رواية: هرجع... ♡
البارت ال41 ♡
بقلم سمسم طارق.♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
اول ما وصلوا مصر راحوا للشركة.
دخلوا الشركه ودي كانت اول مره حور تروح الشركه وحمزه كان عايز يخفيها عن الوجود علشان محدش يبصلها ( بيغير عليها ولا ايه ده 🙂 ).
حمزه لما لاحظ نظرات الاعجاب في عيون الموظفين شال حور وخلاها تحط وشها في صدره علشان محدش يشوفها وهى عملت كده لغاية ما دخلوا المكتب.
❥ خلاص دخلنا المكتب... نزلني.
✪ الكلاب اللى بره دول لازم يتربوا.
قال جملته وهو بيشد على وسطها جامد.
❥ ااااااه طب انا مالي... وبعدين هما عملوا ايه.
✪ مشوفتيش بصولك ازاي.
قال جملته وهو بيبص في عيونها بغضب.
❥ الصراحه مشوفتش... كنت مركزه في جمال الشركه.
✪ ياريتني ما جبتك هنا.
❥ يابني انا هفضل مستخبيه عن العالم كده لحد امتى.
✪ لحد ما تموتي ياختي.
❥ ليه طيب.
✪ هو كده... عندك اعتراض.
شد على وسطها تاني.
❥ اااااااااه... يابني نزلني ايدك بتوجع.
✪ لابسه بلوزه قصيره ليه... ده عقابك.
❥ هي اللى اترفعت لما انت شيلتني... وبعدين انا اش عرفني ان احنا هنيجي الشركه.
حمزه نزلها تقف على الأرض.
✪ خليكي في المكتب ده متتحركيش منه.
❥ انت رايح فين.
✪ هروح اشوف فارس.
❥ هو انت مشغل فارس معاك.
✪ يااااه من زمان... ده انتى قديمه اوى.
❥ العيب على الندل اللى مش بيحكيلي حاجه.
✪ انا رايح اشوفه... باي.
❥ باي.
حمزه راح لفارس صاحبه واللى شغله مدير اعماله.
حور قعدت على المكتب وكان مكتوب على المكتب ( اياد الكيلاني ).
حور مسكت الصوره اللى على المكتب (كانت صوره ليهم هما الأربعه)
❥ ربنا يخليك لينا يا بابا... لولاك مكنش زماني قاعده دلوقتي على المكتب ده وفخوره بيك قدام كل الناس... بجد انا فخوره ان عندي اب زيك واخ زي حمزه... واحن ام في الدنيا زي ماما... بجد بحبكم اوى.
باست الصوره وبعدين حطيتها على المكتب تاني.
بعد شويه حمزه دخل وكانت حور واقفه في الشباك.
✪ سرحان في مين يا قمر.
❥ ياشيخ اتنيل.
✪ اتنيل... انا غلطان اني داخل اسليكي.
❥ حمزه انا مش عايزه اتجوز.
حمزه بصلها بإستغراب وبعدين قرب منها و وقف جنبها.
✪ وضحي.
حور حضنته وهى بتعيط.
❥ مش عايزه اسيبكم.
✪ طب بتعيطي ليه.
❥ تخيلت ل لحظه اني ممكن اسيبكم فادايقت اوى.
✪ يا روحي.
حضنها بحنيه وباس راسها.
دقيقتين وتليفون حور عمل اشعار رساله وصلت.
حور فتحت الرساله وهي في حضن حمزه لسه.
الرساله: كنتي فين بقالك كام يوم.
حور بصت بإستغراب للرساله واستغربت اكتر لما شافت ان الرساله مبعوته من زياد.
❥ حمزه بص بسرعه.
حمزه بص واستغرب بردو.
✪ ماله ده... وعرف منين انك مكنتيش في البيت بقالك كام يوم.
❥ معرفش.
زياد: ابعدي عن اخوكي شويه... ده اخوكي مش جوزك علفكره.
❥ ايه ده... ده شايفنا.
✪ هو ايه اللى ابعدي عن اخوكي هيستهبل.
❥ ريلاكس نفهم.
زياد اتصل.
❥ ماله ده بجد.
✪ ردي وافتحي الأسبيكر.
حور فتحت عليه وفتحت الاسبيكر.
♞ مش هخاف يعني لما تفتحي الأسبيكر.
حور بصت لحمزه بصدمه.
✪ انت فين ياسي زياد.
♞ في كافيتريا الشركه.
✪ خمس دقايق ونازلين نشوف الحوار ده.
♞ في انتظاركم.
حور قفلت من غير ما تتكلم خالص.
❥ ناوي على ايه.
✪ هشوفه عايز ايه منك وايه آخر الموضوع ده.
❥ بس انا لسه قايله قراري.
✪ هنشوف ياقلبي.
باس جبهتها.
❥ ماشي يا حمزه... انا ك حور عندي ثقه فيك.
✪ لو مش عندك ثقه فيا هيكون عندك ثقه في مين.
قال جملته وبصلها كده 😒🙄.
❥ علفكره انت مغرور.
✪ طب يلا ياختي نشوف الأخ زياد ده عايز ايه... وبيراقبك ليه.
❥ يلا.
نزلوا للكافيه لقوا في شباب كتير.
✪ مششش عااايز اشوف واااحد في الكافيتريا... الكل يخرججج حااالاً.
كان بيتكلم بصرامه وصوت عالى.
الكل خرج ما عدا راجل واحد وحور شاورت لحمزه ان ده زياد.
راحوا وهو وقف سلم على حمزه وجه يسلم على حور حمزه منعه ومد ايده تاني وسلم عليه.
✪ معنديش الكلام ده.
♞ يسطا انت كنت حاضنها فوق اصلاً.
حمزه قعد حور وبعدين قعد هو وزياد.
✪ ايه حوار المراقبه ده بقى.
♞ الصراحه انا بحب حور وعايزها.
❥ غبي.
قالتها في سرها.
✪ هو ايه اللى بحبها وعايزها يلااه.
قال جملته بعصبيه شويه.
♞ ده البيه عصبي اوى.
✪ اللهم طولك ياروح... انت دلوقتي عايز تتجوز حور صح!.
♞ انا هتجوزها مش عايز.
✪ يعني ايه بقى.
♞ يعني انا بحب حور وهتجوزها حتى لو مش موافقه.
✪ ده على اساس اني هسمح بكده.
♞ هخطفها.
كان بيتكلم بكل برود واستفزاز.
❥ اللااااااااه... انا عايزه اتخطف اوى.
حمزه بص بحور بصه معناها ( اخرصي الا والله اجيبك من شعرك ).
❥ اتزفت خرصت.
حطت ايدها على بوقها.
♞ انت بتعاملها كده ليه.
✪ ملكش فيه... اختى وانا حر اعاملها زي ما انا عايز.
♞ المفروض تشكريني علشان هريحك من طريقة تعامله.
حور حضنت حمزه اول ما سمعت الكلام وبدأت الدموع تتجمع في عيونها.
❥ قولت مش عايزه يا حمزه.
كانت بتهمس لحمزه.
♞ مالك ياحور... متعيطيش والنبي اهدي في ايه.
كان بيقول جملته بقلق.
✪ معندناش بنات للجواز... وياريت تبطل تراقبها.
♞ هى لو مش عايزه تسيبكم عادي معنديش مشكله... ممكن لو هي متعلقه بيكم اوى ناخد بيت جنبكم نعيش فيه... بس لو سمحتي متعيطيش.
حمزه بص لحور اللى في حضنه ومش مركزه مع زياد.
✪ طب حضرتك ممكن تمشي دلوقتي واحنا هنبقى نكلمك.
قال جملته وهو باصص لحور بهدوء.
♞ بس.........
حمزه قاطعه.
✪ قوووولت امشيييي.
قال جملته بصوت عالى شويه.
زياد بصله بتفهم وبعدين مشي.
اول ما زياد مشي حمزه باس راس صغيرته حور ولمس على شعرها بحنيه وبعدين بص في عينها.
✪ عايزين نتكلم من غير عياط... ممكن.
❥ مش هتجوز ياحمزه... انا مش عايزه اسيبكم.
✪ الراجل قال هيشتري بيت جنبنا... يعني مش هتبقي بعيده عننا وهتيجي تقعدي معانا كل يوم.
❥ هو انت ازاى وافقت بالسهوله دي... ده انت اول واحد كان رافض حوار جوازي.
✪ فكرت فيها بالعقل ولقيت ان مينفعش... وتمسك زياد بيكي وقلقه عليكي لما عيطي خلاني اعيد التفكير في الموضوع.
❥ ممكن يكون عايزني علشان فلوس بابا.
✪ قال هيشتري بيت ليكم جنبنا واحنا مش جنبنا اى بيوت فأكيد مش محتاج الفلوس.
❥ بس البحر يحب الزياده.
✪ نجربه ياريري مش هتخصري حاجه.
❥ لا هخصر اني ممكن اتعلق بيه وهو في الآخر يطلع بيخدعني.
✪ مش انتي واثقه فيا.
❥ اكييد.
✪ خلاص سيبي الموضوع عليا.
❥ هتعمل ايه.
✪ هعرفك حاجات عنه هو شخصياً ميعرفهاش.
❥ اممممممم حموزي الكيلاني هيظهر.
✪ احبك وانت فاهمني.
❥ عيب عليك.
✪ ربنا يديمك ليا يا روحي.
قال جملته وباس راسها.
❥ بحبك اوووووى.
✪ حبيبي حبيبي... الشركه هتشك فيا جامد ههههههههه.
❥ مش مهم.
عدت ساعه وبعدين حمزه جاله اتصال من اياد انهم قربوا يخلصوا فيجهزوا نفسهم ويركبوا الطياره وحمزه راح قال لحور يلا وبعدين ركبوا الطياره.
بعد ساعات كانوا وصلوا للجزيره.
حمزه حط ايده على عيون حور علشان متشوفش حاجه.
❥ حمزه هقع... شيل ايدك يابني.
✪ شايفاني ايه علشان اخليكي تقعي.
❥ طب انت حاطط ايدك على عيني ليه.
✪ انتي مالك.
❥ هو في حد قالع ولا ايه.
✪ اه... اخرصي بقى.
بعد شويه وصلوا للمكان اللى فيه المفاجأه.
✪ وان تو ثري افتحي عينك.
حور فتحت عيونها لقت زينة عيد ميلاد والمكان كان شكله حلو اوى وهى انبهرت جداً وحبت المكان اول حاجه حضنت اياد.
❥ يووداا.
حضنته جامد بفرحه كبيره بالمفاجأه.
= مينفعش عيد ميلادك يعدي وانا معملش حاجه... صح!.
❥ ربنا يديمك ليا يارب.
راحت حور وحضنتنا كلنا وهى بتشكرنا على اللى عملناه بس نسيت حمزه.
✪ علفكره انا كمان مشارك في المفاجأه.
❥ ازاى وانت كنت معايا.
✪ وانا لو مكنتش سفرتك كانت هتبقى مفاجأه.
- ما تروحي تشكريه وخلاص.
حور راحت حضنت حمزه بحب وهى بتشكره.
قعدوا شويه يحتفلوا ولما الحفله خلصت حمزه شال حور.
✪ نستأزن احنا بقى.
❥ عااااا... هتوديني فين يازفت.
✪ زفت!!. تصدقي انا غلطان.
نزلها تاني على الأرض.
❥ انت بقيت قفوش كده ليه يا زيزو.
✪ معاكي من الصبح وفي الآخر بتقولي زفت وقفوش.
❥ خلاص سوري يا زيزو.
✪ بوسه.
قال جملته وهو بيشاور على خده.
حور باست خده وبعدين هو شالها وجري بيها للمكان اللى هو عمل فيه المفاجأه.
❥ والله انت مجنون.
✪ اتعلمت منك.
❥ طب نزلني اجري معاك طيب.
✪ لا انتي بطيئه انا اسرع.
❥ براحتك.
مسكت في رقبته.
حمزه جري بيها لغاية ما وصل لمكان ضلمه اوى نزلها على الأرض.
❥ حمزه بخاف من الضلمه.
مسكت في دراعه جامد.
حمزه سقف بإيده والنور فتح وظهرت العظمه اللى حمزه عاملها لحور.
كان معلق زينه حلوه اوى تليق لعيد توأم وكان مكتوب ( كل سنه وانتى طيبه يا احلى توينز في الدنيا ).
حور بصت للمكان بأنبهار وقعدت تجري في المكان زي المجنونه وهى فرحانه اوى.
شويه وجريت على حمزه ونطت عليه وحضنته جامد فأترفعت شويه من على الأرض علشان حمزه اطول منها وحمزه بردو حضنها جامد وهو بيدفن وشه في رقبتها.
❥ بجد انت احلى حاجه حصلتلي في الدنيا... انا كل يوم بشكر ربنا انه جابلي احن واطيب اخ في الدنيا.
✪ انا اهم حاجه بالنسبه ليا اني اشوفك علطول فرحانه.
❥ بحبك اووى والله.
✪ ربنا يخليكي ليا يا قلبي.
احتفلوا وبعدين رجعوا اكواخهم وناموا.
عدى شهر على العيد ميلاد من غير احداث جديده.
( رجعوا لمصر وحمزه كان بينزل الشغل كل يوم وفرح بتتجنبه وهو ملاحظ تجنبها بس مش عايز يتكلم... زياد كل يوم يبعت لحور رسايل وملاقبها وهى مش بترد عليه خالص)
جت ليلة الأمتحان الأول لفرح.
❥ يابنتي ادخلي ذاكري... انا مش هنفعك في حاجه.
✿ مش عايزه اذاكر.
❥ هو ايه اللى مش عايزه اذاكر.
✿ الماده اللى عليا بكره ممله اووووى.
❥ حمزه لو جه لقاكي قاعده كده وبتقولي مش عايزه اذاكر هيضربك.
✿ وهو ماله بيا.
❥ قولي الجمله دي في وشه كده... وشوفي هيعمل فيكي ايه.
✪ مين ده.
جه حمزه من عند باب القصر.
❥ ح ح حمزه... انت جيت ليه احم قصدي امتى.
✪ مالك يابت... انا لسه جاي دلوقتي.
❥ جاي بدري ليه.
✪ علشان الآنسه فرح.
✿ نعم.
✪ عندك امتحان بكره يا هاانم.
✿ ايوه عندي امتحان بكره... ع عايز ايه يعني.
✪ قومي حضري المكتب بتاعك عقبال ما اخد شاور.
✿ ا ا... حاضر.
فرح كانت هتعترض بس افتكرت ان ده حمزه الكيلاني ابن اياد الكيلاني.
مشيت فرح دخلت اوضتها علشان تجهز المكتب بتاعها زي ما حمزه قالها.
❥ زيزو.
✪ نعم.
❥ زعلان مني ليه.
✪ بس انا مش زعلان منك.
❥ لا زعلان.
وقفت قدامه وحطت ايدها حول رقابته.
✪ طالما انتي عارفه اني زعلان يبقى عارفه السبب.
❥ لا مش عارفه.
✪ خرجتي مع زياد امبارح ليه.
❥ مين دي اللى خرجت مع زياد... انا!!.
✪ ايوه... انتي كنتي خارجه امبارح وزياد كان بيقولي من يومين ان هو عايز يشوفك.
❥ هو جاب رقمك منين.
✪ يعني مراقب كل تحركاتك وصعبه عليه يجيب رقمي... وبعدين متغيريش الموضوع انتي قولتي ان انتى رايحه مع صاحبتك مشوار... مقولتيش ليا ليه انك رايحه مع زياد مشوار.
حور بعدت عنه.
❥ حمزه انت غبي ولا عبيط... ازاى يعني هخرج معاه لوحدنا وكمان من غير ما اقولك... الثقه انعدمت خلاص... مبقاش في ثقه.
✪ يعني انتي مخرجتيش معاه.
❥ من آخر مره لما احنا قعدنا معاه انا مكلمتوش اصلاً.
✪ يعني هو مش بيكلمك.
❥ بعتلي فوق الميت رساله وانا مش برد.
✪ ليه.
❥ مش عارفه بس مش عايزه اكلمه.
✪ يعني انتي مش موافقه عليه.
❥ معرفش بردو.
✪ يعني مين هيعرف.
❥ انا هروح احكي لماما واشوف رأيها ايه.
✪ انتي كل ده مقولتيش لسما.
❥ لا نسيت.
✪ طب روحي خليها تهزقك شويه.
❥ بس بقى متخوفنيش.
حور خرجت الجنينه علشان انا واياد كنا قاعدين فيها.
❥ سما عايزاكي في موضوع.
انا كنت قاعده جنب اياد وبنتكلم.
- عايزه ايه.
❥ عايزاكي.
= ده انا ابوكي مش غريب يعني.
❥ انا جايلي عريس.
انا واياد بصينا بصدمه لبعض وبعدين قومنا وقفنا قدامها.
- مين وتعرفيه منين وامتى و.......
حور قاطعتني.
❥ هحكيلك والله.
- قولي.
حور حكتلنا كل حاجه.
= وانتي رأيك ايه دلوقتي.
❥ معرفش.
= يعني ايه معرفش... عايزاه ولا لا.
❥ معرفش والله.
= صبرني يارب... هو ايه اللى متعرفيش... انتي بتحبيه ولا لا.
❥ معرفش.
= طب لما تعرفي ابقى قوليلي... انا همشي علشان مكسرش دماغ البت دي.
اياد دخل القصر واحنا لسه واقفين في الجنينه.
❥ سمسم.
- عايزه ايه.
❥ رأيك ايه... اوافق ولا لا.
- معرفش.
❥ انتى زعلتي مني؟.
- جاية تحكيلي بعد كل اللى حصل وفي الآخر مش عايزاني ازعل.
❥ انا نسيت... والله كنت عايزه اقولك... مش قصدي اخبي عليكي والله.
- طب انتى بتكلميه.
❥ بقاله شهر بيبعتلي وانا مش برد عليه.
- طب اتصلي بيه قوليله ان احنا عايزين نشوفه.
❥ مش فاهمه.
- هقول لأبوكي علشان نقابله ونشوف طالما انتى مش عارفه عايزاه ولا لا.
❥ مش فاهمه بردو بس ماشي... هبعتله على الواتس.
- اتصلي بيه يابت مالك... مش هياكلك يعني.
❥ اووف... حاضر يا ماما.
انا دخلت جوه علشان اقول لاياد وحور وقفت بره تكلم زياد.
❥ ا ا الو.
♞ ازغرط ياخواتي... حور هانم الكيلاني بنفسها بتكلمني.
❥ ماما وبابا عايزين يشوفوك.
♞ طب مفيش ازيك يا زيزو او اي حاجه.
❥ مستنينك يوم التلات في مطعم ***.
♞ ماشي.
❥ باي.
♞ استني بس باي مين... بقالك شهر مش بتعبريني بحرف واحد وفي الآخر لما تتصلي تقولي جملتين وباي.
❥ يعني انت عايز ايه.
♞ تتزفتي تردي عليا على الواتس.
❥ ماشي.
♞ وحاجه كمان.
❥ اوف... قول.
♞ بحبك.
حور سكتت شويه وبعدني قفلت في وشه.
♞ مسيرك هتحبيني زي ما انا بعشقك يا حوري.
قال جملته وباس صورتها اللى حاططها خلفيه للتليفون.
عند حور فتحت الواتس لقت رساله منه جديده.
♞ بتقفلي في وشي.
حور شافت الرساله وسكتت.
♞ قولتلك ردي عليا.. صح!.
❥ عايز ايه.
♞ عايزك تحبيني.
❥ هو بمزاج امي.
♞ اتعدلي يابت مالك.
❥ اصل انت بتقول كلام غريب.
♞ طب متحبينيش بس اقبلي تتجوزيني.
❥ بفكر لسه مقررتش.
♞ والله اخطفك لو موافقتيش.
❥ ابقى اعملها وشوف حمزه واياد ومحمد هيعملوا فيك ايه.
♞ هيكون الوقت عدى واتجوزتك.
❥ لا والله.
♞ اه والله.
♞ لو عايزه اوريكي... اوريكي.
❥ مش هتقدر تعمل حاجه اصلاً.
♞ انتي بتتحديني يعني.
❥ مش بتحداك.
♞ تعالي نلعب لعبه.
❥ اووف... ايه اخلص.
♞ انا دلوقتي دفتر مفتوح... يعني اسألي اي سؤال يجي في دماغك.
❥ ماشي.
♞ يلا.
❥ بتصلي؟.
♞ اه الحمد لله.
❥ بتصوم.
♞ ايوه... ايه الأسئله الغريبه دي.
❥ بتقرأ قرآن.
♞ يعني... مش كتير.
❥ بتدخن... سجاير.. شيشه.. حشيش.. بانجو... اي حاجه من دي.
♞ هو انتي بتكلمي سوابق يابنتي... مش بتزفت.
❥ يعني مفيش حته هنا ولا هنا.
♞ لا والله هكدب عليكي ليه.
❥ بتحبني من امتى.
♞ من اول سنه في الجامعه.
❥ مقولتليش وقتها ليه.
♞ لسببين... الأول ان انتي كنتي في طبقه اعلى مني فكنت خايف ترفضيني... والتاني اني كنت بشوف حمزه معاكي كتير وانتي بتحضنيه وتبوسيه فكنت بحسبه خطيبك او حبيبك... لغاية ما عرفت انه اخوكي التوأم.
❥ حمزه مش اخويا التوأم بس... حمزه اخويا الكبير وابويا وحبيبي وكل حياتي... بحبه اكتر من اي حد في الدنيا.
♞ حمزه محظوظ والله.
قعدوا يتكلموا شويه ويتعرفوا على بعض وكده وعند حمزه خلص الشاور وراح لفرح لقاها نايمه على المكتب.
✪ حبيبي... فوفو اصحي.
كان بيتكلم وهو بيلمس على شعرها بحنيه.
✿ اممممم.
✪ اصحى يا حبيبي... يلا علشان تجهزي لامتحان بكره.
✿ مش عايزه اذاكر بقى سيبوني في حالي.
قالت جملتها بنعاس وهى بتلف وشها للجهه التانيه وادت حمزه ضهرها.
✪ فرح قومي يلا.
✿ حمزه سيبني بقى... عايزه انام.
✪ فررررررح قووومي احسسنلللك.
قال جملته بصوت عالى وعصبيه.
✿ ايه ياباشا... مالك بقيت قفوش كده ليه.
✪ فين الزفت الكتب.
جاب كرسي وقعد جنبها.
✿ اهم... لما تفهم ابقى فهمني.
✪ عندك امتحان بعد ساعات وانتي مش فاهمه حاجه في الماده اصلاً.
✿ ده العادي.
حمزه قعد يقرأ شويه في الكتاب وكان بيفهم فرح وهو بيقرأ علشان الوقت.
✪ فهمتي ياستي.
✿ ايوه فهمت... بس انا مش فاهمه بردو ليه بنذاكر الماده دي.
✪ غتاته عادي... يلا بقى احفظي دول علشان اسمعلك.
✿ حاضر.