الحلقه ٢٤ و ٢٥
رواية 💔جراح القلب💔
بقلم شيمو الخطيب
مؤمن قاعد في اوضته ومعاه اللاب توب ومندمج جدا عليه
احمد دخل عليه ومؤمن محسش بيه نهائي
احمد... مؤمن،، مؤمن،، انت يابني مالك كده مشغول في ايه
مؤمن... اسكت يا احمد انا بصمم برنامج يقدر يهكر اي جهاز بس في حاجه معصلجه معايا
احمد... انت بتتكلم بجد يا مؤمن، يهكر اي جهاز
مؤمن... اه والله، انت ناسي ان تخصصي كمبيوتر، ده غير اني باخد كورسات برمجه، انا نفسي اعمل طفره في عالم الكمبيوتر
احمد.... أنا فخور بيك يا مؤمن، ربنا يوفقك ياحبيبي
مؤمن... طب حيث كده متشوف لاخوك شغلانه عشان اقدر اصرف بيها على نفسي، انا تقلت عليك قوي يا احمد
احمد.... عيب تقول كده يا مؤمن، انت اخويا وابني وكل حاجه ليا، يابني والله العظيم انا مبيكملش يومي غير بيك،
مؤمن.... هههههه بيا انا بس، (وغمز بعينيه)
احمد.... لا متقلقش هنا اليوم من غيرها مبيبدأش اصلا، ههههههه
مؤمن.... ايوه كده، ياعم تعبتنا، ربنا يسعدك يا احمد، ويخليك ليا يارب
دخلت عليهم ام احمد لقتهم حاضنين بعض ابتسمت ودعت ليهم دعوة ام صادقه ان ربنا يصلح حالهم ويسعدهم يارب
**************
مي طبعا في شقتها فوق
مي.... ماما انا زهقانه ونازله لهنا
عايده... جايز نايمين يابنتي ولا حاجه
مي... ولو نايمه تصحى، انا مش عارفه اقعد من غيرها بصراحه
عايده،،، بصراحه الواحد مبقاش قادر يستغنى عنهم، دول لو عيلتنا مكنوش عملوا معانا اللي عملوه، ربنا يصلح حالهم كلهم يارب
الباب خبط وكانت هنا
مي فتحت الباب
مي.... هنا كنا لسه في سيرتك والله
هنا.... في الخير ولا في الشر
مي.... وده كلام تقوليه ياهنا،، في الشر طبعا هههههه
عايده..... متسمعيش كلامها ياهنون، دي بتهزر، دي كانت لسه عايزه تنزلك تقعد معاكي
هنا... أنا عارفه انها رخمه وبتهزر ياخالتي، انا لقيت نفسي زهقانه قولت اطلع اقعد معاها، حتى ماما قالتلي نزلي خالتك عايده تقعد معايا
عايده... حاضر انا برده قعدتها وحشتني هي وأم أحمد والله
مي... بت ياهنا، بمناسبة احمد، متيجي نرخم عليه ونخليه يفسحنا شويه، اهي العربيه تعمل بلقمتها معانا هههه
هنا.... بلقمتها، هههههه والله انتي مجنونه، معرفش بصراحه ممكن يكون نايم ولا حاجه
مي... تعالي ننزل نرخم عليهم
عايده.... مي، مينفعش كده، وراعي انهم رجاله، يعني ميصحش كل شويه تكونوا عندهم
مي.... فيه ايه ياماما، انا مش قصدي حاجه، انتي عارفه كويس علاقتنا ببعض عامله ازاي
عايده... عارفه ياحبيبتي، وواثقه فيكوا جدا، لكن الناس متعرفش
واحنا مش عايشين لوحدنا، فياريت تراعو حتة زي دي
هنا... خلاص ياخالتي متقلقيش، هي مي متقصدش حاجه، يلا ننزل نقعد مع ماما عشان منتأخرش عليها
ونزلوا كلهم
مي... هنا، هو انا غلطت في حاجه بكلامي، انا مقصدش حاجه والله
هنا.... أنا عارفه يامي، انتي بتقولي بعشم لكن هي الأمهات كده، بتبقي شايفه حاجات احنا مش شايفينها بحكم خبرتهم في الحياه والناس، فمتز عليش خالتي متقصدتش تعالي ننادي على خالتي ام احمد وبرده ترخم عليهم ولا تزعلي نفسك ابدا هههه
*****
ام احمد.... حبايبي تعالو اتفضلوا،
هنا... لأ نتفضل ايه، تعالي ياخالتي في اجتماع عائلي عندنا
ام احمد... ليه خير، في حاجه ولا ايه
مي... لا يا حبيبتي متقلقيش دي ماما وخالتي ناديه قاعدين مع بعض ومستنينك
ام احمد.... طب بقولكوا ايه، خليهم يجوا هنا، اصلي بعمل شوية رز بلبن يستاهل بقكوا،،
مي .... الله، الله، الله، لا بقه استنى اناديلهم واجي في ثانيه
هنا.... هههههه طفسه طول عمرها
احمد خارج من الحمام بتيشرت كات وبنطلون وبينشف شعره وشكله يجنن، واتفاجئ بهنا
احمد... هنا تعالي،، انتي موقفاها على الباب ليه يا امي
هنا تايهه في شكل احمد سرحانه فيه، وفاقت على صوت ام احمد
ام احمد.. هنا ادخلي يا حبيبتي
هنا دخلت واحمد شدها من ايدها، في اللحظه دي حست انها نفسها تترمي في حضنه وتقوله بحبك لانه فعلا وحشها جدا
هنا... احم، انا هروح انادي لماما يا احمد
احمد... هي هتيجي دلوقتي، وبعدين مي اكيد هتناديلها، هنا،،،، (وبص في عينها)
وحشتيني، ياهنا
هنا قلبها دق بسرعه لدرجة ان نفسها بدأ يروح وايدها بتترعش
احمد لاحظ توترها.. مسك ايدها وقالها
مالك ياهنا، انتي متوتره قوي كده ليه، انا بقولك وحشتيني، مش مستهله كل التوتر ده
هنا.... احم،، لا يا احمد مش متوتره خالص، انا زي الفل، بس ماما اتأخرت قوي
احمد.... ماما، ماما، ايه يابنتي، انتي تايهه منها ولا ايه.،مالك كده، اهدي وهدى اعصابك انا ماصدقت شوفتك، لوعدي عليا ساعه من غير مشوفك، بجد ياهنا انا مبحسبهاش من عمري
هنا... بصت في عين احمد وسرحت فيهم وبدون وعي قالت
احمد، انا بعشقك
احمد.... يااااااااااه اخيرا ياهنا، تعبتيني يا شيخه، بس انا مش بعشقك ياهنا، انا عديت المرحله من زمان، انا بقيت في مرحلة مابعد العشق، هنا انا بجد مش متخيل حياتي وانتي مش فيها.، انا بحبك حب عدي كل الحدود، ربنا يديمك نعمه في حياتي يارب يا اغلى عندي من نفسي
هنا.... بصت في الأرض وسكتت، وبتفرك ايديها في بعض
احمد حس بتوترها، قالها تعالي ندخل لام احمد، نشوف ايه الريحه الحلوه دي
هنا بسرعه... اه أصلها عامله رز بلبن
احمد.... الله، الله تعالى ندخلها
هنا... هو مؤمن فين يا احمد
احمد... مؤمن في اوضته بيعمل شوية حاجات على اللاب بتاعه
هنا... ماشي يا احمد
احمد.... احلى مره بسمع فيها اسمي بيبقى منك انتي، بعشقك يابنت ناديه والله وغمز لها بعينيه
هنا اتكسفت جدا منه وجريت على المطبخ لام احمد
ناديه وعايده ومي، دخلوا وسهروا كلهم مع بعض، لكن مؤمن كان في اوضته مشغول وده دايق مي جدا
مؤمن فضل فتره كبيره مشغول بالبرنامج بتاعه وبكورسات البرمجه والكمبيوتر اللي بياخدها، وكان قليل جدا لما بيتكلم مع حد، ومي زعلت منه جدا لأنها كل متكلمه يقفل بسرعه ويقول انه مشغول وقررت متتصلش بيه تاني
هنا عايشه مع احمد احلى قصة حب وبدأت تتجاوب مع احمد نوعا ما، واحمد كان اسعد واحد في الدنيا كلها بالتقدم اللي في حياته
مصطفى بيه تعب فجأه واحمد نقله المستشفى وفضل معاه لحد ما يطمن عليه بس هو اتحجز في المستشفى لان كان عنده نقص في الأكسجين ولازم يتحجز لحد مالحاله تستقر، واحمد كان كل يوم بيروح يطمن عليه ويمشي
رئيس مجلس إدارة الشركه انتهز. فرصة غياب مصطفى بيه واتحكم في الشركه ومشاها على مزاجه وده دايق احمد جدا، لأنه بيتعامل بأسلوب مش كويس وكل الموظفين اشتكوا منه كتير، لكن احمد محبش يشغل بال مصطفى وكان دايما بيقوله ان كله تمام والأمور ماشيه زي الفل
حسن طبعا مكمل مع ندى وبيوعدها وعود كتير وهو عارف انه مش هينفذ حاجه منها، ندى بالنسباله مجرد اداه يوصل بيها للي هو عايزه، وبعدين يرميها
**************
احمد في الشركه
احمد... رشا شوفي استاذ حسن فين وخليه يجيلي حالا
رشا... حاضر يافندم ثواني
حسن دخل لأحمد
حسن... خير يافندم رشا بلغتني ان حضرتك عايزني
احمد.... انت كنت فين يا حسن، مش على مكتبك ليه
حسن... كنت عند استاذ حازم مدير مجلس إدارة الشركه، خير في حاجه
احمد... وانت عنده بتعمل ايه
حسن بضيق... كنا بنتكلم في المناقصه الجديده لمصنع هيتبني،
احمد... وهو المفروض يكلمك انت ولا انا، اظن ان كل واحد هنا ليه اختصاصه، ومينفعش نتعداه، والمفروض كان اتكلم معايا انا
حسن... والله حضرتك تقول الكلام ده ليه هو مش ليه انا، محتاج مني حاجه يا استاذ احمد،
احمد،... لا اتفضل انت دلوقتي
فلاش باك
نادر....هو مين ده يا احمد
احمد... ده محاسب هنا في الشركه،، بس ليه بتسأل يا نادر
نادر.... مش عارف انا مش مرتاحله ، نظراته وطريقته مش مريحني خالص، حتى البنت السكرتيره بتاعتك، بحكم خبرتي، هي عامله حاجه او بتخطط لحاجه، لاني اول مقولتلها، اني ظابط ارتبكت جدا، وده مريحنيش
خلي بالك منهم ياأحمد، انا مش مطمن ليهم بصراحه
احمد،، سرح شويه في كلام نادر، وقال ربنا هو اللي بيسترها يا حضرة الظابط، سيبها لله
*********
في الوقت الحالي
احمد.... شكل كلامك صح يا نادر وكل شكوكي فيهم صح،، انا لازم افتح عيني عليهم والا هيبوظوا الدنيا،، ربنا يشفيك يا مصطفى بيه وتقوم بالف سلامه
**********
مي دخلت لهنا اوضتها
مي... انتي بتكلمي مين ياهنا
هنا... دي ولاء بطمن عليها، تعالي اقعدي وانا هخلص اهو
مي لا براحتك انا هخرج اقعد بره
هنا... لا خلاص استنى، انا خلصت اهو،،(وقفلت هنا مع ولاء) مالك بقه ياستي
مي... مخنوقه قوي ياهنا،، مؤمن مبقاش في دماغه اي حاجه غير اللاب وبس، كأنه مش عايش مع حد
هنا.... انتي عارفه مؤمن، لما بيحط حاجه في دماغه، ميسبهاش الا لما يخلصها، ادعيله ربنا يوفقه
مي... وانا فين من كل ده، طب على الاقل يكلمني، يطمن عليا
هنا.... مي، مؤمن مطمن عليكي، طول ما انتي معانا، وقدام عينه، يعني مدايقيش نفسك وتنكدي عليها، هو هيخلص وهيقرفك برخامته وهزاره
مي.... والله انتي اللي رخمه، متقوليش عليه كده
هنا.... لا والله، مش لسه يابنتي كنتي بتشتكي منه دلوقتي، والله امرك غريب
مي.... اشتكي منه اه، لكن تشتميه لأ(،سكتت شويه وقالت) وحشني قوي ياهنا، وحشني كلامه، وهزاره، وكل حاجه فيه، ودموعها نزلت
هنا.... لا لا لا، ايه كل ده، للدرجادي بتحبيه يابت،، بصراحه هو يستاهل ههههه
مي... متبقيش رخمه، انا غلطانه اني كلمتك، خليكي في احمد احسنلك
هنا.... هههههههههه خلاص متزعليش حقك عليا انا
وقعدوا اتكلموا مع بعض كتير
*****************
نروح لسلمي وفارس
فارس بيكلم سلمي واتقربوا من بعض، وفارس حس انه اتعلق بيها لكن لسه مقررش يعترف ليها لانه لسه بيختبر مشاعره
سلمي كل يوم تثبت لفارس حبها واهتمامها وفارس كان حابب ده جدا
ندى اتصلت على فارس
فارس،،، ايوه ياندي ازيك
ندى.... الحمدلله، ايه يابني فينك، من يوم مفسخت خطوبتي بصاحبك وانا معرفش عنك حاجه
فارس... معلش مشغول والله ومش فاضي
ندى... مش فاضي حتى تكلمني
فارس... مش فاضي اكلم حد اصلا، المهم انتي عامله ايه
ندى... أنا تمام الحمد لله، اخبار صاحبك ايه
فارس... صاحبي مين!!!
ندى.... احمد طبعا
فارس،، هو انتي مش عايزه تقولي اسمه لازم صاحبك يعني
ندى... بصراحه انا مش طيقاه يافارس
فارس... ولما انتي مش طيقاه، بتسألي عن اخباره ليه
ندى... مالك يافارس طريقة كلامك رخمه كده ليه، انت مدايق اني كلمتك
فارس،،، لا ابدا، انتي بس حساسه زياده عن اللزوم
ندى.... امممممم، شكلي كلمتك في وقت مش مناسب
فارس... بصراحه مشغول قوي ياندي ومش عارف اكلمك، اول مفضي هتصل بيكي على طول
قفلوا مع بعض وفارس لأول مره يتخنق من مكالمته مع ندى وميحبش يكمل معاها المكالمه
اما ندى مستغربة طريقة فارس الجديده اللي هي مش متعوده عليها
***************
نرجع لمى وهنا
مي... هنا انا نازله اشتري اي حاجه تسلينا من السوبر ماركت وجايه، عايزه اشم هوا، بجد مخنوقه
هنا... مبلاش، مؤمن لو شافك هيزعل
مي... هو مؤمن بيشوف حد، انا هنزل بسرعه وهاجي
هنا... اوك براحتك
هنا وقفت في البلكونه تبص على مي
ومي نزلت فعلا السوبر ماركت
وكان بعيد شويه عن البيت
مي محدش عارفها في الحي قد كده ومَيعرفوش هي تبع مين
في شباب واقفين على أول الشارع وبدأوا يدايقوها ويقربوا منها
مؤمن جاي من الكورس بتاعه لمح مي وحاوليها الشباب
مؤمن.. مي انتي بتعملي ايه هنا
مي.... سكتت واتصدمت لما شافته وخصوصا ان حواليها الشباب بيدايقوها، لكن حمدت ربنا انه جه
واحد من الشباب اللي شكلهم مش طبيعي.... ايه يا كابتن، هي تخصك ولا ايه
مؤمن... اه تخصني، وابعد بالذوق بدل مبعدك بالعافيه، اطلعي انتي يامي فوق
واحد مسكها من دراعها وقال
بس هيا لازمانا ياكابتن، ايه عندك مانع ولا حاجه
مؤمن لا إرادي، خبطه في وشه خبطه جامده وقاله شيل ايدك من عليها يا حيوان
مي جريت بعيد ووقفت تستنى مؤمن، وكل الناس اتلمت حواليهم وحاولو يشدوا مؤمن لان الشباب؛ كلهم مش في وعيهم والكل خاف على مؤمن
لكن مؤمن مش مهتم بكل ده، كل اللي مدايقه انه ازاي يلمس مي ويتجرأ يمسكها بالطريقه دي
الشاب بص لمؤمن وقاله انت بتمد ايدك عليا، طيب بص لايدك كويس لأن شكلها هتوحشك يا كابتن، وطلع مطواه وهجم على مؤمن
مي... مؤمممممممن..........
الحلقه ٢٥
من رواية 💔جراح القلب💔
هنا واقفه في البلكونه وشايفه ان في حركه غريبه في الشارع والناس بتجري
وفجأه سمعت عم عبده حد بيقوله الحق بشمهندس مؤمن
عم عبده ساب اللي في ايده... ماله البشمهندس فيه ايه
الولد.... قتلوه، ضربوه بمسدس ياعم عبده
عم عبده جري وساب المحل وبيقول يعني صوت الرصاص كان على مؤمن، يارب سلم، يارب سلم
هنا واقفه مصدومه وفجأه قالت بصوت عالي... مؤمن!!! مؤمن لأ، مؤمن لأ ولبست اسدالها وجريت
نزلت الشارع بتجري
لقيت الناس ملمومه حوالين مؤمن ومي شايله راسه على رجلها وبتعيط والناس بتقول اتصلنا بالاسعاف وزمانه جاي
هنا... ...مؤمن... رد عليا،مؤمن مؤمن (وبصوت عالي وانهيار)
مبتردش عليا ليه، انا لازم انادي احمد
وجريت على البيت تنادي احمد
ام احمد... تعالي ياهنا،
هنا... فين أحمد بسرعه ياخالتي
ام احمد،،، مالك يا حبيبتي فيكي ايه
هنا مردتش ودخلت بسرعه أوضة احمد
وصحته
هنا.. احمد قوم بسرعه والنبي، احمااااد
احمد... ايه، ايه، هنا!!!! في ايه ياهنا
هنا... قوم بسرعه مؤمن ناس ضربوه بالرصاص بسرعه يااحمد والنبي
احمد... مؤمن،، قام بسرعه ولبس هدومه
ومن غير حتى ميغسل وشه نزل جري
ام احمد... احمد استنى يابني انا هاجي معاك،، احمد،، يااحمد
ناديه خرجت في ايه يا ام احمد بتعيطي ليه
ام احمد.. مؤمن،، يا ناديه، مؤمن،، (وبعياط) لا لا انا لازم انزل اشوفه ونزلت جري على السلم
عايده وناديه،، طب استني فهمينا ايه اللي حصل
ام احمد سابتهم ونزلت وبتجري في الشارع لكن احمد كان خد مؤمن وطلع بيه على المستشفى
ناديه... تعالي يا ام احمد، حد يفهمنا ياجماعه مؤمن ماله
عم عبده.. ناس ولاد حرام ضربو على الباشمهندس نار، واستاذ احمد خده وطلع بيه المستشفي
ناديه. يانهار ابيض،ياحبيبي يابني، حسبي الله ونعم الوكيل، ربنا ينتقم منهم يارب
عايده... ومحدش يعرف مين دول
عم عبده.. والله انا مشوفتهمش هما ضربوه وجريو، ربنا يطمنا عليك ياغالي
ناديه وعايده بيحاولوا يهدوا ام احمد، بس هما نفسهم قلقانين ومش عارفين يعملو ايه
***********
دخل احمد مستشفى النور بسرعه وسأل على دكتور وكان مؤمن فاقد الوعي تماما
الدكتور وصل وطلعه بسرعه يكشف عليه خرج وقال... بسرعه،،، جهزوا العمليات حالا وبلغوا دكتوره نور ان في عمليه
احمد... خير يا دكتور.. مؤمن عامل ايه، طمني الله يخليك
دكتور محمد... مؤمن نزف كتير جدا ولازم نقل دم حالا، ولازم يدخل العمليات دلوقتي عشان نطلع الرصاصه،
مي.... يعني ايه يا دكتور، يعني مؤمن ممكن يروح مننا
دكتور محمد.... لأ ان شاء الله خير، احنا لازم نلحق نخرج الرصاصه واللي مطمني انها في كتفه يعني بعيد عن القلب وده من فضل ربنا عليه، اهم حاجه انا عايزكو تتطمنو وان شاء الله هيبقى زي الفل
هنا بتعيط واحمد منهار لكن بيحاول يتماسك ومي مش قادره تقف من اللي شافته
احمد... مي احكيلي ايه اللي حصل بالضبط
مي.بعياط.... أنا نزلت السوبر ماركت اشتري شوية حاجات، كان في شباب واقفين على أول الشارع اول مشافوني، حاولو يدايقوني كتير وقعدوا يلفوا حواليا، مؤمن كان راجع من الكورس، شافني وقالي اطلعي فوق، لكن واحد مسكني وقاله هي لازمانا، مؤمن اتجنن عليه وضربه في وشه جامد لدرجة انه نزف، قام واتهجم عليه عشان يضربه بمطوه لكن الناس لحقته وبعدوه عن مؤمن، وسكتت ومقدرتش تكمل
احمد... اهدي وكملي يا مي
مي.... المشكله ان في واحد تاني منهم طلع مسدس بسرعه وضرب مؤمن وجرى ، انا خايفه عليه قوي يا احمد، انا بموووووت
احمد... سابها وسند راسه على باب الاوضه اللي فيها مؤمن وبيدعي ربنا يقومله اخوه، لأنه مالوش غيره وميقدرش يتخيل حياته من غير مؤمن
هنا.... احمد. قولي ان مؤمن هيبقى كويس، انا عايزه حد يطمني حاسه اني في كابوس
احمد... إن شاء الله ياهنا هيبقى زي الفل، ادعيلو ياهنا، اكيد ربنا مش هياخده مني، اكيد مش هياخد روحي ، مؤمن ده عيلتي كلها، وبدموع، مؤمن مينفعش يسيبني ويمشي، هو قال انه هيبقى معايا في كل لحظه بعيشها، قالي اننا عمرنا مهنفترق ابدا، قال انه حتى لو جاله سفر بره عمره مهيسافر، لأن روحه متعلقه فينا، مؤمن هيقوم وهيبقي كويس، عشاني وعشان امي وعشان مي وعشان كله اللي بيحبوه
هنا.(شافت حالة احمد بالشكل ده.قالت.)..اهدي يا احمد،، ان شاء الله هيبقى كويس
دخل دكتور محمد يجهز مؤمن للعمليات وجات الدكتوره نور
فهمت حالة مؤمن من دكتور محمد وجهزت عشان تدخل العمليات
وكانت مي وهنا صعبانين عليها جدا ونفسها تروح تطمنهم وفعلا راحت تكلمهم
نور... اطمنوا يابنات، ان شاء الله هيكون بخير
مي،، ان شاء الله يا دكتوره، بس هو مؤمن حالته خطر بالله عليكي طمنينا
هنا... لا يا مي متقوليش كده، حالته ان شاء الله هتتحسن
نور... مي، ان شاء الله مفيش خطر ولا حاجه، وأن شاء الله ربنا هينجيه، عشان خاطر الحب اللي انا شايفاه في عنيكو ده ادعوله بس وبإذن الله هيقوم بالسلامه
مي.... يااااااااارب
وفعلا مؤمن دخل العمليات
احمد افتكر ان اكيد والدته هتموت من القلق حاول يدور على الموبايل لكن للأسف نساه وهنا مش معاها حتى مي نسيته
**********
عند احمد في البيت
ام احمد وناديه وعايده قاعدين في الشارع والناس بتهدي فيهم ونفسهم يعرفوا احمد خد اخوه وراح بيه فين عشان يروحوا يطمنوا على مؤمن
ام احمد قاعده بتعيط وبتدعي من قلبها ربنا ينجي ابنها ويحميه
فارس دخل بالعربيه وكان جاي لأحمد يحاول يعتذرله، بص لقى والدة احمد في الشارع وبتعيط
فارس.... خالتي، مالك قاعده كده ليه، وبتعيطوا ليه كده
عم عبده... شوية عيال بلطجيه ضربو البشمهندس بالرصاص وجريو منهم لله، ربنا ينتقم منهم
فارس.... بصدمه، بشمهندس مين
ام احمد... مؤمن، يافارس يابني، ضربوا ابني ونور عيني، ربنا ينتقم منهم، حسبي الله ونعم الوكيل فيهم
فارس... مؤمن!!!! طيب وهما فين دلوقتي
ناديه... والله يافارس منعرف احمد خد اخوه بالعربيه ومي وهنا، وللاسف تلفوناتهم مش معاهم ومنعرفش حاجه عنهم، وهنموت من القلق
فارس سابهم وجرى ركب عربيته وفكر كتير ممكن احمد ياخد مؤمن ويروح فين
قال انا هطلع على مستشفى النور اسأل هناك ممكن يكون دخله فيها
وفعلا وصل الاستقبال
فارس... لو سمحتي في حاله دخلت هنا، لشاب مضروب رصاصه
البنت في الاستقبال... اسمه ايه يا فندم
فارس... مؤمن المرشدي
البنت... اه يافندم موجوده وتقريبا هو في العمليات حاليا
فارس... شكرا ليكي جدا، وسابها وجرى على أوضة العمليات
لقى احمد وهنا ومي، لكن حالتهم وحشه جدا
فارس.... حط ايده على كتف صاحبه، الف سلامه على مؤمن يا احمد، ان شاء الله هيبقى كويس
احمد بص لفارس واترمي في حضنه، ودموعه نزلت
احمد... أنا خايف يافارس، حاسس اني روحي بتطلع مني، ده مؤمن يا فارس، عارف يعني ايه مؤمن
فارس،،،، عارف ياصاحبي، مؤمن غالي عندنا كلنا وان شاء الله هيقوم بالسلامه
احمد.. بس انت عرفت ازاي يافارس
فارس.... انا رحتلك البيت وخالتي قالتلي على اللي حصل وتوقعت انك ممكن تجيبه هنا بما ان مصطفى بيه محجوز هنا برده، والحمد لله توقعي طلع صح
احمد... ااااه،،، امي،،،، زمانها قلقانه قوي خصوصا ان مش معايا تليفون اطمنها
فارس... متقلقش يا احمد،انا هطمن على مؤمن واروح اجيبهم على هنا، وبعدين هتصل بيهم دلوقتي اطمنهم
احمد بص لفارس وسكت
فارس حاول يتصل على تليفون احمد لكن محدش بيرد خالص لأنهم قاعدين في الشارع مستنين اي حد يطمنهم
فارس بص على هنا ومي ولقي مي منهاره جدا، لكن محبش يكلم اي حد فيهم عشان ميدايقش احمد واكتفي انه قرب منهم كلهم وبصوت عالي قال
فارس... بدل مإنتو قاعدين تعيطوا، ادعوله وان شاء الله هيقوم بالسلامه، ******************
مصطفى قاعد في اوضته ومش بيفصلوا جهاز الأكسجين عنه لانه للأسف، عنده نقص أكسجين شديد
مصطفى... (يدوب يشيل الجهاز يتكلم ويرجع يحطه تاني) هو مفيش امل تشيلو الجهاز ده عني
الممرضه... إن شاء الله هيتشال، بس محتاجين شوية وقت، نظبط نسبة الأكسجين وهتبقى زي الفل
دخلت الدكتوره عنده،
دكتوره نرمين.... ازيك يامصطفى بيه، يارب تكون بقيت احسن
مصطفى... الحمد لله على كل حال يادكتوره. بس انا حاسس اني هعيش بقية عمري على الجهاز ده،
نرمين.... ليه،!! مين قال كده ده انت هتقوم وتبقى زي الفل، بس كام يوم كده وترجع شركتك بالف سلامه
مصطفى... يارب يا دكتوره، معلش يا دكتوره ممكن تجيببلي الموبايل، عايز اكلم أحمد، مجاش النهارده، وعايز اطمن عليه
نرمين... تقريبا هو موجود هنا، كان جايب اخوه، وللأسف كان مضروب بالرصاص وهو دلوقتي في العمليات
مصطفى بصدمه وعدم فهم،،، مين اللي مضروب!! احمد!!!! ومش قادر يقوم
نرمين... لا لا متقلقش، اخوه تقريبا اللي مضروب، بس هو في العمليات ود. محمد. و د/نور معاه
مصطفى... طيب ممكن تبلغيه يجيلي، انا مش قادر اروح اطمن عليه
نرمين.. حاضر ارتاح انت وانا هبلغه
خرجت نرمين وراحت لأحمد
نرمين... استاذ احمد
احمد بصلها بقلق وتعب،... وسكت
نرمين... اطمن متقلقش، ربنا ان شاء الله معاه ده غير انه معاه اكبر دكاتره، ان شاء الله هيقوم بالسلامه
احمد... يااااااااارب
نرمين... معلش بس مصطفى بيه طالب يشوف حضرتك
احمد... هو حالته ايه دلوقتي
نرمين... متقلقش هو كويس الحمد لله، بس سأل عليك وكان عايز يكلمك، لكن انا قولتله انك مع اخوك هنا في المستشفى
احمد.... حاضر انا هروحله حالا
هنا عنيها على نرمين واحمد، وخايفه يكون فيه حاجه والدكتوره بتقول لأحمد عليها
هنا.... احمد،، فيه ايه، هي الدكتوره قلتلك حاجه على مؤمن
احمد... لا متقلقيش، ده مصطفى بيه محجوز هنا وطالب يشوفني، بصي ياهنا، انا هروح اطمن عليه وهاجي على طول
خرج دكتور محمد ودكتوره نور من العمليات
جريت مي وهنا وفارس عليهم
فارس... خير يا دكتور طمنا
محمد... اطمنوا، كل شيئ ماشي تمام هو بس هيطلع العنايه المركزه، وأن شاء الله هيبقى تمام
مي... عنايه، وعيطت جامد، نور قربت منها
نور... انتي مراته..
مي بصتلها وسكتت
نور فهمت انها ممكن تكون حبيبته
نور.. متقلقيش يامي، ان شاء الله هيقوم بالسلامه، وبعدين بدل متعيطي كده، ادعيلو ان ربنا يقومه بالسلامه، و الحمد لله الرصاصه مش في مكان خطر نخاف منه، فنحمد ربنا ونقول الحمد لله على كل حال
مي وهنا... الحمد لله، ربنا يقومه بالسلامه يارب
احمد قابل د محمد وهو راجع
احمد جري عليه
ها يا دكتور طمني بالله عليك
محمد... اطمن يا احمد والله زي الفل والحمد لله،
احمد... طيب هو خرج
محمد.. خرج بس طلع العنايه وان شاء الله يومين كده ويروح اوضه عاديه
انا عايزك تبقى جامد كده لانه البنات منهارين، ولازم يابطل تطمنهم، وصدقني لو فيه حاجه انا هبلغك على طول
احمد... إن شاء الله يا دكتور، والف شكر لحضرتك
ناديه طلعت جابت موبايل احمد من الشقه وقالت جايز حد فيهم يكلمنا عليه
ولقيت ان فارس اتصل
كلمت فارس
ناديه.... ايوه يافارس يابني طمني ايه الاخبار
فارس... كله تمام ياخالتي متقلقش
ناديه... يعني انت عرفت هما فين
فارس انا معاهم والله والأمور زي الفل
ام احمد دخلت عليها
خير يا ناديه عرفتي حاجه
ناديه.. ها يافارس انتو فين بالظبط ومؤمن عامل ايه
فارس.. مؤمن في العنايه المركزه دلوقتي
ناديه... ايه العنايه؛؛؛!!!
وفجأه ام احمد وقعت