رواية جراح القلب الفصل الثاني ولثلاثون والاخير بقلم شيمو الخطيب

الحلقه ٣٢ والاخيره

من 💔جراح القلب💔

فايزه سمعت كلمة طالق من مراد وحست ان الدنيا بتلف بيها

فايزه(.بصدمه) .. انت طلقتني يا مراد، انت عارف انت عملت ايه، (بصت لندى)

قولي لابوكي حاجه يا ندى، عرفيه اني كنت بعمل لمصلحتك، عرفيه اني كنت باخد حقك من اللي قهرك ورماكي عشان واحده متسواش،

ندى... (بعياط) ارحميني بقه ياماما، انا اللي ضيعت احمد من ايدي يوم ماسمعت كلامك وكلام حسن، انا اللي ضيعته لما اهملته وفضلت الخروج والنوادي، والناس الهاي كلاس، زي ما انتي بتقولي، انا اللي ضيعته بطمعي وحبي للمظاهر الكدابه والفلوس، وانتي السبب، ايوه انتي السبب يا ماما ، بابا حذرني منك كتير وانا مسمعتش كلامه، سيبيني بقه حرام عليكي، خليتيني اخسر اكتر انسان حبيته، فعلا انا بحب احمد بجنون، ومكنتش متخيله اني بحبه كده، لكن بعد ايه خلاص كل شيئ راح، ومش هقدر اتواجه معاه ابدا ولا اوريله وشي تاني (وجريت علي اوضتها)

فايزه واقفه مصدومه من كلام بنتها، ومش عارفه ترد تقول ايه

مراد... هااا، عرفتي انتي وصلتينا بطمعك وجشعك لحد فين، دلوقتي ارتحتي، دمرتي كل حاجه في البيت، وعايزه تبرري تصرفاتك تبريرات متدخلش العقل، لكن خلاص بنتك وفاقت الحمد لله، يعني انتي ملكيش مكان بينا، وهعمل بأصلي واقولك لمي هدومك وامشي من هنا، مع انك كنتي جايالي بالهدوم اللي عليكي، وانا اللي عملت منك فايزه هانم، لكن معلش، انا دلوقتي بصلح اكبر غلطه غلطتها في حياتي، اتفضلي ومش عايز اشوف وشك تاني

فايزه.. انت مفكر اني هسيبلك بنتي كده بسهوله، انسى يامراد، وبكره تشوف فايزه هتبقى ايه، وساعتها هتندم على كل كلمه قولتها، ومش هسيبك يامراد،. ومشيت من قدامه 

مراد.(لنفسه) .. ربنا يهديكي، عمرك مهتتغيري ابدا، استغفرك ربي واتوب اليك.

***************

في القسم

هشام... ها يارشا هتفضلي تعيطي كده كتير، اصل مهما تعملي مش هنسيبك، فهاتي من الاخر ومتتعبيناش معاكي، وقولي تعرفي ايه عن موضوع الفلوس

نادر... هشام انا مضطر امشي حالا، (وبص لمؤمن) مؤمن تعالي معايا بسرعه

هشام... في ايه يا نادر، ايه اللي حصل

نادر... هبقي اقولك بعدين،، مفيش وقت،، يلا يا مؤمن

خرجوا من القسم بسرعه وركبوا العربيه

مؤمن... فيه ايه يا نادر، انا مش فاهم حاجه، وبعدين احنا رايحين فين

نادر... ممكن تبطل اسئله، وسيبني افهمك

مؤمن.. ماشي ياسيدي، بطلت اسئله، ممكن افهم في ايه

نادر... ههههه وانت كده مسألتش

مؤمن... نادر انت هتهزر، متقول ياعم انت في ايه قبل متخنق عليك

نادر... ياعم حاضر بالراحه،( وكل شويه يبص على الموبايل ومتابع بتركيز شديد) بص يا مؤمن انا كلمت شركة الاتصالات التابع ليها رقم حسن، وبلغتهم اول موبايل حسن ميتفتح يعرفولي مكانه، ويبعتولي موقعه بالظبط، وانا دلوقتي عارف هو فين وهجيبه ان شاء الله

مؤمن... طب متقول كده من الصبح، لازم توقع قلبي، نادر انا عايز بعد منجيبه نطلع على الشركه، ومن بعدها على بيتنا

نادر... ليه، في حاجه هناك 

مؤمن... ايوه طبعا فيه، اللاب توب الخاص بحسن 

نادر... (فهم مؤمن)، انت قصدك انه اكيد عليه كل بلاويه 

مؤمن،، ده اكيد 

نادر... وانت تفتكر انه هيفتحه كده بسهوله، واكيد الملفات اللي عليها بلاويه مش هتبقى ظاهره لينا 

مؤمن... سيب الموضوع ده عليا، بس نجيبه هو الأول وبعدين ربك يسهل بالباقي 

*****************

عند ام احمد 

مي... ماما، انا لازم انزل اروح القسم، انا مش قادره استحمل افضل قاعده هنا وهما هناك، 

عايده.... طيب كلمي مؤمن شوفي هيقولك ايه 

مي... مؤمن مش هيرضي يا ماما، انا هلبس وانزل حالا 

ناديه... مي بلاش مشاكل وبعدين متقلقيناش عليكي انتي كمان 

مي... خالتي متقلقوش، انا هتابعكو بالموبايل، بس لازم اطمن على أحمد وهنا، بعد اذنكو 

ودخلت مي تلبس ونزلت وصلت للقسم 

مي... هنا،،عامله ايه، واحمد فين 

هنا... انتي ايه اللي جابك يامي، 

مي... والله، هو ده سؤال، عايزانى اسيبك في الظروف دي، المهم بس طمنيني على أحمد، هو فين دلوقتي، 

هنا... هو موجود جوه عند الظابط، بيتم التحقيق معاه ومع موظفين الشركه 

مي... واي اخر حاجه وصلتولها 

هنا... لسه يا مي ادعي ربنا انها تعدي على خير، 

مي... احمد مظلوم ياهنا، وربنا مبيرضاش بالظلم ابدا، وأن شاء الله هيظهر الحق يا حبيبتي 

هنا... يارب يا مي، يارب 

*****************

نرجع لمؤمن ونادر

وصلوا المكان اللي موجود فيه حسن وكان كافيه في مكان متطرف شويه 

دخل نادر ومؤمن وهما طبعا مش عارفين شكله، ونادر مش فاكر شكله بالظبط حاول نادر بخبرته يبص على كل اللي موجود في المكان، لكن لاحظ ان فيه واحد كل شويه يبص في ساعته وباين عليه التوتر

مؤمن... نادر، احنا هنعرف حسن ده ازاي 

نادر............ 

مؤمن... نادر، تصدق بالله، انت انسان مستفز وهتخليني اطلع عفاريتي عليك، يابني رد عليا مره واحده 

نادر.... تصدق انت اللي مستفز وشكلي هرميك في اي حته واسيبك وامشي، متسكت يابني خليني اشوف شغلي

مؤمن... شغلك في كافيه، انت بتشتغلني يا جدع انت، احنا سايبين احمد في القسم وجايبني اشرب شاي معاك هنا،، 

نادر بنفاذ صبر.. قوم يا مؤمن، تعالي معايا 

مؤمن.. والله انت محسسني انك بتجر جاموسه وراك وخلاص، نااادر انا مش همشي الا لما تفهمني هنعمل ايه 

حسن كان قايم يمشي وبيحاسب خلاص ونادر عينه عليه 

نادر ساب مؤمن وجرى ورا حسن ولحقه عند عربيته،، ومؤمن جري وراه 

نادر... السلام عليكم، (واتحقق من ملامحه واتأكد انه فهلا حسن وسأله) حضرتك استاذ حسن

حسن بتوتر... هاا، لا لا مش انا 

نادر... امممم، بس انا واثق اننا اتقابلنا قبل كده،،، طيب ممكن بطاقتك 

حسن بارتباك اكتر... ليه وحضرتك مين عشان تاخد بطاقتي 

نادر... أنا الرائد نادر في المخابرات العامه، هتجيب بطاقتك ولا اخدها بمعرفتي 

حسن... اتتتتتفضل ياباشا 

نادر... هههههه، يعني انا مغلطش وطلعت حسن فعلا، اتفضل معايا بهدوء ومن غير شوشره احسنلك 

حسن... رفع سلاح على نادر، وقاله لوقربت مني هضرب في المليان، نادر وقف ورفع ايده، وقاله طب نتفاهم يا 

حسن

حسن... مفيش تفاهم بينا خالص، وبدأ يتحرك ويركب العربيه، مؤمن جاي من وراه وبيقرب منه، نادر متابع كل ده وفي لحظه 

نادر شتت انتباه حسن، ونده على مؤمن 

نادر... لا يا مؤمن سيبه، وبحركه سريعه جري نادر على حسن وضرب المسدس برجله وقع بعيد عنهم وثبت حسن اللي كان مذهول من اللي حصل، 

نادر... قولتلك تعالي معايا بالذوق مرضتش، هي دي أخرت اللي مبيسمعش كلامي، ورماه في عربيته بعد مربط ايديه ورجليه بمساعدة مؤمن 

مؤمن... يخربيتك يا جدع، ده انت ملكش حل، ثبت الراجل في جزء من الثانيه، بس بجد عااااش ياوحش، واسف جدا لو ضايقتك هههههه 

نادر.... ده انت حسابك معايا بعدين بس اصبر عليا، بقه انا مستفز 

مؤمن... هههههه قلبك ابيض ياكبير، ده انا اللي مستفز وابن مستفز،،، سامحني ياحاج بقه، حكم القوي هههههه 

وضحكو وطلعوا علي الشركه يجيبوا اللاب توب الخاص بحسن 

******************

رشا حكت كل حاجه لهشام وحكت انها حامل من حسن وكان واعدها بالجواز،و انه كان متفق معاها انهم هيزودوا تمن الشحنه مبلغ بسيط ويتجوزوا بيه، لكن هي متعرفش انه زود المبلغ الكبير ده 

هشام واجه حازم بكل حاجه لكن حازم انكر انه ليه علاقه بالموضوع، وعدم وجود حسن ساعده لان بكده مفيش اي دليل عليه

هشام استدعى ندى وحضرت التحقيق وكان في وجود احمد، وحضر معاها، مراد 

هشام... انسه ندى، ممكن اعرف اي علاقتك بحسن بالضبط 

ندى بعياط... مليش علاقه بيه، كان مجرد صداقه و إعجاب من ناحيته وانتهى (وبصت لأحمد) 

هشام... يعني مكنش في بينكو مشروع جواز ولا حاجه 

ندى... هو كان عايز يتجوزني (وقالت بسرعه وهي بتبص لأحمد) لكن انا رفضت انا مش بحبه ابدا، 

هشام بص لأحمد وفهم هي تقصد ايه... 

طيب انتي عارفه اكيد ان احمد اتقبض عليه في قضية اختلاس،

ندى... ايوه عارفه بس احمد برئ، حسن هو اللي اخد الفلوس 

احمد اتنهد بارتياح وهشام انتبه لكلامها وكمل 

هشام... تمام، ممكن اعرف عرفتي منين وليه متأكده ان حسن هو اللي اخدهم 

ندى حكت كل حاجه لأحمد وهشام وحكت انها كانت متفقه تنتقم من أحمد لكن عمرها متخيلت انه يعمل كل ده، وانها مكانتش في وعيها وهي بتتفق مع حسن، غيرتها على أحمد كانت عمياها، 

احمد كل ده بيسمع وهو مصدوم، لأنها اخر واحده ممكن يفكر انها تعمل كده 

هشام... ماشي ياندي، احنا هنتحفظ عليكي لحين عرضك على النيابه، لأن حسن لسه مختفي، وانتي المتهمه الأولى دلوقتي قدامي 

ندى بتعيط وراحت لأحمد.. احمد،، سامحني يا احمد، والله بحبك وعمري محبيت غيرك، غيرتي عليك عميتني، كلام ماما وحسن عماني عن الحقيقه، انا عارفه اني ضيعتك من ايدي، بس صدقني انا اللي ضيعت يا احمد، انا دمرت نفسي يوم مفكرت اسيبك، دمرت نفسي يوم مفكرت انتقم منك واضرك، انا اسفه، (ومسحت دموعها وقالت)، بس عارف، انا مستهلكش، اه مستهلكش، انت تستاهل واحده احسن مني بكتير، واحده تقدر قيمتك لأنها كبيره قوي، (وعيطت تاني) عشان خاطري تسامحني

هشام شاور للعسكري يحطها في الحجز، 

ومراد قاعد مبينطقش وحاطط وشه في الأرض وبعدها استأذن ومشي يشوف محامي لبنته ومحاولش حتى يتكلم مع احمد،، واحمد مصدوم ومش عارف يتكلم 

وفجأه دخل نادر وحسن ومؤمن ومعاهم اللاب توب 

احمد بفرحه... حسسسن 

هشام.. هو انت بقه حسن، بس شكلك ميدلش على اسمك خالص ههه، تعالي تعالي جيت لقضاك

نادر زقه على الكرسي 

هشام... كان فين ده يانادر بيه 

نادر حكلهم اللي حصل كله واول مدخل مؤمن قعد على الطربيزه في المكتب وبدأ يشتغل على اللاب توب بتاع حسن (وطبعا عدي على البيت عنده بدون محد ياخد باله لأنهم كانو عند ناديه واخد اللاب توب بتاعه وطلع على القسم) مؤمن بدأ يشتغل على البرنامج بتاعه.،وهشام ونادر بيحققوا مع حسن 

اللي انكر كل حاجه في الأول، لكن لما واجهوه بأقوال رشا وندى وحازم اعترف بأن حازم بيه هو اللي قاله يتلاعب بالحسابات، وانه يوقع احمد فيها

مي دخلت هي وهنا، وهشام قلبه دق بسرعه اول مشاف مي، لكن مي راحت اطمنت على أحمد وبعدين قعدت جنب مؤمن واشتغلت معاه على البرنامج بتاعهم 

هشام... حسن ممكن اعرف حطيت الفلوس في شقه احمد ازاي 

حسن... معرفش، احمد اكيد قسم الفلوس مع حازم بيه 

احمد... يابن الكل.. 

هشام... اهدي يا احمد.،، يعني احمد كان متفق مع حازم اممممممم، بس اللي متعرفوش ان بغبائك الكاميرات جابتك وانت طالع شقة احمد واديت الفلوس لوالدته (وده طبعا محصلش لانه مفيش كاميرات، بس هشام حب يوقعه) 

حسن... ككككاميرات، دده مش انا 

هشام اتأكد انه هو وحب يوقعه ويوتره اكتر... فعلا مش انت، لأنك كنت مغير من لبسك وشكلك، 

حسن... مسح وشه بمنديل والتوتر بان عليه جدا 

هشام.. تحب اقولك كمان،، انت انتهزت وجود الظابط النبطشي وانه في آخر الليل وجيت بلغت باسم فارس، ورحت الصبح وديت الفلوس الشقه، وطلعت على الشركه كأن مفيش حاجه حصلت، 

وطبعا عملت كده، عشان ترمي التهمه على فارس بحكم انه محاسب زيك، وندور احنا وراه، وتبعد عنك اي شبهه، ده غير انك كنت عارف ان فارس على خلاف مع احمد، وده انا عرفته من رشا، صح ولا لأ 

حسن... وشه كله عرقان وبيمسح في عرقه ومش عارف يرد 

واحمد، نفسه حسن ينطق ويقول فارس مالوش دعوه بحاجه،، لكن بسكوت حسن أحمد اتأكد أن فارس مالوش دعوه بموضوع البلاغ، وبرغم فرحته بكده الا انه زعل انه ظلم صاحبه 

نادر... شكله جاي يسمعنا سكاته، متنطق يابني، اظن كل حاجه بقت واضحه زي الشمس 

هشام... هااا، تحب تتكلم ولا نقفل المحضر على كده 

مؤمن ومي مع بعض،،، يانهار اسود 

مؤمن... استنى استنى، تقفل محضر ايه ده في بلاوي قدامي 

مؤمن قدر بالبرنامج بتاعه يهكر اللاب توب الخاص بحسن وفتح كل الملفات اللي عليه وشاف انه تلاعب بحسابات لمناقصات وشحنات كتير وكان بسببه كتير من مديرين الحسابات بيمشوا اما بفضيحه او بقلة حيله معاه 

هشام... دي الملفات اللي قدامي دي كفيله تدخلك السجن مؤبد ان شاء الله

حسن بصلهم كلهم وسكت، ووجه نظره حاده لأحمد، بتدل على غيظه وحقده وعليه. 

امر هشام بحجزهم كلهم في السجن حتى حازم لحين العرض على النيابه 

هشام...مبروووك يا احمد، الف مبروك، هيتم إخلاء سبيلك، لأن مفيش ولا دليل عليك 

نادر... مبروك يا احمد،، اتفضل يا هشام 

هشام.. ايه ده،، دي شنطة الفلوس!! 

نادر.. ايوه كانت في عربية حسن، اظن كده احمد ابيض ههههه 

كلهم ضحكوا... 

احمد... أنا مش عارف اشكرك ازاي يانادر، بجد كلكو تعبتو معايا قوي، ربنا يخليكو ليا يارب.،وبجد اسف جدا على تعبك، انت من امبارح مروحتش 

مؤمن... مفيش بقه شكر لاخوك،، ولا انا نكره واقفه 

احمد... انت سندي يا مؤمن مش اخويا بس، وسبق وقولتك انت عيلتي كلها، ربنا ميحرمني منك يا حبيبي 

مي... مبروك يا احمد،، الف مليون مبروك 

احمد... الله يبارك فيكي يامي، انا اسف على تعبك معايا 

هشام... هي الانسه جارتك ولا ايه يا احمد 

نادر همس لأحمد... البس،، شكل هشام هيتشيع انهارده، الله يرحمه كان طيب ههههه 

هشام... ايه هو في حاجه ولا ايه 

احمد... لا ولا حاجه، بس 

مؤمن... بس ايه يا احمد، استنى انت 

(وبص لهشام) اه جارتنا ياحضرة الظابط ليه خير في حاجه 

هشام حس بحاجه غريبه منهم... لا ابدا انا بس بسأل 

مؤمن... اه ياريت يكون مجرد سؤال بس، عشان مي دي تخصني، يعني من الاخر تعتبر خطيبتي، اظن كده وصلت 

وزق مي،، اتفضلي قدامي من هنا 

احمد... أنا آسف بالنيابه عن مؤمن يا هشام، بس انت اكيد مقدر رد فعله 

هشام باحراج... طبعا طبعا، انا برده غلطان، عموما ربنا يسعدكو جميعا، وخرجوا كلهم من القسم 

احمد.. هنا، انتي ساكته ليه، مسمعتش صوتك من ساعة مقالو براءه، حتى كلمة مبروك،، انتي مش فرحانه ولا ايه 

هنا،... أنا اسعد واحده في الدنيا يا احمد، بس سعادتي، مش لاقيه كلام اعبر بيه عنها، فسكت يمكن يوصلك احساسي من غير متكلم 

احمد... احساسك وصلني من غير اي كلام منك،، 

بصي تعالي(ومسكها من ايدها) ، انا عندي ليكي مفاجئه حلوه،

هنا مفاجئة ايه يا احمد... 

**************

مؤمن ماشي مخنوق على الآخر ومي بتضحك جنبه 

مي.... ههههه مالك يا مؤمن مدايق ليه بس 

مؤمن... بصي انا مش طايقك، انتي ايه اللي جابك هنا، وبعدين انتي مقولتيش ليا انك نازله 

نادر.... مخلاص ياعم، انت هتعملها موضوع، ههههه، متدايقش يا مؤمن ده حتى غلط عليك هههههه 

مؤمن.... شكلك بتستظرف يا حضرة الظابط، انا بجد مخنوق، وابعدوا عني دلوقتي احسنلكو

نادر.... دلوقتي بتستظرف ومن شويه، كنت وحش، وكبير، امممممم، شكلي هعمل معاك الغلط هههه

مي.... مخلاص بقه يا مؤمن فك شويه مش متعوده عليك كده 

نادر... لا تتعودي يا مي، اصل مؤمن بعد الرصاصه، تقريبا بقه نكدي 

مؤمن.. تصدق بالله، انا،،،، 

احمد قاطعه... باااااس هتفضحونا، يلا انا عايز اروح هموت من التعب، بس قبل ممشى عايز اخد رايكو في موضوع 

نادر اتنهد بتعب.... خيييير موضوع ايه تاني، 

احمد... لا متقلقش، هو مش كبير، بس مش عايز حد يفهمني غلط 

مؤمن... متنجز يا احمد وتقول، انا على أخرى وحاسس اني كتفي هيقع مني 

احمد... هو ينفع ادخل لهشام واقوله انه يخلي ندى شاهد ملك وميكتبش انه استدعاها ويكتب انها جت واعترفت لوحدها 

هنا بصتله باستغراب وكلهم تنحوا 

احمد... مالكو، انتو اكيد واثقين اني علاقتي بيها انتهت، بس هي صعبانه عليا، كفايه أن ربنا ابتلاها بواحده زي فايزه، اكيد دي مصيبه كبيره، انا بعمل كل ده عشان عمي مراد، انتو بجد مشفتوش شكله عامل ازاي 

هنا بتفهم... ماشي يا احمد، ربنا يعينك على فعل الخير، ادخل واسأل هشام 

نادر... تعالي يا صاحبي ندخله 

وفعلا دخلو وقالو لهشام، وقالهم انه هيحاول يعمل كده 

ونادر وصلهم ومشي، 

احمد طلع وسلم عليهم وكلهم فرحوا بيه جدا ووالدته كانت بتعيط من كتر الفرحه 

ودعت ربنا وشكرته انه نجا ابنها

احمد... خالتي (ناديه) انا عايز اطلب منك طلب،، 

ناديه... اطلب ياقلب خالتك 

احمد... أنا عايز اتجوز هنا،،. 

كله بصله بدهشه وفرحه وناديه قلبها رقص من الفرحه وهنا مش قادره تتكلم وبصت لأحمد بحب وعشق سنين ومي فرحت جدا لدرجة انها زغرطت 

مؤمن.... الله الله، اخيرا هنفرح، ها ياخالتي انتي سكتي ليه،، (وبهزار) خلاص يا احمد شكل خالتك مش موافقه عليك اصلك مش قد المقام ههههه 

هنا ضربته وقالت اسكت انت ههههه

ناديه... بس ياواد، انا عمري ملاقي لهنا احسن من أحمد ، ده ابني اللي مربياه على أيدي 

مؤمن... اه عشان كده طلع مش متربي، هههههههه 

وكلهم ضحكوا عليه 

وفجأه ام احمد زغرطت وحضنت احمد وهنا

وبعد يومين من الراحه اللي كل واحد في أبطالنا كان محتاجها، احمد جمع العيله، واتفقوا على معاد الفرح، وكان موجود نادر وولاء 

سلمي كلمت هنا، واطمنت عليهم، وقالتلها ان فارس زعلان جدا من أحمد، وهنا بلغت احمد، واحمد قرر يعتذر لصاحب عمره 

احمد تاني يوم راح لمصطفى بيه، اللي رحب جدا بأحمد وخرج معاه من المستشفى وطلعوا على الشركه، وكان مصطفى مدين لأحمد لإنقاذ شركته من العصابه اللي كانت فيها، وعرف انه فرحه قرب، وقرر يهاديه بشقه في عمارته الجديده وكانت في مكان راقي جدا وعلى أحدث طراز 

احمد رفض الهديه لكن مصطفى صمم وقاله كفايه انك رفضت العربيه ومش هسمحلك ترفض الهديه دي، انا بعتبرك ابني اللي مخلفتوش ولو مش حابب ده ومش معتبرني زي والدك يبقى أرفض الشقه 

احمد اضطر انه يقبلها وسلم على مصطفى وحضنوا بعض حضن اب لابنه ومصطفى قرر تعين احمد مدير لمجلس إدارة الشركه، وفارس مدير للحسابات وده كان بطلب من احمد،،، 

احمد راح لفارس المكتب 

فارس... حمدلله على السلامه يا استاذ احمد 

احمد... والله، ده انت زعلان قوي بقه 

فارس... وانا هزعل ليه، حصل خير 

احمد.. أنا اسف يافارس، بس انا عايزك تحط نفسك مكاني، وظروفك نفس ظروفي، كان رد فعلك هيكون ايه، 

فارس... بزعل،، خلاص يا احمد قولتلك حصل خير 

احمد... بس انا مش مسامح نفسي اني شكيت فيك ياصاحبي، بس والله غصب عني، انا اسف يافارس، وحضنوا بعض 

فارس... خلاص يا احمد والله مفيش زعل ولا حاجه المهم اننا اطمنا عليك، وحمدلله على سلامتك ياصاحبي 

احمد... تعرف انت جدع قوي ياض يافارس وبناءا على جدعنتك، (وعلى صوته)، قررنا تعيينك مديرا للحساباااات

فارس.... اااانت بتتكلم بجد يا احمد، انا!!! 

احمد... ايوه انت يا صاحبي، وبجد تستاهلها يافارس 

فارس... طب وانت، 

احمد... أنا مدير مجلس إدارة الشركه، يعني برده رئيسك، هههههه

حضنوا بعض وفرحوا جدا والكل باركلهم،

احمد بلغ فارس بمعاد الفرح وقاله ان كتب الكتاب قبلها بيوم ولازم يكون حاضر 

فارس فرح ليه جدا وقاله انه هيروح يخطب سلمي، لأنه لأول مره يحس بطعم الحب، وانها السبب في تغيير حياته للأحسن، واحمد باركلهم جدا على كده 

وجه يوم كتب الكتاب والكل مشغول وهنا كانت من الصبح بره بتحجز الفستان وبتجيب حاجتها كلها هي ومي وسلمي وولاء، ونادر كان معاهم بالعربيه 

ولاء... ااااه مش قادره خلاص ليه زنقتي نفسك كده ياهنا، ده انا معملتش كده، حتى نادر ضحك عليا وقالي خطوبه وحفله، ورجع في كلامه ومشاها كتب كتاب، قال ايه عشان بيطلع مهمات، ومش فاضي يعمل خطوبه، والنبي في حد اضحك عليه زيي كده 

نادر.... احمدي ربنا اني وافقت اكتب كتابك اصلا، هو في حد عاقل يتجوز 

هنا... ايه ده، انت بتغلط فينا ولا ايه، وبعدين ده انت واخد، احسن واحده في الدنيا، ربنا يسعدكو يارب 

ولاء... قلبي يا هنون والله، بس مين يقدر 

نادر... مسك ايد ولاء وهو بيسوق، وقال،،، ربنا يخليكي ليا ياقلبي، انا من غيرك ولا حاجه 

سلمي صفرت، ومي قالت كفايه حرام عليكو انا لسه سينجل، والواد مؤمن، مش مهنيني على حاجه 

وكلهم ضحكوا وقضوا وقت جميل مع بعض 

هنا لبست فستان كان تحفه عليها ولبست عليه الحجاب وعملت ميكب خفيف وكانت ملكه متوجه، وكل البنات انبهرو ا بيها وبرقتها وناديه دخلت عليها وحضنتها بدموع، وهنا بدلتها الحضن وبرده بدموع 

مؤمن... ايه ده انتو قاعدين تحضنوا بعض وسايبين الرجاله بره يلا عشان المأذون ميزهقش ويمشي 

عايده دخلت واطمنت على مي، وحطت ليها لمسات خفيفه من الميكب 

مي... ماما، انتي بتعملي ايه، انا خلاص حطيت، 

عايده... برده ياحبيبتي، دي حاجه بسيطه كده، ودمعت وحضنتها، عقبالك ياقلب امك 

مي... حبيبتي ياماما، ربنا ميحرمني منك ابدا، يلا بقه عشان منتاخرش عليهم 

خرجوا كلهم وتم كتب الكتاب،وطبعا مصطفى بيه كان ولي هنا وفرح جدا انها اختارته والكل كان فرحان، ولسه المأذون هيقوم يمشي 

احمد وقفه وقاله لسه مخلصناش، استنى شويه 

وبص لمؤمن وقاله متيجي مكاني ياعريس 

مؤمن بدهشه... عريس، واجي فين 

كله واقف مش فاهم حاجه الا عايده واحمد 

احمد... مسك ايد مؤمن وقعده مكانه وقعد مي مكان هنا وقال 

ها تحبو نكتب كتابكو ولا عندكو رأي تاني 

مؤمن ومي بصو لبعض ومش مصدقين ومي بصت لمامتها وقالت، هو بجد، اكيد انتو بتهزرو 

مؤمن... احمد متهزرش، الموضوع ده مفيش فيه هزار 

احمد... خالتي موافقه ولا لأ، اصلهم مش مصدقين نفسهم 

عايده... ربنا يسعدكو ياولاد، ويوفقك كلكو يارب 

(احمد كان كلم عايده وطلب ايد مي وحب يعملها مفاجئه ليهم كلهم) 

مي فرحت وهنا حضنتها والبنات كلهم باركو وهنو وكتبو كتاب مؤمن ومي،مؤمن اللي كان مش مصدق ان ده حصل وان اخوه افتكره في فرحته ومرضاش يفرح غير معاه 

مصطفى... مؤمن، انا عارف انك طالب بس انا محتاجك معايا في الشركه وبمرتب كبير كمان، ومش هشغلك عن دراستك، ومفيش فرصه للرفض، انت فاهم ولا لأ هههه 

مؤمن فرح جدا... أنا ليه الشرف يافندم والله، وتحت امرك في اي حاجه 

نادر... لا استنوا هنا، انا محتاجه معايا، مؤمن ده اكتشاف بجد، صدقني انت تنفع تشتغل معانا في المخابرات بجد هنحتاجك، وانا كلمت مدير الجهاز وقال انه عايز يشوفك ويختبرك،، انت بجد عبقري يا مؤمن 

مؤمن واحمد مش مصدقين وفرحانين جدا ومؤمن وافق يروح مع نادر ومصطفى قاله انه عادي يروح، وبعدين وظيفته برده محجوزه عنده ف الشركه 

مؤمن حمد ربنا على كرمه، وفضله، واحمد باركله وعاشوا احلى ليله، مع بعض والكل فرحان مع حبيبه وكانت سهره جميله جدا 

تاني يوم كان الفرح، والبنات راحت علي السنتر والشباب بيجهزو ا في البيت، 

وناديه وعايده وأم أحمد في شقة هنا بيظبطوا اخر حاجه فيها 

هنا راحت ولبست فستانها اللي كان تحفه عليها والكل كالعاده انبهر بيها 

ومي كانت بدر ليلة تمامه، وكل البنات كانو قمرات 

جه احمد ياخد هنا من السنتر 

احمد اول مشاف هنا... يااااااه اول مره اشوف جمال كده، انتي بجد ملاك ياهنا 

هنا... بكسوف،، ربنا يخليك ليا يا احمد 

احمد... ويخليكي ليا ياقلب احمد ومسك ايدها وباسها وخرجوا مع بعض وركبوا العربيه 

مؤمن... اي القمر ده، انا متجوز قمر والله 

مي... متكسفنيش بقه يا مؤمن..،،

مؤمن. بيقلدها.... طيب كده انا هداريكي عن عيون الناس ازاي مش كفايه هشام اللي فكر يبصلك، ده ربنا رحمه مني، لو كان طول في الكلام كنت دفنته مكانه، لكن حظه بقه، عموما انتي بقيتي على اسمي خلاص، حرم البشمهندس مؤمن المرشدي، وباس جبينها ربنا ميحرمني منك ياقلب مؤمن 

مي.... بحبك قوي 

مؤمن.. وانا بعشقك 

علاء قابل مؤمن قدام السنتر وكان لسه واصل من السفر وبارك ليه هو ومي وطلعو كلهم على القاعه

***************

وصلو كلهم القاعه

واشتغلت الاغاني ورقصوا كلهم وفجأه لقو مؤمن طلع على الاستيدج وكلم الدي جي وابتدت موسيقى اغنية محمد رمضان، رايحين نسهر

مؤمن بدأ بالرقص والغنى والكل كان فرحان بيه جدا وبخفة دمه وفاجئ احمد و كل الموجودين بموهبته في الرقص. وولع الفرح هو وفارس وعلاء ونادر وبدأوا يغنو كلهم 

مؤمن.. صاحبي يكلمني وقالي انزلي رايحين نسهر،

رحنا قعدنا اداني الكأس،

قلتله بلاش،،، انا مش بشرب، 

وطلبت عصير،،، انا مش بشرب

، مطلعش عصير، انا كده بشرب،

شايف عصافير ودماغي بتعمل بم بم، 

بم بم بم بم 

ورمى الميك لعلاء... يا جماعه انا مش لاقي تليفوني، 

يا جماعه،، بيرن هناك متجبهولي 

يا جماعه،، سلاحف النينجا طلبوني 

يا جماعه،، انا شكلي خربت فوقوني 

بم بم بم بم بم 

ورقصوا واتنططوا كتير وطلع فارس معاهم 

فارس..... احم ، ولاعه، حد يجيب الولاعه 

ولاعه،، محد يجيب الولاعه،.

ياجماعه، حد يوطي السماعه 

مش عارف، مش عارف ابص في الساعه 

بم بم بم بم بم 

ولعوا الفرح برقصهم واحمد قاعد مذهول من المجانين دول اللي الكل بيبصلهم باعجاب وقلبو جو الفرح خالص، وفجأه طلع نادر والكل سقف ليه جدا واتجنن معاهم 

نادر.... عقلي اتخدر 

وشي مزنهر 

حاسس بحر انا مضطر اني اشمر

رجلي بتزك زك 

عقلي بيفك فك 

مره واحده لقيت قلبي عمال بيبم بم 

بم بم بم بم 

احمد قام من مكانه بسرعه وكمل شلة المجانين وهنا بصتله وضحكت 

احمد...قاعد ولابيا ولا عليا 

ياجماعه،، انا شايف كائنات فضائيه 

وعنيا، وعنيا قلبت يابانيه 

ودماغي.،جواها حرب عالميه وبتضرب بمبم 

بم بم بم بم 

رقصوا كتييير مع بعض وشالو احمد رفعوه لفوق وولعوا الفرح على الآخر 

والكل فرح جدا وكان جو الفرح مرح وممتع جدا ، وبعد المجهود ده بدأوا يهدوا شويه وكان اخر فقره في الفرح

احمد طلب انه يغني لهنا اغنيه 

احمد.... أنا حابب اني اغني اغنيه، لحبيبتي ومراتى، وكل حياتي، هنا، يمكن تعبر عن جزء بسيط من اللي انا حاسه دلوقتي 

(وبدأ يغني) اغنية حماقي نسمة شوق

بص لهنا في عيونها وبدأ

يافرحه في وقتها جاتلي 

يا بكره اللي ماددلي ايديه

يا احلى حاجه حصلتلي،، ياحب سنين حلمت انا الاقيه

حبيبتي وانتي حواليا، بعيش دنيا من الأحلام 

مليتي الدنيا حنيه وشيلتي الخوف من الايام 

يانسمة شوق في ليل محبه، 

ياغنوه بتحلي حبه حبه 

ياحلم جميييييل، مابيعديش

اشوفك تحضنك عنيا 

يسلم قلبي مش ايديا 

وروحي تروووووح مترجعليش 

( واخد هنا كلها في حضنه ولف بيها كتيير، ونزلها وباس جبينها وباس ايدها وكمل) 

حبيبتي افهمي ان انتي، بقيتي في حتة تانيه خلاص 

بتوحشي عيني لو نمتي، بشوفك غير عيون الناس. 

وجوه القلب انا راسمك، 

ومن روحي عليكي بغير 

وبفرح لما اقول اسمك 

عرفتي انا ليه بقوله كتيير وقال بصوته كله بحبببببببك يا هننننننا

وحضن هنا من ضهرها وضمها ليه وكان اسعد واحد في الدنيا وهنا كانت حاسه انها خلاص بوجود احمد حققت كل اللي نفسها فيه وفرحتها كملت معاه، 

ونقولهم الف مبروووووك لاحلى كابلز وعقبال كل البنات يارب يفرحوا الفرحه الحلال اللي مفيش احسن منها 

                     تمت بحمد الله 

لقراءة باقي الفصول من هنا

لقراءة الجزء الثانى من هنا