رواية: هرجع... ♡
البارت ال35 ♡
بقلم سما طارق ♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
حور جريت على اياد وحضنته جامد.
❥ خوفت عليك اوى يا بابا.
= ااااه... انا كويس متخافيش.
حور رجعت لورا.
❥ وجعتك.
ابتسملها بتعب.
= لا.
❥ شكلك تعبان.
✪ واحد طالع من حادثه عايزاه يبقى شكله عامل ازاي.
= متقلقيش عليا انا كويس.
$ كده تقلقنا عليك.
❀ انت عملت الحادثه ازاي.
= بصي هو انا فاكرك بالعافيه اصلاً فمش هفتكر انا عملت الحادثه ازاي.
❥ بس انت فاكرني.
= انا مش فاكر اي حد هنا غير سما وريناد ومحمد.
انا شرحت ليهم حالة اياد.
حور كانت في حضنه بتعيط.
❥ يعني انت مش فاكرني.
= لا والنبي بلاش عياط.
❥ حاضر.
بعد شويه حور هديت... اياد قعدها جنبه على السرير وهى قاعده في حضنه.
- لا مش قادره معلش.
❀ في ايه.
انا قومت وشديت حور من شعرها وقعدها على السوفا وانا قعدت في حضن اياد.
= ايه ده.
- قعدت في حضنك كتير كفايه عليها.
= ههههه انتي بتغيري عليا من بنتي.
- ايوه... ومتضحكش عليا علشان انت مفيش زي غيرتك.
= فين فرح... مش انتي قولتيلي ان في بنت اسمها فرح بنت محمد وريناد.
انا دورت عليها بعيني لغاية ما لقيتها واقفه ورا ريناد وبتعيط.
- اهي واقفه هناك.
انا شاورت عليها.
= تعالي يا فوفو.
فرح اتقدمت وهى الدموع بتنزل منها.
= القمر بيعيط ليه.
مسح دموعها بايده.
✿ علشان انت مش فاكرني.
= دي فتره صغيره اد كده وهفتكرك علطول... وكمان تعرفي ان انتي شبهي.
✿ ايوه... انت علطول كنت بتقولي كده.
شالها وقعدها قدامه على السرير.
= عرفيني على نفسك بقى.
✿ انا اسمي فرح وعندي 10 سنين وفي سته ابتدائي.
= كبيره اوى... طب قوليلي بقى مين اكتر واحد بتحبيه في اللى قاعد دلوقتي.
✿ انت.
= يا روحيي انتي.
باس خدها.
✿ سمسم هتقوم تضربنا ههههههه.
= لا خلاص انتي صاحبتي مفيش حد هنا يقدر يجي جنبك.
✪ احم... بابا.
= نعم.
✪ انت بجد ناسينا.
= وانا لو فاكركم هقول اني ناسيكم ليه.
✪ مش عارف... بس فكرة ان حضرتك ناسينا مش عارف اتقبلها.
= هى فتره صغيره زي ما الدكتور قال.
✪ مش مقطنع... مش مقطنع.
قال جملته بحزن وبعدين خرج من الأوضه.
- حمزه شكله مدايق اوى.
$ ايوه... ابوه نسيه عايزاه يبقى عامل ازاي.
- طب انا هروح اشوفه.
= متتأخريش ياريت.
ابتسملتله وبوست خده.
- حاضر.
خرجت دورت على حمزه لغاية ما لقيته قاعد على الأرض في ركن وضامم رجله لوشه.
روحت قعدت جنبه.
- زيزو.
✪ نعم.
رد عليا من غير ما يتحرك.
- بصلي طيب.
بصلي وكان في عيونه دموع.
✪ نسيني يا ماما.
قال جملته وحضني جامد وهو بيعيط.
- اهدى يا حبيبي... اهم حاجه ان هو طلعلنا من الحادثه بخير.
✪ احساس صعب اوى ان ابويا ينساني بالسهوله دي.
- الحمد لله يا حبيبي... الحادثه اثرت على الذاكره بس ده لوقت مؤقت وان شاء الله هيبقى الوقت ده قليل اوى وهيفتكر كل حاجه.
✪ يارب.
- يلا بقى قوم اغسل وشك... ابن سما واياد ميعيطش أبداً.
✪ بس انا استغربتك يا ماما اوى لما بابا دخل المستشفى.
- اشمعنى.
✪ مأديتيش اي رد فعل... هو انتي مش بتحبيه ولا ايه.
- انت مجنون... مش بحبه ازاى يعني... انا بحبه جداً بس انا عندي إيمان في ربنا انه مش هيبعدني عن حبيبي بالسهوله دي.
✪ احنا كلنا هنموت... صح؟؟.
- ايوه... كلنا هنموت.
✪ هو بابا زعلان مني.
- ليه بتقول كده.
✪ علشان انا خرجت فجأه.
- هو مزعلش منك بس ادايق من نفسه علشان مش فاكرك.
✪ انا مقصدتش والله بس بجد الموضوع صعب.
انا بوست خده.
- عارفه يا حبيبي... يلا بقى قوم اغسل وشك علشان ندخلهم... كفايه نكد يا فواز اللاه.
✪ والله بحبك اوى يا سمسم.
باس خدي وحضني جامد.
- ربنا يديمك ليا يا حبيبي.
✪ ويديمك ليا يا احن ام في الدنيا.
حمزه راح غسل وشه وبعدين دخلنا سوا الأوضه تاني.
= مينفعش يا جماعه كده.
- هو في ايه.
❀ جوزك عايزنا نمشي ونسيبه... واحنا مش راضيين.
- ومين قال ان هو هيبقى لوحده... انا مش هسيبه.
❀ بس مش هينفع تفضلي لوحدك هنا.
❥ انا هقعد معاها.
$ لازم راجل يبقى معاها ا........
حمزه قاطعه.
✪ انا هقعد مع ماما.
انا اومأت لمحمد بهدوء.
$ تمام ماشي.
❀ هنيجي بكره... يلا حور وفرح وريناد.
= الدكتور قال هخرج بكره فمش لازم تيجوا.
$ هبقى اجي اخدكم.
= تمام ماشي.
محمد وريناد وحور وفرح مشيوا.
✪ انا هروح اجيب ازازة مايه.
لف وشه علشان يمشى بس وقفه صوت اياد.
= استنى يا حمزه.
لف وشه تاني بإستغراب.
✪ نعم.
= تعالى اقعد قدامي.
راح حمزه وقعد قدامه.
= انا عارف انك مدايق اني ناسيك... بس بجد مش بمزاجي.
✪ ما هو طبعاً الحاله اللى حضرتك فيها مش بإيدك.
اتنهد.
✪ بس صعبه عليا شويه... وانا مش زعلان منك والله.
= طيب يا حبيبي.
حمزه يصله شويه وبعدين حضنه.
✪ ربنا يديمك ليا... اياً كان فاكرني ولا لا بس انا بحبك وهفضل احبك.
اياد لعب في شعر حمزه وباس خده.
= انا كان نفسي في ابن مز كده يبقى ليا ضهر وسند واهو انت موجود يا بطل.
- هههههههه حمزه هينفجر من العصبيه ههههه.
حمزه بعد عن اياد.
= اشمعنى.
- علشان لعبت بشعره هههههههه.
= امممممم.
حمزه قعد يظبط في شعره.
✪ هروح اجيب ازازة مايه... عن ازنكم.
قال جملته ومشي.
= انتي قاعده بعيد عني ليه... تعالي اقعدي جنبي.
روحت قعدت على الركسي اللى جنب سريره.
= لا جنبي.
- جنبك فين.
= على السرير.
- لا خليك لوحدك على السرير علشان متتعبش.
= هقوم اشيلك واجيبك جنبي بالعافيه... تعالى بالزوق احسن.
روحت قعدت جنبه على السرير.
= يعني احنا دلوقتي بقالنا 17 سنه متجوزين.
- حصل.
= وعندنا راجل وآنسه مزز.
- حصل جامد.
= وتقريباً زي ما فهمت ان حمزه بيحب فرح.
- يس.
= وحور السنجوله اللى في العيله.
- ايوه ههههههههه.
= كل ده وانا مش فاكر حاجه.
قالها بنبره زعل.
- هتفتكر يابني.
= ولو مفتكرتش.
- مش مهم المهم ان انت بخير... والحمد لله انها جت على كده.
= الحمد لله.
سكتنا شويه.
- ممكن اقوم علشان تنام.
= ومين قالك انك هتقويم اصلاً.
- انت هتنام ازاي.
= زي الناس... انا وانتي هننام على السرير.
- يابني هتتعب.
= اسمعي الكلام وانتي ساكته.
في اللحظه دي حمزه دخل.
✪ ايه ده للدرجه دي السرير كبير... ما تسيبي الراجل يرتاح يا حجه سما.
- ملكش دعوه.
طلعتله لسانى وحضنت اياد.
✪ ههههههههه طبيعي امي هتعمل ايه غير كده ههههههه.
= طفله والله هههههههه.
- روح اتخمد في اوضة تانيه يا حمزه.
✪ ايه الأسلوب ده.
- اذ كان عاجبك.
✪ لا يا سمسم... متحلميش اني اسيبكم لوحدكم... هنام على السوفا هنا... مكانتش مستشفى ابويا هي علشان انام في اوضه تانيه.
= ولو خليتها مستشفى ابوك دلوقتي.
✪ علفكره انا لو عملت مكالمه واحده هتبقى المستشفى بتاعتي... انا ابن اياد الكيلاني وحرم اياد الكيلاني... احنا هنهزر هو اياد الكيلاني اي حد ولا حرمه اي حد.
= مش فاهم ايه اللى جاب سما في الموضوع.
- بص يا باشا... انت جيت عليك فتره خسرت فيها الشركه تمام.
= بس ده من سابع المستحيلات.
- لا حصل علفكره... انت خسرت شركتك وانا وانت بنيناها من اول وجديد ومحمد ساعدنا... وانا حققت حلمي وبقى ليا اسم كبير كل ما حد يسمعه يتنفض من مكانه زي اسمك بالظبط.
= متقوليش ان في حد بينطق اسمك على لسانه.
قال جملته بعصبيه.
- وهي دي حاجه تفوتك بردو... انا حرم اياد الكيلاني... مفيش حد يعرف اسمي اصلاً.
= تمام ماشي.
بعد دقايق كان حمزه نايم على السوفا وانا واياد نايمين على السرير.
انا كنت نايمه على صدره وبفكر وهو كان بيلمس على شعري.
= نامي يا حبيبتي... متفكريش كتير.
- مش عارفه انام... نام انت ملكش دعوه بيا.
= اتخمدي يا زفته بدل ما افشفش دماغك.
- متزعقليش.
= طب نامي.
باس راسي.
= كده حلو.
- ايوه.
= بحبك يا سمايا.
- وانا كمان بحبك يا يودا.
✪ ما تناموا بقى.
- انت صاحي يا كلب وبتعكل علينا نايم.
✪ وهو اللى يبقى امه سما يعرف ينام.
- قصدك ايه ياض.
✪ مش قصدي حاجه... انت اتصاحبت على دكتور هنا هروح انام في مكتبه.
قام مع على السوفا وخرج.
= طفشتي الواد ههههههه.
- عيل عايز يتربى هو واخته.
= وهى اخته مالها دلوقتي هههههه.
- هو كده.
= ههههه مجنونه ههههههههه.
- بقى كده يا يودا... انا مجنونه.
بصيتله ببراءه.
= انتي مجنونة قلبي.
- طب يلا اتخمد بقى علشان بدأت اتكسف.
= ماشي هههههه.
صحيت الصبح لبصيت لاياد لقيته باصصلي.
- في حد يخض حد كده يابني... باصصلي ليه يا اخ يودا... معجب ولا حاجه.
= معجب بس.
قال جملته وبعدين عض شيفته السفليه.
- انت بتعمل كده ليه.
= ا.......
قاطع كلامه دخول حمزه.
✪ انتي لسه نايمه جنب الراجل.
انا رميت عليه ازازة الميه الفاضيه.
- امشي يا دزمه من هنا.
= قبل ما تمشي هي مش نايمه جنبي... هي نايمه في حضني.
انا اتكسفت و وشي احمر.
✪ كسفت البنت... مش كده ياراجل اللااه.
= انتي متأكده ان الواد ده ابني.
- تربيتك بقى.
✪ لا والله... وحضرتك كنتي فين بقى لما كان بيربيني تربيه مش عاجباكي.
- ياض هصلت البت فرح عليك واخليها تطلع عينك.
✪ فرح دي اصلاً ولا شايفاني.
= هي عارفه انك بتحبها.. صح؟؟
✪ ممكن اه وممكن لا.
= مش فاهم.
✪ انت قولتلي قبل كده اننا مينفعش نجبرها على حاجه... فانا بعاملها براحتي ولما تقولي انت مالك بيا اقولها انا زي اخوكي... بس انا بحبها ومش بعتبرها اختي... وبالنسبه للغيره انا بغير على حور بردو فعادي اني اقولها انتي زي حور.
= استنى بس... بتعاملها براحتك ازاى.
✪ مثلاً اتدخل في لبسها... اتدخل في طريقة كلامها مع الناس... تتكلم مع مين... تضحك مع مين كده يعني... متخافش مش بعمل حاجه غلط.
= ده انا رخم صحيح... ايه ده.
- مش قولتلك تربيتك.
= ما تلمي نفسك يابت... قصدك اني رخم وقفل.
- فشر يا قلبي.
= حسابك معايا بعدين... مش قدام ابنك.
- احم... انا هبات معاك انهارده يا زيزو.
✪ وهو مثلاً صعبه عليه انه يرجعك تنامي في اوضته... ياما عملتيها يا ماما وفي الآخر كنتي بتنامي في اوضتك.
= وبعدين تباتي مع مين ياختي.
- انا هقوم.
حاولت اقوم بس هو مسكني.
- يارب خليك معايا يارب ميموتنيش انا لسه في عز شبابي.
كنت بقول جملتي بهمس وانا مغمضه عيني.
= رايحه فين.
كنت هرد بس قلطعني دخول محمد.
انا قومت بسرعه وجريت على محمد.
- اخويا حبيبي... تصدق انك جيت في الوقت الصح.
$ هو كان هيضربك ولا ايه.
- اااا حاجه زي كده.
$ طب يلا علشان نمشي... خدوا جبتلكم لبس.
رمى على كل واحد فينا شنطه فيها هدوم.
✪ والله انك خال سكره.
$ طب يلا ياخويا روح البس علشان اخلص واروح الشركه... شكل صحاب الشركه مش هيشرفوا انهارده.
- ده اكيد... اياد تعبان وانا معاه.
$ ماي ياختي... يلا اخلصوا.
بعد ساعه تقريباً كنا في البيت.
حور جريت على اياد وحضنته.
❥ نورت بيتك يا يودا.
= حبيبتي يا ريري.
باس راسها.
✿ يلا الفطار جاهز.
= هو انتى اللى عملتي الفطار ولا ايه.
✿ رينوو عملته وانا ساعدها فيه.
= ماشي ي عسل.
❥ يلا بقى علشان انا ميته جوع.
قالت جملتها وهي بتسلم عليا بسرعه.
- ايه يابنتي في ايه... براحه شويه.
❥ اخلصوا انا جعانه.
شدتنا من ايدنا وقعدتنا على السفره.
فطرنا وقعدنا في الصالون.
- يابني اطلع ارتاح.
= مش بحب اقعد في السرير... واكيد انتى عارفه.
$ انا رايح الشركه.
= طب استنى علشان اروح معاك.
$ تروح فين.
= اروح شركتي.
- اياد لا.
= لا ايه.
- مش هتروح في حته.
= هو ايه اللى مش هروح في حته.
- انا مش هسمحلك تروح الشركه.
❀ سما معاها حق يا اياد... انت تعبان ولازم ترتاح... على الأقل لو نش هتقعد في السرير تقعد في البيت.
- اسمع الكلام بقى لو سمحت.
= ماشي.
$ طب باي اشوفكم بليل.
الكل: باي.
عدى اسبوع واياد لسه مأفتكرش حاجه بس انا ومحمد بدأنا نعرفه آخر الأخبار عن الشركه وهو قرر انه ينزل واحنا مقدرناش نوقفه.
كنت نايمه على صدره صحيت لقيته نايمه وبيحضني.
- يخربيت حلاوة امك ي أخي.
= عارف عارف.
- يلاهوي... انت صاحي.
فتح عيونه الخضر.
= ايوه... صباح الخير يا قمر.
- صباح النور... لسه مصمم انك تروح الشركه.
= ايوه ومش هغير رأيي.
- طيب تمام... بس هاجي معاك.
= ان شاء الله.
قال جملته بلامبالاه.
- هاجي معاك غصب عنك علفكره.
= طب ما تسيبك من الكلام ده وتصبحي عليا.
- اظن قولتلك صباح النور.
= لا الصباح ده مينفعنيش.
قرب من شفايفي وباسني بوسه طويله ( بتكسف اوى وانا بكتب عن نفسي في المواقف دي 😂😂 ).
بعد دقايق بعد عني.
= هو ده الصباح بتاعي.
- احم... سفوله اقسم بالله.
قعدنا ثواني وبعدين جهزنا علشان نروح الشركه.