الفصل الثامن عشر والتاسع عشر
بقلم مريم جمال
الفصل الثامن عشر
هادي وبترفع اديها عشان تضرب قمر لكن سيف مسك اديها قبل ما تضرب وزقها بعيد
سيف بغضب:انا ساكتلك من بدري لكن انك تمدي ايدك علي مراتي اقتلك فاهمه
هايدي بدلع:سيف انا هايدي متخليش البتاعه دي تفرق بينا دي مش هتصونك دي تربيه شوراع و...ومكملتش كلامها بسبب القلم الي علي وشها
سيف بغضب:اياكي تغلطي فيها انا مراتي مش تربيه شوراع احنا لو هنتكلم علي التربيه الوسخه يبقي انتي علي الاقل هي مكنتش حامل من علي صاحبي
هايدي بتوتر:ايه الي انت بتقوله ده علي كداب عايز يوقعنا بين بعض انا حبيبتك
سيف وصل لأخره:انتي اييه انتي معندكيش دم انا عمري ما حبيتك ولا هحبك انا بحب مراتي جدا وعمري ما هبص لغيرها لحد ما اموت واطلعي بره وكل الي بينا ف الشغل انتهي برررره
هايدي طلعت تجري علي بره
وسيف بص علي قمر لقاها بتعيط وراح حضنها جامد
سيف:قمر ارجوكي اوعي تزعلي وتسبيني والله كدابه انا مش حمل بعد والله ما حمل بعد انا تعبت ومتعبنيش اكتر عشان خاطري لكن قمر بادلته الحضن جامد
رحمه ببكاء:انا مش زعلانه منك خااالص والله بس زعلانه من كلامها ليه كلهم مستكترينك عليا ليه كلهم شايفني تربيه شورارع لييه
سيف:اوعي تقولي كدة دة محدش مقدر النعمه الي معايا والله سيبك من كلام الناس عشان خاطري
قمر:حاضر
سيف:يالهوي علي كلمه حاضر جميله منك
قمر بخجل:اتلم
سيف ضحك:عارفه يا قمر نفسي ف ايه
قمر:ايه
سيف:نفسي ف طفل منك
قمر:حقيقي يا سيف نفسك ف عيال مني
سيف:انتي هبله ايوة طبعا نفسي نفسي ف عيال كتيرة أوي حواليا كدة ويكونو مليين البيت مرح وسعادة ياا امنيه حياتي
قمر:ان شاء الله ربنا يحققلك حلمي وحلمك يارب
سيف حضنها:يارب
عند يوسف ورحمه
يوسف:رحمه انهاردة عيد ميلاد ماما ممكن تروحي معايا عايز اعرفهم عليكي
رحمه حضنتو:ايوة طبعا هاجي معاك
يوسف باس راسها:ربنا يخليكي ليا تعالي نروح بدري
رحمه:ماشي يلا بس نشتري ورد الاول عايز حماتي تقول عليا بخيله معفنه
يوسف ضحك:طب يلا يا مجنونه
وبالفعل مشو ويوسف رن علي سيف قالوا
قمر:ايه ف ايه
سيف:انهاردة عيد ميلاد مامت يوسف ورايح يزورها واخد معاه رحمه
قمر:الله يرحمها
عند يوسف ورحمه دخلوا المقابر وراحو عند مامت يوسف
يوسف وهو بيبتسم بألم:دي ماما
رحمه قربت وحطط الورد وقعدت جنب المقابر
رحمه بدموع:ازيك يا ماما عارفه انا حبيتك أوي من حكاوي يوسف عليكي كان نفسي تبقي موجودة عشان لما يوسف يزعلني تشدي ودانه بس انتي ف مكان احسن انا رحمه مراته متخافيش ابنك ف عنيا ولما اجبلك ولد قمر شبهو كدة هاجيلك عشان تشوفيها ااه صح كل سنه وانتي طيبه يا ماما
يوسف كان واقف وراها
رحمه:تعالي كلم ماما يلا
يوسف قعد جنب المقابر:ازيك يا أمي وحشتيني كل سنه وانتي طيبه انا متجوز واحده شبهك ف طيبه قلبك كل ما ابوصلها اقول دة من دعواتك ليا امي هو انتي سمعاني انا جاي عشان اوريكي رحمه وقعد يعيط
رحمه حضنته يلا يا يوسف يلا يا حبيبي قام يوسف وهو بيمسح دموعه:تعالي اوريكي لبابا ورحمه اختي ورحمه قالت نفس الكلام للكل ويوسف انهار ف العياط عند قبر اخته اكتر وروح مع رحمه ساكت وروحو طلعت نام ف حضنها ولما حست انو نام سابته ونزلت ولما نزلت لقت سيف وقمر رجتو البيت
سيف:اخبار يوسف ايه
رحمه:وحشه أوي مشفتهوش وهو عند رحمه اخته ولا عند ابوه وامه
سيف بحزن:الله يرحمهم كانو ناس طيبه جدا هو فين دلوقتي
رحمه:نام حاولت انيمه احد ما نام
سيف بحزن علي صديقه:تمام
وقعدو مع بعض ف الصاله فترة لحد ما يوسف نزلهم وكان شكله تعبان ومرهق
سيف:يوسف وكان فاتح حضنه ليه
يوسف راح ناحيته بسرعه وحضنه جامد
سيف:انا عارف انك بترتاح ف حضني بس متعملش ف نفسك كدة احنا معاك وحواليك معاك اخ واخت وزوجه وربنا هيعوضك بأولاد يملوا عليك حياتك ماشي
يوسف بعد:ماشي
وقعدو مع بعض والبنتين حاولو يفتحو مواضيع مرحه عشان بفرحوا يوسف ونجحوا حقيقي
الفصل التاسع عشر قبل الاخير
وعدي عليهم شهر أخر وكان سيف ويوسف ف الشركه ورحمه وقمر راحو عند الدكتور لكن مقلوش انهم رايحين
قمر:انا خايفه ليكون اعتقادي غلط واني مش حامل
رحمه:انا متأكدة ان دي اعراض حمل
قمر:يارب
وبالفعل اتي دورهم ودخلو للدكتورة
الدكتورة:السلام عليكم
قمر ورحمه:وعليكم السلام ورحمه الله
الدكتورة:مين الي هتكشف
قمر بتوتر:انا
ابتسمت الدكتورة:مالك متوترة ليه هي أول مرة ولا ايه
قمر بإبتسامه متوترة:ااه
الدكتورة:متخافيش ان شاء الله خير
رحمه؛قوليلها خايفه علي الفاضي
الدكتورة:وانتي مش هتكشفي
رحمه:لاء هي الي بترجع كتير ودايخه كتير لكن انا لاء ااه ممكن بحس ان اعصابي سايبه وعايزة انام علي طول
الدكتورة:نطمن ونكشف بعد المدام قمر
رحمه:ماشي
وبالفعل كشفت علي قمر
الدكتورة بأبتسامه:مبروك انتي حامل يا مدام
قمر بصدمه:حقيقي
الدكتورة بضحك:ااه والله
قمر بصت لرحمه بعياط:الحمدلله يارب
رحمه حضنت قمر بفرحه
الدكتورة:مبروك ثانيه كدة وابتسامتها اتسعت اكتر مدام قمر انتي حامل ف توأم وحامل بقالك شهرين
قمر بصدمه اكبر:توأم
الدكتورة:اااه والله بصي كدة
حقيقي لقتهم نقطتين صغيرين خالص قمر فرحت جدا جدا
رحمه:مبرووووك توأم انا فرحانه أوي
الدكتورة:مدام رحمه يلا
رحمه:ماشي وبتدعي من داخلها انها تكون حامل نفسها تفرح يوسف
الدكتورة كشفت علي رحمه وابتسمت
الدكتورة:مدام رحمه انتي حامل ف الشهر الاول انتو متفقين بقا بس مدام قمر هتولد قبلك بشهر
رحمه مصدومه:حامل حامل ازاي
الدكتورة:بضحك زي الناس مبروك يلا روحو فرحوا اجوازكوا
وبالفعل خرجو واحتضنو بعض بشدة
قمر:يلا علي الشركه
رحمه:يلا وهما ماسكين صور الاطفال ف اديهم
راحو الشركه
قمر ورحمه:توكلنا علي الله وضحكوا وكل واحدة راحت لجوزها
عند قمر وسيف
قمر:بخ
سيف بإبتسامه:ايه المفاجأه الجميله دي وقرب منها حضنها جامد
قمر:ولسه
سيف بإستفهام:ولسه ايه
قمر:هتفهم كل حاجه بس انت واحشني أوي
سيف بشك:مش مطمنلك
قمر:اخص عليك يا سيف انا بردو دة انا حبيبتك
سيف ضحك:خلاص خلاص
وقمر براحه رمت الصورة بتاعت الاطفال تحتها وسيف محسش وقامت تلف ف المكتب
سيف باصصلها بحب وبيعدل الكرسي رجليه جات علي حاجه بص علي الارص لقاها صورة فكرها تبع الشغل ونزل جابها وطلع شافها وبص فيها شويه وبص علي قمر بصدمه وقام من مكانه وهو ماسك الصورة بيبصلها بصدمه:ايه ده
قمر بتمثيل:ايه دة انت ازاي تمد اديك علي صورة اطفالي كدة انت بتطفل علي حياتي السخسيه
سيف بضحك:السخسيه انتي هبله مش بهزر دة بتاعك
قمر:امال بتاع امي ايوة
سيف بصدمه:يعني انتي حامل ف طفلي
قمر:توء توء اطفالنا
سيف بصدمه اكبر:متهزريش توأم
قمر هزات راسها كذا مره
سيف بيبص للصورة وعنيه بدمع
قمر مسحت دموعه ووقفت جنبه:بص دول اطفالنا النقط الصغيرة جدا دي
سيف بصلها بحب وحضنها جامد أوي ومكنش بيقول غير كلمه واحدة:انا بحبك أوي يا قمر أوي وكان بيعيط من الفرحه
ونزل لبطنها وحط ودنه عليها
قمر بضحك:سيف حبيبي بطل هبل لسه بدري علي الموضوع دة
سيف:ملكيش دعوة انا عايز اكلم اطفالي حبايب بابا اي ان كانت جنسيتكوا بس انا بحبكم أوي ومستنيكم بفارغ الصبر بس تعالو بسرعه نفسي اشوفكم وومتتعبوش ماما ماشي
قمر بصاله بحب:بيقولولك احنا بنحبك يا بابا
سيف قام حضنها:وانا كمان بحبكوا أوي أوي يا نعمه من عند ربنا
وقمر بادلته الحضن
عند يوسف ورحمه
رحمه دخلت ملقتش يوسف ف المكتب ف استنتو وراحت لقت ملف قدام مكتبه قامت فتحته وحطط فيه صورة الاطفال وقعدت علي مكتبه مستنياه وبعد ربع ساعه دخل يوسف
يوسف بفرحه:ايه المفاجأة الجميله دي وراح قعد علي المكتب قدامها
رحمه بفرحه:حبيبي والله
يوسف:عنيكي فرحانه أوي ربنا يفرحك اكتر واكتر بس ممكن اعرف
رحمه بفرحه:هتعرف يا حبيبي هتعرف
يوسف:انتي بتتكلمي بألغاز ليه
رحمه:ااه صح السكرتيرة قالتي لما يوسف بيه يجي خليه يقرا الملف دة حلو جدا
يوسف بص علي الملف طب هبص علي بصي كدة اقعدي علي الكنبه اخلصه ونروح
رحمه قامت:ماشي وحقيقي راحت قعدت علي الكنبه وهو قعد علي كرسيه وفتح الملف وقاعد بيقراه وقلب الصفحه لقي صورة لطفل ف بطن امه ف بص لرحمه علي طول
يوسف بصدمه:ايه ده
رحمه بابتسامه:ايه
يوسف:الصورة دي
رحمه قربت ومكست الصورة:ايه مالها صورة طفل لسه ف الشهر الاول ف بطن امه
يوسف قام وقف قدامها:بتاعتك دي
رحمه:وليه لاء
يوسف بصدمه:يعني انتي حامل
رحمه بأبتسامه وهزت راسها:ف الشهر الاول
يوسف بصلها ومرة واحدة قام مزعق جاامد وحضن رحمه ولف بيها جامد أوي أوي
رحمه:اهدي انا حامل هدوخني
يوسف نزلها:انا أسف ااه اقعدي لازم الراحه اقعدي يلا قعدها أوعي تقومي من مكانك
رحمه قامت:يوسف انت فرحان
يوسف بدموع:جدا جدا امنيه حياتي اني يكون عندي اطفال بس منك انتي وحضنها جامد ربنا يخليكي ليا وتفرحيني كدة ديما مفاجأتك ديما بتخلي قلبي يرقص من الفرحه
رحمه:ربنا يخليك لينا يا أحسن بابا ف الدنيا