رواية غرام الاسد كامله جميع الفصول بقلم شروق محمد

رواية ياقوت الجزء الثانى

الفصل الخامس 

بقلم فاطمة محمد

بابا إيه بس يا ماما حرام عليكي، تعالي اقعدي أنتي بس هقولك ع كل حاجة. 

_ يعني في حوار 

_ مش حوار يعني بس هو إحساس غريب وعبيط ومش فهماه.. 

_ غريب وعبيط ومش فهماه!!!! أنتي شاربة حاجة يا بنتي! 

_ مش عارفة حاسة بـ إيه بجد بس حاسة إني مبسوطة.. 

_ والله! وإيه كمان ياست شادية 

_ إيه دا، أنتي بتجريني في الكلام على فكرة.. 

_ يعني أنتي قولتي معلومة مفيدة لحد دلوقتي ما تقولي يا بنتي مين اللي عليه العين

 والنيني.. العريس اللي قولتي عليه امبارح؟ 

_ عريس إيه الواد اللزج دا، أنا أخاف أتجوزه يفضل يقولي يا آنسة ياقوت.. 

_ امال مين ياختي اللي مشقلب حالك كدا.. 

_ أقولك ومش هتقولي لحد؟ 

_ وهو أنا من امتى بقول حاجة لحد دا أنا بير. 

_ بير مخروم، مخروم ياماما

_ بنت

_ بنت ايه وبتاع ايه أنتي نسيتي لما حرقت الأكل قعدتي تخلصي كل اللي وراكي 

بسرعة علشان تطلعي لـ طنط فوق تقوليلها ع اللي حصل 

واتصلتي بـ خالتو قولتيلها بردو مع أنك كنتي لسه قايلالي معلش ولسه بتتعلمي.. 

_وهو دا سر بردو 

_ بس يا ماما بالله عليكي، أنتي مشرداني طول الوقت وبردو بحكيلك..

_ طب يلا احكيلي 

_ هو لحد دلوقتي مفيش حاجة تتحكي.. بس أنا وياسين اتصالحنا. 

_ اتصالحتوا إزاي يعني، هو مكنتوش اتصالحتوا امبارح؟ 

_ لأ يا ماما مقصدش، أقصد يعني أننا خلاص بطلنا نبقى ناقر ونقير 

_ وهو دا اللي مخليكي مبسوطة كدا وتسمعي في أغاني دا إيه الهبل دا وأنا اللي سايبة 

الأكل ع النار علشان أسمع الهبل دا.. 

 كنت عارفة أن ماما مش هتدي للي أنا فيه اهتمام لو قولتلها ع ياسين، أنا نفسي مش مصدقة

، ابن عمي اللي مشوفتوش غير أنه أخويا هو نفسه اللي بفكر 

فيه بقلبي دلوقتي! أنا حتى كمان مكنتش أتوقع أن يحصل كدا في يوم من الأيام بسبب 

خناقاتنا المتواصلة واللي مبتخلصش.

_ ياقوت تعالي خالتك ومنى بنتها وصلوا 

_ جاية حالا 

 إيه يا خالتو الغيبة دي، بتيجي من السنة للسنة.. 

_ سنة إيه يا بكاشة ما احنا كنا هنا الأسبوع اللي فات

_ ما أنتي عارفة أنكم بتوحشوني انتي ومنى. 

_ أهي عندك أهي وسيبلي أمكم بقي من غير دوشتكم 

_ دوشتنا ولا عايزين تنموا ع خلق الله. يلا يابنتي قدامي تعالي ننم في حتة تاني.. 

_ إيه بقى أخبار الثانوية إيه معاكي؟ 

_ الحمدلله ماشية 

_ دخلتي إيه صحيح علوم ولا رياضة 

_ دخلت رياضة

_ اشمعنا رياضة يعني أنتي عايزة هندسة ولا إيه 

_ لأ بس مش هو ياسين أخوكي كان رياضة بردو.. 

_ ياسين أولا مش أخويا ياسين ابن عمي ثانيا إيه دخله يعني بأنك تدخلي رياضة؟ 

_ علشان يشرحلي لو احتاجت حاجة.. 

_ يعني أنتي داخلة رياضة مخصوص علشان يشرحلك ومدخلتيش ليه اللي أنتي شاطرة فيه.. 

_ ما أنا هبقي شاطرة في الرياضة لما هو يشرحلي 

_ والله.. 

_ يلا يا بنات الغدا 

_ حاضر يا ماما 

طول القعدة وأنا سرحانة في كلامها، يعني هي مستعدة تدخل حاجة صعبة هي مش

 حباها علشان خاطر ياسين، وأنا اللي كان قدامي فرصة أكون 

معاه في نفس الكلية بعدت عنه بس هو كان معايا علطول، يمكن

 علشان كدا مكنتش واخدة بالي منه، بس منى! منى بعيدة هو ممكن يكون عينه عليها!! 

_ لأ والله ما هيحصل اتصلي يا ياقوت بـ ابن عمك ينزل يوصلهم.. 

_ ملهوش لزوم ليه نتعبه كل مرة 

_ ولا تعب ولا حاجة ياسين طول عمره جدع ومحدش بيحتاجه في حاجة غير لما يلاقيه.. 

كلمتي يا ياقوت ابن عمك؟ 

_ اه يا ماما نازل أهو.. 

_ أنتي هتقوليلي يا أم ياقوت، ماشاء الله عليه ربنا يحميه لـ شبابه.. 

_ ماما أنا هلبس وأنزل معاهم عايزة أجيب حاجات، بما أن ياسين جاي يعني علشان منزلوش تاني.. 

_ ماشي بسرعة قبل ما ينزل علشان أنتي عارفة أنه بيتعصب..

                     الفصل السادس من هنا

لقراة باقي الفصول من هنا

 

تعديل المقال