الحلقة السابعة عشر والثامنة عشر
بقلم شيمو الخطيب
الحلقه ١٧
من جراح القلب
هنا ومي في الجامعه وكل واحد في محاضراته
أدهم (زميل هنا في الجامعه)... انسه هنا كنت عايز اتكلم معاكي في حاجه
هنا... خير يا أدهم
أدهم... في رحله احنا مطلعينها وكنت حابب تبقوا معانا
هنا... اسفه يا أدهم والله بس انت عارف اني مش بحب اطلع رحلات
أدهم..... انا عارف والله بس هي رحله مش بالمعنى المفهوم، دي سفاري في الصحرا، يعني خيم وهنقعد كلنا نقضي وقت َممتع فيها غير أن في حفله في آخرها، بجد هتغير مودك وهتكسبك طاقه ايجابيه حلوه قوي
هنا.... المشكله والدتي عمرها مهترضي انا عارفاها،، ربنا يوفقك انت بقه لكن انا صعب بجد
سلمي... ليه ياهنا والله فكره حلوه جدا وأعتقد اننا ممكن نجيب اي حد من بره الجامعه صح ولا ايه
أدهم... ايو ه طبعا تقدروا تجيبوا اي حد حتى ل. والدتك نفسها هههه، يا انسه هنا دي رحله مفتوحه لأي حد مش تبع الكليه احنا كشباب مطلعينها كده نفك بيها عن نفسنا
سلمي... حلو قوي خلاص ياهنا ممكن كلنا نطلع مع بعض وانتي كمان يا ولاء تجيبي نادر خطيبك وطلعها،، متبقوش خنقه بقه والنبي
ولاء... نادر!!!!! يابنتي احنا يدوب قريين فاتحه والحفلة بعد شهر وبعدين عمره مهيوافق
سلمي.... كل واحده تقول عمر اهلي مهيوافقوا،، هو انتو جربتوا تقولوا وهما رفضو انتو ليه بتقدروا البلي قبل وقوعه
مي جت لهنا.... السلام عليكم ازيكو يا جماعه،، خلصتي يا هنون ولا لسه
هنا.... اه يا حبيبتي خلصت
مي.... طيب واقفين كده ليه خييير
أدهم... ازيك يا انسه،، في رحله وهما مترددين يطلعوها
مي... الحمد لله... رحلة ايه يهنا
هنا... سفاااري ياستي
مي.... واااااااااو بجد ياريتني كنت معاكو
أدهم... حضرتك تقدري تطلعي
مي... بجد، يعني هيا مش خاصه بكليتكو
أدهم.. لا يا انسه هي مفتوحه
هنا... انتي محسساني انك هتطلعي
سلمي... عقديها انتي كمان، اصلك معقده والله
هنا.... والله مش كده خالص الموضوع هي عارفاه واكيد هي متأكده انها مش هتطلع
مي... بزعل تصدقي نسيت،، بس ممكن نحاول ايه رايك، وممكن مؤمن يوافق
سلمي... هي دي الناس اللي عندها امل.. عموما يا أدهم احنا هنتشاور ونرد عليك بكره ان شاء الله
أدهم... تمام وانا هستني ردكو وبجد هتعجبكو ا جدا، والتحرك مش الصبح ولا حاجه ده على بعد العصر يعني اي حد ممكن يطلع حتى لو بعد شغله
سلمي... حلو قوي بكره ان شاء الله هيوصلك ردنا
ومشي أدهم وقعدوا البنات يتشاورو هنا وولاء نفسهم يطلعوا لكن عارفين ان البيت هيرفض ومي وسلمي برده نفسهم يطلعوا لكن عندهم امل بالموافقه
هنا ومي روحوا وقالوا هيعدوا على مؤمن يطمنوا عليه
هنا خبطتت
ام احمد..... حبايب قلبي اتفضلوا
هنا.... ازيك يا خالتي
مي.... خالتي حبيبتي عامله ايه
ام احمد.... أنا بخير طول مانتو بخير يا قلب خالتكو
هنا... فين مؤمن يا خالتي
ام احمد.... مؤمن خرج ومقالش رايح فين والله
مي... يعني ايه، المفروض انه يرتاح ليه يخرج ويتعب نفسه
ام احمد..... علاء جه وخده بالعربيه ومشيوا لكن فين، معرفش، قال لما يجي هيقولي
في الوقت ده مؤمن دخل من الباب
مؤمن... السلام عليكم
كلهم وعليكم السلام
مي..... كنت فين يا مؤمن قلقتيني عليك
مؤمن... كنت في شقتكوا القديمه يا ستي خلصت كل حاجه مع صاحب البيت وان شاء الله العفش يتنقل النهارده بعدالمغرب وتبقوا تفرشوا بكره ان شاء الله
عشان خالتي عايده تطلع على هنا على طول ومنتعبهاش
مي..... مذهوله طيب ازاي الراجل وافق وماما مش موجوده
مؤمن... لا متقلقيش انا اخدته انا وعلاء ليها المستشفى وخلصنا كل حاجه وانتو كده كده كان فاضل شهرين والعقد ينتهي يعني مفيش مشكله
هنا.... والله انت اجدع اخ ف الدنيا،، واد يا مؤمن انا مش عارفه هحبك ايه اكتر من كده
مي.... احم احم نحن هنا هههههه
مؤمن.... والله انا اللي بموت فيكو انتو الاتنين ههههه
ام احمد.... احم احم نحن هنا ههههه
وضحكوا كلهم
************
عند احمد ف الشركه استقبل ناس كتير من المتقدمين للوظيفة وكان مطلوب خمس محاسبين بس
اختار منهم تلاته وقرر. يسيب فرصه لفارس لانه لسه مجاش لمقابلة احمد
في الوقت ده فارس حضر ودخل لأحمد اللي كان مرهق جدا لانه طبعا منامش قبلها خالص
فارس.... ازيك يا كبير جيت في معادي اهو ههههه
احمد..... اولا ده مكان شغل يعني مفيش يا كبير ولا يا صاحبي ولا الكلام ده، ثانيا هو انت كده جاي في معادك فعلا ولا بتستهبل
فارس.... والله صحيت متأخر وجيت جري معلش بقه المره دي
احمد... بدايه غير مبشره، عموما هعديها، بص يافارس انت صاحبي لكن اي تقصير في الشغل صدقني صداقتنا مش هتشفعلك فياريت تهتم بشغلك يافارس ومتخذلنيش
فارس... اكيد يا احمد متقلقش
احمد ماشي يافارس تقدر تروح لرشا وهي هتعرفك مكانك وان شاء الله بكره هندخل انا وانت وكل اللي تم اختيارهم لمصطفى بيه
فارس.... تمام يا احمد ياريت متزعلش مني على التأخير
احمد.. منا قولتلك هعديها المره دي
خرج فارس وراح علي مكتبه
ندى اتصلت على أحمد
ندى.... ازيك يا احمد
احمد بضيق... الحمدلله
ندى.... ايه انت لسه مخنوق
احمد... وانتي ايه اللي يهمك، مش قضيتي وقت ممتع مع اصحابك الهاي كلاس
ندى... انت ليه كده يا احمد، بجد بقيت بحس انك مستكتر عليا الفرحه، اي المشكله لما اخرج وافك عن نفسي شويه ايه حرام
احمد.... لا يا ندى مش حرام لكن بعد كده متلوميش الا نفسك
ندى بزعيق... بجد انا اتخنقت منك كل حاجه لأ وعايز تحطني في مكان محدش يشوفني ولا اشوف حد، ليه يا احمد سيبني اخد راحتي بجد انا زهقت
احمد..... زهقتي، اممممم ماشي يا ندى براحتك انا مش هقولك لأ على حاجه تاني وبعدين انتي حتى لو انا رفضت بتعملي اللي انتي عايزاه يبقى زعلانه ليه دلوقتي
ندى.... زعلانه عشان حاسه انك بتبعد عني
احمد... أنا اللي ببعد انا اللي سيبتك مخنوقه ومفتكرتش اكلمك الا دلوقتي،، انا اللي معرفش تفاصيل يومك عامله ازاي بسبب انشغالك مع مامتك، انا اللي مش بكلمك الا لما افتكر وابقى لوحدي،، انا يا ندى ولا انتي
ندى... سكتت وبعدين قالت.... احمد انا اسفه بس انا رجعت متأخر امبارح ولسه صاحيه من شويه
احمد... تصدقي، عذر أقبح من ذنب هههههه عموما عادي ده الطبيعي
ندى بزعيق يعني ايه يا احمد
احمد.... يعني متزعقيش تاني وتسبيني اكمل شغلي، سلام يا ندى،، وقفل معاها
حسن دخل ليه وجايب معاه الملف
حسن... اتفضل يا استاذ احمد الملف اللي حضرتك طلبته
احمد... ماشي يا حسن تقدر تمشي دلوقتي
حسن... أنا ممكن اقعد مع حضرتك ممكن تحتاج توضيح ولا حاجه
احمد.... شكرا يا حسن لو احتاجت حاجه هقولك اتفضل انت
حسن خرج وهو متوتر نوعا ما لكن طمن نفسه انه مظبط كل حاجه
عند هنا في البيت
مي وهنا عرضوا علي ناديه فكرة الرحله وطبعا ناديه رفضت
ناديه... لا مش ممكن ده انا بقلق لما بتروح الجامعه اطلعكو رحله لا طبعا
هنا.... مش قولتلك،، اهي رفضت اهي
مي.... انتي ليه بتستسلمي من اول جوله كده، لازم تحاولي عشان توصلي لهدفك وتحافظي عليه، وبعدين اكيد مش من اول مره هنيئس فوقي بقه ياهنا
هنا حست ان مي عايزه توصلها رساله بس بطريق غير مباشر لكن سكتت خالص
مي.... خالتي اولا دي مش رحله بالمعنى المفهوم، احنا هنتحرك على بعد العصر هنروح مكان في الصحرا مخصص ومجهز للحفلات والقعدات الشبابيه يعني كلها ساعات ونيجي وبعدين اعتبرنا رايحين فرح
ناديه.... يابنتي دي كلها شباب وانا اضمن منين محدش يدايقكو
مي.... اكيد مهو مؤمن هيكون معانا
هنا وناديه بصدمه..... مؤمن!!! طب ازاي
مي عادي انا هقوله ومتأكده ان شاء الله انه هيوافق لانه طالع معانا
ناديه.... بس هو تعبان يابنتي
مي.... خالتي انتي عارفه مؤمن مبيفرقش معاه تعب وبعدين أن شاء الله ساعتها هيبقى زي الفل
ولو على الجبس، عادي يعني مش مشكله قوي وبعدين على ميجي معاد الرحله ممكن يكون فكه، هما لسه بيجمعوا في الناس اللي هتطلع، يعني لسه شويه. واهي فرصه هنا تغير جو، وغمزت لناديه
ناديه..... خلاص لو مؤمن معاكو يبقى تروحو غير كده لأ
مي قامت وسقفت وقالت... بحبك يادودي وانتي معايا على الخط كده وفهماني
ناديه وهنا ضحكوا عليها
هنا... وربنا مجنونه فعلا ربنا جمعهم اتنين مجانين مع بعض
مي..... قولي يارب نتجمع بس ومتقاطعيش
هنا... ههههههههه يا مجنووووووونه، طب ومامتك هتقولي لها ايه وهتسيبيها كده
مي.. يابنتي ماما ان شاء الله هتخرج بكره بالكتير وهنكون فرشنا الشقه واستقرينا ان شاء الله يبقى فين المشكله، ده غير انها لما تعرف اني معاكي ومع مؤمن مش هترفض،، إذا كان هي مرتاحه اني قاعده معاكو هنا، تفتكري هترفض اطلع رحله معاكو 😒
مي.. و يلا بقه نروح نقول لمؤمن وبطلي كلام كتيير وتعقيد يا معقده
هنا ضحكت وراحو لمؤمن،
مؤمن... ايه ده ايه اللي جابكو صحيتوني من النوم
هنا..... مش انا دي مي،، أصلها عايزه تقولك على حاجه مهمه
مي.... اه يا ندله بتبعيني
هنا..... استلمي ياقلبي هههههه
مؤمن.... اممممممم ارغوااا
مي... بص يا مؤمن يا حبيبي انا عايزه اخد رايك في حاجه ....
١٨
من جراح القلب
مي..... مؤمن يا حبيبي انا عايزه اخد رايك في حاجه
مؤمن...اممممممم مؤمن، وحبيبي يبقى البدايه غيرمبشره. نعم خير
مي بلعت ريقها وقالت بسرعه... بصراحه احنا عايزين نطلع رحله
مؤمن لأول مره يمسك مي، مسكها من دراعها مسكه جامده وضغط عليه وقال... نعم ياختي رحلة ايه ان شاء الله
هنا بسرعه.... مؤمن اهدي دي سفاري مش رحله زي مانت فاهم
مؤمن... ايه ده انت كمان موافقه انتي عارفه يعني ايه سفاري، يعني تجمع شباب لوحدهم، يعني اللي عايز يعمل حاجه بيعملها ومحدش هيقولهم عيب، انتو مدركين انتو بتقولوا ايه،، واللي مستغربه انكم بكل جراءه جايين وعندكو امل اني أوافق انتو اتجننتوا ولا ايه
مي... ...سيب ايدي يا مؤمن وجعتني، وانا هفهمك على كل حاجه
مؤمن.... زقها وقعت على الكرسي واتوجعت قوي لكن كملت
مؤمن، انت هتيجي معانا، الرحله دي
احمد دخل في اللحظه دي وقال
احمد.... هيجي معاكوا فين يامي
هنا قلبها دق واتوترت جدا لكن حاولت متبينش
مي لنفسها.... ااااه كده كملت وشكلك هتدفني حيه يا ميوي
بص يا احمد انا بقول لمؤمن اننا عايزين نطلع رحله بس قبل أي كلام والنبي متتنرفز
احمد بص لمؤمن لقى وشه بيطلع نار ومتنرفز جدا وبهدوء قال
انا عاوز افهم الموضوع، وبعدين اشوف هتنرفز ولا لأ
مي... ايوه كده، هو ده التفاهم مش التلطيش على طول
مؤمن... هو انا كده لطشت لا متقلقيش التقيل جاي ورا
هنا ضحكت عليهم وده خلي أحمد يدوب ويفرح قوي لضحكتها
مي..شرحت لأحمد الموضوع وقلتله انها عايزه مؤمن يطلع معاهم
احمد.... اممممممم طب ايه المشكله يا مؤمن، انت هتكون معاهم يعني مش هنقلق عليهم
مي... احمد،، معنى كده انك موافق
احمد.... أنا موافق لو مؤمن راح معاكو غير كده لأ طبعا وكل ده هيبقى بموافقة خالتي ناديه وخالتي عايده طبعا منقدرش نتعداهم
مي... لا اطمن موافقين لو مؤمن جه معانا، وبصت لمؤمن
مؤمن.... احمد، انا بصراحه مش مرتاح ولا مفتنع باللي بتقولوه ده
مي..... متبقاش رخم بقه يا مؤمن، انت هتبقى معانا فين القلق بقه
مؤمن.... سيبوني افكر واحسبها ف دماغي وبعدين اقرر
مي.. احنا لازم نرد على أدهم بكره
مؤمن بنرفزه.... أدهم مين ان شاءالله
مي استخبت ورا هنا لانه كان متهور عليها على الآخر
هنا... اهدي يا مؤمن، أدهم ده متعهد الرحله والمسؤول عنها
مؤمن.. أصلها بتقول أدهم كأنه معرفه قديمه
احمد ضحك علي شكلهم وضحكته وشكله، هنا عشقته اكتر لكن برده مبينتش اي حاجه
احمد... مؤمن خلاص بقه سيبهم يروحوا واهو تغير جو برده
مؤمن... ماشي يا احمد عشان خاطرك انت بس
مي... بعفويه وفرحه... حبيبي يا احمد والله من غيرك مش عارفه كنت هعمل ايه وجريت من قدامهم
مؤمن... يابنت اللذين دي بتقوله حبيبي كأني كيس جوافه واقف
هنا بتضحك جامد... عادي يا مؤمن مهو يعتبر اخوها برده
احمد... والله لايقين على بعض مجانيييين ربنا يستر ههههههه
وهنا مشيت بعد مبصت لأحمد وعنيهم اتعلقت ببعض ثواني
احمد دخل اوضته وتلقائي فكر في هنا وضحكتها قدامه وبتسم لما شاف أجمل ضحكه ف حياته
لكن كان شاغل تفكيره اكتر حكايته مع ندى وانه مش حاسس انه خاطب وهي خلته يفقد لهفته عليها وبدأ يحس بفتور من ناحيتها
مؤمن خبط عليه ودخل
احمد.... تعالي يا مؤمن خير
مؤمن.... انت مغيرتش ليه يا احمد
احمد... كنت هقوم اهو بس شاغل بالي شوية حاجات في الشغل
مؤمن... صليت ولا لسه
احمد... اه يا حبيبي الحمد لله بصلي في جامع الشركه
مؤمن... تمام هسيبك تغير هدومك وارجع ادردش َمعاك شويه، ممكن ولا هتنام
احمد.... أنا أطول اقعد مع احلى مهندس ف الدنيا
مؤمن... حبيبي يا احمد بس مش متعود انك تدلعني دايما بتقصف جبهتي ولا عشان متجبس هههههه
احمد.... مؤمن انت عارف انك اغلى انسان عندي ف الدنيا انت اخويا وصاحبي وابني وابويا وكل حاجه بجد، انا بجد مقدرش اتخيل حياتي من غيرك ومن غير رخامتك ههههه
مؤمن.... اه، كده أصدق انك احمد اخويا ههههه انا هخرج وابقى نادي عليا لما تخلص
احمد.... لا خليك انا هدخل الحمام اخد شاور واطلعلك في ثواني نتكلم شويه على ما الاكل يجهز لاني واقع من الجوع
مؤمن... مستنيك يا معلم
مؤمن قاعد في اوضة احمد وبيقلب في أوراقه اتفاجئ لما لقى صوره لهنا وصوره لندى لكن صورة ندى مشطوب على وشها بالقلم الجاف وهنا صورتها سليمه
مؤمن قال لنفسه.... والله منا عارف انت عايز ايه يا احمد
لكن اللي انا واثق منه انك بتحب هنا ومن زمان كمان
احمد خرج ومؤمن قفل كل كتبه وقعد على السرير
احمد... ها يا سيدي عايز تتكلم في ايه انا فوقتلك اهو
مؤمن.... لا يا حبيبي انا كنت عايز اسالك عن اخبارك وعن شغلك، مرتاح فيه ولا لا
احمد.... اخباري، فأنا كويس
اما عن شغلي، فبرده كويس
مؤمن.... ايه شغل الكروته ده، ده انت اختصرت الكلام في كلمتين اتنين وكأنك بتقولي، اتكل على الله ياعم انا مصدع ههههههه
احمد..... ههههههههه لا والله خالص اصلك سألت سؤال عام، فجاوبتك اجابه عامه
مؤمن.... ماشي ياعم، هسألك سؤال خاص، اخبارك ايه مع ندى
احمد سكت وبصله...... ومسح وشه بايديه
مؤمن... ايه يا احمد سؤال صعب
احمد.... لا ولا صعب ولا حاجه كل الحكايه اني مش عارف
مؤمن... مش عارف ايه بالضبط
احمد..... مش عارف احدد موقفي بالضبط، انا وندى مش متفقين في حاجات كتير يا مؤمن، وللأسف ندى ممكن تكون نسخه تانيه من فايزه وده اللي انا مش عايزه لكن انا بحاول معاها وربنا يسهل
مؤمن... حاول يا احمد متورطش نفسك في علاقه انت مش عايزها مهما كانت العواقب،، اكيد اي حاجه هتكتشفها دلوقتي هتبقى افضل من اكتشافها بعدين
احمد.... كلامك صح فعلا وده اللي بحاول اعمله،، ربنا يسهل يارب، المهم قولي انت عامل ايه مع مي
مؤمن.... ابتسم، زي ما انت شايفنا كده زي القط والفار هههههههه،
احمد.... حبيتها امتى ياواد، بس بصراحه هي بنت حلال وتستاهل
مؤمن..... مي دي بالنسبالي حاجه كبيره قوي يا احمد، بجد ربنا يديمها نعمه في حياتي، كفايه انها بتقدر ترسم الضحكه على وشي في عز تعبي او نرفزتي
احمد سرح في كلام مؤمن وقال،، ربنا يسعدكو ياحبيبي
مؤمن..... ويسعدك يارب.. أنا هقوم عشان اسيبك ترتاح
احمد.... لا انا خارج معاك. بقولك جعان يا جدع. عايز ااااكل
مؤمن.... مخلاص ياعم، انت هتاكلني ولا ايه هههههه
وضحكوا الاتنين،
عند مي وهنا *****
مي..... شفتي مش قولتلك متيأسيش
هنا..... انتي جباره والله يامي، بس مؤمن كان هينفجر منك هههههه
مي..... هههههه انتي دبستيني وخلعتي، لكن عيب انا اعرف اتصرف 😂😂😂
هنا.... ماشي ياستي، انتي بصراحه عملتي انجاز
مي.... بصي بقه عايزاكي دلوقتي تتصلي علي سلمي وولاء وتقوليلهم انك طالعه وده هيشجعهم على الرحله دي
هنا.... سلمي ممكن تطلع لكن ولاء معتقدتش خصوصا ان خطيبها ظابط وممكن ميرضاش
مي.... بجد خطيبها ظابط
هنا... اه ظابط وظابط شاطر قوي كمان يعني ليه شهره ومكانه جامده قوي
مي..... حلو قوي ده يبقى حمايه جامده جدا
هنا..... هو فاضيلنا يابنتي، استحاله يطلع
مي..... برده بتقولي كلام وخلاص،، يابنتي انتي محسساني ان الظباط مش بيخرجو ا ولا بيعيشوا ولا بيفرحوا، لا طبعا اكيد بيعملوا كل ده، وبعدين احنا مش هنسافر دي كلها كام ساعه ونرجع
هنا..... احلى حاجه فيكي انك دايما عندك امل، عموما هكلمها واقولها
مي..... أنا مش معقده زيك. هههههه يلا كلميهم
ناديه دخلت عليهم
ناديه... ها يابنات مؤمن وافق
مي.... طبعا يا خالتي وافق هو يقدر يتكلم قدامي
هنا..... نعم ههههههه ده انتي كنتي قدامه زي الفار المذعور، بصه واحده منه رعبتك
مي..... ايه الرخامه دي،، متستري على اختك يا شيخه، هو مفيش دم كده خالص
ناديه....
هههههههههههه يعني مش موافق
مي.... لا والله وافق بس بعد ما احمد أقنعه
ناديه.... هو احمد كان هناك
مي.... اه جه واحنا بنتكلم ووافق بش بشرط مؤمن يجي معانا
ناديه.... ماشي يابنتي... ربنا يسعدك يارب
طيب هترحوا لوالدتك يا مي
مي.... اه طبعا انا هنزل اروحها دلوقتي ويارب تخرج بقه
هنا... بصي يا مي خالتي عايده بقت كويسه الحمد لله هي تيجي تقعد معانا هنا وبعدين نبقى نفرش الشقه فوق براحتنا
مي.... هو ممكن بس كده هنتقل عليكو قوي
نادية خدت مي في حضنها وقالت.... اوعي تقولي كده يا مي انتي عندي زي هنا بالضبط وربنا يعلم ووالدتك اخت ليا والله، وبعدين انا اشيلكو ا على دماغي من فوق والله
مي عنيها دمعت... خالتي تسلميلي يارب، انا بحبك قوي
ناديه..... وانا بموت فيكي يا حبيبتي
************
وخرجت هنا ومي عشان يروحوا المستشفى
مي كلمت مؤمن ومردش عليها فاتأكدت انه نايم ومرضتش تروح تقلقه وراحت هي وهنا بس
هنا نزلت لقيت عربيه على أول شارعهم
هنا...... فارس ، انت واقف هنا بتعمل ايه
فارس.... هنا انا عايز اتكلم معاكي شويه......