التاسعه و العاشره
الحلقة التاسعة
بقلم سهيله سعيد
ايمى ... الحقوووووونى 😭
ام كريم ... في ايه ؟!!!!!
ايمن ... ايه الى عمل فيكى كدة !!!
ايمي ... كريم .. كريم ضربنى وبهدلنى
ام كريم ... كريم .. ازاى ؟!!!!!!
( تحكى ايمي الى حصل في المدرسة بس متحكيش الى هي عملته في جنى .. كريم في المستشفى .. تليفونه يرن )
ايمن ... انت فين يا استاذ ؟
كريم ... في المستشفى
ايمن ... بتعمل ايه في مستشفى وايه الى عملته في ايمى دة تعلالي ع البيت حالا
كريم ... مش متحرك من مكانى غير لما اطمن ع جنى .. والى اتعمل في ايمى تستاهله ولسة لما اشوفها هاكمل عليها فلو جت تشتكيلكوا قوللها تروح احسن
ايمن ... قولي ايه الى حصل ؟؟
( يحكى كريم الى حصل )
ايمن ... تروح جنى وتيجى ع البيت انت فاهم
كريم ... ماشي
( يقفل كريم مع ايمن .. تطلع جنى من عند الدكتور .. كريم يمسكها يسندها )
كريم ... حاسة بايه ؟
جنى ... دماغي وجعانى .. عاوزة انام
كريم ... معلش هاروحك دلوقتى وتنامى اوك
جنى ... اوك
( يوصل كريم جنى البيت ويروح بيته .. تدخل جنى البيت دماغها ملفوفة وبتسند ع الحاجة عشان توصل لاوضتها .. تشوفها جدتها )
الجدة ... بت يا جنى مالك ؟!!!
جنى ... ماليش
الجدة ... لا في حاجة تعالى هنا !!!
( تروح جنى تقعد جنب جدتها )
الجدة ... حصل ايه ؟
جنى ... كورة خبطت في دماغي واحنا في المدرسة .. فدماغي وجعانى شوية
الجدة ... مين الحمار الى خبطها في دماغك ؟
جنى ... قولى حمارة
الجدة ... كمان بنت .. انا هاروح المدرسة واقدم فيها شكوى للمدير
جنى ... لا مافيش داعى هى اتحاسبت خلاص
الجدة ... ازاى ؟
جنى ... كريم ضربها
الجدة ... احسن تستاهل
جنى ... ااااااه
الجدة ... طب ادخلى ريحى شوية
جنى ... اه ياريت والنبي
( ايمى لسة قاعدة مع ام كريم واخوه )
ايمن ... مهو انتى كدابة او كريم كداب لانوا بيحكى غير الى انتى بتقوليه
ام كريم ... بيحكى ايه ؟
ايمن ... بيقول انها هزقت جنى وشتمتها وهزقتوا هوا كمان فالاستاذ كريم طبعا ميتوصاش فضربها بالقلم ودة ليه حسابة .. بس الاستاذة بقا مسكتتش وخلتهم واقفين قدام المدرسة ومسكت جنى من شعرها طلعته في ايدها واغمى ع جنى وخدوها المستشفى
ايمى ... ايوة حصل
ام كريم ... انتى اجننتى انتى بنت ازاى تعملى كدة .. انا من الاول قلت دي جوازة سودة ونسب منيل 😑
ايمن ... الى حصل خلاص ومعتقدش اصلا هيكون في اى جوازات من بعد الى حصل
ايمي ... ليه بقا يعنى ايه ؟؟
ايمن ... وكمان بتسالى يا بجحتك
ايمى ... انا اتعاركت مع صحبته مش معاه .. هو الى طلع يجري ورايا وبهدلنى
ام كريم ... عوزاه يسكتلك لما تعملى كدة في جنى .. احمدي ربنا انها جت ع قد كدة
ايمن ... بس غلطان بردوا يا امي ميمدش ايده ع بنت .. لما يرجعلى الاستاذ
ايمي ... انا مستعدة اعتزرله 😥
ام كريم ... بعد ايه بقا
( يدخل كريم )
كريم ... يانهار ابوكى اسود .. لحقتى تقطعي هدومك .. صح منتى بت ......... 😠
ايمن ... كريم اخرس
كريم ... دة انا هاطلع روح ..........
ايمن ... قلتلك اسكت .. تعالى معايا
( ايمن يشد ايد كريم وياخده فوق .. كريم عمال يشتم فى ايمى وهو طالع )
كريم ... بنت الكلب دي تطلع برة
ايمن ... امشي بقا
( يطلع كريم وايمن فوق )
كريم ... والنبي سيبنى اكمل عليها .. هى مش جاية مقطعة هدومها اكمل انا بقا سيبنى
ايمن ... يابنى هى واحد صاحبك .. دي بنت عارف يعنى ايه بنت مينفعش تمد ايدك عليها
كريم ... وحيات ربي الى نجدها منى انها بنت لو مش بنت كنت روحتها ع المستشفى .. انت مشفتهاش عملت ايه في جنى 😟
( تدخل جنى تنام .. يرن موبايلها )
جنى ... الو
عمر ... جنى انتى كويسة ؟
جنى ... اة يا عمر كويسة
عمر ... انا اسف ع هزارى البايخ معاكى بس والله انا ......
جنى ... مافيش حاجة يا عمر .. حصل خير
عمر ... اوك انا بس محبتش تكونى زعلانة منى
جنى ... لا يا عمر مش زعلانة .. هاروح انام شوية احسن دماغي بتوجعنى
عمر ... ماشي لو عوزتى حاجة اتصلي بيا
جنى ... اوك .. باي 😒
عمر ... باي
( تقفل جنى مع عمر وتنام .. كريم قاعد مع اخوه )
ايمن ... انا عارف انها غلطانة بس مهما حصل مكنش ينفع تمد ايدك عليها
كريم ... لو مكنتش ضربتها كان احتمال يجيلي شلل
ايمن ... طب خلينا في الكارثة دى دلوقتى هتروح بيتهم ازاى دى
كريم ... زى الناس نعملها ايه يعنى
ايمن ... زى الناس ايه .. تروح لاهلها مضروبة من خطيبها !!!
كريم ... عشان يعرفوا انى مسيطر من اولها
ايمن ... انا مش بهزر يخربيت اهلك 😠
كريم ... وانا مال امي متولع وبعدين انا مبقتش خطيبها خلاص
ايمن ... يعنى ايه ؟
كريم ... زى مبقولك دى مش انسانة حد يرطبط بيها وانا مش عايزها والى يرش جنى بالماية هارشه بالدم وهى خلاص بانت معاها .. اعتبرونى فسخت الخطوبة
ايمن ... هو انا خاطبهالك ولا خاطبها لجنى ؟؟
كريم ... هو كدة يانا وهى تبقى معانا كويسة يا بلاش خالص .. البنات ع قفا مين يشيل
ايمن ... خلاص اتجوز جنى وريحنا
( يسكت كريم )
ايمن ... طالاما مافيش حد عاجبك ودى اهم واحدة عندك واهم من خطيبتك كمان ضربتها عشانها ولسة هايحصل مصايب من اهلها لما يعرفوا يعنى غصب عنك بقا استحمل الى جاى
كريم ... الى عندهم يعملوه مبخفش غير من الى خلقنى .. يروحوا يربوا بنتهم الاول 😏
ايمن ... ماشي يا كريم .. انا عايز اعرف بقا جنى دى هاتفضل معاك لامتى ؟
كريم ... يعنى ايه لامتى ؟؟
ايمن ... يعنى انا عايزك تفكك من البت دى بقا شوية وتفكر في حياتك
كريم ... ان شاء الله
ايمن ... مانت طولت قصرت هتبعد عنها دى مجرد صاحبة .. لو ولد نقول ماشي صحاب للاخر لكن دى بنت اول متلاقيلها واحد تحبه هتنسحب من حياتك .. انت ليه مش عاوز تفهم كدة ؟
كريم ... كلكم بتتكلموا عليها كانها هى الى مبوظة حياتى .. راجع معايا كدة يا ايمن بيه شريط حياتى قبلها وانت تعرف الفرق .. تعرف ليه مش عاوز افهم كلام اى حد فيكم عليها .. عشان انتوا اصلا مش فاهمين احنا ايه بالنسبة لبعض .. جنى حتة منى ومهما حصل مش هنبعد عن بعض افهموا انتوا بقا دة
( ينزل كريم يركب عربيته ويمشي يروح بيت جنى .. يدخل كريم يلاقي جدة جنى .. يسلم عليها )
كريم ... حبيبة قلبي
الجدة ... تعالى يا حبيبي واحشنى يا واد .. فينك مش بتسال ع تيتة ليه ؟
كريم ... وانا اقدر بردوا .. انتى عارفة بس شوية لعبكة في الدراسة
الجدة ... مين الحيوانة دي الى خبطت الكورة في دماغ جنى ؟؟
كريم ... كورة !!! .. ااااه دى واحدة زميلتنا
الجدة ... جنى بتقول انك ضربتها تستاهل بنت الكلاب
كريم ... هي فينها جنى ؟
الجدة ... في اوضتها .. دخلت تريح شوية
( يرن تليفون كريم )
كريم ... دي هى تبقا صاحية .. بعد اذنك يا تيتة هدخلها
الجدة ... بيتك يابنى اتفضل
( يدخل كريم لجنى )
جنى ... خضتنى .. يخربيت العادة السودة دى .. خبط يابنى ع الباب
كريم ... هو انا داخل جامع
جنى ... متوقعتش تيجى انهاردة
كريم ... جيت اطمن عليكى .. عاملة ايه ؟
جنى ... الحمد لله كويسة
كريم ... بقيتى احسن ؟
جنى ... اة بكتير .. بس حاسة دماغي تقيلة اوى
كريم ... تكونيش بتشمى كولة ؟!!
جنى ... لا بانجو
كريم ... يا جامد انت يا مكيف 😉
جنى ... بس موجوعة اوى
كريم ... معلش الشدة كانت جامدة
جنى ... بيقولوا انك طلعت تجري وراها ضربتها فعلا ؟
كريم ... بهدلتلك امها
جنى ... يالهوى يا كريم .. دة كدة ممكن تفركش الخطوبة
كريم ... مانا فركشتها خلاص
جنى ... بتهزر !!!
كريم ... وربنا خلاص .. عوزاها بعد الى عملتهولك دة ابقى معاها عادى .. اكيد لا
جنى ... كريم فكك منى انا مش عوزاك تسيبها كدة انا السبب
كريم ... كدة احسن انا مش ناقص قرف
( جنى فرحانة .. بس مبينة زعلانة )
جنى ... زعلتنى والله 😕
كريم ... انا مش طالب راي حد في اسيبها ولا لا .. انا مينفعش ابقى معاها دى كانت غلطة من الاول
جنى ... طب واهلها لما يعرفوا انت كدة هادخل نفسك في مشاكل يا كريم
كريم ... فكك منها بقا هي من الاول مكانتش تنفعنى .. طلعت صايعة .. هههههه 😂
جنى ... اه متوقعتش منها كدة ابدا
كريم ... دى ابوها معلم ياما احمدى ربنا مفتحتش عليكى ماطوة ولا حاجة
جنى ... يا لهوى .. طب خلي بالك انت بقا لحسن يعملوا فيك حاجة !!!
كريم ... لا ميقدروش
جنى ... صحيح انت فكيت الغرز ولا لسة ؟
كريم ... لسة فاكرة من زمان .. ايه اخبار رجلك
جنى ... والله معرف انا نسيتها اصلا
( تروح ايمي البيت .. البيت مفهوش حد غير اختها )
ايمان ... يالهوى ايه الى عمل فيكى كدة ؟
الحلقة العاشرة
ايمي ... هش اسكتى .. هو في حد هنا غيرك ؟؟
ايمان ... لا مافيش قوليلي حصل ايه ؟
( تدخل ايمى اوضتها تغير هدومها وتعدل شعرها وتظبط نفسها كانى محصلش حاجة )
ايمان ... متردى عليا !!!
( تحكى ايمي الى حصل لاختها )
ايمان ... يا خرابي يانا ضيعتى منك العريس 😯
ايمي ... الى همك العريس .. والباقي لا ؟
ايمان ... الباقي انتى تستاهلي فيه ضرب الجزم عشان كان المفروض تسمعى كلامه من الاول .. احنا مصدقنا لقينا حد يلمك يا شيخة كتك الارف
ايمى ... قلت هعتزله بقا اعملكوا ايه تانى
ايمان ... انتى تلخصي في الموضوع دة قبل ميوصل لابوكى فاهمة
ايمي ... طيب
ايمان ... دة لو ابوكى عرف هايطلع روحك انتى مش هو
ايمي ... خلاص بقا متخوفنيش قلت هاتصرف .. بس انتى متجبيش سيرة لحد
ايمان ... ماشي اما نشوف اخرتها معاكى
( كريم قاعد مع جنى )
كريم ... وايدك كمان متعورة !!!!
جنى ... اه مختش بالي من الواقعة تقريبا 😒
كريم ... هسالك سؤال وردي بصراحة
جنى ... ايه ؟
كريم ... عمر الى وقعك ؟؟؟
جنى ... لالا مش عمر ✋
كريم ... احلفي
جنى ... دة وانا طالعة اجري وراك اتكعبلت ع السلم
كريم ... اصل دى مش تعاوير كعبلة سلم !!!
جنى ... السلم الى من برة مش الى جوة
كريم ... ماشي يا جنى هحاول اصدفك عشان انا حالف ل عمر وانتي بتداري عليه
جنى ... مش هو يا كريم لو هو هاقولك
كريم ... ماشي
جنى ... اه يانا
كريم ... شعرك يجنن وهو منكوش كدة 😄
جنى ... هو منكوش !!!
كريم ... اها .. عامل زى ديل الطاووس
جنى ... لا بجد !!!!
( تقوم جنى تبص في المراية )
جنى ... احيه هو عمل كدة ليه !!!
كريم ... عشان تعرفي الى بيكدب شعره بيقف 😏
جنى ... ههههه .. بس انا مش كدابة
كريم ... يمكن
( تفك جنى الرباط من ع دماغها وتقعد ع الكرسي قدام المراية تحاول تسرح شعرها )
جنى ... لا خليه بقا منكوش احسن .. مش قادرة اسرح حاجة
كريم ... دة محتاج القوات المسلحة تسلكوا
جنى ... اخس عليك
كريم ... استنى
( يقوم كريم ياخد الفورشة من جنى ويسرحلها شعرها )
جنى ... يا حنين .. متسرح يابنى .. انت بتعملي مساج في دماغي
كريم ... مش عاوز اوجعك .. قلت اكسب فيكى ثواب
جنى ... بقالك كتير مسرحتليش شعري
كريم ... عشان بقالي كتير مبجيش هنا
جنى ... اه
( يخلص كريم تسريح لجنى .. جنى تقوم تبص ع شعرها )
جنى ... لولا الظروف كنت كرمشتلك عشة جنيه في ايدك
كريم ... كفي نفسك يا عرة انتى
جنى ... كريم .. انت حقير يا صاحبي
كريم ... الله يعزك وربنا عندك زوق ☺
جنى ... ههههه
( جنى وهى بتضحك تدوخ هتقع لورا كريم يمسكها يقعدها )
كريم ... انتى كويسة ؟
جنى ... اه .. بتجيلي دوخة احيانا بس
كريم ... حامل ؟
جنى ... متتلم ياض
كريم ... انا صاحبك وستر وغطا عليكى .. قولي ياختى متخافيش 😂
جنى ... اطلع برة .. يخربيتك اطلع برة
كريم ... طويب
( يقوم كريم )
جنى ... رايح فين ؟
كريم ... هقابل عمر كان عاوزنى فى موضوع بقاله كتير وانا عمال اطنشه فماكد عليا انهاردة
جنى ... موضوع ايه ؟
كريم ... مش عارف والله .. هاشوف وابقى افتنلك
جنى ... طب اشطا
كريم ... متجيبي بوسة 😚
جنى ... بس بقا
( يقرب كريم ع جنى يبوسها من خدها ويحضنها )
جنى ... يالهوووووووووى
كريم ... حق التسريح
جنى ... متجيش عندنا تانى
كريم ... دة بيتى اصلا .. امشي اطلعى برة انا مش مرتحلك صراحة
جنى ... هاقوملك وربنا
كريم ... خلاص يلا باي
جنى ... بااااااى .. ع مهلك وانت سايق
كريم ... حاضر يا ماما
( يمشي كريم يروح البيت يغير هدومه .. تدخل امه )
الام ... رايح فين ؟
كريم ... خارج مع عمر
الام ... بطل طنطيط وانت لسة تعبان
كريم ... لا انا كويس متشغليش بابلك
الام ... طب بما انك كويس فكك من عمر وتعالى احضر معايا الويدنج دة
كريم ... هاجى معاكى اعمل ايه انتى واحدة بتنظمى حفلات زفاف هاروح انا اعمل ايه ؟
الام ... هلاقيلك حاجة تعملها
كريم ... هو حشر وخلاص .. لا بردوا
الام ... ماشي يا كريم انا عارفة ايه بيفرعنك عليا
( تاخد ام كريم مفاتيحه و الفيزا )
كريم ... لا بالله عليكى انا متاخر 😨
الام ... هاتنزل معايا في الاجازة ؟
كريم ... حاضر والله من بكرة هتلاقينى بقطع العروسة مع التورتة هاتى بقا
الام ... ماشي اما نشوف .. هاتعمل ايه مع ايمى ؟
كريم ... هاعمل ايه يعنى مقلت خلاص فركشتها
الام ... دة اخر كلام عندك ؟
كريم ... ايوة اخر كلام
الام ... احسن بردوا انا اصلا مكنتش حباها
كريم ... طب اي خدعة
( ينزل كريم يقابل عمر )
عمر ... ايه الى اخرك ؟
كريم ... حوار كدة فكك .. كنت عاوزنى في ايه ؟
عمر ... طب ناكل الاول انا ميت من الجوع
كريم ... ارغي وانت بتحشر
عمر ... اوك .. بص يا سيدى .. من غير لف ودوران ولا تحوير وكلام كتير و من غير ....
كريم ... يا عم لخص 😞
عمر ... طيب .. انا بحب جنى
كريم ... نعم ؟؟!!!!
عمر ... انا بحب جنى .. بحبها
كريم ... سمعتك من اول مرة .. اقصد ازاى يعنى ؟؟
عمر ... زى الناس .. فيها مشكلة دى ؟
كريم ... لا مفيهاش مشكلة .. بس انت جايبنى تقولي الكلام دة ليه ؟
عمر ... مانا عارف انك قريب ليها فكنت عاوزك تسالهالى ان......
كريم ... ماليش دعوة .. طلعنى برة الموضوع 😳
( كريم مضايق وزعلان ومتفاجا .. مكنش متوقع عمر يقول كدة )
عمر ... طب ليه كدة ؟
كريم ... هو كدة اسالها انت
( يقوم كريم )
عمر ... طب رايح فين ؟
كريم ... عندى مشوار مهم
عمر ... طب نكمل كلامنا الاول اومال انا جايبك ليه
كريم ... هو انت لسة هاتكمل ؟
عمر ... خليك جدع اكريم وكلمها عاوز بس اعرف انا ايه بالنسبة ليها
كريم ... اكيد ولا حاجة 😒
عمر ... هى قالتلك كدة ؟
كريم ... مش محتاجة تقول هو واضح
عمر ... دة انا كنت بفكر اخطبها
كريم ... انت بتحلم اكيد مش هتوافق طبعا 😒
عمر ... انت ليه بتقفلي كل حاجة كدة ؟
كريم ... بما انك جبتنى وحاكتلي فانا بكلمك بصراحة ولا انت عاوزنى الف وادور عليك
عمر ... متوقعتش كدة
كريم ... والله اهى عندك اسالها انت لو مش مصدق كلامى
عمر ... مانا اكيد هسالها .. بس كنت عاوزك تمهدلى الموضوع
كريم ... مليش دعوة قلتلك
عمر ... بس انت ايه الى مزعلك اوى كدة ؟
كريم ... وايه الى يزعلنى ان شاء الله ؟؟
عمر ... انت مش شايف نفسك عامل ازاى .. انت هاتنفجر
كريم ... في ايه يا عمر ؟؟
عمر ... انت الى في ايه من ساعة مقلتلك انى بحبها وانت مش ع بعضك .. لو تخصك قول وانا انسحب .. بس متكلمنيش كانى مش هامك حاجة وانت باين عليك كل حاجة
( كريم يسكت لثانيتين )
كريم ... عمر .. اعمل الى تعمله 😑
عمر ... ماشي يا كريم .. انا هتصرف
كريم ... سلام
عمر ... سلام
( كريم يمشي يروح يقعد ع البحر .. مضايق .. ندمان .. كان نفسه يقول لعمر دى بتاعتى انا وبس .. في نفس الوقت هو ميعرفش ايه راي جنى في
كدة .. خاف من اى كلمة يقولها عشان هيتحاسب عليها .. يمسك الموبايل .. عاوز يكلم جنى ويقولها ع كل الى في قلبه بس
متردد .. جنى قاعدة ع سريرها بتفكر نفس تفكيره .. لو يوم صارحته بمشاعرها الى بجد .. هل هتطلع نفس مشاعره ولا بكدة هتبقى قلة كرامة ليها ..
عشان كل واحد فيهم عارف انوا لو اعترف للتانى بحبه ممكن تكون مش نفس المشاعر وساعتها
عمرهم مهيبقوا صحاب زى الاول دة اذا مكانوش قطعوا علاقتهم ببعض بعدها .. فكل واحد شايل جواه وساكت .. كريم يتصل بجنى بعد اما جاب اخره مع التفكير )