الحلقة السابعة والثامن
بقلم شيمو الخطيب
مؤمن وصل مي وركبها التاكسي وركب هو ووصل للبيت واول مدخل
ام احمد... حمدلله علي السلامه ياحبيبي ايه يا مؤمن اتأخرت ليه كده قلقتيني عليك يا بني
مؤمن.. الله يسلمك ياست الكل معلش يا أمي كان عندي محاضره ومكنتش عامل حسابي اني هحضرها لكن اللي حصل بقه انا اسف بجد حقك عليا
ام احمد.. لا يا حبيبي متتاسفش المهم انك بخير والحمد لله انك رجعت بالف سلامه انا بس قلقت عليك شويه
مؤمن... تسلمي يا ست الحبايب وباس ايديها وجبينها وقال..
هو أحمد لسه مجاش ولا اي يا ماما
ام احمد... اه يا حبيبي لسه،، اتصل وقال انه هيتغدي بره مع ندى. ربنا يسعده يارب
مؤمن.. ندددي.. اممممم ماشي
ام احمد... مالك ياواد يا مؤمن كل متيجي سيرة ندى بتقلب وشك ليه
مؤمن.. أنا يا أمي،، لاطبعا مفيش اي حاجه ربنا يسعده يارب
ام احمد... عليا انا يا واد انا بفهمك من نظرة عينك احساسي كده انك عندك بعض التحفظات على ندى
مؤمن.. ههههههههه يا جامد انت يابتاع التحفظات وَربنا انتي عسل يا ام احمد
ام احمد... يا واد نفسي مره تتكلم بجد
مؤمن... حاضر يا حبيبتي هتكلم بجد اهو،، تحفظات ايه بقه اللي بتتكلمي عنها
ام احمد... والله!! هو انا اللي هقول تحفظاتك ولا انت
مؤمن.. مش انتي اللي بتقولي يا أمي
ان احمد.. مؤمن انت بتهرب من الكلام وانا يابني مش هضغط عليك واوعى تفكر انك لما تتكلم معايا هروح اقول لاخوك دي عمرها مهتحصل انا بس بشوف رايك في ندى مش اكتر ولو مش عايز. تتكلم خلاص اعتبرني مقولتش حاجه
مؤمن... اييييه ياست الكل، اهدي عليا شويه مالك كده اتفتحتي فيا مره واحده عموما ياستي انا عمري مزعلك وبعدين انتي عارفه كويس اني بعشق الكلام معاكي يا أمي ده انتي قلبي والله
ام احمد بضحك... اه بكش علياياواد المهم يلا اتكلم
مؤمن.... اتكلم اقول ايييه هههههههه
ام احمد... تصدق انا غلطانه اني واقفه بتكلم معاك غور يلا من وشي فورت دمى
مؤمن... هههههه استنى بس انا بهزر معاكي والله انا هدخل اغير وحضري الغدا على مستعيد روح الجد واكلمك اصل اللي حاضر دلوقتي روح الهزار ههههههه
ام احمد.... امشي يا مؤمن من قدامي دلوقتي
مؤمن دخل وهو بيضحك وده استفز والدته جدا لكن هتعمل ايه مفيش في ايديها غير انها تدعي ربنا يهديه ويصلح حاله 😂😂😂😂😂😂
****************
نرجع لهنا وسلمي
هنا وسلمي خارجين من مكتب مصطفي بيه وماشيين في ممر الشركه هنا اتفاجئت
هنا.. اييه ده فارس!!!
فارس شاف هنا وجرى عليها بسرعه وقال
هنا اخبارك ايه وبعدين انتي هنا بتعملي ايه
هنا... أنا جايه مع سلمى صاحبتي عمها مصطفى بيه هو صاحب الشركه
فارس بص لسلمى وسلم عليها وسلمي بصتله باعجاب شديد جدا
هنا.. المهم انت ايه اللي جابك هنا
فارس بتردد... أنا،،، انا جاي لواحد صاحبي عندي معاد معاه
بالصدفه حد من السكرتاريه ماشيه في الممر شافت فارس وقالت
ياريت حضرتك يا استاذ تتواجد في مكتب السكرتيرة لأنها محتاجه منك شوية معلومات
فارس بص لهنا وسلمي اللي كانوا مستغربين
والسكرتيره حست انها غلطت فقالت
هو برده مش حضرتك مقدم على وظيفه هنا ولا انا غلطانه.. اصل بصراحه ردود أفعالكو غريبه
فارس بصلهم وقال... حاضر تحت امرك هروح لمكتب السكرتاريه واستأذن ومشي بسرعه لانه كان في موقف لايحسد عليه
هنا باستغراب من موقفه... هو ماله ده ياسلمي
سلمي... والله معارفه ياهنا.. المهم تعالي هنا.. هو مين ده اصلا؟ وليه كدب علينا ومقالش انه جاي يقدم؟
هنا... مين ده؟ فده ياستي فارس صاحب أحمد جارنا.. أما بقه كدب علينا ليه.. فبصراحه مش عارفه انا برده استغربت لكن ميهمنيش متفرقش معايا خالص
..
وكملت هنا وقالت.. وعارفه انك هتسالي عرفتيه منين
سلمي.... هههههههه والله اخدتيها من على لساني ههههه
هنا.. عارفاكي حشريه.. عرفته ياستي في خطوبة احمد
سلمي... ايه ده! هو أحمد خاطب
هنا... ايوه خاطب ليه بتسألي يعني
سلمي... ظلمتك ياهنون وانا اللي كنت بقول ان بينكو حب ولفلفه طلعت ظالماكي
هنا بزعل... لا ياختي ارتاحي مفيش لا حب ولا لفلفه
سلمي.. بس الواد فارس ده مز قوي يابت ياهنا
هنا بصتلها بديق... سلمي يلا عشان نروح لاني بصراحه. زهقت منك
سلمي... اه منتي خدتي غرضك مني خلاص لازم تكلميني كده عموما انا برده اتأخرت ولازم اروح
هنا.. بصتلها... غرضي منك!! ...ربنا يعوض عليا يارب وضحكت ومشيت
هنا وصلت البيت وطلعت تجري على السلم وخبطت على باب شقه احمد
ام احمد فتحت الباب
ام احمد.. هنونه حبيبتي تعالى اتفضلي يا قلب خالتك
هنا... تسلمي يا خالتي هو احمد ومؤمن وصلوا ولا لسه
خرج مؤمن على صوتها
مؤمن... هنون عامله ايه ياقمر انتي لسه جايه ولا ايه هنا... لسه واصله حالا
مؤمن... وايه اللي اخرك كده
هنا.... كنت في مشوار مع اصحابي هو احمد فين يا مؤمن
مؤمن.. انتي بتسألي ليه يا هنا هو في حاجه ولا ايه هنا... كنت عايزه ابلغوا بحاجه مهمه بس
مؤمن... احمد لسه ما جاش وآلله اتصل و قال ان عنده شويه شغل هيخلصهم وهيجي على طول (وطبعا محبش يقول لهنا انه مع ندى بيتغدوا)
هنا..... اوك تمام لما يجي بقى هابقى اجيله تاني
وجريت هنا على شقتها
مؤمن... طب استني يا بت قولي كنتي عايزاه ليه اصل الفضول هيقتلني
ضحكت هنا وقالت.. خليه يقتلك بس اوعي تموت قبل ما احمد يجي عشان تعرف كنت عايزاه ليه
وفتحت ناديه لهنا لما سمعت صوتها
هنا.. ناديه حبيبه قلبي عامله ايه وحشتيني قوي مؤمن واقف قدام الباب و باستغراب.... ناديه!!! دي بتقول لها يا ناديه ايه قله الادب دي لا لا لا ده انا كده بقيت خطر على المجتمع وضحك ودخل
ناديه... حبيبتي يا هنا اتاخرتي ليه قلقتيني عليكي واتصلت بيكي كثير وما ردتيش
هنا... اسفه يا ماما والله ما سمعتش التليفون اوعي تزعلي مني
ناديه... هازعل ليه يا بنتي الحمد لله انك بخير و اني اطمنت عليكي
هنا.. تسلمي يا ست الكل
ناديه... يلا غيري هدومك وصلي وتعالي انا لسه متغدتش ومستنيه اتغدى معاكي
هنا.. اوك يا ماما حاضر ثواني وابقى عندك
حضرت ناديه الاكل واستنت هنا تخلص صلاه وقاعدوا على السفره
ناديه... هنا هو انتي كنتي عند ام احمد ليه هو في حاجه
هنا.. لا يا حبيبتي انا كنت عايزه احمد بس في موضوع مهم
ناديه بعصبيه... اه موضوع ايه يعني فهميني
هنا.. ما لك يا ماما متعصبه ليه كده،، ماما عشان خاطري ما تخلينيش اندم اني صارحتك و بلاش المعامله دي
ناديه.. هو انا قلتلك حاجه هو عشان بخاف عليكي هتندمي انك صارحتيني ماشي يا هنا براحتك انتي حره
هنا.... ماما انتي وعدتني تبقى جنبي مش ضدي ارجوك يا ماما ارجوكي خليكي معايا ساعديني اعدي وانا كويسه
ناديه... هو انا يا بنتي كده ضدك،، هنا يا حبيبتي قربك من احمد مش هيساعدك تنسيه وانتي مصممه ما تبعديش يبقى لازم اتعصب عليكي
هنا بعياط.. ماما انا ما قربتش ولا حاجه كل الحكايه ان في شركه كبيره محتاجه محاسبين فانا كنت عايزه ابلغه يروح يقدم غلطت في ايه انا كده
ناديه... لا يا حبيبتي مغلطتيش خلاص يا هنا انتي كبيره بما فيه الكفايه وعارفه مصلحتك كويس ما تزعليش وقومي اغسلي وشك وتعالى كملي اكلك
هنا.. لا خلاص يا ماما انا شبعت والحمد لله
ناديه... خلاص يبقى انا كمان شبعت و مش هاكمل اكل
هنا.. لا خلاص ياماما انا ها اغسل وشي واجي على طول
ودخلت هنا فعلا تغسل وشها وقعدت ناديه حزينه على بنتها اللي مش قادره تنسى احمد نهائي
عند احمد
احمد.... ندى ايه رايك بعد ما نخلص غدا نروح نقعد مع ام احمد ومؤمن شويه ممكن ولا هيبقى في مانع
ندى... لا طبعا ما فيش مانع هو مؤمن هيكون هناك
احمد... اه ان شاء الله هيكون موجود يعني هو هيروح فين يعني
ندى.. تمام نخلص ونروح واهو بالمره اطمن على طنط واسلم عليها
خلصوا الغدا وتحركوا على البيت
احمد داخل الشقه و بينادي.. يا ماما يا مؤمن،، هما فين الناس دي
مؤمن خارج بترنج اسود وشكله فيه يجنن وكان شعره مش متسرح
مؤمن.. ايه يا عم انت داخل بصوت عالي كده ليه وبص لقى ندى معاه اتفاجئ وسكت
احمد.. ضحك ايه المنظر ده انت عامل شعرك كده ليه يا مؤمن انت كنت بترعب حد في الاوضه ولا ايه
مؤمن... ازيك يا ندى عامله ايه وبعدين مش تقول يا عم احمد ان ندى جايه معاك كنا على الاقل فرشنا الارض ورد
ندى.. شكرا يا مؤمن كلك ذوق والله وبعدين ما له يا احمد والله ده كده شكله كيوت قوي
مؤمن.. كيوت مع ان الكلمه دي ما تمشيش مع راجل لكن يلا مقبوله منك كيوت كيوت
احمد.. طب قولي يا عم الكيوت هي ماما فين ملهاش حس خالص
مؤمن... ما فيش يا سيدي بعد ما تغدينا ماما دخلت تنام شويه،، استني لما اصحيها
ندى.. لا يا مؤمن سيبها ترتاح ما تقلقهاش
مؤمن.. لا طبعا ما ينفعش هتزعل لو عرفت انك كنتي هنا وما شفتكيش
احمد. استني هدخلها انا يا مؤمن اصحيها
لسه احمد هيتحرك كان الباب بيخبط
مؤمن فتح الباب... هنا تعالي اتفضلي
هنا من على الباب ... هو احمد وصل يا مؤمن ولا لسه
ندى... اه وصل يا هنا في حاجه ولا ايه
هنا اتفاجئت بوجود ندى وقالت... ندى!!! اخبارك ايه وانتو هنا من امتى
ندى.. انا تمام الحمد لله،، ها مقلتيش عايزه احمد في ايه
مؤمن... هنا ادخلي اقعدي بس الاول وبعدين ابقى قولي اللي انتي عايزاه
هنا دخلت واحمد كان واقف متابع الموقف
احمد... هنا ازيك كنتي محتاجه مني حاجه ولا ايه
هنا.. لا يا احمد انا كنت بطمن عليكم بس اصل سألت مؤمن عليك قالي ان عندك شغل كثير هتخلصه وهتيجي
ندى... لا يا حبيبتي احنا كنا بنتغدي مع بعض
احمد.. اه يا هنا كان عندي شغل و بعد ما خلصت اخذت ندى واتغدينا وجينا على طول
هنا... حمد لله على السلامه طيب استاذن انا عشان اسيبكم براحتكم
مؤمن.. ليه. يا هنا خليكي معنا شويه
احمد... هتمشي ليه يا هنا اقعدي معانا حتى القعده هتحلى بيكي قوي
ندى... بجد يا سي احمد طب والله كويس خلاص امشي انا بقى واسيبك مع هنا عشان القاعده تحلو
احمد.. في ايه يا ندى انتي هتزعلي ولا ايه انا باتكلم مع اختي،، هنا اختي يا ندى وانت عارفه كده من الاول يبقى ايه لازمه الكلام ده
مؤمن.. ما لوش لازمه الكلام ده يا ندى هنا اختنا ولازم تتاكدي من كده و تتعاملي معاها على هذا الاساس
هنا.. يا جماعه تقريبا وجودي غير مرغوب فيه عموما انا هامشي عشان معملش اى مشاكل
احمد.. لا يا هنا انتي مش هتمشي ده بيتك وعمرك ما تمشي منه وانتي زعلانه ابدا
هنا.. معلش يا احمد سيبني امشي عشان خاطري احمد بص لندى بضيق كبير قوي خصوصا ان دي تاني مره ندى تحرج هنا بالشكل ده وقال لهنا
خلاص يا هنا انا ان شاء الله لما اخلص هاعدي عليكي واشوفك كنتي محتاجه ايه
هنا سابتهم وخرجت بسرعه ومؤمن سابهم بعصبيه ودخل يصحى والدته
احمد.. ممكن افهم ايه اللي انتي عملتيه ده يا ندى
ندى.. عملت ايه انت مش شايف برودها دي جايه تقول لك قال ايه عايزه تطمن عليك مستني مني اقولها ايه
احمد.. تعدي الموضوع عادي لان هنا بتتكلم بعفويه وبتتكلم بدافع الاخوه يعني بتعاملني انا و مؤمن زي بعض بالضبط كلنا عندها واحد يا ندى ولازم تفهمي حاجه زي دي والا هتنكدي على نفسك بايدك
ندى.. ده متهيالك يا احمد الاشكال اللي زي دي انا فاهمها كويس
احمد.. ندى احترمي نفسك وما تتكلميش عنها بالشكل ده هنا من انظف الناس اللي ممكن تعرفيها
ندى.. انت بتزعقلي عشانها يا احمد ماشي يا احمد عموما انا ماشيه واشبع بيها انت
احمد.. ندى،،، يا ندى يابنتي استنى،، ندى سابت احمد ونزلت واحمد نزل جرى وراها
احمد.. انتي مجنونه يا بنتي استني راحه فين
ندى... هاسيبك براحتك يا استاذ احمد لاني مش قادره اسمع سيرتها اكثر من كده
احمد.. ماشي يا ندى براحتك عموما انتي اللي وصلتينا للدرجه دي مليون مره فهمتك ان هنا بالنسبه ليا اخت مش اكثر وانتي مفيش فايده فيكي عندك قدره غريبه جدا و حب غريب في انك تجرحي الناس،، لاحظي يا ندى انك كل مره بتعملي مشكله وتحرجيني وانا بعدي لكن لازم تبقى عارفه اني هيجي يوم وطاقتي هتخلص ياندي،، عموما استني لما اوصلك
ندى واقفه حاطه وشها في الأرض وكاتمه غيظها.. لا شكرا كثر خيرك مش عايزاك توصلني
احمد.. اعقلي بقى يا ندى وراعي اننا في الشارع
ندى... خلاص يا احمد انا هاروح البيت دلوقتي واهدي واكلمك
احمد... ماشي يا ندى وقفلها تاكسي وركبت ومشيت
احمد رجع البيت وكان مؤمن واقف في البلكونه ودخل... ايه يا احمد ما لها ندى
احمد.. دي مجنونه يا عم سيبك منها
مؤمن... بس دي ضايقت هنا يا احمد حاول تفهمها علاقتك بهنا كويس
احمد.. حاولت والله بس هي مش قادره تفهم مع الوقت ان شاء الله هتفهم
مؤمن... يعني انتو اتخانقتو ولا ايه
احمد.. مش بالضبط بس هتعدي ان شاء الله متقلقش
مؤمن.. ان شاء الله ربنا يهدي
احمد.. مؤمن ما تعرفش هنا كانت عايزاني ليه
مؤمن.. والله ما اعرف يا احمد هنا جت العصر كده سألت عليك قلتلها انك في الشغل قالت انها عايزه تبلغك حاجه بس ما قالتش ايه هي
احمد... ماشي يا مؤمن المهم ما تقولش لماما ان ندى كانت هنا،، هو انت صحتها ولا ايه؟
مؤمن... لا متقلقش كنت متوقع اللي هيحصل ما رضيتش اقلقها
احمد.. تمام حلو قوي مخك بدأ يشتغل اهو
مؤمن.. لا انا مخي شغال على طول انت بس اللي مش واخذ بالك
احمد.. ماشي يا عم انا هاروح اشوف هنا كانت محتاجه ايه وهارجع على طول ان شاء الله
مؤمن.. خذني معاك عشان انا هاموت واعرف فيه ايه
احمد.. طب ادخل سرح شعرك بالله عليك شكلك مقزز جدا
مؤمن.. يا ابني دي قمه الوسامه تفهم ايه انت في الوسامه
احمد... لو الوسامه بالشكل ده يبقى مش عايز افهم فيها حاجه وضحكوا الاثنين ومشيوا وبرده مؤمن مشي من غير ما يسرح شعره
خبط احمد على الباب وناديه فتحت
ناديه... اهلا يا حبايبي اتفضلوا
احمد.. ازيك يا خالتي اخبارك ايه،، هي هنا فين
ناديه.. انا الحمد لله يا حبيبي هنا جت من عندكم دخلت اوضتها على طول بس كان شكلها زعلان هو حصل حاجه يا اولاد ولا ايه
مؤمن... لا ما تقلقيش يا ست الكل سوء تفاهم بين ندى واحمد وهنا زعلت عشانهم( طبعا مؤمن ما يعرفش ان ناديه عارفه موضوع احمد)
ناديه.. هي ندى كانت عندكم
احمد.. اه يا خالتي ولسه ماشيه حالا ممكن بس يا خالتي تنادي على هنا ثواني
ناديه.. حاضر يا حبيبي
ناديه دخلت تنادي على هنا
ناديه... هنا يا هنا،، قومي يا حبيبتي احمد ومؤمن بره هنا.. يا هنا وصرخت ناديه لما شافت هنا.............
__________
الحلقه ٨
رواية جراح القلب
صحيت ام احمد من النوم وقامت تدخل الحمام و تتوضا وتصلي خرجت وصلت فرضها وبصت على باب اوضه مؤمن لقيته مفتوح دخلت تشوفه ما لقيتش حد ناديت عليه وعلى احمد برده ما فيش رد قالت
ام احمد... لما اروح لناديه ممكن يبقوا عندها او شافتهم واهو بالمره تطمني على احمد رجع ولا لسه
عند هنا صرخت ناديه لما شافت هنا ما بتردش عليها وقاطعه النفس تماما
ناديه.. هنااا... هنااا ردي عليا يا بنتي قومي يا هنا وحاولت تفوق فيها
سمعها احمد ومؤمن وجريوا على الاوضه وندهو من بره
احمد... خالتي هنا ما لها ياخالتي
ناديه.. الحقني يا احمد هنا مغمي عليها
احمد.. طب انا داخل ياخالتي دخل احمد ومؤمن وكانت هنا بنفس اسألها وهي معاهم
احمد.. حاول يفوق هنا،، هنا فوقي يا حبيبتي هنا، وبص لمؤمن وقال انت هتفضل واقف كده ما تتصرف يا بني ادم
مؤمن.. حاضر حاضر راح مؤمن على التسريحه ورش من برفان هنا على ايده وقرب منها وحاول يفوقها لكن برده مفيش اي استجابه
مؤمن بدا يتوتر لانها فاقت قبل كده لما رش عليها برفان حاول مره واثنين وبرده ما فيش اي رد
احمد.. مؤمن خليك معاهم وانا هاروح انادي على دكتور ايمن يجي يشوفها
مؤمن.. لا خليك انت وانا هاروح بسرعه ونزل جري على السلم وجري في الشارع لبيت دكتور ايمن
ام احمد لقت باب شقه ناديه مفتوح دخلت وندهت وسمعت صوت ناديه بتعيط قلبها اتقبض وجريت على اوضه هنا
ام احمد.. ايه يا ناديه هنا مالها طمنيني عليها
ناديه بعياط شديد.... والله ما انا عارفه دخلت عليها لقيتها زي ما انتي شايفه كده قاطعه النفس خالص
ام احمد.. قوم يا احمد نادي على دكتور ايمن يطمنا
احمد.. مؤمن راح يا امي ينادي عليه واطمنوا ان شاء الله خير
حاول احمد يفوق هنا وقلبه كان بيتقطع علشانها ومش فاهم ليه كل الخوف ده عليها لكن هو فعلا بيخاف عليها من الهوا
مؤمن وصل ومعاه الدكتور ودخلوا على هنا احمد ضبط حجاب هنا وعدلها على سريرها ودخل دكتور ايمن
ايمن.. ايه يا جماعه ايه اللي حصل فهموني
ناديه.. حكت للدكتور ايمن ان هنا من فتره اكلها قليل ونومها قليل وعلى طول عندها دوخه
ايمن.. اطمنوا ان شاء الله خير وبدأ يفوقها وضغط على جبينها بطريقه معينه وبالفعل فاقت بس اول ما فاقت بصت على احمد وعيطت بصوتها كله
مؤمن زعل عليها جدا وقال
مؤمن.. هنا يا حبيبتي اهدي وطمنينا انتي كويسه
ايمن.. انسه هنا انتي حاسه بايه بالضبط
هنا... حاسه ان قلبي هيقف يا دكتور حاسه اني نفسي مكتوم وروحى بتتسحب مني حاسه بخنقه جامده جدا( وهنا طول الوقت بصه لأحمد)
الكلام طبعا تعب ناديه ومؤمن جدا لانهم فاهمين هنا مالها
احمد عينه اتعلقت بهنا وكان نفسه يضمها لانه مش قادر يشوفها منهاره بالشكل ده في نفس الوقت بيدي مبرر لنفسه و لخوفه عليها انها اخته لانه مش قادر يفهم مشاعره متلخبطه ليه
ايمن.. اهدى يا انسه هنا ممكن اسالك سؤال
هنا.. اتفضل يا دكتور
ايمن.. هو في مشكله حصلتلك مع حد قريب منك او حد مزعلك او حد مضايقك يعني حاجه من هذا القبيل
هنا بزعل.. ولفت وشها الناحيه الثانيه لا يا دكتور ما فيش
احمد اتخنق جدا وكان نفسه يقول لها اوعي تزعلي منها وخنقته زادت من ندى واكثر واكثر
مؤمن.. بالعكس يا دكتور دي كانت جايه فرحانه من الجامعه وبتضحك وبتهزر
ايمن.. تمام تمام عموما هي كل اللي هي فيه ده ضغط نفسي وقلة تغذيه هاكتبلها على شويه مقويات وان شاء الله هتبقى زي الفل
وكتب الدكتور الروشته واستاذن ومشي ومعاه مؤمن
ناديه.. هنا حبيبتي طمنيني عليكي انتي كويسه
هنا.. انا كويسه يا ماما ما تقلقيش
ام احمد.. ربنا يعافيكي يا قلب خالتك انتي عايزه تعرفي بنحبك قد ايه لا يا ستي احنا ما نقدرش نعيش من غير يا احلى هنون ربنا يفرح قلبك يا بنتي ويراضيكي
تعالى يا ناديه اغسلي وشك و ارتاحي شويه من الخضه اللي كنتي فيها
خرجت ناديه وام احمد وسابو احمد وهنا لوحهم في الوضه
احمد بص لهنا... ليه يا هنا توصلي للمرحله دي كل ده عشان شويه كلام فارغ سمعتيه من ندى
هنا.. كلام ندى مش فارغ يا احمد ندى اسلوبها معاي مش حلو وحاسه انها مش حابه علاقتنا ببعض وده طبعا حقها فانا قررت اننا منتعاملش مع بعض يا احمد وده عشان مصلحتك و حياتك وعشان مبقاش انا سبب مشكله بينكم في يوم من الايام وصدقني انا مش هزعل
احمد.. ايه يا بنتي كل الحوار ده عشان ايه كل ده وبعدين مش احمد المرشدي اللي بنت تمشي كلامها عليه انا ما حدش يقرر اكلم مين وما اكلمش مين فوقي يا هنا وعلاقتنا هتفضل زي ما هي لاخر العمر حتى لو معجبتش ندى لان الغلط فيها هي مش في علاقتنا، قومي يا هنا اغسلي وشك وتعالى نقعد بره شويه،، قامت هنا ودخلت الحمام
وخرج احمد وقال
احمد.. خالتي شوفي هنا نفسها تاكل ايه وانا انزل اشتريهولها فورا واهو حاجه تفتح نفسها على الاكل
ناديه.. تسلم يا حبيبي انا كنت محضره الغداء وهنا ما كملتش اكلها هادخل احضر لها الغدا وارجع على طول
ام احمد... خذيني معاكي يا ناديه
مؤمن رجع وجايب الدواء معاه
احمد.. ها يا مؤمن جبت الدوا
مؤمن.. اه يا احمد جبته،، هنا عامله ايه دلوقتي
احمد.. الحمد لله كويسه،، هي فعلا بقى لها فتره مش طبيعيه واكلها ضعيف،، ربنا يعافيها يارب،، المهم الدكتور كتبلك على مواعيد الدوا
مؤمن.. اه طبعا كتبهم
هنا خرجت من الحمام وقعدت معاهم
مؤمن.. بت يا هنا بجد حرام عليكي الخضه اللي كنا فيها كل ده عشان ما اتغدتيش تصدقي انتي بت طفسه بصحيح
هنا ابتسمت بتعب... الله يسامحك يا سيدي وبعدين غدا ايه انا تغديت مع ماما
احمد.. بس ما كملتيش اكلك
هنا قلبها دق.. كلت لحد ماشبعت هي ماما بس اللي بتحب تبالغ
مؤمن.. بس اسكتي يابت يا هنا انا كنت هاموت لو جرالك حاجه قبل ما اعرف كنتي عايزه احمد ليه ها قولي بقى كنتي عايزاه ليه
هنا ضحكه ضحكه عاليه والكل فرح لما سمعها بتضحك وقالت
هنا.. اخص عليك يا مؤمن يعني لو لو عرفت كنت عايزه احمد ليه عادي انه يجرالي حاجه
احمد.. بعد الشر عنك يا هنا سيبك منه ده عيل رخم لا وكمان فضولي جدا
مؤمن.. لا يا هنا طبعا انتي حبيبتي بس بجد عندي فضول رهيب اعرف،، قولي بقى
هنا بضحك... طب مش قايله
مؤمن.. شوف البت اللي كانت من شويه بين أيادي ربنا ايه يا هنا جاتلك الفوقا دلوقتي
هنا ضحكت ثاني.. والله يا مؤمن انت ما لكش حل ضحكتيني وانا مش قادره خلاص يا سيدي هاقول لك وامرى لله عشان اريحك،، بس ده حتى صاحب الشان نفسه ما سألش
مؤمن.. يا ستي سيبك منه المهم قولي بقى يلا
هنا.. حاضر يا سيدي وبصت لاحمد وقالت بص يا احمد النهارده وانا قاعده في المحاضره واحده صاحبتي قالت ان شركه عمها منزله اعلان بتطلب فيه محاسبين سالتها دي شركه ايه قالت انها اكبر شركه مقاولات في مصر المهم قلت لها عليك قالتلي خليه يروح يقدم،، ما سكتش انا بقى قلتلها لا احنا نروح الشركه ونتأكد من الاعلان عشان لما ابلغ احمد ابقى متاكده من كلامي،، وفعلا روحنا الشركه ودخلت لعم سلمى اللي رحب بينا جدا وفهمت منه انه محتاج محاسبين ومدير الحسابات هو هيختار المدير وبعدين هيكلفه باختيار باقي المحاسبين ولقيت ان شروط مدير الحسابات تنطبق عليك جدا وقلتله عليك قالي خليه يقابلني بكره الساعه 12 في الشركه، وصدقني يا احمد انا حاسه انك هتتقبل ان شاء الله
احمد قاعد مذهول من الكلام ومش مصدق انه هنا فكرت فيه وممكن فعلا يتحقق حلمه عن طريقها وسالها
انتي بجد عملتي كل ده!!! بجد انا مش عارف اقولك ايه، ولا اشكرك ازاي هنا انا لو اتعينت لك عليا هاجيبلك احلى هديه لاحلى هنا،، بس صحيح الشركه دي اسمها
هنا... اسمها يا سيدي الشركه المتحده للمقاولات
احمد.. اوعي يكون صاحبها مصطفى الاسيوطي
هنا باستغراب.. فعلا هو انت تعرفه
احمد.. ايوه طبعا ده راجل سمعته وسمعة شركته زي الفل هنا انا بجد بحبك قوي وادعيلي بقى تكمل على خير واتعيين وصدقيني مش هانسالك الجميل ده ابدا
هنا قلبها ده بسرعه اول ما سمعته قال بحبك جدا وقالت
احم... جميل ايه يا احمد انت اخويا ومفيش بين الاخوات جمايل
مؤمن.. يا بنت الايه كل ده يطلع منك خلاص بقى بالله عليكي لما اتخرج دوريلي على شغل انا كمان
هنا.. انت هتطمع من دلوقتي،، وضحكوا كلهم
هنا اكلت و كان مؤمن بيرخم عليها وياكل معها وقعدوا كلهم مع بعض وخلص اليوم وكل واحد روح على بيته
احمد اول ما اروح دخل اتوضا وصلي ودخل اوضته حاول يكلم ندى عشان يطمئن عليها
احمد.. الو ايوه يا ندى ازيك
ندى.. هو حضرتك لسه فاكر تكلمني ولا حضرتك ب تعاقبني عشان زعلت السفيره عزيزه
احمد.. برده اسلوبك هيفضل هو هو عمرك ما هتتغير يا ندى انا مش فاهم ازاي ما كنتش مكتشف ده قبل الخطوبه انتي عمرك ما كنتي بتتكلمي بالاسلوب ده كنتي بتراعي مشاعر الاخرين ليه بقيتي بالشكل ده ياندى؟،،
ندى... اللي زي هنا ما ينفعش ان اراعي مشاعرها لان هي مش مراعيه مشاعري،، احمد انت حتى لحد دلوقتي ما فكرتش انك تتصل ولا تطمئن انا وصلت ولا لا، زي ما يكون انا مش في دماغك
احمد.. كنت بصلح الغلطه اللي حضرتك عملتيها، هنا انسانه رقيقه ومجرد ما كلمتيها كلام زي ده زعلت جدا واغمى عليها وحالتها كانت مش كويسه
ندى.. يا عيني تصدق صعبت عليا يغمى عليها من كلمتين انا قلتهملها، ايه اللي حصل يعني وبعدين هو انا قلت ايه انا كل اللي انا قلته انتي عايزه احمد ليه
احمد.. عموما ده مش وقته الكلام ده انا كنت بتصل اطمئن عليكي بس مش اكثر
ندى.. هو انت كان همك تطمئن عليا مش كفايه انك اطمنت عليها وما فكرتش تتصل
احمد.. ندى انا ما عنديش استعداد اني اتخانق النهارده عموما نكمل كلامنا بكره تصبحي على خير وقفل احمد مع ندي التليفون وقرر ان هو ينام ويفكر هيعمل ايه في مقابله بكره
الصبح احمد ما راحش الشغل عشان يجهز للمقابله وهنا ما رحتش الجامعه بحجه انها تعبانه
ناديه.. هنا مش هتروحي الجامعه ولا ايه
هنا.. لا يا ماما مش قادره والله بلاش النهارده
ناديه.. براحتك يا حبيبتي تعالي بقى كلي حاجه خفيفه عشان تاخذي الدوا
هنا.. ماما انا بقيت كويسه ما لوش لازمه الدوا
ناديه.. تحبي انادي على مؤمن يديهولك،، هو اللي بيعرف يتصرف معاكي
هنا بضحك... لا مؤمن لا،، والله انا خايفه يجي ياخده هو مش انا ده اكل الاكل كله امبارح
ناديه.. مؤمن ده انا روحي فيه ربنا يرزقه ببنت الحلال اللي تسعدنه يا رب
هنا.. قصدك اللي تستحمله وضحكوا الاتنين
الباب خبط وناديه راحت تفتح
ناديه.. والله حماتك بتحبك كنا لسه في سيرتك
مؤمن.. يا ترى بخير ولا بشر
هنا.. بشر طبعا هو انت هيجي من وراك خير
مؤمن.. تصدقي انا غلطان اللي جاي اطمئن عليكي ماشي يا هنا المهم انتي كويسه النهارده ولا ايه
هنا.. الحمد لله يا مؤمن احسن كثير
مؤمن.. اكيد عشان اكلتك امبارح بقيتي احسن
هنا.. قصدك اكلت اكلي امبارح وضحكت
مؤمن.. الله يسامحك ده هي حته فرخه بس
هنا.. بس!! انت متاكد
مؤمن.. شكلك بصالي في الاكل وانا بقول بطني تعباني ليه،، المهم انك بخير اسيبك انا بقى عشان ما اتاخرش على الجامعه
هنا.. احمد راح شغله يا مؤمن
مؤمن.. لا يا ستي مرحش قاعد بيجهز للمقابله
هنا.. ماشي يا مؤمن زق عجلك انت بقى وطرقنا
مؤمن... بصي ياناديه اسلوب بنتك بقى سوقي قوي وضحكوا كلهم ومشي مؤمن
وهنا قالت لمامتها.. ممكن اروح عند خالتي اطمنها عليا يا ماما هتفرح قوي لما تشوفني
ناديه... خالتك برده يا هنا،، بصي يا هنا....
هنا.. قطعت كلام مامتها وقالت.. ماما بلاش اي كلام وخليني عشان خاطري اروح وصدقيني هارجع على طول عشان خاطري يا ماما
ناديه بقلة حيله.. روحي يا هنا روحي هنا راحت وخبطت على باب الشقه
ام احمد بفرحه.. هنا حبيبتي حمد لله على سلامتك يا حبيبتي عامله ايه دلوقتي
هنا.. الله يسلمك يا خالتي انا احسن الحمد لله انا قلت اجي اطمنك عليا
ام احمد.. ربنا يبارك فيكي يا حبيبه قلبي تعالى ادخلي
احمد سامع صوت هنا خرج بسرعه
احمد.. هنون عامله ايه دلوقتي
هنا بحب.... الحمد لله يا احمد انت عامل ايه وجهزت ولا لسه
احمد.. والله محتار يا هنا مش عارف البس ايه
هنا.. ممكن اساعدك ولا فيها مشكله
احمد..،، تساعديني،، انا ليا الشرف اني البس على ذوقك
هنا.. تسلملي يا احمد يا رب
احمد.. تعالى يا ستي ودخلوا الاوضه وهنا قالت بص يا احمد اهم حاجه في الشركات دي المظهر العام يبقى لازم تروح وانت لابس احلى بدله وبعدين احنا طموحنا مش محاسب لا احنا طموحنا مدير الحسابات كلها وان شاء الله من نصيبك
احمد بيبص لهنا لومستمتع بكلامها.. انا بين ايديكي اعملي فيا اللي انتي عايزاه
هنا ضحكت وقالت.. تمام سيبلي نفسك بقى
هنا اختارت لاحمد بدله في منتهى الشياكه و عليها كرافت زادت من جمال البدله وقلتله.. ايه رايك يا حضره المدير
احمد.. انا مش عارف من غيرك كنت عملت ايه
هنا...كنتت هتروح برده ما تقلقش وضحكت،، ادخل بقى خد دش متين والبس ووريني الشياكه
احمد.. هنا الواد مؤمن بقى خطر عليكي حاولي تقطعي علاقتك بيه،، قال دش متين قال،،
هنا... مؤمن ده حبيبي ما اقدرش اقطع علاقتي بيه ابدا ده هو اللي مهون عليا
احمد.. حبيبك!! ماشي يا ستي ربنا يخليكم لبعض
هنا.. يا رب المهم يلا عشان ما تتاخرش
خرجت هنا تستنى احمد اللي اول مخلص خرج لهنا و والدته احمد.. ها ايه رايكم
ام احمد.. ما شاء الله يا حبيبي زي القمر ربنا يحميك ويوفقك يا رب
هنا.. ما شاء الله احلى مدير في مصر كلها
احمد بيضحك.. انتي خلاص متاكده
هنا.. ان شاء الله انا احساسي مبيكدبش عليا ابدا
احمد.. ادعولي كلكم ربنا يوفقني يلا سلام بقى عشان متأخرش
هنا.. احمد استني وجريت عليه
احمد.. خير يا هنا عايزه حاجه
هنا.. انت نسيت الملف بتاعك وعدلت الكرافته وقالت لا اله الا الله يا احمد
بصلها احمد بحب وامتنان.. محمد رسول الله يا هنا
ونزل احمد على طول
هنا قاعده تدعي مع ام احمد ان احمد يتقبل وتبقى من نصيبه يا رب
وصل احمد الشركه ونزل راح مكتب السكرتاريه
احمد.. سلام عليكم
زينه.. وعليكم السلام خير يا فندم
احمد.. كان في ميعاد مع مصطفى بيه لمقابلتي
زينه.. حضرتك مين يا فندم
احمد.. انا احمد المرشدي
زينه.. والله قائمه المواعيد ما فيش فيها حد بالاسم ده حضرتك متاكد انه النهارده
احمد بحيره.. ايوه متاكد ممكن تساليه
زينه تمام يا فندم كلمت مصطفى بيه اللي قال انه ميعرفش حد بالاسم ده
احمد اتوتر اكثر.. حضرتك بنت اخو حضرته وصاحبتها كلموه امبارح عليا
مصطفى سمعه اه يا زينه خليه يدخل
زينه.. اتفضل يا فندم
دخل احمد بعد ما هدي نوعا ما وسلم على مصطفى
مصطفى.. اهلا يا استاذ احمد معلش والله كنت ناسي انت عارف ضغط الشغل
احمد لا ولا يهمك يا فندم كان الله في العون حضرتك شركه بالحجم ده محتاجه مخ من حديد
مصطفى ها يا سيدي كلمني عن نفسك
احمد.. الورق مع حضرتك تقدر تعرف منه كل حاجه لكن مبدئيا انا خريج كليه تجاره بتقدير امتياز والاول على دفعتي اخر ثلاث سنين وشغلي بالنسبالي هو كل حياتي
مصطفى.. ما شاء الله طب ليه متعينتش معيد في الكليه
احمد.. انا طموحي يا فندم اشتغل في مجالي مش ادرس للطلبه انا بحب شغلي ونفسي احقق كياني فيه
مصطفى.. تمام قوي ده،، وبص في ورقه كله و قال انت اشتغلت في مكاتب كثير ليه ماركزتش علي واحد بس
احمد.. المكاتب اغلبها كانت بتعلن افلاسها وده لانها قامت من الاول بدون خطه ولا سيوله وده طبعا كفيل انه يوقعها
مصطفى.. تمام قوي شكلك فعلا مجتهد،، طيب انت جاي عشان محاسب و لا مدير حسابات
احمد.. يا فندم القرار لحضرتك طبعا قبل اي شيء لكن انا اتمنى طبعا مدير الحسابات
مصطفى.. هل هتقدر يا احمد دي شركه كبيره مش مكتب صغير
احمد.. ان شاء الله ربنا هيقدرني يا فندم
مصطفى سكت شويه وقال
للاسف يا احمد..........