الحلقه ٢٨ و ٢٩
من رواية 💔جراح القلب💔
بقلم شيمو الخطيب
احمد فقد تركيزه تماما وده بسبب القرص اللي حطته رشا في العصير بالاتفاق مع ندى وحسن وبعلم حازم بيه
فلاش باك
حسن.... ندى بقولك ايه تعالي حالا على الشركه، احمد موجود
ندى... أنا مش عارفه هعمل ايه وهقوله ايه
حسن... لا والله،، انتي هتستهبلي منا مفهمك على كل حاجه امبارح، بقولك ايه ياندي، دي فرصتي، لو ساعدتيني هنتجوز، غير كده متطلبيش مني حاجه
ندى... انت موقف جوازنا على كده يا حسن
فايزه خدت السماعه... حسن يا حبيبي متقلقش انا هعقلها واخليها تجيلك حالا، هي بس متوتره شويه، اطمن كل حاجه هتبقى تمام
حسن... ماشي يافوفه، هو ده الكلام، فهميها بس انها لازم تشغله عني لحد بس مامضيه على الورق وخلاص ، وربنا يستر، انا قلقان منها والله
فايزه... متقلقش يا حبيبي، وقفلت معاه وقالت،، ندى هو مش مفهمك كل حاجه امبارح، انتي عايزه تضيعيه من ايدك ولا ايه، مش هتلاقي زيه، شاب حليوه وغني ومركزه كويس ده هيعيشك في فيلا يابنتي (وده طبعا اللي حسن مفهمه لفايزه)
ندى... احمد كان احلى منه يا ماما، غير كمان انه مركزه أعلى منه، ده مديره في الشغل
فايزه...بصوت عالي،، بس غبي وضيعك من ايده، وراح حب حتة بت متسواش، ولا انتي نسيتي، وبعدين هو أحمد ده عنده فيلا زي حسن، ولا يعرف الاتيكيت زي حسن، يابنتي فوقي بقه، وبعدين مش احمد ده اللي سابك ورماكي عشان خاطر هنا
ندى سمعت كلام مامتها واتغاظت جدا من أحمد، وقررت تنفذ الخطه وتدمر احمد وهنا نهائي، وده طبعا اللي فايزه عايزاه
************
نرجع للوقت الحالي
ندى سندت احمد ووصلته للبيت، وهنا فتحت الباب
هنا... ايه ده!!!!!! ندى!!!!!!
ندى.... انتي لسه هتستغربي، ابعدي خلينا ندخل احمد تعبان جدا
هنا بعدت فعلا وهي مش عارفه تعمل ايه
ام احمد... احمد مالك يا حبيبي، ماله يا ندى ايه اللي حصل
ندى بصت لهنا، وقالت
ندى... مفيش ياطنط، احمد كان مديني ميعاد يقابلني النهارده، واتأخر، رحتله الشركه لقيته تعبان جدا يا حبيبي، جبته وجيت على هنا على طول
مي... (بغيظ) واحمد هيديكي ميعاد ليه، وراحت عند احمد،وقالت،، احمد انت كويس، حاسس بايه يااحمد
احمد... أنا مش شايف حاجه وحاسس بدوخه شديده، مش مركز ابدا
ندى... تلاقيه مرهق، وتعبان من قلة النوم والقلق على مؤمن، صحيح ياخالتي الف سلامه عليه
ام احمد وناديه وعايده واقفين مش فاهمين حاجه، وهنا مش مستوعبه ازاي احمد يقابلها ويديلها معاد
احمد... بعدم تركيز انا عايز ادخل اوضتي، انا تعبان قوي،
ندى... تعالي يا حبيبي وانا هدخلك
مؤمن سامع كل حاجه وفهم لعبة ندى وقام غصب عنه يشوف اخوه
مؤمن... لا يا ندى سيبيه انا هدخله
ام احمد... حبيبي، انت لسه تعبان، ايه اللي قومك من السرير بس يا مؤمن
مؤمن... أنا كويس يا أمي متقلقيش، وراح لأحمد،، احمد مالك حاسس بايه، تحب اتصل على دكتور ايمن
احمد... لا يا مؤمن، انا دماغي تقيله قوي، ممكن اكون محتاج انام وان شاء الله هبقي كويس، ادخل بس الاوضه، انا بجد مش قادر
مؤمن... طب تعالي أسند عليا، قوميه يا خالتي معلش معايا
ندى... لا يا طنط ارتاحي انتي، انا هقومه
مي... اظن احنا نقدر والله، متتعبيش نفسك انتي وبصت لأحمد
احمد، فوق يا احمد وحاول تقوم معانا، وفعلا احمد قام واتسند على مؤمن ودخل اوضته ونام
مؤمن... أنا عايز افهم ايه اللي حصل ياندي، وياريت من غير كدب
ندى... وانا هكدب ليه يا مؤمن، اللي حصل انا قولته
مؤمن... يعني أحمد كان عايز يقابلك،؟ طب وهيقابلك ليه
ندى... معرفش.،تقدر تسأله هو السؤال ده
بس انا على طول بطمن عليه وبكلمه، وبعدين يا مؤمن، اللي بيني انا واحمد مش قليل
ده حب كام سنه، مش خلاف بسيط هيخسرنا بعض، احمد انا بحبه وهو بيحبني، ومن الصعب اتنازل عن حبي ليه ابدا،
هنا سمعت الكلام وحست انها بتنهار،
هنا... ماما انا رايحه شقتنا، عايزه مني حاجه،
ناديه بزعل على بنتها،.. استنى يا حبيبتي انا جايه معاكي اتوضي واصلي وارجع تاني،..
مؤمن... خالتي، هنا، استنوا هتروحو فين، يعني لما انا صحيت هتسيبوني وتمشوا، وبعدين لازم تطمنوا على أحمد الأول
هنا... لا معلش يا مؤمن، هروح اغير هدومي واصلي وهرجع اطمن، وأن شاء الله هيكون كويس
ندى بغيظ.... هنا اظن انتي عارفه ان احمد بيحبني، فياريت بلاش تتقربي منه خالص، لأنه مهما عملتي ومهما ضعف قدامك، بيرجع ليا في الاخر، لاني انا الحب الوحيد اللي في حياته
هنا... بصدمه، نعم!!! ، انتي بتقوليلي الكلام ده،
مؤمن... ندى، انتي تخرسي خالص، انتي مدركه انتي بتقولي، ايه، وبعدين انتي بتتكلمي بلسان احمد ليه، احمد بس اللي من حقه يقول الكلام ده، واللي انا عايز اقولهولك، ان احمد عمره محبك ولا هيحبك، احمد محبش غير هنا وبس، انتي فاهمه ولا لأ، واسلوبك ده انا فاهمه كويس، وعموما ياستي كتر خيرك، على اهتمامك باحمد، اظن تقدري تمشي عشان متتأخريش
ندى... انت بتطردني يا مؤمن،!!! بس صدقني انا مكدبتش في ولا كلمه قولتها، وعندك احمد ابقه اسألو، ومهما عملتو وبعدتوه عني، عمره مهيبعد، ماشي، عمره مهيبعد
ومشيت ندى، وسط ذهول من كل اللي موجود، وهنا سابتهم ودخلت شقتها ومش عارفه تفكر، هل تصدقها ولا لأ
عقلها مش قادر يستوعب لكن قلبها مش مصدق الكلام ابدا، قعدت في اوضتها والتفكير هيقتلها
*****************
في الشركه
حسن رجع ودخل على حازم بيه
حازم... ها عملت ايه طمني
حسن بفرحه طلع شنطة الفلوس على المكتب.. .. اهي يا فندم الفلوس، وكله تمام، وبعيد عننا خالص
حازم بص للشنطه وفتحها بفرحه، وقاله يسلم دماغك ياحسن، ظبط بقه كل حاجه بحيث لما احمد يفوق يلاقي كل حاجه تمام
حسن... تحت امرك يافندم، تؤمر بحاجه تاني
حازم... لا شكرا اتفضل انت، وهاتلي ملف بكل مليم علينا، عشان يبقى جاهز للعرض على أحمد
حسن... عٌلم وينفذ يافندم، بعد اذنك
رشا..... حسن، انا عايزه نسبتي، انا بقولك اهو
حسن.... حاضر يابنتي انتي شوفتيني هربت منك، اعقلي بس وانا هديكي اللي انتي عايزاه
رشا... انت وعدتني بالجواز يا حسن، وكفايه المصيبه اللي انت عملتها، لازم نتجوز والا هتفضح
حسن.... اووووف، انتي خنقتيني، وبعدين انا مضربتكيش على ايدك كله كان بمزاجك ورضاكي، متجيش ترمي اللوم كله عليا
رشا... يعني ايه، يعني انت مش هتصلح المصيبه دي، اقسم بالله يا حسن لاكون فض......
حسن... بس، بس، بس، ايه، اهدي شويه هتفضحينا، انا قولتلك هتجوزك يبقى هتجوزك اسكتي بقه، احسن حد يسمعنا وتبقى فضيحه بجد
حسن حط الفلوس في خزنة الشركه، وخد طبعا فلوسه هو وحازم بيه وظبط الملف المطلوب منه،
ندى رجعت العربيه لحسن وحكتله على اللي حصل، وهو غلطها وقالها انها غبيه لان محدش منهم هيصدق كل اللي هي قالته ده، بس هي قالت إن اهم حاجه عندها انها زرعت الشك في قلب هنا من ناحية احمد وده هيتعب هنا جدا وممكن يدمر حياتهم مع بعض، (وده اللي ندى عايزاه)
****************
في المستشفى عند مصطفى
مصطفى وصلته رساله على الموبايل بسحب مليون و٥٠٠ الف ج من رصيده
طبعا استغرب ليه كل المبلغ ده
اتصل على أحمد كتيييير لكن للأسف مردش عليه. قرر انه يتصل على حازم
حازم.... اهلا مصطفى بيه، يارب تكون احسن دلوقتي
مصطفى... الحمد لله كويس، الشغل عامل ايه، والشحنه وصلت ولا لسه
حازم... متشغلش نفسك يافندم، كله ماشي تمام، والشحنه وصلت، حتى الناس قدروا تعبك واستنوا على الفلوس شويه لحد منجهزها
مصطفى... ازاي الكلام اللي انت بتقوله ده، وانا وصلني رساله على الموبايل انه تم سحب مليون و٥٠٠ الف جنيه من رصيدي، وهل ده تمن الشحنه؟
حازم ارتبك.... لا،، لا،، لا يافندم، احنا صرفنا الشيك واحمد مدير الحسابات اللي كل حاجه تمت تحت إشرافه هو، حتى هو اللي ختم بختم حضرتك وماضي على كل الأوراق الخاصه بالشحنه، انا قولت اجي المستشفى امضي حضرتك بس هو رفض وقال انه هيقوم بكل ده، وانا مضيت على اوراق استلام الشحنه بس
مصطفى... ماشي يا حازم، انا هكلمه وافهم منه كل حاجه،،، وقفل معاه
وحاول يتصل بأحمد لكن مفيش رد
*******************
احمد صحي مصدع جدا لكن نوعا ما في تحسن، خرج من اوضته
ام احمد.... حبيبي عامل ايه دلوقتي
احمد... أنا تمام يا امي الحمد لله،حاسس بصداع بسيط بس،، لكن احسن من الاول
ام احمد... الحمد لله ياحبيبي، ربنا يحميكو ياولادي يارب
عايده.... يارب يا حبيبتي، والف سلامه عليك يا احمد
احمد... تسلمي ياخالتي يارب، امال فين خالتي ناديه وهنا ومي
مي دخلت في اللحظه دي وكانت طبعا عند هنا
مي... أنا هِنا اهوه، حمدلله على السلامه يا احمد
احمد... الله يسلمك يا مي، هنا فين وخالتي ناديه
مي... امممممم، هنا في اوضتها وخالتي زمانها جايه دلوقتي
احمد... اوك انا هدخل اخد دش، وافوق واجى اصحي مؤمن ونقعد مع بعض
مؤمن... ارحم مؤمن،، مؤمن استوى منكو كلكو، والله انتو لو عتقتوني لوجه الله يبقى احسن هههه
احمد.... منور الكون كله ياحبيب اخوك، ايوه كده ياراجل، وجودك مخلي للبيت حس،( وراح وحضنه وقال) ربنا ميحرمني منك ابدا يا مؤمن
مي.... ايه جرعات الحب دي، مش لاقيه عليكو هههههههه
مؤمن... بس يا رخمه هههههه
احمد ضحك عليهم وقال... صحيح يا مؤمن، فارس كلمني وقال انهم قبضوا على الشباب اللي ضربوا عليك نار، لأن السوبر ماركت كان مركب كاميرات، وقدروا يعرفوا أشكالهم، وطلعوا مسجلين خطر وليهم سوابق للأسف، بس الحمد لله انك بخير يا حبيبي
مؤمن... الحمدلله يا احمد، وبص لمى،،، ياريت تسمعي كلامي بعد كده يا مي وتعرفي لما اقولك حاجه، مش معناها اني بفرض كلامي عليكي، لا بالعكس، دي معناها اني بحبك و بخاف عليكي، فاهمه ولا حماره
مي.... لا حماره ههههههه،
مؤمن... أنا بقول كده برده، طول عمرك حماره
مي...ههههههه الله يسامحك ياسيدي، المهم انك بخير والحمد لله يا مؤمن وبجد انا اسفه وعمرها مهتحصل تاني ابدا
احمد دخل اخد دش واتوضي و خرج من الحمام وكانت ناديه موجوده وكلهم قاعدين مع بعض دخل صلى وخرج واستغرب جدا عدم وجود هنا بينهم ، وسأل نفسه ياترى فين هنا ومجتش ليه لحد دلوقتي
احمد.... خالتي هي هنا فين ، مش شايفها موجوده يعني
ناديه.... دخلت اصحيها يا حبيبي قالتلي انها مصدعه ومش قادره تقوم فسيبتها تنام شويه
احمد ملاحظ ان نظرات مي غريبه ليه وان فيه حاجه مش طبيعيه، واستنتج ان اكيد هنا زعلانه لان ندى وصلته وكانت موجوده معاه
قام وقف في البلكونه ونده على مي
مي... نعم يا احمد في حاجه
احمد... أنا عايز اعرف في ايه، وهنا مالها
مي... بصراحه هنا زعلانه منك، ندى جت ًهِنا ونيلت الدنيا على الآخر
مؤمن جه... مالكو واقفين كده ليه
احمد.... مؤمن ايه اللي حصل، وندى قالت ايه لهنا
مؤمن حكاله كل حاجه واحمد كدب كل كلمه ندى قالتها وطبعا مؤمن كان متأكد من كده
مؤمن... خلاص يبقى لازم تفهّم هنا بكل كلمه يا احمد
احمد... بس هنا ازاي تصدق عليا كده، انا لو عايز ندى مكنتش سيبتها من الاول
مي... خلاص يا احمد، دي حاجه تخصكوا، يبقى لازم تحلوها مع بعض
احمد... اوك ممكن تناديها يا مي
مي.... من عيوني وجريت على هنا
***************
نرجع لحازم
حازم اتصل على حسن وحكاله كل اللي حصل وحسن قال
يادي النيله، انا نسيت خالص موضوع رسايل البنك دي،
حازم... وهنعمل ايه يا ذكي دلوقتي
حسن.... انت قلقان ليه بس ياحازم بيه، احنا بره الموضوع، ولو حاجه اتكشفت، هيقع فيها احمد، يعني احنا في الأمان خالص
حازم... ربنا يستر، انا قلبي مش مطمن
حسن... اطمن بس وسيبها عليا
****************
عند احمد في البيت
نادر اتصل على مؤمن، وقاله انه لسه راجع من سفريه مهمه وانه مكانش يعرف والله واطمن عليه وقاله انه هيجيله زياره يطمن عليه ويقعد معاه شويه.
وعلاء كمان كلم مؤمن، وعرف منه اللي حصله وزعل على صاحبه جدا، لكن هو في سفريه مع والده وهيرجع بعد كام يوم
اما احمد فقرر يتكلم مع هنا ويفهمها على كل حاجه ويعاتبها انها ازاي تصدق كلام ندى وتشك فيه،
هنا راحت عندهم الشقه وقالت
هنا... خير يا احمد كنت عايزني في حاجه
احمد... والله!!! انتي ليه رسمي قوي كده
هنا... فين الرسمي ده، ياريت يا احمد تقولي عايز ايه، مي بلغتني انك عايز تتكلم معايا
مؤمن... . متهدي كده يا شبح، وبراحه شويه، ولا انتي مستقويه قلبك علينا
مي... نفسي يا مؤمن تتكلم معانا على اننا بنات، ونفسي كمان تتكلم كويس باعتبارك مهندس مش بياع في سوق
مؤمن.... أنا أتكلم زي منا عايز، وبعدين انتو ليكو عين تكلموني، انا مدخلتش المستشفيات غير على ايديكو انتو، يابنتي والله واحد غيري المفروض يقطع علاقتو بيكو نهائي
مي..... . بذمتك انت تقدر تعملها
مؤمن... اممممممم صراحه. لأ، انا مقدرش استغني عنك ابدا، كفايه البصه في عينك يا مي، بتغير حياتي للأحسن والله.
مي اتكسفت واحمد وهنا ضحكوا عليهم
احمد... امممم اتعلمي يا هنا الحب، مش الزعل والنكد
مؤمن... انتو هتحسدونا ولا ايه، قومي يابنتي من هنا قبل منضرب بعض بالجزم بسبب قرهم ههههههه
احمد.... ههههههه والله مجنون (وبص لهنا) ها يا هنا ممكن اعرف ليه صدقتي كلام ندى
وقبل مهنا تتكلم، كان مصطفى بيرن أحمد... ثواني يا هنا معلش هرد على مصطفى بيه،،
الو، ازيك حضرتك يا فندم
مصطفى..... ايه يا احمد، انت فين بقالي كتير بتصل ومبتردش
احمد... أنا آسف يا فندم والله، بس رجعت من الشركه تعبان، ونمت شويه، اسف لحضرتك جدا
مصطفى... خلاص يا احمد... بس كنت عايز اعرف اخبار الشحنه ايه
احمد... أنا مضيت على أوراقها النهارده وحسن المفروض انه راح يصرف الشيك َمن البنك وهنسدد للناس فلوسها بكره بإذن الله
مصطفى... طب والشحنه بكام،،
احمد... والله يافندم انا راجعت حساباتها وكانت تقريبا، مليون ج
مصطفى... تقريبا، مفيش تقريبا في الحسابات يا استاذ احمد، المفروض تكون عارف كويس ومتأكد من كلامك، مش تقولي تقريبا
احمد... أنا آسف يافندم، بس النهارده كنت تعبان فعلا وحضرتك عارف ظروفي قبل كده، انا هراجع كل حاجه بكره وابلغ حضرتك
مصطفى... تبلغ حضرتي بايه يا احمد، انا اتسحب من رصيد البنك النهارده مليون و٥٠٠ الف جنيه، عارف يعني ايه، يعني في زياده مسحوبه ٥٠٠ الف ج وتقولي اراجع
احمد... انت بتقول كاااااام؟
الحلقه ٢٩
من رواية💔 جراح القلب💔
مؤمن سابهم ودخل اوضته يكمل باقي البرنامج بتاعه
دخلت مي عليه.... اي ده يا مؤمن، انت هترجع تنعزل عننا تاني، مؤمن بجد انا بتخنق
مؤمن.... غمز بعينه، وقال، ايه بتغيري عليا من اللاب توب ولا ايه
مي... أنا بغير عليك من كل حاجه بتلمسها، وبعدين احنا قاعدين كلنا بره، استنى لما نمشي وتعالي كمل، خلي عندك ذوق
مؤمن... طب خلي عندك انتي دم، وتعالي اشتغلي معايا، هو مش انتي برده تخصص كمبيوتر ولا انا متهيألي، تعالي ساعديني، يمكن يكون في ايدك الحل
مي...اشطا، وقعدت على السرير بتاعه وربعت رجلها،،، ها قول عايزني اعملك ايه
مؤمن... وهو بمنظرك ده هتعملي حاجه، قومي يامي من هِنا ،والله متنفعي تبقى حاجه خالص
مي... والله هساعدك، ده انا هبهرك، بس جربني بس، ومسكت اللاب وبدأت تحاول تفهم مؤمن بيعمل ايه، وانبهرت جدا باللي مؤمن وصله، وفعلا بدأوا يشتغلوا على البرنامج مع بعض وكانو مندمجين جدا
عايده استغربت هما قاعدين بعيد عنهم ليه، دخلت عليهم ولقيت انهم مندمجين على اللاب ومؤمن فهمها انهم بيظبطوا برنامج على الكمبيوتر، وعايده اطمنت وسابتهم ومشيت
*************
نروح لأحمد وهنا
احمد مصطفى بيه كلمه وقاله انه اتسحب من البنك مبلغ كبير جدا، وده
اكبر بكتير من تمن الشحنه، واحمد قاله انه هيراجع الأوراق ويبلغه بالنتيجه
مصطفى.... تبلغني بايه يا احمد، انا اتسحب من رصيد البنك النهارده مليون و٥٠٠ الف جنيه، عارف يعني ايه، يعني فيه زياده ٥٠٠ الف ج، وتقولي اراجع
احمد... انت بتقول كااااام يافندم،؟
لا طبعا استحاله تكون الشحنه بالسعر ده، اكيد في غلط حصل، وانا مش هسكت وهتابع الموضوع بنفسي، متقلقش يا مصطفى بيه،
مصطفى... احمد، انا سايب الشركه امانه في رقبتك، وانا عارف انك قدها، افهم الموضوع وياريت تعرفني وصلت لايه
احمد... حاضر يا فندم اطمن، كل شيء هيبقى تمام ان شاء الله
وقفلوا المكالمه مع بعض
هنا... فيه ايه يا احمد مالك، ومبلغ ايه اللي كبير
احمد...........
هنا... احمد، رد عليا، في ايه،
احمد...هاا، والله ياهنا منا عارف،مصطفي بيه بيقولي انه اتسحب من حسابه مبلغ مليون و٥٠٠ الف ج والشحنه تمنها مليون بس، يبقى الباقي راح فين، وشك في حسن طبعا، وقال
دي تبقي كارثه ونزلت على دماغ حسن لو فكر انه يسرق الشركه
هنا... وهو ممكن يعملها،.
احمد... ممكن جدا، ليه لأ، عموما انا مش هظن في حد دلوقتي، انا هروح الشركه بكره واشوف ايه الموضوع
هنا... طب متكلم حسن أو فارس، يمكن عارفين حاجه
احمد.. لا، انا احب اتكلم واشوف ردود الفعل قدامي، وادرس الموضوع كويس، ربنا بس يسهل، واكيد خير ان شاء الله
هنا.. إن شاء الله خير،
احمد...(بص لهنا ومسك ايدها) ها مش هتقولي مالك، وزعلانه ليه
هنا... (شدت ايدها من ايده) أنا مش زعلانه من حاجه، انا كنت مصدعه بس ومحتاجه انام شويه
احمد... (بزعل) هنا، انتي هتكدبي عليا، انا بفهمك من عنيكي ياهنا، (واتنهد) انا عارف ان وجود ندى معايا دايقك، لكن والله انا اتفاجئت بيها في الشركه، وقالت إنها عايزه تتطمن عليا، وتعبت فجأه وانا معاها، والله كل كلامها كدب صدقيني ياهنا
هنا بنرفزه... أصدق ايه يا احمد، اصدقك ولا أصدق اللي شوفته بعيني.، احمد ندى جت وهي سنداك، وانت سمحت ليها بده، وغير كده قالت انك كنت واعدها تتقابلو النهارده، دخلت واتكلمت بثقه كأنها صاحبت البيت وهي المسؤوله عنك، جت وهي واثقه انك لسه بتحبها، والمشكله انك معملتش اي حاجه تثبت غير اللي هي قالته، انت ركبت معاها وسمحت انها توصلك وسمحت انها تسندك و َكانت تقريبا في حضنك، كأنها عايزه تقولي انك ملكها وبس، انت كسرت قلبي يا احمد،
احمد... هنا، انا بجد مصدوم من كلامك، انتي ازاي تفكري اني ممكن اكدب عليكي أو اخونك، هنا، ندى دي كانت خطيبتي، يعني...
هنا قاطعته... وحبيبتك كمان، مش ندى دي اللي مكنتش بتقدر تبعد عنها، مش هي دي اللي كانت حلم ونفسك توصله، هي ولا مش هي، يا احمد.
احمد بالرغم كل الزعل اللي جواه من شك هنا فيه، لكن عذرها ومحبش يدايقها، وفضّل انه ياخد الموضوع بهدوء عشان ميكبرش، لأن هنا استحملت منه كتير كلام وتصرفات بتوجع وتجرح قوي
احمد... هنا يا حبيبتي، ممكن تهدي، صدقيني يا هنا، انا محبتش حد غيرك، ندى مجرد فتره وانتهت من حياتي للابد
انتي الماضي والحاضر وان شاء الله المستقبل، ندى كانت جايه لغرض في دماغها وللأسف انتي دلوقتي حققتيه، اقسم بالله انا لاحبيت ولابحب ولاهحب حد غيرك ياهنا، انا عايزك تثقي في كلامي، انتي الحلم اللي نفسي احققه بجد، نفسي احس ان انا وانتي حاجه واحده مفيش حاجه تقدر تفرقنا،ابدا، ياريت تصدقيني ياهنا، لاني بجد مش عايز اتكلم في الموضوع ده، ولا اديله اكتر من حجمه، ندى ماضي وانتهى بكل مافيه، حلو او وحش،و ياريت تحكمي عقلك وقلبك مع بعض ياهنا، وبجد عمري مكنت اتخيل انك تشكي فيا وتدي فرصه لندى توصل لهدفها وتدمر علاقتنا، بعد اذنك يا هنا انا هدخل
دخل احمد اوضته، وهو بيفكر هيكون رد فعل هنا ايه ممكن تبعد عنه ولا هتعقل وتصدق انه فعلا بيحبها، بس اللي كان تعبه اكتر هو موضوع الشركه والبنك واللخبطه اللي حصلت،
هنا وقفت في البلكونه تفكر في كلامه ووصلت انها لازم تتمسك بحبها ومتديش لندى فرصه انها تنتصر عليها وقررت تدخل تصالح احمد
هنا.خبطت على اوضته.... ممكن ادخل ولا لسه زعلان
احمد فرح جدا بدخولها بس حاول يبين انه فعلا زعلان منها
احمد... اتفضلي ياهنا،
هنا... أنا كنت عايزه اقولك تعالي اقعد معانا بره وانا هعملك احلى كوباية قهوه تعدل مزاجك
احمد... حاضر، هعمل مكالمه وبعدين هطلع معاكي
هنا... بصت لأحمد بحب و قالت... انت زعلان مني يا احمد، صدقني كل اللي حصل ده كان غصب عني، مقدرتش استحمل انها تبقى في حضنك بالشكل ده، مقدرتش استحملها بتقول انها بتحبك وانت كمان بتحبها، احمد،،، انا بحبك يا احمد، بحبك قوي، ونفسي
احمد قاطعها.... بس متقوليش حاجه بعد بحبك دي، انا مش عايز اسمع حاجه بعدها، هي عندي كفايه ياهنا، هنا انتي عشقي الأول والأخير ،
ناديه بتنادي على هنا
ناديه... ايه يا هنا بتعملي ايه عندك
احمد... مفيش يا خالتي سوء تفاهم وحلناه خلاص،
وخرجوا كلهم وقعدوا مع بعض ماعدا مؤمن ومي اللي مندمجين جدا، وكل شويه عايده تقولها يابنتي انا هموت وانام ومي تقنعها تقعد شويه كمان على متخلص مع مؤمن،
وعدي اليوم
والصبح احمد رايح الشركه
احمد.... رشا ناديلي على حسن بسرعه
رشا.... حاضر يافندم،
رشا بلغت حسن، وطبعا حسن عارف احمد هيكلمه في ايه
حسن... خير يافندم حضرتك عايزني
احمد... حسن انت سحبت كام من البنك امبارح
حسن... مليون و٥٠٠ الف يافندم،
احمد.... وليه كل ده يا حسن،
حسن... حضرتك اللي ماضي على الشيك يافندم، مش انا
احمد.. تقصد ايه يا حسن،،
حسن... مقصدش حاجه يافندم، بس انا معرفش حاجه عن ٥٠٠ الف دول
احمد...(بصوت عالي) انت اتجننت ولا ايه، انا تعبت امبارح وانت عارف ده كويس وبعدين انا مضيت ومرجعتش على اي أوراق، يعني انا معرفش حاجه عن الفلوس دي وانت اللي صرفت الشيك، يعني لازم تفهمني ليه كتبت المبلغ ده كله وعملت بيه ايه
حسن... والله يافندم السؤال ده تسأله لحضرتك، انت قلتلي اسحب الفلوس سحبتها وحطيت المليون ج في خزنة الشركه، والباقي معرفش عنه حاجه
احمد... ماشي انا معاك للآخر، انت جيت وحطيت الفلوس في خزنة الشركه، وديت ال٥٠٠ الف فين،
حسن.... اديتهم لحضرتك،
أحمد..... نعم!!!!!!!
في اللحظه دي دخل الظابط
الظابط هشام.... استاذ احمد، انت مطلوب القبض عليك،
احمد.... القبض عليا!!!! بتمهة ايه وعشان ايه
هشام .. اتفضل معايا وهتعرف كل حاجه في القسم
*************
نروح لفارس وسلمي
سلمي بتكلم فارس وهي في المستشفى عند مصطفى
فارس... انتي فين ياسلمي دلوقتي
سلمي... أنا عند عمي في المستشفى بطمن عليه، بس حاسه انه لسه تعبان، وبجد انا قلقانه عليه قوي
فارس... متقلقيش يا حبيبتي، ان شاء الله هيبقى كويس، هما بس هيظبطوا نسبة الأكسجين وهتلاقيه خرج على طول، المهم انتي بجد وحشتيني
سلمي... احم، وانت كمان يافارس
فارس... أنا كمان ايه،
سلمي... ههه انت كمان وحشتني،
فارس... ايوه كده يا شيخه نشفتي ريقي، سلمي انا هعدي عليكي حالا بالعربيه واخدك ونروح الشركه اخلص شويه شغل وبعدين نخرج نتغدى مع بعض، ها تمام ولا مش تمام
سلمي... تمام يافندم، هههههه
وفعلا فارس عدي عليها وطلع على الشركه
***************
نرجع لمؤمن اللي قايم من النوم مصدع جدا وتعبان
مؤمن... ماما، انا مصدع قوي بجد، ممكن بعد اذنك كوبايه قهوه تظبط دماغي
ام احمد... قهوه على الصبح كده ياحبيبي، افطر الأول على معمل القهوه
مؤمن.. بس بشرط هتفطري معايا ياقمر انتي عشان نفسي تتفتح للأكل
ام احمد.. هو انا أطول افطر مع البشمهندس مؤمن، ربنا يخليك ويباركلي فيك انت واخوك يا حبيبي
مؤمن.. حبيبتي ويخليكي لينا يارب أنا هدخل اتوضي واصلي، واطلع نفطر مع بعض
وفعلا فطروا مع بعض وبيهزروا ويضحكوا، وفجأه الباب خبط وكانت قوه من البوليس،
مؤمن.. خير فيه حاجه
الظابط.... معانا امر بتفتيش البيت، وانتشرت العساكر في البيت
مؤمن... ليه خير هو في حاجه ولا ايه
الظابط... اخوك متهم باختلاس مبلغ كبير من الشركه واحنا بندور على الفلوس
ام احمد... ابني انا، دي استحاله طبعا
الظابط... والله مش مشكلتنا انك مش مصدقه
طلع العسكري من أوضة احمد ومعاه ظرف ، وفيه مبلغ
مؤمن... ايه ده، وايه الفلوس دي كلها
الظابط... اظن الأمور كده وضحت
في اللحظه دي موبايل مؤمن رن، وكان احمد
احمد... مؤمن الحقني بسرعه
مؤمن بلهفه...احمد،، انت فين دلوقتي،
احمد... أنا اتقبض عليا،
مؤمن... متقلقش يا احمد انا هجيلك حالا، لبس ونزل بسرعه بعد ما القوه مشيت، مؤمن اتغلب على تعبه ومش حاسس بيه وبيجري يلحق اخوه لانه مش مستحمل اي حاجه تأذيه ابدا
**************
نرجع لأحمد في القسم
هشام... ها يا احمد، مش هتقول الفلوس اللي اتسحبت من الشركه راحت فين
احمد... يافندم حضرتك بتسألني سؤال انا كنت بسأله لحسن، يعني لو حضرتك سمعتني هتلاقيني عايز اعرف اجابته، . فأكيد مش انا اللي اخدتهم، انا فعلا قولت لحسن يروح البنك، ومضيت على الشيك لكن كنت تعبان ومش مركز واكيد هو انتهز الفرصه ومضاني، اقسم بالله معرف حاجه عن الفلوس ولا اخدت منه حاجه
هشام... في حاجه اسمها مضيت وانا تعبان ومش مركز، انت مدير حسابات يا استاذ، يعني اهم صفه في الوظيفه دي التركيز، ازاي تمضي وانت مش مركز، وبعدين بصراحه كلامك كله مش داخل دماغي
احمد... والله يافندم انا قولت اللي عندي، وللأسف مفيش كلام تاني اقدر اقوله،
هشام... يعني انت بتنكر انك تعرف حاجه عن الفلوس
احمد... ايوه بنكر. لاني فعلا معرفش حاجه عنها،
هشام... اكتب يابني.،، انه في يوم (اكتب تاريخ النهارده) تم القبض على المتهم، احمد حامد المرشدي، بتهمة اختلاس مبلغ ٥٠٠ الف ج من الشركه المتحده للمقاولات، وقد قررت انا، (اكتب اسمي) بحبس المتهم أربعة أيام على ذمة التحقيق، خده ياعسكري
احمد.... معلش يا فندم، ممكن قبل ممشى اعرف مين اللي قدم البلاغ
هشام... وده هيهمك في ايه
احمد... معلش يافندم، ممكن يفيدني
هشام... فارس عبدالله الجندي
احمد.. فااااارس!!!!!!