بقلم فيري
الحلقه الخامسه
استيقظت ساره كعادتها وذهبت للجده فمعظم وقتها تمضيه معها يتسامران فقد احبتها جدا والجده احبتها ايضا
الداده :معلش انا سايبه بنت بنتي سخنه ومحتاسه قلتلها هستاذن من الست هانم واجيلك ناخدها الدكتور
الجده:طب والغدا
ساره:انا هعملهولك وماتخفيش هتستغني عن الداده لما تدوقيه هههه
الداده:كده ياست ساره عاوزه تقطعي عيشي
ساره تحتضنها واحنا نقدر نستغني
فيدخل اشرف:ايه الاحضان والقبلات دي واحنا مالناش نصيب
الجده:تعالي ياحبيبي وتحتضنه وتقبله
اشرف:صحتك عامله ايه ياتيته
الجده:الحمد لله ياحبيب تيته
اشرف:انا رايح البنك والشركه عشان عمي طالب فلوس وامضاءات
الجده:مش هتراعي شركتك بقي ولا تروح زي الغريب كده
اشرف:عمي قايم بالمهمه المركب اللي ليها ريسين بتغرق
الجده:ماشي روح مش هنتجادل زي كل مره
فقبل يدها :ماتزعليش مني ياتيته
فملست علي شعره ودعت له
وساره تنظر الي هذا المشهد وهي تحس فيه بالطيبه والحنان ولكن عندما يغضب لا احد يقف امامه اكيد من الحبوب التي يتعاطها فهي ماتجعل الحاله المزاجيه متقلبه
كانت سارحه فايقظها وهو يمر بجانبها فيطرقع صوابعه فتنخض ويضحك ويمشي وتذهب لتجلس بجانب الجده
ثم تقوم لتصنع الغداء وبعدما تنتهي
تحبي تتغدي
الجده:ماشي عشان اخد العلاق
واثناء الغداء
الجده:نفسك حلو اوي ياساره ف الاكل
ساره:يعني عجبك بجد
الجده:تسلم ايدك حبيبتي تعبناكي انهارده بس هتعبك لما يجي اكلي اشرف هو مابيعرفش يعمل حاجه لنفسه كانت داده اللي بتجهزله الاكل
ساره:حاضر من عنيا وانهو اكلهم وادخلته لتغسل المواعين
فوجدت اشرف :ايه الرواءح الجميله دي
ساره:احضرلك الاكل
اشرف:لو مش هتعبك
ساره:لا ابدا بس ماتاخدش علي كده انهارده بس عشان داده اجازه
اشرف يقترب منها ياريتها تاجز علي طول
ساره:هاااا هغير رايي واسيبك جعان
اشرف:خلاص خلاص هاخد شاور علي ماتخلصي وهاتيه اوضتي
ومر علي جدته ازي الجميل بتاعنا
الجده:بخير حبيبي
بس عوزاك تخف علي ساره دي يتيمه واتربت ف ملجا وغلبانه مالهاش حد
اشرف:ماشي ياتيته
اخذ شاور ودخل حجرته لتدخل بالاكل وهو يخفف راسه
فانزعجت لانه مازال بفوطه حول وسطه ولم يرتدي ملابسه
انا اسفه فكرتك لبست وهمت بالرحيل بعد ان وضعت الاكل علي الترابيزه فسبقها ليغلق الباب
ويقترب منها
ساره:اشرف لوسمحت بلاش كده ووسع
اشرف:لما انتي مالكيش حد خايفه من ايه لاحد هيحاسبك ولا حيقولك حاجه
ساره:ربنا هيحاسبني يااشرف وهو مطلع علينا دلوقت
اشرف صعق مما قالت وتجمد في مكانه فمشت وتركته في صدمته