مشروع هايل وكمان مكانه خرافي جدا ولكن انا عايز شويه وقت افكر واعمل حساباتي وماتقلقش يافؤاد مش هطول عليكم في الرد
فؤاد: اتمني ذلك واستاذنك بقي اقوم عشان مسافر بعد ساعه أخلص ورق الأرض
مراد: طيب نشرب القهوه الاول .
فؤاد: اكيد هانشربها بس وقت تاني ومنتظر مكالمتك يامراد باشا.
تبادل السلام كلاهما البعض وخرج فؤاد من مكتب مراد وبعدها اتصل مراد المرشدي علي مدير الحسابات الخاص به وقال.....
مراد: استاذ محسن من فضلك عايز منك تجمعلي الاوراق الخاصه بكل فلوس لينا بره عند العملاء واعمل حسابك انك تكون جمعت كل المديونات اللي لينا خلال شهر.
اغلق الهاتف ورن جرس علي السكرتيرة وطلب منها أن تستدعي مديري الفروع ومدير العلاقات العامه لحضور اجتماع طارئ.
____________________________________
في قنا بعد الغداء جلس الشباب في جنينه القصر فقد طلب يوسف منهم للتحدث لهم في أمر هام ولكن بعيد عن الجميع .
سالم: ايه ياعم شغل العسكر والحرامي ده فيه ايه ياباشا مصر.
معتصم: استني ياسالم لما نفهم قول بقي يايوسف فيه ايه قلقتنا يا أخي.
نغم: ما لو تسكتوا شويه هايعرف يتكلم ويقولنا فيه ايه قول يايوسف مالك .
يوسف: بصوا بقي قبل ما اتكلم توعدوني كلكم ماحدش يجيب سيره قدام حد في البيت وخصوصا جدي.
الجميع بصوت واحد قول يايوسف وبنوعدك مافيش غيرنا يعرف حاجه من اللي هاتقولها.
يوسف: تمام ياسمين الفتره اللي فاتت كانت تعمل مشروع خاص بيها واخيرا كملته وعايزه مساعدتكم لها
معتصم: مشروع ايه ده وازاي تبقي لوحدها ومنعرفش حاجه.
يوسف: سيبني اكمل يامعتصم ياسمين طول عمرها كانت بتحلم أنها تعمل محل ورد ويكون عندها انواع مميزه وتبقي هي المكان الوحيد اللي يزرع الانواع دي وتوزعها وطبعا بما انك يامعتصم مهندس زراعي تقدر تعرف تساعدها وانت ياسالم بانك خبير طبيعه وجولوجيا تقدر تعرف كل نوع تربه مناسبه لزراعه انواع الزهور والورد.
نغم: الله يايوسف إنما حتته مشروع تحفه بجد ربنا يباركلها فيه بس انا هعمل ايه.
معتصم: انتي بقي هتعملي اهم حاجه انك تعملي بحث عن انواع الورد اللي مش موجوده في مصر وتحفظيها في ملف خاص بيها
سالم: طبعا كلنا معاها ومن بكره هابدأ اشوف انواع التربه المناسبه للزراعه هنا في جو الصعيد وابعتلها اول بأول.
يوسف: تمام ماتنساش ياسالم اخر الاسبوع الجاي تسافر تجيب ياسمين بنفسك انا معتمد عليك في المشوار ده وانا مسافر.
معتصم: انت مسافر فين يابوص
يوسف: مأمورية في مطروح علي الحدود دعواتكم ربنا يسترها معانا