رواية فرحة عمري
الفصل العاشر
ـــــــــــــــــــــــــــــــــــــــــــــــــــ
مسك طارق حبيبة من دراعها و شدها بأيدو التانيه من شعرها و نزل فيها ضرب لحد ما فقدت الوعى
خاف طارق ليكون حصلها حاجه و جرى طلبلها الدكتور
**********
الدكتور : هى المدام ايه الى حصلها ؟
طارق : ها وقققععت وقعت من ع السلم
الدكتور بعدم تصديق مع اثار الضرب الواضحه على وشها و ايدها : وقعت ؟؟
ما علينا المهم تحافظ عليها و تراعى ربنا فيها المدام حامل
طارق بفرحه : حاممل حبيبه حامل ؟؟؟؟؟؟
الدكتور : اه حامل ربنا يقومها بالسلامه
حبيبه كانت شبه فاقده الوعى بس كانت سامعه كل حاجه و مش قادرة تتحرك من الضرب و الوجع
قام طارق وصل الدكتور للباب و رجع لحبيبه باس ايدها و هو بيملس على شعرها
طارق : حبيبه انتى حامل مبرووك يا حبيتى
حبيبه بدموع فضلت تحرك ايدها بألم لحد ما حطتها على بطنها و غمضت عنيها و كملت عياطها فى صمت
=====================================
حسام كلم ادم لانه كان متفق معاه ان ادم هيعدى عليه و يوديه للحلاق
حسام : الوو يا ادم اتأخرت اوى يا ابنى انتا فين
ادم : انا جايلك اهو كنت بوصل مراد 10 دقايق و انزل استنانى عند بيتك
حسام : مال صوتك يا ادم ؟
ادم : مافيش يا حسام مبروووك يا حبيبى
حسام : لا فى انا مش تايه عنك ،، طب حاول تيجى بسرعه
ادم : انا كدا على اول شارعك انزل بقى
حسام : نازلك انا جاهز من بدرى اصلا
و فـ عربيه ادم
حسام : خير يا ادم مالك يابنى
ادم محبش ينكد على حسام ليله فرحه اكتفى بابتسامه
: كلمت انس ؟؟
حسام : دا الى مدايقك مش كدا ؟؟
ادم حس كأنه حجه يقولها عشان ميقولش سبب زعله الحقيقى
ادم : اه يا حسام
حسام : على فكرة لسه مكلمه و قالى انه جاى
و لاول مرة يحس ادم بفرحه بجد : بجد يا حسام انس جاى ؟
حسام : بجد يا ادم
==========================================
مراد بيكلم هنا
مراد : يعنى جارك الى هو اخوكى زى ما انتى بتقولى جاى الفرح و مامته و كل اخواته
و انا كمان رايح بأمى و عمال اقنع فيكى تيجى مش راضيه ؟؟
هنا : اجى فرح حد معرفوش ؟؟
مراد : ازاى يا بنتى و انتى معايا ؟؟
هنا : يا سلالالالام و انتا تقربلى ايه
مراد : هبقى خطيبك بس جولى انشاله
هنا بصدمه : نعععم ؟؟
مراد : يا بت متقاطعيش الحاجات دى بتتنظر
______
هنا : سبحان الله خطيبى و انا معرفش ،، من امتا ان شاء الله
مراد : استنى هحكيلك يا ستى الحكايه
من قيمه اسبوعين الا شرطه جت بنت كدا كنت مسترخمها و مستغلسها غلاسه التنين
هنا : التنين ؟؟
مراد : اهاا بما انه حاجه كبيرة يعنى ،، سبينى اكمل متقاطعيش جوزك
هنا : يا ليههووووووى مش كنت خطيبى يبنى
مراد : يببنتى يعنى احنا هنفضل مخطوبين طول عمرنا ما اكيد هنتجوز المهم ،، اتعرفت بقى عليها لقيتها
بنى ادمايه مافيش منها 2 عسل كدا فى كل حاجه
كتله براءة ماشيه ع الارض
بأختصار البنت الى بحلم بيها
هنا مكسوفه و ووشها احمر و لو كانت قدامه كان اغمى عليها من الكلام
مراد : هنا ؟؟ يا هنا ؟؟
هنا : نعم ؟؟
مراد : انتى رحتى فين ؟؟
هنا بلخبطه : بص بقى يا مراد انا اول مرة حد يقولى الكلام دا مينعفش يعنى ميصحش انك تقولى كدا
عيب مش وقته بص ولا قدام وقته هو اصلا كدا يعنى هو بص
مراد : ههههههههههههههههههههههه يا بنتى اهدى اهدى طيب اهدى
زمان خدودك محمرة و وشك جاب الوان و سخنتى يا ليهوى على ام عيالى و هى متعصبه يا جدعان
هنا : انتا هتجننى :@ :@
مراد : مش احنا هنتخطب و بعدها هنتجوز يعنى الطبيعى من التسلسل الزمنى اننا هنجيب عيال
انتى هتكونى و انا هبقى ابوهم
هنا : انا انبهرت بجد انتا هتبقى ابوهم و انا امهم
مراد : اه و ربنا ،،، هتيجى بقى صوح
هنا : مممممممم ماشى هروح بس مع ادم و عيلته
مراد : ليه كدا بس
هنا : خلاص مش جايه
مراد : قولتيلى بقى هتلبسى ايه
===================================
يوسف قاعد مع كريم
بعد ما كريم اتأكد انه فعلا بيشرب وا نه رجعله تانى
كريم : الا انتا ايه الى فكرك بيا يا يوسف
يوسف : ايه يا كريم احنا مش كنا اصحاب و لا ايه ؟
كريم : صحاب ؟ بس انتا الى بعدت كدا مرة واحدة
يوسف : عارفه يا كريم ايه احسن حاجه فيك
انك دايما مش هنا انتا و شلتك بتسرحو و بتبعدو بعييييييييييد عن الدنيا
بتدخلو عالم كدا انتو بس الى فيه بتعرففو ازاى تفرحو نفسكو من مافيش
كنت غلطان اما بعدت و كنت فاكر انى هعرف اعيش منغير حاجه تخلينى اغيب عن الواقع الى احنا عايشينه
بس ملقتش حاجه تخلينى انسى و اعيش
غير دول " و يرمى حبه حبوب على الترابيزة الى قدامهم و يرجع بضهرة لورا "
كريم بابتسامه : منور فى عالم صاحبك يا صاحبى
يوسف بضحك : منور بأصحابه
====================================
مشيت سارة و طلعت المسرح و احمد واقف بيتفرج عليها من نرفزته خبط بإيدو على كرسى من كراسى العرض
ايدو خبطت فى الحديدة جابت دم و صرخ من الوجع
بصت سارة على احمد قلبها اتخطف نزلت جرى هى و كل الى شغالين فى العرض يشوفو ماله
سارة : مالك يا احمد فيك ايه ايه الى حصل
بصلها احمد ومش قادر يتكلم من الوجع : كويس يا سارة متقلقيش
جت نرمين و هى بتجرى زقت سارة و مسكت ايد احمد
صرخ احمد من الوجع اكتر
لفت نرمين بصت لسارة : انتى ايه يا شيخه مبتحسيش معندكيش اى دم انتى السبب فى كل حاجه بتحصله ابعدى بقى ولا انتى بتفرحى بلمه كل واحد حواليكى شويه
الكل واقف بيبص على سارة الى مزهوله من كلام نرمين
احمد استجمع كل قواه و رد على نرمين بزعيق
احمد : نرمييين انتى ازاى بتتكلمى معاها كدا انتى مطرودة من الفرحه و المسرح كله انا مش مسؤل عنك
اطلعى بررة
نرمين : بتطردنى عشان دى يا احمد
تعرف انا غلطانه اة و الله انا غلطانه غلطانه عشان بدافع عن واحد معندوش اى احساس ولا دم
انا فعلا طالعه و منتش شايف وشى تانى
جريت نرمين و دموعها مغرقه وشها
محدش حاسس بألمها غير سارة لانها مجرباه رغم كلامها الى جرح سارة
إلا ان سارة عرفت و اتأكدت ان نرمين فعلا بتحب احمد
استأذنت سارة و مشيت
احمد راح لدكتور و طلع عندة كسر فى ايدو الشمال
============================
روح ادم البيت بعد ما وصل حسام للحلاق و اتفق انه هيروح يلبس و ياخد شاور و يزوق العريبه و يروح ياخدة
طالع ادم على السلم وقف قدام بيته لف بوشه و قعد يبص على بيت هنا ،، كان مستنى بس تطلع و يشوفها ،، استنى على قد ما استنى
فتح الباب و دخل
سميه من المطبخ : مين الى جه
اادم : انا انا ادم يا ماما
سميه : حبيبى كويس انك جيت انا قربت اخلص اهو
هو فرح حسام امتا
ادم : انا هدخل اخد شاور و البس و اروحله
وهجيلكو تانى اخدكو
سميه : طب كويس اهو تكون غزل جت مع محمود و يوسف جه
طلعت سلمى من الاوضه و هى بتسرح شعرها
سلمى : عقبالك يا ابيه ادم
ادم بصلها بأسى و ملس على شعرها : بعد ما افرح بشهادتك يا زقردة
هايدى و هدير جريو على ادم اما شافوة و مسكو فى رجلو
ادم وطى عليهم : حبايييبى
هدير : انا بحبك اوى يا اتم
ادم : و انا بحبك يا روح اتم ،، و انتى يا هايدى مش بتحبينى ؟
هايدى : انا بحبك ات كتا
ادم : ات كتا الى هو ات ايه ؟
هايدى : ات هنا
ادم قام و هو بيملش على شعرهم وبيبوسهم : بس هنا صغيرة اوى
انتو كدا مش بتحبونى كتير
هايدى : لا هنا قالتلى ان الى بيحب حت مث بيحبه عثان حاكه
بيحبه عثانن بيحبه
ادم : بيحبه عشان بيحبه ابله هنا قالتلكو كدا
هدير : و قالتلنا كمان ان الواحت لاسم يزلع خيل حثان لبنا يرتى عنه
" و قالتلنا كمان ان الواحد لازم يزرع خير عشان ربنا يحبه "
ادم بابتسامه لانه عارف انهم مش عارفين معناها بس فرحان ببراءتهم : و انتو عارفين الخير ؟
هايدى و هدير شدوة من ايديه دخلوة البلكونه وقفو على الكرسى و قالوله
هايدى : بث يا اتم الولته تى انا الى زلعتها انا و هديل و بنحتلها تل يوم ميه حثان لبنا يحبنا
مث كتا بنزلع خيل
ادم بفرحه حضنهم اووى : اة يا حبايبى بترزعو خير
بص ادم على بلكونه هنا المقفوله و غمض عنيه فى حضن هايدى و هدير
==================================
طارق قاعد جنب حبيبه ماسك ايديها و بعملها كمادات على اماكن الجروح الى فى وشها من الضرب
حبيبه من الوجع مش قادرة حتى تبعدة ولا تتكلم
طارق كلم دكتور صاحبه عشان يسأله عن مرهم او اى حاجه يجبهالها متكونش غلط ع الحمل
و فى نفس الوقت تخفف وشها
طارق : الو يا مارو بقولك ايه عايز حاجه لكدمات الوش بس متكونش غلط على واحدة حامل ... اة يا سيدى " و يبص على حبيبه " مراتى حامل .... " قام طارق جاب ورقه و قلم حاولت حبيبه تتعدل لحد ما قمت قعدت نص قاعدة
طارق بيكتب اسم الدوا و ساند على التسريحه
حبيبه شافت طبق الفاكهه الى طارق جابه يأكلهولها فيه سكينه
طارق لسه ساند و بيتملى الدوا و مدى لحبيبه ضهرة
حبيبه فضلت تتحرك بألم لحد ما قربت عشان تمسك السكينه
_____
لف طارق و هو ساند التليفون بكتفه و بيبص على الورقه الى فيها الدوا
حبيبه اتخضت وقعت الطبق كله بالسكينه
اتخض طارق و جرى عليها
طارق : حبيبتى مالك و بص على الكوميدينو و لقى مايه
قالها بأبتسامه : طب مش كنتى تقوليلى اجييبلك مايه
و جابلها طارق كوبايه المايه جه يشربها زقت ايدو
طارق : يا حبيبه انا اسف بس انتى الى بتستفذينى بجد
كام مرة اقولك متكلمنيش كداا
الزعل دا وحش عشانك انتى حامل
سامحينى عشان خاطرى ،، انا نازل اجيبلك الدوا مش هتأخر
اوعى تتحركى لحد ما اجى
قام طارق لبس الجاكت و خد المفاتيح و اسم الدوا و المحفظه
و نزل و سمعت حبيبه تكت الباب بالمفتاح
عرفت ان طارق قفل عليها الباب
قامت حبيبه و هى مش قادرة تحرك جسمها كله من الوجع
رفت سماعه التليفون ملقيتش فى حرارة
قعدت تدور على موبايلها لقته فى درج طارق منغير شريحتها
وقفت على التسريحه و هى بتعيط و مافيش اى وسيله تستنجد بيها بأنس و طارق لغى كل وسائل الاتصال الى فى البيت
مسحت حبيبه على شعرها و هى بتعيط شافت موبايل طارق الى وقع من خضته من صوت الطبق الى وقعته
ضحكت بدموع و مسكته و اتصلت بأنس
====================================
هزأ احمد نرمين بعد ما كسفت سارة قدام كل الموجودين
مشيت سارة ورا نرمين قعدت تسأل عليها كل الى تشوفه
لحد ما وصلتلها
نرمين قاعده على سلم السكاشن بعد ما بعدت شويه عن المسرح
حطه وشها بين كفوفها و بتعيط
حست بيها سارة راحت قعدت جنبها و طبطبت عليها
حست نرمين بيها بصت لقتها سارة لسه هتقوم مسكتها سارة و قعدتها براحه
قعدت نرمين بأستسلام
ابتدت سارة بالكلام : بصى يا نرمين احنا بنات زى بعض و عارفين يعنى ايه بنت تغير و تحب
و انا حاسه بيكى لانى جربت شعورك
سرحت سارة و كملت كلامها و نرمين بصالها بأهتمام
اما بنت تحب بتحس كأن قلبها اتاخد منها مش معاها
تسهر تفكر و تربط اسامى ولادها باسم الى بتحبه و تغنيهم
تمسك صورته و تبصلها قبل ما تنام يمكن تحلم بيه
فى كل صلاة بتدعيله اكتر ما بتدعى لنفسها
بتحس كأنها مالكه العالم كله بإيديها
بس اما يكون الحب دا من طرف واحد جناحها الى كانت طايرة بيه
بيتكسر بتتوجع فـ بتقع على بدووور رقبتها
فى بنات بتقوم من الوقعه بصدمه مبتعرفش تحب بسهوله
و فى بنات تنسى حبها القديم بحب جديد و بتظلمه و بتظلم نفسها
كل الى عايزة اقولهولك يا نرمين انى لا بحاول اخطف احمد منك ولا اى حاجه
صدقينى احمد بالنسبالى و سكتت سارة لثوانى و نرمين مستنيه اجابتها
كملت سارة و قالت : زى اخويا بالظبط
دموعك دى غاليه اوى يا نرمين بجد
بكرة هتعرفى قيمه كل كلمه قولتها
و صدقينى احمد لو ممن نصيبك مافيش حد فى الدنيا هيقدر ياخدة منك
قامت نرمين نفضت هدومها و مسحت دموعها و بصت لسارة و مدتلها ايدها قومتها
و حضنت سارة اووووى و هى بتقولها : انتى طيبه اوى يا سارة انا بجد اسفه اسفه اووووى
طبطبت عليها سارة وهى فرحانه و قالتلها : متعودتش اشيل من حد
ادم راح زوق العربيه و اتفق مع مامته هييجى ياخدهم بعد ما يزف حسام
و قبل الزفه بدقايق حسام خلص لبس و قاعد عند الحلاق مستنى اصحابه
دخله ادم و معاه مراد
ادم : الف الف الف مبرووووووك يا صاحبى
عقبال ما تفرح بأبنك كدا
حسام : مش اما افرح بيكو الاول يا دوما
مراد : انا عن نفسى هتفرح فيا قصدى نويت اخطب " و غمز لادم "
حسام بفرحه : يا ابن الذينا و متقوليش ؟
مراد : مقولكش ايه يا عم هو مش انا قولتلك دلوقت اهو
حسام : اة
مراد : يبقى قولتلك فين مقولتلكش
حسام : انا اخر من يعلم يعنى
مراد : مسك ايد ادم و قال : طب دا واحد لا يعرفنا و لا نعرفه و مش هنشوفه تانى اشهدنا انتا يا عم حد يعرف غيرى و غيرها و غيرك
ادم : الشهادة لله لا
مراد : شوفت يعنى انتا اخر من يعلم فعلا يا حسام
حسام & ادم & مراد : ههههههههههههههههههه
ادم : طب مش يلا بقى كدا يدوبك نروح نجيب ملك
حسام : لا ماهو انس جاى
ادم بفرحه : بجد يا حسام
حسام و هو بيبص ناحيه الباب : ياريتنا كنا جبنا سيرة ربع جنيه مخروم
دخل انس و هو بيضحك لحسام و قلب وشه اول ما شاف ادم
راح سلم عليه و حضنه
انس : الف الف مبرووك يا حبيبى
حسام : الله يبارك فيك يا انوس
مراد : انتا يالا يا ندل ياض مافيش حضن ليا
انس بأبتسامه : حبيبى يا مارو وحشنى و الله
مراد : واضح عشان كدا بتسأل
انس : الدنيا تهالى
ادم مد ايدو لانس : اذيك يا انس
انس بص لايد ادم و بصله بغيظ و لفله وشه
انس : انتا جايب عربيتك يا مراد مش كدا
مراد بزعل من تصرفه : اه يا انس
حسام مبقاش عارف ينطق ادم اتكونت فى عيونه دموع حبسها و قال بصوت مكتوم
ادم : يلا يا حسام زمان ملك خلصت
طالعين كلهم من عند الحلاق موبايل انس رن
وقف انس يرود و كلهم وقفو لوقوف انس و ادم الوحيد الى ادالو ضهرو و سند ع العربيه زعلان على الى وصلو ليه بسبب غلطه ميقصدهاش
انس : الوو يا طرووق ميين ماالك اهددددى طييييب انا جاييييلك حالا
جرى انس و كلهم جريو وراة و مش عارفين مالو
حسام : فى ايه يبنى مين دى
انس : هطمنكو يا جماعه متزعلش يا حسام مش هقدر احضر فرحك فى مشكله
مراد : فى اييه طيييب
انس : تااكس ،، ركب انس و مشى بالتاكسى بسرعه
مراد و حسام و ادم واقفين مش عارفين فى ايه
ادم : قلبى حاسس انها حبيبه
حسام و مراد بيطمنوة
حسام : ربنا يستر و متكونش طنط جرالها حاجه
مراد : ربنا يستتتر
اطمن ادم من كلامهم و انه فعلا ممكن تكون حصل حاجه لمامته مش لحبيبه
ادم : يلا يا حسام عشان منتأخرش على ملك
ركب حسام و ادم العربيه و اتحركو و ركب مراد عربيته و اتكسف بعد الموقف دا يسألو عن هنا
================================
فـى الكوافير عند ملك
ملك خلصت و قاعدة مستنيه حسام و معاها مريم
مريم : مراد جاى اكيد صح
ملك : اهاا طبعا يبنتى جاى
مريم : ياااااااااة وحشنى جدا بجد يا ملك نفسى يحس بيا بقى
دا من خطوبتك و هو ولا الهوى
ملك : ماهو انتى الى خايبه
مريم : اعمل ايه يعنى
ملك : بصى الى عرفته ان مراد بيحب البنت المجنونه بس بهداوة و رزانه يعنى جنانها يبقى جنان عاقل
مريم : دا زى انا سبونج بوب اصفر كمونى كدا
ملك : و ربنا منتى نافعه خليكى انشاله يطير منك
لسه مريم هتتكلم لقت حسام داخل الكوافير
دخل حسام شاف ملك و مامتها و اخواتها و قرايبها واقفين برة
الى بيزغرط و الى بيفرقع صواريخ و الى مشغل اغانى
انبهر حسام بجمال ملك قرب منها و همسلها
حسام : انتى الى بنت الى حلالى
ملك بكسوف : ايون انا
حسام : بحبك يا ام عمر
ملك : بحبك يا ابو ندى
خد حسام ايديها و انكجها و طلع برة الكوافير و الكل مبهور بجمال ملك
خدت مريم نفسها اما شافت مراد بيصور وقفت جنب ملك عشان تطلع فى الصور
ركبو العربيه و زفهم ادم و طلعو ع القاعه
قال ادم لمراد بعد ما قعدو فى الكوشه انه رايح يجيب مامته و اخواته
مراد : و متنساش هنا ها
ادم بضحكه مصطنعه : هخطفهالك
مراد : اشطه ميضرش انا اساسا مش طايقها البت دى
ادم مشى و هو بيقول : مشكككله
مراد قاعد لوحدة حاسس انه فى ورطه شاف مريم قايمه من مكانه مسك تليفونه و عمل نفسه بيتكلم و طلع يتمشى فى النادى لحد ما ادم و هنا يجو
=================================
يوسف قاعد مع كريم
يوسف : كريم
كريم : يا نعم
يوسف : متاخدنى للبيت الى انتو بتتجمعو فيه انا بزهق من هنا
كريم : ههههههههههههههههههههههه
يوسف : بتصحك ليه ؟؟
كريم : اصلى مبثقش فيك بصراحه يا يوسف اصل البيت الى ببنتجمع فيه دا مش اى حد بيدخلو
يوسف : طب ما تقولى اعمل ايه و الى انتا عايزة هعملو دنا حبيبك من ايام الجيزة
كريم : و هو انا قالقنى غير ايام الجيزة
يوسف : قولت ايه ؟
كريم : فى شرط و لازم تنفذة
يوسف : الى هو ؟؟
كريم : جربت الحقن قبل كدا ؟؟
يوسف بخضه : ها ؟؟
كريم : يبقبى ملكش مكان فى بيتى يا يوسف
يوسف : انتا عايزنى اضرب حقن
كريم : دا رمز الولاء
يوسف : و انا موافق
كريم بأستغراب : للدرجه ؟؟
يوسف :فى ايه حلو يتعاش عشانه من بكرة هضرب و هبقى معاك فى كل حته
كريم : و ليه مش انهاردة
يوسف : انتا اكيد عايز فلوس ماهى مش ببلاش و بعدين فرح صاحب اخويا انهاردة و لازم امشى دلوقتى
كريم : ماشى يا يوسف كدا تبقى حبيبى هستناك بكرة
يوسف : ماشى يا كريم سلام مؤقت
راح ادم يجيب اهله و كانو جاهزين
سميه : خبط على هنا و جيبها يا ادم لحد ما اقفل المحبس و البوتجاز
ادم بيخبط على بيت هنا و بيظبط ساعته
فتحتله هنا
رفع ادم نظرة ليها و هو مبهور بجمالها و ميكبها الخفيف و فستانها و جمال لفه طرحتها ببرائتها بكل حاجه فيها
هنا : انا جاهزة
ادم اتخيلها حبيبه بفستان الفرح لثوانى بصلها و ضحك
ادم : و انا جاهز
خدهم ادم و طول الطريق بيخطف نظرات لهنا من مرايه العربيه
لام احساسه بيها لان صاحبه بيحبها شافها و هى بتلعب مع هدير الى قاعدة على حجرها و مع انه مش بيشوفها كويس لان هدير مغطيه عليها
الا انه لف مرايه العربيه بحسث متجيش ناحيتها و ركز فى طريقه
حبيبه بعد ما اتصلت بأنس مسحت رقمه و رجعته مكانه و نامت بسرعه فى السرير
سمعت صوت الباب و عرفت ان طارق جه
بعد طارق بثوانى سمعت تخبيط و رزع على الباب
طارق بقلق : ايه دا مين د ا الى بيخبط كدا
حبيبه ارتاحت و عرفت انه انس
طارق اول ما فتح ادلو انس بالبوكس و دخل و قفل الباب وراة
انس طلع يجرى على اوضه حبيبه دخل شافها نايمه قومها
شاف شكلها و الضرب الى مالى جسمها و ايدها و وشها
بصتله حبيبه نظرات عتاب مستحملهاش جرى على طارق الى لسه مكنش فاق اوى من البوكس
نزل فيه ضرب
انس : كنت حاسس انك بتمد ايدك عليها يا حيووان
طلقها يا زفت
طارق ضرب انس و شالو من عليه و هو بيمسح وشه مكان الدم
حبيبه قامت و هى مفزوعه من ع السرير و فضلت تمشى و هى ماسكه بطنها حد ما وصلتلهم
طارق واقف بيبص لحبيبه بغيظ و بعد عن انس
قام انس و لسه هيقرب منه تانى
طارق : لو عايزانى اطلقها يبقى تتنازلى عن ابنى الى فى بطنها تنازل مدى الحياة
و تمضيلى على ورقه انها متنازله عن كل حقوقها
انس بفرزع : انتى حامل ؟