الحلقة الثالثة عشر والأخيرة
رواية حته مني
بقلم سهيله سعيد
( تدخل كل البنات ورا جنى الحمام )
رودى ... معلش يا بنات .. الكل برة لو سمحتوا عشان النفس كدة العروسة هتسيح
( يخرج الكل برة ويتكوموا قدام الحمام .. جوة رودى وغادة مع جنى وباقي الشلة برة ..
جنى تدخل حمام وتقفل عليها عمالة تعيط .. كريم يكلم رودى من برة )
كريم ... رودي في ايه ؟
رودى ... مش عارفة يا كريم بنشوفها
كريم ... اوك
( كريم واقف وعمر ورامي واهل العريس واقفين برة .. الكل مستنى يعرف في ايه )
غادة ... جنى افتحى بقا
جنى ... سبونى في حالى 😩
غادة ... مالك طيب ؟
رودى ... غادة اطلعي قوللهم اى حاجة لو عرفوا انها بتعيط هاتبقا كارثة
غادة ... هاقولهم ايه ؟
رودى ... اتصرفي يا غادة
غادة ... طيب
( تخرج غادة .. الكل يسالها حصل ايه )
غادة ... محصلش حاجة ياجماعة .. العروسة بس فستانها كان هايقع انتوا عارفين التوب بقا 😄
( غادة تقلب جو القلق لهزار وضحك ع موقف العروسة .. الا كريم واقف مازال قلقان .. الكل يروح يقعد الا كريم واقف مستنى جنى تطلع )
ايمى ... كريم انا رجلى وجعتنى هاروح اقعد
كريم ... ماشي
( يخبط كريم ع باب الحمام )
كريم ... هتباته جوة ولا ايه ؟
غادة ... ثوانى وطالعين يا كريم
كريم ... طيب
رودى ... اطلعي بقا يا جنى ميصحش تصرفاتك دى
غادة ... اطلعي هاتفضحينا بقالك نص ساعة جوة
رودى ... هو كريم برة ؟
غادة ... اة برة
رودى ... طب اطلعي جبيه
غادة ... اجيبه فين ؟!!!!!!
رودى ... اندهيه يا غادة
غادة ... انتى ملاحظة اننا في حمام بنات .. هدخل شاب هنا ازاى .. افردي حد شافه داخل
رودى ... اتاكدى انى مافيش حد شايفكوا ودخليه .. انجزى بقا
غادة ... ماشي .. ربنا يستر
( تطلع غادة واقفة قدام باب الحمام من جوة وكريم واقف من برة .. غادة تبص يمين وشمال متلاقيش حد )
كريم ... ايه في ايه ؟
( تشد كريم ع جوة )
كريم ... يخربيتك مدخلانى فين !!!!!
رودى ... كريم جنى مش راضية تطلع كلمها انت يمكن تسمع كلامك
كريم ... جنى .. اطلعى كلمينى .. مالك ؟
جنى ... ماليش يا كريم .. شوية بس وطالعة 😔
كريم ... اخرجى بس انا عايزك .. لو حد شافنى هنا هاتبقى مصيبة اطلعى بقا
جنى ... معلش بس سيبونى دقيقة
كريم ... جنى لو مطلعتيش هازعل منك
رودى ... متزعليش كريم منك بقا واطلعى
غادة ... انا طالعة عشان محدش يدخل
رودى ... اوك
( تطلع جنى وشها سايح ع بعض من كتر العياط )
كريم ... في ايه بس لدة كلوا ؟
جنى ... مش عارفة 😫
رودى ... عمر مالوش زنب يا جنى مينفعش كدة
جنى ... طب اعمل ايه انا
( تعيط جنى .. ياخدها كريم في حضنه )
كريم ... لو اعرف مالك بس
جنى ... مخنوقة يا كريم
كريم ... انتى مش عايزة عمر ؟؟
جنى ... مش عارفة
كريم ... ازاى مش عارفة ؟.!!!
جنى ... عاوزة امشي
كريم ... طيب انا عندى فكرة .. نطلع دلوقتى نكمل الفرح واول ميخلص اوعدك هنمشي انا وانتى بس نروح مكان يريحك ونتكلم .. ماشي
جنى ... وعد تمشينى من هنا ؟؟
كريم ... وعد والله
جنى ... اوك 😟
كريم ... رودي ظبطى وشها هستناكم برة
رودى ... اوك
( تظبط رودى جنى ويطلعوا ... يمسك كريم ايد جنى ويقعدها جنب عمر .. تيجى اخر رقصة slow .. في وسط الرقصة كريم شايف دمعة جنى خلاص هاتنزل .. يروح كريم يبدل مع عمر .. يديه ايمي وياخد جنى .. يرقص كريم مع جنى ويحاول يبعدها عن عمر )
كريم ... اوعى تعيطى
جنى ... مش قادرة
كريم ... عشان خاطري
جنى ... حاضر 😥
كريم ... شوفتى اخت عمر ؟
جنى ... اه مالها
كريم ... مزة مزة يعنى 😉
جنى ... اهمد شوية مش مكفيك ايمي ولا ايه ؟
كريم ... لا ايمي دي تخليص حق
جنى ... ازاى ؟
كريم ... ابويا ماسك ع ابوها قومبيلات
جنى ... هههههه .. قومبيلات ؟!!!
كريم ... بس تعرفي .. انتى زى القمر انهاردة 😍
جنى ... بجد ؟؟
كريم ... اها .. انتى عارفة مبقدرش اقاوم اللون الاحمر .. ايه رايك نفلسع من الدوشة دي ؟
جنى ... ياريت
كريم ... انتى بتلزقي في الكلام ليه كدة
جنى ... هاموت وامشي
كريم ... بعد الشر مش وعدتك هانمشي بعد الفرح ؟
جنى ... ايوة
كريم ... انا وعدتك بحاجة قبل كدة ومنفذتهاش ؟
جنى ... لا
كريم ... يبقى تستنى لبعد الفرح
جنى ... اوك
كريم ... روقي بقا ولا اخليهم يشغلولك عباسط
جنى ... هههههه لا هروق خلاص
( عمر شايف جنى عمالة تهزر وتضحك هى وكريم وكانت معاه مبوزة وزعلانة .. يقرب عليهم )
عمر ... ايه يا عم .. انت مصدقت ولا ايه ؟
كريم ... ملكش حاجة عندى
عمر ... لا ليا دي بتاعتى
( يمسك عمر جنى من جنبها .. تمسك جنى فى هدوم كريم اكتر .. كريم يحس بيها يشيل ايدها من ع كتفه ويمسكها .. ياخدها منوا عمر.. يخلص الفرح .. جنى تمشي تركب مع عمر عشان يوصلها )
عمر ... هتروحى فين ؟
جنى ... البييييت 😑
عمر ... البيت .. انا فكرت هنتفسح وكدة
( يمسك عمر ايد جنى )
جنى ... معلش يا عمر انا دماغي وجعانى من دوشة الفرح .. عاوزة اروح
عمر ... خلاص نتعشى مع بعض الاول
جنى ... مافيش داعي
عمر ... وحيات عمر عندك ؟
جنى ... ماشي يا عمر
( يوصلوا مطعم ويدخلوا )
عمر ... مبسوطة ؟
جنى ... اه .. مبسوطة 😒
عمر ... تعرفي .. مش عارف اقولك انا قد ايه فرحان انك بقيتى بتاعتى
جنى ... هو انا كدة بقيت بتاعتك ؟!!
عمر ... بالنسبالي ع الاقل .. هو انتى مش حاسة انى بقيت ليكى وبتاعك لوحدك ؟
جنى ... اه .. حاسة
عمر ... انا عارف انك بتعشقينى مش بتحبينى بس مش كدة ؟
جنى ... اه :(
عمر ... كنت عارف اصل انا دايما بقدر احسن بالى قدامى احساسه ايه
جنى ... اه
عمر ... انا عارف انى احنا هانبقى لبعض
( عمر عمال يتكلم .. جنى سرحت بتكلم نفسها )
جنى في سرها ... انت عمرك مهتحس الى جوايا .. عمرك ماهتحس بوجع قلبي وانا معاك .. لانى انا عمري محسيتك يا عمر .. ولا عمري هاحسك .. لانى قلبي مش معاك .. كان نفسي تكون انت الى معايا يا كريم .. كان نفسي تحس بيا .. انت دايما كنت بتحس الي جوايا .. ليه محستهوش المرة دى يا كريم
عمر ... جنى .. يابنتى ؟!!!!
جنى ... ايه يا كريم
عمر ... كريم !!!
جنى ... يا عمر .. اا .. انا عايزة اروح
( تقوم جنى )
عمر ... استنى طيب انتى ماكلتيش !!
جنى ... مش جعانة يا عمر .. انا تعبان
النهايه