رواية فرحة عمري
الفصل التاسع
ــــــــــــــــــــــــــــــــــــــــــــــــ
ملخص الحلقات الـى فاتت
==========================
انس فهم ان ادم بيخونه و عاقبه و عاقب اخته بـ انه جوزها لـ طارق
اروة فـ المستشفى بسبب جرعه زيادة و يوسف معاها ما بين الحياة و الموت
هنا سافرت شوم الشيخ فـ فرع الى هناك و قابلت مراد و بقو اصحاب
حسام فرحه بكرة و كل اصحابه متفقين هيروحوله
سلمى اتكلمت مع مى و حست بـرساله ربنا بيوجهلها و ندمت على بلال
بلال فـ سفرة لاسكندريه بيوزع الحبوب و المخدرات فـ نادى هناك "
سارة رجعت تمشى زى الاول و ابتدت من تانى ترجع لحياتها
غزل و محمود كل يوم بيقربو لبعض اكتر
احمد اتغير تماما و كل ما بيشوف سارة بيحس بالندم و مش قادر يسامح نفسه
انه ضيعها من ايدة
============
الحلقه الـجديدة
============
طلعت الممرضه و ادت للدكتور الموبايل الى يوسف سابه للاستقبال لحد ما يجيب الفلوس
قعد الدكتور يدور فى الاسماء على اسم حد يتصل بيه ملقاش اسم بابا او حتى ماما
بص فى سجل المكالمات لقى اسم كريم
داس اتصال ...
و كنسل بسرعه قبل ما يرن اما اتخايل برقم تانى بأسم حبيب قلبى
و قبل ما يرن الموبايل جم اتنين ممرضين خدو يوسف
لاوضه فيها اجهزة
=============================
سميه قاعده جنب آدم و دموعها مش مبطله جنبيه
سمعت موبايله بيرن فـ جيبه قامت بسرعه جابته و طلعت برة لـ تزعجه مركزتش فـ الرقم لانها متفهمش فـ الموباسل غير ان الاخضر بيرود و الاحمر بيكنسل
خافت ترود يطلع حاجه فـ شغله فصلت تحاول لحد ما طلعت البطاريه و فصلت الموبايل كله
===============================
حبيبه قاعده فـ الكوشه جنب طارق
شافت ناس صحابه جم اخدوة و فضل يهزر و يضحك معاهمـ و جت بنت سلمت عليه و ووقف يهزر معاها
و اشتغلت الاغانى و طارق فـ عالم تانى لحد ما انس خد بآله و راح وشوش طارق و قاله خد عروستك شويه
مشى طارق بأبتسامه ناحيه حبيبه و قومها مردتش تقوم
جت نفس البنت شدت طارق و فضلت ترقص معاه
اتنرفزت حبيبه و حست ان دموعها خلاص هتنزل و افتكرت آدم و ضرب انس ليها و اجبارة على جوازها من طارق
بصت على مامتها تستنجد بيها شافت الفرحه فـ عنيها
كتمت جوة قلبها جرحها و حاولت تتأقلم مع الامر الى اتفرض عليها
معرفتش تستنجد بحد غير انها تقول يآآآآآآآرب
==========================
فاق يوسف على كابوس مكنش قادر يحرك جسمه
افتكر اروة و موتها و انها فارقته ووعودهم صرخ من حرقته
دخلوله الممرضات بسرعه طلبو الدكتور نزله حاول يهديه ملقاش حل غير انه اداة حقنه مهدأه نيمته تانى
نام يوسف و ملامح اروة قدام عينيه لحد ما جسمه كله اتخدل و نام
الدكتور : حاولو تتصرفولى فـ شاحن للموبايل دا
الممرضه : حاضر يا دكتور حالا
طلعت الممرضه و دخلت تانى للدكتور
الممرضه : اتفضل يا دكتور نوع موبايله زى موبايلى نفس الشاحن
===================================
سارة داخله مع غزل المحاضرة و بيضحكو
شافت سارة دكتور اسامه فـ وشها تنشنت وشها و دخلت محاضرتها
وقفها اسامه
اسامه : ازيك يا سارة ؟
سارة : الحمد لله ازيك يا دكتور
اسامه : تمام ،، انتى ايه اخبارك دلوقتى احسن ؟؟
سارة : الحمد لله يا دكتور تمام
اسامه : تمااام ،، لو تعبانه انتى ممكن تروحى و تعدى عليه اشرحلك الى انتى عاوزاة
سارة : ربنا يخليك يا دكتور انا تمام
اسامه : مباخدش فلوس على فكرة بعملها لله هههههه
سارة : هههههههههههه لا و الله مش قصدى قصدى انى بقيت كويسه الحمد لله
انا اصلا مبحبش قاعدة البيت
اسامه : خير ان شاء الله اتفضلو
غمزت غزل لسارة و هى داخله و قالتلها
غزل : اله اشمعنا يعنى انتى الى عدى عليا لو مش فاهمه كنت كيس جوافه واقف انا
سارة : هع هع هع مستويات يا بيئه
قعدت سارة و غزل فـ اول بنش كالعادة دخل اسامه و قفل ما يقفل الباب
لمحت سارة احمد كان معدى ووقف يبص عليها
الباب بيتقفل احمد بيشب عشان يشوف سارة لاخر لحظه
سارة تحود وشها ناحيه غزل ولا كأن حد واقف .....
================================
سميه قاعدة بليل شايفه الساعه اتأخرت
يوسف لسه مجآش اطمنت على غزل و سلمى و هايدى و هدير و همـا نايمين
وصلت هنا و استقبلها آدم و اول ما شافها سلم عليها و كأنه مصدق انها لقاها
و كأنها بنته الى تايهه منه جواه كلام كتير اوى نفسه يقوله
هنا : ادم ازيك وحشتنى اووى
آدم : انتى اكتر بجد يا هنا اوعى تبعدى عنى تانى
هنا : و انا ببعد فين يا ادم منا طول عمرى قدامك
ادم : تقدرى تقولى كنت اعمى هنا انا
هنا : متقولش حاجه ممكن تندم عليها يا آدم بعدين
آدم : هنا انا عارف كويس انا بقولك ايه انا بحبك و عايز اتجوزك
شاف ادم حبيبه جايه بتجرى عليه بفستان الفرح ووشها كله متبهدل من الميكب السايح من العياط
حبيبه : ادم انا مش هكون لحد غيرك لو قتلونى
هنا : انتا بتحبنى مش كدا يا آدم
آدم واقف مصدوم مبقاش عارفه يعمل ايه لقى نفسه بيصرخ
فـ نفس الوقت الى سميه داخله تصحيه يشوف اخوة فين
جريت سميه عليه بلهفه
سميه : اسم الله عليك يا حبيبى مالك بس ادم ريحنى يا ابنى ى
ادم بخضه و هو بياخد نفسه بسرعه : انا كويس يا امى كويس الحمد لله
سميه : ادم اخوك لسه مجاش من صباحيه ربنا
الساعه داخله على 12 بليل
آدم : 12 يا امى و مصحتنيييييش لييييييه
سميه : يا حبه عينى انتا كنت فـ ايه ولا فـ ايه
______
آدم : فين موبايلى يا امى
سميه : اهو و جابته سميه من تحت المخدة " انا قفلته خالص خفت ليكون شغل ليك و يفتكروك مبترودش بمزاجك
ادم فتح الموبايل بقلق لقى مكالمتين من يوسف
ادم : يوسف كلمنى المغرب مرتين !!
سميه بلهفه : يا قلب امك يا ابنى هو الى كان بيتصل
ادم اتصل بيه و ادلو جرس
*******************************
رد الدكتور اما شاف حبيب قلبى
الدكتور : الو السلام عليكم
استغرب ادم بس مرضاش يبين اى حاجه لسميه عشان متقلقش عمل نفسه رايح الحمام و قام دخل البلكونه بس سميه كانت وراة
ادم : يوسف فين لو سمحت
الدكتور : حضرتك مين ؟
ادم : انا اخوة فين يوسف
الدكتور : اهدى حضرتك اخوك كويس هو فـ المستشفى
ادم اتخض خضه لثوانى و خفاها بسرعه
ادم : انتا فـ انهى درس طيب يا يوسف
الدكتور : درس ايه ؟؟
ادم : اه ماما واقفه جنبى و كانت قلقانه عليك هطمنها
اوصفلى انتا فين و انا اجيلك
الدكتور : اهاااا والدة حضرتك ،، انا اسف هو فـ مستشفى الرضوان فـ الحى السابع
ادم : ماشى يا يوسف جايلك اهو
قفل ادم و هيموت من القلق مش عارف يتكلم ولا يعرف يوسف فيه ايه
حاول يدارى قلقه سألته سميه
سميه : اخوك فين يا آدم ؟
آدم و هو داخل الاوضه يغير : ابداً اول ما راح الدرس اكتشف انه محفظته اتسرقت او وقعت
معهوش فلوس يرجع
سميه : مخادش من صحابه ليه و يبقى يحاسبهم
ادم بتتويه : ما انتى عارفه يوسف يا ماما مبيصدق فى اى حاجه تخليه يتأخر و عملها حجه انه معرفش يوصلى
سميه و هى بتحاول تصدق : ربنا يطمنى عليكو يارب
لبس ادم و خد مفانيح العربيه و الموبايل و المحفظه و نازل
ندهتله سميه من على الباب بصوت خلاة يقشعر و يقف مكانه
سميه : آدم
آدم : نعم يا امى
سميه : مترجعليش منغير اخوووك
===============================
نزل ادم و عنيه مدمعه من كلمه سميه مبقاش عارف يعمل ايه ولا يتصرف ازاى و خايف من كل حاجه فـ حياته
راح المستشفى سأل على يوسف فـ انهى اوضه و طلعله
اتصدم ادم اما شاف يوسف متعلقله محاليل و مش بينطق خرج من اوضته زى المجنون
شاف ممرضه
ادم : لو سمحتى فين الدكتور المتابه لحاله اخويا دى
الممرضه : يا عينى الولد الى جه مع البنت و....
قاطعها ادم : لو سمحتى فين الدكتووور
شاورتله الممرضه على اوضه الدكتور جرى ادم و خبط و دخل
ادم : انا اخو يوسف الحاله الى كلمتنى حضرتك ليها يا دكتور
الدكتور : اهاا اتفضل ،، اخوك عندة انهيار عصبى حاد
ادم : اخويا انا ليييييه يا دكتور و ازاى
الدكتور : تأثير الحادثه و موت البنت الى معاه اثرت فيه تأثير جامد اوى
ادم : حادثه ايه يا دكتور و هيخرج امتا ؟؟
الدكتور : هو جه فى حادثه و الخروج على الاقل مش قبل 3 ايام
ادم بصدمه : 3 ايام !!!!
الدكتور : للاسف
ادم : متشكر يا دكتور متشكر
طلع ادم من اوضه الدكتور موبايله رن برقم غزل عرف ان اكيد سميه الى بتتصل
كنسل عليها و قفل الموبايل كله خاف لتقلق اكتر وقف فى الشباك فتح موبايله و اتكلم
سميه : انتا فين يا ادم حرام عليكو يبنى
ادم : متقلقيش يا امى انا معايا يوسف اهوو بس هو اتخانق مع صحابه
و افتكر بابا و عمال يعيط ،، و" بتمثيل " يووووووووة طيب يا يوسف جاى اهدى
سميه : يا قلب امك يبنى و اتخانق ليه يا ادم ادينى اكلمه
ادم : انتى عارفه يوسف حمقى اوووى يا ماما انا خدت اجازة بكرة من الشغل و هسفرة دلوقتى اسكندريه و هنرجع بكرة بليل اهو عشان نفسيته تتظبط و ميبقالوش حجه بعد كدا يوسف تعالى كلم ماما خد ياد ،، انا هظبط الواد دا و اخليكى تكلميه معلش يا ماما هو عشان متعصب دلوقتى بس
سميه : روح ربنا يكرمك و يجبر بخاطرك يا ابن بطنى زى ما انتا جابر بخاطرنا قادر يا كريم
قفل ادم مع سميه سحب كرسى و قعد جنب يوسف مسك ايديه و باسها و دموعه فضلت نازله مش مبطله
خبط الباب و دخلت الممرضه
الممرضه : لو سمحت اتفضل استلم حجات اخوك و ادفع الحساب
=================================
خلص الفرح و روحت حبيبه مع طارق وصلهم انس و مامتها و باباها و اصحاب طارق عملولو زفه تحت بيته و مشيو
دخلت حبيبه و اول ما دخلت مستنتش اما طارق يقولها اى كلمه و ابتدت
حبيبه : ممكن اعرف مين البنت الى انتا كنت بترقص معاها دى
طارق بحاجب مرفوع : واحدة صاحبتى
حبيبه : صاحببتك ؟؟؟
صاحبتك دى تحط ايدها على كتفك و تهزر و تضحك بمياعه و قله ادب كدا
طارق : لا بقولك ايه انا محبش الى يغلط فى صحابى اهدى كدا و قولى ياليل عدى انتى لسه مشوفتيش الوش التانى
حبيبه ابتدت تخاف بس مع ذلك استجمعت شجاعتها و ردت
حبيبه : وش وش ايه و ايه طريقتك دى غلطان و بتتكلم معايا يا بجاحتك
طارق بنرفزة : يا بجاحتى !!!!
الظاهر كدا ان اهلك معرفوش يربوكى و معلموكيش ولا حد قالك تعاملى جوزك ازاى انا بقى هربيكى و اعلمك
حبيبه لسه هترود لقت الم نزل على وشها من قوته وقعت على الارض بفستانها
قامت حبيبه و هى بترجع بضهرها و بتحسس ع مكان الالم فضلت تجرى لحد ما وصلت لاوضتها قفلت الباب بس ملقتش مفتاح تقفله بيه جريت على سريرها و دفنت وشها فى مخدتها
============================
الساعه 9.5 الصبح
فـى مطار القاهرة واقفه هنا و مراد جنبها
هنا بتبص فى صاله الانتظار مش لاقيه ادم بتكلمه موبايله مقفول
مراد : انتى فى حد جاى ياخدك ؟؟
هنا : اها المفروض يجى
مراد : مين دا ؟؟
هنا : جارى
مراد : نعم ؟؟ و يجى ياخدك بتاع ايه يعنى هو خطيبك ولا قريبك ؟
هنا : لا بس متربيين مع بعض و زى الاخوات اكيد فى حاجه حصلت
مراد : زى الاخواااااات طب تعالى اوصلك انا وصيت حد يجيبلى عربيتى
هنا : لا هو قالى جاى
مراد : طب كلميه قوليله ميجيش !
هنا : موبايله مقفول
مراد : هتفضلى واقفه كدا يا هنا يعنى ؟؟
يلا هو اصلا محترمكيش و هو عارف انك بنت تعالى اوصلك
مشيت هنا مع مراد و هى زعلانه اوى ان ادم مجاش
و قالت " ادم محترمش معادى معاه "
مراد : انتى ساكنه فين
هنا: فـ العجمى البيطاش شارع 45 تعرفه ؟؟
مراد : طبعا يبنتى انا معظم صحابى من هناك
مركزتش معاه هنا و حاولت تكلم ادم لكن موبايله غير متاح
وصل مراد شارع هنا و قالها
مراد : انهى عمارة ؟؟
هنا : 45 دى
مراد : ايه دا بجد ؟؟
هنا : اهااا و الله
مراد : الدور الكام ؟؟
هنا : الـ 4
مراد : نعم انتى قريبه ادم ؟؟
هنا : لا يبنى ادم يبقى جارى ايه دا انتا تعرفه منين اصلا
مراد : هههههههههههههههههههههههههههه ياربى ع الصدف يا جدعان
ادم يبقى انتيمى و اخويا و عشرة عمر
هنا : بجد و الله ؟؟؟
مراد : اها و الله و عشان تصدقى كمان هطلع معاكى و اسلم على ماما سميه قدامك
حبيبه نايمه ع سريرها بفستان فرحها مقهورة
مهياش عارفه انهى سبب عياطها
ضرب طارق ولا جرحه ليها فـ يوم فرحها
ولا ادم و حبها ولا انس و ظلمه حاجات كتير اووووى حطتها فـى قلبها و سكتت
سمعت حبيبه صوت الباب بيتفتح قلبها وقع و اتنفضت من ع السرير نفضه خوف و عملت نفسها نايمه
دخل طارق و قعد جنبها ع السرير
طارق : انا آسف يا حبيبه انا مش عارف عملت كدا ازاى
حقك عليا يا حبيبتى اول و اخر مرة همد ايدى عليكى ياريتها كانت اتشلت
بس انتى بردو يا حبيبه كلمتينى بطريقه وحشه اوووووى
و نرفزتينى و خرجتينى عن شعوورى
سامحينى ارجوكى و الله والله اول و اخر مرة
مسك طارق ايد حبيبه و قومها و شاف دموعها على خدها الى بوظت مكياجها يوم فرحها
طارق بدموع اتكونت فى عنيه : حبيبه انتى بتعيطى !!
انا انا اسف اسسسف حقك عليا و الله ما همد ايدى عليكى تانى
و بعدين البنت دى تبقى جارتى من زمان و متربيين مع بعض
لو فى بينى و بينها حاجه ما كنت اتجوزتها هى ايه هيخلينى اتقدملك انتى و اتجوزتك انتى
حبيبه ابتدت تطمن و دموعها لسه نازله معرفتش تعمل اى حآجه غير انها سكتت زى ما طول عمرها بتسكت
و اطلقت الحريه لدموعها و بس
===========
صحى ادم على صوت عياط يوسف و صرخته
قام ادم مخضوض على صوته
جرى قعد جنبه حط راسه فى حضنه و دموعه نازله على حاله اخوة
و قلبه مش مستحمل يشوفه كدا
صحى يوسف و بيفتح عنيه و كل الى على لسانه
يوسف : اروة اروة وعدتينى مش هتسيبينى طب ليه بعدتى عنى
ادم : اروة ؟؟ اروة هى الى ماتت يا حبيبى يا يوووسف
اعملك ايييه عشان ترجع يوسف بتاع زمان
موت اروة و قدااامه حاجه الواحد ميتحملهاش
ياااااااااااااااااااااااااارب سااعدنى يااااااااااااااااااارب
فاق ادم من تفكيرة طلع جرى ينده اى حد من برة
دخل معاه الدكتور و يوسف دموعه نازله على خدة فـ صمت
طلع ادم مع الدكتور و فضلت الممرضه مع يوسف بتغيرله المحاليل
ادم : ايه اخبارة يا دكتور
دكتور نبيل : بص يا ابنى انا مش هضحك عليك
اخوك حالته صعبه جدا ،، حاله الصمت الى هوة فيها
هتأديله لحالتين
يـ اما صمت دائم بالبلدى " هيتخرس "
يـ اما هتربيله عقدة نفسيه و انصحك لو لاحظت عليه اى حاجه
تعرضه على دكتور نفسانى
و الاحسن من كل دا تهيأله جو فى البيت مرح عن الاول
عشان يقدر يعوض الى فقدة بيكو
استأذنك انا
وقف ادم متسمر مكانه ،، مش عارف يعمل ايه ولا عارف يفكر
قلبه معدش مستحمل الخبطات الى بتججيله
مسح بإيدو على شعرو و دار حوالين نفسه و هو رافع دماغه و بيترجى ربنا يعدى المحنه على خير
مسح ادم دموعه قبل ما يدخل فـ طالعه الممرضه من الاوضه
الممرضه : لو سمحت
وقف ادم منغير ما يتكلم و بصلها بـ نعم ؟
الممرضه : دا اخوك مش كدا ؟
ادم هز دماغه بـ اة
الممرضه : ربنا ينجيهولك يارب بس انا عاوزة اقول لحضرتك على حاجه
البنت مماتش ولا حاجه البنت اتنقلت للرعايه بس الى حصل ان
و فلاش باك لساعه الحادثه
===================
يوسف اما عرف ان اروة ماتت و غطو وشها فضل يفقد فى اعصابه لحد ما اغمى عليه من الصدمه و ادتله الى انهيار
ساعتها الدكتور نادانى اروح الاستقبال اعرف اى حاجه عنه او اى معلومات
لان هنا مش بيدخلو اى حد الا بفلوس تحت الحساب
انا مكنتش عايزة اطلع من الاوضه بصراحه لانى عارفه الى هيحصل
ادم بتساؤل : و ايه هو الى هيحصل ؟
الممرضه : هكملك بس شيل اى تعابير من على وشك عشان محدش يشك و تبقى مشكله ليا ،، و كملت كلامها
القلب بيقعد عشر دقايق ممكن يرجع للحياة بالصدمات الكهربائيه بعد موت الشخص
دكتور محمد الله يكرمه كان عارف الى بيفكر فيه دكتور نبيل و اصحابه
اروة مكانتش ماتت الجهاز صفر اة بس كانت ممكن بمساعدة ربنا ترجع بعدها بدقيقه
دكتور محمد شال الغطا اول ما يوسف وقع من على اروة
و رجع عملها الصدمات لحد ما النبض رجع من تانى و اتنقلت لاوضه فى الرعايه المركزة
و لان بابا اروة ليه شأن عالى اوى جه و اما عرف ان بنته كانت مدمنه مخدرات
حاوط على الخبر و نبه عليهم محدش يجيب سيرة للصحافه و ان حد فى المستشفى عرف
يقولولو دى ماتت لحد ما حالتها تتحسن و ينقلها مستشفى تانيه اكبر
و لو طلعت هتلاقيها فى اوضه الرعايه فوق
ادم : و ايه الى كان بيفكر فيه دكتور نبيل ؟
اللممرضه : اكتر من كدا مش هينفع اجيب سيرة اعذرنى
من بعد الى حصل و ربنا تاب عليه و سمعته بودنى
و الى ساترة ربنا مجيش انا افضحه
ادم بفرحه : يعنى اروة عايشه ،،
طلع آدم بنفسه للرعايه عشان يتأكد ان اروة عايشه قبل ما يقول اى كلمه ليوسف
طلع ادم شاف سراير الرعايه كلها فاضيه سأل البنت الى واقفه بس قبل ما يتكلم سمعها بتقول لصاحبتها
....... : يا حبه عينى من كتر المخدر محدش عرف يلحقها
اهو جه اجلها و الحمد لله دى اترحمت من العذاب الى كانت فيه
....... : بجد يا عينى على اهلها
....... : اهلها مين يبنتى دول كانو مكبرين منها ربنا رحمها برحمته
و شافها بتحط ملفين على الترابيزة ملف منهم شاف عليه اسم : اروة عبد المقصود
ملحقش ادم يفرح اتكسر للمرة التانيه محبش يسأل تانى و قال انه لازم ينقل يوسف البيت و زى ما يتعالج هنا يتعالج هنا
مشى ادم و كانو بيكملو الممرضين الكلام
.......... : بقولك ايه عملتى ملف النقل بتاع اروة عبد المقصود ؟
.......... : مش دى الى باباها جه اخدها الصبح ؟
.............. : اة هى
............ : اه لسه كنت جايبهولك اهووو مش دا الملف ؟
=================================
نزل ادم بعد فرحه ملياة لـ يوسف و هو مش عارفه يقوله ايه
حمد ربنا انه متسرعش و قاله على الى سمعه
و الا هيكون جرحه اكبر بكتير من القديم
دخل ادم لقى يوسف ساند ضهرو على السرير و دموعه نازله على خدة زى ما سابه
جاب كرسى و قعد جنبه : يوسف ؟
يوسف : ___________
ادم : مش هقولك ترود عليا و لا هقولك اى كلمه بس كله الى هقولهولك ان مافيش حد مخلد فى الدنيا
ربنا عمرة ما بياخد حاجه من حد الا عشان يديه الاحسن
و حتى لو ربنا حرمك من حاجه فى الدنيا و معوضكش بحاجه تانيه
اعرف انه شايلك الاحسن اوووى فى الاخرة
لو كنت حبيتها بجد يا يوسف اعرف انها فى مكان احس من هنا كتير اوووى اوووووى يا يوسف
و ان ربنا غفور رحيم
لو بتحبها كمل حلمكو و كمل وعدك ليها
ابقى المهندس زى ما وعدتها و كون حاجه لو هى كانت لسه عايشه تفتخر بيها
اعملها الى هى كانت عاوزاة و صدقنى هيوصلها
و هتفرح بيك اما تشوفك فـ الجنه
الجنه يا يوسف حيث الالا فراق
كلام ادم على قد ماهو صعب و كان بيزيد فى دموع يوسف الا انه كان بيريحه راحه غريبه و بيديبه دفعه كبيرة اووى
يوسف بصوت تعبان : بس انا مش قادر ،، مش قادر اتخيل انى مش هشوفها تانى
مش قادر اقتنع انها سابتنى
ادم : دا قدرها يا حبيبى و لا قدر الله يارب بعيد عنك لو كنت مكانها كانت هى هتعمل زى الى بقولهولك
و هتخليك فرحان بيها يا يوسف
" و اعلمو ان الحياة الدنيا لعب و لهو و زينه "
انتا متعرفش كلنا بنحبك ازاى و متعرفش ربنا شايلنا ايه يا يوسف
لو بتحب اخوك خلى عندك قوة اكبر من كدا و انا جنبك يا عبيط و ماما و غزل و الزقردتين الى بيشبطو فى رجلك و انتا ماشى
كلنا بنحبك
قام ادم قعد جنب يوسف حط راسه على كتفه و الايد التانيه سند بيها راسه و هو بيملس على شعرة
ادم مش عارف جاب القوة الى بيكلم بيها يوسف منين
يوسف مش عارف ينسى اروة و جرح قلبه كبير على سنه و فى نفس الوقت جواة جرح كبير اوى من اخته انها السبب فى ان كل دا حصل
يوسف فـ سرة : مش هعديهالك يا سلمى
================================
عدى 4 ايام رجع يوسف تانى البيت و عرفت هنا من ادم سبب انه مجاش المطار بس مقالتلوش انها قالت مراد صاحبه
بلال رجع و كل يوم بكلم سلمى بس مافيش رد منها و غيرت سلمى رقمها
حس بلال ان سلمى وحشاه و عرف انه فعلا بيحبها
كريم و شلته ميعرفوش اى حاجه حصلت لاروة و كريم مستغرب غياب اروة بس كان بيقول مهما تغيب هترجعلى
محمود اتفق مع غزل انه هييجى يتقدملها بعد امتحانات الترم بتاعهم و يكتبو الكتاب و سارة فرحتلهم جداً
ادم مرضاش يحكى اى حاجه لسميه عشان متزيدش فى قلقها و اكتفى بأنه اخترعلها اسباب فى غيابه
ادم كلم حسام و حكاله ظروفه و للمرة الـ 3 يأجل فيها حسام فرحه بسبب انه نفسه صحاب و اخوات عمره
=================================
يوسف ماشى فى الشارع عدى من قدام المكان الى كان بيتجمع فيه مع كريم
افتكر كل حاجه نزلت منه دموع
مشى خطوتين و رجع تانى و دخل خبط على الباب
شاور عقله انه يمشى او يجرى قبل ما حد يفتح بس مالقاش وقت للهروب الباب كان فعلا فتح
دخل يوسف و الكل بيسلم عليه شاف كريم قاعد راح وقف قدامه
كريم اتفاجأ بـ يوسف و بلال خاف ليكون تغيير سلمى دا ان يوسف عرف حاجه
قعد يوسف جنب كريم فـ صمت
يوسف : مش هترحب بيا بأى حاجه يا كريم ؟
كريم طلع من جيبه حبوب و اداها لـ يوسف فـ استغراب
خدها يوسف و شرب كوبايه ميه و قام و هو بيقول : انا رجععععععععععععععععت يا جدعان
سمعونى احلى سلام
====================
يوم فرح حسام الصبح
===================
نازل ادم من بيته الصبح جريت وراة سميه ترقيه قبل ما ينزل
ادم باس ايد سميه
سميه : مش هفرح بيك بقى يا ادم زى حسام ؟
ادم ابتسم و قال : ان شاء الله يا امى خير
سميه : هنا مش كدا ؟؟
ادم ابتسم و قال و هو نازل : خيييييييييير يا امى
سميه بضحكه : تبقى هى يا ادم
===========================
كلم مراد ادم و اتفق معاه يشوفه و نزله ادم فعلا
بعد السلام قعدو فى مكانهم الى متعوديين يقعدو فيه
بعد ما مراد عرف كل حاجه انس عملها و محبش يفتح الموضوع مع ادم و يفكرة بحاجه بينساها
مراد : انا قررت قرار كدا و عايز رأيك فيه يا ادم
ادم : اؤمر يا حبيبى
مراد : انتا ايه رايك فى هنا ؟
ادم باستغراب : هنا مين ؟؟
مراد : هنا جارتك ؟
ادم : و انتا تعرف هنا منين ؟؟
مراد : مش هى اتنقلت لفرع الى عندنا فى السفرة يبنى و انا وصلتها لبيتها و عرفت انها جارتك بالصدفه
ادم بترقب : قرار ايه ؟؟
مراد : اخوك طب و عايز يخطب
______________
سمع آدم كلمه طب و عايز يخطب و حس ان الدنيا كلها بتلف بيه
ادم سرح و بص قدامه معرفش يتكلم او يرود يقول ايه
مراد شاورله قدام عينيه : ادددم سرحت فى ايه يبنى بقولك عايز اخطب
ادم : كله الا هنا يا مراد
مراد بأستغراب : نعم ؟ انتا بتقول ايه يا ادم
ادم : ابعد عن هنا يا مراد
مراد : ادم انا بحبها و الله ما بلعب بيها
انا بجد حبيتها هنا غيرتنى فى الكام يوم الى كانت شغاله معايا فيهم
حسيت فيها براءة غريبه و تلقائيه مع كسوف مشوفتهمش فى بنت
برغم انها لوحدها و مالهاش اهل بس بنت بميت راجل محافظه على نفسها من اقل حاجه
دى البنت الى انا كنت بدور عليها يا ادم ازاى هجرحها او هلعب بيها ،، انا عايزها زوجه و ام لعيالى
هبقى مطمن و انا ماشى لشغلى و سايبلها بيتى
ادم مع كل كلمه من مراد كان بيتخيلها مع هنا
اتخيل كلامه معاها وقوفه فى البلكونه ،، خوفها عليه
اهتمامها انها تعرف الى مدايقه
حس برائتها الى قاله عليها مراد
اتخيل و هو ماشى و بتسلم عليه و بتدعيله ربنا يرجعه بالسلامه ليها و لولادهم
اتخيل حاجات كتيرة اووى دراها جواة
مراد : ادم انا عارف انك يعتبر المسؤؤل عن هنا
هى مالهاش حد حتى خالها بقالها سنين متعرفلوش طريق
ادم : الى فيه الخير ربنا يقدمه ،،
مراد بفرحه : هتساعد اخوك صح ؟
ادم سمع كلمه اخوك حس بخنجر جواة رد بجرحه مع ابتسامه : هساعد اخويا و صاحب عمرى
مراد قام حضن ادم و قاله : ربنا يخليك لينا يا ادم يارب
ادم حضنه و طبطب على كتفه و نزلو دمعتين من ادم على قميص مراد بس محسش بيه
=====================
قعد يوسف بعد ما رقص شويتين جت بنت قعدت جنب كريم
يوسف : مش تعرفنا يا كريم
كريم : يوسف نهى ،، نهى يوسف
نهى : هاى يوسف ؟
يوسف افتكر اروة بس المرادى متفاجئش من جراءة نهى
يوسف مد ايدة: هاى نهى
=====================
انس و مامته راحو لحبيبه تانى يوم زواجها
حبيبه : طارق الباب بيخبط
طارق بصوت نايم : فكك متفتحيش
حبيبه قامت لبست طرحتها و الروب : انا هشوف مين افرض اهلى
طارق فاق من النوم و بحدة : استنى هنا انا قومت هفتح ،، مش عارف انا ايه قله الزووق دى اكيد مش اهلى
حبيبه : تقصد ايه بقى
طارق بنفاذ صبر قام حبيبه كانت واقفه على باب الاوضه زقها عشان يطلع من الباب و قال و هو رايح يفتح : عدى ليلتك يا حبيبه خلى اليومين يعدو
حبيبه واقفه مستسلمه لامرها و مركزتش فى كلمه يومين
طارق فتح و حبيبه جت جرى من اوضتها اول ما سمعت صوت انس و مامتها
انس مد ايدو لحبيبه عشان ياخدها فى حضنه فوتته حبيبه و جريت فى حضن مامتها و بكت منغير صوت
زعل انس و ادايق و حس ان فى حاجه فاق من سرحانه على طارق و هو بيقول
طارق : ايه يا جماعه هتفضلو واقفن ع الباب ادخلى يا حماتى
ادخل يا انس
حبيبه اول ما سابت حضن مامتها ووقفت بص لها انس و قالها
انس : ازيك يا حبيبه ؟
حبيبه و هى بتدارى وشها لان الالم كان معلم عليه : الحمد لله يا انس
انس لف وش حبيبه بإيدة بفزع
انس بتبريق : ايه دا يا حبيبه ؟؟؟؟
حبيبه اتكونت دمعه فى عنيها اما افتكرت ضرب طارق ليها و بعدت وشها من ايديه
قال طارق بلجلجه و هو بيحط ايدو على كتف حبيبه و بيطبطب عليه جامد
: اصلها داست على فستانها امبارح ووقعت على وشها على سلمتين السفرة و احنا بنتعشى
انس بص لحبيبه بيتأكد على كلام طارق
حبيبه ردت بأستسلام : اة وقعت
بص طارق لحبيبه بضحكه انتصار و رجع بص لانس
انس بحدة : عارف يا طارق لو كان حاجه غير الوقعه انا كنت
طارق : ايه يا صاحبى مالك انتا ناسى انها مراتى
انس : مراتك بس ملكش حق بضربها يا طارق
طارق : و مين جاب سيرة الضرب متتكلمى يا استاذة
حبيبه خافت لتحصل مشكله : خلاص يا انس محصلش حاجه وقعت و حصل خير
مامه انس : معلش يبنى احنا جينا قلقنا نومكم بس احنا جايين نعمل الواجب و نمشى ،، دا اكل الصباحيه تاكلوة بألف هنا
طارق : تسلمى يا حماتى
مامه انس : تسلم يا حبيبى ،، يلا يا انس يبنى مش قادرة اقف اكتر من كدا
حبيبه بصت لمامتها تستنجدها متمشيش بس مامتها كانت لفت وشها
اطمن انس و قرب من حبيبه باسها من جبينها و هو ماشى حبيبه شدت ايديه و مسكتها اووى
قلق انس و حس بحاجه بس لقى ابتسامه على وشها لغى احساسه و قال يمكن بتحسسنى انها مش زعلانه و انها مرتاحه مع طارق
=====================================
غزل و سارة و محمود قاعدين فى كافيتريا الجامعه
غزل : ههههههههههههه بس كان شكله مسخخخخرة بجد
سارة و هى بتخن صوتها : لا و اما قالى " اطلعى برة انتى شكلك فاشله "
غزل : بس يا عم انتى جالك دكتور اسامه و دافع عنك و قاله انك من اكفأ الطالبات الى عنده
محمود : الله عرفتش انا حكايه الاخ سمسم
سارة : احم احم تكثفنيش بقى احودة
محمود : تكثفنيش و حودة انا كدا بتثبت اه منك اثوثه
غزل : ههههههههههههههههههه مش قادرة
سارة : طب يلا يا كتاكيت ع البروفه خلاص العرض فاضله كام يوم
محمود بـ استهبال : ماهو احمد المخرج و عادى اما نتأخر يعنى
سارة بحدة : مش عشان احمد يبقى اخونا يا محمود نستغله
واجبى و لازم اقوم بيه و مبحبش اسمع كلمه من حد
قامت سارة و غمزتله غزل و قالت بهمس : نيلت الدنيا
محمود بنفس الهمس : كان قصدى اكحلها
غزل : عامتها يا خويا
لفت سارة و ضحكت و قعدت تانى و هى بتقول : اشطه نطلبلنا 3 كركريه
محمود : كريريه !!!!!!
غزل بطريقه الفلاحين : هيهيهيهيهيهيييي ايوووى كركريه الاحمر ديه هيهيهيهيهيهيييي
سارة بنفس الطريقه : هيهيهيهيهيهييي ايوى لحمر دا
محمود : و ربنا قاعد مع اتنين هُبل
سارة : اطلب الكركريه ياد
غزل : هو شاكله كدا عايز حاجه ساقعي هيهيهيهييي
سارة : خلاص نطلوبهاله و ماله هيهيهيهيهيهييييي
محمود : تاكسسسسس
سارة : محدش هيسمعك ريح نفسك
غزل : انتا مخطوووف
محمود : جرسووووون 2 كركريه قصدى كركديه لو سمحت
غزل و سارة فى صوت واحد : 3
محمود : احبووووووش انا
غزل : احِبُه بقى
محمود : احبه و ماله 3 لو سمحت
=====================================
و بعد الكركديه و الضحك و الهزار وصل غزل و محمود سارة لمسرح الجامعه كالعادة و قبل ما يدخلو
غزل : بصى يا سارة زى ما اتفقنا هروح مع محمود نجيب جدوله و نلف لفتنا كدا و اول ما تخلصى هنجيلك نروح سوا
سارة : قشطات تمام
محمود : و اى حاجه قولى جزر
سارة : لا هقول كركديه
محمود خد غزل و كانه مسمعش حاجه من سارة : بقولك ايه يا غزل نروح ازاى
غزل بنفس طريقه محمود : اعتقد من هنا
محمود : تمام اتفضلى حضرتك
مشيو غزل و محمود وقفت سارة و بصت عليهم و هى بتضحك : ربنا يسعدكو يارب
دخلت سارة المسرح و لف احمد على الصوت الى داخل
سارة : سورى يا احمد ع التأخير كنت بعمل حاجات مهمه
احمد بنرفزة : مسألتكيش سبب تأخيرك
و بعدين الحاجات المهمه دى ضحك و هزار و مشاريب فى الكافيتريا
سارة بصت لاحمد بأسبهلال و ردت و هى بتربع ايدها : و الله انا مش مجبرة اقول اعذار و مش مجبرة انى احضر بروفات طلاما متمرنه كويس
احمد قرب من سارة و قالها بصوت هادى فى نوع من العصبيه : انتى ليه مش عايزة تسامحينى
انا بحبك و الله بحبك
سارة بعدت عن احمد : و انتا لو فضضلت تعاملنى بالطريقه دى يا احمد انا مش بس همشى من الفرقه انا هنقل من الجامعه كلها
كملت سارة مشيها و كل دا و نرمين الوحيدة الى متابعه مناقشتهم
مشيت سارة و طلعت المسرح و احمد واقف بيتفرج عليها من نرفزته خبط بإيدو على كرسى من كراسى العرض
ايدو خبطت فى الحديدة جابت دم و صرخ من الوجع
بصت سارة على احمد قلبها اتخطف نزلت جرى هى و كل الى شغالين فى العرض يشوفو ماله
===============================
قاعد انس فى اوضته مفتقد حبيبه جدا و شقاوتها قببل ما يكتشف خيانه ادم ليه
قام فتح درج مكتبه و طلع صور قديمه ليه و الى بقياله من ريحه صحابه الى خدهم بذنب آدم و مبقاش يشوفهم
شاف صورة كان حاطت فيها ايدو على كتف ادم و مطلع لسانه و مراد مبرق و ادم باصصله
شاف صورة و هو و مراد و حسام بيبصو على بنت وادم لقطلهم صورة
مع كل صورة بيشوفها كان بيتولد جواه الحنين ليهم صورة يضحك و صورة تتكون فى عيونه دموع
حاسس انه وحيد و انه عزل نفسه من صحابه
فـ نفس الوقت ليه عند كلامه ان ادم خانه و قلبه مش راضى يلين له
قام حطهم فى الدرج و قفل عليهم و طلع لاوضه حبيبه دخلها و قعد على سريرها و هو بيحضن مخدتها
انس : عارف انك مش مسمحانى بس بكرة تعرفى انى عملت الصح
و لسه هيقوم لقى موبايله بيرن لقاه حسام رد
انس : حبيبى وحشنى و الله
حسام : يلا يا ندل و ربنا ياض انتا اندل منك ما شفت ،، مافيش مكالمه ولا اتصال حتى ؟؟؟؟
انس : حقك عليا عارف انى مقصر و الله
حسام : جاى فرحى و لا هتستندل كالعادة
انس : طبعا جاى يا عم مش للدرجه انتا اخويا يا عبيط
حسام : كويس انك لسه فاكر اخوك و الله و ان لسه لك اخوات
انس : قصدك اخين بس انتا و مراد
حسام : انس احنا لازم نتكلم
انس : وقت الكلام خلص يا حسام ادم محافظش على بيتى و عرضى و خاننى فى غيابى و انا الى فاكرة بيعمل كدا لمصلحتى
حسام : انس بطل غباء بقى انتا مش جوزت حبيبه و الموضوع انتهى
لسه عايز تظلمه تانى
انس : حسام الف مبروك يا صاحبى و ان شاء الله جايلك
حسام : يعنى بتقولى مع السلامه بالزووق
انس : و الله ما قصدى يا حسام بس الموضوع خلاص انتهى
حسام فى سرة : لا منتهاش : محبش حسام يزود مع انس لحد ما ييجى الفرح و هو متأكد انه لما يشوف ادم هيحن و كمل كلامه : ماشى يا انس هستناك ياض
انس : طبعا يا حبيبى
==================================
حبيبه بتعمل الاكل سمعت صوت طارق بيضحك و هى بتوطى على الاكل
خرجت تتسحب و لقيته قافل الباب وقفت تتصنت
طارق : يا بت اسكتى هتموتينى من الضحك بجد
مراتى لو سمعت هتضرب بخناقه .... اخاف منها ايه يا بنتى
دنا لسه امبارح ضاربها قلم كسرلها صف سنانها عشان كلمتنى عنك
.... تلاقيها بتغير هههههههههه ... دى زى البومه يا شيخه تيجى فين فى حلاوتك بس ... انتى الى عملتى كل دا يا نور انا اتجوزتها عشان اغيظك و انتى رجعتيلى يوم فرحى .. حرام يعنى اسيبها يوم فرحها
..... يا ستى كلها يومين و اخلص منها و تيجى تنورينى انتى هههههههههههههههه
حبيبه واقفه كل دا و حاسه انها اتشلت مش عارفه تتصرف اذاى و لقت دموعها نازله على خدها
لقت الباب اتفتح مرة واحدة و اتخضت من طارق
طارق بلجلجه : انتى واقفه بتتصنتى عليييا
حبيبه : اما انتا مش بتحبنى اتجوزتنى لييييييييه
مسبتننيش ليييييييه منك لله يا شيخ حسبى الله و نعم الوكييييل فيييك
طارق بصوت عالى : شكلك كدا عايزة تضربى تانى
انتى متعمتيش الادب يا بنتى
حبيبه : انا متربيه غصب عن عينك منك لله يا شيخ منك لله
ربنا يجيبلى حقى منك
طارق : و بتدعى عليا فى وشى دا انتى بجد عايزة تتربى
مسكها طارق من دراعها و شدها بأيدو التانيه من شعرها و نزل فيها ضرب لحد ما فقدت الوعى
خاف طارق ليكون حصلها حاجه و جرى طلبلها الدكتور