الحلقه ٣٠و ٣١
رواية💔 جراح القلب💔
بقلم شيمو الخطيب
مؤمن نزل يجري من البيت ورايح علي القسم ومش عارف يعمل ايه ولا يبدأ منين، هو عايز يفهم من أحمد الموضوع َبعدين يروح لمحامي كبير يتولى الموضوع.
احمد بيسأل الظابط
احمد... هو ممكن يا فندم قبل ممشى اعرف مين قدم المحضر
هشام... وده هيهمك في أيه،
احمد... معلش يافندم ممكن يفيدني،
هشام.. هيفيدك بايه يا احمد، احنا لقينا مبلغ كبير من الفلوس اللي اتسحبت من البنك موجود في شقتك، وده دليل قاطع انك انت اللي اخدتهم
احمد... بصدمه،، مبلغ، وفي شقتي انا، طب ازاي ومين اللي جابه
هشام... اظن السؤال ده متسألوش ليا انا،
احمد... يافندم والله معرف حاجه عن الفلوس دي، ولا يمكن امد ايدي على حاجه مش بتاعتي ولا افكر اسرق مصطفى بيه ولا غيره ابدا.
هشام... والله انا معرفش، كل اللي قدامي بيثبت انك انت اللي اخدت الفلوس، وانا بحكم بالأوراق والادله اللي معايا،،، خده ياعسكري
احمد... طيب اسف اخر حاجه، عايز بجد اعرف مين قدم البلاغ
هشام... ماشي ياسيدي، اللي قدم البلاغ، واحد اسمه، فارس عبدالله الجندي
احمد.... مين!!!! فاااارس!!!! (وسند على المكتب) مش ممكن يكون هو، ليه، ليه
هشام...هو صاحبك،؟ زعلك ده يبين انه حد قريب منك
احمد... للأسف يافندم، ده صاحب عمري،(وكمل بأسف) لكن خير، الواحد لازم يتوقع اي حاجه من القريب قبل الغريب،
هشام..( بص لأحمد بأسف وهو حاسس انه انسان نضيف فعلا)، خده ياعسكري
احمد قابل مؤمن بره ووقف معاه
مؤمن.. فهمني يا احمد ايه اللي حصل، وايه الفلوس اللي لقيناها عندك دي
احمد... والله يا مؤمن معرفش عنها حاجه، ومش فاهم ايه اللي بيحصل، (وبص لمؤمن) اسأل فارس يا مؤمن اكيد هو اللي يعرف،
مؤمن... واقف مش عارف يعمل ايه ولا يبدأ منين، وحاول يتصل على فارس لكن موبايله خارج الخدمه، مؤمن نفخ
مؤمن... اوووووف، طب اعمل ايه، بااس، مفيش حل غير نادر اكيد مش هيتأخر عننا. وكلم نادر فعلا
نادر وصل لمؤمن قدام القسم، بسرعه جدا
نادر... خير يا مؤمن، انا مفهمتش منك حاجه في التليفون
مؤمن حكاله اللي حصل وقاله انه احمد اتحبس اربع ايام على ذمة التحقيق
نادر... احنا لازم نقعد مع احمد ونفهم ايه اللي حصل بالظبط
دخل نادر للظابط وقدم بطاقته وهشام رحب بيه جدا
نادر... خير يا حضرة الظابط انا عايز افهم كل حاجه عن القضيه،
هشام... هو أحمد يخصك يا فندم
نادر... تقدر تعتبره اخويا
هشام... تمام، وانا هفهم حضرتك على كل حاجه وفهموا من الظابط الموضوع، واستدعو احمد واتكلم وحكي كل حاجه بالتفصيل
وسابهم هشام ومشي عشان ياخدوا راحتهم في الكلام
احمد... هو ده اللي حصل يا نادر، وفعلا معرفش حاجه عن الفلوس اللي في البيت دي ابدا،
نادر... طب الفلوس دي وصلت عندك ازاي، اكيد لو عرفنا مين اللي حطها هنوصل بسهوله للي سرق الفلوس
احمد بص لمؤمن، وقال... معرفش، ومش قادر اخمن مين ممكن يكون عمل كده،
مؤمن... مش ممكن تكون ندى يا احمد
احمد.. لا لا لا استحاله تكون ندى يا مؤمن، ندى عمرها متعمل كده، ولا يوصل تفكيرها لكده
نادر... متستبعدش حد يا احمد، لازم تحطهم كلهم في دايرة اتهام،
احمد... والله منا عارف انا دماغي هتنفجر، بس كل اللي انا متأكد منه انه حسن هو اللي اخد الفلوس، أو يعرف مكانها فين، لأنه مصمم انه يتهمني انا بكده، وبيقول بكل بجاحه اني فعلا اخدتهم منه.
نادر... اطمن يا احمد، صدقني الموضوع مش هيطول، وبراءتك هنثبتها هنثبتها
مؤمن.. في دماغك ايه يا نادر فهمني
نادر... اللغز كله عند حسن و ندى و رشا، انا من الاول مكنتش مرتاح للي اسمه حسن ده، واكيد زي مأحمد بيقول هو اللي دبر كل ده، عموما متقلقش وان شاء الله خير
احمد... للأسف يا نادر فارس مشترك معاهم
مؤمن بصدمه.... بتقول مين،، فاااارس، مستحيل يا احمد، مستحيل
احمد... البلاغ اللي متقدم ضدي باسم فارس، خليكوا وراه ممكن توصلوا لحاجه
مؤمن... حاضر يا احمد اطمن انت بس وان شاء الله شِده وهتعدي
احمد... مؤمن انا مش عايز امي ولا هنا، ولا اي حد يجيلي هِنا، مش عايزهم يشوفوني في الموقف ده
مؤمن... متقلقش يا احمد، ان شاء الله يا حبيبي هتخرج من هِنا على طول
نادر... عموما أنا هكلم الظابط يتحفظ عليك في المكتب وربنا يسهل ونثبت برائتك في أسرع وقت
احمد... يارب يا نادر، انا بجد مش عارف أشك..
نادر قاطعه... قبل متقول اي حاجه، انت اخويا وده واجب عليا، وأن شاء الله ربنا هيقدرنا ونخرجك منها على خير
احمد... إن شاء الله يا نادر،،، وسلموا على بعض وخرج مؤمن ونادر بعد مقال لهشام يتحفظ على أحمد في المكتب عنده وهشام رحب بكده.
بعد مخرجوا فارس اتصل على مؤمن
فارس... مؤمن احمد فين وايه اللي حصل،
مؤمن... بضيق) معرفش احنا لسه ماشيين من القسم، حالا،
فارس.. قسم ايه يا مؤمن
مؤمن قاله مكان القسم وفارس اتحرك بسرعه ووصل، وطلب يقابل احمد اللي اول مشافه هجم عليه وضربه في وشه وهشام شد احمد وبعدهم عن بعض
فارس.... احمد فيه ايه، وليه بتعمل كده
احمد... انت ليك عين تيجي لحد هنا، يا حيوان، فعلا تقتل القتيل وتمشي في جنازته
فارس... احمد فهمني انت بتتكلم عن ايه، بجد انا مش فاهم حاجه منك
احمد... هو انا لسه هفهمك، انت عايز بعد اللي انت عملته، اقعد واتكلم معاك، انا مش هطلب منك غير حاجه واحده بس، انسى انك تعرفني، انسى احمد المرشدي نهائي يافارس، انا معتبرك من دلوقتي مش موجود، خرجتك بره حساباتي تماما
فارس... طب ممكن تهدي وتفهمني، اقسم بالله، انا معرفش انت بتتكلم عن ايه ، طيب فهمني انت هِنا ليه، وايه اللي حصل
احمد... انت هتلف وتدور يافارس، مش انت اللي مبلغ عني وجايبني هنا
فارس بصدمه... مين!!! انا!!! لا طبعا محصلش
احمد... انت لازم تنكر، طول عمرك بتحقد عليا، طول عمرك حاسس اني احسن منك، بس انا هقولهالك يافارس، انا فعلا احسن منك، لأنك ولا حاجه يافارس، ولا حاجه، واوعي تكون فاكر اني هصدقك، انا واثق انك جاي تشمت فيا، وتثبت لنفسك انك انت افضل مني، بس لأ يافارس انا هطلع من هِنا ان شاء الله، لأن ربنا عدل، وعمره ميرضي بالظلم ابدا.
فارس بص للظابط،... يا فندم انا مش فاهم حاجه، ممكن اعرف ايه الكلام اللي احمد بيقوله ده، وازاي انا جيت وبلغت، هو حضرتك شوفتني قبل كده، انا اول مره ادخل هنا
هشام... البلاغ كان مع الظابط النبطشي، يعني انا معرفش شكل اللي بلغ، لكن اسم حضرتك موجود قدامي في البلاغ،
فارس... طيب مصطفى بيه عارف كل ده
هشام.. ايوه طبعا، احنا اخدنا أقواله وأثبت فعلا ان رصيده اتسحب منه المبلغ ده، لكن بصراحه هو رفض يتهم احمد، بالعكس ده قال انه استحاله يعمل كده، وطلب ان محامي الشركه يتولى القضيه،
احمد... انت واقف تستفسر على ايه، انت يهمك ايه، بس احب اقولك انا هخرج، وهبقي برده احسن منك، زي مطول عمري كده، واتفضل بقه من هنا قبل ماخد فيك إعدام.
فارس خرج مش فاهم ايه اللي حصل ومين حاول يوقع بينه وبين احمد، وقرر انه يكلم مؤمن يعرف منه اللي حصل، ويطلع على الشركه يفهم الموضوع
********************
نروح لهنا وأم أحمد في البيت
ام احمد بعد ممؤمن مشي جريت خبطتت على ناديه
ناديه... مالك يا حبيبتي فيه ايه
ام احمد بتعيط... احمد يا ناديه، احمد
هنا سمعت طلعت جري،
هنا... في ايه يا خالتي احمد ماله
ناديه... استنى بس يا هنا خالتك تهدي وتفهمنا
ام احمد... احمد قبضوا عليه ياهنا، ومؤمن راحله على القسم،
هنا... بصدمه) ليه يا خالتي ايه اللي حصل
ام احمد... معرفش يابنتي سمعت الظابط بيقول، انه متهم في قضية اختلاس، ولقو عنده ظرف فيه فلوس، بس انا اللي غلطانه، انا ليه اخد حاجه من غير ما افتحها واعرف فيها ايه، كده هكون انا السبب في اللي حصل لأحمد ، بتصرفي ده هبقي ثبت التهمه عليه، يا حبيبي يابني( وعيطت بصوتها كله) ،
هنا... بصي يا خالتي اهدي كده وفهميني ايه اللي حصل
فلاش بااك
الباب خبط الصبح بعد ماحمد نزل بساعه، وأم أحمد فتحت
ام احمد.. خير يا حبيبي فيه حاجه
الشاب... دي شقة الاستاذ احمد المرشدي يا حاجه
ام احمد... ايوه يا حبيبي خير
الشاب... استاذ احمد باعت معايا امانه من الشركه، دي أوراق مهمه ومنبه عليا محدش يفتحها، واسلمها لحضرتك تحطيها في اوضته،
ام احمد... حاضر يا حبيبي، متخفش محدش هيفتحها
الشاب... الله يخليكي يا حاجه دي أوراق مهمه لو ورقه ضاعت هتحاسب انا واستاذ احمد
ام احمد... خلاص يابني، انا هخدها احطها في اوضته على مكتبه
الشاب... ايووه، كده تمام قوي، بعد اذنك يا حاجه
***************
نرجع للوقت الحالي
ام احمد حكت لناديه وهنا كل حاجه، وهنا اتأكدت انها متلفقه لأحمد، ولازم تطمن عليه، ولبست ونزلت بعد مكلمت مؤمن وعرفت مكان القسم، لكن مؤمن قالها متروحش وهي رفضت انها تسيب احمد في الموقف ده،
********************
مؤمن ونادر طلعوا على الشركه
نادر...( لرشا) انتي يابت انتي، اللي اسمه حسن ده فين
رشا... مع،،مع،، معرفش يافندم، هو استأذن ومشي بعد مإتقبض على استاذ احمد
نادر... حلو قوي،،، تعاليلي على مكتب احمد بيه كده، عايز اتكلم معاكي شويه
رشا... تتت، تحت امرك يافندم
دخلوا المكتب ومؤمن معاهم
نادر... انتي تعرفي ايه عن موضوع الفلوس والقبض علي أحمد
رشا... والله ياباشا انا معرفش حاجه، انا سمعت ان فيه فلوس اتسحبت من البنك بأكتر من تمن الشحنه، وأن الفلوس دي استاذ احمد هو اللي اخدهم
نادر خبط بإيده على المكتب وزعق وقال،.... وانتي عرفتي منين ان احمد اللي اخدهم وانها مش متلفقه ليه
رشا بتوتر وخوف،، (وده اللي نادر عايزه)،، ا، اااا، انا بقول لحضرتك سمعت، لكن انا معرفش مين اخدهم
نادر... حلو قوي، بس انا عندي معلومات بتقول انك متورطه مع حسن في انكو تسرقوا الشركه وتتهموا احمد فيها
رشا بصدمه ورعشه وخوف.. ،، اااانا، لا ياباشا انا معرفش حاجه عن الكلام اللي انت بتقوله ، و مليش دعوه بحسن ده خالص، ومشوفتش فلوس والله،
في اللحظه دي فارس دخل
فارس... ليه يا رشا،،، هو مش انتي حامل من حسن برده ولا انا متهيألي.....
الحلقه ٣١
من رواية💔 جراح القلب💔
هنا سمعت الكلام من ام احمد لبست ونزلت جري تشوف احمد، واتصلت على مؤمن تعرف مكان القسم
هنا... ايوه يا مؤمن، انت فين
مؤمن.. أنا في الشركه، انا ونادر
هنا...احمد معاك!!!
مؤمن.. للأسف لا، هو محجوز في القسم
هنا.. طيب قسم ايه يا مؤمن
مؤمن... بلاش يا هنا تروحي، صدقيني احمد هو اللي موصيني ،مش عايز حد يشوفه في الموقف ده، ممكن يدايق، وبجد هتتبهدلي هناك وسط المجرمين والسوابق
هنا... أنا مش حد يا مؤمن، وعمري مهتخلي عنه في الموقف ده، ومش هينفع اسيبه كده، مؤمن عشان خاطري، انا هموت من القلق عليه، وحياة أغلى حاجه عندك تقولي هو في قسم ايه
مؤمن اضطر قدام اصرار هنا انه يديها عنوان القسم وهنا اتحركت بسرعه على هناك
*******************
في الشركه
نادر بيستجوب رشا وبيحاول يوترها باي طريقه عشان تغلط وتعترف بكل حاجه تعرفها عن حسن
لكن رشا قالت إنها ملهاش دعوه بحسن ومتعرفش عنه حاجه
رشا... والله يافندم انا مليش دعوه بحسن ولا اعرف حاجه عن الفلوس دي
في اللحظه دي فارس دخل
فارس... ازاي يارشا ملكيش دعوه بحسن
هو مش انتي حامل منه برده ولا انا متهيألي،
رشا اتوترت جدا وقالت... ح ح حامل ايه، انت جبت الكلام ده منين، وبعدين انا مسمحلكش تقول عليا كده ،انا بنت محترمه ومن بيت محترم
نادر.... انت جبت الكلام ده منين يافارس،
فلاش باك..
رشا... بقولك ايه ياحسن انت لازم تخلصني من المصيبه دي، مش انت السبب فيها
حسن... ليه هو انا كنت ضربتك على ايدك، كله كان برضاكي، وبعدين كل شويه هتكلميني في الموضوع ده
رشا... انت لازم تتجوزني قبل متفضح، وساعتها واقسم بالله هفضح
حسن قاطعها... بس بس، احنا كده هنتفضح فعلا، قلت هتجوزك، بلاش كل شويه تزني عليا وتكلميني في ام الموضوع ده
فارس كان معدي بالصدفه من قدام مكتب رشا وسمع الحوار بينهم، ومحبش يتكلم فيه لأنها حاجه متخصوش، وخصوصا انها تخص سمعة وشرف بنت،
************
نرجع للوقت الحالي
فارس حكي الحوار كله قدام نادر، ومؤمن كان مصدوم، حتى رشا
رشا... انت كداب وعايز تلبسها فيا وخلاص، انا مليش دعوه باي حاجه،،، واسفه انا اتأخرت ولازم امشي
نادر.... حلو قوي يا رشا.،انتي بتنكري انك فعلا حامل من حسن، امممممم، طيب ممكن تكوني حامل من حد تاني،؟
رشا.... انتو ازاي بتتكلموا معايا كده، قلتلكو اني من بيت محترم، ليه مصممين تلوثوا سمعتي
مؤمن... افهم من كلامك، انك مش حامل ولا ليكي علاقه بحد
رشا.... ايوه طبعا،
نادر... تمام يا رشا،، حيث كده بقه، احنا نطلب عرضك على الطب الشرعي، ونشوف هل كلامك صح ولا غلط
رشا انهارت من العياط وقالت،، حرام عليك ياباشا، انت عايز تفضحني وبس،
انا مليش دعوه بحاجه، وبعدين امي لو عرفت هتروح فيها، ابوس ايدك ياباشا بلاش
نادر... مش انتي واثقه من نفسك، خلاص ليه قلقانه، ولو على والدتك، هنخلي الموضوع في سريه تامه، ومفيش حد هيعرف، هاا هتتكلمي انتي ولا نخليكي تتكلمي بمعرفتنا.
*******************
في القسم
هنا وصلت وسألت على أحمد وطلبت مقابلته
هنا دخلت لقيت احمد قاعد ساند راسه لورا على الكنبه
قعدت جنبه ومسكت ايده وقالت
هنا... احمد،(احمد بصلها بحزن ورجع سند راسه تاني على الكنبه)، حبيبي، ان شاء الله هتخرج، انا واثقه انك برئ، بس عايزاك تثق في ربنا وتصبر، واكيد ربنا هيظهر الحق
احمد... انتي ايه اللي جابك ياهنا، قومي ياهنا ارجعي البيت ، انتي كده بتبهدلي نفسك، قومي عشان خاطري
هنا... انت بجد عايزني امشي يا احمد،؟ عايزني اسيبك في موقف زي ده، احمد لو الدنيا كلها سابتك انا مش هسيبك حتى لو دي رغبتك، انا مش همشي غير وايدي في ايدك وخارجين وانت رافع راسك،
احمد... بص لهنا، ومسك وشها بايديه وقالها
احمد... أنا مش عارف اقولك ايه، بس انا مخنوق ياهنا، مش عارف ليه كل ده بيحصل معايا، ليه كل الدنيا متضحكلي ترجع تكشر في وشي تاني، صدقيني انا تعبان قوي، ومش عايز اتعبك معايا
هنا.... أنا تعبي معاك بالنسبالي راحه، كفايه انه معاك وليك، انت متعرفش انت ايه بالنسبالي، احمد انا بعشقك، وهفضل اعشقك لحد اخر نفس فيا، واوعى في يوم تقولي ابعدي او مش عايزك معايا، انا معاك على الوحشه قبل الحلوه، معاك لآخر يوم في عمري، ومسكت وشه بايديها، انا بحبك قوي يا احمد
احمد ضم راسها لصدره، وقالها وانا بموت فيكي ياهنا وبجد وجودك في حياتي مهون عليا كتير قوي
دخل هشام في اللحظه دي
هشام... احم،، انا اسف، بس كنت مفكرك لوحدك يا احمد
هنا بعدت عن أحمد، واحمد قال
احمد... لا ولا يهمك ياهشام باشا، دي خطيبتي
هشام... اهلا وسهلا، يبقى لازم نقوم معاها بالواجب، تشربي ايه يا انسه
هنا... لا شكرا، مش عايزه حاجه، انا بس عايزه اعرف وصلتو لايه
احمد... هنا، . لسه الوضع متأزم زي مهو، انا شاكك في حسن، لكن لسه مفيش دليل ومؤمن ونادر، بيحاولو يشوفو دليل على حسن، ومش عارف وصلو لايه
هنا... طيب وبالنسبه للفلوس اللي لقيوها في شقتك، عرفوا مين اللي جابها
احمد... ده اللي هيجنني، انا مش عارف وصلت عندي ازاي
هنا... يعني انت متعرفش ان في شخص جاب الفلوس وقال لخالتي انها تحطها في اوضتك
احمد وهشام بصدمه.... شخص، امتى حصل ده
هشام.. لأ استنى كده وفهميني اللي حصل بالضبط
هنا.... حكت كل حاجه لأحمد وهشام، وهشام اخد تليفون نادر من أحمد واتصل عليه وحكاله اللي حصل، وقاله انه هيروح البيت عند احمد، يفرغ اي كاميرا قريبه من البيت ويستجوب والدة احمد
******************
رشا انهارت من العياط وقالت
انا فعلا حامل بس مش من حسن،
فارس... وليه عايزه تخلي حسن يتجوزك
رشا............
نادر... متردي يابنتي،، بصي يا رشا،، لو ساعدتيني، صدقيني هساعدك واجيب حقك من حسن وامثاله
بس قولي الحقيقه، انتي كده بتضري نفسك، واللي عايزك تبقى متأكده منه، اننا هنعرف الحقيقه، سواء منك أو من غيرك، فتيجي منك انتي احسن
رشا... كل اللي شوفته، ان حسن الفتره اللي فاتت كان بيتفق مع حازم بيه على حاجه، لكن ايه هي معرفش، (رشا حبت انها تدخل اسم حازم عشان يسيبوها ويحققو ا مع حازم، وهي تتصل بحسن تسأله تعمل ايه)
مؤمن... ومين حازم بيه ده
فارس... ده رئيس مجلس إدارة الشركه، ونائب مصطفى بيه
نادر،... هو لسه موجود
رشا بسرعه... اه طبعا لسه في مكتبه
نادر... حلو قوي، بس عايز اقولك على حاجه، اوعي تفكري اني هطلعك من دماغي، انتي روحك في ايدي، وهسيبك بمزاجي، لحد مشوف بس ايه حكاية حازم دي كمان
رشا... حاضر، وانا تحت امرك، اقدر امشي ولا لسه في حاجه تانيه
نادر... لا مفيش، بس لو عرفتي حاجه اتمنى تكلميني
رشا... حاضر يافندم بعد اذنك
نادر ومؤمن وفارس طلعوا على مكتب حازم، اللي اول مشافهم، اتوتر وسأل
حازم... انتو مين، وعايزين ايه
نادر... انت حازم رئيس الشركه
حازم،... اظن حضرتك، جاي وعارف انا مين كويس قوي، بس عموما، ايوه انا حازم رئيس الشركه، اي خدمه اقدر ااقدمهالك
نادر... لا متقلقش الخدمات جايه كتير، انا بس عايز اعرف منك ايه اللي حصل وليه تم القبض على أحمد المرشدي
حازم... وحضرتك جاي تستجوبني بأمر رسمي، ولا اجتهاد منك
نادر.... اممممممم، لا بصراحه اجتهاد مني
حازم.. وانا اسف، محبش ادخل نفسي في حوارات زي دي، وبعدين انا كل اللي اعرفه، ان واحد غلط وخد جزاءه، وأن شاء الله حق الشركه هيجي
نادر... ياااااه ده انت واثق ان احمد اللي عمل كده، اللي متعرفوش، ان بحكم مسؤوليتك للشركه انك لازم هتدخل نفسك في الحوارات دي، ولا انت كنت نايم على ودانك، ازاي موظف يسرق الشركه وبدون علمك
حازم... اظن انه منطقي جدا، ان حد من الحسابات يعمل كده، لأنهم هما المسؤولين عن كل حاجه تخص الشركه من الناحية الماديه، وسهل جدا يتلاعبو في الأوراق والحسابات، وزي محضرتك شوفت كده اللي حصل
مؤمن.. يعني انت بتأكد التهمه على أحمد
حازم فهم انهم بيوقعوه... أنا مقولتش كده، لاني معرفش مين، لكن اللي واضح قدامي انه احمد اللي عمل كده
نادر.... تمام، شكرا ليك يا استاذ حازم واسفين لازعاج حضرتك
مؤمن وفارس بصو لنادر باستغراب وخرجوا وراه
مؤمن... ايه يا نادر، انت سيبته كده ليه وانت واثق انه اكيد ورا الموضوع
نادر ماشي في الشركه ومردش عليهم وهما هيتجننوا منه
وصلو للعربيه تحت،
فارس... مترد علينا ياعم انت، احنا بنكلم نفسنا ولا ايه
نادر... ممكن تهدوا، احنا بنحقق معاهم واحنا منملكش اي سلطه لكده، يعني لازم نروح القسم ونطلب من هشام يستدعيهم للشهاده وساعتها نقدر نفرمهم هناك، وبعدين انا عايز ادي الأمان لحازم وهنراقبه من بعيد، ورشا انا قصدت اني اسيبها لأنها دلوقتي بتفكر توصل لحسن بأي طريقه، وتحكيله وتاخد منه أوامر عشان تنفذها، مهمتنا بقه اننا نراقب كل ده من بعيد، احنا وترناهم وده هيخليهم يوقعوا في الغلط بسهوله وهو ده اللي احنا عايزينه، اماحسن ده سيبهولي انا، انا هعرف اجيبه،
مؤمن وفارس اقتنعوا بكلام نادر
واتحركوا على القسم عشان يعرفوا هشام وصل لايه في موضوع الفلوس اللي في شقة احمد
**************
هشام وصل لشقة احمد ولقى عايده ومي وناديه وأم أحمد قاعدين، اتكلم مع ام احمد وفهم منها ايه اللي حصل
وحاول يشوف اي كاميرا قريبه لكن للأسف ملقاش، استجوب بعض الناس اللي في المنطقه، بس موصلش لأي حاجه خالص
مي... ممكن افهم ياحضرة الظابط موقف احمد ايه
هشام باعجاب شديد.... احم. بصي يا انسه، هو أحمد موقفه مش كويس حاليا، لكن ان شاء الله هنحاول نثبت برائته قريب جدا، متقلقيش
مي... طيب ممكن اعرف هتعملو معاه ايه، هيتسجن فعلا
هشام... لا طبعا انا متحفظ عليه في مكتبي، وده طبعا بتوصيه من نادر بيه
ام احمد... طيب انا عايزه اشوفه، الله يخليك يابني وديني ليه
هشام.. بصي يا أمي، صعب والله انك تشوفيه بس صدقيني هو كويس وهيرجعلك قريب ان شاء الله، بعد اذنكو
ناديه... ممكن نعرف مكان القسم،
هشام قال عنوان القسم، وبص لمى ومشي
******************
نادر ومؤمن وصلوا القسم، لكن فارس اعتذر بحجة انه عنده مشوار مهم
نادر... دخل المكتب سلم على هنا واحمد وقعد هو ومؤمن يستنوا هشام
هشام وصل وحكي كل حاجه ليهم ونادر قاله انه لازم يركز في تحقيقه مع رشا وحازم ويستدعي ندى برده، وحسن قبلهم كلهم
هشام فعلا نفذ كل ده، وجه حازم ورشا لكن ندى وحسن محضروش
والمشكله ان رشا ولا حازم قدروا يوصلوا لحسن ومحدش يعرف عنه حاجه
هشام ضغط في تحقيقه وفي أسئلته كتيييير على حازم ورشا، اللي كل محد يكلمها تعيط وتنهار وميعرفوش يفهموا منها حاجه، فيسبوها تهدي، ويرجعوا يكملوا معاها، اما حازم نفي معرفته باي حاجه ومحاولش يحط نفسه في موضع شك ابدا، لكن نادر كان واثق انه كان على علم بكل حاجه،
****************
نروح لندى وحسن
ندى... ماما حسن كلمني وقالي ان احمد اتقبض عليه، انا خايفه قوي
فايزه.... يا ألف نهار ابيض، اخيرا هيغور، في داهيه ، كان تقيل على قلبي تقل
ندى... (بإنهيار) حرام عليكي، انتي ازاي كده، انا مش عارفه ازاي سمعت كلامك، مش عارفه ازاي انا عملت كده، حرام عليكو، انتو السبب
مراد... السبب في ايه يا ندى،ومالك يا حبيبتي بتعيطي ليه
ندى..........
فايزه... بارتباك ،، مفيش هيكون فيه ايه، متشغلش بالك انت وشوف شغلك احسن
مراد... مشغلش بالي ازاي، دي بنتي، (وقرب من ندى ومسح علي شعرها) مالك ياحبيبتي، فيه ايه
ندى... احمد يابابا (في اللحظه دي فايزه قلبها دق بسرعه من الخوف، وأن كده ندى هتوديهم في داهيه)
مراد... ماله يا حبيبتي
ندى.... اتقبض عليه،، وانا السبب، يابابا، انا السبب
مراد.... انتي!!!!! وانتي دخلك ايه بالموضوع، وبعدين احمد يتقبض عليه ليه.
ندى... أنا هحكيلك يابابا بس ياريت تسامحني وتقولي اعمل ايه
ندى حكت كل حاجه لمراد، ومراد اتفاجئ بكمية الشر اللي موجوده في مراته وندم على كل لحظه قضاها معاه،
مراد بصوت عالي،... فااااايززززه
فايزه بخوف ورعشه من صوته.... قبل متقول اي حاجه، انا بنتقم لبنتك، ده رماها وراح لوحده غيرها
مراد... انتي فاهمه كده انك بتاخدي حق بنتك، بتاخديه بإنك تسجني واحد مظلوم، تاخديه بأنك تزرعي الشر في قلب بنتك وهي مش كده، تاخديه بأنك تظلمي بني اآدم، انتي بتنامي ازاي، بتقدري تكملي حياتك ازاي وانتي ظالمه، انتي ازااااااااي كده، انا مش عارف انا ليه استحملتك كل ده، عشان بنتي؟، بس للاسف انا دمرتها، دمرتها بإني جبتلها ام زيك، بأني وافقتك على حاجات كتير غلط، انا غلطت لما سيبتك انتي تربيها، وتزرعي جواها الشر والحقد والنقص اللي عندك، انت ولاحاجه يا فايزه، انتي فعلا ولا حاجه
فايزه بعياط.... أنا غلطانه، بس عشان خاطري متزعلش
مراد.... ياااااه اول مره بعد العمر ده كله، تعترفي بغلطك، بس بعد ايه، بعد فوات الأوان ياهانم،بعد مدمرتينا كلنا، تقدري تقوليلي هتعملي ايه لو حسن ده اتقبض عليه وجاب سيرتك انتي وبنتك، تقدري تقوليلي هتعملي ايه لو بنتك اتسجنت، (ندى حطت ايدها على بٌقها وعيطت اكتر) انتي الشر عمي عنيكي، انا مش عارف اعمل ايه، منك لله، انا لأول مره احس اني مشلول ومش قادر اتصرف،لكن اول حاجه لازم اعملها اني اخلص منك ومن قرفك،،،،،،،،،، فااايززززه
انتي طااااالق