جرسونه
(البارت الاول والثاني)
بقلم اسيل
زاهد: جاهز يا بطل
شاهد خد نفس: جاهز اكيييد انا مش مصدق اني هتجوزها بجد حاسس اني طاير من الفرحه
زاهد: يا جامد كبرت ياسطا و بقيت عريس عقبالي يا رب
شاهد: يا موكوس مين هترضى تتجوزك
زاهد:نعممم لا يابابا دا انا بنات مصر كلها بتجري ورايا بس
(قعد على الكرسي وهو بيتخيل)ملقيتش البنت الي تملى عيني كدا عايز من اول ما اشوفها كدا احبها خبط لزق كدا
شاهد: ياسيدي يا سيدي ايوا بقا انت شكلك بتحب يلا من ورايا صح
زاهد: 🙂كان زماني مكانك يا حسره
شاهد بص في الساعه: نفسي اعرف بيعملو ايه كل دا
زاهد: يت بابا دول بنات يعني مش هيخلصو ولو بعد ايه حتى
شاهد: اقنعتني يا ابني يلا هروح اكمل
زاهد:وانا كمان
_شاهد الجندي ٢٥ سنه ببشتغل في شركته الخاصه و عايش مع اخوه الي شفناه من شويه النهارده فرحه على خلود ودي تعتبر جارته و سكيرتيرته 😃وبيحبها جدا اكثر مما تتقعو و مضدقش نفسه لما وافقت عليه🥺
_زاهد الجندي ٢٥ سنه و تؤام شاهد بس مش نفس الشكل شخصيته مرحه وبيشتغل مع شاهد في نفس الشركه ☺
نرجع ثاني
******************
واقفه بفستان فرحها بتوتر و بتفرك في ايديها بقلق : طب يا رب اعمل ايه ايه الورطه ااي حطيت نفسي فيها دي يا رب طلعني من الكابوس دا🤯
_مالك يا انسه خلوود في ايه في حاجه مديقاكي
خلود بصوت عالي: ملكيش دعوه بيا اطلعي برااا
_طيب طيب طالعه (في سرها)ايه الناس دي عماله تتنطط علينا
خلود قعدت بخوف و هي بتعيط: يا رب انا ايه الي عملته دا
قاطعها صوت تليفونها واول ما قرت الاسم فتحته بسرعه
خلود: انت فين ازاي تسيبني كدا انا معملتش حسابي توصل لحد كدا لا اتصرف شاهد زمانه جاي 😰
حمزه :اهدي يا خلود كله هيبقا تمام حاولي تغيري لبسك الي انتي لبساه دا و تطلعي انا مستنيكي تحت ومحدش هيعرف يوصلك بس انتي حاولي تتصرفي ارجوكي
خلود مسحت وشها من كتر العرق و التوتر: هحاول هحاول بس هنعمل ايه في بابا و ماما و الناس دي كلها بعد ما اجي دول هيبقا وشهم في الارض بسببي مقدرش اعمل فيهم كدا
لا مستحيل وازاب
حمزه :اتصرفي يا خلود شوفي اي بنت من عندك اديلها قرشين يمشو نفسهم بيه وبالنسبه لاهلك يا ستي متقلقيش يعني كلها يومين و هينسو ويرجعو زي الاول بقا اخلصي يعني يرضيكي تبقي مرات حد ثاني
خلود بصوت عالي: هو ايه الي اتصرفي اتصرفي اعملك ايه انا يعني و بعدين هجيبلك فلوس منين انا دلوقتي
حمزه :بقولك ابه مش عايز وجع دماغ انا جاي اهو بس انجزي غيري الفستان دا
خلود : طيب طيب
_اكيد عرفتوها خلود ٢٤ سنه تبقا سكيرتيرة شاهد او الي هتبقا مراته بعد شويه بس شكل فرحته مش هتتم 💔
حاولت تمسح كل الي على وشها دا بأسرع وقت ولسه بتجيب هدومها علشان تغير لقته دخل بسرعه بلبس الخدم وهو بيبص يمينه وشماله علشان محدش يشوفه دخل وقفل الباب بسرعه وهي اول ما شفته جريت عليه بسرعه
حمزه:انتي لسه مغيرتيش الهباب دا 😡
خلود: بحاول اشيل الزفت دا كله مش عارفه ايه كل دا
حمزه: مش وقت كلام خالص انجزي ادخلي غيري
خلود:طيب طيب
جريت علشان تغير فستنها وتلبس لبسها العادي بس قبل ما تتحرك.....
**************
لابسه جيبه سوده لتحت الركبه و بلوز ابيض في اسود و شعرها ديل حصان 😍وكانت بتجهز الحاجات الي هيقدموها للضيوف
سميه: دااااارلييييين
دارلين لفت تشوف مين الي بينادي و ابتسمت لما شافتها: ايوا يا قلبي في حاجه
سميه: ايه يا بنتي انتي لسه مروحتيش عند العروسه دي طالبه حاجه تشربها من زمان
دارلين ضربت وشها بصدمه: نسيت ارووح يالهوووواي دا لو المدير شافني هيمسح بكرامتي الارض انا هروح
سميه: انجزي روحي بسرعه وانا هسعدهم
دارلين :اشطات يا مزه
سميه: بنتتتتتت
دارلين:خلاص خلاص😂
دارلين مشيت و بتضحك ورايحه لخلود علشان تديلها الي طلبته
زاهد شافها صفر : مززززه
دارلين : ما تحترم نفسي يا استاذ انت😡😤
شاهد طلع راسه من الاوضه بسرعه وبعدين طلع كله: احم تعالى يا زاهد يا حبيبي (جز على سنانه) معلش يا انسه اصل دماغه تعبانه شويه
دارلين باحراج: طيب عن اذنكم انا
شاهد: غبي وهتفضل طول عمرك غبي قداميي
زاهد:يا عم اسكت بقا يعني انت عمرك ما عكست
شاهد: انا مقصدش انك متعاكسش انا اقصد انك عكست البت الحلوه دي و مسبتهاش لاخوك 🙂
زاهد ضحك ولفله وبيظبط الببيونه:لا حلوه البدله والقاعه والحاجات دي احسن يكون فرح امي وانا معرفش
شاهد: شششش هتسمعنا ادخل ونتفاهم جوا وهعمل الب عايزه 😅😃
زاهد: ايوا كدا ناس مبتجيش غير بالعين الحمرا
_ دخلو الاوضه اما سهير راحت عند خلود وخبطت على الباب وهي بتبتسم
حمزه بصوت واطي :انتي مستنيه حد قولتي لحد يجي
خلود: لا والله ابدا
حمزه:انتي لسه هتتكلمي انطقي قولي مين
خلود: احم ميين
دارلين: انا جايه اديلك الي طلبتيه حضرتك
حمزه استخبى ورا الباب و قالها تدخلها وخلود فتحت الباب بابتسامه ودارلين استغربت جدا لانها مش جاهزه ومفيش ميكب او اي حاجه دخلت وراها علشان تحط الصينيه على الطربيزه ولسه هتتكلم حمزه طلع و خبطها بفاظه خبطه قويه على راسها بدأت الرؤيا تقل قدامها لحد ما فقدت الوعي
خلود: عاااااااااا ايه الي عملته دا انت متخلف دي ممكن تموت
حمزه: ملكيش دعوه انتي اخلصي دخليها معاكي بدلو اللبس بسرعه انتي فاهمه
خلود بعياط: حاضر حاضر
دخلت وسحبتها معاها ولبست لبس الخدامين و لبستها فستان الفرح وطلعت لحمزه بسرعه
حمزه بسرعه: خلصتو
خلود: اه هنعمل ايه فيها دي
حمزه: جيبيها معايا قعديها هنا
خدوها قعدوها على الكرسي و خبولها وشها بالطرحه البيضا و كانت ضهرها للباب وهي لسه فاقده الوعي وحمزه خد خلود وجريو وحاولو يستخبو وسط المعازيم لحد ما طلعو من القاعه
زاهد: يلا يا شاهد اكيد خلصو هما قالو هيخلصو دلوقتي
شاهد خد نفس بابتسامه: انا خلصت
زاهد مسك ازازة البرفان وراح حطله شويه وحضنه وهو بيضحك :الف مبرووووووك والله ما هبطل رقص النهارده انا فرحانلك اوي اخيرا الفرحه هتدخل البيت دا
شاهد: لا كدا هعيط يلا بينا يا عم
زاهد بضحك: يلا
طلعو وكلمو المصور علشان يصورهم وهو بيجيها من الاوضه
_على الجهة الثانيه🙆♂️
فاقت بتتوجع مسكت راسها بوجع ووقفت وبتحاول تفتح عينيها بالراحه تستوعب الي حوليها بس حست انه حركتها ثقيله بصت على نفسها لقت نفسها لابسه فستان الفرح
دارلين: دا دا دا ازاااايي.....😰
شاهد: يا عروسه يا عروسه انا العريس 😂
زاهد جيه من وراه وهو بيرقص: النهارده فرحه يا جدعاه النهارده فرحه يا جدعان🕺
دارلين لفتله بصدمه ومش عارفه تعمل ايه:ا ا انا انا
شاهد: امشي طلع يا ابني الناس دي عايز اول حد يشوفها
زاهد: ماشي يا عم😉
شاهد: اخلص يلااا
زاهد طلعهم ووقف برا شويه علشان يسيبهم براحتهم
شاهد بصلها : مش هتشيلي البتاعه دي بقا انا عايز اشوفك
دارلين اتوترت اكثر مش عارفه تعمل ايه
شاهد مسك الطرحه وبيرفعها علشان يشوف وشها وووو...
هنعرف بعدين🙆♂️
#جرسونه
#Aseel💞
في حد سعادته هتتدمر وحد ثاني سعادته هتتبني بس في طرف ثالث مظلوم في الحكاية دي يا ترى ايه الي هيحصلهم
#جرسونه(البارت الثاني)
شاهد مسك الطرحه ولسه هيرفعها علشان يشوف وشها وهو بيضحك وهي بصت تحت ومش عارفه تعمل ايه طب تتكلم طب هو هيعمل ايه دماغها وقفت كن كثر التفكير بس مخادش ثواني وكان رافع الطرحه
شاهد بصدمه: انتي انتي مين ابه الي جابك هنا انطقي
دارلين اتنفضت من مكانها من صوته وعياطها زاد :و و والله والله انا انا
شاهد على صوته اكثر:انتي لسع هتؤاؤيلي انتي مين خلووود فييييين
دارلين: انا معررففففش معرفش انا كنت جايه اديلها الكوبايه و....
شاهد: انتي هتحكيلي قصة حياتك يا بت انتي لو منطقتيش انتي حره ا
دارلين: ما انت لو اديتني فرصه اتكلم انا جرسونه كنت جايه اديلها الي هي طلبته ودخلت وراها و كانت مش حاطه اي مكياج مكانتش باينه انها عروسه اساسا واول ما دخلت حد خبطني على راسي من ورا انا مالي بقا
شاهد مسح وشه بعصبيه: يعني ايه يعننننييي اييييه
دارلين : معرفش هروح اغير الهباب دا و البس لبسي
زاهد خبط على الباب : جرا ايه يا عرسان متخلصونا يلا المعازيم و الناس تحت يلا يا شاااهد
ولسه هيفتح الباب شاهد غطى وش دارلين بسرعه ووقف جنبها وهو مبتسم علشان مش عايز يبينله ودارلين واقفه مصدومه وباصه لايديها الي ماسكها بقوه علشان متتكلمش
شاهد: يلا يا حبيبي اطلع واحنا جايين
زاهد:طيب هروح اكلم المصور علشان مننساش اللحظه دي😉
زاهد طلع وشاهد لسه هيمشي دارلين سحبت ايديها بقوه وبسرعه: انت مجنون انت موديني فين اوعى تفكر ولو للحظه اني ضعيفه انا انا واخده الحزام البينك في الكونغفو
شاهد بصلها: واخده ايه ؟!!
دارلين: حزام بينك في الكونغفو اصلي كنت بلعب مع اخواتي زمان وانا ااي كنت بكسب فادوني حزام بينك المهم دا مش موضوعنا 😡انت ماسك ايدي وموديني على فين انشاء الله مش رايحه انا في حته
شاهد: دلوقتي انا ميهمنيش لا خلود ولا غيرها انا يهمني الناس الي تحت دي كلها و اخويا مستحيل اقوله بعد الفرحه الي حاسس بيها دي كلها اني مش هتجوز وانها هربت
دارلين: لحظه لحظه بس وانا مالي بالحوارات دي كلها وجو حب الاسره دا عيشه مع اخوك انا طلعني منهة مليش فيه
شاهد: لا وهو انتي متعرفيش
دارلين: لا معرفش محدش قالي
شاهد بسخريه: مش انا هتجوزك انتي
دارلين باستهزاء: يا راجل والله صدقتك اجري اجري اجري برا يا شاطر العب بعيد علشان متتعورش
شاهد: هديكي الي انتي عايزاه بس توافقي
دارلين: انت مفكرني من الي تعرفهم انا مش باخد بالفلوس يا بابا بقا اتجوز وادخل حياة جديده علشان قرشين انت اتجننت اكيد صح
شاهد: هديكي ١٠ دقايق تفكري مش اكثر هنتجوز ٥ او ٦ شهور بالكثير علشان كلام الناس وكمان اما اشوف هنعمل ايه وهظهرك ازاي قدامهم وهعملك الي انتي عايزاه و المبلغ الي عايزاه هتخديه
شاهد طلع برا وعمل نفسه بيتأكد من كل حاجه قبل ما يطلعو و بص في الساعه وابتسم باستهزاء علشان متأكده انها هتوافق : عدو العشر دقايق
المصور كان واقف وشاهد راح خبط على الباب بابتسامة ودارلين فتحت الباب وهي مبتسمه
شاهد بابتسامه: جاهزه يا قلبي
دارلين:جاهزه😥
شاهد حط ايديها في ايده و كل دا و المصور بيصور و زاهد كان تحت في القاعه بيستقبل الضيوف
شاهد وهو لسه بيبتسم بيتكلم بصوت واطي: انتي اسمك ايه ماهو مش معقول هتحوز واحده معرفش اسمها
دارلين: اسمي دارلين
شاهد: دارلين ايه اخلصي علشان الحق اتفق مع المأذون
دارلين: دارلين احمد السيوفي
شاهد:وانا شاهد الجندي واكيد هنتعرف على بعد اكثر بعد الفرح
دارلين: هو انت هتعرف قصه حياتي انت اخرك تعرف اسمي😡قال يتعرف عليا
شاهد: انا محدش يعلي صوته عليا انتي فاهمه😡لولا الناس كنت وريتك الوش الثاني (زقها براحه علشان محدش ياخد باله )امشي وانتي ساكته
دارلين مشيت ووصلو للسلم بصت على الناس الي تحت كلهم عينيهم عليهم هما بس حست انها مس قادره تمشي من كتر العيون الي عليها هي وشاهد تخيلو تكونو بتشتغلو وفي غمضة عين يكون فرحك وعلى شخص بسه عارفه اسمه دلوقتي 😥💔
نزلو من على السلم و شاهد بيحاول يتصنع الابتسامه بس من جواه هيموت و يعرف ليه خلود عملت كدا ليه وراحت فين وازاي هيتجوز واحده ثانيه ميعرفش غير اسمها حتى في فبالو مليون سوال مش عارف جوابه بس بيحاول يستعد للي جاي😓💔
راحو قعدو على الكوشه ولسه العيون كلها عليهم وسط الارتباك بتاعهم ووسط المباركات من الناس الي عماله تيجي وتروح عليهم لحد ما وصل المأذون وقعدو لحد ما قال جملته الشهيره
《بارك الله لكما وبارك عليكما و جمع بينكما في خير》
هما الاثنين حسو كأن قلبهم وقف بصو لبعض بخوف وهو قرر انه هيوريهم مين الي بقت مراته وقفو هما الاثنين ورفع الطرحه من عليها بقت بفستنها الابيض و طرحتها الطويله الي ورا و هي باصه للارض حابسه دموعها بالعافيه🥺
الكل بفا بيبصلهم بصدمه وصوت الناس الي بتتكلم بدأ يعلى و زاهد راح جنب شاهد باستغراب: هو ايه ااي بيحصل ومين دي يا شاهد انت ساكت ليه رد عليا
شاهد تجاهله تماما وقال لبتاع الديجي يشغل الاغاني وشغل الاغاني ومسك دارلين وبدأ يرقص معاها لحد ما جيه ابو وام خلود وزقوه: فين بنتنا و مين ديييي
شاهد بسخريه: والله انتو جايين تسالوني انا بناكو فين بنتكو المتربيه هربت و مش عارف هي فين روحو شوفوها يمكن كانت بتحب ولا حاجه 🤨
ابو و ام خلود سكتو ومتكلموش ثاني علشان افتكرو تنها فعلا كانت بتحب حمزه و انهم اجبروها على الجوازه دي فقررو انهم ينسحبو
_فضل الفرح شغال زي اي فرح فب ناس كثيره مشيت وكانو اغلبهم يقربو لخلود بس في ناس اكثر كانو قاعدين
وخلص الفرح وركبو العربيه و مشيو روحو
*****************
《بارك الله لكما وبارك عليكما وجمع بينكما في خيير》
حمزه قام حضن خلود من فرحته و كانو هيموتو من الفرحه
خلود :مبروك يا خلود
خلود: انا هموت من الفرحه كان زماني مراته دلوقتي
حمزه بغضب: انتي ليه كل شويه تفكريني انسي بقا 😡
خلود بسرعه: خلاص خلاص والله انا اسفه بس كل تفكيري ايه الي هيحصى مع اهلي دلوقتي وتعتقد البنت دي بقت مكاني فعلا انا خايفه
حمزه: متخافيش انا جنبك وبصراحه مش عارف ايه الي هيحصل مع اهلك
خلود بصتله بخوف وهو كذلك ومش عارفين يتكلمو يقولو ايه 😓
********************
السواق سايق العربيه بتاعت ابو خلود و ام خلود
_ابو خلود اسمه خالد الصاوي وامها اسمها نسرين
خالد بدأ يفك زرار القميص الي فوق بخنقه ووشه بقا احمر من كثر العصبيه
نسرين: اهدى يا خالد مش كدا والنبي😥💔
خالد: اهدى اهدى انا لو شوفتها هقتلها دي خلت وشي في الترض قدام الناس مش هرحمها بنت......
نسرين:اهدى و النبي هتروح مني
خالد : مش قادر مش قادر حاسس اني تعبان اوي
نسرين: مالك يا خالد
خالد بدأ يغمض عينه وفجأه نسرين لقت خالد بيوقع عليها
نسرين :خااااللللد
تعتقدو قرار خلود صح ولا غلط 😥وايه الي هيحصل مع خالد و ابطلنا لسه الحكاية مبدأتش💞