رواية بائعة الورد
الفصل الثانى والعشرون والثالث والعشرون والرابع والعشرون
بقلم اسماء ابراهيم
#بائعه الورد..
الفصل الثاني والعشرون..
في بيت الحج قاسم الشناوي كان يستعد كلا من معتصم وسالم ونغم للسفر إلي القاهره..
نغم بغرفتها كانت تجهز شنطتها دخلت والدتها عليها وقالت...خلصتي يانغم اخوكي بستعجلك يابتي.
نغم: اه ياماما قربت اخلص وبعدين هو مستعجل علي ايه يعني ما احنا هنسافر بالعربيه
إلهام: ربنا يكتب سلامتكم يابتي واني جايه اقولك كلمتين ..
نغم تركت ما بيدها وجلست بجوار والدتها وقالت...خير ياماما قلقتيني..
إلهام: خير ياضي عيوني معاوزاش تشيلي جواكي من ابوكي مهما عمل اني خابراه زين محمود طيب بس طبعه حامي شوي.
نغم: ماما من فضلك نأجل الكلام ده وبعدين أنا مبعرفش انسى الكلام اللي اتقالى من الناس وقت عصبيتهم ونرفزتهم معايا ، بحس ان دي الحقيقة المستخبيه في قلوبهم ناحيتى وبابا في كل وقت بيأكدلي ده.
إلهام: يابتي ماتقوليش أكده عاد شوفي سالم بيعمل ايه وياه واعملي كيف ما بيعمل.
نغم: اسفه ياماما انا طول عمري شايفه قسوه وزعيق ونفور حتي سالم نفسه تعب ولو قادر يستحمل فهو عشان خاطري وخاطرك عن اذنك بقي سالم بينادي.
عند سالم ومعتصم كانوا يجلسون في بهو البيت ينتظرون نغم وأخذ سالم ينادي بصوت عالي علي أخته ...
الحج قاسم: مابزياده عاد ياولدي خربت دماغي بحسك العالي دي.
سالم: في ايه ياحج قاسم بنادي علي الست نغم وهي عامله فيها من بنها.
معتصم امسكه من ياقيه قميصه وقال: انت بتتكلم كده عن مين قولي كده.
سالم: الوضع ده غير حضاري ولا يليق بحفيد قاسم الشناوي ابدا اهدي كده وقول هديت ده جزاتي بستعجلها عشان تنزل .
نغم: وانا اهوو خلاص نزلت ايه كل الدوشه دي ماهو معتصم اهو مستني ومافيش حد سمع صوته .
طاهر: ده سالم مايقدرش يقعد ساكت يعني ماخابراش حال اخوكي يابتي.
الحج قاسم: بزياده حديت عاد وانت يامعتصم تخلي بالك من بت عمك وتجيب كل اللي يلزمكم ماتخليش في نفسها حاجه.
معتصم: ربنا يخليك لينا ياجدي واني اتفقت مع يوسف علي كل حاجه.
محمود: هاتقعدوا فين ياولدي في مصر .
سالم: اكيد طبعا في شقه يوسف يعني هانقعد فين يابابا.
الحج قاسم: ماتقلقش يامحمود نغم ياتروح تقعد مع ياسمين في السكن وسالم ومعتصم في شقه يوسف ده اللي انت عايز تعرفه.
محمود: يابوي ماقصديش حاجه عفشه كل الحكايه يعني مايصحش بت تقعد لحالها مع تلات رجاله.
معتصم: اطمن ياعمي انا مرتب كل حاجه وياسمين عارفه أن نغم هاتقعد معاها .
الحجه حسيبه: يالا ولدي بزياده أكده عشان تلحقوا طريقكم...
سلم كلا منهم علي الجميع وأخذ سالم شنطه أخته وشنطه اخري بها زياره الحجه وداد وخرجوا من البيت وصعدوا السياره وتحرك بها معتصم....
،،،،،،،،،،،،،،،،،،،،،،،،،،،،،،،،،،،،
بالمستشفي كان فادي يجلس مع تامر يراجع معه المحاضرات كما اتفق معه وبالفعل استطاع تامر جمع الكثير منها ..
فادي: كده تمام لو في حاجه عايزني أعيدها ماعنديش مانع .
تامر: متشكر جدا لحضرتك يادكتور تعبتك معايا ومش عارف اعمل لحضرتك ايه.
فادي: مش عايزك تعمل حاجه غير انك تذاكر وتجيب تقدير كمان.
تامر: تقدير دي حاجه مستحيله كفايه اوي انجح بمقبول .
فادي: ياعم خلي عندك امل كبير مش يمكن تجيب تقديرات احسن من اللي كان بيحضر ويذاكر صدقني ياتامر انت جواك كويس وكنت محتاج اللي يوجههك صح
تامر: وحضرتك ليك الفضل في ده وفي محنتي دي عرفت مين الصحاب اللي بجد من الصحاب اللي عايزين مصلحه وبس.
فادي: المهم دلوقتي مستقبلك وانسي كل اللي فات وبعدين بقي انا عايز امشي لان عندي بكره حاجات كتير لازم اعملها سلام يابطل..
خرج فادي من غرفه تامر وقابل الطبيب المعالج وسأله عن حاله تامر.
الطبيب: اطمن يادكتور فادي حاله تامر مستقره وفي تحسن دايما ومع الوقت هايبقي زي الاول وكمان العلاج الطبيعي هايجيب نتيجه وطبعا العامل النفسي مهم.
فادي: متشكر جدا لحضرتك يادكتور وانا مش هاتخلي عنه وهفضل طول الوقت معاه.
خرج فادي من المستشفي وصعدت سيارته وتحرك بها للذهاب الي منزله وبعد نصف ساعه وصل أمام الفيلا وأمسك هاتفه وأرسل رساله الي ناني يقول فيها.....
هاستناكي بكره في الكافيه اللي اتقابلنا فيه اول مره الساعه 9 الصبح...
وصلت الرساله الي ناني وقرأتها وابتسمت ثم بعد ذلك ارسلت له رساله تقول....
باذن الله يادكتور...
بالطريق كان معتصم يقود سيارته وتجلس بجواره نغم اما سالم فكان نائما في الخلف ...
معتصم: شايفه سالم اللي فضل يقول أنا مصحصح وهاسوق معاك نص الطريق اهو اتقلب ونام..
نغم: هو في حد بياخد علي كلام سالم وماتقلقش اول ريست يقابلك وقف العربيه وصحيه يكمل مكانك.
معتصم: لا خليه نايم عشان تفضلي قاعده جنبي بحبك يا نغم بحبك..
نغم: وانا كمان بحبك يامعتصم ربنا يخليك لقلبي ومايحرمنيش منك ابدا.
سالم: طيب بالنسبه لكيس الجوافه اللي نايم وراكم ده ايه مافيش دم ولا احساس أنه سنجل يعني.
معتصم: الله يخربيت فصلانك انت مش كنت متنيل نايم ايه اللي فوقك دلوقتي.
سالم: وانتي ياختي مافيش مره تقوليلي ربنا يخليك ياسالم ورايحه تفتحيها علي البحري مع حبيب القلب ربنا يسهلك ياعم معتصم وعقبالي يارب.
نغم بكسوف وصوت واطي قالت ممكن تسكت شويه وتيجي تسوق مكان معتصم.
سالم: اركن يامعتصم وانا هكمل مكانك وبالمره نجيب حاجه نشربها لسه الطريق طويل.
معتصم: تعرف تسكت طريق اللي طويل انا كلها ربع ساعه ونكون في القاهره.
وقف معتصم بالسياره ونزل سالم اشتري ثلاث اكواب من الشاي وصعد السياره وتحرك معتصم وبعد ربع ساعه وصل إلي القاهره واتصل علي يوسف ليخبره بوصولهم وأنهم يذهبون الي محل الورد الخاص بياسمين.
بعد دقائق وصل معتصم أمام محل الورد بعد أن أرسل له يوسف لوكيشن المكان ترجلوا جميعا من السياره ودخل سالم وخلفه نغم
سالم: صباح الورد والياسمين علي احلي ياسمين.
ياسمين: حمدالله على السلامه نغم ياقلبي منوره المحل والقاهره كلها.
نغم وهي تحتضنها منور بصحبته ياسو المحل تحفه بجد انا مكنتش متخيله شكله كده.
ياسمين: اومال فين معتصم ماجاش معاكوا ولا ايه.
معتصم: انا اهو ياسو كنت بركن العربيه سالم بيه ماصدق وقفت ونزل جري علي هنا عشان الناس .
ياسمين: حمدالله على سلامتك مافيش غيري هنا لسه الناس ماجاتش.
سالم: علي فكره بقي انتوا عيال رخمه وبعدين انا جيت جري عشان ادخل نغم .
نغم: ده علي اساس اني عيله صغيره وهاتوه مش كده ربنا يكون في عون اللي هاتدبس فيك.
ياسمين: اقعدوا يالا وانا هطلب الفطار وحاجه نشربها ويوسف كلها دقايق ويوصل.
وصل يوسف بالفعل وأتي إليهم الدليفيري بالطلبات وبعدها جاءت روضه وناني وتعرفوا علي نغم ومعتصم تبادلوا السلامات وبدأوا البنات في تجهيز بوكيهات الورد الخاصه بحفل الخطوبه وكان الجو لا يخلو من مشاكسه سالم لروضه بين الحين والاخر وبعد انتهائهم من عمل جميع الزهور والورد اتصلت ناني بفادي لتخبره بموعد حضورهم غدا في الصباح لتجهيز الجنينه وبعدها قررت البنات بالذهاب الي مول لشراء فساتين سهره لهم.
وصلوا جميعا الي مول تجاري وبدأت الفتيات في اختيار الفساتين فاقترحت عليهم نغم بأن يختارون لون موحد للفساتين تليق مع ألوان الورد فأعجبت الفكره البنات واختاروا بالفعل لون روز هادئ وكل واحده منهم اختارت التصميم الذي يليق معها....
يوم جديد يوم تتوج فيه شدوي عروس لتصبح خطيبه لفتي أحلامها منذ وقعت عينيها عليه فهو دكتور سراج صاحب الطله الخاطفه التي تعشقها فتيات الجامعه وها هي التي نالت قلبه وحبه وتحمل اسمه...استيقظت شدوي ودلفت إلي حمامها لتنعم بحمام دافئ توضأت وخرجت تؤدي فرضها...
بعد لحظات طرق فادي باب غرفتها ودخل وقبلها من جبينها وبارك لها علي الخطبه وطلب منها أن تجهز ليقوم بتوصيلها الي مركز التجميل.
خرج فادي وارتدت شدوي بنطلون جينز وعليه سويت شيرت وجمعت شعرها برابطه وأخذت فستانها والاكسسوارات الخاصه به ونزلت الي أخيها وصعدت بجواره في السياره وذهبا الي مركز التجميل..
في السكن كانت ناني استيقظت وجهزت الفطار لهم جميعا وهي في المطبخ دخلت عليها نغم وقالت...صباح الخير ياناني.
ناني: صباح الورد ياسمين وروضه لسه نايمين ولا ايه.
روضه: لا صحيت اهوو بس عامله فطار ايه وياسلام لو كوبايه نسكافيه تبقي تمام التمام.
نغم: سبحان الله عندي نفس النسخه دي ربنا يسترها علينا.
ياسمين: مش قولتلك يانغم روضه دي موال يالا بقي عشان مانتأخرش .
جلسوا جميعا تناول الفطار ورن هاتف ناني برقم فادي فقامت بالرد عليه.
ناني: صباح الخير
فادي:------------
ناني: اه جهزنا كل حاجه وكلها ساعه ونكون في الفيلا .
فادي:-----------
ناني: لا مش هانقولها حاجه طبعا وياسمين هاتتصل علي شدوي اننا هانروح لها البيوتي سنتر .
فادي:-----------
ناني بكسوف قالت تمام..
اغلقت ناني الخط مع فادي ولاقت البنات ينظرون لها اتكسفت منهم وجريت علي غرفتها جرت وراها البنات ودخلوا عليها الغرفه وبدأوا يشاكسونها..
بعد دقائق بدأ كل واحده منهم في تجهيز نفسها ليذهبون الي محل الورد وذهبن بالفعل وأخذوا البوكيهات والورد وذهبوا الي فيلا مراد المرشدي وكان في انتظارهم فادي ..
جهزوا الفتيات الجنينه والجزء الخاص بالعروسين تم تجهيزه بواسطه ياسمين فصممته علي شكل ارجوحه محمله بالورود والزهور ووضعت مع بوكيهات الورد الشموع المعطرة بطريقه جذابه وتم وضع ستائر من النور بألوان الورد فأعطت مزيج رائع ..
انتهوا من عملهم علي اكمل وجه وخرجوا من الفيلا ليذهبون الي مركز التجميل..
بمركز التجميل قد انتهت شدوي وكانت في ابهي صورها وأعجبت بها الفتيات جدا وبدأوا في التقاط الصور التذكارية مع بعض وبعد دقائق جاء سراج وخرجت له شدوي ونظر لها بإعجاب شديد وأمسك يدها وقبلها برومانسية وفتح لها باب السياره وتحرك الي الناحيه الاخري وجلس بجوارها
ام عند الفتيات كانت كل فتاه لها طله مميزه وايضا الشباب فكانت طلتهم تخطف الانظار لمن حولهم فصعدت ياسمين ومعها روضه وناني في سياره يوسف اما نغم وسالم ركبوا مع معتصم وتوجههوا جميعا الي فيلا المرشدي وبدأت مراسم الحفل...
دخل سراج ووقف اول ممر مفروش بالورد والياسمين في انتظار شدوي..
ودخلت شدوي ممسكه بيد والدها ليسلمها الي سراج واشتغلت اغنيه الفرحه لمحمود العسيلي .
اخذها سراج وتوجه بها الي الجزء المخصص لهم تفاجأت شدوي بالجنينه وروعتها ونظرت الي ياسمين وروضه والقت لهم قبله في الهواء.
عند نغم ومعتصم كانوا ينظرون إلي العروسين بابتسامه جميله وبعدها نظر معتصم لنغم وقال..عقبالنا ياقلبي .
نغم: يارب يامعتصم شكلهم حلو اوي وشدوي فرحانه جدا بعريسها وهو كمان نظرته لها كلها حب وحنان.
عند سالم كان يجلس بجوار روضه يحاول أن يكلمها فقال...طيب وبعدين بقي.
روضه: وبعدين ايه مش فاهمه.
سالم: روضه من الاخر كده انا معجب بيكي ونفسي تديني فرصه اتكلم معاكي.
روضه: ممكن بس خليها يوم تاني النهارده فرحه شدوي ومش عايزه انشغل عنها.
سالم بفرحه قال أنت تأمر ياقمر.
أما ناني كانت واقفه مع فادي تشكره علي مساعدته لها والبنات في تجهيز الجنينه فكان فادي ينظر لها بحب ظاهر...
ناني: ممكن أسأل حضرتك سؤال وتجاوبني بصراحه.
فادي: طبعا اسألي مليون سؤال بس ممكن من غير دكتور وحضرتك.
ناني: ماشي انت بتبصلي كده ليه من اول ما شوفتني في البيوتي سنتر.
فادي: عشان بحبك ياناني....
عند ياسمين ويوسف كانوا ذهبوا الي العروسين ليباركوا لهم وتعرف يوسف علي سراج وشكرت شدوي ياسمين علي تجهيز الجنينه.
ياسمين: شدوي ياقلبي دي حاجه بسيطه اوي مبروك ياقلبي..
يوسف : الف مبروك ياشدوي وربنا يسعدكم.
شدوي: طلبت من ياسمين أن تنادي علي البنات ليلتطقوا صوره معها.
جاءت البنات ووقفوا مع شدوي وسراج وأخذوا صور كثيره وألحت شدوي علي روضه لتغني فروضه معروف أنها صوتها رائع ..
وخضعت روضه لطلبها وامسكت المايك وغنت اغنيه اجدع صحاب لسوما ورقصوا البنات عليها وتفاجأ سالم بصوت روضه الرائع...
انتهت روضه من الغناء وذهبوا البنات الي مكانهم جلست روضه بجانب نغم ومعها ناني
نغم: صوتك تحفه ياروضه مش تقولي يابنتي أن صوتك حلو.
روضه: حبيبتي تسلميلي لا حلو ولا حاجه ده بس عشان شدوي ماتزعلش.
في تربيزه اخري كان يجلس مراد المرشدي ومعه مجموعه من رجال الأعمال وبينهم كان يجلس فؤاد الالفي..
وطلب فؤاد من مراد أن يسلم علي العروسين ويقدم لهم هديه الخطوبه..
قام مراد ومعه فؤاد الالفي وذهبوا ناحيه العروسين وبارك لهم فؤاد وقدم لشدوي اسوره من الماس ..
شكره سراج وشدوي علي الهديه وتركهم فؤاد وهو ذاهب ناحيه التربيزه كان يوسف يمشي وينظر خلفه ناحيه معتصم فتصادم معه اعتذر يوسف له..
اما فؤاد أنصدم فيوسف يحمل الكثير من ملامح عمه سالم فقال: لا ابدا مافيش حاجه.
جلس فؤاد وبين الحين والاخر كان ينظر إلي يوسف وأخذ يفكر هل يعقل أنه يكون ابن سالم الشناوي ام مجرد تشابه....
#بائعه الورد..
الفصل الثالث والعشرون...
انتهي الحفل وقرر يوسف اصطحاب كلا من ياسمين وأصدقائها واولاد عمه وأخيه الي كافيه علي النيل ليكملون سهرتهم فأعتذرت ناني بعدم الذهاب معهم..فطلب فادي من ناني أن يوصلها إلي السكن ..
عند فؤاد الالفي في مكتبه كان يفكر في الشخص الذي يشبه سالم الشناوي وقرر أن يجمع كل المعلومات عنه فأجري اتصال هاتفي بشخص وطلب منه أن يبحث عن ذلك الشخص وقال له سوف يرسل له صورته فهو أخذ عده صور ليوسف ومن معه.
فؤاد: فهمت هتعمل ايه مش عايز الهفوه تفوتها عايز اعرف كل كبيره وصغيره عنه.
الشخص: تحت امرك يافؤاد بيه.
فؤاد: ماشي هابعتلك الصور دلوقتي وانا هعمل بردو اتصالاتي يالا سلام .
وفتح فؤاد ألبوم صور من الهاتف وحدد الصور وارسلهم للشخص الذي كان يتحدث معه وقال لنفسه..لما اشوف حكايتك ايه والشبه ده له علاقه بسالم ولا زي ما بيقولوا يخلق من الشبه اربعين وأسند ظهره علي الكرسي وأغمض عينيه وتذكر شئ من الماضي......
فلاش باك...
سالم: اهلا وسهلا فؤاد بيه نورت مكتبي اتفضل استريح.
فؤاد: اهلا بيك ياسالم باشا خير حضرتك استدعتني ليه حصل حاجه.
سالم: خير طبعا ده لو انت تعاونت معانا واكيد طبعا هاتعرف كل حاجه.
فؤاد: دي ألغاز ولا أفهم من كده اني متهم بشئ علي ما اعتقد انت عارف مين هو فؤاد الالفي كويس واقدر اعمل ايه.
سالم: امممم ده تهديد ولا اعتبره كلام وقت عصبيه وتوتر علي العموم انا مايهمنيش كل ده كل اللي يهمني ايه علاقتك بمهني ابو عمر تاجر السلاح .
فؤاد بتوتر ابو عمر ايه وسلاح ايه اللي بتتكلم عنه انا معرفش حاجه.
سالم: اهدي كده وشوف الفيديو ده الاول وشغل سالم فيديو مسجل بلقاء بين فؤاد ومهني وهما يشاهدون صندوق به عده اسلحه ويتفقون علي السعر...هاا ايه رأيك في ده كمان اهو صوت وصوره.
فؤاد: انا ماليش علاقه وبعدين دي كانت مقابله قديمه وكنت عايز سلاح للأمن عندي يعني مش بتاجر في السلاح.
سالم: طيب وشهاده مهني عليك انك شريكه في صفقه سلاح جايه من روسيا .
فؤاد: كداب ومافيش ورق يثبت اني شريكه ده حتي السلاح اللي في الفيديو اختلفنا علي السعر وما أخدتش منه حاجه.
سالم: تمام يافؤاد بيه انا معاك لكن بشرط لو حد من رجاله مهني اتصل بيك أو حاول يقابلك ياريت تبلغنا وصدقني انت بره الحسابات.
فؤاد: اكيد طبعا سالم باشا وماتقلقش اول رساله تجيلي هابعتهالك..
وخرج فؤاد من مديريه الامن واجري اتصال بعبدلله وطلب منه مقابلته ومعه محمود الشناوي ...
بااااااك....
كان لازم تموت ياسالم واشكك اخوك في نفسه أنه ليه يد في موتك وعبدالله كمان كان لازم الكل يعرف أنه مات وطول ماهو تحت ايدي انا في امان...
بالكافيه كانوا يجلسون الشباب مع بعضهم يتحدثون أن أجواء حفل الخطوبه وأنهم معجبين جدا بتصميم ياسمين الورد والبوكيهات التي صممتها بطريقه مختلفه ورائعه.
ياسمين: والله ياجماعه انا مش وحدي اللي عملت ده روضه وناني ساعدوني كتير في الحاجه والحمدلله عجبت شدوي
روضه: انتي اللي جميله ياسو وحقيقي ابدعتي وانا ماعملتش حاجه كله كان تحت السيطره يارياسه.
نغم: تسلم ايديكم بس ياسو لازم جدي والكل يعرف موضوع محل الورد ماتنسيش انك هاتتجوزي بعد الامتحانات وجدي بيجهز الجناح في القصر
يوسف: ماتقلقيش يانغم انا مرتب كل حاجه واكيد طبعا هانعرف الكل ياسمين مش بتعمل حاجه وحشه أو غلط عشان نخبي.
معتصم: كلامك صح ياجو وانا هامهد الدنيا مع بابا لما ارجع قنا وانت عارفه بيحب ياسو قد ايه ويتمنالها الخير.
ياسمين: ربنا يخليه عمي طاهر ده بحس أنه بابا الله يرحمه نفس حنيته وقلبه الابيض الكبير وعمي محمود بردو قلبه كبير بس دماغه ناشفه صعيدي بقي...
ضحك الجميع علي تعبيرها علي عمها محمود وقالت روضه...ياما نفسي اروح الصعيد واتفرج علي الجنينه وأحواض الورد اللي ياسمين بتقول عليها..
معتصم: تنورينا والله ياروضه خلاص احنا فيها تسافري معانا تقعدي يومين اجازه مع ياسمين ايه رايك.
روضه: تسلم يامعتصم ياريت والله بس انا عندي شغل ومش هقدر اخد اجازه منه.
نغم: شغل ايه يابنتي والجامعة .
ياسمين: اه نسيت اقولك أن روضه بتشتغل في شركه المرشدي مع بابا شدوي مع الدراسه.
وكل هذه الأحاديث وسالم جالس بصمت لا ينطق بحرف واحد انتبه معتصم له وقال..ايه يابني ماحدش سامع صوتك ايه حصل تتحسد كده.
سالم: ابدا بس ممكن اتكلم معاكي ياروضه علي انفراد.
روضه بكسوف هزت رأسها وانتقلت معه علي ترابيزه اخري ليتحدثون مع بعضهم.
يوسف نظر إلي ياسمين وقال..الواد ده ماله ساكت ومره واحده يطلب يتكلم معاها
ياسمين: ماتقلقش ياجو انا اتكلمت مع روضه وهي قالت هاتسمح بفرصه يتكلموا مع بعض وبعدين سالم مش مجنون اوي .
نغم: حقيقي بنت جميله من بره ومن جوه وبتمني تبقي مرات سالم .
-------------------------------------
بالصعيد وخاصه في المزرعه كان محمود يجلس يراجع اوراق المحصول دخل عليه الغفير وقال...ألحق ياحج محمود في واحد مرمي بره باب المزرعه وقاطع النفس.
محمود: انت بتقول ايه ياولد كانك اتجنيت عاد واحد مين وكيف قاطع النفس.
الغفير: هم معايا ياحج نشوف ايه ده عاد.
خرج محمود مسرعا مع الغفير وترك المكتب والأوراق ليري من ذلك الشخص الذي فاقد وعيه.وبعد خروجه دخل شخص الي مكتبه وأخذ يبحث في الملفات كان يريد ملف بعينه لم يجده فخرج مسرعا قبل أن يراه أحد..
وصل محمود والغفير عند بوابه المزرعه ولم يجدوا أحد نظر محمود الغفير بغضب وقال بعصبيه وصوت عالي فين ياواكل ناسك اللي مرمي وقاطع النفس.
الغفير: يمين بالله ياحج كان مطرح ما انت واقف اني شوفته وجيت جري عليك اعرفك.
محمود: والأرض اتشقت وبلعته اني خابر زين الهباب اللي بتشربه هايخربت دماغك غور وهملني اعاود اشوف المكتب اللي سايبه لحاله.
تحرك محمود خطوتين ونادي عليه الغفير مره اخري
محمود: ايه في ليلتك السواد تاني ياولد.
الغفير: اني لاقيت المحفظه دي مكان الراجل اللي كان مرمي علي الارض عشان تصدقني ياحج .
اخذ منه محمود المحفظه وفتحها وأخرج منها بطاقه باسم صديقه عبدلله اتصدم محمود واستعجب مما رأه هل يعقل فهو يعلم جيدا أن صديقه عبدلله قد فارق الحياه فكيف يجد بطاقته..فنظر إلي الغفير وسأله ...
قولي الراجل اللي كانت مرمي قدام عينيك شكله عامل كيف يعني راجل كبير في السن ولا صغير.
الغفير: لاه ياحج ده شاب صغير ياجي من دور سي سالم بيه ولدك.
محمود: طيب روح لحالك وماتجيبش سيره لحد واصل ولا حتي ابويا الحج فاهم.
الغفير: فاهم ياحج محمود..
تركه محمود وعاد الي مكتبه ونظر الي المكتب فكان عليه ملفات كثيره مبعثره فتأكد أنها ماكيده لسرقه الخزنه ولكن رأي ورقه مطويه فوق هاتفه مكتوب عليها ( قدامك يومين تجيب ملف مصنع اللحوم وإلا هاتحصل اخوك)..
تأكد محمود بأن وراء تلك الحركه هو فؤاد الالفي فهو منذ شراكتهم معا وصفقات اللحوم الفاسده التي اكتشفها محمود وأخذ الملف الخاص بها فؤاد يحاول أن يأخذه وأدخله في مقتل أخيه فقرر محمود أن يسافر الي القاهره ليسلم عقد البيت لزوجه صاحبه ونصيبه في مصنع اللحوم فقد كان عبدلله دفع مبلغ من المال ليكون شريك مع محمود وكان اوصاه عندما يحدث له مكروه أو يفارق الحياة يذهب ويعطي زوجته عقد البيت الذي كتبه باسمها ونصيبه في المصنع....
______________&&&&&&
يوم جديد تشرق فيه الشمس علي الجميع
استيقظ يوسف ومعتصم وكل واحد فيهم أخذ حمامه الدافئ وصلوا فرضهم..
معتصم: تقبل الله ياجو هو سالم لسه نايم ولا ايه عايزين ننزل ورانا مشاوير كتير.
يوسف: والله مش عارف أنا قمت من بدري نزلت جريت شويه ورجعت دخلت الحمام وماشوفتهوش استني كده ادخل اشوفه يمكن لسه نايم.
دخل يوسف الغرفه فوجدها فارغه ولكن هاتف سالم موجود علي السرير.
ألتفت يوسف ناحيه البلكونه فكان سالم يجلس وينظر للفراغ دخل عليه يوسف ورتب علي كتفه انتفض سالم ونظر له ..
يوسف: ايه ياعم انت هنا واحنا بندور عليك وقاعد لوحدك كده ليه.
سالم: مافيش ياعم صحيت بدري وماكنتش عايز ازعجكم دخلت اقعد هنا لحد ما تصحوا.
يوسف: طيب يالا بينا معتصم جهز الفطار عشان ننزل نعدي علي نغم وياسمين ورانا مشاوير كتير وانت عارف البنات في السوق بتعمل ايه .
قام سالم مع يوسف وخرجوا من الغرفه وجلسوا مع معتصم لتناول الفطار.
معتصم: ايه يابني كنت مستخبي فين انا قولت الواد طفش.
سالم: ولا طفشت ولا حاجه ياعم انا اهو .
يوسف: مالك ياسالم انت متغير من وقت مارجعنا بالليل حصل حاجه مع روضه.
سالم: لا ابدا روضه دي انسانه جميله وبجد اعجابي وحبي ليها بقي اكتر من الاول كل الحكايه أنها عايزه تأمن مستقبل اخواتها وتعمل شركه ديكور لنفسها.
معتصم: وده اللي مخليك متضايق اوي كده ده انت المفروض تفرح لها وانا لو مكانك استني عليها واكون جنبها.
سالم: وانا وعدتها اني اكون جنبها ومعاها طول الوقت.
عند البنات في السكن كانت نغم استيقظت وجهزت الفطار وجلست تشاهد التلفاز تنتظر باقي البنات خرجت روضه من غرفتها ورأتها جالسه ألقت عليها الصباح وجلست بجوارها.
نغم: صباح الورد ايه النوم ده كله وفين ياسو دي ناني خرجت من نص ساعه وانتوا لسه نايمين.
روضه: ايه يابنتي ما احنا سهرنا كلنا مع بعض انتي ايه اللي صحاكي بدري كده.
نغم: انا متعوده علي كده مهما أسهر بصحي في ميعادي 8بالظبط.
روضه: ماشي يا أختي علي فكره يانغم انا حبيتك اوي .
نغم: وانا كمان ياروضه حبيتك اوي من قبل ما اشوفك .
روضه: ربنا يديم علينا محبتنا ادخل بسرعه اخد شاور وأخرج أفطر معاكي وياريت تدخلي تصحي بنت عمك .
في مكتب فؤاد الالفي كان يجلس يتابع بعض الملفات فدخلت عليه السكرتيرة وأخبرته بأن يوجد شخص يريد مقابلته فسمح لها أن تدخله.
دخل الشخص وألقي التحيه.
فؤاد: عملت ايه جيبت الملف
الشخص: للاسف ياباشا الملف مش موجود في مكتب المزرعه بس سيبنا رساله أنه يرجع الملف وكمان المحفظه اللي فيها بطاقه عبدلله.
فؤاد: تمام كده المهم عملت ايه في اللي طلبته منك بخصوص الصور.
الشخص: مفاجأة ياباشا صاحب الصوره يبقي ابن اخو محمود الشناوي واللي معاه دول يبقي ولاد أعمامه .
فؤاد: يبقي يوسف ابن سالم الشناوي يااااه دي الدنيا صغيره اوي.
الشخص: لا ياباشا يوسف يبقي ابن طاهر اخوهم الكبير وبيشتغل ظابط في مديريه الامن والاتنين التانين واحد يبقي اخوه والتاني ابن محمود الشناوي.
فؤاد: والبنتين اللي كانوا معاهم عرفت حاجه عنهم.
الشخص: طبعا ياباشا البنت اللي مع يوسف دي تبقي بنت سالم الشناوي وخطيبته والتانيه تبقي بنت محمود الشناوي.
فؤاد بضحكه كلها شر أخذ مبلغ من الخزنه وألقاه علي الشخص وقال... واخيرا لاقيت الحل اللي هايجيبك راكع تحت رجلي يا ابن الشناوي وهاتدفع التمن غالي.....
#بائعه الورد..
الفصل الرابع والعشرون..
إحدي المولات الكبري كانوا يتجولون الشباب في محلات المفروشات المنزلية والموبيليات واختارت كلا من ياسمين ونغم بعض الاشياء وتم شراءها والاتفاق علي نقلها الي قنا بعربات خاصه كانت كل فتاه سعيده بصحبه حبيبها ومشاركته معها في اختيار فرش بيتهم.
أما سالم فهو جلس بالكافيتريا في انتظارهم وكانت معه روضه الذي طلب منها أن تأتي معهم والتحدث إليها ليتعرف كلا منهما علي بعض والتقرب أكثر ..
سالم: تحبي تشربي ايه ولا اطلب انا علي ذوقي.
روضه: ممكن اطلب انا المره دي عايزه اشرب كابتشينو بندق.
سالم بابتسامه: امممم بتردهالي يعني بس عيوني ليكي يا قمر.
روضه: احترم نفسك يا أخ ولا اقوم امشي واناديلك يوسف.
سالم: يابنتي ما احنا كنا ماشين حلو قلبتي عبده موته ليه بس.
روضه: خلاص خلاص عايز تقول ايه بقي وطلبتني انزل عشانه.
سالم: بصي ياروضه انا مش هنكر انك علي حق في تأمين مستقبل اخواتك وكمان تحقيق مشروعك وانا مستعد اكون معاكي لحظه بلحظه بس نعمل خطوبه
روضه: ياسالم انا مش معترضه علي الارتباط بيك ولكن عايزه وقت مش اكتر.
سالم: وانا موافقك بس ماتنسيش اني راجل صعيدي وعندنا مايصحش اني اكون معاكي من غير رباط رسمي عشان خاطري ياروضه وافقي علي الخطوبه بس.
روضه: موافقه ياسالم هاكلم ماما واقولك ردي ويالا بقي خلينا نشوف ياسمين ونغم عملوا ايه احنا اتأخرنا عليهم اوي.
يوسف: وعلي ايه خليكوا قاعدين احنا خلصنا وهانطلب الغدا كمان.
معتصم: تلاقيه أتغدا هو هايستني لحد دلوقتي انت تايهه عن سالم ياجو.
روضه: لا حرام عليكم ما أكلش حاجه احنا شربنا كابتشينو بس.
نغم وياسمين بصوت واحد تي ريريررارارارا...
سالم: ايه ياخفه منك ليها وبعدين خلاص احنا اتفقنا علي الخطوبه هي بس هاتكلم والدتها ونحدد ميعاد .
صفق الجميع علي الخبر وبارك لهم واتفقوا جميعا علي قضاء باقي اليوم في السينما والملاهي ...
في شركه المرشدي كانت ناني تنتظر مقابله المهندس المختص وبعد فتره جاءت لها سكرتيره وطلبت منها التوجه إلي مكتب المهندس وتقديم الملف الشخصي لها ذهبت ناني ورائها وطرقت الباب وسمح لها بالدخول..
دخلت ناني المكتب وألقت التحيه رد عليها المهندس وهو يجلس خلف مكتبه ولكن كان يعطي ظهره لها.
ناني: مساء الخير يا فندم انا ناني هاشم الحلواني كنت جايه بخصوص التدريب اللي أعلنت عنه الشركه.
أستدار بكرسيه لها وقال: طلبك اتقبل يابشمهندسه مبروك.
انصدمت ناني من الشخص الذي استدار لها فهي لا تعرف أن فادي يأتي الي الشركه .
فادي: مفاجأة مش كده بس أحب اقولك اني اول ماعرفت من شدوي انك جايه المقابله ماترددتش لحظه اني اكون موجود واشوفك.
ناني: انت هنا طيب ازاي لا لا المفروض في محاضره كمان ساعه مش فاهمه..
فادي بضحك علي لخبطتها طيب اتفضلي اقعدي واشربي حاجه وانا افهمك.
جلست ناني وطلب من البوفيه عصير ليمون ولف من مكانه وجلس أمامها.
ففادي: ناني من الاخر كده انا معجب بيكي وعايز اتجوزك ومش عايز اسمع ردك دلوقتي خدي وقتك وبلغيني.
ناني: ااااانا انا مش بحلم صح يعني انت هو دكتور فادي بنفسه اللي بيتكلم ولا انا عايشه في حلم جميل.
فادي: ناني فوقي انتي مش في حلم وانا فادي وبس من غير دكتور فاهمه.
ناني: طيب ممكن امشي دلوقتي وهابقي اكلمك باااي....
بالسكن في عماره الحجه وداد وصل محمود الشناوي وجلس مع الحجه وداد وتحدث معها بشأن العقود والفلوس الخاصه بأخيها عبدلله وأنه جاء اليوم لتسليم زوجته كل ما يخصه.
الحجه وداد: حمدالله علي السلامه ياحج محمود وربنا يبارك فيك طول عمرك ابن حلال وعبدالله كان بيعتبرك اخوه مش صاحبه.
محمود: الله يسلمك ياحجه واني كمان عبدلله كان اخوي مش صاحب واني جاي دلوك اسلم مرته وولاده حقهم .
الحجه وداد: حق ايه يامحمود اللي بتتكلم عنه .
محمود: عبدلله كان داخل معايا شريك في مصنع لحوم ووصاني ارد حقه لمرته وولاده لو جراله حاجه وده عقد البيت اللي عايشين فيه كتبه باسم الست رحمه مرته والشنطه دي فيها نصيبه من المصنع ربع مليون جنيه.
الحجه وداد: وليه ماسلمتش الحاجه لمراته علي طول انت عارف أن روضه ماتعرفش اني عمتها ولو جات وشافت ده هاتتصدم واحنا مستنين تخلص امتحانات ونعرفها كل حاجه.
محمود: أني خابر زين أكده لكن الاصول بتقول مايصحش اقابل الست رحمه لحالي وانتي خابره كلام الناس عفش ودي ست وحدانيه وانتي تقدري توصلي الامانه واني اتصلت عليها قبل سابق وعرفتها كل حاجه.
الحجه وداد: ربنا يباركلك في صحتك وولادك يامحمود وانا عايزه اعرفك اني عمري ما تخليت عن عبدلله الحكايه وما فيها ان جوزي الله يرحمه كان مفكر بعدم الخلفه أن اخويا هايطمع فينا فبعدنا عند بعض لكن والله عمري ما نسيت اخويا ده حتي كتبت كل املاكي لبنته الكبيره وهي هتحافظ علي حق إخواتها.
محمود: ربنا يسترها علينا وعليكم واني مضطر امشى قبل ما حد ياجي اشوف وشك بخير ياحجه.
بمرسي مطروح جمع حسام العديد من المعلومات عن فؤاد الالفي ومنها علاقته برجال مهني ابو عمر تاجر السلاح المقبوض عليه من سنوات عديده .وأنه شريك بمصنع لحوم ولكن اختلف مع شريكه بعد اكتشاف شريكه أن فؤاد له يد في تصدير اللحوم الفاسده.
فقام حسام بالاتصال علي مصطفي ليبلغه عن تلك المعلومات.
حسام: درش حبيبي عامل ايه يابرنس وحشتني والله مش ناوي تيجي تاني ونكرر السهره.
مصطفي: الحمدلله ياعم لا توبه أن أكررها تاني دي بنات عايزه الحرق .
حسام: ماشي المهم عندي معلومات مهمه جدا عن صاحبك ولازم اقابل يوسف ضروري عشان أبلغه واتصلت عليه الفون مغلق.
مصطفي: تمام جدا هابلغ يوسف ونشوف هنتقابل ازاي وفين تسلم ياصاحبي.
حسام: ماتقلقش انا متابع كل حاجه وفعلا فؤاد ده عليه علامات استفهام كثيرة.
مصطفي: المهم في حاجه حصلت ولا معلومات بس .
حسام: والله لحد دلوقتي معلومات بس لكن ليه عيون في المنتجع السياحي اللي بيعمل واكيد هايبان يالا سلام دلوقتي وهكلمك تاني.
اغلق مصطفي الخط مع حسام وحاول الاتصال بيوسف ليبلغه بمكالمه حسام وأنه يريد مقابلته.
كرر مصطفي الاتصال ولكن هاتف يوسف كان خارج نطاق الخدمه فقرر أن يذهب له المنزل بعد انتهاء عمله.
........................
بالصعيد في شركه الحج قاسم الشناوي اجتمع طاهر مع الموظفين ليخبرهم بميعاد تسليم الآلات الزراعية وتوزيعها علي المحلات والتجار وطلب من كل مختص القيام بعمل ملف خاص لكل تاجر وصاحب محل وبعد الانتهاء من الاجتماع جلس علي مكتبه لمراجعة الدفاتر والملفات...
دخل عليه مدير الحسابات وقدم له جواب من البنك جاء لأخيه محمود
طاهر: ايه الجواب ده ياعمر ياولدي ومين جابه.
عامر: حضرتك ده جواب من البنك جاي لمحمود بيه وهو ماجاش النهارده فقولت اسلمه ليك.
طاهر: تسلم ايدك اتفضل انت شوف حالك.
امسك طاهر الجواب وفتحه وتفاجأ بأنه جواب مراجعه حساب خاص بمحمود ايه وأنه يوجد لديه حساب خاص يتجاوز العشره مليون..
نظر طاهر الجواب كثيرا وقال لنفسه... وبعدهالك ياولد ابوي وايه الحساب دي ربنا يجيب العواقب سليمه والحمدلله ابوي مش هنا كان وقع فيها.
وبعد انتهاء العمل ذهب طاهر الي المنزل ودخل وألقي السلام علي الجميع..
لبني: حمدلله علي سلامتك ياابو يوسف اطلع اتسبح وغير عقبال ما نحضروا الغدا.
طاهر: هاطلع اتسبح واصلي العصر، الا ابوي رجع ولا لساه في المزرعه .
لبني: ماعاودش لسه والحجه حسيبه طلعت تصلي العصر .
مني: يوسف كلمك ولا لأ ياطاهر اصلي بكلمهم تليفوناتهم مش مجمعه.
إلهام: ايوه اني كمان اتصلت علي سالم ونغم مابيردوش وقلقانه عليهم قوي .
طاهر: ماتقلقوش عاد اني اتكلمت مع معتصم وقالي أنهم اشتروا كل حاجه وهما بيتفسحوا شويه وهيعاودا بكره بمشيئه الرحمن.
مني: ياسمين هاتيجي معاهم ولا هاتفضل في القاهره.
طاهر: ماخابرش والله معتصم ماقالش حاجه كل اللي قالوا إنهم هيعاودا بكره.
بالمزرعة كان الحج قاسم يجلس عند جنينه الفاكهة فهو المكان المحبب له فذلك المكان له ذكريات جميله مع ابنه سالم..
الحج قاسم وهو يكلم نفسه: يابوي علي المكان ده طول عمري بشم ريحتك فيه ياولدي ربنا يرحمك ويصبر قلبي علي فراقك، كتير ياولدي باجي جنينه الفاكهه وافتكر كلامك وصوت ضحكتك الحلوه، وبطمنك ياولدي في رقدتك أن بتك ومرتك في حمايتي واني سلمتها للراجل الزين اللي يحافظ عليها ويحبها وسبحان الله كأنه نسخه منك يوسف ابن اخوك طاهر راجل زينه الشباب وبقي ظابط قد الدنيا والكل بيعمله الف حساب وحساب وبيحب ياسمين وقربوا يتجوزا اطمن ياولدي.
كان الحج قاسم يكلم نفسه ودموعه تسبقه علي ولده فجاء إليه الغفير وقال ..يابا الحج في تلفون عشانك.
الحج قاسم: مين ياولدي اللي علي التلفون.
الغفير: ماخابرش يابا الحج واحد قال عايز يكلمك ومنتظرك ترد عليه.
ذهب الحج قاسم الي المكتب وأمسك سماعه التليفون وقال: ايوه اني قاسم الشناوي مين معايا.
المتصل: مش مهم تعرف انا مين المهم تعرف أنك نائم علي ودانك وان سالم ابنك مامتش موته ربنا في حادثه عاديه دي كانت مدبره وكمان من اقرب الناس ليه..
الحج قاسم بعصبيه وبصوت عالي: انت مين ياولد وكيف بتقول أكده كأنك اتجنيت.
المتصل: اهدي ياحج وفكر مين اللي ممكن يكون ليه دخل في موت ابنك وهكلمك تاني..
اغلق المتصل الهاتف وترك الحج قاسم في حيره هل يصدق كلامه ام يرمي بكلامه عرض الحائط ولكن كيف ومن الذي له يد في موت ابنه وهل يعقل بعد السنوات الماضيه يكتشف أن موت ابنه كان عن عمد.
اتصل الحج قاسم بابنه طاهر وطلب منه أن يأتي له مسرعا. وبالفعل وصل إليه ابنه في عجاله وخبره الحج قاسم بالاتصال.
طاهر: معقول دي يابوي ومين اللي ليه يد في موت اخوي سالم.
الحج قاسم: ماخابرش ياولدي اني اول ما قفل الخط اتصلت عليك وقولت يمكن حد له مصلحه وبشككني بالكلام عشان اقضيهاله .
طاهر: كلامك زين ياابوي ماهي ماتاجيش غير أكده وسالم الله يرحمه ماكانش ليه أعداء والكل كان بيحبه .
الحج قاسم: ربنا يسترها ياولدي ويالا بينا نعاود البيت ومن غير ما قولك ماتجيبش سيره لحد ولا حتي اخوك .
طاهر: اطمن ياابوي ولا كأن سمعت حاجه.
بناحيه اخري بمكتب فؤاد الالفي كان يجلس مستمتع بالرسالة التي أرسلها لقاسم الشناوي وهي تشكيكه في موت ابنه
فؤاد: برافو عليك كده زرعنا الشك جوه قاسم الشناوي يبقي فاضل الرساله التانيه.
الشخص: تحت امرك يافؤاد بيه بس ممكن اللي اسمه قاسم ده يخبي اللي سمعه .
فؤاد: قاسم الشناوي طول عمره بيحكم عقله لكن في دي هايحكم قلبه اللي موجوع علي موت ابنه وهانفذ الرساله التانيه عشان تبقي كسر الضهر علي حق.
الشخص: تمام ياباشا وعلي العموم كلها ساعات اللي عايزه هايتنفذ.
فؤاد: مش عايز غلط لو اتكشفت انت فاهم هاتقول ايه طبعا وانا عند وعدي على هاتكفل بكل حاجه تلزم بيتك وولادك.
أمام العماره التي يسكن بها يوسف كان مصطفي ينتظر يوسف عندما علم من بواب العماره أنه بالخارج بعد فتره من الوقت وصل يوسف ورأي مصطفي ينزل من سيارته سلم عليه وطلب منه التحدث علي انفراد بخصوص الشغل، فهم يوسف مقصده واعطي معتصم وسالم مفاتيح شقته وهو ذهب مع مصطفي..
قص عليه مصطفي ما دار بينه وبين حسام وطلبه في مقابلته علي وجهه السرعه ، فاتفق يوسف معه علي ميعاد للمقابله ولكن بعد سفر أخيه وأبناء عمه للاطمئنان عليه.
رجع يوسف الي المنزل وجلس مع أخيه وابن عمه تناول كوب شاي واستأذن منهم ليدخل غرفته ينام..
دخل يوسف غرفته واتصل علي ياسمين واخبرها أنه سوف يسافر غدا مأمورية تابعه للشغل ،فأخبرته أنها لا يمكنها السفر مع ابناء عمها بسبب تسليم مشروع في الجامعه ، وافق يوسف علي عدم سفرها واتفق معها أن يسافرون عندما يأتي من مأموريته.
عدي الليل بسلام علي الجميع وأتي نهار جديد استيقظ الجميع واستعدوا للسفر نزل معتصم وسالم من منزل يوسف وذهبا الي سكن الفتيات واصطحبوا نغم وسلموا علي ياسمين وروضه تحرك معتصم في طريقه الي بلدهم ..
وذهبت ياسمين وروضه الي الجامعه وتقابلوا مع شدوي ودخلوا الي المدرج ..
عند فادي بمكتبه كان يجهز نفسه ليذهب الي المستشفي للاطمئنان علي تامر ومراجعه بعد المحاضرات معه وهو خارج من المكتب تقابل مع ناني وعلمت أنه ذاهب الى تامر فطلبت منه الذهاب معه ووافق وأخذها معه وقد قرر أنه سوف يعلن قريبا ارتباطه الرسمي بها.
بفيلا فؤاد الالفي كان يجلس يتناول الفطار وجاء تليفون قلب الموازين
فؤاد: انت بتقول ايه ازاي ده حصل وفين الحراسه اللي كانت في المكان.
الشخص: اللي حصل كان وقت تغير الحرس وماحدش شافه وهو خارج.
فؤاد: طيب ماتنفذش حاجه من اللي اتفقنا عليها لحد ما اشوف الكارثه دي.
الشخص: تحت امرك يافؤاد بيه وانا أمرت بتغير طقم الحراسه كله.
فؤاد: ماشي ماشي... واغلق فؤاد الهاتف وقال لنفسه دي كارثه ومش وقته خالص تحصل وهروب عبدلله وأنه يظهر مصيبه كبيره...